|
|
 هنا نستقبل التهاني بحصولنا كنوبيين على اول وثيقة من الدولة بحق تقرير المصير
|
مبروك لكل الشعب النوبي الحصول على اول وثيقة رسمية ومن رأس الدولة مباشرة
وذلك بالاعتراف ان السودان (الذي سيكون) سيصبح دولة عربية "خااااالصة" ودينها دين الكيزان
وكلمة عربية خالصة تعني ان لكل القوميات الغير عربية لها الحق في مغادرة هذا الجسم
سنحتفظ بهذا الاعتراف الذي يمنحنا حق المطالبة امام اي محكمة دولية في تقرير مصيرنا
وتكوين دولتنا القديمة والقديمة جدا
مناقشة الامور السياسية والجغرافيا والحدود واحزاب التحرير سيكون لها بوستات اخرى
هذا بوست لاستقبال التهاني فقط
|
|
 
|
|
|
|
|
|
|
 Re: هنا نستقبل التهاني بحصولنا كنوبيين على اول وثيقة من الدولة بحق تقرير المصير (Re: أحمد ابن عوف)
|
وكما سنحتفل مع اخوتنا الكوشيين من جنوب السودان بتحرير بلادهم من قبضة
بني عربان الاسلاموية
سنحتفل نحن ايضا عما قريب باذن الله بتحرير اراضي كوش الاصلية ارض بعانخي وتهراقا
شكرا يا عمر البشير، فانك لم تكن اسعد حظا من جدك ابي السرح عندما اعترف بنوبيتنا
ولغتنا واصلنا
ووقع على الوثيقة البغيضة "مجتازين غير مقيمين" لانها ليست ارضا عربية لا عرقا ولا لغة
الصدفة الغريبة ان عمر البشير وابي السرح الاتنين تلاعبوا بآيات الله كما يريدون ههههههههه
| |
|
|
|
|
|
|
|
|
|
Re: هنا نستقبل التهاني بحصولنا كنوبيين على اول وثيقة من الدولة بحق تقرير المصير (Re: صلاح الفكي)
|
تخريمة حالمة
1- رفض السدود والتهميش وقضية شهداء كجبار.
2- تسمية الإقليم النوبي بحدوده المعروفة كولاية إدارية.
3- وجوب تدريس اللغة النوبية في مدارس وجامعات الإقليم النوبي.
4- الإعتراف بحق العودة للنوبيين وإعادة التعمير بإعتباره مشروعا قوميا تتبناه الدولة السودانية.
5- إلغاء إتفاقية الحريات الأربع مع مصر كإحدى مهددات الوجود النوبي والسيادة الوطنية.
6- عدم التصرف في ملكية مشروع خشم القربة بإعتباره ملكا للمهجريين قسرا من وادي حلفا.
7- إيقاف التغول المصري على الحدود والأراضي السودانية والتأكيد على وحدة السودان وسيادته الوطنية.
8- وقف بيع الأراضي النوبية بحجة الإستثمار.
| |
|
|
|
|
|
|
|
|
 Re: هنا نستقبل التهاني بحصولنا كنوبيين على اول وثيقة من الدولة بحق تقرير المصير (Re: أحمد ابن عوف)
|
بوست متعة والله يا ابو حميد ..
زولك دا كان اخذ ليهو تاني عشرين سنة ما حيلقى غير المسرح البرقص فيهو ...
وكنظرة مستقبلية يجب التركيزعلى ترسيم الحدود مع المصرين لانو نحن الهوا بجينا من الشمال- ناس الخرطوم ديل باقي ليهم كم شبال ومروتهم تخلص.:)
بعدين لازم يحصل تدقيق في اعطاء الجنسيات للنوبيين بتاعين السعودية لانو حيجوا يشبكونا محمد عبد الوهاب وفتح مكة والعروبة والاسلام ويرجعونا تاني لدق البنات:
وين مدحت بجي ينزل لينا النشيد الوطني سريع سريع قبل ما الزول دا يرجع في كلاموا:)
Quote:
هذا بوست لاستقبال التهاني فقط |
معليش للنقة الكتيرة - خلي بالك دا من الفرحة:))
مبروك يا مان..
