|
|
|
 Re: لم اكن اعلم ان أوبرا تكتب معنا باسم مستعار فى البورد,!! (Re: احمد معتصم الطيب)
|
| Quote: أوبرا السودانية إنعام حيموره |
(ههههههه)
لا حولة قدر دا ..
عارف ضحك ليه ..
لانو لو قلت ليك فكرت مليون مرة ابقى زي اوبرا ما حا تصدقني
وضحكت لانو يجوا ناس (منى خوجلي) يقولوا ليك بالله صدقت ..
لانو كل ما زول يقول لي صوتك حلو في الغناء لو عملت حركة ساي (استجابة) للاطراء دا .
ناس منى ومنال وانعام حفيظ .. بضحكوا علي ..
هسى بي بوستك دا حقوا يجي محمد عكاشة .. ويخلينا عبر قناة النيل الازرق (أوبرا السودانية)
وواوعى يا ناس النيل الازرق تسرقوا فكرة احمد ود معتصم ود الطيب وتحيروني وتجيبوا اوبرا غيري ..
احمد ..
ياريت وياريت وياريت .. الزول يقدر يعمل كل البفكر فيه وكل البتمناه ..
لكن .. بقدر المستطاع ..وقدر امكانياتنا نعمل ولو القليل ..
| |
 
|
|
|
|
|
|
|
|
Re: لم اكن اعلم ان أوبرا تكتب معنا باسم مستعار فى البورد,!! (Re: انعام حيمورة)
|
الأخت إنعام
قدر دا وكثر كثييييير.
ما تقومين به يفوق ماتقوم به
أوبرا صاحبة الامكانيات المالية الضخمة
وأنا واثق تمامآ لو توفرت لكى تلك الامكانيات
سوف تقومين بالعجب العجاب وتدهشين من حولك أكثر.
ويا محمد عكاشة وياقناة النيل الأزرق مستعد لتمويل
برنامج من تقديم إنعام حيموة وأسم البرنامج (إنعام)
وأضمن النجاح له ..
خالص التقدير والأحترام ..
| |
|
|
|
|
|
|
|
|
|
Re: لم اكن اعلم ان أوبرا تكتب معنا باسم مستعار فى البورد,!! (Re: احمد معتصم الطيب)
|
هذه واحده من ارجل نساء هذا الزمن الخائب لها قبعتى او عمتى ارفع
ما تفعله انعام عجز ان يفعله وزراء الشئون الاجتماعية معينين ومنتخبين
فراشة محبه لعمل الخير ،هاكم البروفايل بتاعها:
انعام حيمورة
اللقب: انعام حيمورة
: .
عدد البوستات: 6919
تاريخ التسجيل: 29-06-2006
محل الاقامة: الخرطوم - السودان
: Not shown
عنوان مكتبتى بسودانيزاونلاين دوت كم : http://www.sudaneseonline.com/cgi-bin/sdb/2bb.cgi?board=314
اكلات مفضلة: نعيمية ظابطة
الاسم الحقيقى: انعام حسن
التلفون:
الجامعة/المعهد:
الحالة الاجتماعية: Single
العنوان الدائم: الخرطوم - السودان
الفنان المفضل: مصطفى سيد احمد
اللون السياسى: ديمقراطية وبس
النوع: Male
الهوايات المفضلة: الكرة الطائرة
الوظيفة:
تاريخ الميلاد: 29/9
درست المرحلة الابتدائية فى ......و سنة....:
درست المرحلة الثانوية فى ......و سنة....:
درست المرحلة المتوسطة فى ......و سنة....:
شاعرك المفضل: محجوب شريف
عدد الاطفال: لا يوجد
معلومات اضافية: احب العمل الطوعي والخيري
مكان العمل: الخرطوم - السودان
مكان الميلاد فى السودان: الخرطوم
انعام الله يخليك ويحفظك يا اجمل بنات السودان،،،
| |
|
|
|
|
|
|
|
|
 Re: لم اكن اعلم ان أوبرا تكتب معنا باسم مستعار فى البورد,!! (Re: صديق الموج)
|
| Quote: هذه واحده من ارجل نساء هذا الزمن الخائب لها قبعتى او عمتى ارفع |
يا الموج ..
الفيك اتعرفت علا تعليقك ما بناباهو ..
