|
|
 الفنان محمد الامين يسكن في منزل بالايجار هل تشيد له الحكومة منزل تصويت لو سمحتوا
|
في احد المطاعم بالدوحة جلست مع مجموعة من المهندسين اسامة طارق فريد وعبد الوهاب
وكانت سيرة الفنان محمد الامين وذكر واحد من الحضور ان استاذنا محمد الامين ما زال يسكن بالايجار
فهل تشييد له الحكومة منزلا
تباينت الاراء
احد الحضورقال لماذا تشيد له منزلا اولي للحكومة ان تشييد منزلا لاستاذ جامعي درس للمدة ثلاثين عاما
وخرج مجموعة من الاجيال
او تشييد منزلا لعامل عمل في الادارة المركزية خدم السودان عشرات السنوات
هل يستحق مبدعونا منزلا
محمد الامين وردي جكسا محجوب عبيد واخرون
رايكم لو سمحتو
|
|
 
|
|
|
|
|
|
|
|
Re: الفنان محمد الامين يسكن في منزل بالايجار هل تشيد له الحكومة منزل تصويت لو سمحتوا (Re: khaleel)
|
Quote: سامر
حسب معلوماتي المتواضعة مازال مستاجرا
وبعض الفنانات بالسودان لهن تلات عمارات |
الحبيب خليل ...
المصيبه محمد الامين ما بينفع يكون فنانات !!!! الفنانات ديل بيوفرن القريشات وبيقولن القرش الابيض لليوم الاسود !!!!
هل تعلم يا الخليل ... الفنان البسيط الانسان ابو عبيده حسن ... في مستشفي التجاني الماحي ... ولا حتي في زول بيسأل منو .... والمصيبه انا لمن سافرت السودان .. سألت منو قالو لي الزول اتوفي الي رحمة مولاه .. والراجل حي يرزق في مستشفي الامراض النفسيه في امدرمان ...
زمان كان في مثل بيقول ...يا كفر يا وتر .... باين الوتر الزمن ده ما نافع ...
| |
|
|
|
|
|
|
|
|
|
Re: الفنان محمد الامين يسكن في منزل بالايجار هل تشيد له الحكومة منزل تصويت لو سمحتوا (Re: Mustafa Shogar)
|
محمد الامين منتج ومبدع يمكنه بناء منزلا اذا اجبر الاذاعه والتلفزيون وشركات الكاسيت والمغنين الهابطين الذين ينبحون باغنياته على دفع حقوقه الماديه ان فعل ذلك بامكانه بناء منزلا من عده طوابق كذلك يمكن لمعجبيه عبر مجهود شعبى جمع تبرعات لبناء منزلا له اما الحكومه مهما كان لونها واتجاهها فليس من مهامها بناء منزلا له بل عليها اولا توفير علاج مجانى لكافه المواطنين وتعليم مجانى فى كافه مراحل التعليم حتى الجامعى اضافه الى اطعام الافواه الجائعه فى اصقاع البلاد وحواريها ومدن الكرتون والصفيح التى تحاصر العمائر الضخمه التى شيدها تجار الدين والسياسه ومصاصى الدماء....
لفت نظرى ورود اسم العالم الكبيرمحجوب عبيد علما انه حدق فى الموت قبل اكثر من خمس اعوام وهذا هو الرجل الذى يكشف عرى وسخف الدوله والمجتمع السودانى كتب احدهم عقب وفاته ان محجوب عبيد قد تعرض للضرب بسوط من شرطى فى صف" لاحظوا عالم بهذه الهامه يقف فى صف مع المواطنين العاديين " داخل مبنى جهاز العاملين بالخارج لان الشرطى لم يعرفه رغم ان الرجل له نظريات عالميه باسمه تدرس فى جامعات العالم كما ان معلمه الانجليزى بحنتوب فى ماده الرياضيات كان يضع ضمن الاسئله فى الامتحان مسائل محددة يكتب عليها special for mahjoub والمبدع السودانى الاخر الذى يفضح زيف المجتمع والدوله السودانيه هو المسكين المنسى الشاعر محجوب سراج الذى يرقص السودان كله على اغنياته التى يتكسب من ريعها اكثر من مغنى كابن الباديه وصلاح مصطفى وغيرهم وهو يرفل فى المرض والذهول والفقر فهو الاجدى باموال الدوله لانه خارج دائره الكسب..
| |
|
|
|
|
|
|
|
|
|
Re: الفنان محمد الامين يسكن في منزل بالايجار هل تشيد له الحكومة منزل تصويت لو سمحتوا (Re: khaleel)
|
انا شخصيا حضرت لمحمد الامين حفلات فى الامارات
والحفلة بخمسة عشر الف دولار .
