هل إلحاد عادل عبد العاطــى سبب فى هذا الكم من الشتائــم والاساءات والتهديد ؟؟؟؟

Quote: فجاءت اسئلتــى فى مكانها تماماً حول علاقــة القيادة السياسية للحزب وكتاباتها العامــة فى المنابر بالحزب شنو ؟ ومدى مسئولية الحزب عن العضوية المنتمية ليهو شنو ؟ فجاءت جملــة من الاساءات مرة ثانيــة جعلتنى اسأل فى البوســت / ثم اسأل احد اعضاء المجلس السياسي للحزب الليبرالى / ثم فتحت هذا البوسـت ..

يا زول لا في محلو لا شيتين !!؟
ياخ الليبرالي - الديقراطي الليبرالي - كشأن كل الاحزاب السياسية، هو حزب سياسي ... ما جماعة صوفية و ل مدرسة ابتدائية ... شنو شغل ( التلاميذ ) دا ؟ ... الحي ووب ما بفيد ... و لا في زول بدق ليك عادل هنا ...
هنا كلنا اعضاء و متساويين ( شيوعيين غصب عنكم انتو الجوز ) ... كل زول يتحمل ما اغترفت يداه الاسفيرية. و عليه حصاد مازرع من طقطقات ... تحسبو لعب و لّ كيف !؟

Quote: ثم هل وجدتنــى اشتم عادل / اسئ اليــه / .. ابداً

للامانة شتم مباشر ؟ ... لا
لكن انت قاصد بالشتم شنو ؟
و شنو تفلق و تداوي !؟ ذكرتني ( بير كوكو ) دا لاعب في الرابطة كوستي بعكس الكورة و ( بجري ) يدقها هيد في القون براهو
مالك خايف من اجابتي ؟
ما هكذا تورد ابل ( الحوار ) يا شيخنا بدر الدين !!؟ ... انت تسال و نحن نجيب ... و لّ كيف ؟
يا اخوي و الله لو ما كان " كاتل الروح " ... و " بكتل ليهو زول تاني " ... و " داير تكتاني .. برضو ّ؟ "
لو ما كانت دي شتائم و بذئية كمان !؟ ... يكون الحمد لله البورد دا ما فيهو و لا شتيمة واحدة !؟
مالكم كيف تحكمون يا شيخنا !؟
تاني نكرر ليك
اتق الله يا شيخنا
اتق الله فانك لا ريب ملاقيه ...
و ارجع اقرأ سورة المطففين تاني، قبل ما تجي تضيف ليك رد هنا ... اتق الله في نفسك يا رجل !! .. فانت مربي و لمهنتك اخلاقياتها

Quote: كل اسئلتى انصبت نحو هل موقفو الالحادى ذى صلــة بالشتائم والتهديد الذى يقوم بــه فى المنبر .. ثم ماهى المستحقات المطالب عادل عبد العاطى بالالتزام بهــا ؟ شنو الضوابط التى تضبط مفردات هذا الرجـل ؟ الكل يتحاشــى الحوار مع هذا الرجــل لماذا (هل خوفاً من شتائمــه ) ..

و الله كان صدق كلامك في اوله، يبقى المواصلة حتى آخره حرم سخت مع شحتفة الزمن العلينا دي !!
يا شيخنا اسي دا سؤال ( كمان اسئلة عديل ) !!؟
يا للهول
نديك سؤال انت طيب :
حلو السكر و لّ جراي الحصان ؟
يا رجل ارفق بنفسك ... وارحمنا معاك ياخ ؟
اما بخصوص التحاشي فاتمنى انك تسحبا، عندك تفويض في تعميممك المخل دا ؟
يا عادل عبد العاطي يا حبيب . . تسمح ؟
رجع لي حقي من [ الكل يتحاشــى الحوار مع هذا الرجــل لماذا (هل خوفاً من شتائمــه ) ] و كاش لو سمحت ... ما بنقبل شيكات

Quote: ثم انت خلـى عادل يجــئ ينكرهـا وهو الذى اثبتها لنفســه .. هذا البوســت لماذا الان ( ردى على وليد المبارك يعنيك ايضاً ) شاكر ليـك ادانتك لشتائم عادل عبد العاطــى ...

يا شيخ بدر الله يهدينا و يهديك ( قول آمين ؟ )، ياخ الموضوع - موضوع اعتراضي - ما على صحة التهمة من خطاها؟
ركز شوية
انا تحديداً قلت ليك ما بعنيك ... ما بخصك ... شأن شخصي خالص ... الزول بصل لموقفو الفلسفي بتأملات خاصة و تجارب شخصية
فهو ليس شأن عام و مافي ربط ليهو بموضوع البوست الا اللهم اعتسافاً كدا ... و نشافة راس منك .

بخصوص التوقيت اسمح لي اقول ليك - ما نسيتو المرة السابقة - تعرف البوست دا باقي لي زي الزول العندو موعد ( غرامي ) مع حبيبتو، و نسى اكل بصل في طريقو ليها. و لما اتذكر اشترى لبانة مضغها ... فكانت النتيجة انو نعناع اللبانة لم يغني عن ريحة البصل شيئاً ... دي تفوح ... ودي تفوح ...
و الخوف الحبيبة تروح

ما اتيت لشكر يا حبيب ، فلا تشكرني على يؤجر به...
الشكر لله
و السلام ... و لا تنس تقوى الله