|
|
|
 Re: لكل الاعضاء بمناسبة عيد الاضحى - ما تفرزوا عند المعايدة (Re: خالد المحرب)
|
Quote: والله يا اخوانا كنا زمان في الاعياد وايام الطفولة بنتحرك في شكل اتيام لابسين اجمل جلاليب البوبلين والجزم الباتا ومعطرين بريحة فلير دمور او بت السودان - كنا لا نميز في المعايدة بين الكبير والصغير والشين والسمح كنا نجول الحلة كلها بيت بيت ومرات بنكب بلح وحلوى المعايدة في جيوبنا .
يلا بعد كبرنا وعرفنا المنقة تغيرت طريقة المعايدة وصار لكل تيم قائد او مرشد هو الذى يعد خارطة الطريق وهو الذى يحدد متى الاقلاع واين الهبوط
|
يا لذلكم الزمن الجميل
كل سنة وإنت طيب يا جميل
سيبك من ناس السياسة ديل
ما تزعل يا زول بهظر معاك عديل
| |
  
|
|
|
|
|
|
|
|
Re: لكل الاعضاء بمناسبة عيد الاضحى - ما تفرزوا عند المعايدة (Re: الطيب شيقوق)
|
آ الطيب آخوي.. اليوم العيد وثبت عندكم وأنحنا ما جايبين خبر
في بلاد الواق الواق البعيدة دي؟
أها أكان كدي نقوم نسوي التلبية ونشوف لينا كبش أقرن ننحرو
ونضحي بيهو.
لبيك اللهم لبيك
لببيك لا شريك لك لبيك
إن الحمد والنعمة لك والملك
لا شريك لك لبيك
كل عام وأنتم بخير وربنا يحقق الأماني
ونشوف سودانا موحد بإذنه تعالى
| |
|
|
|
|
|
|
|
|
|
Re: لكل الاعضاء بمناسبة عيد الاضحى - ما تفرزوا عند المعايدة (Re: حيدر حسن ميرغني)
|
الناس في شنو وانت جاري للمعايدة
بالله ماشوفت حال ناس طوكر التعبانين
وللا المعتقلين من الاشاوس الدارفوريين
وللا قلة ادب الجلابة معاي في بوستات نضالي
احييييييييي من اشكالكم دي
برضو تقول ماعاوز سياسة
طيب قاعد هنا ليه
خليني اخلص اللي في يدي واجيك
قال معايدة قال
_
واحد رابط مكنة ت ر ا ج ي
ود الحسن
انتو مجانين عشان ما عايز اقول ليكم ساى - هو منو هسع القال ليكم البوست معايدة البوست يخاطب ظاهرة تخطي المهمشين حتى في المعايدة - يوم العيد الناس بتعيد للاغنياء والحسناوات وتفط الغلابة - دي هسع مش سياسة ؟ سياسة .......... اهلك
انت بس لطشت العنوان وجيت جاري
واحد رابط شنوووووووووووووووووووووووو ؟ هههههههههههههههههههههههههههههههههههههههههههههههه
بالغت في دي يا مسنوووووووح
| |
|
|
|
|
|
|
|
|
|
Re: لكل الاعضاء بمناسبة عيد الاضحى - ما تفرزوا عند المعايدة (Re: الطيب شيقوق)
|
عبد العزيز عيسى
ازيك يا اخي
آ الطيب آخوي.. اليوم العيد وثبت عندكم وأنحنا ما جايبين خبر
في بلاد الواق الواق البعيدة دي؟
أها أكان كدي نقوم نسوي التلبية ونشوف لينا كبش أقرن ننحرو
ونضحي بيهو.
لبيك اللهم لبيك
لببيك لا شريك لك لبيك
إن الحمد والنعمة لك والملك
لا شريك لك لبيك
كل عام وأنتم بخير وربنا يحقق الأماني
ونشوف سودانا موحد بإذنه تعالى
امشي من دربك دا شوف ليك كبش
الكبش صار ب 700 جنيه السنة علا تضحي بديك اب علاعل
| |
|
|
|
|
|
|
|
|
|
Re: لكل الاعضاء بمناسبة عيد الاضحى - ما تفرزوا عند المعايدة (Re: حيدر حسن ميرغني)
|
يامولانا
| Quote: كنا لا نميز في المعايدة بين الكبير والصغير والشين والسمح |
عيد سعيد وعمر مديد
ظل اهلنا يفرحون بالاعياد فرحا له معني .. ويعدون لها العدة قبل حين فيعتبرون رمضان كله قبايل عيد
وعشرة ذي الحجة قبايل عيد ويقولوا ان زواج فلان تاسعة العيد ليطيلوا بقاء العيد ويمددوا ايام البهجة ..
