|
|
|
 Re: صحي نحن ( شينين) (Re: khaleel)
|
| Quote: كضب اليابا الجنيات |
معلمه الله سماحتن ترمي في الشوك انا غايتو شايفه بنات السودان سمحات تب
كان كنت بعرف انزل الصور كان نزلت ليك عينه من بناتنا .
| |
 
|
|
|
|
|
|
|
|
Re: صحي نحن ( شينين) (Re: nazar hussien)
|
Quote: تفتكر جابت الكلام دا من وين...وهي مولودة هنا...ومشت السودان شهر واحد وهي عمرها سنة
يعني الشنا عندنا ...ما فيها نقاش تب... |
نزار حسين
انها الفطرة بتك اكيد حاتكون شيخة كبيرة بعدين
زمانك كانو بحجونا بالحلوف وككو حليمة
عشان كدة اتقطعنا عليهم
| |
|
|
|
|
|
|
|
|
|
Re: صحي نحن ( شينين) (Re: khaleel)
|
نجي للمشكلة الكبيرة
اذا كنت (ولد) وبك شوية حسن او وجاهة ما عايز اقول جمال
ستواجه بعواقب وخيمة مثل ايران وبرنامجها النووي
اولا ناس كتار حايعملو فيها رجال علي حسابك
ثانيا قد تتعرض لمضايقات او تحرش جنسي من المراهقين وبتاع الفرن والعجلاتي وبتاع الدكان
ثالثا اجيبوا ليك لاعبين الكرة المشهورين عشان اتعرفو بيك
رابعا البنات اكرهنك
واذا ما كان قلبك حار وتعرضت لمراقبة لصيقة
ممكن تمشي اللقيط او تلحق سجناء ابو غريب
| |
|
|
|
|
|
|
|
|
|
Re: صحي نحن ( شينين) (Re: khaleel)
|
اخي خليل
بتفق معاك انحنا شينين شنه مرة والاسباب كثيرة لكن حلوين بكلماتك التى اشعلت الغيرة في البورد رجال ونساء واطلقت احاسيس مكبوتة
فى ايام حرب الخليج كنت فى مركز الشعلة بالخبر قبل انهدامه وكان ماشي معاي اخ عزيز بلغ الخمسين ولسع شاعر انه مسيك قطعت قدامنا واحدة امريكية كوماندوز فت فت ماشة عاين لى كده وقال بالله ديل نسوان ونسوانا نسوان الواحد معرس ود عمه وصابر ساكت
صحبى مسيك وشين برضو ذي ود عمه
تحياتي
| |
|
|
|
|
|
|
|
|
|
Re: صحي نحن ( شينين) (Re: عمر التنى)
|
Quote: فى ايام حرب الخليج كنت فى مركز الشعلة بالخبر قبل انهدامه وكان ماشي معاي اخ عزيز بلغ الخمسين ولسع شاعر انه مسيك قطعت قدامنا واحدة امريكية كوماندوز فت فت ماشة عاين لى كده وقال بالله ديل نسوان ونسوانا نسوان الواحد معرس ود عمه وصابر ساكت
صحبى مسيك وشين برضو ذي ود عمه
تحياتي |
استاذي عمر التني
عارف اسواء شي
حكاية غطي قدحك
وفعلا ممكن تكون بت عمك تشبه ابو القدح
لا تعرف تطلقها لا تعرف تقعد معاها
وتشوشو بي نسوان التلفزيون السمحات ديل
وتمسك الكاروشة
| |
|
|
|
|
|
|
|
|
|
Re: صحي نحن ( شينين) (Re: khaleel)
|
الاخ الـحبـيب الـحبـوب،
تـحـية ( حلوة ) لشـخصك الـحلو...
