|
Re: فى استادكم نحنا اسيادكم (Re: معاوية محمد الحسن)
|
عشان غلبوه من الكاس طار يقوم جمهوره يفلق بالحجار
عزيزنا اسماعيل القصيدة حلوة والجماعة ديل الفليق ماجديد عليهم ديل بفلقوا من زمن اقوان دحدوح ومامون صابون ولحتى زمن اقوان هنو وراحي
وقالوا قون هنو خلا الهلالاب جنوا مش المجنون برضو بفلق
| |
|
|
|
|
|
|
Re: فى استادكم نحنا اسيادكم (Re: haroon diyab)
|
** الصديق ابو عوه.. ** صباحك حير..
## أها أولاً :- نبارك ليك الفوز .. ## ثانياً :- باداء الهلال السئ اليوم كان ماغلبتوالهلال ودبل ليكم ,, المريخ دا كان لحق العامل والإتحاد والاملاك والتحرير ,, وربك ستر حتى تستمر المنافسه. ## ثالثاً :- حال مباريات القمه زى حال البلد .. ## رابعاً :- والله فرحت ليكم زى مافرحت للهلال فى المباراه السابقه حتى لاتفقد المنافسه طعمها ويكوش سيد البلد على كل الكاسات ..
## خامساً :- حتى يظل المريخ فريق مُنافس ابنو الاساس على :- محمد كمال ,, راجى ,, مُصعب ,, سعيد السعودى ,, وموسى الزومه وكمل على الاسماء دى للموسم الجاى وأختو لى الكوامر الكُهنه الجايه من تونس.. (ودم الود بيننا)
| |
|
|
|
|
|
|
Re: فى استادكم نحنا اسيادكم (Re: Salah Abdulla)
|
Quote: انها من راجي وخلا المعز يترنح بدلو والاجمل انه كورة واخلاق |
حبيبنا معاوية في الحتة دي بالغت شديد انا المرة الفاتت دافعت بشدة علي ولدنا السعودي و قربت اشيل لي ساطور ذي بتاع سفاري بس المذكور اعلاه علاقتو بالاخلاقZERO عموما ...مبروك الفوز
| |
|
|
|
|
|
|
Re: فى استادكم نحنا اسيادكم (Re: امير طمبل)
|
Quote: الف مبروك يامولانا
نصر في وقته |
عزيزي هارون الله يبارك فيك وفى جميع الصفوة فعلاً نصر فى وقته فقد تطاول الرشاشات ووصفونا بالدلاقين وفريق السكاري لياتى النصر ويقطع لسان كل من تطاول على سيد البلد
| |
|
|
|
|
|
|
Re: فى استادكم نحنا اسيادكم (Re: معاوية محمد الحسن)
|
Quote: ## أها أولاً :- نبارك ليك الفوز .. |
عزيزى كرومة شكرا على المباركة وفعلا جاء النصر بالمحليين وبدون اى محترف باستثناء الفترة التى لعبها لاسانا المريخ انتصر وكان لازم ينتصر عشان يسكت الرشاشات ديل
| |
|
|
|
|
|
|
Re: فى استادكم نحنا اسيادكم (Re: معاوية محمد الحسن)
|
Quote: فوق فوق مريخنا فوووووووووووووووووووووووووووووق
رغم ظلم التحكيم فزنا |
الاخ محمد الامين تحياتى دائما كان هتاف المريخاب مريخنا عظيم رغم التحكيم ضربة جزاء امس لم تحنسب ،طرد مستحق لخليفة لضربه هنو بالبونية فى راسه
| |
|
|
|
|
|
|
Re: فى استادكم نحنا اسيادكم (Re: معاوية محمد الحسن)
|
Quote: والله مرات قعد تبالغ يا معاوية .. ده ما كان كلامك المعاي قبيل .. ما فضل ليك إلا تغني لـ(عطبرة).. |
ابو عبد الله تحياتي كلام شنو تاني مع القونين ديل يابوصلاح الغناء لعطبرة خليهو تعال الليله فى اصدقاء البيئة حنغنى لراجي أقصد للراجل بالله شفتو جرى كيف بالرواكيب بدون مايقع مش جرية زول واعييييي يابوصلاح
| |
|
|
|
|
|
|
Re: فى استادكم نحنا اسيادكم (Re: معاوية محمد الحسن)
