|
|
 بين الإدانة والبراءة ..( يوجد عتاب ) !
|
كمدخل :
ماذا أغضب الجمهور ؟!!!!
لا ..أنحس من عناد رجل
أدمن التلفيق ..ثم رفع كتفيه
ببرود موجع و تساءل
ماذا أغضب الجمهور ؟!
*****
(أوووووووووووووووووووووووو)
هدير المدرجات أرق
ضجيج الأماكن الذي لا يهدأ
وصداه لم يحرك
ساكن البحر العتيد
يتملكه دهاء الجن
يتناثر زيفا ويعاود السؤال
أما في المدينة ..حدث مهم ؟!
***
ماذا فعلت ؟
هذا حقي في الحياة وفي الأذية !
أما الجمهور
فمؤرق أصلا
أدماه الإحباط
فحركه الإحتقان !
و"الكورة" مازالت في ملعبي
التحكيم فاشل مسبقا !
والأحكام تزيديني عنادا
فماذا تبقى إذا ؟!
نسيت ان أخبركم
أنا اللاعب الوحيد
والأساسي !
فلماذا يصيح الجمهور ؟
**********
كل الحق معك
ها أنا أسجل اعتذاري على الملأ
أقر واعترف
لم أكن في يوم مجبرة
على هذه " الفرجة "
على معاينة كل تلك
المناظر الفطيرة
أزيد وأختصر
تعبت من
برد التناقض
وصدى الأسئلة المرتدة
أبوح وأنتحب
على أزاهر ..شتلتها بطوعي في ملعب خصم !
فصارت اشواكا وعراقيل .
ألوذ وأحتمي
بدفء النبض
ووجع الكتابة
باقي كرامة
وأشلاء كبرياء
أنا ...جمهورك الوحيد! .
نشر هنا بتاريخ 23/11/2008
|
|
  
|
|
|
|
|
|
|
 Re: بين الإدانة والبراءة ..( يوجد عتاب ) ! (Re: داليا حافظ)
|
Quote: ماذا فعلت ؟
هذا حقي في الحياة وفي الأذية !
أما الجمهور
فمؤرق أصلا
أدماه الإحباط
فحركه الإحتقان !
و"الكورة" مازالت في ملعبي
التحكيم فاشل مسبقا !
والأحكام تزيديني عنادا
فماذا تبقى إذا ؟!
نسيت ان أخبركم
أنا اللاعب الوحيد
والأساسي !
فلماذا يصيح الجمهور ؟
|
داليا  اكتر من رايعة ...
| |
|
|
|
|
|
|
|
|
|
Re: بين الإدانة والبراءة ..( يوجد عتاب ) ! (Re: Kostawi)
|
كوستاوي
سلامات علك طيب
تعرف يا كوستاوي لو ما متاكدة من أنو الصور دي صوري ونزلتها بايدي وكامل إرادتي كنت قلتا ليه ياربي جاب لي صوري ؟!!لانو بصراحة مرات بتعمل حاجات ما مفهومة حسب تجربتي معاك في بوست سابق ، ومع ذلك ومع كامل إعتزازي بهويتي (صوري) الأبدا ما متبرئة منها ما فاهمة جيبتك ليها معناها شنو ؟!، وبتصور إنو عندك رد لاننا يا كوستاوي ناس ناضجين وعارفين نحن بنعمل في شنو ومفروض إكون عندنا رد موضوعي لكل تصرفاتنا او هكذا أفترض فيك ..
دي ناحية ..من ناحية تانية نفسي افهم فهمك للأمانة البتنطلق منو شنو؟ هل مجرد(أجندة) بترفعا في وش أعداءك؟ ولا حب للامانة في رقبتا؟
لو الخيار الاول عفيتك من الإجابة، لكن لو الخيار التاني هي الأمانة دي بتتجزأ؟، وهل من الأمانة أنك تحتفظ بصور الأعضاء بدون إذنهم أو علمهم؟ ومنو الأداك الحق ده؟ صحي صور متاحة وما بكلفك الموضوع أكتر من سيف آز..لكن ما بتظن ده بنسحب على حاجات كتيرة ما بتكلفنا أكتر من نفس الخطوة ,,شفت يا كوستاوي الأمانة دي ماعونا واسع قدر شنو ؟!
