|
|
 Re: بيان جماهير الهلال (Re: نادر الفضلى)
|
| Quote: بقذف واضح يستوجب حد الله |
هوس دينى رياضى . ! الناس دى عايشة الدور ومصدقة إنهم حماة الدين والفضيلة فى الأرض .. !
| Quote: وبما أن جماهير نادي الهلال العظيم قد تعاملت مع هذه الأوضاع المزرية والمشينة بكل ما تحمله معاني الأدب الهلالي وبكل حكمة وصبر وجلد |
.. فهتفنا بمكبرات الصوت بروح رياضية فى مباراة الممتاز محييين لاعبى المريخ بتحية الإسلام دون إستهداف .. وحملنا لافتات الترحاب فى مباراة كأس السودان .....
| Quote: - حرمان جمهور المريخ من مباريات بطولة كأس السودان للعام 2011م |
وبالمقابل حرمان جمهور الهلال من مباريات الممتاز والكاس
يا ها دى البقلوا عليها قوموا لفوا .. الجهابذة ديل اليورونا كيف
.. فى بوابات الدخول التأكد من هوية المشجع ..
... بطاقات رسمية ممغنطة وملونة من وزارة الداخلية !!!
وداخل الإستاد تنتشر قوات حظر التشجيع للفريق المحظور!
Quote: - إعتذار مجلس إدارة نادي المريخ لسائق عربة إسعاف اللاعبين ومحاسبة من تعدى عليه في المباراة.
إعتذار الإتحاد العام لسائق عربة الإسعاف والذي تعرض للإهانة وهو يؤدي عمله بكل إخلاص وتفاني وأمام مرأى ومسمع من الجميع بما فيهم حكم المباراة والذي لم يحرك أي ساكن |
أوعى يكون دا هنو الما خلا الرش إتهنو
المسؤولية تقع على مدير الإستاد الذى عندما شاهد هنو لاعباً .. عليه تجهيز التربيزة عارف الود دا نظامو شنو
طبعاً مدير الإستاد حيرميها فى إعلام الضلال وتخديره له ولجماهير الساجدين
Quote: - إعتذار مجلس إدارة نادي المريخ نيابة عن جمهوره عن الإساءات والقذف الذي تعرض له اللاعب هيثم مصطفى كرار.
- إعتذار الإتحاد العام لكابتن المنتخب الوطني وأسرته للقذف والإساءة التي تعرض لها أمام مرأى ومسمع من الجميع ودون أي تدخل أو إعتذار أو توجيه للقوات النظامية لتوقيف الهتافات والإساءات. |
... لأنه فى مباراة الممتاز عندما ركبنا مكنة مدخنة .. إدعينا الفضيلة وساجدين كمان ... مكيلين السباب بمكبرات الصوت للما بتهد راجى عبدالعاطى .. لم تبادر إدارتى المريخ والإتحاد بإيقاف المباراة وإخراسنا ونهينا عن ضلالنا. فتسببنا فى الإساءة لهيثم مصطفى فى مباراة الكاس .. وكمان فوقها رصيع ممن توهمنا أننا بعبثنا قضينا عليه !
Quote: - توجيه لجنة الحكام المركزية بعرض شريط المباراة على خبراء تحكيم وذلك لمحاسبة الحكم خالد عبد الرحمن.
|
تكملتها .. محاسبة الحكم الذى فى منتصف الشوط الأول والمريخ متقدم بهدف، لم يحتسب ضربة الجزاء الواضحة لصالح مصعب والمريخ والتى إن أحتسبت لكانت لا محالة هدف ثانى .. معزنا وعارفين الفيهو .. كان من بدرى إتخارجنا ورمينا حجارتنا وقواريرنا وشباشبنا ونهيناها .. بدل الشحتفة وبوظان الأعصاب تسعين دقيقة .. ما إتهنينا فيها ..هنو البايخ مسكتنا من قولة تيت .. ويجيك الثقيل راجى بعد تعبنا وساجدين ومقبرة وما تعرف أيه .. فى الدقيقة تسعين جارى زى الوحش الكاسر يجيب قون بلياردو .. لا بهمد لا بفتر .. وقت جارى مرة نشوفوا إيداهو .. نتبسمل .. مرة يا هو راجى الجن دا .. إتزغللنا وكتلنها فى حنانا .. خفنا يقولوا سكرانيين .. هسة كما غبا الزول دا أكان جد بسكر ما كان نخليهو فى سنسنتو .. ما كان بتكون عنده مروة ودقة شوت بسن الكدارة يسنسن فى شبكانا .. والوجعة بلياردو !
