|
|
|
 Re: منى خوجلي وبقال .. الف مبروك (Re: كمال علي الزين)
|
بالله دا شنو الكلام البشبهك دا يا تراجي
صحي القالوا كل كورة بما فيها تنضح
انت لوصغرت عشرة سنوات وجيتي قعدت مع مني في محل بقال يمين كل العيون تغبيك
الملكة مكسرة عشرات يا ريتوا حالك
الباين إنوا لما انتهي اثر التحريض علي بقال عاد لسجيته السودانية
ولقي بنات خوجلي عكس ما كان بصوروهم ليه
أطيب من الطيبة ذاتها
| |
 
|
|
|
|
|
|
|
 Re: منى خوجلي وبقال .. الف مبروك (Re: ALGARADABI)
|
الأعزاء الأفاضل..
كل سنه وجميعكم بخير..
فرحانين وملمومين وتامين..
.....
.....
صناعة الفرح شيء مهم..
ولا بد من أن نتعلم جميعا كيفية خلقه والأستمتاع به..
والا..فإننا كوم من الملل والجمود والعجز..
من يود أن يواصل حياته مع الملل والجمود والعجز؟
.....
....
في الخرطوم ..التي .. شئنا أم أبينا...هي السودان المصغر..
هي روح قلب الأحداث المؤثره في كل الوطن..
تتواتر وتختلف فيه الأحداث..
تقوي وتضعف ثم تفاجئنا جميعا بما نود في وقت لا نوده..أو لا تأتينا بما نوده..
أو تعطينا كل ما نوده في لحظة مانوده..
......
......
في الخرطوم وفوق أرضها وتحت ترابها..
أهلي وأحبتي وحياتي وذكريات طفولتي وشبابي..
هي معشوقتي ومعشوقتكم التي لا يبارح حبها القلوب ولا تغيب منها شمس التمني رغم الفقر والعوز..
رغم التناقضات في كل ما فيها..
رغم الساسه الذين يصنعون الخوف ويزرعونه في القلوب دون أن يهتز لهم رمش..
تبقي الخرطوم هي الحبيبه وهي الأخت الحنينه الكبيره..
ويبقي نخيلها وترابها هو طعم كل السودان..
.......
.......
في الخرطوم..للجميع من البشر أحلام وأمنيات لها مستوياتها واختلافاتها وطهرها وعنفها..
فيها..
تصير للأقدام الحافيه..
وتلك التي حشرت اقدامها في أحذيه جلديه غالية الزمن أو أخري رخيصه..
طعم الرغبه الجميله في مواصلة الحياه والأحتفال بها والسير في دروبها المختلفه..
........
........
ومن هنا..
كانت بداية عالم نقي من الايمان بالأنسانيه..
هي انسانيه تؤمن بان الخالق واحد..وأن السودان هو وطن الجميع..
وأن الخرطوم هي ملك وملتقي لأهل الوطن..
.......
.......
ومن هنا..
بسم الله نبدأ..
.......
.......
| |
|
|
|
|
|
|
|
|
|
Re: منى خوجلي وبقال .. الف مبروك (Re: Muna Khugali)
|
أعزائي...
أعذروني أن لم أخاطبكم بالاسم الواحد..
فليس لذلك سبب سوي الظروف والوقت الذي ليس بيدي..
اذ أن الاحتفال مع بورداب الخرطوم هو مسعي سعيد ونبيل في حد ذاته..
يأخذ مي كل وقتي
.........
.........
العنصريه هي حالة ذهنيه..
قد تتملك البعض منا فتتحكم فيه وفي تفكيره وفي احساسه بقيمته كأنسان..
ولا يعني هذا أنها لا توجد في الواقع..
بل يعني أنها عندما تصبح حالة حكم تعميمي..
وأمر للتفرقه بين الجميع..
وخطابه عاجزه ليس لها أسس تستند عليها سوي لونك ولوني ولون الآخر الافتح أو الأغمق..
أي انها لا تستند علي التحليل العلمي..
القائم علي التحليل السياسي والاقتصادي ومدلولاتهم التاريخيه المختلفه..
فانها تصبح حاله ذهنيه متحكمه فيمن يجد في قبحها الدرع الذي يظنه قوي للدفاع عما يتبناه..
.......
.......
عندما يتقابل ابن الشمال مع ابن الغرب..
قد يصيرا أصدقاء وقد لا يصيران..
وبنفس القدر..قد يتقابل شخصين من الغرب أو شخصين من الشمال..فيتعارفان ويصيران أصدقاء أو لا يصيران!
ما يجمع الانسان مع الانسان الاخر..
أشياء عديده مختلفه..
طريقة التفكير ..
الميول والهوايات والحب المشترك لقراءات أو غيره..
ولا يفرقهم حينئذ ان كان لهم نفس الدرجه من لون البشره..أو أنهم ينتميان لنفس الطبقه الاجتماعيه..
أو أن لهم وظائف متماثله في درجتها أو في دخلها المادي...
.........
.........
