|
|
|
 Re: سعــــــــــــــــاد (Re: انعام حيمورة)
|
ـــــ
hi ,Enam Himorh
Beautiful song
Laudable, but it does not work well
Please repair
ـــ
Dr. Tariq Jibril tell people the night
؟!What you tell
Sorry for writing english
| |
 
|
|
|
|
|
|
|
|
Re: سعــــــــــــــــاد (Re: emad altaib)
|
كيف يا عمدة ..
ايوة الاغنية حلوة جدا وعجبتني ..
وفيها حماس قوي ..
يعني اي زولة اسمها سعاد انا بهدي ليها الاغنية دي ..
الاغنية شغالة كويس .. بس الجماعة لما يكونوا حايمين القصة بتتلخبت شوية لكن هي تمام..
شرفت جدا وخاصة بي صورة بروفايلك الحلوة دي .
مودتي
| |
|
|
|
|
|
|
|
|
 Re: سعــــــــــــــــاد (Re: Sara Mahgoub)
|
| Quote: الاغنية خليها ساكت ( !!!! ) |
سرووورة !!
في خشمي ختيت القميص ..
أجري وأزبد شوق وانط
لامن دخلت الحفلة فجيت الخلوق
وركزت شان البت سعاد
_________
شان البت سعاد
| |
|
|
|
|
|
|
|
|
|
Re: سعــــــــــــــــاد (Re: Sara Mahgoub)
|
التحية للاستاذة الممثلة سعاد محمد الحسن زوجة الراحل عمر الدوش
*************************************************************************
دقّتْ الدَلّوُكَهْ
قُلنا الدنيا ما زالت بخير
أهو ناس تعرِّس وتنْبَسِط
تكْكَّتَ سروالي الطويل
سويتْلُو رقعات فى الوسط
فى خشْمِ عضّيت القميص
أجرى وازيّد شوق وانُط
لا مَن وصلتَ الحفلَهْ زاحمتَ الخلق
وركزْتَ
شان البِتْ سُعاد
أصلى عارف جِنَّها فى زول بيرْكِز وينْسَتِر
لكنِّى عارِف إنَّها
لو كلو زول فى الحلة بالسُتْرَهْ إنجَلَد
يانى الآزاها وجِنَّها
برْضِى عارِف أظنَّهَا
دِيمهْ فى صَرَّ ة وشيهَا
يلفحْنى شوق نافِر لَبَد
وركزْتَ للحُرقَهْ المَشَت فوق الضلوع
تِحت الجِلد
ضمّيت قزازتى مرقتَ عِن طَرَف البلد
وسِكرْت جَدْ
وأنا جايىّ راجعِ مُنْتَهى لاقتْنى هِى
قالت "تعال"
كِبْرَتْ كُراعى من الفرح
نُص فى الأرِض نُص فى النِّعال
اتْلخْبَط الشوق بالزَّعل
اتْحَاوروا الخوف والكلام
"ه-يْى يا سُعاد
على ودْ سكينَهْ وكِلْتِي في خشمو الرماد
علي ود سكينَه ومَات أسى
وأنا بِت بلاك ملْعُون أبوى لو كنتَ أرْضَى أعرِّسهْا
وأنا يا سُعاد
وكتين تصُبى سحابَهْ تَنْزِلي زي دُعاش
بفْرِش على روحى واجيكْ
زولاً هِلِك تعبان وطاش
وأنا يا سعاد وكتين أشوفِك ببقى زول
فَرَشولوا فَرْش الموت وعاش)
قالت سُعاد
(بطِّل كلام الجِرْسَهْ انجض يا ولد)
مزّقْت روحى نِتَف
مرّقْتَ من جيب القميص
عرقى وأسق
طبّيت قزازتى وصلتَ لى طَرَف البلد
وسكْرتَ جَد
اذّنت فى الشوك والسَلَم
وسرحْتَ بالناس والغَنَم
وركعتَ للعرقى البِكِر
وقدتَ فى الألم الحِكِر
وحلمتَ زى شالنى ومشَى
فوف زحمة نْبيْ الله الخِضِر
صحَّانى صوت العُمدهْ قال
(مسئول كبير زاير البلد)
قال لينا
(وكَتْ الزول يجِى ، لازِم تقيفوا صفوف صفوف
وتهيّجُوا الخَلا بالكفوف
وتقولوا عاش.. يحيا البطل)
صلّحْتَ طاقيتي الحرير
واتنَحْنَح الحشا بالكلام
ورميتُو من حلقى الوصَل
قُتْ ليهو يا عُمدهْ اختشى
مسئول كبير في الدنيا غير الله اِنْعَدَم
ما شُفْنا زول رضّع صغار
ما شفنا زول نجّح بَهَم
ما شفنا زول لمْلَم رِمَم
لا صِحِينَا عاجِبنا الصباح
لا نُمْنَا غطّانا العَشَم
والحِلَهْ من كلَّ الجِهات محروسَهْ
بالخوف والوهم
ومضينا من زمناً قديم-يا عُمدهْ-مرْسوم انتحار
الموت مُباح
والحب نِطاح
والصِدقِ من جِنس الزِّنا
العافيهْ مولودَة سِفاح
والرغبَهْ مكسورةَ جناح
الحلم والوعد النبيل
الطِفلهْ والأم ، النخيل
الرّنَهْ فى الوتر الاصيل
تلقاهَا فى قاموس نكاح
يا يُمَّه واح..يا حِلَّهْ واح
يا سعاد تعالى ولمِّى من كل البيوت
عِدَّة السَفَر الطويل
زَخْرِفى الفجر النهار
شخْبِطى الضُحى والأًيل
المَغْرِب
الفجر
النجوم.