| Quote: - إصدار قرار بأن أي مباراة مستقبلاً يكون طرفها الآخر هو المريخ لن تدار إلا بواسطة طاقم تحكيم الأجنبي. |
وليه بس مباراة طرفها المريخ .. مش مافى ثقة فى الحكام السودانيين، طالبوا بحكام أجانب لكل المباريات المحلية
التى طرف فيها الهلال والمريخ. وزيادة عليها إتحاد الكورة بديره الفيفا بكوادر أجنبية محايدة .. دا لو حصل سيحدث الأتى:
أولاً الهلال درجة تالتة ما تثبتوا
ثانياً سيرتقى مستوى الكورة لتوفير تنافس شريف باالميدان وتعدد الأندية المنافسة على صدارة المنافسات
ثالثاً ستحصد الفرق السودانية البطولات الأفريقية وكاسات السيوبر
رابعاً إحتمال بعد عودة الهلال للدرجة الممتاز معتمداً على نفسه أن يحقق بطولة خارجية
خامساً سيفوز الفريق القومى بكأسى أفريقيا والعالم
سادساً سيرتقى مشجعى الكورة وتختفى الظواهر السالبة .. وضلالية ساجدين
Quote: - عدم مثول اللاعب هيثم مصطفى أمام أي لجنة من لجان الإتحاد.
- عدم تقديم أي منسوب من الهلال لأي إعتذار للسيد الوزير. |
ما قلتوا حقانيين وساجدين وبتاعين تنفيذ حدود الله ومعاقبة المخطئ
.. بقتوا فى الإمتناع عن المسآلة وعدم الإعتذار
| Quote: الجماهير الهلالية عقدت العزم على تسيير مسيرة إعتذار من أستاد الهلال حتى منزل أسرة الكابتن هيثم مصطفى كرار إبن الحسب والنسب. |
هيثم مصطفى ضحية لمن عبثوا وتأمروا على راجى عبدالعاطى ممن إستغلوا سلطاتهم ومن شرعوا أقلامهم الخايبة تجريحاً له
من سقطوا أخلاقياً وهم يدعون الفضيلة منافقين فى الدين وإستغلاله أبشع إستغلال لمأرب نتنة. وللأسف جارتهم ألاف من مشجعى الهلال !
نعم يجب أن تعتذروا للكابتن .. تقتلوا القتيل وتمشوا فى جنازته ... حتعتزوا تقولوا شنو.. ياخ سامحنا نحنا السبب ..!
لعبنا بالنار وضربنا تحت الحزام .. وما كنا عارفين الضرب تحت الحزام ما عنده حدود أو قوانين وما بتختار أين تأتيك الضربة الموجعة! ..
تقولوا ليهو نحنا ما كان عندنا فيك ثقة ولا فى زملائك ولا البلياتشو ميشو .. عشاان كده إترصدنا راجى وسوينا السوينا .. تقولوا شنو بس ليهو .. !!
| Quote: رواد نادي الهلال للتربية، منتدى الهلال الإلكتروني ، منتديات سيد البلد، منتدى رابطة أهل الهلال المركزية ، رابطة أهل الهلال بمنتدى كورة سودانية، منتدى هلالاب أحبكم ، منتدى محبي الهلال ، أسود الألتراس ، رابطة الموج الأزرق ، شباب النصر الهلالي ، رابطة أهل الهلال بكرري ، رابطة أهل الهلال بالكلاكلات ، رابطة أهل الهلال بسواكن ، رابطة أهل الهلال بجامعة السودان ، |
مع إحترامى لمن كتب هذا البيان ولكن لا أعتقد يمثل عموم أمة هلال السودان. وأترحم على أجداد وأعمام وخيلان وأهل ساهموا فى تأسيس وريادة نادى الهلال العظيم .. وعلى الكتاب الذين حملاوا شرف وأمانة الكلمة .. والإدارة بوعى وأمانة.. ومشجعين ينميزون بالوعى ويستمتعون باللعبة لا التلاعب والضلالة.. !
|
|
 
|
|
|
|
|
| |
نادر الفضلى
فيس بوك
تويتر
انستقرام
يوتيوب
بنتيريست