غـايتـو نـحـنا الـحلفاوييـن حلوييـن و.." خـاطف لـونيـن " ومن نسـل سـيدنا مـوسـي، الـذي هـو من " انـدينا "، وناس دهـب !!!وكلمـة " نوبة"
تعـني تبـر الـدهـب، وفـوق كـدة البـلابل غـنوا:" حلوين حـلاوة"، وشـكلنا
تلقاة مـرسـوم فـي الـمعـابد القـديـمة:
" نـحــنا كــدة، إنتـــو كـيـف????.
| |
|
|
|
|
|
|
|
|
|
Re: صحي نحن ( شينين) (Re: بكري الصايغ)
|
ياكيكى
| Quote: الجمال عموما امر نسبي وموغل في النسبية ومقياس تذوق الجمال يختلف حسب البيئة والثقافة |
عارفك بتجيب زى الكلام دة ماخزلتنى تب !!!!
تحت تحت كدة خليل فتح البوست دة عشان تاخد ليك اجازة من المنبر يومين
تلاتة ولا خليك فى خرمجتك البتسوى فيها من امس دى
احمد التجانى (ابوصلعة)
ودى عشان الفيك بدر بيه
| |
|
|
|
|
|
|
|
|
|
Re: صحي نحن ( شينين) (Re: Hatim Al Jed)
|
Quote: عارفك بتجيب زى الكلام دة ماخزلتنى تب !!!!
تحت تحت كدة خليل فتح البوست دة عشان تاخد ليك اجازة من المنبر يومين
تلاتة ولا خليك فى خرمجتك البتسوى فيها من امس دى |
مرحب يا تجو...والكويس انك جيت مهرجان الشنة الاسفيري
وبعدين مكنة كيكي شين دي بقت اسطوانة قديمة تجاوزناها في زمن تطور الطب الذي في استطاعته
تصغير الشلوفة وشد الوجه...
لكن الكلام في شنات ودالجلابة الكلو كلو ما بتبلع دي...وبالذات لو عندو نظارة وصلعة..
وبعدين ياخي اجازة وين وتراجي مافي...!!!
تسلم يا ابوصلعة يا وريف..
| |
|
|
|
|
|
|
|
|
|
Re: صحي نحن ( شينين) (Re: khaleel)
|
و الله صاح صاح و الف صاح
و الله انا ذاتي قال روحي ما شين
و كنتا عامل فيها زمان خلاط و حنكوشة
عرفتا روحي عمك تنقو مجكس تنقويا
سماحة شنو و انا لمن اعاين في المراية لي وشي لمن بطني تطم
و الله الواحد لو ما خايف ساكت من الجندر ده يقول ليكم هم زاتهم شينين
و الله انا مشيت جنوب افريقيا يعني ما مسالة لون
شفتا السود بتاعين جنوب افريقيا سمحيين كيف
المشية المظبطة الهندام السمح الملابس المتناسقة
الذهب الشوية غويشة غويشتين و حلق و حاجات بسيطة
مش زي الجماعة العندنا يكملو قروشك كلها دهب و معاها بوز طويل و زعل
و كمان يخوفوك
شوفو المحن النحنا فيها
انا خايف في الجنة( ان شاء الله صبرنا علي الشنا ده براهو بدخلنا الجنة )
تنطبق علينا نكتة الشافع السعودي سال ابوه قال ليهو
انتا يا بوي في الجنة يجوكم الحور العين
ناس ماما يرحو وين في الجنة
ابوهو قال ليهو يرحو للسودانيين الفي الجنة
يعني في الجنة درجة تانية
| |
|
|
|
|
|
|
|
|
|
Re: صحي نحن ( شينين) (Re: domdom)
|
يا ولاد هوي خلقه الله كلها سمحه ما في اي زول شين والكلام الطبع والاخلاق وما في زول يغالطني نحن اهل السودان كلنا سمحين وسماحتنا كوتر
| |
|
|
|
|
|
|
|
|
|
Re: صحي نحن ( شينين) (Re: domdom)
|
