|
|
 الحبيبة نادية عثمان مرحباااااااا بعودتك .. صباح جميل !!
|
واحشنى
ماواحشاك !!
بايعنى
انا شارياك !!
هالكنى بعذابى
حائر قليبى وراك
ساكن هواى فى الروح
سيب حبى اتحداك !!
**** **** ***
غرقانة فى ريدتك
بحرك مدادو صفاك
وين حنّك الفياض
ياغالى ايه قسّاك
زعلان عشان لومتك
صدقنى مفتقداك
**** *** ***
زعلانة منك جد
حبك بقالى هلاك
انا كنت نجمة ليل
حولى البشر افلاك
هسع سكنى الهم
بقى همى كيف انساك!!
*** *** *****
كل يوم يمر ياحبيب
عمرى الحزين يرجاك
يالغبت عنى كتير
واحشنى ماواحشاك !!
______________
من مكتبة نادية عثمان وبقول ليها واحشانا كتير ومنورة وفرحانين بي عودتك
|
|
 
|
|
|
|
|
|
|
 Re: الحبيبة نادية عثمان مرحباااااااا بعودتك .. صباح جميل !! (Re: doma)
|
لو كنت جد واحشاك
كان تقبل الاعذار
ماكنت تبعد يوم
وتزيد عليا النار
اسرنى يامحبوب
يامكمن الاسرار
حبك ملك روحى
سكن الشرايين جار
*** ***
انا قلبى جد بهواك
رغم الطريق اخطار
كل املو يسعد بيك
جاك فى دروبك سار
ياريتنى اقدر اطير
وياريتك انت مطار
آدم نسائم الحب
مابتبقى يوم اعصار
مهما اختلفنا اكيد
تلد الليالى نهار !!!!
__________
وانتي كمان واحشانا يا ماما دوما.. تعالي !!
| |
|
|
|
|
|
|
|
|
 Re: الحبيبة نادية عثمان مرحباااااااا بعودتك .. صباح جميل !! (Re: انعام حيمورة)
|
Quote: زعلانة منك جد
حبك بقالى هلاك
انا كنت نجمة ليل
حولى البشر افلاك
هسع سكنى الهم
بقى همى كيف انساك!! |
وأنساك كيف أقدر انا والشوق معاي عدى السنة !!
نعومة : كل سنة وأنت بألف خير ودائماً تجيبي لينا الاخبار السعيدة وحقيقي أنت ملاك ...
مودتي
عماد
تخريمة:
حاولت الاتصال بك كثيراً من رمضان والعيد ودائماً تلفونك خارج الخدمة .. وراجعت الاخ علاء وأداني نفس الرقم , مشتاقين جداً ...
| |
|
|
|
|
|
|
|
|
|
Re: الحبيبة نادية عثمان مرحباااااااا بعودتك .. صباح جميل !! (Re: عماد محمود علي)
|
| Quote: وأنساك كيف أقدر انا والشوق معاي عدى السنة !! |
عمدة حبيب الكل ..
*****
آدم تبرى من النوح
ويبرى حشاك من الاحزان
تعال لاقينى فى الافراح
وفى عصب المحبة حنان
بغطيك بى وشاح الروح
وبدفيك من صقيع حرمان
*** *** ***
نزلت عشانى من جنة
وبقيت ليك ياحبيبى جنان
بقيت فردوسى ياآدم
وبقيت انا ليك شؤاطى امان
نعيمك جوة فى قلبى
ومعاهو سنين حياتى ضمان!!
___________
تفاحة آدم من مكتبة نادية عثمان
| |
|
|
|
|
|
|
|
|
|
Re: الحبيبة نادية عثمان مرحباااااااا بعودتك .. صباح جميل !! (Re: Ishraga Mustafa)
|
| Quote: وعادت للبورد نداوته |
طالعة منك انتى فرحة
شايلة من موناليزا لمحة
لابسة توب العز وشاحك
والعفاف يارائعة طرحة
*** ***
طالعة منك كلمة طيبة
زى قليب يالسمحة اخضر
كلو عاشق جاى باكى
تلقى فى بوستك معسكر
انتى حلوة وانتى سكر
انتى تحلية جاية طاعمة
قالوا منقة وقالوا كستر !!!
