|
|
 قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصادرة
|
صدر اليوم قرار أداري من محلية الخرطوم بمنع القدور وطبخ الفول في كافة بقالات الخرطوم وسط ويتم تنفيذ القرار من الغد
وفي حالة وجود قدرة فول أمام البقالة تتم مصادرة القدرة والغرامة في المرة الثانية الغرامة والجلد لصاحب البقالة وهذا الامر المحلي أصدره عبد الملك البرير متعمد محلية الخرطوم وتم توجية كافة أصحاب البقالات اليوم في منطقة الخرطوم وسط بتنفيذ الامر أعتبار من الغد
ياولاية الفول أنت ياخرطوم .
بالله ياجماعة نحن فقراء مدنية الخرطوم ما عندنا غير البوش والفول المصلح نأكل شنو تاني
عندكم لينا حل سريع قبل بداية السنة !!!!!!!!!!!1
|
|
  
|
|
|
|
|
|
|
 Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا (Re: خضر الطيب)
|
يا بوبا,,| Quote: زهير خبرك ده ما يبقي ماسورة زي بتاع بنك السودان وتقعد تبرمج بينا ساي |
فى كلتا الحالتين تاكل نارك,,,
أبوالزهور سلامات يا حبيب,,,
بتاعين الدكاكين تانى حا يشدو ليكم بالكرباوى يا حبيب,,
أو بالخاينة خايفة إذا إستعصى أمر الكرباوى
| |
|
|
|
|
|
|
|
|
 Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا (Re: ناذر محمد الخليفة)
|
الله أكبر
لا اله الا الله...
الآن فقط أمريكيا روسيا قد دنا عذابها
كنت ولا زلت أعتقد أن سبب العذاب الذي سيحيق بهذه الدول الكافرة هي قدرة الفوراوي أو عربي الجزيرة صاحب الدكان..هؤلاء لم يأتو لحوار...يتخمون بطون شعبنا بفول مرة وارد السليم،ومرة وارد الحبشة،هم لا يدرون أن هذا الفول الذي هو غذاء الحصين لا يصلح للبشر..يزرعه مهمشوا الشمال ليباع لعمال السودان..فسحقا لمناطق انتاج الفول في الشمال وسحقا لعمال البناء الذين يفطرون به.
نبشركم بأن هنالك 10 حاويات وصلت ميناء بورتسودان تحمل أجهزة تسمي lentil cooker تعمل بالكهرباء وتطبخ العدس..اتوماتيكي كما قال وليد 500 ...فشتان ما بين العدس والفول.
شعبنا يجب أن يستيقظ وكل شخص فيه يحمل الكوكر بتاعه ويا عدس هذا الشعب المتطاول يعتذر عن المثل الشعبي (الما بعرف يقول عدس).
أي عامل أو موظف في دولة الشمال الرسالية بعد الانفصال يجب أن يحمل معه (توول بوكس) أو شنطة سومسنايت فيها أدوات طهي متقدمة ...يقيني أن الحكومة ستوفر بلكات في اعمدة الكهرباء ..ومعروف انها ما بتقصر...البلكات جاهزة والحاويات معفية من الجمارك ووصلت المينا.
مزراعين الفول في الشمال المتمسكين بأرضهم ديل لازم يتشردوا
ناس الدكاكين الما بنتموا لدولة الرسالة الجديدة من الفور والجزيرة برضوا لازم يتشردوا
عايزين يقعدوا في البلد دي حسب رؤية الدولة الجديدة الليقعدو...ما عايزين الله معاهم
ناس تزرع فول وصعوط وكلام فارغ ؟؟؟ وكمان يسوقوا ويغنوا ؟؟هم فاضين؟؟
وداعا زيت السمسم...وداعا ست الدكوة والكسرة،وداعا قدرة الفول،وداعا صحن البوش،وداعا محلات العماري...وقريبا نودع محلات الاسبير وسوق ليبيا وقندهار...وداعا لكل تلك اللغاويس المجغمسة في اطراف دولة الشمال الحديثة....عربي ومسلم مرحب بيك...رطاني ومسلم ما مرحب بيك وقوم قد
التهنئة موصولة للقدو قدو عشان ترقية واجبة في الجلد من البناطلين القصيرة الي اصحاب البقالات
_
زهير خبرك ده ما يبقي ماسورة زي بتاع بنك السودان وتقعد تبرمج بينا ساي
| |
|
|
|
|
|
|
|
|
|
Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا (Re: انور التكينة)
|
بيكشّوا ستات الشاى ... وستات العرقى ..
ورفضوا تجديد تراخيص محلات التمباك ...
هسى قبّلوا على الفول ...
ومقابلين سواقين العربات فى السفنجات ...