| |
|
|
|
|
|
|
|
|
|
Re: هنا نستقبل التهاني بحصولنا كنوبيين على اول وثيقة من الدولة بحق تقرير المصير (Re: أحمد ابن عوف)
|
حسين نوباتيا يا حبيب
مبروك يا زول
والله حقو نسميها نوباتيا
| Quote: بوست متعة والله يا ابو حميد .. |
تسلم
| Quote: زولك دا كان اخذ ليهو تاني عشرين سنة ما حيلقى غير المسرح البرقص فيهو ... |
بظروفو، احنا عارفين ارضنا وين
| Quote: وكنظرة مستقبلية يجب التركيزعلى ترسيم الحدود مع المصرين لانو نحن الهوا بجينا من الشمال- ناس الخرطوم ديل باقي ليهم كم شبال ومروتهم تخلص.:) |
سليل العروبة طبعا داير يسلمهم الاراضي النوبية لحد دنقلا (راجع مثلث برمودا) لماذا تم
تحديد مدينة دنقلا شمالا
وكلامك مية مية، الخوف من ناس القومية الاسمها عربية الفوق ديل، لكن قول ليهم رمسيس كان
اشطر، لمن غلبو وقف في اسوان وقال هذه هي حدود مصر الجنوبية.
| Quote: بعدين لازم يحصل تدقيق في اعطاء الجنسيات للنوبيين بتاعين السعودية لانو حيجوا يشبكونا محمد عبد الوهاب وفتح مكة والعروبة والاسلام ويرجعونا تاني لدق البنات: |
البنات عندنا ملوك، وكان على الوثائق اليجيبو معاهدة البقط ونحتكم ليها بالاضافة طبعا
لحديث بني عربان البشير ومن لف لفه.
| Quote: وين مدحت بجي ينزل لينا النشيد الوطني سريع سريع قبل ما الزول دا يرجع في كلاموا:) |
وهل عهدتهم يرجعون عن حديث خاصة اذا كان بتلكم عن ابادة وتشريد؟؟
بهرشو من اسيادهم الامريكان بس.
| |
|
|
|
|
|
|
|
|
|
Re: هنا نستقبل التهاني بحصولنا كنوبيين على اول وثيقة من الدولة بحق تقرير المصير (Re: نجلاء سيد أحمد)
|
عزيزي استاذ زمرواي
اسمح لي ان انقل مداخلتك الى هنا
عليه.. كــنــوبــيــن نطالب بالآتي:
Quote: تخريمة حالمة
1- رفض السدود والتهميش وقضية شهداء كجبار.
2- تسمية الإقليم النوبي بحدوده المعروفة كولاية إدارية.
3- وجوب تدريس اللغة النوبية في مدارس وجامعات الإقليم النوبي.
4- الإعتراف بحق العودة للنوبيين وإعادة التعمير بإعتباره مشروعا قوميا تتبناه الدولة السودانية.
5- إلغاء إتفاقية الحريات الأربع مع مصر كإحدى مهددات الوجود النوبي والسيادة الوطنية.
6- عدم التصرف في ملكية مشروع خشم القربة بإعتباره ملكا للمهجريين قسرا من وادي حلفا.
7- إيقاف التغول المصري على الحدود والأراضي السودانية والتأكيد على وحدة السودان وسيادته الوطنية.
8- وقف بيع الأراضي النوبية بحجة الإستثمار. |
| |
|
|
|
|
|
|
|
|
|
Re: هنا نستقبل التهاني بحصولنا كنوبيين على اول وثيقة من الدولة بحق تقرير المصير (Re: أحمد ابن عوف)
|
الاخ بشير احمد
شكرا للتهاني
| Quote: قشة ماتعتّر ليكم ؛ |
ما عندنا قش في اراضينا النوبية، حجر بس
| Quote: بالله شوف ليك لغة غير العربية واكتب بيها ؛ |
انت يا زول ما متابع الابديت بتاع النوبيين في المنبر وللا شنو؟؟
| Quote: وخلو المستعربين في حالهم. |
انتو كمستعربين ما تخلو الناس في حالهم، حسع البشير دا في زول سالو
ما قام براهو مسك المكرفون وطرش قرفو دا
| Quote: بشير احمد منبر السلام العادل . |
مبروك برضو
| Quote: حدّنا جمهورية الخرطوم بس. |
قلنا الجغرافيا بنناقشها بعدين، مسالة الحدود وما ادرام ما الحدود
انتو قايلنها ابيي وللا شنو؟؟ الجو سنة ما بعرف قبل كم مية سنة
احنا حسابنا بالآلاف والآثار تشهد، وسوبا احدى عواصم مملكاتنا
راجع اي كتاب تاريخ
| |
|
|
|
|
|
|
|
|
|
Re: هنا نستقبل التهاني بحصولنا كنوبيين على اول وثيقة من الدولة بحق تقرير المصير (Re: أحمد ابن عوف)
|
ابو جنزير
| Quote: كان قعدنا بي حكاية الوالدة والعمه والخالة والحبوبة كلنا حانقرر مصيرنا ومافي زول مافيه عرق نوبي |
خلاس ، قومتو للبطبطة لوووووووووووووول
يا زول ما تركز، شنو وكلنا فينا عرق نوبي وبطيخ، البشير ما كان عارف الكلام ده لمن
مسك المكرفون وللا الطيب مصطفى التعيس بكون مغبي لمن بكتب في عنصريتو المعفنه؟؟
كلام واضح وموثق، اي قرد يطلع شدرتو، والبفضل معانا وزولنا يكون عربي نضيف
والبعقد معانا وهو ما عربي يرجى الراجيهو، اقلاها بدون
ومن هسع نصيحة ليك لوجه الله تعالى، لو ما متأكد انك عربي نضييييييف حسب معايير البشير او رئيس
حزبك الطيب مصطفى، اتخارج يا زول وفتش اصولك وين، الناس ديل معاييريهم صعبة خلاص
ليعتمدوك كعربي. اسالني انا البديري الدهمشي دا.