____________
شروق ... البت صحي ندية والله ... مكتبة نادية عثمان
| |
|
|
|
|
|
|
|
|
|
Re: الحبيبة نادية عثمان مرحباااااااا بعودتك .. صباح جميل !! (Re: السمؤال بدرالدين)
|
غنيت عشان عينيك
ودوبيت وقت مسدار
انا عارفة ريدك جد
مافيهو اى هظار
لكن كمان مليت
طعم البعاد الحار
*** *** ***
آدم تعال القاك
سابح فى بحرى حنان
غذى الفؤاد والروح
انا قلبى ليك جيعان
يازولى كم بهواك
وكم عاشقك الشريان !!
*** *** ***
واحشنى من سنوات
ولو شفتك امبارح
مشغول تملى دوام
انا عقلى فيك سارح
انعل ابو الاشواق
_______________
السمؤال ..
مكتبة نادية عثمان (تفاحتي يآدم )
| |
|
|
|
|
|
|
|
|
|
Re: الحبيبة نادية عثمان مرحباااااااا بعودتك .. صباح جميل !! (Re: نادية عثمان)
|
انعام اخت الخير
كما يناديك رغيم
كل سنه وانتي بخير
وهاهو خبر الخير ياتي ببشريات عودة الاستاذه المبدعه الشاعره الزميله ناديه عثمان
الي ربوع سودانيز اون لاين العامره باخوان واخوات ناديه الذين احبوا ما يخطه يراعها
صدقا وابداعا ,,,
Quote: ياناس !!
( وجه ملئ بدموع وإبتسامات ودهشة ومحبة) !!
بتمالك روحي وأجي يانعوم وياكل الاحباب سمح؟ |
وتسمح ايامك يا من تبكين بدموع منهمره عندما ترين طفلا يبكي او يتالم
وتسمح ايامك ياناديه يا ذات القلب الحنون الملئ حبا للغير بلا من او اذي
عودتك تعني ان الابداع باق وان الطريق مهما كان وعرا سيظل به شموع لاتنطفئ ولا تتاثر
بعوائق واهنه وضعيفه ومرتجفه
تحياتي لناديه وصديقتها انعام
وللكل كونوا بالف خير
| |
|
|
|
|
|
|
|
|
|
Re: الحبيبة نادية عثمان مرحباااااااا بعودتك .. صباح جميل !! (Re: العوض المسلمي)
|
| Quote: وهاهو خبر الخير ياتي ببشريات عودة الاستاذه المبدعه الشاعره الزميله ناديه عثمان |
عَادَة
أصْلِي مِنْ تَبيتْ وُقُمْتَا
مَا لِقيتْ قَلْبَاً حَنينْ
وُهَسَّة لَمَّا لْقيتَكْ إنْتَ
قَلْبي عَاشْ فَرَحَ السِّنينْ
إنتَ مَعْنَى البَسمَة عِنْدِي
وُإنتَ سِرْ سِرِّي الدَّفينْ
عَاشْقَة فيكْ مَعْنَى الرِّجُولَة
وُقَلْبَكْ المُخْلِصْ أمينْ
جِيتْنِي في زَمَنَاً حَرْقْني
واتْمَسَحْ بيكَ الأنينْ
هَمسَة في دُنيا الأحِبَّة
وُمينْ بِحِبْ زَيْ زولي مِينْ ؟!!
_________________
نادية عثمان 2008
العوض : حمد لله على السلامة
| |
|
|
|
|
|
|
|
|
|
Re: الحبيبة نادية عثمان مرحباااااااا بعودتك .. صباح جميل !! (Re: Talal Halfa)
|
المبدع طلال حلفا
مرحب بيك في أي وقت
Quote: بصراااحه .. لو عارفين الكلام البتكتب فيهو أختنا انعام ده ممكن يتعمل منو كترة أغاني .. لا حول الله!!