ماذا يهمني ان كنت من الشمال أو من الغرب أو من الجنوب؟؟
ماذا سينقص ذلك من رصيدك الذي تستحقه من التقدير أو الاحترام؟؟
تعارفنا وجلسنا جميعا بشخصياتنا المختلفه وأشكالنا السودانيه المختلفه..
نختلف بأدب واحترام لحق الآخر فيما يود..
........
........
ماهي العنصريه؟؟
هل تحتاج العنصريه ان كانت موجوده لان نذكر بها الاخر؟؟
لماذا نفترض أن الاخر ليست له القدره علي التمييز والمعرفه للفعل العنصري؟؟
الفعل العنصري فعل بغيض..
فكيف يمكن أن نظن ان من تمارس عليه العنصريه غير قادر علي فهمه والاحساس به؟؟
........
........
ماهي العنصريه؟؟
ماهي حدودها؟؟
ماهي مظاهرها؟؟
.......
.......
| |
|
|
|
|
|
|
|
|
|
Re: منى خوجلي وبقال .. الف مبروك (Re: Ishraga Mustafa)
|
| Quote: شكرا لتحويل هذه المباركة الى موضوع نقاش حيوى حول العنصرية { رغم تحفظى على بعض التعليقات التى وردت والتى تنضح بتمييز ما دون الخوض فى تفاصيلها |
مساء الخير..
...............
...............
غبار الخرطوم المعلق في سماء الخرطوم هذه..
يذكرني بكم المشاعر السلبيه المعلقه في بعض النفوس..
أعتقد أن لكل شيء دوره يكملها أثناء وجوده في الدنيا..
للعواطف دوره تكتمل حين يأتي ميقاتها..
مثل عمر الانسان الذي يكمل دورته ويصل الي نهايته..
مثل فصول السنه..
عمر الانسان والحيوان..حياتهما وما يحدث خلالها..
وحتي الأشياء التي يصنعها الانسان..
كل يستمر في دوره تبدأ في وقت محدد وتنتهي في ذلك الوقت..
هذا هو قانون الحياه...
...........
...........
اذا مالفرق بين الطبيعه والأنسان والحيوان؟؟
كلنا مخلوقين بأمر الله وحده..
الا أن للأنسان عقل يفكر ويستوعب ويطور ماحوله أو يهدمه..
فيخلق الفرق ..
..........
..........
علي كل حال..
قطعا ستنتهي دورة الغضب الذي لم نري له اسباب مبرره حتي الان..
وكذلك ستنتهي دورة الغضب المبرر..
التعب..والتجارب..والزمن سيهديء كل شيء..
فلكل شيء قطعا نهايه قادمه..
.........
.........
سلام يا شروقه من خرطوم التحدي..
أعتقد أن اي موضوع مهما كان شكله أو صغر حجمه عند الآخرين هو موضوع مهم حتي وان كانت أهميته غير واضحه للآخرين..
متأكده أنك تتفقين معي في أن اي قول يصلح أن نخرج به بموضوع نقاش مفيد نتشارك فيه جميعا بوجهات نظر مختلفه..
الاختلاف مهم..لكنه قطعا الاختلاف الهادف القادر علي ايصال وجهة نظر "المناقش" دون تبخيس للآراء الأخري..
فاي راي هو مهم لمن يتبناه ويعلنه.. وكذلك قد يكون مهما للموضوع الخاص بالنقاش..
نعم لنتناقش بهدوء..وكذلك أود أن أضيف أن تحفظاتك افهمها علي أنها مرحله مؤقته حتي تتماسك أطراف الموضوع في النقاش..
............
............
اشراقه ..تأكدي أنني لن أتوقف عن الضحك لي ولك ولكل من يود..فالحياه لن تهزمني بأحزانها ..
بل سأهزمها أنا تلك الأحزان بكم الفرح الكامن في الآمال والأحلام..
وبطريقتي أسخر منها كلما تعبت.. ومن قلب تلك السخريه تخرج ضحكاتي فرحه تنسيني الهموم..
| |
|
|
|
|
|
|
|
|
|
Re: منى خوجلي وبقال .. الف مبروك (Re: Muna Khugali)
|
كان ذلك في عام 1997أو 1998
وكنت في طريقي لبحر الغزال وأثناء وجودي في مدينة لوكي شوكي الكينيه..
اجتمعت هناك بعدد من صديقاتي العزيزات..
سمعت ماري تقول لشول عن احدي القريبات من قبيلة الدينكا..
"والله لو شوفتيها عرست جنس عرس..
والله راجلها دينكاوي حر!"
عندما سمعت الكلمة تجمدت للحظه..
لأن الكلمه بدت في ظاهرها كلمة عنصريه..
اذ ارتبط المعني في الأذهان بارث العبيد والأحرار..
الا أنني قررت أن أخضع الجمله للتحليل أكثر..
وفهمت أن ماري تقصد بكلمة "دينكاوي حر" انه لم يختلط باي قبيلة أخري..
كالذي يقول انا سوداني ابا عن جد..وهذا مصدر فخر عادي فيه حب للقبيله اكثر من الظن انه عنصري..
............
............
