|
|
|
 Re: اختنا المجلودة عمرها دون الـ 30 متدينة و حجت فوق الاربعين مرة (Re: تولوس)
|
مرحب تولوس
ما اعتقدت انه الموضوع ح يشكل على احد
و اذا حدث اشكال فاني اعتذر
حكاية اربعين و تلاتين لا تعدون كونها
مقابلة اللامعقول بمثله
فقد سمعنا قرينا انه اختنا دي ارتكبت
جرايم لو افترضنا انها ارتكبت من
صنوف الجرائم المنسوبة ليها مخالفة
واحدة فيا اما الاجهزة العدلية ما شافت
شغلها معاها (ودا مستبعد من ثقل يد العدالة التي رأيناها)
او تكون زولة معجزة
حساب الزمن ما بجري عليها جريانه على الكون بما حوى
بالواضح في شي ما صاح و طالما ما عندنا ديل قاطع على
التهم المذكورة في حقها يبقى مافي معجزة و مافي اربعين
حجة
| |
  
|
|
|
|
|
|
|
|
Re: اختنا المجلودة عمرها دون الـ 30 متدينة و حجت فوق الاربعين مرة (Re: نصار)
|
اخي العزيز نصار
انا فاهم ومتاكد من معاناتك ومن حزنك علي هذا الشريط المخزي... وانا اري بحق بعيدا عن حسابات الحكومة والمعارضة فان هذا الشريط يكشف مدي تعسف الشرطة في استخدام صلاحياتها بكل مفسدة وما تقوم به من جرائم في حق المواطنين باسم القانون وتنفيذ العدالة ...وهذا الشريط هو دليل واضح وجلي يكشف الكثير من المستور ويعريها تمام اما المواطن وامام الضمير الحي ولكن بصراحة اخي نصار خلط هذا الامر مع الدين والشعائر والعبادات يسبب الكثير من الربكة ... هي فقط محاولة لفصل الامور.. شكرا يا حبيب
| |
|
|
|
|
|
|
|
|
|
Re: اختنا المجلودة عمرها دون الـ 30 متدينة و حجت فوق الاربعين مرة (Re: ود الباوقة)
|
مرحب ود الباوقة
لا قاصد اربعين يا حبيب موش مستحيل تحج انها تحج اربعين حول و هي عمرها 27 سنة؟
طيب جابتليها عمر من وين السوت فيهو كل الجرايم الخطيرة الوردت في حقها؟
و خليك من السجنالمفروض تكون عدد سنينه اكتر من عمرها بعد بلغت الحلم و اصبحت
مكلفة امام القانون.. في جرايم ذكرت عقوبتها موش مدتها اكتر من عمرها الراشد
فحسب بل بتصل حد تقصير عمرها بالاعدام عديل كدا
تقول لي ما بتحج اربعين
بقت عليها حكاية شملة كنيز الـ هي تلاتية و قدها رباعي
ما بميل لعناوين زي دي لكن حرتنا شملة كنيز الاتحدفت عليها
جرايم الانسانية منذ عهد سام و حام و هي حرة طليقة
تصرخ من الم (العذاب) كما يحلو لها اما اعين القاضي و الجلاد
| |
|
|
|
|
|
|
|
|
|
Re: اختنا المجلودة عمرها دون الـ 30 متدينة و حجت فوق الاربعين مرة (Re: أسامة عبد الجليل)
|
مرحبتين اسامة
مداخلتك رجعتني لايام لها حسين خوجلي لوووووووول
الناس ديل انكفاءهم علي ذاتهم خلط عندهم الحق بالباطل
لدرجة ما عادوا يعرفوا القبيح عشان يدسوهوا
شوف باللهي كلام بتاع الحج في حق حجاج دارفور
و نواب البرلمان؟ قاليهم تحت (قبتهم) الما عاوز يسمع
يطلع!!! دي في برلمان موسلين ما حصلت
يا اخوانا نحن عارفين انه الحكاية كلها لعب علي
الدقون لكن كمان ما تعملوها واضحة كدا
رئس لجنة موسمية يبستف البرلمان بحاله
من اطرف التعليقات في المنبر دا عن عجايب
الانقاذ واح ما بذكره منه _ياريت لو ذكرتونا_
قاليهم: و الله ما ح نجن ليكم
ههههههههه
| |
|
|
|
|
|
|
|
|
|
Re: اختنا المجلودة عمرها دون الـ 30 متدينة و حجت فوق الاربعين مرة (Re: المكاشفي الخضر الطاهر)
|
سلام المكاشفي
قبل ما اشوف الوصلة بقول ليك زي ما ذكر ليك الكثيرين
