كل يوم يتردد إلى مسامعنا أن السودان ( سلة غذاء العالم ) عروة صيفية وعروة شتوية وعروة مابين هذا وذاك والعروة الوثقى وإنتاج وفير من القمح وإستيراد معدات للمساعدة فى الحصاد يا ارضنا الخضراء ومتى ما حصلت فجوة نتحجج بالغلاء العالمى والزيادات العالمية ؟!
أحياء الخرطوم القديمة
امبدة وأنقولا وقندهار
الخرطوم الجديدة شارع المطار وشارع عبيد ختم وشارع الستين وحى المجاهدين
** وإعلامنا زى الموج يشيل و( يعوى ) فى رمضان فجوة فى السكر رغم أن مصانع السكر الكثيرة ومن بينها أكبر مصنع للسكر فى افريقيا مفارقات ؟!
* ودائما الحل جاهز استيراد سفينة او استيراد قمح بمواصفات عالمية ويعجبوك المستوردين ما يسمى بالرأسمالية الوطنية وكلهم جهة واحدة هم البحلوا وبربطوا ؟!
تخريمة : غايتو نحن ما عندنا قشة مرة ما بنعاف كول حناكل عصيدة حناكل كسرة حناكل دمسورو حناكل ( صاعقة ) بس !! وكان لقينا رغيف برضك بنقزقز !!
غايتو والى ولاية الخرطوم الشيخ عبدالرحمن الخضر قالوا حلوله فى جيبه وخطته جاهزة لمواجهة الفجوة الله يستر ما تكون زى الخطط بتاعت مواجهة الفيضانات وكل ( اوقست ) قرى غرقانة ؟!
* بالله عليكم اربعة ارغفة بالف جنيه الواحد يلتهمهم زى السلام عليكم ويقول هل من مزيد !!
* هو بالله رغيف وله تفاح لبنانى ؟!
..
12-11-2010, 10:46 PM
ادم الهلباوى
ادم الهلباوى
تاريخ التسجيل: 06-27-2004
مجموع المشاركات: 9291
الطعام المنوازن ينتج عنه غذاء متوازن إنتاج محلى بأيادى سودانية متخصصة تضرب صاح تفكر صاح تتخذ القرار الصاح قال شنو قال ( فجوة غذائية ) قال بسبب الشح فى الخبز ؟!
..
12-13-2010, 06:02 AM
ادم الهلباوى
ادم الهلباوى
تاريخ التسجيل: 06-27-2004
مجموع المشاركات: 9291
سمسار ( مفتح ) هو القرار دا يتنفذ كيف ما لازم ( يدسوا ) الرغيف ؟! ما هو أصلا مع ( التوجه الحضارى ) صار الانسان السودانى زى ( فأر المعمل ) هى أصلا ( تجارب ) و( ردودأفعال ) ؟!
..
12-14-2010, 06:20 AM
ادم الهلباوى
ادم الهلباوى
تاريخ التسجيل: 06-27-2004
مجموع المشاركات: 9291
مصانع الأسمت الكتيرة القامت دى البرقش والمتكامل يا ناس ما تقلبوها لينا مراحيك !!
* الغريبة كلها أنشئت فى محل واحد فهل يا ترى ( الحجر الجيرى ) الموجود فى أرض المليون ميل مربع دا محصور هنا فقط؟! طيب المتخصص فى هذا المجال ومن دارفور يعنى إلا يجى هنا؟!
تصدق يا ود الباوقة واحد إتصل بى من لندن البعيدة ديك بس عشان يسألنى سؤال عارف سؤاله شنو : قال لي سؤال يأخوى وسرك فى بير فى زمتك إنت بتلفها ؟! والله ضحكت جنس ضحك Smile
..
12-19-2010, 05:59 AM
ادم الهلباوى
ادم الهلباوى
تاريخ التسجيل: 06-27-2004
مجموع المشاركات: 9291
أى فجوة غذائية ( غلاء عالمى ) وأى معارضة كانت ( تآمر على السودان وأجندة خفيةوأيادى أجنبية ) أها يا جماعة مع الغلاء العالمى دا الخمسة بقن بكم ؟! ( قرقوش ) إحتار !!
..
12-21-2010, 02:08 PM
صلاح حمد
صلاح حمد
تاريخ التسجيل: 08-09-2009
مجموع المشاركات: 989
Quote: تصدق يا ود الباوقة واحد إتصل بى من لندن البعيدة ديك بس عشان يسألنى سؤال عارف سؤاله شنو : قال لي سؤال يأخوى وسرك فى بير فى زمتك إنت بتلفها ؟! والله ضحكت جنس ضحك Smile
الأستاذ/ ادم الهلباوي السلام عليكم ورحمة الله وبركاته، جوعتنا وطمأنتنا الله يطمئنك ، بالصورة أكدت لنا بأن بلادنا تزخر برغيف بلدي وفاخر، وكسرة بأنواعها ( لقمه ورهيفة ) وصواني مليانة بإنتاج محلي، بلد زي دي منو البقدر عليها، عشان كده أعداءنا عاوزين يقسمونا ، ليسهل لهم إبتلاعنا ، لكن هيهات فإنهم واهمون وبإذن الله منهزمون، وسيظل السودان شوكة حوت لا بتتبلع ولا بتفوت. اللهم زدنا ولا تنقصنا، مع أحترامي صلاح حمد
12-21-2010, 08:19 PM
ادم الهلباوى
ادم الهلباوى
تاريخ التسجيل: 06-27-2004
مجموع المشاركات: 9291
باين عليكم ماسمعتوا بقصة أبو وردة بتاع الخرطوم الجديدة قصة مشوقة ما بقولها إلا تسالنى واحدة من البوردابيات اصلا حكاها لى الحكواتى ومشى ( تنقش تنقش تنقش تنقس )
..
12-22-2010, 06:03 AM
ادم الهلباوى
ادم الهلباوى
تاريخ التسجيل: 06-27-2004
مجموع المشاركات: 9291
يا سيدى أسأل الله لك دوام الصحة وطول العمر وأن يجعل الله ايامك كلها سعادة ومتعة وأن شاء الله تكون دعوتى هذه لك فى ساعة إجابة امين يا رب العالمين أنا أحب الطيبين
..
12-27-2010, 12:04 PM
ادم الهلباوى
ادم الهلباوى
تاريخ التسجيل: 06-27-2004
مجموع المشاركات: 9291
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة