|
|
|
 Re: خـليني أقـراك مرّة .. صاااااح (Re: انعام حيمورة)
|
خليني أقراك مرّة صاح
عكس إحتشادك فى الحضور
هل غاب معاك وعى الطريق
أم بيكى زكـّانى الزمن
ماشيك .. وعارفك يا حريق ..
فى يوم غماماتك .. بجن
فرهد غيابك .. أغنيات
ظلت أراضى اللقيا بور
بلقاكى يا كل الطيور ..
مسجونة والحرية سور
وبلقاكى بيناتنا الثبات
وبيناتنا شمس البكرة فى لحظة .. مخاض
*******
طول الوجع رشـّح مواطن العافية .. فيك
خلانى أرجع وأبتديك
وأقراكى من كل الجهات
ومابين أقابلك .. ومشتهيك .. كان حلمك الأول ترفْ
وكنتى الصبية الغايبة
فى زحمة حجا .. وكلمة شرف
كنتى الزوايا الميتة .. فى متحف خزف
كنتى الوصايا العشرة .. واللون الشحيح
*********
سميت مساحاتتك حكر
كل البيحلمو ا بى الشمس
هجـّرت من واقعك .. عبث
سكـّنت فيك ..ضد السكون
كل اللى كان ممكن .. يكون
وطارت ضفيرتك ليل غنا
جدلة صبُر .. وطولة نفس
*******
ومابين أقابلك ومشتهيك وجيت عليك
كان عندى ليك بس نحنّ والجرح الثرى
وخيبة أمل أم الشهيد
فى الكلمة .. والوجه الجديد
وكان إحتقان نبض الزمن
نومة طفل .. فوق الدّمن
يا صاحية بى الحاصل علىْ
يا نايمة عن فقرى البليد
سميت مرافيك الوطن
صبحت مناحاتك ..... نشيد
وقرينا ..
اقراك مرة صاح
خليني اقراك مرة صاح
| |
 
|
|
|
|
|
|
|
 Re: خـليني أقـراك مرّة .. صاااااح (Re: هاشم محمد الحسن عبدالله)
|
| Quote: زارعة الأمل والجمال بنت أهلى الشايقية انعام حسن حيمورة أنا سعيد بأن أزاملك فى هذا المنبر الرائع الذى تعطر بأغنيات رائعة وجميلة تعكس احساسك العالى وحسن ذوقك ، دوامى على الابداع ربنا يحفظك . |
الصديق .. هاشم محمد الحسن
وحقيقي بفرح لما تجيني في بوستاتي ..
وشكرا لكلماتك الراقية ..
| |
|
|
|
|
|
|
|
|
 Re: خـليني أقـراك مرّة .. صاااااح (Re: محمد طه الحبر)
|
| Quote: اعملي حسابك ناديه عثمان في صفي |
هسة نادية عثمان الجابها شنو هنا ؟؟
| Quote: غايتو الصداقة ما بباها الا الفيك اتعرفت ههههههه |
انا كتبت ليك الكلام دا عشان ردك على طارق جبريل
---
خلاص تبقى الاغنية ديك عربون صداقة بمشي اسمعا واجي ..
| |
|
|
|
|
|
|
|
|
|
Re: خـليني أقـراك مرّة .. صاااااح (Re: انعام حيمورة)
|
خلينى اقراك مرة صاح
عاطف خيرى ـ مصطفى سيد احمد
عارفة يا انعام الجميلة
مصطفى كان عنده بعد نظر فى الشعر والغنا "وورط "الاغنيةالسودانية الى يوم الدين
ودا كلام مسؤوله عنه تمام المسؤولية
لانه لمن لحن ليحى فضل الله وقاسم ابو زيد والقدال وحميد
كانت الاغنية السودانية واقفة فى مكان الغزل والحب العذرى والى اخر الثيمات
لما جا مصطفى دخل بالاغنيةالى منعطف جديد
كان المنعطف دا هو النوع دا من الغنا
حيث يتماهى الوطن والحبيبة
مكللا بشعر عاطف خيرى وجمال حسن سعيد وخطاب حسن احمد وغيرهم من شعراء ما بعد الحداثيين
واوجد لنفسه صيغة من"التفرد " كاملة مستحقة لمصطفى سيد احمد
الى كل ذلك عاطف خيرى صاحب مفردة شعرية ايضا لها تفردها
لمن تقرى قصيدة بقول فيها
كان لابسا الفستان
تتحيرى تماما كيف يحدث هذا ؟
الا من خلال عاطف خيرى
والان استمع اليه
خلينى اقراك مرتين
"عشان داير يوقع الحاجات "
حفظ الله هذا الشاعر الفريد
| |
|
|
|
|
|
|
|
|
|
Re: خـليني أقـراك مرّة .. صاااااح (Re: سلمى الشيخ سلامة)
|
سلوووم الخاتية اللوم ..
