يا عادل عبد العاطي يا حبيب . . تسمح ؟

Quote: المهم أنسي عادل في أي غلاط لأنو عادل ما بعاين للنقاش بطريقة إيجابية لكن بعاين ليها بطريقة (هلالمريخية) واخد بال حضرتك، والوحيد الممكن يناقش عادل في البورد دا هو الحبشي وساعتها حتشوف العجب.

اما فيما يخص البوست دا، بالنسبة لي، فقييم اوفر من زماااااااان !!
رفعت الجلسة و قيد البلاغ ضد مجهول، او قول ضمير ( غائب ) تقديرهو ( هم )
بس تبقت لي حتات ظريفة كدا عاوز اشاركا مع ( القارئ ) العزيز الذاليني بيهو عادل كل مرة عافيهو ... من شنو الاعفاء دا ؟
ياخ الناس ديل احرار و ضغطوا على رابط البوست دا بمحض اختيارم و مسجل انو البوست دا فاتحو ( قيقراوي ) الفارغ او ما فارغ حسب تقديراتم هم !!؟
فحاجة غريبة قصة الوصاية عليهم دي ... الما داير او بتقزز يعفيني انا ذاتي من منو علي بإنو بقرا ( اسهالي ) دا ... و يا دار ما دخلك شر... ولّ شنو ؟
يا قريبك حبيبنا عادل دا [ Self-righteous ] او كما قالت، ولا يدري انه [ Self-righteous ] و الدليل آلو لي مش لو :

Quote: بدلا من الدفاع عن نفسك والانتصار لذاتك كان يجب ان تعيد النظر كرتين في موقفك ذاك؛ وان تنظر في مجموع قيمك لترى ما هو المهم والاهم

تم اجراء اللازم او في رواية بكرية Done انت كيف ؟

Quote: عايز تعمل فيها الود لطيف يعني وتتفرغ للدفاع عن ذاتك الشريفة ؟؟

Quote: فإن اردت أن ترجع للحق وتراجع ضميرك كل يوم وتعارك ذاتك - مثلنا - بدلا من عراك الاخرين فسافرح بذلك جدا؛ و ان اردت ان تكون حيثما تكون - شخصا فارغا ومستلبا من الشيوعيين - فلك هذا ؛

( مثلنا ) دي كيفتني ليك في حناني ( اللطيف ) دا ذاتو ياخ !!؟
مش انا البتهمني " ذاتي الشريفة "؟ .. مش لما " وجعتني " انا الفتحت البوست دا للدفاع عنها ؟
طيب شنو جايي مضري لي عيشك في الهواء الصنعتو من فراغي دا !؟
حيرتونا رسمي !؟
يا عادل سوري ياخ ! انا ما بكتب هنا منافحة عن زول او مناكفة لآخر .. بكتب البمليهو علي ( ضميري ) واخد بال سعادتك !؟ آآآآآي ضميري .. و ابشرك اللمبة مولعة ... و لا سقف ... شفت كيف ؟
فليفرح من يفرح و ليبتئس من يبتئس .. آي دونط كير ! طالما بتحمل مسئولية كتابتي دي انت ذاتك مفروض ما تكون كير شديد كدا طالما شايفا فارغة انت ما عندك موضوع ولّ شنو ؟
حلوة مستلب دي
ما كنت ( شيوعي ) راسو عديل ... اسي بقيت مستلب ساي ؟
اها برضو معلوف بامباز ( ماركسي ) وارد موسكو و لّ كيف ؟
حقك رجلين و حقنا كدارين ساي !!؟
حيرتونا رسمي
مسئول من الخير يا اخوي : انت معاركتك لذاتك دي كيفنأها ؟
هل حصل للحظة واحدة - فيما يتعلق بموضوع البوست دا - لقيتا غلطانة و اعتذرت او تراجعت عن الغلط دا ؟
يا زول !؟
طول مسيرة البوست دا ضميرك ما انبك انك ارتكبت و لو خطأ صغير في حقي ؟
حكمة و الله و حكاية !!!

يا زول معفي من اي اعتذار
انا ذاتي اسوي بيهو شنو يا الحبيب ؟

اتمنى تفيق من ذهولك العظيم دا
بالجد اتمنى
ودي احدى " ثلاثة امنيات على بوابة العام الجديد "
أها دي مظفر النواب يا الصادق ... اوعك تغالط
جايك يا قريبك
جايك


------------

و الله الرد كان مفروض يكون ليك، لكن تقول شنو مع النفس الامارة بالسوء دي !؟
الظاهر لسة فيها شئ من حتى ...
او على قول امي بت السيمت ( الخوف الندامة )