كل سنة انت والأسرة بألف خير وشكرا على الهدية ..
| |
|
|
|
|
|
|
|
|
|
Re: بين الإدانة والبراءة ..( يوجد عتاب ) ! (Re: داليا حافظ)
|
عارفة يا أخت داليا
لو سألتي معظم بورداب SDB كان جاوبوا على إستفسارك هذا أسئلتك دي
معروف عني إنو محتفظ ب 90% من صور البورداب
في مشرع ضخم إسمه "لوحة بورداب سودانيزأونلاين"
دا غير صور إفطار رمضان لكل بورداب العالم للتلات سنين المضت
عندي حاليا أكتر من 3000 صورة و لقد أنزلتهم هنا في لوحة ضخمة في إحدى البوستات....و لو بتذكري أنا أنزلت لك صور خاصتك في إحدى بوستاتك...و مش كدا و بس, في بعض البورداب أرسلوا لي صورهم بالإيميل لإضافتها للوحة الكبيرة.
بالمناسبة إحدى صورك في تلك اللوحة
الناس بتختلف يا داليا
أنا إفتكرت إنو to surprise you
زي ما فعلت قبلها مع عزاز شامي و نادية عثمان و النذير وناذر و كثار
لكن ردة فعلهم كانت positive
وعليه أقدم إعتذاري و سوف أقوم ب delete كل صورك من مكتبة البورداب
آخيرا أرجو منك تصفح هذا البوست و إحتمال يديك فكرة عن المشروع
تحيتي
أمبارك عليكم-- لو صورتك ما في البوست ده أعذرني, حاولت و فشلت, لكن بحبك
| |
|
|
|
|
|
|
|
|
|
Re: بين الإدانة والبراءة ..( يوجد عتاب ) ! (Re: Kostawi)
|
يا أخ كوستاوي سلامات بما انك مصر على (أخت) ..
ابدا كلامي ما كان معناهو أنو تسحب الصور ..وبالمناسبة انا عارفة هوايتك دي ومتابعة كويس وأظن في بوست كان عن التياب نزلت صوري ومازحتك وما كان عندي مشكلة ومازال ، لأني متصالحة جدا مع صوري وفكرة التعريف بهوتي ..
لكن لقيتا فرصة عشان أقول كما هو هدف البوست أنو الناس ممكن تقسو في ردة الفعل من حيث لا تدري بالرغم من أنوالهفوات والخطأ شيء بشري بيحصل،لكن في نفس الوقت البتشوفوا من منظورك عادي ..ممكن زول تاني ما يشفوا عادي وقس على ذلك ..المسالة دي معقدة زي النفس البشرية وواحد ..
المهم يا كوستاوي خلينا نقفل الصفحة دي وصدقني قلبي ما فيهو شيء وكان لازم أعاتبك عشان الموضوع يخلص ..وفي نفس الوقت حاولت الفت نظرك لمسالة العدل في حال الإتهامات مهما كانت الدوافع وفي الأخير ده عشم ..
تاني شكرا على الهدية السحبتها ..
| |
|
|
|
|
|
|
|
|
|
Re: بين الإدانة والبراءة ..( يوجد عتاب ) ! (Re: محمد حيدر المشرف)
|
أهلين يا المشرف
حاجات كتيرة بتحصل لناس بتخلي الواحد يتململ ويحس بأنو قاعد فوق نار ..صحي في حاجات بتزعل وفي ناس بختو نفسه براهم كهدف ..لكن سحل الناس بمنتهى القسوة ماعندو مبرر ..، مهما كان القام بيهوالشخص (مااخلاقي ) من وجهة نظر المترصد ..لأنو الترصد بأي حال برضو ما أخلاقي ..، دي دائرة جهنمية..
| |
|
|
|
|
|
|
| |
داليا حافظ
Elawad Eltayeb
Nader Abu Kadouk
Kostawi
محمد حيدر المشرف
فيس بوك
تويتر
انستقرام
يوتيوب
بنتيريست