العنصريه كلمة محدده في الاتفاقيات الدوليه كفعل مشروحه عناصره والاضطهاد لها....
الجنس..العرق..الطبقه الدين..الانتماء لمجموعات اجتماعيه..
الا أن تحليل الاضطهاد نفسه وظروفه ومفهومه عند من يمارسه يحتاج لأكثر من تعريفات الاتفاقيات الدوليه..
يحتاج لأن نلجأ الي تحليل نعتمد فيه علي تحليل معني الكلمة التي تخرج من الشخص العادي دون مسك سلاح
يدينها قبل أن ينفقه معناها....
فليست كل الكلمات التي تقال تقع تحت بنود الاتفاقيات الدوليه..
وما تمارسه النظم السياسيه الحاكمه علي مواطنيها.. يختلف عما يمارسه الافراد العاديون علي بعضهم..
حتي وان ظننا أن المنطلقات واحده..
..........
..........
في تجمع غندهار..
كانت هناك مجموعه من الاطفال ..بعضهم تحملهم أمهاتهم علي أكتافهم..
رأيت طفلا لا تخلو اي مساحه في جسده من الاوساخ الشديده..
للأسف الشديد لم أستطع أن أحمله وقد كنت أود أن افعل..
لم افعل لقذارة ملابسه وجسده..
وليس في هذا ترفع او تكبر مني..
ليس فيه عنصريه أو طبقيه كما قد يتبادر الي أذهان البعض..
فبشكل عام..الفقراء والاغنياء يحبون النظافه..
كذلك أهل الغرب والشمال والجنوب والشرق واي انسان..
اذا تصرفي كان مبني علي كرهي وخوفي من القذاره وليس علي عرق الطفل أو طبقته التي ينتمي لها..
اقول هذا وانا واضعه ايضا في اعتباري أن الفقر الشديد والتشرد يؤديان مع الجهل..الي حالة الطفل الغير نظيفه..
.........
.........
لماذا تعشش كلمة العنصريه في رؤوس بعض الناس بمثل هذا الشكل القوي؟؟
| |
|
|
|
|
|
|
|
|
|
Re: منى خوجلي وبقال .. الف مبروك (Re: Muna Khugali)
|
ان جلسنا جميعا..
وأغمضنا الأعين بعد أن قرأنا هذا البوست..
وظللنا بأمانه نحلل مجموعة الآراء التي تكونت عقب قراءة عنوان البوست..
ثم بعد ذلك لمختلف المداخلات..
ثم ركزنا علي كل مداخله قرأناها..
سنعرف أن كل منا يتلقي المعلومه المعينه..بشكل يخصه هو ويتلون بطريقة تفكيره..
فالتلقي اختلف من شخص لآخر..
فهم البعض البوست في هدفه المقصود..
وخمن البعض له اسباب مختلفه..
وظن البعض ظنون فوق الطاقه يتحمل وزرها وحده..
بينما لم يعلن البعض عما دار في ذهنه..
.......
.......
الفكره واحده والفهم لها له اشكال متعدده..
وكذلك رد الفعل..
لاننا مختلفين في فهمنا للاشياء..
ربما ليس الاختلاف الكبير بين أغلبنا..لكننا مازلنا مختلفين..
ولا بد لنا من أن نحترم حقنا في الاختلاف ..
واقول الاختلاف وليس تسبيب الضرر..
...........
...........
| |
|
|
|
|
|
|
|
|
|
Re: منى خوجلي وبقال .. الف مبروك (Re: Muna Khugali)
|
الرضاء عن النفس هو الطريق للسلام!
ننتعلم في الحياه ان نسعي لتحيق النجاح..
قد ننجح وقد نفشل في الوصول له..
الا ان الرضاء يستمر معنا..
فقد سعينا واجتهدنا وفعلنا ما نستطيع من أجل أن نصل لما نوده..
.......
.......
اذا السعي في حد ذاته هو الطريق للرضاء..
والرضاء يعني التصالح مع النفس..
معه يضيع الحقد..وينهزم الانهزام نفسه..
الرضاء عن النفس لا يجعلنا نتطلع الي ماهو فوق قدراتنا..
والطموح غير التطلع..
الطموح مشروع ولكن التطلع فعل مدمر خاصه ان لم يلازمه ما يحتاج من قدرات..
.......
.......
الراضي عن نفسه انسان متصالح مع واقعه..
والمتصالح مع الواقع يعرف كيف يتصالح مع نفسه ومع الآخرين..
.......
.......
| |
|
|
|
|
|
|
|
|
|
Re: منى خوجلي وبقال .. الف مبروك (Re: Muna Khugali)
|
هذه الدنيا الواسعه المليئه بالشر والخير واحداث لا تتوقف كثيره ومتنوعه..
دنيا تجعلنا جميعا في حاجه الي قوه نأتي بها من داخلنا.. ونستعين فيها ايضا بالآخرين ليساعدونا في ان نقوي أكثر..
القوه من الداخل لا يصنعها الآخرين لنا...القوه في داخلنا نخلقها بالايمان بما لدينا من صفات عزيزه وجميله.. وأيضا تلك التي
نكتسبها من تربيه لها أصول..اي تربيه متكامله واضحة وواثقة بأسسها...