Quote: و الله انا مشيت جنوب افريقيا يعني ما مسالة لون
شفتا السود بتاعين جنوب افريقيا سمحيين كيف
المشية المظبطة الهندام السمح الملابس المتناسقة
الذهب الشوية غويشة غويشتين و حلق و حاجات بسيطة
مش زي الجماعة العندنا يكملو قروشك كلها دهب و معاها بوز طويل و زعل
و كمان يخوفوك
انصر دينك ياخ دها الموضوع الكنت حاناقشه
انت نسوانا ديل جابن الكرعين الرقاق ديل من وين
شفنا النسوان التانيات المراة كراعها زي لوح التلج
او طفاية قاعة الصداقة
نسوانا الواحدة كراعها تبضح الجدادة
بعد الكريمات الوش ميرندا والكرعين كولا
بعشوم بس
| |
|
|
|
|
|
|
|
|
|
Re: صحي نحن ( شينين) (Re: doma)
|
Quote: اسمع يا دوم دوم وانت شناتك دي البتقبل بيها منو غير السودانيه ؟؟؟
|
اسمع ممكن اعرس ليك سورية
احلي من سلاف فواخرجي
( اموت ركن في سلاف فواخرجي )
والله العين قدر كباية الشب
| |
|
|
|
|
|
|
|
|
|
Re: صحي نحن ( شينين) (Re: khaleel)
|
Quote: انت نسوانا ديل جابن الكرعين الرقاق ديل من وين
شفنا النسوان التانيات المراة كراعها زي لوح التلج
او طفاية قاعة الصداقة
نسوانا الواحدة كراعها تبضح الجدادة
بعد الكريمات الوش ميرندا والكرعين كولا
بعشوم بس |
قول يا خلي كلامك صاح...اها انت البكسرك في الشنة دي شنو...زيدان وهاشم ميرغني ما خليت ليهم
شريط...وعامل الود حبييب البوديك تحب الشنة..(سنو) ما شنو !!!
ولا شنة لاقا شنة..!!!
| |
|
|
|
|
|
|
|
|
|
Re: صحي نحن ( شينين) (Re: عبدالكريم الامين احمد)
|
نرجع للمراة
البت تكون سمحة لي قدمها والبنات خدمها
تتزوج والسنة الاولي لسع في حلاتها
بس تقوم تنجب احصل خراب مالطا
اشكبوها ليك مديدة حلبة
ومديدة تمر
تبقي سمينة وعندها كرش
تاني بتعريفة ما تشتريها
ما شفت ناس شمس البارودي
والله اشهن في الولادة زي ما قالت حبوبتي
| |
|
|
|
|
|
|
|
|
|
Re: صحي نحن ( شينين) (Re: khaleel)
|
كتب عبد الكريم
Quote: وبعدين ياخي اجازة وين وتراجي مافي...!!!
|
و الله إنت أجمل زول في هذا المنبر
مالي أكتم حبا قد برأ جسدي *** و تدعي حب سيف الدولة الأمم
تحياتي
عاشق بخت الرضا
| |
|
|
|
|
|
|
|
|
|
Re: صحي نحن ( شينين) (Re: عمار يس النور)
|
يا جماعة الخير الجمال في السودان ليهو نقاط قوة ونقاط ضعف: نقاط القوة تكمن في الوجه، خاصة في الابتسامة المعززة بالأسنان التي يوليها السودانيون اهتماما بالغا لا نجده فيالكثير من الدول العربية والغربية كفرنسا ومثيلاتها. كما أن لون العيون المنتشر في منطقة القرن الإفريقي (اثيوبيا - ارتريا - الصومال - السودان - جيبوتي) له جماليته الخاصة.
نقطة ضعف الجمال السوداني هي القوام.. وأظن أن المرأة السودانية اكتشفت نقطة الضعف هاته مبكرا فاحتمت بالتوب! الذي يغطي على عيوب القوام ويجبرك على التركيز الوجه عشان يجيب كثافتك!
