|
|
 يا طارق جبريل ماااااااااااااااااااااااعذبتنا !!!
|
أخيراً وصل البلد بالسلامة طارق جبريل
وكان في إنتظاره بـ مطار الخرطوم
عدد من بورداب الخرطوم ممثلين لـ بقية البورداب
منهم عمر صديق ومعتصم محمد صالح ومحمد عمر جبريل
وصلت طائرة الخطوط المصرية حوالي الساعة 2 ظهر اليوم
معقول يا طارق بس من الساعة 12 ظ الجماعة ديل منتظرين
وبعد إنتظار طويل قالوا بكون طلع ومشى بيتهم من غير ما يشوفوهو
ومشوا الجماعة الإمتداد ولقوهو ما وصل برضو!!!
الجماعة إحتاروا قالوا يا ربي المدير بتاعو يكون
غيّر رأيهو وأبى يديهو الإجازة ولا الحاصل شنو؟؟؟ 
لكن قاموا تاني ورجعوا المطار إمكن يلقوهو
وفعلاً لقوا المصرية عندها طيارة تانية جات الساعة 2 ظهر
والحمد لله وصل بالسلامة وقابلوهو داخل صالة الوصول
بس لكن لقوا معاهو واحدة هندية
قال شنطتو وشنطتها الوحيدات الإتأخروا من العفش
وكنت في متابعة مع الزملاء أعلاه عبر التلفون
وبس معقول لكن يا طارق ماااااااعذبتنا!!!
ـــ
توجد صور جاية في السكة بس الصبر شوية كدا
|
|
  
|
|
|
|
|
|
|
 Re: يا طارق جبريل ماااااااااااااااااااااااعذبتنا !!! (Re: انعام عبد الحفيظ)
|
إنعام ......
عليك الله إزيّك ....
| Quote: غيّر رأيهو وأبى يديهو الإجازة ولا الحاصل شنو؟؟؟ |
أبى يديهو دي شنو؟
إسمها (حماهو الإجازي) .......... صلّحي ملافظك ياخ.
بعدين هو جاي من البلد راكبلو حمار؟
أنا العصفورة قالت لي أمس (13/11) شوهد في المطار في المغرب الساعة 11:30م أي في تمام الساعة 23:30
ياخ ده ما كان كوفار مرارة وشربوت.
| |
|
|
|
|
|
|
|
|
|
Re: يا طارق جبريل ماااااااااااااااااااااااعذبتنا !!! (Re: عمر صديق)
|
عمر صديق
بالله ابو صلعة دا خلي بالك منو كويس مكوووووووووووووووووووووووووووووفر شديد
كنت اتمني اكون معاكم ....... الله غالب
وتحياتي للطفي ولو باريت لطفي دا والله تموت من الضحك
كون بالف خير
وعندي ليك وصية مع طارق بالله اهتم بالموضوع شديد ما تجي تقول لي الوقت مواعيد سفر وطارق ........ وكدا
| |
|
|
|
|
|
|
|
|
|
Re: يا طارق جبريل ماااااااااااااااااااااااعذبتنا !!! (Re: ناصر جبريل)
|
يا ناصر
تحياتي
ياخ طارق الليلة مااااااااااااااااااااااعذبنا
انتظرنا ساعتين في المطار الجماعة كلو مايشوا واحد عندو صلعة وشباب يقولو داك طارق وفي الطائرة الاولي جا واحد بشبهكم الخالق الناظر مشو سالوه انت طارق جبريل؟ انا طارق لكن ما طارق جبريل
بعد كدا قمنا مشينا الامتداد ولما وصلنا جنب البيت قلت ليهم الازيار دي انا كنت لما اجي مع ناصر بشرب منها وبكاوي بيها طارق في الماسنجر
لقينا واحد في بيتكم وكنا قايلين طارق وصل في طيارة 12 لكن قالو لينا حايجي السعة اتنين
ورجعنا المطار وبعد كدا الفيلم الحكتو الاخت انعام والتيب كانت معنا بالتلفون
لما قابلنا لطفي ومع نكاتو السريعة ديك مدا قارورة البارد لي واحد بوردابي واخونا قاليهو لالا شكرا انا ماعاوز
لطفي بسرعة قاليهو انا ما قلتلك اشرب قلت ليك افتح
وانشاء الله وصيتك علي طارق والمع طارق ستكون محل اهتمامي
وتحياتي
| |
|
|
|
|
|
|
|
|
|
Re: يا طارق جبريل ماااااااااااااااااااااااعذبتنا !!! (Re: عمر صديق)
|
حمدلا على السلامة يا طارق
الوصية في الزمة اكان ما سلمت لي على صاحبك الطلبة.
والقصة شني؟
قالوا شنطتك غتست مع شنطة الهندية؟
بس لا تكون هنديتا زي بطلات الافلام
سميحة وشالت باقي قلبك وشنطتك
قعدت تكتل في عويناتك وشغال ليها (بيار ديل ديوانا)
باقي خابرك جوعار وبتتنخ في اي سماحة تشوفا
آ آلمسخوت
| |
|
|
|
|
|
|
|
|
|
Re: يا طارق جبريل ماااااااااااااااااااااااعذبتنا !!! (Re: عمر صديق)
|
ياريس حمدالله علي السلامة
بالله خلي بالك من الرعية ماتجي تقولي الشربوت طار لي في رأسي
في مواضيع مهمة لازم تنجزها مع جومو ومحاسن
قالوا لي بقيت ناشف بي فوق...ماقالولك مافي موية !!!
ياناصر وينك يااخ ليك زمن غاتس !!!!زولك ده اعملوا ليهو الحريرة !!!
الف حمدالله علي السلام
| |
|
|
|
|
|
|
| |
انعام عبد الحفيظ
احمد محمد بشير
محمد أبوالعزائم أبوالريش
ياسر بيناوي
عمر صديق
ناصر جبريل
محمد المختار الزيادى
عماد الشبلي
اشرف السر
عماد شمت
الطيب شيقوق
فيس بوك
تويتر
انستقرام
يوتيوب
بنتيريست