| |
|
|
|
|
|
|
|
|
|
Re: هنا نستقبل التهاني بحصولنا كنوبيين على اول وثيقة من الدولة بحق تقرير المصير (Re: بريمة محمد)
|
ابنعوف
Quote: الوالدة حلفاوية، عندك مانع؟؟
بعدين الشوايقة ديل زاتو قالو عليهم نوبة مستعربين |
عارف بي منطقك دا زاته العباس حا يطلع نوبي عندك مانع كمان جده إسماعيل بن الخليل إبراهيم عليه السلام وأبراهيم ما عربي وأمه هاجر نوبية طوالي بي شغل اللصيق بتاعك دا نطلع العباسي نوبي مستعرب
الغريبة رغم هوسك بي أصول الناس واجناسهم وانسابهم أنت اكتر زول ناكر جنسك وبعد ما كنت بتقول انك شايقي قلت أنت بديري وقعدت تدافع عن البدرية وقلت البشير بديري وما بمثلكم ولا ما عارف شنو هسع ركبت مكنة نوبة ما عارف الواحد يجي يلقاك بكرة فاتح ليك بوست مركب يا تو مكنة
بعدين شنو حكاية ركيب المكنات الجديدة دي تراجي بي هناك مركبة مكنة بيجاوية 18 سلندر
| |
|
|
|
|
|
|
|
|
|
Re: هنا نستقبل التهاني بحصولنا كنوبيين على اول وثيقة من الدولة بحق تقرير المصير (Re: حسين نوباتيا)
|
بريمة ازيك
يا اخوي انت ناسي وللا انا كنت حلمان لمن انت فتحت بوست بتطالب
فيهو النوبيين عن طريق عزام انه يسلمك الـ 360 عب الفرضها جدك ابن ابي السرح؟؟
عشان تجي تقول لي كلامي في حقك كلام عنصري؟؟؟؟؟
Quote: ما كتبته كلام عنصرى فى حقى .. وأنا أطالبك بأعتذار واضح ..
بريمة |
بعدين انا وين جيبت سيرة قبيلتك هنا، انا جبت كلام كان عنصري كتبته انت في حق النوبيين
عندما افترضت ان العبيد الكانو بسلموهم لجدك ابن ابي السرح كانوا من النوبيين؟؟
اين العنصرية في كلمة "ان جد بريمة هو عبدالله ابن ابي السرح" وهو اعتراف من عندك
كل الحصل ان الاخ عاطف قال البشير جده بلال، وهو من معقل الاعراب في السودان، او كما قال
نعوم شقير "القبائل العربية الخالصة" وانت بقاري من جنوب كردفان او "شبة الزنوج" كما قال
نعوم شقير ايضا، والطيب مصطفى وود اخته ما شايفك ما الا امتداد لبقية العناصر الزنجية
العاملة ليهم غلغله في حزام حدود 56.
يا بريمة، من زمان قلنا ليكم مباراة الجداد بتودي الكوش
فدحين ورونا، انتو جدكم منو، بلال وللا ابن ابي السرح؟؟ وهل جدك انت وجد البشير واحد؟؟
وللا اقول ليك، ما بخصنا كتير، دي دولتكم العربية وحلوا مشاكلم براكم.
لكن قبل ما امشي، وان فهم كلامي في غير صياغة، وان كان حاد، فاني اعتذر لك كما طلبت.
لكن اصحى يا بريمة، البشير دا قريب بطلع المسرح تاني وبمسك المكرفون ويقول على بالطلاق
انها ممكلة جعلية او بديرية واي زول تاني ما الا عب بس.