وكانوا لا يتزوجون اثناء العيد حتي لا تتداخل الافراح .. ويرفعون فراش البكاء يوم العيد .. وتتحسر عائشة
الفلاتية لانه (ما حضرت معانا العيد .. ياخواني)
ولكن الحال تبدل بسبب النائحين والنائحات الباحثين غن الضيق والتبرم والزعل وصرف النظر عن المسرة
وتحويل الحياة كلها الي مأساة شاملة بتجديد ما اندثر من وجع واحياء ما طمسته الايام من كدر .. اصبح
هناك اول عيد للراحلين .. وذكري للبؤساء دون عمل ايجابي لجرهم الي نطاق الفرح بالعيد الا من اجل اظهار
العيد بلون كالح وبعد ان يسهموا بسلبيتهم شخصيا في استمرار بؤس البؤساء وتعاستهم ..
وانا والله ماتت اختي .. واعاني من ثقل الحياة وبؤسها واري منها مالا يسر ولكنني املك في صدري من الفرح
بالعيد ما يجعلني اتمني عودته وعودة ايامه علي الجميع .
كل عام وانت واعضاء المنبر من مسانيح ومسنوحات وتعساء وتعيسات وبائسين وبائسات وفرحين وفرحات
بالف خير وعافيه وبركه
وانا ذاهب بعون الله للحج .. وسادعو للجميع ب (ام فريحانه) تمسك بتلابيبهم فردا فردا وتمد عدواها لمن حولهم فلا
يخرجوا من العيد بغير الفرح والذكر الحسن ..
بارك الله ايامكم كلها .. وتفاءلوا بالخير تجدوه .. وكن جميلا تري الوجود جميلا ..
عمر علي حسن
| |
|
|
|
|
|
|
|
|
|
Re: لكل الاعضاء بمناسبة عيد الاضحى - ما تفرزوا عند المعايدة (Re: الطيب شيقوق)
|
Quote:
Quote: ههههههههههههههههههههههههههههههههههههههها المسنوح بقى زى تراجي لازم يدخل السياسة دي حتى مع الجكس
نان اكان شفتو وكت يقبل علي الكورة
ضليلابي لايوق خلاس هههههههههههههه
|
العزيز/ ياسر بيناوي
الحمى نزلت منك شوية!!!
معليش انت هنا انا ما عايز اقوّم ليك الهستيريا في بوست المسنوح...
لكني راجيك ببوست تاني نعيد فيهو الأماني
بعد ما نشوي الحمام الهلالي بالصفوة والصفاقسي..
أركز...
| |
|
|
|
|
|
|
|
|
|
Re: لكل الاعضاء بمناسبة عيد الاضحى - ما تفرزوا عند المعايدة (Re: الفاتح ميرغني)
|
يا خال
بالله الكلام السمح دا ما شفت الا الان
وانا والله ماتت اختي .. واعاني من ثقل الحياة وبؤسها واري منها مالا يسر ولكنني املك في صدري من الفرح
بالعيد ما يجعلني اتمني عودته وعودة ايامه علي الجميع .
طيب الله ثرها يا خال
كل عام وانت واعضاء المنبر من مسانيح ومسنوحات وتعساء وتعيسات وبائسين وبائسات وفرحين وفرحات
بالف خير وعافيه وبركه
وكل عام وانت يا الحبيب بالف خير
وانا ذاهب بعون الله للحج .. وسادعو للجميع ب (ام فريحانه) تمسك بتلابيبهم فردا فردا وتمد عدواها لمن حولهم فلا
يخرجوا من العيد بغير الفرح والذكر الحسن ..
ربنا يوفقك ويجعله حجا مباركا ومبرورا وما تنسانا من صالح الدعوات يا خال
بارك الله ايامكم كلها .. وتفاءلوا بالخير تجدوه .. وكن جميلا تري الوجود جميلا ..