عليكم الله ادوني الاذن الحن الكلام ده ووروني دي أشعار منو؟ |
نعومة ماعندها أااااااي مانع انك تلحن اي نص عجبك هنا .. لكن بشرط تلحنو وتجي تنزل لينا اللحن هنا نسمعو معاك موافق ؟؟
| |
|
|
|
|
|
|
|
|
 Re: الحبيبة نادية عثمان مرحباااااااا بعودتك .. صباح جميل !! (Re: Talal Halfa)
|
| Quote: عليكم الله ادوني الاذن الحن الكلام ده ووروني دي أشعار منو؟ |
سلامات عليك ايضا
ياصافى قلبو عسل
سابحين فى بحر الريد
للشاطئ هل سنصل ؟؟
قلبى الهميم رياد
آدم غرامو كسل
__________________
الفنان الجميل طلال حلفا دي اشعار نادية يعني في كل مداخلة بكتب مكتبة نادية عثمان بس البرلمة نسوي ليها شنو ؟؟
مرحبتين حبابك الف بينا ...
والاذن عند صاحبته فقط انا زواقة لهذا الشعر ..
| |
|
|
|
|
|
|
|
|
|
Re: الحبيبة نادية عثمان مرحباااااااا بعودتك .. صباح جميل !! (Re: العوض المسلمي)
|
المسلمي ياأبو تسابيح الغالي
بوجود أمثالك في الدنيا يعم الخير وننعم بالطمأنينة وبأن العالم ليس بمنتهى السؤ !!
رجل يحمل قلبك العصفور بين أضلاعه يسعدني ان جمعني به هذا الوطن الافتراضي وامتدت أواصر المعرفة وتعمقت حتى أصبحت مثار فخرنا واعتزازنا فشكرا جميلا لهذا الصرح الشامخ ولقلبك النقي ايها المسلمي الجميل الدواخل جدا ..
| |
|
|
|
|
|
|
|
|
|
Re: الحبيبة نادية عثمان مرحباااااااا بعودتك .. صباح جميل !! (Re: نادية عثمان)
|
الغاليه ناديه
مليون سلام
Quote:
رجل يحمل قلبك العصفور بين أضلاعه يسعدني ان جمعني به هذا الوطن الافتراضي وامتدت أواصر المعرفة وتعمقت حتى أصبحت مثار فخرنا واعتزازنا فشكرا جميلا لهذا الصرح الشامخ ولقلبك النقي ايها المسلمي الجميل الدواخل جدا .. |
تلفت يمينا ويسارا لاعرف من المقصود بهذا الحديث ؟؟؟
ليتني اكون ربع ما تقولين ,,,
انه فقط احساس الانقياء الفاضلين تجاه من يعرفون ,,,
شكرا بكري لانك جعلتنا نعرف ناديه واخوان واخوات كريمات صاروا جزء اصيلا من اهلنا
نحس بهم ويحسون بما نشعر ,,,
شكرا ايها الزمن الجميل
وشكرا للغاليه جدا والتي هي اختي وبنت امي كمان انعام حيموره ...
ونلتقي علي الخير
| |
|
|
|
|
|
|
|
|
|
Re: الحبيبة نادية عثمان مرحباااااااا بعودتك .. صباح جميل !! (Re: عبود عبد الرحيم)
|
| Quote: زهرة رائعة من حديقة يانعة ... |
آدم هواك مكشوف
ماغطى نورو ستار
ياحبى ريدنا عفيف
زى روعة الازهار
مشروح امام الكون
ماقلنا ياستار
ريدنا المقدس جد
فعل القلوب السار
*** *** ***
الفين مراحب بيك
يانغمة ياالحان
آدم نهار الليل
عامر القلب تحنان
يامرهف الاحساس
ياملك ملوك انسان
يازولى من تبيت
ماشفت ملكا خان!!!
*** *** ***
عازف هواك قلبى
قانون يداعب نآى
اوعك تفارقنى
ترسم خطاوى شقاى
انت الفرح يوم فات
وانت الفرح لو جاى !!
عارفة الولف كتّال
آدم غرامو هناى !!!