واتذكر فى بداية التسعينات عمل حفلة باكتر من المبلغ ده
وكانت البيوت فى المهندسين بما يعادل المبلغ ده صدبقة تجلس
جوارى ميلت على اذى وقالت هامسة بيت فى المهندسين طوالى مش
يبقى عوير يلم فيها بالسنين زيينا .
محمد الامين يملك الملايين وما بعيد يكون عنده البيوت اشكال والوان
الحكومة تبنى للمحتاج مش لاصحاب الملايين .
ولى عودة
ام وضاح
| |
|
|
|
|
|
|
|
|
|
Re: الفنان محمد الامين يسكن في منزل بالايجار هل تشيد له الحكومة منزل تصويت لو سمحتوا (Re: khaleel)
|
الموسيقار محمد الامين موسيقار وعلى عينا وراسنا..
فنان مافي كلام ..
لكن وحسب الروايات بل وحسب إحتكاكنا معه كطلاب جامعات كنا نحتاج أن يقيم لنا الحفلات الخيرية من أجل ان نعدم جمعياتنا فقد كنا نجد منه كل الرفض..
لا يهمه سوى المال وتسليمه له كاملاً غير منقوص !!!!!
في إحدى المرات قرأت في الجريدة هجوم عنيف على ود اللمين بسبب تعليق قاله لشخص ذهب إليه من أجل تكريم الراحل ملحن الخالدي سليمان أبو داؤؤود فكان رد ابو اللمين :
الحي أولى من المييت ونحن محتاجين للقروش أكتر من سليمان!!!!!!
الرد منشور في صحيفة الدار عشان ما الناس تقول لي ده كلام ساي ..
عن نفسي اكاد أجزم ان ود اللمين لو أراد منزلاً ملكاً لقام بتشييده في لحظات فما جناه من الحفلات الخيرية إبان عودته يكفي لذلك ...
وسمعت من مصدر وغير متأكد من ذلك بأن متعهد حفلات ود اللمين كانت زوجته حيث كانوا يرفضون أي شخص اخر...
يعني زيتنا في بيتنا..
عموماً وبعيداً عن كل ذلك نتمنى ان يمتع الله الفنان ود اللمين بوافر الصحة والعافية ..
| |
|
|
|
|
|
|
|
|
|
Re: الفنان محمد الامين يسكن في منزل بالايجار هل تشيد له الحكومة منزل تصويت لو سمحتوا (Re: khaleel)
|
الموسيقار محمد الامين
يحتاج اكثر من منزل
فنان بعظمتة وقامتة
له دين كبير لهذا الوطن
ولهذا الشعب
وان كان البعض يتسأل عن فلوس الحفلات وما الى ذلك
فاعتقد ان العملاقة بمر بحالة صحية وسافر واجرى بعض العمليات الجراحية
ولم تقوم اي جهة بذلك
في الوقت الذي تكرمت الحكومة ومنمال الشعب واعطت لعثمان اليمني منزلاً
وبالتاكيد المقارنة ما بين عثمان اليمني والموسيقار محمد الامين معدومة .
نحن لا نطالب الحكومة بذلك
بل نطالب كيانات المجتمع المدني .
| |
|
|
|
|
|
|
|
|
|
Re: الفنان محمد الامين يسكن في منزل بالايجار هل تشيد له الحكومة منزل تصويت لو سمحتوا (Re: عمر الفاروق)
|
أتمنى من الله العلى القدير
أن يمتع مبدعي السودان بالصحة والعافية
وبالأخص فنانوا السودان
الذين رسموا خريطة الفن السودانى
والذى أحسب أن الدولة
والإعلام بصفة خاصة لم تلعب
الدور الذى تقوم به كل دولة
تجاه نشر ثقافة وطنها (الثقافة السودانية)
بما فى ذلك الفن بصفة خاصة.....
حيث نجد أن الفن
بشتى ضروبه من بين إحدى اللغات
التى يتحدث بها
كل مخلوق يتمتع بصفة السمع....
السادة أعضاء هذا المنبر وبالأخص قارئى هذا البوست....
ولمن تجذبه ردود الآخرين للرد على البوست...
أقول إن فنانوا السودان
أمثال هذا الهرم (محمد الأمين) وأمثاله..