تسلم يا ابا امير فانت كل الجمال
بس فطيط حاجة يا خال
كنتم زينا عندكم محاصصة في المعايدة يعني بتعيدوا لل ......... ورجال المال ؟
| |
|
|
|
|
|
|
|
|
|
Re: لكل الاعضاء بمناسبة عيد الاضحى - ما تفرزوا عند المعايدة (Re: الطيب شيقوق)
|
ودشيقوق كل سنه وانت وكل الاحباب والوطن بخير
بمناسبة الذكريات في اتصال امس مع صاحبي قلت ليهو اها انا جاي اعيد في السودان الخروف بكم قال لي بي سلك سلك قدر الله ما خلق ياخي الكلمه دي لي منها قرن عديل كده ضحكنا واطايبنا متجاوزين الارقام
ومعك هنا رغم اسى الوطن نتجاوز ايضا مؤقتا لنحلم بعيد سعيد للجميع
| |
|
|
|
|
|
|
|
|
|
Re: لكل الاعضاء بمناسبة عيد الاضحى - ما تفرزوا عند المعايدة (Re: الطيب شيقوق)
|
الاستاذ والاخ شقدي
بمناسبة الذكريات في اتصال امس مع صاحبي قلت ليهو اها انا جاي اعيد في السودان الخروف بكم قال لي بي سلك سلك قدر الله ما خلق ياخي الكلمه دي لي منها قرن عديل كده ضحكنا واطايبنا متجاوزين الارقام
ومعك هنا رغم اسى الوطن نتجاوز ايضا مؤقتا لنحلم بعيد سعيد للجميع
هههههههههههههها نعم نحلم بعيد سعيد
التحية عبر هذا البوست لاساتذتك بجامعة سنار - الدكتور فيصل عبد الله والاستاذ خميس كجو والاستاذ بيرم
وعزاؤنا للدكتور الراحل الصديق كمال نورين
| |
|
|
|
|
|
|
|
|
|
Re: لكل الاعضاء بمناسبة عيد الاضحى - ما تفرزوا عند المعايدة (Re: Abdlaziz Eisa)
|
| Quote: ومعطرين بريحة فلير دمور او بت السودان |
صديقي العزيز شيقا
نسيت ال بروفيسي ؟؟؟؟؟؟
مساء امس وبفندق رامادا كانت الندوة الكبري لرابطة القانونيين السودانيين بدولة قطر
" التداعيات القانونية والاقتصادية لحق تقرير مصير جنوب السودان "
كانت ندوة ولا اروع ..... افتقدناك فيها
احتمال تذاع اليوم علي قناة الجزيرة مباشر
وامكن تشوف اخوك مظبط بالبدلة والكرافتة البنفسجية
وزمان قلنا ليك معاك في الجنسية الجديدة
| |
|
|
|
|
|
|
|
|
|
Re: لكل الاعضاء بمناسبة عيد الاضحى - ما تفرزوا عند المعايدة (Re: الطيب شيقوق)
|
الخال حسن طه
الف الف مرحب بيك يا زعيم
صديقي العزيز شيقا
نسيت ال بروفيسي ؟؟؟؟؟؟
لا لا عندكم انتم ناس المدينة نحن اعلى سقف عندنا وقتئذ هو بت السودان
مساء امس وبفندق رامادا كانت الندوة الكبري لرابطة القانونيين السودانيين بدولة قطر
" التداعيات القانونية والاقتصادية لحق تقرير مصير جنوب السودان "
كانت ندوة ولا اروع ..... افتقدناك فيها
احتمال تذاع اليوم علي قناة الجزيرة مباشر
وامكن تشوف اخوك مظبط بالبدلة والكرافتة البنفسجية
يا زول دا حبر من المغرب بصاقر ليك الجزيرة مباشر ان شاء الله يجيبوكم لينا
وزمان قلنا ليك معاك في الجنسية الجديدة
هههههههههههههههههها بالحيل نحن جاهزون لتسليمك الجنسية انت بس ابقى لينا مارق برة
| |
|
|
|
|
|
|
|
|
|
Re: لكل الاعضاء بمناسبة عيد الاضحى - ما تفرزوا عند المعايدة (Re: Abdlaziz Eisa)
|