_______________
عبود : نادبة عثمان القاهرة عشرة يونيو 2005
| |
|
|
|
|
|
|
|
|
|
Re: الحبيبة نادية عثمان مرحباااااااا بعودتك .. صباح جميل !! (Re: طارق جبريل)
|
| Quote: والله افتقدناها هنا |
نشيل انغامنا تحضن نأى
نجر النمّة والدوبيت
نحب الهامنا لما يقول
نرص القافية بيت فوق بيت
حروفنا السامية مابتتعب
ولابترفض تقولها ابيت !!
تعال ياأدم المحبوب
ياما عشانك اتحديت
نسيتنى خلاص نقول يعنى ؟!!
ولا مشيت واتناسيت ؟!!
بحبك ياعشوق جدا
لو حبيتنى لو صديت !!!!
________________
طارق ياحبيبنا .. نادية عثمان تفاحتي يا آدم 2005 من المكتبة
| |
|
|
|
|
|
|
|
|
|
Re: الحبيبة نادية عثمان مرحباااااااا بعودتك .. صباح جميل !! (Re: عبدالله وداعه الامين)
|
الشاعر والمبدع الجميل الحرف والبوح
عبد الله وداعة الأمين
غيابي القسري عن هذا المكان الذي أحببته كان خصما على عافية القافية وميلاد القصائد لدي والتي كانت تتدفق سلسبيلا عندما تحرض نصوصك الشعرية الحانية حنين الهام الشعر لدي فنتبارى ونتحاور ونضحك ونبكي ونتونش شعرا !!
كن بالقرب ياصديقي علّ القافية تتصالح معي بعد طول هجران .. سمح ؟؟!!
| |
|
|
|
|
|
|
|
|
|
Re: الحبيبة نادية عثمان مرحباااااااا بعودتك .. صباح جميل !! (Re: عبد الدائم سيد أحمد)
|
| Quote: اهلا" نوارة كابتود |
آدمْ حَضَارَةْ كوشْ
****
ألفينْ سلامْ آدمْ
فارسْ حضارةْ كوش
صافي الضَّميرْ أبيضْ
طعمَ الفطيرْ مَرْشوشْ
مرشوشْ لَبنْ أبيضْ
مَا فيهو ايِّ رِتُوشْ
يَا غالي يَا حبِّي
حبيتْ حُكمْ قَرقوشْ
أسْجِنِّي في الشِّريانْ
قَلبَكْ وَسيعْ الحوشْ
عاشقاكْ حَرفْ نازِفْ
يِسكِرْ كَحرفَ الدّوشْ
خليني أسْكنْ فيكْ
وَاهْديني تاجْ وُعُرُوشْ !!
_____________
العريس : عبد الدائم ..آدم حضارة كوش نادية عثمان 2008
| |
|
|
|
|
|
|
|
|
|
Re: الحبيبة نادية عثمان مرحباااااااا بعودتك .. صباح جميل !! (Re: انعام حيمورة)
|
| Quote: ليس سوى عجز الحروف واللغة يا(حنانة) فسامحيني ..سمح ؟؟ |
العِيدْ
عِيدْ ؟؟
بَلاكْ يَا غَالي
كيفِنْ بِبْقَى عيدْ ؟
منُو البِيَقْدَرْ يِضُوقْ
الكَعَكَة
مِينْ بِلْبَسْ جَديدْ ؟
مِنُو البِعَرِفْ مَلامِحْ
الضَّحْكَة
في اليومَ السَّعيدْ ؟
وُكيفْ بِيِدُقْ قليبْ
وُدَمْ يَجْري
في وَرِيدْ ؟
عِيدْ ؟؟
كيفْ يَا غَالي
دُونَكْ عِيدْ يِكُونْ ؟
بعيدْ إنْتَ في عُلاكْ
ودمعى يسيل هتُونْ
إيهْ مَعْنَى الخَبِيزْ
وُمِلايَاتَ الحَريرْ
وُمَفْرَشْ لونْ ولونْ ؟
مَافي هِلالْ بَلاك
تَعَالْ فَرِّحْ عِيُونْ
بيكْ سَعَدَ الصُّغَارْ
غُنَا وُأرْوَعْ فُنُونْ
_______________
ندويتي يا دوووب الليلة العيد !!