|
Quote: حبيبنا معاوية في الحتة دي بالغت شديد انا المرة الفاتت دافعت بشدة علي ولدنا السعودي و قربت اشيل لي ساطور ذي بتاع سفاري بس المذكور اعلاه علاقتو بالاخلاقZERO عموما ...مبروك الفوز |
الحاج أمير حجاً مبرورا وسعيا مشكورا رجعت الدوحة ولا عجبتك السعودية الاخلاق المقصودة يا امير هى اخلاق الفريق كلو لا ضربنا زول بونية ولا كوع ولا فلعنا بالحجارة فوز نظيف لا فيهو شق لا طق وباخلاق صفوة واكيد شفت مافعله هيثم عند استلام الميداليات من سوء سلوك الكورة المضت انهزمنا وماعملنا زى ما فعله لاعبى وجمهور الهلال
| |
|
|
|
|
|
|
Re: فى استادكم نحنا اسيادكم (Re: Dr. Ahmed Amin)
|
Quote: من غيرنا يعطي لهذا الشعب معنى أن يعيش وينتصر |
دكتور احمد الف مبروووك ومن غيرنا احضر الكوؤس بالاجواء طائعة ومن غيرنا لون التاريخ بلون الذهب ومن غيرنا وهب الافراح ماوهب مريخي انا مريخ الشباب المستجيش ضراوة ومصادمة
| |
|
|
|
|
|
|
Re: فى استادكم نحنا اسيادكم (Re: معاوية محمد الحسن)
|
Quote: عزيزى كرومة شكرا على المباركة وفعلا جاء النصر بالمحليين وبدون اى محترف باستثناء الفترة التى لعبها لاسانا المريخ انتصر وكان لازم ينتصر عشان يسكت الرشاشات ديل |
** ابو عوه.. ** مساك خير.. ## ياخوى والله لو ماغلبتو الهلال أُمبارح ,, لعيبة المريخ كان لى هسه يكونو فى الإستاد .. ** الحمد لله لإستباب الأمن ورجعو سالمين ,, إذا كان فى التمرين إتخارجو بالساطور لو حصل المُراد والله ار بجى مايخارجم.. ** باقى كلامى الفوق ماتنساهو .. ** عوض الله بسلم عليك وقال ليك :- ................. (ودام الود بيننا)
| |
|
|
|
|
|
|
Re: فى استادكم نحنا اسيادكم (Re: امير طمبل)
|
يا طمبل كان دورت صور بتتعب معانا والله
كفاية جدا صورة المعز المكرفس فى الشبكة ،
و كفايو جدا منظرو امبارح و هو بيتفرج على الكرة لمن دخلت القووون، تقول قاعد فى سينما
شدو حياكم بس و اعلمو ليكم فريق و جيبو ليكم كابتن محترم و تعالو
| |
|
|
|
|
|
|
Re: فى استادكم نحنا اسيادكم (Re: Emad Ahmed)
|
Quote: يا طمبل كان دورت صور بتتعب معانا والله
كفاية جدا صورة المعز المكرفس فى الشبكة |
أبوالأمين يا زميل كيف حالك و اذيك ....موضوع الصور ده أعمل ناااين لانو اخوك من مواليد العدسة يا فردة
ود حلتنا ...معاوية كلم زولك ده عاوز يشاغلني في تخصصي لانو عندي صور الاردن الشهيرة ...... يوم المطره ...وال 7 سمعت اخر خبر ...قالو رئيسي الهلال و المريخ عملو صفقة ذي صفقات الحزب الحاكم !!!!!! عشان كده سفير النوايا الحسنة رفض استلام الميداليات ...و دفر رئيسكم قرب يكسر ليهو فقرتو الكبيرة ديك.... تحياتي
| |
|
|
|
|
|
|
Re: فى استادكم نحنا اسيادكم (Re: امير طمبل)
|
Quote: كفاية جدا صورة المعز المكرفس فى الشبكة ،
و كفايو جدا منظرو امبارح و هو بيتفرج على الكرة لمن دخلت القووون، تقول قاعد فى سينما |
اضافة لتصرف كابتن نادى الحكام الصبيانى مع رئيس الاتحاد ووزير الشباب وخروج مساوى
بالكرت الاحمر شكرا الصفوة معاوية