اننا اصلا ما عندنا رغبة و لا نستطيع تبرئة الفتاة
و عليه انا شخصيا لا اجادل في احتمال ارتكابهالجرم ما
لكني ادافع عن انسانيتها و دا مفروض يكون واضح ليك
لاني لا اعرفها لانحاز لها كما اني سشهد الله لا ازاود
سياسيا و لشدة حرصي على الاحتفاظ للقضية لبعدها الانساني
لم اكتب مع فورة الغضب الاولى حتى لا انجرف مع هوى النفس
و دا نهج اللتزمه هنا
| |
|
|
|
|
|
|
|
|
|
Re: اختنا المجلودة عمرها دون الـ 30 متدينة و حجت فوق الاربعين مرة (Re: نصار)
|
لك التحية والتقدير أخي : نصار ... لا تسمع الأصوات مع شدة الإندهاشة لحظة عرض الفيديو , وقوة ردة الفعل أفقدت الكثيرين صوابهم فطغى على العديد من المداخلات عاطفةُ ثائرة متأثرة بالمناظر غير الإنسانية الواردة في الفيديو ... ولا أخفيك سراً بأني لو أفرغت كل مشاعري وأحساسيسي كتابةً لحظة رؤية الفيديو لارتج المنبر معنىً وحساً بمن فيه ... لا لقهر المرأة في بلدي لأن المرأة أمي , أوأختي , أو زوجتي , أو بنتي , أو خالتي , أو عمتي ,أو جدتي ... وأخيراً لأنها سودانية وأنا سوداني ...
| |
|
|
|
|
|
|
|
|
|
Re: اختنا المجلودة عمرها دون الـ 30 متدينة و حجت فوق الاربعين مرة (Re: د.يوسف محمد طاهر)
|
العزيز دكتور يوسف
ميزة المكان دا نه بوفر ليك فرصة ان تغالب نفسك و لا حوجك للكتابة رداعلى
استفذاذ شديد و مباشر، حيث يمكنك من اقوى رد ممكن بدون الحوجة لكتابة
ما قد يسئ لك و تتمنى لو لم تكتبه لاحقا... في الحياة العادية يتوجب علينا
احيانا (او تصور لنا حالتنا النفسية الانية) ان نرد على العنف بعنف يفوقه
لكن هنا فرصة ان تترك الرد لوقت تتحكم فيه على انفعالاتك و قدرات على التعبير
الاقوى في مضمونه و ليس شكله..
في فكرة يمكن تبدو غريبة متملكاني بخصوص التنابز البحصل هنا مفادها ان منيتحدى
الاخر بانه سوف يغلبه بالشتائم كيفما اتفق انه بظن في خصمه خير اكثر مما في
نفسه فهو يقول ضمنا اني لا مشاعر لي و لا حس و لا حياء بحيث اكيل لضحيتي
الفيهو و الما فيهو حتى يستحي من ان يضاهيه (الحياء خصلة كويسة) و يوجعه
الهجوم الضاري (زول بحس) او يستنفذ زخيرته من ساقط القول مما يعني انه
اكثر تهذيبا.. موش فكرة فريبة؟؟
| |
|
|
|
|
|
|
|
|
|
Re: اختنا المجلودة عمرها دون الـ 30 متدينة و حجت فوق الاربعين مرة (Re: نصار)
|
Quote: اننا اصلا ما عندنا رغبة و لا نستطيع تبرئة الفتاة
و عليه انا شخصيا لا اجادل في احتمال ارتكابهالجرم ما
لكني ادافع عن انسانيتها و دا مفروض يكون واضح ليك
لاني لا اعرفها لانحاز لها كما اني سشهد الله لا ازاود
سياسيا و لشدة حرصي على الاحتفاظ للقضية لبعدها الانساني
لم اكتب مع فورة الغضب الاولى حتى لا انجرف مع هوى النفس
و دا نهج اللتزمه هنا |
الأخ نصار لك التحايا
لو كل متداخل نحى هذا المنحى كنا كلنا انحزنا للمنحى الأنسانى
لكن معارضة السجم والرماد ارادت ان تصفى حساباتها مع الأنقاذولم
ترعوى عن فضح الفتاة المجلودة وجعل سيرتها لبانة تلوكها الألسن .
احييك واحى هذا المنهج الأنسانى ولك احترامى
| |
|
|
|
|
|
|
| |
نصار
أحمد الشايقي
أسامة عبد الجليل
تولوس
المكاشفي الخضر الطاهر
صديق الموج
Tragie Mustafa
د.يوسف محمد طاهر
الكباشى عبد الله الرقيق
فيس بوك
تويتر
انستقرام
يوتيوب
بنتيريست