تأديب النفس هو جزء اساسي في عملية التربيه الي نتلقاها في سنوات الطفوله الأولي وما يليها من سنوات...
تأديب النفس فعل اخلاقي والزامي لكل من يري الأدب والإحترام قوانين ثابتة لحياتنا..
والتربيه الجيده لا تحتاج لمال لأن تثمر..فهي متاحة للجميع..يكفيها الحب والوعي مع لرقابة الذاتيه..
............
............
هل نستطيع ان نصنع من انفسنا شخصيات قياديه??
من هي الشخصية القيادية??
وماهي صفات الشخصيةالقياديه??
| |
|
|
|
|
|
|
|
|
|
Re: منى خوجلي وبقال .. الف مبروك (Re: Muna Khugali)
|
Quote: هل نستطيع ان نصنع من انفسنا شخصيات قياديه??
من هي الشخصية القيادية??
وماهي صفات الشخصيةالقياديه?? |
لا يستطيع اي انسان أن يقرر ان يكون قيادي فيكون قيادي..الا انه من الممكن ان تكون له بعض القدرات التي يمكن مع عوامل أخري..أن تمكنه
من ان ينجح كشخصية قياديه..
ماهي هذه العوامل والعناصر??
ان كنا نتحدث هنا عن شخصية سياسية قياديه علي سبيل المثال...
فان أول العوامل هو وجود المناخ الذي ينطلق منه الشخص القيادي..
وجود حزب او تنظيم سياسي له برنامج واضح يسعي الي تحقيقه..
وجود اتفاق جماهيري من داخل الحزب او التنظيم علي الشخصية القياديه..
ثم التفاف من الجماهير العامه حول البرنامج وثقة بالشخصيةالقياديه..
.......
.......
لابد للشخصية القياديه من صفات تؤهله للقياده...
مثل الوعي العميق مع التجربه..المرونه وسعة الصدر..حب الآخر والتفكير
في الوطن والمواطنين قبل التفكير في النفس..
الانتماء القوي للجماهير ومحاولة كسب ثقتهم بالاخلاص لهم هو أمر مهم..
فالجماهير تحتاج لان تطمئن الي من يقودها..والكلمات مع الفعل هي الطريق
لكسب الثقة..
الشخصية السياسيةالواعيه..هي التي تعلم تماما كيف تكسب ثقة وحب الأغلبيه ان لم يكن الجميع..
المنطق والوضوح مع إظهار الانتماء للجميع فعل مهم علي كل المستويات ..
اذ لا يكفي ان تظن الشخصية الراجيه للقياده ان وجود تنظيم سياسي يدعمها كاف لوحده لان تقود به الجماهير ..
........
........
نرجع....
| |
|
|
|
|
|
|
|
|
|
Re: منى خوجلي وبقال .. الف مبروك (Re: Muna Khugali)
|
الخرطوم مدينة غريبه!
ان خرجت منها تسمع عنها أخبار قد لا تسمعها وانت بداخلها..
وأي توقعات هي جائزه في حالتها..
لا تستطيع ان تعتمد علي نهاية واحده متوقعه!
تسير في شارع .. تكون فيه أسير احساس سرعان مايتغير ان دلفت للشارع الذي يقع في الاتجاه الخلفي منه!
هذه المدينه التي أذهلتنا قبل الآخرين.. باصوات هتافات هادره وأجساد محتشده في شوارعها في انتفاضة أبريل..تبدو الآن نائمه كأنها لم تنتفض قبلا علي الإطلاق..تبدو مشغوله بحياة من نوع غبي او ربمامن نوع يشبه التبلد والجمود..
لكن لا ضمان ان هذا الغباء الذي يظهر فيطمئن من يود ان يطمئن..هو مظهر مستمر..اوالتوقعات التي تبني عليه..هي توقعات واضحه ومحدده..
| |
|
|
|
|
|
|
|
|
|
Re: منى خوجلي وبقال .. الف مبروك (Re: Muna Khugali)
|
قالت لي صديقتي أن هذا البوست قد قفز رقم قراءه لعدد كبير في وقت وجيز..
قلت لها أن هناك أسباب لذلك تعددت..
البعض يقرأ رغبة في معرفة الحدث الذي يستدعي المباركه التي أتت في العنوان..
والبعض فهم أن الامر مجرد دعابه..
بينما فهم البعض ان الرساله في البوست هي طبيعية العلاقه بين البشر كبشر..وليس كبشر مصنفين بالعرق واللون والطبقه..
الا أن ما يثير اهتمامي أكثر في كل الموضوع..
هو نظرية البعض بأنه الأفضل لأن القراء يتسابقون علي قراءة البوستات التي يكتبها..
في ظني..أو ربما يقيني ان زيادة عدد القراء مع فقدان أسس أخري أساسيه.. لا تعني النجاح..
فصحف التابلويد هي الأكثر مبيعات..لما تنشره من فضائح ..والأكثر سقوطا أخلاقيا!