نادية عثمان 2008
| |
|
|
|
|
|
|
|
|
|
Re: الحبيبة نادية عثمان مرحباااااااا بعودتك .. صباح جميل !! (Re: مدثر محمد ادم)
|
Quote: انعام سلامات وعيد سعيد
وندوية شوقا بحر |
طعم العشق نعناع
رايداهو حد الموت
قلبى الولوف طماع
عايزاهو ليا براى
يلهمنى بالابداع
جننى ياآدم
زيد القليب اوجاع
وصلنى حد البوح
نشوة وهوى وامتاع
عذبنى بالهجران
غرقانة كايسة شراع
اسكنى جوة الروح
غيرك حياتى ضياع
شبّعنى ريدة ونم
اطعم قليبى الجاع
لو يوم تفوت أدم
قسما ارد الصاع !!
________________
مدثر تيف تيف كل سنة وانت طيب
القاهرة 8 اكتوبر 2005 مكتبة نادية عثمان
| |
|
|
|
|
|
|
|
|
|
Re: الحبيبة نادية عثمان مرحباااااااا بعودتك .. صباح جميل !! (Re: هاشم أحمد خلف الله)
|
| Quote: مرحب بيك وبأختنا نادية عثمان في عالم المحبة والجمال |
مَا تْسَافِرْ
****
مَا تْسَافِرْ
لَوْ بِتْحِبَّنِي
أوْعى تْغَامِرْ!!
مَا تْخَلِّيني أمُوتْ
في بُعْدَكْ
ألْغِي الفكرَة
وُأَوْعَى تْسَافِرْ
أنَا حَبّيتَكْ
إنْتَ الفِكْرَة
غَرَامْ بالجَدْ
مِنْ نوعاً نَادِرْ
مَا تْخَلِّيكْ في غَيَّك سَادِرْ
شِيلْ الحُلْمَ مَعَايْ
يومْ بَاكِرْ
أنا حَذَّرْتَكْ
بِقَعْ الشَّاطِرْ !!
أسْمَعْنِي وُقُولْ
كِلْمَةْ حَاضِرْ
وُمِنْ نَارْ غضبي
أعْمَلْ سَاتِرْ !!
_________
هشومي .. شفت عوالم الجمال دي كيف .. نادية عثمان 2008
| |
|
|
|
|
|
|
|
|
|
Re: الحبيبة نادية عثمان مرحباااااااا بعودتك .. صباح جميل !! (Re: Talal Halfa)
|
طلال حلفا سلامااااااااااااات
Quote: لكن كده وروني ، الكاتب منو؟ ناديه أم انعام؟
ده حفظا" للحقوق الأدبيه وبعد كده أكيد الماديه |
اها طالما الموضوع فيهو حقوق مادية مع الفلس الحاصل ده فمعليش يانعومة صحبتي مابقدر أقول الشعر ده حقك لكن ممكن أكتب ليك شعر غيرو وأديك تتجدعي بيهو ومافي زول حايجي يقول بكتب ليك هاشم صديق ولا السر قدور فما تقلقي  
| |
|
|
|
|
|
|
|
|
|
Re: الحبيبة نادية عثمان مرحباااااااا بعودتك .. صباح جميل !! (Re: baha eassa)
|
Quote: والله انتي عندك قلب يسع البورد حبــا .. ونحن في حاجة شديدة
لنوع هذا الحب مع الخريف و الكتاحات الشديدة في المنبر .. ..
شكرا لهذا الحب المتدفق عفوا .. ومرحب الف بعودة حمامة المنبر
الرائعة .. .. |
انا قلبي كيف ينساك
وبينا المحبة سنين
ماتقول زمانا كفيل
انا نزفي دمو ثخين
الساقية دارت بي
وزماني اصلو ضنين
مابجود علي في يوم
واتوسد الياسمين
حبيت حباب حبك
ورقيتو بي يسن
فوقك ملائكة حب
تحرس جنا الصالحين
مادايرة غيرك ريد
وتعال نتم الدين
بس زولي بس يارب
ياهو القلب والعين !!