يعنى لو قلت تلبس سفنجتك تمشى تضرب ليك بوش وكباية شاى وتغشى ترفع ليك نص عرقى وكيس تمباك عشان تجى تتدوبل وتسف وتبزغ وتنوم بدون ما تكتل ليك زول من الغيظ ... احتمال من مرقتك ديك تانى ناس البيت ما يشوفوك زاتو من كمية الجرايم الإرتكبتها ...
ياخى عندنا زول فى حلّتنا ... بيجبّدوهو فى الكورة وكيشة وخرخار وجرسى جرسة شديدة خلاس ... جيت الحلة لقيت كشك مبنى فى نص الشارع العام ... قلت ليهم دا كشك منو؟ ... قالوا لى دا "مختار" غلبوهو فى مباراة قام جاب المواد وبنى ليهم "مصلّى" فى نص الميدان ... ناس الحلة قالوا ليهو نحن ما بنقول ليك هدّ "المصلّى" لاكين خارجو لينا من الميدان ... فى الآخر قجّ ليهم الكشك فى نص الشارع من الحد لى الحد (طرف تحت اسلاك الكهربا البتفصل الشارع من الميدان والطرف التانى ملصّق فى حيطة البيت عديل ... يعنى لو داير تمشى ما بتقدر تستخدم الشارع ... إلاّ تشق الميدان) هسى أىّ بتاع دكان دايرين يشيلوا قدرتو انصحو يبنى "مصلّى" قدّام الدكان ... ويشد الفول بى ورا "المصلّى" ... نشوف معتمد المحلية "الكافر" دا بيقدر يعمل لى "المصلّى" شنو؟
(عرقى .. تمباك .. فول .. شاى .. سفنجة .. عرّاقى .. موية زرقا .. تتجلد زى الترتيب ... لاكين تقنطر ليهم "مصلّى" فى نص شارع الجمهورية ... زول يسألك مافى)
... المهم ....
| |
|
|
|
|
|
|
|
|
|
Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا (Re: Ahmed Osman)
|
وماهى المصلحة العامة التى ستعود على الشعب المغلوب على أمره من مثل هذه القرارات ؟؟؟
عشان الفول بنوم جايز يكون تم إدراجه ضمن المخدرات !!!
أو لكثرة زباينه خاصة جماعات البوش حيكون دخل ضمن المهددات لأمن الوطن كسبب من أسباب التجمعات والتظاهرات وتبقى ازالة القدور مثل مطاردة البذور للخدمة العسكرية!! عشان مافى واحد تانى يمرق بره...
أو ربما لأن الناس تعودت عليهو كأداة رخيصة للشبع فكروا يشدو عليهم الحزام شويه حتى لا يفكروا بالخروج خارج الحلقه الضيقه(أكل وشراب وتراب وخراب و....)....
زمان فى الكليات العسكريه كانوا لا يتركون للطالب المستجد أى فرصة للراحه حتى يتبلد عقله ولا يفكر بحجة انه اذا ارتاح سيفكر واذا فكر سيقرر واذا قرر سيهرب ...
| |
|
|
|
|
|
|
|
|
|
Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا (Re: حسن النعمان)
|
............
Quote: يا موج
لو كمان الحطب كان من طلح
الا تمشي تحج سبعه مرات طالبا المغفره |
وما تقول تلقى القدرة مقنقنه وملفلفة بشوال والقدرة
طبعا تقيله وراء والدخاخين مارقات من راسها وبالجنبات
لما يديها تكون مخلخله،بالظبط بتشبه المرة البتدخن.
فى الحقيقه حاجه تغرى بالنزق لوووووول..
ياجماعه انا حضرت لقاء مدير الجمارك قبل شهرين فى السفارة فى الرياض
قال نحن بنستورد 100% من الحبوب الزيتيه للمعاصر من كينيا...
و95% من الفول المستهلك من اثيوبيا يكون ماعندهم عمله صعبه ياربى؟؟
الدور الجاى على الكوارع الناس ديل جنهم وجن المفاتن مش الكوارع كرعين
مدنكلات والجماعه بكلام الرندوق بقو يقولو ماشين نرفع كوارع..
| |
|
|
|
|
|
|
| |
زهير عثمان حمد
دوت مجاك
صديق الموج
معروف حمدين
osman righeem
السمانى عمارة
عاطف عبدون
Al-Shaygi
saif massad ali
علاء الدين صلاح محمد
جعفر محي الدين
مريم بنت الحسين
خضر الطيب
أيمن الطيب
ناذر محمد الخليفة
GamarBoBa
Elbagir Osman
BAKTASH
سيف اليزل جعفر عبد الرحمن
Dr.Elsadig Abdalla
انور التكينة
تبارك شيخ الدين جبريل
ALZOLZATOO
عادل الباهي عبدالرازق
فايزودالقاضي
مريم عزالدين صديق
Nazik Eltayeb
Ahmed Osman
sourketti
أسامة البلال
فيس بوك
تويتر
انستقرام
يوتيوب
بنتيريست