والفضائح لا تعني نجاح او تقدم..
الفضائح هي الفضائحززوفقط تعني أن من يقرأها يستمتع بها كيفما كان شكل الأستمتاع!
والبعض قد يقرأ تلك الفضائح ليتأكد من مستوي الانحدار أو مدي سرعة القفز العامودي للدرك الأسفل المصاحبة لكاتب المقال
أو الموضوع أو الشتائم....
والذين يكتبون بلغة الفضائح..ولغة "جر الشكل" والذين يرتفع عدد قرائهم..لا يجب أن يفرحوا بالعدد..
فهو ليس دليلا علي النجاح علي الاطلاق..
الا اذا كان النجاح في مفهومهم معادل للفشل والسقوط..
.......
.......
| |
|
|
|
|
|
|
|
|
|
Re: منى خوجلي وبقال .. الف مبروك (Re: Muna Khugali)
|
Quote: ماذا يهمني ان كنت من الشمال أو من الغرب أو من الجنوب؟؟
ماذا سينقص ذلك من رصيدك الذي تستحقه من التقدير أو الاحترام؟؟
تعارفنا وجلسنا جميعا بشخصياتنا المختلفه وأشكالنا السودانيه المختلفه..
نختلف بأدب واحترام لحق الآخر فيما يود.. |
ياخ انا بحب الجلابة
________
تسلمي يامنى على المحاضرة القيمة دي
| |
|
|
|
|
|
|
|
|
|
Re: منى خوجلي وبقال .. الف مبروك (Re: انعام حيمورة)
|
اطيب الامنيات
بعلاقات صافية واخوية وودية
بين الاعزاء الاخت الفاضلة مني خوجلي
والاخ العزيز ابراهيم بقال
واختلاف الرائ لايفسد ابدا للود قضية
ومااحلي التصافي من بعد التجافي
شكرا للاستاذة / انعام حيمورة
| |
|
|
|
|
|
|
|
|
|
Re: منى خوجلي وبقال .. الف مبروك (Re: haroon diyab)
|
Quote: ومن هنا..
كانت بداية عالم نقي من الايمان بالأنسانيه..
هي انسانيه تؤمن بان الخالق واحد..وأن السودان هو وطن الجميع..
وأن الخرطوم هي ملك وملتقي لأهل الوطن..
.......
.......
ومن هنا..
بسم الله نبدأ.. |
اكيد يا ملكة
نقرأك وبشـوق
أحمد الشايقي
| |
|
|
|
|
|
|
|
|
|
Re: منى خوجلي وبقال .. الف مبروك (Re: haroon diyab)
|
نسعد دوماً بالتصافي والتآخي والتوادد
نسعد دوماً بالعقول النيرة التي لا تخلط الكيمان في بعضها
شكراً لمنى وبقال ونهنئكم على اللفتة البارعة التي تحسب لكم
وشكراً استاذة أنعام على المجهود الذي بذل
تخريمة :
يا استاذة أنعام ندعوك للأنضام لمنظمة أجاويد للصلح
وحا نرسل الاستمارة تعبيها ههههههههه
| |
|
|
|
|
|
|
|
|
|
Re: منى خوجلي وبقال .. الف مبروك (Re: انعام حيمورة)
|
Quote:
الأعزاء الأفاضل..
كل سنه وجميعكم بخير..
فرحانين وملمومين وتامين..
.....
.....
صناعة الفرح شيء مهم..
ولا بد من أن نتعلم جميعا كيفية خلقه والأستمتاع به..
والا..فإننا كوم من الملل والجمود والعجز..
من يود أن يواصل حياته مع الملل والجمود والعجز؟
.....
....
في الخرطوم ..التي .. شئنا أم أبينا...هي السودان المصغر..
هي روح قلب الأحداث المؤثره في كل الوطن..
تتواتر وتختلف فيه الأحداث..
تقوي وتضعف ثم تفاجئنا جميعا بما نود في وقت لا نوده..أو لا تأتينا بما نوده..
أو تعطينا كل ما نوده في لحظة مانوده..
......
......
في الخرطوم وفوق أرضها وتحت ترابها..
أهلي وأحبتي وحياتي وذكريات طفولتي وشبابي..
هي معشوقتي ومعشوقتكم التي لا يبارح حبها القلوب ولا تغيب منها شمس التمني رغم الفقر والعوز..
رغم التناقضات في كل ما فيها..
رغم الساسه الذين يصنعون الخوف ويزرعونه في القلوب دون أن يهتز لهم رمش..
تبقي الخرطوم هي الحبيبه وهي الأخت الحنينه الكبيره..
ويبقي نخيلها وترابها هو طعم كل السودان..
.......
.......
في الخرطوم..للجميع من البشر أحلام وأمنيات لها مستوياتها واختلافاتها وطهرها وعنفها..
فيها..
تصير للأقدام الحافيه..
وتلك التي حشرت اقدامها في أحذيه جلديه غالية الزمن أو أخري رخيصه..
طعم الرغبه الجميله في مواصلة الحياه والأحتفال بها والسير في دروبها المختلفه..
........
........