فى صُرَّهْ وارمِيها البحر
خلِّينَا فوق الشك نَعُوم
والعُمدَهْ فاض
العُمدَهْ صار مليون عُمَد
العُمده فيل
جبلاً تقيل
لبْوَهْ وأسد
حَسَنَهْ وغَصِب
جُمْعَهْ وأحَد
بقّيتْ قزازتى
مرقْتَ عِن طرف البلد
وسكْرتَ جَد
وأنا جايى راجِع أجهجهو
لاقانى هو
سايق العساكر والكلاب
رامى بين عيني وعينو
كلب وتَكْشيرهْ وحُراب
ضاقت نِعالى من الزّعل
من تحتهَا اتْمَلمل تُراب
الغيم سكب ضُلو ومشَى
والدنيا غيما سراب سراب
والحِلهْ زى بلداً بعيد
زوَّد بُعاد وقُرُب سُعاد
اتجمَعَت كلَّ البيوت فى راحتَا
زى بِت لِعاب
مجنونَهْ تصرخ فى الزوال
ممزوجَهْ فى الدم واللُعاب
عينيَّ ضاقت نظْرَتهْا
والجوف يطقْطِق بالكلام
قُبَّال يقولوا لي سلام
اتلمُوا حولى بلا نِظام
شال وعِمَّهْ
توب وغُمَّهْ
فاس وطوريَّه وحزام
شالونى بى كُل إحترام
ورمونى فى قَعَر السجن
حصلّنى قبل اليوم يِتم
جارنا المدرِّس ودْ خدوم
قال ليَّ
لا زول قام هتَف
لا كف مشَت بتلاقِى كَف
والعُمدَهْ زى هَمْبول وقف
يا صمت أُف
يا دنيا تُف
وأنا يا سُعاد للشوق نغَم
للهَم عَلَف
| |
|
|
|
|
|
|
|
|
|
Re: سعــــــــــــــــاد (Re: ابو يسرا)
|
ابو يسرا ..
بالله ؟ القصيدة دي حقت سعاد محمد الحسن ؟؟
وشاعرها هو عمر الدوش ؟؟
بالجد اناما عارفة
وفعلا التحية للحلوة سعاد محمد الحسن وهي فردة في مجال (الرجيم والرياضة)
تحية غالية ليها ومحبة
_____________
وكلو شان البت سعاد
| |
|
|
|
|
|
|
|
|
|
Re: سعــــــــــــــــاد (Re: عماد محمود علي)
|
عمدة حبيب الكل .. بالاكتتر والله !!
