|
Re: مسجد برخت (Re: mustafa mudathir)
|
ننفلت من بين براثن حلم إلى آخر وبينهما لا يتوانى السرد يأخذنا من معنى إلى معنى
وفي المعاني نقبض على الامتعاض من تطاول لا يفتأ يساوي بين النقيض والنقيض . . .
يعج النص بالدلالات التي لا تسلم قيادها من أول وهلة قراءة لكنها تحاصرك بأبعاد لا حصر لها
هل صحوت حقاً..!!
أني لا أظن ذلك البتة.
منسوجٌ حرفك بالبهاء
شكراً لأنك رششت صباحي بفرحٍ خلاب رغم كل شيء
| |
|
|
|
|
|
|
Re: مسجد برخت (Re: بله محمد الفاضل)
|
راسي بقى زي بتاع الالينز Aliens ناس إي تي وكدة! بالمناسبة قبل فترة تحاورت مع غسان ولدي (22) محتج لديه لانو بيمشي مع صوماليين (وهم فيهم كثيرون من السيئين هنا في كندا) وكل غرضي كان انو أخليهو ما يصاحب أو يتزوج صومالية. ساكت كدا باقي تسلط من أب سوداني قديم (وهذه تعني من السودان القديم ولا تشير للعمر) قام قال لي: يعني عايزني أمشي مع الوايت white kids قلت ليه: مثلا (مع انو ديل ذاتم أنا مكجنم) قام قال لي جاداً: يا بابا انت ما عارف انو الوايت ديل ألينزaliens! وبالجد كدا بدت لي فكرة مدهشة واستغربت لماذا لم أتوصل لها من قبل مع انني باحث دؤوب عن مذمات الرجل الابيض وسبل التنكيل به! __________________ واتذكرت قصة شبيهة لكن ما ح احكيها هنا لانو البوست دا للشعر بس ويمكنك الحصول عليها في بوست اسمه (سجل لي) في سودان فور اول بس لسع انا ما كتبتها!!!!
| |
|
|
|
|
|
|
Re: مسجد برخت (Re: mustafa mudathir)
|
. . . . بالطبع هرعت إلى السيد قوقل فلا ناقة لي في الإنجليزي ولا جمل بحثاً عن الألينز فلم تفدني الترجمة الحرفية لها في إدراك المغزى بشكل جيد ومن ثم هرعت إلى سودان فور آل عسى ولعل ولم أجدك قد أنزلت بعد ما قد يشفي غليلي
غايتو يا رائع تمترست في اللغة التي قد أفهم وليحفظ الله لك أبناءك يا شاب وأظنه قد أفحمك غسان (22 شهراً) مما يجعلك في وضع لا تحسد عليه في تمسكك بتسلط قديم وأظنك صديقهم من تحاوركما وهذا هو الأصح
لك حبي واعتزازي ودمت محلقاً
| |
|
|
|
|
|
|
Re: مسجد برخت (Re: بله محمد الفاضل)
|
سلام بلة الالينز هم مخاليق زعموا انها قدمت من الفضاء الكوني. وتشبه الانسان شكلا ولكن ودائما يكون رأس الواحد منهم أكبر من جتته كناية عن سعة عقله وتعاظم رصيده من القيقابايتات (أوعى دي تكون ما عندك) أها في اللغة الانجليزية الأليّن هو الغريب نقطة. حتى قسم الاجانب في بعض مكاتب العديد من الدول يسمى قسم الالينز! ياخوي الليل ألينز وأنا ماشي أنوم تصبح سعيد!
| |
|
|
|
|
|
|