___________
بهاء الباهي .. تسلم يااارب .. نادية عثمان 2008
| |
|
|
|
|
|
|
|
|
|
Re: الحبيبة نادية عثمان مرحباااااااا بعودتك .. صباح جميل !! (Re: كتو)
|
| Quote: نادية عافية الجسد ... |
آدم وحواء
رَمزَ الحُبْ
وعُشَّاقْ الزَّمنْ أخضرْ
نَزَلوا عَشانْ نعيشْ اتنينْ
مِنْ دنيا الغَرَامْ نَسْكَرْ
نَسَكَرْ بي نَبيذَ إحساسْ
وبي عشقاً نبيلْ أكبرْ
آدمْ وحوَّاءْ
سِرَّ الكونْ
مَا أظنْ أصلو
يِتْفَسَّرْ !!!
______________
كتو .. تسلم ياارب (آدم وحوة) نادية مختار 2008
| |
|
|
|
|
|
|
|
|
|
Re: الحبيبة نادية عثمان مرحباااااااا بعودتك .. صباح جميل !! (Re: كتو)
|
كتو العزيز
Quote: نادية عافية الجسد ...
روح المحبة ...
وامانى النيل
كم انتظرنا هذا البوست ....
شكراًجزيلا يابحر |
وكم قاومت دفق الحنين الذي كان يهتف في روحي راغباً في العودة ياصديقي !!
صدقني كان البعد وجعاً مقيماً في الحنايا مازلت أحاول التخلص من سطوته وجبروته في الدواخل !!
وجاءت العودة هكذا كيفما اتفق بدون قرار مني بالعودة !!
قول يارب ماأطفش تاني !!
| |
|
|
|
|
|
|
|
|
|
Re: الحبيبة نادية عثمان مرحباااااااا بعودتك .. صباح جميل !! (Re: Elmosley)
|
Quote: ياسلام عليها
كلماتها السهل الممتنع |
شهق الرعد خايف البروق وبكى السحاب ..
وكتين هطل مطرا دقاق ريحة الحراز
احلف واقول انو القليب قبلك بتول..
خالى الوفاض ماضاق طعم ريحة العشق والنوم خزاز
نفاج فتح جواى وكوّة نور يبق..
يضوى المكان زى كهربة مدنا بيوتها من القزاز
حبك بصيص خيط الامل ومعنى الهروب ..
من جوّة جوف الانشطار لما النفوس تعزف نشاز
خيل الامانى الطار وشال سرجو المطرز بالوعود..
لعن المنافى وعاد خواتيمو الدموع مدقوقة فوق ورق الجواز
عاد من مشاتى الغربة والوجع الخبيث ..
لملم بواقى كرامتو من رصف الحضارات المزيفة والمعطرة زيت
وجاز حط الرحال افتح شبابيك سكتك..
أجهض وداع ادى القطار حق اللجؤ وأرفع شراع الانحياز
هو البستحق انك تعود ..وتزهر حقول الحب عهود ..
تروى الأرض صحة وسلام ..لقمة ووئام ..رفريف حمام ..
نسمة خريف ورشاش رزاز
وطن المساجد والخلاوى والدراويش والكنائس والمعابد ..
وثبات عقائد باقية ضد الاهتزاز
عشقك سما وبالروح سبح فوق للسما ..
زيك محال تلد الشموس يالمشرئب عالى الرؤوس
ليك الولاء تعظيم قسم ويمين غلاظ
آنفة واباء عزة وشموخ والكبرياء ..
حبك حقيقة زى الحياة ..
يامحور الكون البيدور وثبات نقاط الارتكاز
فوق للجبال سودانا عاش ..سلة غلال ورطب لذاذ
ليهو العلا والانحناء والانحياز
وطن الجدود ليهو الخلود ..
حبو الحياة وموتو المجاز
ليهو العلا والانحناء والانحياز
حبو الحياة ..وموتو المجاز!!
_________________
استاذنا الموصلي ولد حلتنا ..الى الان في ذاكرتي تلك الندوة عن الموسيقى في شعر الحقيبة .. جمعية شباب حميورة .. تتذكرها ..