من أكبر أعداء الجمال في السودان: محاولات التسمين التي تقوم بها النساء والتلاجات التي يحملها الرجال أينما حلوا وارتحلوا وضعف الأناقة والغبار والشمس والعرق الذي يجعل من الصورة التلفزيونية كارثة: فالمزيعون عراقنين والممثلين كذلك والضيوف.. والإضاءة تمثل الطامة الكبرى (قارن بين جماليات الصورة في قناة النيل الأزرق والقناة الفضائية السودانية).
| |
|
|
|
|
|
|
|
|
|
Re: صحي نحن ( شينين) (Re: محمد الأمين موسى)
|
| Quote: يا جماعة الخير الجمال في السودان ليهو نقاط قوة ونقاط ضعف: نقاط القوة تكمن في الوجه، خاصة في الابتسامة المعززة بالأسنان التي يوليها السودانيون اهتماما بالغا لا نجده فيالكثير من الدول العربية والغربية كفرنسا ومثيلاتها. كما أن لون العيون المنتشر في منطقة القرن الإفريقي (اثيوبيا - ارتريا - الصومال - السودان - جيبوتي) له جماليته الخاصة |
محمد الامين
اشني حاجة في السودانيين الوجه
بعدين في ناس عندهم قدوم
بعدين في ناس رووسهم كبيرة
بعدين الكرشة بعدين الطول والصعفة
والله يقطعو الخميرة
| |
|
|
|
|
|
|
|
|
|
Re: صحي نحن ( شينين) (Re: بكري الصايغ)
|
| Quote: .... الـفنانة عـشــة الفلاتيـة غـنت " يـجـوا عائـديـن ان شاءاللة عـائدين"...... قـام ولاواحـــد رجـــع |
شوف بالله جمال صوت عشة الفلاتية
عندما تغني كانها الملائكة
| |
|
|
|
|
|
|
|
|
|
Re: صحي نحن ( شينين) (Re: معتصم الطاهر)
|
Quote: انت نسوانا ديل شعرن قصار مالو
كل كريمات الدنيا ما طولنو |
خلي الفردة سلام
عن ياتو نسوان تتحدث احتمال نسوانكم براكم قبلكم وحدكم
ود ارو الشباب الحلو
ولو داير الجمال في القلعة امدرمان
الاحفاد - الاهلية - مامون حميدة - التقانة ونحن برانا وما همانا
ياخلي يا اخوي الظاهر عليك مارجعت قريب للسودان جمال ماعادي زي ما بغني صديقي اسامة الشيخ
| |
|
|
|
|
|
|
|
|
|
Re: صحي نحن ( شينين) (Re: Mutwali Malik)
|
Quote: خلي الفردة سلام
عن ياتو نسوان تتحدث احتمال نسوانكم براكم قبلكم وحدكم
ود ارو الشباب الحلو
ولو داير الجمال في القلعة امدرمان
الاحفاد - الاهلية - مامون حميدة - التقانة ونحن برانا وما همانا
ياخلي يا اخوي الظاهر عليك مارجعت قريب للسودان جمال ماعادي زي ما بغني صديقي اسامة الشيخ |
متولي مالك
بديك قلبي وما تودرو
وريهو الطريف البسهروا
وريهو الشباب الحلو الفي ود ارو
الجمال يا ناس سوي لي خلعة
في الركابية وحي القلعة
امدرمان دي خالة خاصة يا متولي
| |
|
|
|
|
|
|
|
|
|
Re: صحي نحن ( شينين) (Re: معتصم الطاهر)
|
Quote: انظر يمينك
ثم أعلى الكتابة
ثم فى المرآة ..
ثم الى رد الأحت عزاز ... |
بتأكيدي على رأي السابق بأننا شينين شناة مرة خلاس،
أود أن أذكر بأن للقاعدة دائما شواذ
ناس جميلة
و بجدارة
شذوا عن (قاعدتي) خلقة وأخلاق ...