(ههههههههههه)
عارف في بوست بشكروا فيني في زول كتب نفس تعلقيك او مشابه ليه(ارجل نساء )
قدر ما حاولت ارد عليه ما قدرت ..
لانو لو رديت ليه باي طريقة ما كان حا يقبل لانه بفتكر انه دا (آخر) شي عنده ممكن يقولوا ..
هسى انت خلاص اتقطعت .. (ههههههههه) ..
خلاص تعال احكي ليك القصة دي حصلت لما ماشين للبكيات ..
نحن كنا 3 عربات .. الناس وقفوا عرباتهم واتوزعنا على الثلاثة ..
انا كانوا معاي البنات ..
والعوض والسؤال باقي الشباب ..
اها بعد خلصنا ناس العوض ماشين بحري .. والبنات اماني (بحري) وفادية (ام در) ..
قاموا قالوا لي ياخ ما عايزين نعذب العوض ويوصلنا حا نركب امجاد ..
ضربت للعوض يالعوض البنات ديل قالوا حا يركبوا امجاد ..
اها سمعت ليك ازهري الطريفي لالالا امجاد شنو لازم نوصلهم ..
بس طوالي (أتصرفت) و قلت ليهم والله ازهري حلف (طلاق) ..
قالت لي اماني الامين بي سرعة شديدة والله انتي التكوني حلفتي طلاق ..
وفعلا كانت مني لانو دا المخرج الوحيد الممكن ما يركبوا بيه امجاد ...
ورغم الحزن ضحكنا الموقف ...
الموج شكرا ليك ودي كفاية علي ..
| Quote: انعام الله يخليك ويحفظك يا اجمل بنات السودان،،، |
| |
|
|
|
|
|
|
|
|
|
Re: لم اكن اعلم ان أوبرا تكتب معنا باسم مستعار فى البورد,!! (Re: انعام حيمورة)
|
| Quote: انا ذاتي بصرف من قروش الناس .. انا كان عندي قروش كان قلب الهوبة .. |
ليه يا جنو؟ بيكبو ليك بنزين في عربيتك للمشاوير؟
ولا بيدفعوا لي في وكتك البتقضيه في تنسيق الحاجات؟
القروش البتلميها يا حبيبه لمساعده الناس دي، كوم، ووكتك و مجهودك يا انعام كوم براااهو و المشكله الكبري في حكايه الزمن ده، لانه مافي زول بقي فاضي يقضي ليه حاجات ناس تانيين
فربنا يديك علي قدر نيتك و يصلح حالنا و حال الجميع
معتصم نسيت اشكرك علي البوست الجميل و في مكانه
---------
انعام والله النيه في، بس الزمن الزمن الزممممن، واحشاني البلد و ناس البلد
| |
|
|
|
|
|
|
|
|
|
Re: لم اكن اعلم ان أوبرا تكتب معنا باسم مستعار فى البورد,!! (Re: Habib_bldo)
|
انعاوبرا
ده الاسم المختصر (انعام -اوبرا) يا احمد معتصم ولك تحياتى
وانا سميتها قائد الركب (القائد اسكـــا)
لانها ماشاء الله حتى فى العربات بتدافر وبتكون الاولى
وكمان الماعارفنه بتحلف بالطلاق (وش مفقوع من الضحك)
اها تانى فى قول فى البنية الحيمورية دى
وبتجبرك انك تحبها وتحترمها بعمائلها
ربنا يغطى عليها ويديها لم يرضيها ويعلى شأنه كمان وكمان
انا غايتو حاجزة منها قصر بعدين فى الجنة أن شاء الله
محبتى الاكيدة يافارستناانعاوبرا
| |
|
|
|
|
|
|
|
|
|
Re: لم اكن اعلم ان أوبرا تكتب معنا باسم مستعار فى البورد,!! (Re: Habib_bldo)
|
Quote: أنعام حيمورة
أو الاسم المستعار لأوبرا
هكذا إنعام
نسمة في عز الهجير
تلطف أجواء هذا المنبر الإسفيري بحروفها الأنيقة |
حبيب بلدو .. انت طولت وين مختفي .. حمد لله على السلامة ..
ياربي بعرف احكي ..
بس الكويس في ناس بقولوا لي ونستك برة ياها ذاتها ونستك في المنبر ..