محمد وردى.. حمد الريح ..أحمد المصطفى..ابراهيم عوض..
عثمان حسين..وأمثالهم لقد جاهدوا حق جهاد
فى نشر فنهم من غير دعم يذكر
فى نشر اللون الغنائى لشخصه بل لوطنه
بسبب القرارات التى لامعنى لها
هؤلاء العمالقة........
حقاً علينا تكريمهم بل من واجب الدولة
أن تكرم أمثال هؤلاء العمالقة
ليس ببناء منزل فحسب بل
بسرد تاريخ مسيرة الفن السودانى
من خلال إضاءة الشموع لتنوير
وإيضاح مشواره الفنى لكل منهم
مرات ومرات... من خلال برامج عدة مسموعة ومرئية
حتى نغزو العالم بفننا
ونحن نتحسر ونسمع ونشاهد أشعار لامعنى لها
فى الفضائيات التى ملأت كوكبنا...
وانا أحسب بفننا أن نصبوا لأعلى قامات الإشادة بفننا
لأن كلماتنا الشعرية أفصح وأكثر جذب للمتلقى
ومن أغنية عاد الحبيب
تلك أعذب الكلمات
عاد الحبيب فعادت الىَّ أحلى الليالى
عاد الحبيب فأهدى لكل قلب سلاما
ويكفى أن يكون فناننا المخضرم أمد الله فى عمره
(محمد وردى )
الذى رسم أعظم لوحة فنية (كلماتاً ولحناً وأداءً)
سجلت فى العالم الأفريقى والعربى بل بالعالم ككل
حيث نال شرف فنان أفريقيا الأول
على مدى عامين من الزمان
فلنستذكر كيف صار وردى
مرموقاً محبوباً بفنه
حتى أصبح كما هو عليه الآن...
وكل فنانوا السودان لهم حسن تقديرى
واحترامى ....
فلما لا نكرمهم.......
[email protected]
[email protected]
| |
|
|
|
|
|
|
|
|
|
Re: الفنان محمد الامين يسكن في منزل بالايجار هل تشيد له الحكومة منزل تصويت لو سمحتوا (Re: عبدالكريم الامين احمد)
|
العزيز خليل
اولا لاتوجد عندنا دولة زى باقى الخلق تهتم بهم وبطريقة حياتهم وصحتهم وتعليمهم وامنهم
الانقاذ تتعامل مع السودان كالملك الحر حلال عليهم وحرام على اى ابن كلب لم ينتمى للمؤتمر
الوطنى وياريت الموضوع لو وقف لحد كدة بل الانقاذ اعتبرت شعب السودان بقر حلوب بكل فئاته
حتى ستات الشاى لم يتركوهن فى حالهن
ثانيا يجب ان نفرق بين ابواللمين الفنان والانسان
ابواللمين الفنان اشجى واطرب الاجيال وهو قيمه كبيرة فى
وجدان كل سودانى لذلك له دين فى رقابنا لابداعه وفنه الراقى
كانسان ابواللمين كان يتقاضى اجور عالية فى كل الازمان ولى تجربة
شخصية معه لما كنت عضو فى رابطة ابناء مدنى ذهبت اليه ومعى معتصم ابراهيم
عشان فقط يقيف ويتكلم معانا فى دار الفنانين تطلب الامر ثلاثة زيارات وتوسط
الفنان ابوعركى البخيت ولم يوافق الا بعد ان سددنا له المبلغ الذى حدده هو
علما بان كل العازفين من ابناء مدنى متبرعين بالعزف مجانا وكذلك الترحيل والساوند
كان على حسابنا وكان المبلغ فى ذلك الوقت عام 89 تقريبا 3500 جنيه مبلغ كبير
ولو تذكر الفنان لم يحضر للغناء فى حفلنا وخلانا صغار قدام الحضور
فالاولى ياخليل تنادى بضرورة دعم المعدمين من موظفين ومعلمين وعمال اعطوا الكثير
لوطنهم وحولتهم الانقاذ الى متسولين ولم يكن لديهم مداخيل عالية من اجور الحفلات او بيع شرئط الكاسيت
ابواللمين لم يكن يوما معدما حتى لايكون لديه بيت ملك ولكن ربما هو لايود ذلك
| |
|
|
|
|
|
|
|
|
|
Re: الفنان محمد الامين يسكن في منزل بالايجار هل تشيد له الحكومة منزل تصويت لو سمحتوا (Re: احمد التجانى احمد)
|
فالاولى ياخليل تنادى بضرورة دعم المعدمين من موظفين ومعلمين وعمال اعطوا الكثير
لوطنهم وحولتهم الانقاذ الى متسولين ولم يكن لديهم مداخيل عالية من اجور الحفلات او بيع شرئط الكاسيت
ابواللمين لم يكن يوما معدما حتى لايكون لديه بيت ملك ولكن ربما هو لايود ذلك
احمد التجاني
نعم يا صديق الصبا
انا مع دعم اي موظف كادح وخصوصا المعلمين وانت لك عشق خاص لاستاذة الثانوي العالي
في الوطن العربي حينما ينتصر فريق كرة القدم تدفع لهم حوافز بالملايين وانظر كيف عندما
انتصر فريق الامارات
لكن يا احمد ناس محمد الامين ديل عملة نادرة ويصعب تكرارها
والله العظيم عشان الملحمة حقو الدولة تبني ليهو بيت في مونت كارلو
| |
|
|
|
|
|
|
|
|
|
Re: الفنان محمد الامين يسكن في منزل بالايجار هل تشيد له الحكومة منزل تصويت لو سمحتوا (Re: khaleel)
|
يا خليل..