غربة وشجن واحدة من بنات الهامى فى ميلاد عصيب لرجل ما..ت...وسيقار يوسف الموصلى
مكتبة نادية عثمان 2004
| |
|
|
|
|
|
|
|
|
|
Re: الحبيبة نادية عثمان مرحباااااااا بعودتك .. صباح جميل !! (Re: ماجدة عوض خوجلى)
|
Quote: ندو مشتاااقين احنا حبيبه والحمدلله بالرجعة وصباحاتنا بخير
نعوم حبيبى برضو احنا مشتاااقين ليكى بس ماقلتى لى الرصيد كيف ؟!!
تسلمو من كل شر يارب ... |
البلد الحبيب مين البيعدل مايلو
صارى الحزن ابدا فى حشاهو وشايلو
الزول الظلوم حتما تظلمو فعايلو
فى يوما قريب بيبهدلنو عمايلو
_____________________
مجدة يا حبيبة .. والله الرصيد اليوم داك اتلم معاي ساااي لي هسى تاني ما قطع ..
فرجت حبة ..
الدوبيت .. مكتبة نادية عثمان 2005
| |
|
|
|
|
|
|
|
|
|
Re: الحبيبة نادية عثمان مرحباااااااا بعودتك .. صباح جميل !! (Re: غادة عبدالعزيز خالد)
|
الحبيبة الغالية جدا غادة عبد العزيز
تحية محبة لقلبك الأخضر
Quote: إنتي زولة طيبة وقلبك أبيض.. وأثق أن الخير
فقط الخير هو سيكون رفيقك... |
والله ياحبيبة يقيني ان في داخل كل منا مساحة متمددة وممتدة من الخير ومنطلقي في الحياة هو ان الدنيا كثيرها وقليلها الى زول فلماذا نناصب بعضنا العداء ونجعل الشر ينتصر على مساحة الخير فينا ؟!!
كلامك الطيب أثلج صدري ورجائي ان اكون عند حسن الظن بي دوما .. وتسلمي يادودي العسل
| |
|
|
|
|
|
|
|
|
|
Re: الحبيبة نادية عثمان مرحباااااااا بعودتك .. صباح جميل !! (Re: انعام حيمورة)
|
نادية النادية
والله سلامات
حالتي دي أنا فرحان واشترى في البدل الإسموكنق
وكل يوم عندنا درس أنا والست ( بعلتنا ) نتدرب فيهو على كلام القرضمة والأهميات
الست حرمنا زاااتا ما قصرت تياب وفساتين لها وللأنجال
نظام كل سؤال لازم ليهو ( توب ) يمشي معاهو
وفي نهاية الإسبوع ديمونستريشن مع الأنجال
القعدة تكون كيف
والكلام يكون
ونقوم نعمل إسبوتنق للأسئلة المتوقعة
ودا كلو عشان السهرة الوعدتينا تعمليها معانا تلفزيونياً
قلت نادية دي أكيد بتجهز في السيناريو
والمصورين
والمخرج
وأكيد أكيد دا الخلانا ما نشوفا في البورد
________________
أها تعالي قولي لى نسيت الموضوع دا
ولا متين وعدتكم ؟؟
_______________
إنعام
تشكرات وتحيات
| |
|
|
|
|
|
|
|
|
 Re: الحبيبة نادية عثمان مرحباااااااا بعودتك .. صباح جميل !! (Re: انعام حيمورة)
|
 كتبت الغائبة عند حضورها مخاطبة الكريمة إنعام حيمورة : Quote: نعوم
يافتاة مخبوزة من عجينة الطيبة .. والنقاء !!
تكفي إطلالتك بوجهك البسوم وملامحك الحبيبة هذه لتقول كم أنتي جميلة الدواخل ورائعة بحق !!
ماذا أقول يانعوم ؟؟!!