** تصريحي بشناتنا المرة لا يشمل من أحبهم وعائلاتهم ومن سكن جنبهم أو شرب شاي المغربية في بيوتهم، وأحب اهدي أهلي في الشمالية أغنية (يمه القمر على الباب)
| |
|
|
|
|
|
|
|
|
|
Re: صحي نحن ( شينين) (Re: hajhamad)
|
Quote:
نزار حسين
انها الفطرة بتك اكيد حاتكون شيخة كبيرة بعدين
|
يا خلي....نحن عندنا زول ضبحوا وسموه الشين...
اولادو لامن كبرو دخلوا الثانويات غيروها لي الشاين...
استاذ الانجليزي وكان ساخر جدا وهو بعرف ابوهم ...قال ليهم
يعني عاملين فيها جننتو الانجليزي...هسي ابوكم دا شاين...والله دا بي ليفة حديد ما يبقي شاين
اخير ليكم تمسكو في العربي وتقلبوه شين...الانجليزي دا اختوه وهسع كان اديتكم اسبيلنق في ابوكم
ما بتنجحوا وهم كانوا في اولي وتانية ثانوي عام. ومن داك الوقت قلبوه شين
| |
|
|
|
|
|
|
|
|
|
Re: صحي نحن ( شينين) (Re: hajhamad)
|
| Quote: يا خليل يا أخوي نحن ما شينين شينين ديل |
حاج حماد
ما عندكم بنات زي ديل
بغتسوا الحياة الزوجية
ممكن نعرسها وندفع ليها مهر قطعة ارض في قرية صالحة جنب المطار الجديد
| |
|
|
|
|
|
|
|
|
|
Re: صحي نحن ( شينين) (Re: khaleel)
|
خليل سلامات وكل سنة وانت طيب
ياخي شنات شنو هو السودان بقي فيها زول شين الزمن ده
باين عليك طولتا منو
لما ترجع السنة دي امشي الاحفاد والاهلية التقانة ومامون حميدة وادينا رايك
Quote: رحاب خليفة
والله انا احلي من الفست برسلي
واي جكساية بكسرها |
رحاب قولتي لي شين براهو ????
| |
|
|
|
|
|
|
|
|
|
Re: صحي نحن ( شينين) (Re: سارة حمزة)
|
Quote: خليل سلامات وكل سنة وانت طيب
ياخي شنات شنو هو السودان بقي فيها زول شين الزمن ده
باين عليك طولتا منو
لما ترجع السنة دي امشي الاحفاد والاهلية التقانة ومامون حميدة وادينا رايك
|
سارة حمزة
ما عندكم غير الفرمالات دي
وين باقي السودان
والله شدة ما شينين اشركوا اشركوا بيهم لي الضباع
| |
|
|
|
|
|
|
|
|
|
Re: صحي نحن ( شينين) (Re: نادر)
|
Quote: Quote: الفست برسلي
|
ايوة يا نادر
انا اوجه منو
وحاتزوج واحدة بهذه المواصفات
خصر اليسا
وقوام عجرم
وانوثة هيفاء وهبي
( حوش صاحبك عني خليل صاحبك جنني خليل)
| |
|
|
|
|
|
|
|
|
|
Re: صحي نحن ( شينين) (Re: نادر)
|
خلّو ..
جيتني في جرح ..
ياخ أنا تعبان من شناتنا دي جنس تعب ..
كلو كوم و اللون البني ده كوم تاني ..
أصلا هو لون بايخ .. و دمه تقيل ..
لوننا بني .. شعرنا بني .. واطاتنا بنية .. بيوتنا بنية .. عيوننا بنية .
بقو الرجال العندهم قروش .. يعرسو بناتنا ( نحن الفقرا ) السمحات ..
بعد شوية كده .. ح تكون السماحة و القروش في جهة ..
و الشنا و الفقر في جهة تانية ..
أها .. خُم و صُر .
| |
|
|
|
|
|
|
|
|
|
Re: صحي نحن ( شينين) (Re: سامى عبد الوهاب مكى)
|
Quote:
خلّو ..
