|
|
 ماذا فالت لي ابنتي ذات الست اعوام عند مشاهدتها لفيديو الفتاة التي اهدرت انسانيتها جلدا ؟
|
الاجوة الاكارم ،،،
كنت و زوجتي القانونية الاستاذة / امل حسن عبدالمجيد الامير يعقوب نشاهد هذا الفيديو المأساة
و نحلل الوافع المزري الذي ال اليه الحال في السودان في ظل هذا النظام الفاسد و مدي مخالفة
ماحدث لتلك الضحية لابسط مبادئ حقوق الانسان الشرعية و القانونية الدولية و الوطنية ،،، ونحن
كذلك لم ننتبه لابنتنا ماب ذات الست سنوات الا وهي تسألني بعد ان شاهدت مقطع الفيديو من غير
ان ننتبه لها فدار بيننا الحوار التالي :
ماب : بابا دا echt (حقيقة) ؟
انا : اي يا ماب دا echt
ماب : لاكن دا وين يا بابا ؟
انا : دا في السودان يا حبيبة
ماب : في السودان جمب ناس حبوبا(تقصدامدرمان حي الامراء) ؟
انا : و الله ما عارفو دا وين لكن قي الخوطوم
ماب :هي هسع حتجيب البوليس للناس الدقوها ديل ؟
انا : يا بتي البدقوا فيها ديل هم ذاتم البوليس
ماب : لكن ليه هي عملت شنو؟
انا : والله ما عارف يا حبيبة لكن يمكن عشان لبست بنطلون !
ماب : لكن هو البلبس بنطلون بدقو ؟
انا : اي البلبس بنطلون في السودان بدقو
ماب : لكن البلبس بنطلون هنا(هولندا) ما بدقو ! مش يا بابا ؟
انا : اي يا جبيبة البلبس هنا بنطلون ما بدقو
ماب : انا يا بابا ما دايرة امشي تاني السودان ،هنا احسن
في تلك اللحظة بهت و لم استطع ان اواصل معها الحديث ولم استطع ان احبس دمعة حنق و غضب و حسرة
علي وطني و ما حاق باهله الكرام من هذه الحثالة الجاثمة علي صدره منذ 30=06=1989
|
|
  
|
|
|
|
|
| |
Haytham Mansour
فيس بوك
تويتر
انستقرام
يوتيوب
بنتيريست