|
جنسية الحضرى بدل جنسية ريك مشار
|
يبدو اننا فى مكان كل واحد جنوبى سنستبدل لاعب للمريخ او الهلال حتى يكتمل عدد سكان السودان مرة اخرى بدل الذين سيخرجو منه بعد يوم 9 ياناير القادم
هذا واقع يوضح جليا باننا لانحترم انفسنا ففى حين نضحى بجنسية الملايين وبكل سهولة نفرض ايضا فى جنسيتنا التى يفترض ان تكون من اهم رموز سيادتنا كما يتحفنا بذلك اولائك الحكام الذين هم انفسهم الذين سيفرطون عقد هذه السيادة المفترى عليها .
بالله عليكم افتونى كيف لانمنح من هم كانوا معنا فى وطن واحد جنسية مشتركة فى حين نعطيها لديمبا وكلتشى والحضرى وسولى شريف وكل من هب ودب من الذين لايعرفون عن السودان شيئا .
اكاد لاافهم تناقضاتنا فى الفترة الاخيرة فهل من مفسر افادكم الله
|
|
|
|
|
|
|
|
Re: جنسية الحضرى بدل جنسية ريك مشار (Re: Nader Abu Kadouk)
|
سلامة النظر انا Nader Abu Kadouk
نادر حقك على انا قريت الاسم على عجل مع انى خايف عليك من جماعة حقوق المراة ما يهجمو عليك بردة فعلك العنيفه كونى غلطت انثتك انت ماعارف المراة والراجل بقو ند بند يعنى ممكن هى تعمل اى شى انت تعملو وكدا
اسفى مجدد حتى ترضى
| |
|
|
|
|
|
|
Re: جنسية الحضرى بدل جنسية ريك مشار (Re: عادل عبدالعزيز عبد الرحيم)
|
كمال يا عمر نفسك قام سدارى كده مالو يا خوى
الحكاية نقاش
عندك منطق كبه هنا
ما عندك ورينا عجاج كيبوردك
ومافى داعى للقطامة دى كلها
الاخ عادل حيرتنى فى مفهوم المنطق واطمئن انا ما قائم سدارى متكى على مخدتى وكباية قهوتى جنبى يعنى مزاجى اكتر من رايق وماناقصك غير انك تقوم على حيلك وتركب نظاراتك وتعيد قراءة ما كتبته ليك واذا ما وقع ليك عيد النظر كرتين وانا متاكد حتلقى كلامى ما بيجافى المنطق بل هو عين المنطق ودمت يامنطق
| |
|
|
|
|
|
|
Re: جنسية الحضرى بدل جنسية ريك مشار (Re: عادل عبدالعزيز عبد الرحيم)
|
جهجهتنا يا كمال
يعنى هسع انت مع الحكومة ولا مع السيادة ولا مع الحضرى
ولا مع ريك مشار
ولا مع منو ياخ بالضبط كده ؟
دا كلو همك انك تعرف انا مع منو؟ ياسيدى ولا يهمك .. مالو افهمك انا سيد نفسى
والمعلومه الحاولت اوصلها ليك ان لعيبة الكوره والرياضين قصة تجنيسهم دى فى كل العالم المتحضر منه والمتخلف. وهى جنسيه موقته يمكن سحبها بانتهاء المهمه اما مسالة السياده زى العرض لايرتهن للغير بمعنى ان لايمكن لشافيز يفرض على اوباما اعطاء الجنسيه الامريكيه لموطنين فنزويلين لمجرد انهم عاشو لعشرات السنين وكان هذا الطلب يتعارض مع قوانين وسياسة امريكا
| |
|
|
|
|
|
|
Re: جنسية الحضرى بدل جنسية ريك مشار (Re: كمال عمر)
|
الفاضل عادل يعلم الله انها تصرفات حكام آخر الزمن من بلطجية الانقاذ.....
Quote: بالله عليكم افتونى كيف لانمنح من هم كانوا معنا فى وطن واحد جنسية مشتركة فى حين نعطيها لديمبا وكلتشى والحضرى وسولى شريف وكل من هب ودب من الذين لايعرفون عن السودان شيئا .
اكاد لاافهم تناقضاتنا فى الفترة الاخيرة فهل من مفسر افادكم الله |
لاشيء يا اخي اكثر من انهم حراميه السلطه و الواصلين للسطله بالسطوى فتوقع منهم السطو على جنسيات الناس النالوها بالميلاد.
اسمع يا كمال عمر شكلك لا قانوني ولا بتفهم في معاني سياده ولا يحزنون يعني ايه مواطنين لمجرد انهم اقاموا؟؟؟ ده وطن واحد....دماء واحده انت حسه لو عمولوا لك تحليل دي ان ايه DNA حيطلع في دمائك جينات دينكا ونوير وشلك وباريا....
Quote: والمعلومه الحاولت اوصلها ليك ان لعيبة الكوره والرياضين قصة تجنيسهم دى فى كل العالم المتحضر منه والمتخلف. وهى جنسيه موقته يمكن سحبها بانتهاء المهمه اما مسالة السياده زى العرض لايرتهن للغير بمعنى ان لايمكن لشافيز يفرض على اوباما اعطاء الجنسيه الامريكيه لموطنين فنزويلين لمجرد انهم عاشو لعشرات السنين وكان هذا الطلب يتعارض مع قوانين وسياسة امريكا |
صحيح الاختشوا ماتوا!!
الجنوبين الدمك ولحمك بقوا فقط اقاموا؟؟!!بيننا؟؟!! انت ملامحك دي حبتها من وين؟؟ هل يوجد عرب في ملامحك؟؟!!
سبحان الله!!
| |
|
|
|
|
|
|
Re: جنسية الحضرى بدل جنسية ريك مشار (Re: كمال عمر)
|
يا كمال ياخ ما عزبتنا
كلامك ده صاح فى الدول الما عندها مشاكل فى الهوية
وبرضه للناس البيحترموا نفسهم مش زينا نحن
بعدين فلسفة البوست واضحة جدا
نحن انكرنا اعطاء الجنسية لكل من هب ودب وعدم الموافقة على الجنسية المزدوجة لمواطن اصلا هو سودانى حتى هذه اللحظة .
وقع ليك يا حبيب
| |
|
|
|
|
|
|
|