جيتني في جرح ..
ياخ أنا تعبان من شناتنا دي جنس تعب ..
كلو كوم و اللون البني ده كوم تاني ..
أصلا هو لون بايخ .. و دمه تقيل ..
لوننا بني .. شعرنا بني .. واطاتنا بنية .. بيوتنا بنية .. عيوننا بنية .
بقو الرجال العندهم قروش .. يعرسو بناتنا ( نحن الفقرا ) السمحات ..
بعد شوية كده .. ح تكون السماحة و القروش في جهة ..
و الشنا و الفقر في جهة تانية ..
|
عماد عبدالله
بالله شفت الحرمة الجات قبيل دي
والله التقول عضم مافيها
وعلي ابراهيم اللحو الزمن دها كلو غاشينا
الجمال الاصلي في السودان
| |
|
|
|
|
|
|
|
|
|
Re: صحي نحن ( شينين) (Re: سامى عبد الوهاب مكى)
|
يا خليل هذا بعض ما احفظ من حوار حلمنتيشي بين واحد ذي حالاتك وحبيتو
قلت عشانها اخد صوره اصور
لبست قميص جديد احمر
تحرمني منك يا عبد
وعاد انحشر في جينز بس مصران عتود
دخلت فيهو بعد جبد
وفنله صوف والدنيا صيف ما ايام برد
اما الشعر شعر الجبال
اكسر خلال و اجيب خلال
جلطو بفيراط دهان
ورفعت ليك حاجبي اليمين وصل الاضان
ونزلت ليك حاجبي الشمال
وطلع الكرت
وشلت الكرت
وبتكم عديل امد الصوره متكبب
تقومي تقول لي سجم خشمي
شنه مره .. شناة شيتا
دي صورتك ولا عفريته
عفريتـــــــه؟؟؟
عفريت يكفتك يا شينه ماك شبه البنات
يعوج خشيمك الاصلو معوج يلفتك
انا لو لقيت غيرك تضحي تحبني ما كنت اصلا بقربك
انا قلت عينك مثل عين الغزال
اريتو عينيك بالرمد
انا قلت ليك خدك عصير البرتقال
صدقتي يا شوم ليك خد
خدود شنو عندك جضوم كل البشوفن ما بنوم
لو شربو جردل بنج
هناك ابيات كثبره هربت من الذاكره الخربه
| |
|
|
|
|
|
|
|
|
|
Re: صحي نحن ( شينين) (Re: Omar Bob)
|
Quote: عفريت يكفتك يا شينه ماك شبه البنات
يعوج خشيمك الاصلو معوج يلفتك
انا لو لقيت غيرك تضحي تحبني ما كنت اصلا بقربك
انا قلت عينك مثل عين الغزال
اريتو عينيك بالرمد
انا قلت ليك خدك عصير البرتقال
صدقتي يا شوم ليك خد
خدود شنو عندك جضوم كل البشوفن ما بنوم
لو شربو جردل بنج
هناك ابيات كثبره هربت من الذاكره الخربه |
شكرا المهندس عمر بوب
ولعلك تذكر قصيدة ربيع طه
شينة ووجع وشك عفن
يا الوجنتيك زي ركبتيك
جيبي سفة وحفطي
| |
|
|
|
|
|
|
|
|
khaleel
cantona_1
عبدالكريم الامين احمد
ريهان الريح الشاذلي
اسماء الأمين
Rihab Khalifa
عبد المنعم سليمان
الفاتح يوسف جبرا
smart_ana2001
حيدر حسن ميرغني
salma subhi
أبو الحسين
عمار يس النور
nazar hussien
doma
Salah Musa
Adam D.El-Asha
محمد الأمين موسى
حبيب نورة
معتصم الطاهر
Mutwali Malik
بدرالدين شنا
hajhamad
Emad Abdulla
Omar Bob
فيس بوك
تويتر
انستقرام
يوتيوب
بنتيريست