ليس سوى عجز الحروف واللغة يا(حنانة) فسامحيني ..سمح ؟؟ |
بمثل هذا الكتاب الذي يُقطر حنيناً ، يتعين علينا أن نتذكر من أين ورثنا هذا الحنين الدفاق فتذكرنا الماضي الجميل : كتب إسماعيل حسن ( سيد حنين الماضي ): الحِنيِّن يا فؤادي .. ليه يعاديك ما بتعادي لو تمُر النسمة بالليل .. من دياركُم تشفي العليلْ فيها قصة حُبي النبيل .. فيها ريدِك وريدِك نبيلْ يا نسايم أحكي الغَرام.. وَدّي ليهُم مني السلامْ قولي ليهُم طال الخِصام .. قَلَّ نومي وعَزَّ المَنامْ وين أشوفك وين يا ضنين .. ليه فراقك ليه بالسنين لو عرفتَ حبيبك أمين .. ما بتخونهُ وتَهجُر حنين يا ما بعدك شُفتَ الألم .. قل نومي وصبري انعدم شوف دموعي وراك .. صـــــاروا ..دم كُل ماشيدتهُ وراك انهدم .. كلمة واحدة سقتني الألم أهلاً بسيدة البسمة الحانية : الكريمة نادية ها هي بشائر الخير تعود ...
**
| |
|
|
|
|
|
|
|
|
|
Re: الحبيبة نادية عثمان مرحباااااااا بعودتك .. صباح جميل !! (Re: mamkouna)
|
| Quote: واحشانا كتير ومنورة وفرحانين بي عودتك |
وهو كذلك ... شكرا ... إنعام ... الحنونة.
ربما يلزمني أن أقبض على طرف جلبابي, خشية خوض
عجول فى محيط نادية عثمان, لكوني لا أعرفها
شخصيا, لكنها إنسكبت روحا وقلما وإحساسا فى
مجرى عام ... وتناولت { كسائر القراء } نصيبي
من ثمر تساقطته, وبخة مع مسك تفوحته, وحرفا من
نسيج نولته ... فلها التحية ... ومرحى بعودها
الحميد ... مع عاطر الود.
| |
|
|
|
|
|
|
|
|
|
Re: الحبيبة نادية عثمان مرحباااااااا بعودتك .. صباح جميل !! (Re: HAYDER GASIM)
|
Quote: وهو كذلك ... شكرا ... إنعام ... الحنونة.
ربما يلزمني أن أقبض على طرف جلبابي, خشية خوض
عجول فى محيط نادية عثمان, لكوني لا أعرفها
شخصيا, لكنها إنسكبت روحا وقلما وإحساسا فى
مجرى عام ... وتناولت { كسائر القراء } نصيبي
من ثمر تساقطته, وبخة مع مسك تفوحته, وحرفا من
نسيج نولته ... فلها التحية ... ومرحى بعودها
الحميد ... مع عاطر الود. |
باهر بنانك الذي يكتُب ففيه عُذوبة منسابة ودفء
وظلٌ لطيف .
هذا ما عهدنا دوماً من :
الأستاذ : حيدر قاسم
تحية لك ومثلك نحن عرفنا روحها من بنانها الذي يكتُب .
وبمثل تلك الأرواح وغيرها كثيرون من الذين بنينا
بستاناً للجلوس في حضرتهم .
كتب الراحل جماع الشاعر :
إننا طيفان
في حلمٍ سماوي سرينا
وروحك الوثابة هي من التي سرينا برفقتها .
تحية لك ولقلمك الذي يأتمر بأمرة الخير
..
| |
|
|
|
|
|
|
| |
انعام حيمورة
doma
عبد اللطيف السيدح
بكري الخير
السمؤال بدرالدين
Ishraga Mustafa
عبود عبد الرحيم
العوض المسلمي
Talal Halfa
طارق جبريل
عبد الدائم سيد أحمد
فتحي الصديق
هاشم أحمد خلف الله
baha eassa
Elmosley
ماجدة عوض خوجلى
Alsa7afa_30
غادة عبدالعزيز خالد
rosemen osman
بابكر التوم
Yassir Tayfour
محمد عبد الماجد الصايم
محمد البشرى الخضر
عاطف عمر
عبدالله الشقليني
سمندلاوى
mamkouna
HAYDER GASIM
هند محمد
عمر صديق
ابراهيم برسي
فيس بوك
تويتر
انستقرام
يوتيوب
بنتيريست