|
زي كل موسم .. خلونا في المحلي ده .. غلبناكم .. غلبتونا ... دعوة لإلغاء الممتاز
|
قلناها قبل كده
كورتنا زي سياستنا
وسياستنا زي كورتنا
كله عند العرب صابون
ما عندنا كورة بي تعريفة
كورتنا فقط في الفنوات الاعلامية
باقلامنا وحروفنا
احسن من كورتنا في الملعب الاخضر
في البورد محترفين لعب
في التلفزيون محترفين لعب
في الجرايد محترفين لعب
في الحلة محترفين لعب
كورتنا في لساننا
وغيرنا كورتهم في الميدان
من زمن الركن بتاع ميدان الامم المتحدة في قلب الخرطوم
والناس بتلعب من الصباح
غلبناكم
غلبتونا
الحكم
البلنتي
واي واي
اوه تنقا
جوبا مالك علي
النقر جا
ونحن في نفس الاسطوانه
تتغير الاجيال
من جيل لي جيل
ونتوارث نفس الالفاظ
بل اضيفت لها
الجديد
ماسورة
صفراب بطيخاب
صفوة
سيد بلد
اما في الملعب الاخضر
ما عندنا اضافة
بل فلس كل موسم
أسوأ من الموسم الذي قبله
وبالطريقة دي
ممتازنا ده حيمشي الليق
لا تجنيس بينفع
ولا تحكيم بينفع
الدوري الممتاز في مصر القريبة دي
في الترتيب الآن
الثاني الاهلي المصري بـ 18 نقطة
والتاسع عنده 14 نقطة
يعني في 8 فرق في الدوري المصري الآن الفرق بينها اربعة نقاط فقط
بل عندنا الفرق بين الثاني والثالث اكثر من 30 نقطة
فرق السما للواطة
وين المنافسة
وين الجدية
وين الممتاز البيطلع ليهو فريق ينافس خارجيا ويحرز بطولة للسودان
من ما قمنا ومن قبلنا
هلال ومريخ
وكان قبلنا
موردة نيل بري
وحضرنا زمن التحرير وودنوباوي مع المريخ
وزمن بري والنيل مع الهلال
كان المنافسة في المركز بين اندية عملاقة
اخرجت لنا هلال 87 لنهائي افريقيا
ومريخ 89 مانديلا
بدون ممتاز ولا يحزنون
بصراحة كده
هلال مريخ لا يجدون من يصقلهم في الممتاز
لذا ادعو من هنا
لإلغاء مسابقة الممتاز
وعودة الدوري المحلي
كسابق عهده
ولا سفر ولا تكاليف ولا صرف على الفاضي
خلونا في المحلي الداخل عطبرة
هلال مريخ موردة اهلي نيل بري ودنوباوي تحرير زهرة اتحاد عباسية وتوتي
وكل ولاية تدور براها
لانه مافي داعي يكون هلال كادقلي قاعد في الخرطوم طول الموسم
ويسافر كادقلي لللمباريات فقط عشان التكاليف
حلونا من الموصوع ده
عشان نرتاح من غلبتونا وغلبناكم
ويرجع القراقير لزمن الصبابي
ويرجع الاهلي لي زمن حيدر
ويرجع النيل لزمن شرف
ويرجع بري لزمن عبدالكافي
واخر حاجة
ألا ليت المحلي يعود يوما لاخبره بما فعل الممتاز
|
|
|
|
|
|
|
|
Re: زي كل موسم .. خلونا في المحلي ده .. غلبناكم .. غلبتونا ... دعوة لإلغاء الممتاز (Re: كمال سالم)
|
جيمي المحلي أو جيمي بتاع البطيخ كل سنة وأنت بخير والله عبارتك خلونا في المحلي ده حلوة حلا هههههههههههه والله بقيت تحنن لكن كدي كلمنا عن إنطباعاتك عن هنو وراجي كزول جميل عاشق للجمال إسمو جمال لأن الذي نفسه بغير جمال لايرى في الوجود ..... فعشان نحن واثقين من جمال جمال وأن نفسه مليئة بالجمال ولأنه جمال يمشي بالجمال بين الناس فحديثك له مكانة في القلب يلا ياقلب كلمنا عن جمال هنو أولاً ثم إستراحة ثم حدثنا عن جمال راجي
وبعد داك ممكن نتفاهم
ثم ممكن سؤال ياجمال؟ البطيخ في الشتاء كيف؟؟؟؟؟؟
| |
|
|
|
|
|
|
Re: زي كل موسم .. خلونا في المحلي ده .. غلبناكم .. غلبتونا ... دعوة لإلغاء الممتاز (Re: كمال سالم)
|
لأول مرة اتفق معك و انت كنت اول الفاتحين لموضوع
غلبناكم و غلبتونا و كأن الدوري الفي السودان دا
هو الدوري الاسباني او الانجليزي ؟ للامانة يا جمال
الحاصل في السودان دا مرض و وجع قلب ساي بداية من
انعدام استراتيجية واضحة للكورة و تطورها من الدولة
مرورا بادارات الاندية و مصبا في فهم اللاعبين انفسهم
اخيرا في ثقافة المجتمع الذي ورثنا نوع من الثقافة
مفادها ان يكون الانسان في السودان إما هلال او مريخ
فقط حتى لعيبة الفرق المن مفترض ان تكون منافسة للهلال
والمريخ تلقاهم هم انفسهم يشجعون اما المريخ او الهلال
و املهم كله في الدينا ان يلعب في احد فريقي القمة !!!!
دعك من انه يكون لديه الرغبة في منافستهم و الخروج من
هذا المستنقع هو تفكير شامل من جميع مكونات الراي الرياضي
دون انتقاص و السمو بفكر هذه الرياضة من السقوط الداوي
و تجدنا نتفاخر لدي الشعوب الاخري انه المريخ مكون منذ حفروا
البحر والهلال ملك الكورة في العالم لانه استضاف فريق سانتوس في
اوائل السبعينات و هكذا ؟ الاخرين بداوا قريبا و احرزوا الكؤؤس
في جميع المجالات و هم يعملون و يجتهدون للارتقاء بانفسهم و نحن
ما زلنا في الهلال فاز و المريخ رد الاعتبار افتحوا بوستات لدراسة
كيفية الرقي بالرياضة في السودان تحليل الداء و تقديم العلاج و التصور
المناسب لذلك .
و لك شكري اخي جمال و انشاء الله اجازة موفقة .
| |
|
|
|
|
|
|
|