تحياتي
| |
|
|
|
|
|
|
|
|
|
Re: هنا نستقبل التهاني بحصولنا كنوبيين على اول وثيقة من الدولة بحق تقرير المصير (Re: أحمد ابن عوف)
|
بريمة
| Quote: أخوتنا أبناء وبنات النوبة فى الشمال .. |
خوتك ما بناباها يا بريمة، لكن البشير قال فرز الكيمان واجب بعد كده
| Quote: أحمد أبن عوف شايقى |
هل تصدق يا بريمة انني الى اليوم لا اعرف الفرق بين الشايقي والبديري الدهمشي
واهلنا ما حكو لينا، واقسم لك بالله، ان اول مرة اسمع فيها كلمة بديري دهمشي
كانت وانا في الصف الثالث المتوسط عند استخراج الجنسية، وحتى يومها كنت زهجان
وافترضت انو اسم ما جميل ودشن، احنا ناس مدينة
وما بنعرف كلام قبيلتي وقبيلتك. الا عندما ظهر التتار.
| Quote: وخاله أخو أمه هو قاتل أبناء النوبة فى كدنتكار: أسامة عبدالله .. |
لا انا خيلاني الحلفاويين، اعمامي هم من قبيلة اسامة عبدالله، وما عندي علاقة بيهو
وسلوكه ما عنده علاقة بقبيلته، وانت عارف القبيلة الاسمها قبيلة المؤتمر الوطني
الطالبانية، او قبيلة الكيزان او قبيلة الاسلاميين. اها البشير قرر ان يجعلها عربية
خالصة. شوفوا ليكم صرفه معاه.
| Quote: خم وصر يا أحمد .. ياهو أنت متورط فى الدم النوبى. |
وما دخلي انا بتصرفات حكومة الكيزان؟؟ ولماذا تحميل قبيلة الشوايقة عمايل اسامة عبدالله؟؟
بعدين قلنا من قولة تيت، دا بوست للتهاني، مالي اراك لا تريد ان تهنيء اخوتك النوبيين
بالحصول على وثيقة رسمية من الدولة بانها عربية خالصة وبذلك يستطيع النوبيون ان يحصلوا
على حق تقرير المصير؟؟
تحياتي
| |
|
|
|
|
|
|
|
|
|
Re: هنا نستقبل التهاني بحصولنا كنوبيين على اول وثيقة من الدولة بحق تقرير المصير (Re: أحمد ابن عوف)
|
الا اله الا الله يا ابو جنزير
قلنا دا بوست تهاني، بوستات العنصرية ومناقشة القبيلة في السودان ممكن نفتح ليها بوستات تانية
| Quote: عارف بي منطقك دا زاته العباس حا يطلع نوبي عندك مانع كمان جده إسماعيل بن الخليل إبراهيم عليه السلام وأبراهيم ما عربي وأمه هاجر نوبية طوالي بي شغل اللصيق بتاعك دا نطلع العباسي نوبي مستعرب |
كلامك دا امشي قولوا للناس في الجزيرة العربية؟؟ وآخر مكنة من الاسلاميين سمعتها من كوز مصري
قال هاجر عليها السلام قبطية، يا زول لمن راسي اتفتح نصين، قلت ليه انت بليد وللا شنو
هو كان في مسيحية اصلا في زمن سيدنا ابراهيم عشان هاجر تكون قبطية؟؟
لكن طبعا انا فاهمه كويس، بقولوا قبطية يعني انها بيضاء وليست سمراء وعندها علاقة
بالجنس النوبي الاسمر، محاولة للمخارجة من وجود عرق زنجي في دماء العرب كلهم وعلى
راسهم سيدنا محمد صلى الله عليه وسلم.