ههههههه
شكرا ليك وسعيدة جدا بي حروفك ..
| |
|
|
|
|
|
|
|
|
|
Re: لم اكن اعلم ان أوبرا تكتب معنا باسم مستعار فى البورد,!! (Re: احمد معتصم الطيب)
|
Quote: وضحكت لانو يجوا ناس (منى خوجلي) يقولوا ليك بالله صدقت ..
لانو كل ما زول يقول لي صوتك حلو في الغناء لو عملت حركة ساي (استجابة) للاطراء دا .
ناس منى ومنال وانعام حفيظ .. بضحكوا علي .. |
أحسن حاجه يا حبيبتي انك جوه قلبك عارفه..
أنا بحبك جدا وما ممكن أغشك..
اتحملنا وسكتنا علي صوتك واصرارك علي انه جميل..
كمان عايزة تصدقي حكاية اوبرا؟؟
لا حول ولا قوة الا بالله!
اسه انا ضحك ذاتو غالبني.
اوبرا يا مفريين؟؟
طيب ايه رايكم هاترجم البوست ده وارسلوا لأوبرا واساعدها في رفع قضية عليكم انتو الاتنين!
انا ماشيه لمنال أسه..الليله يا نعومي مقضيين اليوم مع الاسره كلها بره..تعالي اتغدي معانا في مطعم تركي..
وبخليهم في نص أكلهم وأرمي ليهم الكلام..
اقول ليهم في زميل حلو معانا قال لنعومي انتي كأوبرا!
واذا ما فهموها صح.. بصلح كأوبرا دي..مثل أوبرا ومش كوبرا..
وتشوفوا براكم كان ما خنقوا ..اضحكوا علي!
..........
..........
بس بعيد من اوبرا وجد من غير هظار..
نعومي طيبه وشهمه جدا وبتحب تساعد شديد..والفي ايدها ما حقها..
وده كلام بقوله ليها كل مره..بقول ليها لازم تعمل حسابها خالص في العمل الخيري علشان الموضوع ما يقلب عليها..
فحسن النية وحدها لا تكفي..
شكرا علي البوست اللطيف عن انسانه خيرة..
ولك تحياتي..
بس هي لأ!
.........
.........
| |
|
|
|
|
|
|
|
|
 Re: لم اكن اعلم ان أوبرا تكتب معنا باسم مستعار فى البورد,!! (Re: ممدوح أبارو)
|
Quote: بتصدقوا لو قلت ليكم إني كل ما أمشي الخرطوم
وبرغم إنو خيلاني الاربعة ساكنين هناك برضو بنزل مع إنعام؟ |
أبارو العريس ..
عارف قصة تجي تنزل معانا دي مكيفاني كيف .. وكمان ابوي وامي ..
عشان بحس بعمق الاخوة البقت بيناتنا .. بدأت في البورد دا وبقت حقيقة معاشة ..
نقنقتهم هو ومهند وونستهم وضحكهم في اضان الزول للصباح ..
والواحد يصحى يلقى ليك ابارو بصلي الصبح وجنبوا صينية الشاي ...
ياخ مافي أخوة ولا صداقة أعمق من دي ..
شكرا ليك انت لانو بيتنا بقى زي بيتكم ..
ياربي نجي مدني وننزل عندكم كمان (هههه) ..
تحياتي للمدام والاهل
| |
|
|
|
|
|
|
|
|
|
Re: لم اكن اعلم ان أوبرا تكتب معنا باسم مستعار فى البورد,!! (Re: Muna Khugali)
|
Quote: تعالي اتغدي معانا في مطعم تركي..
وبخليهم في نص أكلهم وأرمي ليهم الكلام..
اقول ليهم في زميل حلو معانا قال لنعومي انتي كأوبرا!
واذا ما فهموها صح.. بصلح كأوبرا دي..مثل أوبرا ومش كوبرا..
وتشوفوا براكم كان ما خنقوا ..اضحكوا علي! |
يا حليل غداء ماما جارة المظبط ابو شوربات .. ولحمات ..
بالهناء يارب دوما ..
انا عارفاك .. لكن عليك الله ما لقيتيني قوية امام نقدك الهدام .. (هههههههه)
شوفي انعام صاحبتي قالت شنو ؟؟ أخير منك .. يا اعز صاحبة وحبيبة ..
تسلمي يارب والله يخليكم لي ..
بالله خلاص فكوا لينا منال دي عشان نحن جاتنا حالةت نفسية ياخ وما قادرين نتصرف ..
| |
|
|
|
|
|
|
|
|
|
Re: لم اكن اعلم ان أوبرا تكتب معنا باسم مستعار فى البورد,!! (Re: انعام حيمورة)
|
| Quote: بالله خلاص فكوا لينا منال دي عشان نحن جاتنا حالةت نفسية ياخ وما قادرين نتصرف |
..
نعومي منولي الليله في ابوظبي..سافرت قبل ساعة هي والاسره..
بتصلكم الخرطوم يوم الاتنين..
وأول ما تصل اديها شكله لأنها رفضت تشيل اي حاجه معاها..
تصدقي كنت جايبه ليك نملة ابت قالت تقيلة؟؟
بس علشان تعرفي الغتاته عندها كيف!
تحياتي لصاحب البوست وللجميع..
| |
|
|
|
|
|
|
|
|
|
Re: لم اكن اعلم ان أوبرا تكتب معنا باسم مستعار فى البورد,!! (Re: Muna Khugali)
|
Quote: وأول ما تصل اديها شكله لأنها رفضت تشيل اي حاجه معاها..
تصدقي كنت جايبه ليك نملة ابت قالت تقيلة؟؟ |
والله هي المرة الفاتت عملتها فيني كمان المرة دي !!!
ضربت لي المرة الفاتت قالت لي عايزة شنو ؟؟ قلت ليها سلامتك !!
وفعلا كانت من جوة قلبي ..
اها جات محملة لي نعوم حفيظ بالهدايا وانا قالت لي اها جيتك بي سلامتي (هههههه)
بيني وبينك كنت بين نارين ههههه اصمد واعمل فيها الموضوع ما هاميني ولا اشاكلها عشان اا عملت عندي زوق ..
غايتو البت دي بس الله يجيبا بالسلامة سلامتها ما بناباها الا الفيها اتعرفت 
| |
|
|
|
|
|
|
|
|
 Re: لم اكن اعلم ان أوبرا تكتب معنا باسم مستعار فى البورد,!! (Re: انعام حيمورة)
|
الأخت إنعام حيموره
والله العظيم معارف أقول للناس الحلوين ديل شنو!!!
الكل هنا يمدح ويعد ويحصى فى نبل شخصيتك الفريدة
وهذا هو الواقع أقول ليهم شكرآ ولا شعورك مقدر ولا
نشكركم لى حسن الظن ولا مروك أسعدنا وكتر خيرك ولا
ولا ولا ولا وبقول للجميع هنا ياأخى عليكم الله أمسحوها
لى فى وشى الشين دا على عدم الرد عليكم وست البوست
ماقصرت تب وبتواصل معاكم والبوست ده حقكم كلكم اى عليكم
الله ردو لبعض إنعام تستاهل كل خير وربنا بلمنى فيها شخصيآ
وأكون سعيد بمعرفتها عن قرب لكم كل الشكر والأحترام
| |
|
|
|
|
|
|
|
|
 Re: لم اكن اعلم ان أوبرا تكتب معنا باسم مستعار فى البورد,!! (Re: mekki)
|
نعوم حبيبة الكل هنا ربنا يديها العافية وتواصل فى عمل الخير البتقوم بيه
ويانعوم الخاتية اللوم عمل الخير مابيقدر عليه اى زول الا انسان من نوع خاص .. الله سبحانه وتعال ملا قلوبم بالرحمه والعطف
على المستضعفين من خلقه ربنا يزيدك فى الانتى فيه على قدر نيتك قولى امين ..
شكرا اخى احمد تسلم يارب ..
| |
|
|
|
|
|
|
| |
احمد معتصم الطيب
انعام حيمورة
صديق الموج
مزمل خيرى
ياسر بيناوي
الفاتح ميرغني
الطاهر ساتي
Habib_bldo
Rihab Khalifa
فادية اليمني
عبدالمنعم الرزوقي
Muna Khugali
كمال سالم
ممدوح أبارو
bent awad el kareem
rosemen osman
محمد أبوالعزائم أبوالريش
انعام عبد الحفيظ
احمد محمد بشير
السمؤال بدرالدين
نوفل عبد الرحيم حسن
mekki
ماجدة عوض خوجلى
فيس بوك
تويتر
انستقرام
يوتيوب
بنتيريست