ومن هنا..
كانت بداية عالم نقي من الايمان بالأنسانيه..
هي انسانيه تؤمن بان الخالق واحد..وأن السودان هو وطن الجميع..
وأن الخرطوم هي ملك وملتقي لأهل الوطن..
.......
.......
ومن هنا..
بسم الله نبدأ..
.......
.......
|
امبراطورية ميم خلقة واخلاق
جنى
| |
|
|
|
|
|
|
|
|
 Re: منى خوجلي وبقال .. الف مبروك (Re: ود محجوب)
|
 | Quote: بخصوص هذه الصورة انا أكثر غيظا من تراجى |
يعني شنو مايقعد كده وسط الناس الحلوين ديل ؟ أنت قايل هاميني ؟ ولا يهمني ولا حاجة !!! ولا بتتفقع مرارتي ولا شتين .. عاااادي جداً .... ولا بتغاااااظ زااااتو ... صورة أكثر من عادية .. يعني شنو ؟ يازول ماتزعل ولا حاجة !!! أدي الصورة دي لي معاوية يعمل ليك فيها دبلجة لامن تأأأأمين زاتو .. يقطع ليك رأس بقال ويخت صورتك محله وخلااااص . ليه فاقع كبدتك !!!! وأنــأ أكثــــر غيظــــاً منــــــــك ...... ( غايتو يابقال لو لقيتك إلا أأأكل كبدتك ) . وإنت يامنال لا جاي عرس بتك ولا حاجة !!! ويامنى خلاص البينا ولى وراح !!! ويا الكنداكة الفيك إتعرفت !!! بالله واحد فيكم ينزل لينا هنا بتاعت كل البينا بقى حكاية ديييييك !! لزوم تجفيف الدموع وكده .( من غير موسيقى ) علشان تسبك الدراما وكده ... كل البينا بقى حكاية .. حكاية طويلة بلا نهاية ... خلاص يازول نوم إرتاح .. كل البينا ولى راح .. طواكم إنتو وملاني جراح وإختار تعذيبي وشقايا وكل البينا بقى حكاية ..
| |
|
|
|
|
|
|
|
|
|
Re: منى خوجلي وبقال .. الف مبروك (Re: انعام حيمورة)
|
بالله عليكم شوفوا الحسد عيار 75 دا ..
لا حول ولا قوة إلا بالله ..
Quote: كتف شنو الفضل في اخت الشهيد عشان ياكله بقال يا منان ؟؟؟
حسه لو بقال ده ولدك بترضى يعرس ولا يهظر ساكت مع واحدة قدر امه؟؟؟
هووووووي يا منان....الكلام ده فيه عنصريه انتبه لكتاباتك. |
الأخت إنعام ..
تحية يا رايقة ..
عنوان البوست موزون ..
لكن طيرت قلبي .. ما قايل الكلام جد .. ( )
جاد
| |
|
|
|
|
|
|
|
|
|
Re: منى خوجلي وبقال .. الف مبروك (Re: انعام حيمورة)
|
الصنديدة تراجى
سلام
| Quote: منان يعرف ما اقصد وهذا كفايه! |
الموضوع ليس فيه عنصرية بل اعتبرته مدخلا لموضوع ممكن ان يدور حوله نقاش ثرى...ولا تنسى اننا نتعامل مع الهامش المهكور مند استقلال السودان ونريد جره الى خانة السودان الجديد..ومن لا نستطيع إقناعه نحاول تحييده ولا نعاديه فقد ينضم الى قوى الهامش وقوى السودان الجديد ويكون افضل منا... متابع حملاتك على بقال وليس كل ما يعرق يقال... واللقاء (حتى ولو كان لقاء مصالحة) فى تقديرى شاكوش فى جدار الإرث العنصرى... ولو عملتى زيهايا ام حازم وسند برضو حنقول نفس الكلام (ماركة مسجلة)... هو الكلام بفلوس؟؟؟
منان
| |
|
|
|
|
|
|
|
|
|
Re: منى خوجلي وبقال .. الف مبروك (Re: Mannan)
|
تراجي منو قال لك مغيوظه؟؟؟
لما بتنسى الجيم تسويها حاء؟؟؟
| Quote: بخصوص هذه الصورة انا أكثر غيظا من تراحى |
تراجي لو مغيوظة بتمشي تعمل حركات زي بتاعت الاخوات ريا وسكينه دي
لكن شوفتني يوم هببت لناس خاصموهم مشيت اتشربكته صاحبتهم؟؟؟؟
عالم وهم.
عارف يا ود محجوب ما ارفغ من بنات خوجلي ديل الا شلة الرجال الفارغين المبارين بوستاتهم بلا خجلة
والانكى طبعا العامليني سياسين منهم؟؟؟؟؟زي حضرتك!!
باقي الشماسه الاسمهم بورداب فقط انا ما شغاله بيهم لانهم اصلا هنا لمثل هذه الفارغه
اما لما راجل زيك يشيل ابريقه ومصلياته ويتحرك هنا بتحير.