حسب كلام الطيب مصطفى في قناة الجزيرة في حديثة عن الجنوبيين ورغبته في الانفصال انو
الناس ديب ما بشبهونا، بشبهونا في الشكل طبعا، يعني هم سود واحنا بيض لوووول
| Quote: الغريبة رغم هوسك بي أصول الناس واجناسهم وانسابهم أنت اكتر زول ناكر جنسك وبعد ما كنت بتقول انك شايقي قلت أنت بديري وقعدت تدافع عن البدرية وقلت البشير بديري وما بمثلكم ولا ما عارف شنو هسع ركبت مكنة نوبة |
والله انا البعرفو لحدت سنة 1989 كنت سوداني، بعدين اصولي من جهة الوالد بديري دهمشي
ولم انكرها بل كتبتها فوق قبل ما تسالني زاتو، وافتخر انني انتمي لهذه القبيلة، يبقى
بمزاجي اعمل فيها نوبي اعمل فيها بديري دا مسالة بتخصني، وللا كمان دايرين تحدده للزول
جنسة؟؟؟ دي كمان حركة جديدة وللا شنو؟؟
| Quote: ما عارف الواحد يجي يلقاك بكرة فاتح ليك بوست مركب يا تو مكنة |
والله بتمنى ان اكون سوداني بس، زي زي اي جنوبي او فوراوي او بقاري او بجاوي
لكن يحول الطلب الى منبر السلام العادل ونشوف رايهم في الموضوع بتاع سوداني بس
دا كيف؟؟ لو اقتنع منبر السلام العادل بان الناس متساوية انا بقتنع
| Quote: بعدين شنو حكاية ركيب المكنات الجديدة دي تراجي بي هناك مركبة مكنة بيجاوية 18 سلندر |
ما تسال عمر البشير، القال دايرها عربية خالصة؟؟؟ مالك سالنا احنا، ما هو مركب مكنة
عربي
| |
|
|
|
|
|
|
|
|
|
Re: هنا نستقبل التهاني بحصولنا كنوبيين على اول وثيقة من الدولة بحق تقرير المصير (Re: أحمد ابن عوف)
|
العزيز ابن عوف
منذ اعلان البشير، راودتنى هواجس الكتابة التى توقفت عنها حين انفتحت طاقة التعبير المحدود واصبح ممكنا ولو قسرا الممارسة
الفعلية فى الواقع ورغم ضيقها لم نستبشر خيرا بها، بل كان مرانا قسريا كالسويدى اجبرنا انفسنا من حيث جس نبض الحبار
فى كذبة الديموقراطية والتعايش السلمى فى وطن متعدد . والذى دفعنى قسرا للارتداد للعالم الاسقيرى
هذه اللحظة هو شكل من توارد الافكار والخواطر حيث كانت بودار جنينية تتكون بداخلى فى هذا الاطار وبنفس العنوان
لكى ابوح بقدر من الشكر للقائد العربى فى اعلانه والذى كما اوردت مختصر واضح واجابة لا تحتمل التأويل وحل جذرى
لمشكلة تاريخية نخرت فى الكيان الملموم لما قسريا ومنضوم بخيط واهى ، سجاله خطاب فارغ المضمون وتخدير مدروس
لتمييع وتطويل مساحات وازمنة الصراع فى المحاولات اليائسة فى مشروع بناء الدولة السودانوية . هذا الذى جاءت به زمرة
الحكم القسرى فعلا يستحق التهنئة التى تستوجب اليقظة والمبادرة لاجهاز الوهم الذى خدر وعينا فشكرا.
| |
|
|
|
|
|
|
|
|
Re: هنا نستقبل التهاني بحصولنا كنوبيين على اول وثيقة من الدولة بحق تقرير المصير (Re: أحمد ابن عوف)
|
أحمد ابن عوف
Quote: كل الحصل ان الاخ عاطف قال البشير جده بلال، وهو من معقل الاعراب في السودان، او كما قال
نعوم شقير "القبائل العربية الخالصة" وانت بقاري من جنوب كردفان او "شبة الزنوج" كما قال
نعوم شقير ايضا، والطيب مصطفى وود اخته ما شايفك ما الا امتداد لبقية العناصر الزنجية
العاملة ليهم غلغله في حزام حدود 56.
|
مازلت تمارس عنصريتك على شخصى .. وتجعلنى حقير ووض.يع قدر لأن البشير أو نعوم شقير أو أنت أردت لنا نحن عرب جهينة بغرب السودان أن نكونوا أقل منكم قدر و أوضع شأناً .. وقد أفهم كلامك على سيرة العرب فى الفخر من إنسان أعرابى جاهل .. كل منهم يجعل من قبيلته هى سيدة العرب .. ولكنى لا أفهمه من رجل متعلم يعتبر نفسه مثقف ..
سؤالى كيف تتنصل من أبن عمك أسامة عبدالله قاتل أبناء النوبة ؟؟
لا ينفعك التنصل والأنبطاح ..
بريمة
| |
|
|
|
|
|
|
| |
أحمد ابن عوف
عاطف عبدون
Elbagir Osman
Zomrawi Alweli
حسين نوباتيا
فيصل محمد خليل
بشير أحمد
Medhat Osman
Hassan Bakri Nugud
نجلاء سيد أحمد
جمال المنصوري
فايزودالقاضي
بريمة محمد
sharnobi
فيس بوك
تويتر
انستقرام
يوتيوب
بنتيريست