أصلى عارف جِنَّها فى زول بيرْكِز وينْسَتِر
لكنِّى عارِف إنَّها
لو كلو زول فى الحلة بالسُتْرَهْ إنجَلَد
يانى الآزاها وجِنَّها
برْضِى عارِف أظنَّهَا
_______________
انا يا سعاااد
| |
|
|
|
|
|
|
|
|
|
Re: سعــــــــــــــــاد (Re: انعام حيمورة)
|
انعام سلام
براك عارفه ناس عماد وودالصايم قلوبهم رهيفه
وما بستحملوا كلام زي ده ,,
وكثيرين زيهم
بس اختيارك ,,,ماشاء عليك ,,,
لو في لجنة اختيار الذوق كنت رشحتك ليها ,,,
ودي وشوقي
| |
|
|
|
|
|
|
|
|
|
Re: سعــــــــــــــــاد (Re: عامر تيتاوى)
|
| Quote: الدنيا ما زالت بخير شواكيش تجى وشواكيش تفوت |
تيتاوي شوف الكلام دا كيف ؟؟
وأنا بِت بلاك ملْعُون أبوى لو كنتَ أرْضَى أعرِّسهْا
____________
وانا يا سعاااد
| |
|
|
|
|
|
|
|
|
|
Re: سعــــــــــــــــاد (Re: انعام حيمورة)
|
سعــــــــــــــــاد ..يا سعــــــــــــــــاد ,,ياسعــــــــــــــــاد ,,,
يا من تقصده انعام ,,,انتي عارفه ,,,معزتك ,,,
وهذا البوست يقول كلام لو حسب بعدد القلق لزاد العالم توترا ,,,
ولو حسب بالشوق ,,لايقظكي من نومك الصباحي هذا ,,,وجعلكي تحتضني جوالك,,,
كوني بخير ,,طالما قالت انعام ..سعــــــــــــــــاد ..فهذا يعني انكي
تستحقي هذا التقدير واكثر ,,,
كل الود
____________________________________________________________
انعام ,,من شكل البوست تشعر بكمية هذا الحب ,,,
| |
|
|
|
|
|
|
|
|
|
Re: سعــــــــــــــــاد (Re: انعام حيمورة)
|
لك الشكر
هي احدي روائع الرائع الراحل عمر الطيب الدوش له الرحمة
ولكني اعتقد بان الاستاذ الكابلي شوهها تشويها كامل اذ قام
بتعديل بعض الكلمات افسدت القصيدة
هل يحتاج كلام الدوش الي تغديل؟؟
| |
|
|
|
|
|
|
|
|
|
Re: سعــــــــــــــــاد (Re: ahmed abdelati)
|
| Quote: هي احدي روائع الرائع الراحل عمر الطيب الدوش له الرحمة |
فعلا هي ملحمة عديل
| Quote: ضمّيت قزازتى مرقتَ عِن طَرَف البلد وسِكرْت جَدْ |
بديهي بكون ناس المصنفات هم العدلوها ما الكابلي ..
وركعتَ للعرقى البِكِر
وقدتَ فى الألم الحِكِر
وحلمتَ زى شالنى
وسط الزحمة نْبيْ الله الخِضِر
شكرا احمد
_________
وانا يا سعااد
| |
|
|
|
|
|
|
|
|
|
Re: سعــــــــــــــــاد (Re: بلدى يا حبوب)
|
يالله يا بلدي حبوب ..
دا معناه شوق كبير جدا ...
لاني حقيقة اشتقت لي سعاد طول فترة غيابها عني ...
وناديتها بالبوست دا ..
والحمد لله انها استجابت ليهو وظهرت ...
شكرا ليك وشكرا لي كل المداخلين الرجعوا البت سعاد بالاغنية الحلوة دي ..
| |
|
|
|
|
|
|
|
|
|
Re: سعــــــــــــــــاد (Re: انعام حيمورة)
|
إنعام
لك التحية على هذا الأبداع يافنانة
Quote: يعني اي زولة اسمها سعاد انا بهدي ليها الاغنية دي ..
|
يعنى نحن نسمع ساى كده....عندى كم حرف من سعاد............
مودتى...........إسماعيل محمد احمد عباس..
| |
|
|
|
|
|
|
|
|
|
Re: سعــــــــــــــــاد (Re: هند محمد)
|
| Quote: المكان ده سمح ومليان محنة |
هند يارقيقة يا حساسة ..
فعلا الاغنية حلوة وفيها حماس حلو وقصة حلوة ..
واداء حلو وموسيقى حلوة وترديد وراء الفنان برضو حلو ..
والاحلي .. انها لي سعاد ..
ويديك انتي العافية كمان والرحمة للدوش
| |
|
|
|
|
|
|
|
|
|
Re: سعــــــــــــــــاد (Re: انعام حيمورة)
|
ياانعام
والله اغنية وكلمات وهدوء مباااااااااالغة
شكرا للاختيار وشكرا مرة تانية لجعلك لنا مشاركين فى الاستماع
.....................
وين انعام ضرس .........الراقية
سلام يااسماعيل وطارق ..
المسلمى
لماجيت السودان ضربت ليك لمن فترت تلفونك مقفول ...
سلام للجميع ول
سعاااااااااااااااااااااد
| |
|
|
|
|
|
|
| |
انعام حيمورة
emad altaib
محمد عبد الماجد الصايم
ابو يسرا
العوض المسلمي
طارق جبريل
عامر تيتاوى
هاشم أحمد خلف الله
Muna Khugali
Alsa7afa_30
بلدى يا حبوب
ismeil abbas
haroon diyab
هند محمد
ناهد بشير الطيب
فيس بوك
تويتر
انستقرام
يوتيوب
بنتيريست