لا قيمة للإنسان في السودان..
مبدعا كان أم غير مبدع..
دولة تبيد قرى بأكملها،
تعدم ثروة قومية بمكتبة الإذاعة والتلفزيون..
لن تحترم لا وتر ولا كلمة.. ولا ريشة..
دولة تبخل بالكلمة الطيبة (المجاني) في حق مبدعيها،
مجرّد الإعتراف بعطائهم وتميّزهم..
لا يعقل أن تأتي وتصرف مليم واحد لأجل ايّا منهم..
القصّة ما بيت للموسيقار..
وإنما رعاية الإبداع وتشجيعه
وإعادة صياغة لمفهوم العطاء..
وواجب الدولة تجاه كل من يستحق التكريم..
لذا .. أصوّت لإسقاط الإنقاذ 
وتربيتنا ثقافيا (من أول وجديد)..
ضمن أشياء أخرى..
___
كلامك مظبوط يا إبن الرشيد
___
و يا سلام على زاد الشجون..
(ياهو المحمّدنا..)
| |
|
|
|
|
|
|
|
|
|
Re: الفنان محمد الامين يسكن في منزل بالايجار هل تشيد له الحكومة منزل تصويت لو سمحتوا (Re: khaleel)
|
طبعا أنا مع دكتور زكريا.. غير مصدق إن الفنان محمد الأمين ساكن بالايجار
لكن حتى ولو.. مع تقدير للفنان الكبير.. ما أعتقد إنو مفروض يعملوا بيت
ليه؟؟؟
يعني الكثير من أنباء الشعب الكادحين ما لا قين حاجة يتضاروا بيها من المطر
وما عندهم حتى حق الأيجار.. البركة إنو عندي بتاع الإيجار
وما عندهم حق فطور المدرسة لأبناءهم.. محمد الأمين أستطاع أن يعلم إبنه الأكبر وأظنه طبيب
محمد الأمين سافر للعلاج في لندن.. والكثير من إبناء شعبي يموتون في صمت مريع من الحاجة والفاقة
كم ما يتقاضاه محمد الأمين في الخفلة الواحدة؟؟؟؟
هل محمد الأمين مستعد يحيي حفل حتى لو لصالح اليتامى بالمجان
يا جماعة خلو النفاق.. والترف الفكري.. الذي ما أنزل الله به من سلطان
فكروا في الفقراء والبؤساء من أبناء البلد
فكروا في البايتين القوى.. وليس لهم حول ولا قوة
ولعلمك لو لا هؤلاء البسطاء اللذين يتوسدون الأرض ويلتحفون السماء لما كان محمد الأمين
فوقوا بأأأ
| |
|
|
|
|
|
|
|
|
|
Re: الفنان محمد الامين يسكن في منزل بالايجار هل تشيد له الحكومة منزل تصويت لو سمحتوا (Re: khaleel)
|
سلام
تداخل المواضيع يفسد الغرض والهدف الاساسي لاي موضوع!
بمعنى الا يتم وضع الاستاذ محمد الامين والعالم محجوب عبيد (رحمه الله) في فئة واحدة
الاستاذ محمد الامين يعتبر من فئات المستثمرين في كل الدنيا ( يعني بالبلدي كدة بطلع قروش على الاقل شهرية).
وعليه يجب على الدولة فقط تكريمه زي ما حاصل في كل الدنيا
(يعني نظرية الشحاتة دي المفروض تنتهي).
اما العالم الجليل محجوب عبيد(رحمه الله) فيجب على الدولة تكريمه وتوفير الحياة الكريمة له ولكل السودانيين .
(عشان ما يتغربوا ويتمرمطوا).
يبقى التركيز ودفع النقابة العامة للفنانين لايجاد مشاريع استثمارية يعود فوائدها على الفنانين
(عشان ما يحتاجوا لاي زول)
وقس على ذلك كل الفئات ( يجب اعدام نظرية ومفهوم الشحتة من الطايوق السوداني)
سلام
| |
|
|
|
|
|
|
|
|
|
Re: الفنان محمد الامين يسكن في منزل بالايجار هل تشيد له الحكومة منزل تصويت لو سمحتوا (Re: khaleel)
|
السلام عليكم جميعا
الشكركل الشكر لكم جميعا
محمدالامين اطال اللة عمره فعلا ساكن بالاجار و اخرين اسروا الساحه الفنيه و الرياضيه و الادبيه وكان ليهم دور كبير في تقدم السودان وبرضو ساكنين بالاجار
فنانينا و شعرائناوادبئناوكل الذين كان ليهم دور في حياتنا ما عايذين الحكومه تبني ليهم بيوت لكن عايذين التقدير و الشكر
الحكومه السودانيه مشكوره شكر جزيل كان ليها دور كبير جدا في علاج الاستاذ محمدالامين في لندن
ربنا يحفظ والدنا محمدالامين يحفظ كل سوداني اعطئ السودان
| |
|
|
|
|
|
|
|
|
|
Re: الفنان محمد الامين يسكن في منزل بالايجار هل تشيد له الحكومة منزل تصويت لو سمحتوا (Re: khaleel)
|
ياأبو خليل .. والله أنا ما زعلان
لكن بقول يعني فعلا طبقة الفنانين طبقة مقتدرة
والكثير من طبقات الشعب بما فيها مبدعين آخرين محتاجين لبيوت أكثر من محمد الأمين
وأنت فعلا..دافعك نبيل لكن.. ما جاوبتني على تساؤلاتي بشأن دخل محمد الأمين
أو لو كان محمد الأمين مستعد يتنازل أو يحي حفلة عشان يعمل بيها شفخانة أو يشتري بيها جهاز في مستشفى
بس ده كلو يا أبو خليل ما بيمنع إنو محمد الأمين فنان مبدع... بس ما محتاج..
ونحن مفروض ندي اللقمة للجيعان ونكسي العريان والذي لا يملك قوت يومه.. ومحمد الأمين يمكنه أن يعيش
على تسجلاته...
وأنا لمن قلت نفاق .. ما قصدت إهانة أو تقليل من شأن أحد إنما قصدت أضع النقاط في الحروف
وإن شاء الله ما تكون زعلت لأنو ده ما قصدي يا أبو خليل
مودتي
| |
|
|
|
|
|
|
|
|
|
Re: الفنان محمد الامين يسكن في منزل بالايجار هل تشيد له الحكومة منزل تصويت لو سمحتوا (Re: khaleel)
|
على حسب علمي فإن محمد الأمين لا يغني مجاناً...
أين ذهبت ملايينه؟؟
منذ عام 97 جينا جامعة الخرطوم و محمد الأمين عندو حفلة ثابتة أسبوعية في نادي الضباط.. يكون دخل منها كم؟؟؟
مرة كنت في التلفزيون قالوا جايبين محمد الأمين قال ليهم بجي لكن تدوني 50 مليون...
القروش دي بتمش وين؟
شوفوا يا شباب أصلو هي حكومتنا دي مافيها فايده...
لكن لو فيها فايده في ناس أولى من محمد الأمين على الأقل في طلاب بترفدوا من الجامعات بسبب الرسوم...
| |
|
|
|
|
|
|
| |
khaleel
هشام كمال
عبدالكريم الامين احمد
Mustafa Shogar
احمد الامين احمد
برير اسماعيل يوسف
essam&amal
السمؤال بدرالدين
حيدر حسن ميرغني
محمد فرح
عمر الفاروق
ابن الرشيد
jini
احمد التجانى احمد
نجوان
Dr.Saeed Zakarya Saeed
manubia
ناذر محمد الخليفة
Hani Arabi Mohamed
ودرملية
يحى الشريف
Kamal Karrar
محمد زمراوي عبدالعزيز
فيس بوك
تويتر
انستقرام
يوتيوب
بنتيريست