| |
|
|
|
|
|
|
Re: فى استادكم نحنا اسيادكم (Re: معاوية محمد الحسن)
|
Quote: لانو عندي صور الاردن الشهيرة ...... يوم المطره ...وال 7 |
وطيب ياامير ماعندك صور ستة الترجي الشهيرة بتاعة كمال ترباس المشي يشرب موية
لاتجهل صفرهم فى العرضة مقرهم ديل منو ياحاج امير ترسل الاجابات للسيد/راجي صندوق بريد2
| |
|
|
|
|
|
|
Re: فى استادكم نحنا اسيادكم (Re: امير طمبل)
|
Quote: سمعت اخر خبر ...قالو رئيسي الهلال و المريخ عملو صفقة ذي صفقات الحزب الحاكم !!!!!! عشان كده سفير النوايا الحسنة رفض استلام الميداليات ...و دفر رئيسكم قرب يكسر ليهو فقرتو الكبيرة ديك.... تحياتي
|
كاااااااااااااااااااااااااااااك حلوة دى ، جديدة والله طيب نستنتج شنو من كلامك ده 1- كابتنكم سئ الخلق كان معصب عشان الصفقة ما عشان نبذوه 2- رئيسكم بتاع صفقات و بيحب الكاش 3- لعيبتكم هم لعيبة بلى ستيشن ... عشان كده ما قدرو يجيبو قوون عكس رغبة رئيسكم 4- كااااااااااااااااااااااااااااااااك على ده فريق ... و الله يصبركم كمان و كمان
بالمناسبة عندى واحد صاحبى منكم كده ، الزول ده من امبارح ما نام منتظر خبر الكاف و الصفاقسى !!! صاحى فوق ال23 ساعة لحدى اسه ههههههههههههه حالة صعبة
| |
|
|
|
|
|
|
Re: فى استادكم نحنا اسيادكم (Re: haroon diyab)
|
الف مبروك يامولانا
نصر في وقته
رد اعتبار
وتحجيم الرشاشات
وجوه الحفرة
جيب من جوه
الحبيب هارون
تاني مبروك الفوز نتيجة سؤ اداءالهلال
عاوز اسال صاحبك
ليهم كم سنة ما فازو علي الهلال في استاده وكم مره فاز الهلال في استاد المريخ
عشان يعرف منو الاسياد ومنو الاستادهم بقي ليهم مر من سيد البلد
| |
|
|
|
|
|
|
Re: فى استادكم نحنا اسيادكم (Re: abas)
|
استاذ معاوية
اول حاجة مبروك ... لانو هزيمة الهلال معناه هزيمة امة بكاملها
وكما تعلم فان الامم مهما حصل لا تهزم
عشان كدا ما حاسميها هزيمة ... انما انتكاسةبسيطة ممكن تتعدل في اي وقت.
وان كان كورة السودان من هذا او ذاك تستاهل ان يباركو ليها
بس عايز اقول ليك في كل الاحوال .. عنوان البوست ما بيشبهك
غيره بالله
بعدين شفت الفرق كيف في الكرم
في رايئ المريخ اكرم من الهلال مليون مرة تعرف ليه ؟ الهلال في استاده يمنح المريخ الفوز بالنقاطة
والمريخ في استاده يمنح الهلال الفوز بالجردل
اها لقيتني كيف علي راي صديقنا وزميلنا ود شيقوق؟
| |
|
|
|
|
|
|
Re: فى استادكم نحنا اسيادكم (Re: Abdlaziz Eisa)
|
** ابو عــوه .. ** مساءك خير.. ## الهلال هو موزع الفرح للشعب السودانى الفضل بشقيه (هلاريخ) ,, عندما ينتصر تنتشى جل الاُمه السودانيه ,, وعندما ينهزم يفرح جزء من الشعب الفضل يُطلق على نفسه صفة صـفـوه ,, لذلك يُعتبر الهلال هو مانح الفرح للجميع..
## أطلب الخير من بطون شبعت ثم جاعت :- لان الخير فيها أصـــيــل,,, ولاتطلب الخير من بطون جاعت ثم شبعت :- لان الخير فيها دخـــيــل... (ودام الود بيننا)
** كسره:- وصية ود البوب الفوق دى كنت خجلان أقولا ليك ,, ولكن سبق السيف العزل..
| |
|
|
|
|
|
|
|