سارية كمال ترسل رسالة الى غادة مجتبى فى عليائها !!!!!!!!!!!!!!!!!

Quote: انا سارية كمال وفي رواية اخري سارية تيسير انا استلفت الباسويرد بتاع ماما لاني بحب غادة جدا وعايزة احكي اي حاجة حصلت لي معاها اول يوم اعرف فيه غادة كان احلي يوم في حياتي لانها بتضيف لي اي كلام نكهة خاصة جات تبارك لي النجاح في سنة تامنة وانا جيت فتحت الباب كنت لابسة عباي كشت مني حبه وبعد شوية اتونست معاها قامت قالت لي:( انا جيت من هناك عشان اصاحب سارية بت خالتو تيسير ولا جيتي لابسة عباية انا قلت ما اظن البت اللابسة عباية دي تبقي صحبتي شكلها عاملة كبيرة ودمها تقيل لكن طلعتي عسل يا سرور وحنبقي انتيم ان شاء الله وشدي حيلك علي الثانوي وما تنسي القاعدة سنة اولي لعب وسنة تانية لعب وشوية اجتهاد وسنة تالتة طفرة وناس البيت ما بقصروا ما كده يا خالتو تيسير ) ياماما سهام غادة ما ماتت غادة موجودة في كتابات كل المتسابقين غادة مسجلة حضور انيق في قلوبناكلنا يا ماما سهام كلنا غادة كلنا غادة . واحنا كمان عايزين نشكرك يا ماما سهام علي فكرة المسابقة لانك فتحتي لي جيلنا افاق كتيرة من الابداع والمشاركة الادبية و الثقافية نشرك جداجدا ورسالة خاصة مني لي ماما سهام( انا بحبك جداجدا وانت بالنسبة لي امي التانية وربنا يخليك لينا انت وبابا مجتبي ويخلي ليك الحلوين الاتنين من ابنتك : سارية )