فعلا تربيه ابناء الختميه ومبارة الحوليات بتورث العطلة.
| |
|
|
|
|
|
|
|
|
|
Re: منى خوجلي وبقال .. الف مبروك (Re: Tragie Mustafa)
|
Quote: تراجي منو قال لك مغيوظه؟؟؟
لما بتنسى الجيم تسويها حاء؟؟؟
تراجي لو مغيوظة بتمشي تعمل حركات زي بتاعت الاخوات ريا وسكينه دي
لكن شوفتني يوم هببت لناس خاصموهم مشيت اتشربكته صاحبتهم؟؟؟؟عالم وهم.
عارف يا ود محجوب ما ارفغ من بنات خوجلي ديل الا شلة الرجال الفارغين المبارين بوستاتهم بلا خجلة
والانكى طبعا العامليني سياسين منهم؟؟؟؟؟زي حضرتك!!
باقي الشماسه الاسمهم بورداب فقط انا ما شغاله بيهم لانهم اصلا هنا لمثل هذه الفارغه
اما لما راجل زيك يشيل ابريقه ومصلياته ويتحرك هنا بتحير.
|
انسى الجيم اعملها حاء دا من شدة الغيظ (مش قلت ليك انا اشد غيظا).
الكلام التحتو خط دا ما عارف مكتوب بياتو لغة الا يكون عبرى صحيح عالم وهم.
بنات خوجلى ديل عقدتك ونالن احترام الجميع وهذا هو الحارق دمك.
((بس بينى وبينك حكاية الصورة دى برضو ما قادر اهضمها ))
ولك الشكر انى ما فى لستة الشماشة المعتمدة عندك (دا من ذوقك))
عاد يا تراجى المصلاية والابريق دايرات يحمنى ادافع عن بنات عمى.
| |
|
|
|
|
|
|
|
|
|
Re: منى خوجلي وبقال .. الف مبروك (Re: الصادق صديق سلمان)
|
| Quote: يعني شنو مايقعد كده وسط الناس الحلوين ديل ؟ أنت قايل هاميني ؟ ولا يهمني ولا حاجة !!! ولا بتتفقع مرارتي ولا شتين .. عاااادي جداً .... ولا بتغاااااظ زااااتو ... صورة أكثر من عادية .. يعني شنو ؟ يازول ماتزعل ولا حاجة !!! |
Quote: ( غايتو يابقال لو لقيتك إلا أأأكل كبدتك ) . وإنت يامنال لا جاي عرس بتك ولا حاجة !!! ويامنى خلاص البينا ولى وراح !!! ويا الكنداكة الفيك إتعرفت !!!
بالله واحد فيكم ينزل لينا هنا بتاعت كل البينا بقى حكاية ديييييك !! |
عماد ياخوي .. ما ترسى على بر ..
إنتا أسي صابر وللاّ قاعد تبكي ؟؟؟
قول قول يا عمك .. فضفض ..
والله بعد الصور دي حتى لو قاعد تبكي .. ما فيها حاجة .. عااااادي
أقول ليك حاجة ... هاك المنديل دا ..| Quote: لزوم تجفيف الدموع وكده |
| |
|
|
|
|
|
|
|
|
|
Re: منى خوجلي وبقال .. الف مبروك (Re: Biraima M Adam)
|
| Quote: هو القرد بنحسد على احمرار(....)؟؟؟؟ |
معقولة عاد
بعدين تجوا تقولوا ما قاصدين وما فاهمين المعني
هسع دي فرقها شنو من حلبك الليمونة لعمر ؟
__________________________
عموما البوست ده بوري انو الجلابة كما تقولون يستحقون حكم السودان 500 سنة جاي
اذا كان ده مستوى كتابة منى الجلابية مقارنة بي مستوى كتابة ممثلي الهامش
| |
|
|
|
|
|
|
|
|
|
Re: منى خوجلي وبقال .. الف مبروك (Re: ماجدة عوض خوجلى)
|
Quote: ده كلو هين الايام جابت ليها نيابه عن كيانات غير سودانيه وكدة وتهديدات يمين غربى شمال غربى قد دانا هلاكهم ..
|
كله يهون مع المحشى .. واصل النضال يا بقال .. وما تنسى تقرى لأخوك الغرابى منعم سليمان قبل ما تأكل المحشى !
بريمة
| |
|
|
|
|
|
|
|
|
|
Re: منى خوجلي وبقال .. الف مبروك (Re: الصادق صديق سلمان)
|
ومن يشهد للعروس غير امها؟؟؟
Quote: معقولة عاد
بعدين تجوا تقولوا ما قاصدين وما فاهمين المعني
هسع دي فرقها شنو من حلبك الليمونة لعمر ؟
__________________________
عموما البوست ده بوري انو الجلابة كما تقولون يستحقون حكم السودان 500 سنة جاي
اذا كان ده مستوى كتابة منى الجلابية مقارنة بي مستوى كتابة ممثلي الهامش |
قايل روحك يا وليد ما جلابي؟؟
ولعلمك ما عندي لكم لغة غير دي.