ياسلام كلامك فعلا صاح مليون بالمية .. مصطفى سيد احمد الله يرحمه فعلا تفرد بكلمات غاية في الروعة ..
واهم شي الزول يطرب بالكلام دا لانه كلام عميق.. عميق جدا ..
ياسلوم انا بسمع مصطفى كتير ولكن في حالات خاصة لما اسمعه بكون في عالم تاني ..
اها هسى الايام دي انا في العالم الثاني . . قربت اصلكم .. هههه
وساواصل احتفالا بذكراه حتى 17 /1
خليك معاي ..
| |
|
|
|
|
|
|
|
|
|
Re: خـليني أقـراك مرّة .. صاااااح (Re: انعام حيمورة)
|
نعمومه ياماما
| Quote: هسة نادية عثمان الجابها شنو هنا ؟؟ |
العزيزه ناديه ذكرتيني بيها انت بكلمه ان 73
| Quote: خلاص تبقى الاغنية ديك عربون صداقة بمشي اسمعا واجي . |
دا لو لقيتيها لانو عبدالمنعم عندو برنامج التوثيق والاغنيه دي ماعندو
وعندي قاااااااااااااااااااااااعده
ولو مالقيتيها برسلا ليك علي الخاص او في ايميلك عشان زول مادايرو
تكون عندو وبوريك ليهو لاحقا
خالص شوقي
............................
اها لقيتو ليكم كبابي للرحله الجايه؟
| |
|
|
|
|
|
|
|
|
|
Re: خـليني أقـراك مرّة .. صاااااح (Re: محمد طه الحبر)
|
شكرا لك
فما (يقرأ) الإبداع إلاّ مبدع...
ده نشيد وطني في شكل أغنية رومانسية
وإنتفاضة في بطاقة حب
وإنفجار في شكل وردة متفتحة
عاطف خيري
أبجدية المستقبل
مصطفى سيد أحمد
توقف الغناء يوم توقف قلبه عن النبض
لكن ما زال صدى صوته يتردد
ويُصدِّع قضبان زنزانة المليون ميل
كما أثر الفراشة
فهل ستشرق على ثراه
شمس الزمن الفلاني؟
| |
|
|
|
|
|
|
|
|
|
Re: خـليني أقـراك مرّة .. صاااااح (Re: Elawad Eltayeb)
|
الأخت العزيزة / بت حيمورة
تحياتي ،
Quote: ماشيك .. وعارفك يا حريق ..
فى يوم غماماتك .. بجن
فرهد غيابك .. أغنيات
ظلت أراضى اللقيا بور
بلقاكى يا كل الطيور ..
مسجونة والحرية سور
وبلقاكى بيناتنا الثبات
وبيناتنا شمس البكرة فى لحظة .. مخاض |
شكراً لهذا الابداع المسموع والمقروء
لسمندل الغناء السوداني أبو سامر ..
والشكر معه لتلك الثلة من الشعراء
الذين أبدعوا أيماء إبداع في نسج
الحروف وغزلها قصائد يستحيل معها أن
تكون أغاني مسموعة لولا راحلنا المقيم
مصطفى سيد أحمد ، عليه شآبيب الرحمة .
وكما ذكر أخي العوض آنفاً ، فإن المبدعون
وحدهم هم القادرون على (قراءة) الإبداع
وتذوقه وإتحاف الناس به في كل وقت .
فشكراً لك .. وشكراً لهم في المبتدأ .
و .. لتكن منك هذه الأغنية كضربة بداية
لتوالي الاحتفاء بذكرى رحيل هذا العنديل
والتي تهل علينا في 17 يناير القادم .
و ياريت : تحياتي لأخي د. علاء ، وقولي ليهو مشتاقين .