والليمونه و البطيخه ياها لغتكم يا جلابه وانتم اول من كتبها هنا.
| |
|
|
|
|
|
|
|
|
|
Re: منى خوجلي وبقال .. الف مبروك (Re: Tragie Mustafa)
|
Quote: قايل روحك يا وليد ما جلابي؟؟
ولعلمك ما عندي لكم لغة غير دي.
والليمونه و البطيخه ياها لغتكم يا جلابه وانتم اول من كتبها هنا. |
والله يا تراجي جلابي جنس جلبنه
لكن ما بي مفهومك للجلابة
بل لعلمك انت لن تخيفي احد بهذه اللغة اكتبي كيفما شيئتي فهذا مفيد جدا ومعبر جدا ويكفينا شرح ومداخلات
فقط ننسخ ما تكتبيه ونشرح للعالم المتابعة وكل زول حسب فهمو
ولغتك دي سترتد عليك
وحينها سنسمع صراخ وعويل كالذي حدث عندما بادلك نفس اللغة دكين
قد نكون اول من كتبها
لكنك تظلين اخر من استخدمها ويصر على استخدامها في المنبر
وبدون مبرر كمان
| |
|
|
|
|
|
|
|
|
 Re: منى خوجلي وبقال .. الف مبروك (Re: الصادق صديق سلمان)
|
Quote: حليلك يا عماد يا أخوي ..
كان المناديل كملن كلمني عشان أرسل ليك كرتونة .. |
يا الصادق يا أخوي أنا من يوم عرفته بالموضوع مشيت أشتريت لي تريلا عديل كده ... مليانة تكفي السودان وبريطانيا زااااتو ... بس وكتين تقرب تخلص برسل ليك تدف لي تريلا تاااااني شكلهن دموعي ديل ماايرين لي السترة نازلات مطر مطر ... الله غالب ياأخوي والله يجازي الكان السبب ...
( ماخلاص حب وإنتهى وتاني ما بندم عليه ) ... لينا الله ..  
| |
|
|
|
|
|
|
|
|
|
Re: منى خوجلي وبقال .. الف مبروك (Re: هشام حسن)
|
| Quote: حسه لو بقال ده ولدك بترضى يعرس ولا يهظر ساكت مع واحدة قدر امه؟؟؟ |
حبوبة تراجي
تناسب العرب و تتحدث العبرية
أفعالكم لا تشبه أقوالكم
يبقى أقوالكم
مجرد كلام شايلو الهوا بلاش نضال بلاش قرف
| |
|
|
|
|
|
|
|
|
|
Re: منى خوجلي وبقال .. الف مبروك (Re: حذيفه ابراهيم الكباشي)
|
| Quote: يا بقال مبرووووووووووك والله وربنا يكفيك شر شياطين الجن و (الانس) |
حذيفـــــة يـــأخي إتصـلـــــح مـعانـــــا ... مبـــروك شــنو ياخ ..!!! غايتو أنا الثانية ديك . وشري جااااايه بإذن الرحمن .... حقي مابخلي تب ... هييييييييع أنا أخوك ياشيقوق .
| |
|
|
|
|
|
|
|
|
|
Re: منى خوجلي وبقال .. الف مبروك (Re: انعام حيمورة)
|
Quote: راقدة عيانة لي يومين عشان ما تقولوا انعام دي مشت وين ... انا عيانة ابقى كويسة واجيكم
تحياتي لكل من مرة من هنا .. |
إنعام........تسلمى من كل شر.....بس خففى شوية...
تحياتى للجميع .وربنا يقومك بالسلامة..وتتابعى موضوع بنت جامعة السودان زميلة شذى..الله معاك
خالص تحيانى لمنى واسيا
مودتى..............إسماعيل محمد احمد عباس........
| |
|
|
|
|
|
|
|
|
|
Re: منى خوجلي وبقال .. الف مبروك (Re: ماجدة عوض خوجلى)
|
انعام حيمورة
لك التحية والتقدير والاحترام علي هذا البوست الاكثر من رائع
وشكراً لكل من شارك بحرف او كلمة في هذا البوست
وليدوم المحبة والاخاء والود والوئام بيننا جميعاً كأعضاء في منبر سودانيز اونلاين
نختلف ونتشاكل ونعاكس بعضنا البعض ولكن لما نتلاقي هذا هو حالنا وهكذا السودان
اجدد الشكر والتقدير لكم جميعاً
| |
|
|
|
|
|
|
| |
وليد محمد المبارك
عبد العظيم احمد
ALGARADABI
Muna Khugali
Ishraga Mustafa
عبدالوهاب علي الحاج
haroon diyab
jini
Hassan Makkawi
ود محجوب
JAD
Tragie Mustafa
Mannan
الصادق صديق سلمان
Biraima M Adam
ماجدة عوض خوجلى
بكري الخير
osman righeem
انعام حيمورة
ممدوح أبارو
حذيفه ابراهيم الكباشي
هشام حسن
ismeil abbas
حواء سليمان ابراهيم
Osman Musa
ابراهيم بقال سراج
هند محمد
saif massad ali
فيس بوك
تويتر
انستقرام
يوتيوب
بنتيريست