مودتي ،
( ليمو )
| |
|
|
|
|
|
|
|
|
|
Re: خـليني أقـراك مرّة .. صاااااح (Re: abdulhalim altilib)
|
طول الوجع رشـّح مواطن العافية .. فيك
خلانى أرجع وأبتديك
وأقراكى من كل الجهات
ومابين أقابلك .. ومشتهيك .. كان حلمك الأول ترفْ
وكنتى الصبية الغايبة
فى زحمة حجا .. وكلمة شرف
كنتى الزوايا الميتة .. فى متحف خزف
كنتى الوصايا العشرة .. واللون الشحيح
| |
|
|
|
|
|
|
|
|
|
Re: خـليني أقـراك مرّة .. صاااااح (Re: انعام حيمورة)
|
ماشيك .. وعارفك يا حريق ..
فى يوم غماماتك .. بجن
فرهد غيابك .. أغنيات
ظلت أراضى اللقيا بور
بلقاكى يا كل الطيور ..
مسجونة والحرية سور
وبلقاكى بيناتنا الثبات
وبيناتنا شمس البكرة فى لحظة .. مخاض
سمعت أن شاعرنا الفذ هذا يقيم بملبورن
ان شاء الله الم فيهو يوم و اشوف منبع الخيال و الرمزية العجيبة دي.
أرجو إذا "قرأني" أن نتواصل و رقمي بالبروفايل.
رحم الله أبا سامر و حفظك يا نعوم.
تحياتي
| |
|
|
|
|
|
|
|
|
 Re: خـليني أقـراك مرّة .. صاااااح (Re: saadeldin abdelrahman)
|
** بت حيموره..
** مساءك خير..
## يامن تُضئين وتنظمين لمجتمع دولة بورداب الخرطوم كل جميل ورائع..
## أزلت عن أُذنى غبار ورطوبة الخليج بهذا اللحن الرائع للرائع الذى لن يتكرر (له الرحمه) ولكى كل الشكر ..
(ودمتى سنداً لبورداب الخرطوم ,, ودام الود بين الجميع)
(ابو محمد فؤاد - دبى) - الماكيكى
| |
|
|
|
|
|
|
|
|
|
Re: خـليني أقـراك مرّة .. صاااااح (Re: saadeldin abdelrahman)
|
يا سعود ..
عاطف خيري دا زمان بس ما يكون عندو جلسة شعرية في جامعة الا ونحن وراه ..
دا غير هيثم لبيت يوم في شرق النيل ظبطت لينا جلسة وكانت جالوص دي جديدة ..
الشاب عاطف خيري مرهف جدا .. انا مصرة على انو شاب ياخي ..
سعد ياريت تتواصل معاه ..
وتسعد بيهو ..
مودتي التي تعلمها
| |
|
|
|
|
|
|
|
|
 Re: خـليني أقـراك مرّة .. صاااااح (Re: abdulhalim altilib)
|
Quote: و .. لتكن منك هذه الأغنية كضربة بداية
لتوالي الاحتفاء بذكرى رحيل هذا العنديل
والتي تهل علينا في 17 يناير القادم . |
ليمو ..
كيفك يا ملك ..
ستكون كذلك ساحتفى بذكرى مصطفى معكم وعبركم ..
وتنزيل اغنياته حتى 17 يناير ..
--
تقبل تحيات علاء
| |
|
|
|
|
|
|
|
|
|
Re: خـليني أقـراك مرّة .. صاااااح (Re: انعام حيمورة)
|
[B]إنعام سلامات[/green]
| Quote: دا كلام عاطف خيري .. وهو شاعر شاب له كتابات سمحة شديدة .. |
هسي الله يسألك عاطف خيري دا شاعر شاب
غايتو إلا لو قاصدة عمره .. لكن شعره بيصنفه كشاعر عملاق وصاحب مدرسة متفردة فى الشعر إكتمل جمال أشعاره بتلحين وغناء الأستاذ مصطفى ليها
والله نحن مفروض يكون عندنا فى السودان متحف فنى لمصطفى أغنياته وألحانه والكلمات الغناها
--------------------------------------
بالجمبة كدا أنا جاى الخرطوم عشان أسمع مصطفى السنى فى رأس السنة
أحجزى لى تذكرة
| |
|
|
|
|
|
|
| |
انعام حيمورة
طارق جبريل
كمال سالم
على محمد على بشير
هاشم محمد الحسن عبدالله
سلمى الشيخ سلامة
humida
doma
معاوية عوض الكريم
Elawad Eltayeb
abdulhalim altilib
saadeldin abdelrahman
عبدالكريم أحمد الامين
محمد يوسف الزين
Faris Mohamed
خالد حامد الجزولي
فيس بوك
تويتر
انستقرام
يوتيوب
بنتيريست