Quote:
بس فطيط حاجة يا خال
كنتم زينا عندكم محاصصة في المعايدة يعني بتعيدوا لل ......... ورجال المال ؟
|
لا والله لا محاصصة ولا مخاصصة .. كانوا جميعا حتي الحبوبات حلوين حلاوة وغالين غلاوة
وكانت بنيات العم والخال وصويحباتهن من بنيات الحلة (غير المحبوسات) يسرن معنا في موكب
الصبية والصبايا ونتلقي معا عيديات عينية ونقدية حتي تمتلئ جيوبنا ثم ما تتسع له (اطراف)
جلاليبنا وفساتينهن ونعود بما تلقت خدودنا من قبلات حانية وفرحة بنا .. ونتلاقي مع مجموعات
عفوية اخري عائدة ممن سبقتنا اليهم وذاهبة الي من سبقناها اليهم فنتبادل الود والسعادة والضحكات
فاذا عدنا وسط النهار لبيوتنا لا يوبخنا احد علي السمن العالق بجيوبنا واطرافنا ولا يستكثر اهلنا
ما حصلنا من قروش وتعاريف واحيانا شلنات .. وفي العصر نذهب بهذه الثروة الي ساحة المولد
حيث تنصب الالعاب والمراجيح وحيث تقف اللواري والبصات (السفنجة) التي تنظم رحلات الي
البحر يتم تحذيرنا منها ونحن خارجون ولكن العصيان في مثل يوم العيد لا يعاقب عليه ..
كان الجمال والمال متاحا للكل فلا تحس بان في الحلة فقير .. اما المحبوسات فشانهن يخرج من دائرة
اهتمامنا واذا ذكر احدنا احداهن فانه يكون (مطموسا) أو (ممسوخا)
ازيك بقي ؟
عمر علي حسن
| |
|
|
|
|
|
|
|
|
|
Re: لكل الاعضاء بمناسبة عيد الاضحى - ما تفرزوا عند المعايدة (Re: عمر علي حسن)
|
وكانت بنيات العم والخال وصويحباتهن من بنيات الحلة (غير المحبوسات) يسرن معنا في موكب
الصبية والصبايا ونتلقي معا عيديات عينية ونقدية حتي تمتلئ جيوبنا ثم ما تتسع له (اطراف)
جلاليبنا وفساتينهن ونعود بما تلقت خدودنا من قبلات حانية وفرحة بنا ..
يا الله يا خال نحن برضو كنا نلعب معهن في الحقّاب ( الحقاب الفسحة الوسط الحلة ومتربة ) في الليالي المقمرة ونسرح معهن بالعجول في اطراف الحلة ونطلع معهن في الحاحاية لنهش الطير من الزراعة
يا حليل ايام الطهر والبراءة
مش زي شباب هاي وجاو و وااااااااو ولووووول وايون
يا خال سمعت بأيون دى ؟
| |
|
|
|
|
|
|
|
|
|
Re: لكل الاعضاء بمناسبة عيد الاضحى - ما تفرزوا عند المعايدة (Re: الطيب شيقوق)
|
| Quote: ما تنسى ولدك من صالح الدعاء يا ابا امير |
ابو عبدالله
خالك عنده قائمة دعوات و(مدعو لهم ) .. هذه القائمة تضم كل (طلباتنا) من المولي
عز وجل وتحفظ داخل المصحف المحمول معنا الي عرفات حيث تتم تلاوتها مع
حرارة التوكيد عليها والالحاح في الاستجابة لها والثقة في استجابة الخالق الكريم
لها .. بدأت هذا التقليد في اول حج لي عام 1976 وعند صعودي الي عرفات لم
اجد للقائمة اثرا وعدت كاسف البال في المساء فسألتني أم أمير ماذا كنت تفعل طيلة
اليوم فقلت لها ضاعت الورقة وما وجدت شيئا اقوله سوي (ربنا آتنا في الدنيا
حسنة وفي الاخرة حسنة وقنا عذاب النار) وكان المفتي الشيخ عوض الله صالح
يضطجع قريبا منا فاعتدل وقال لي (يا ولد انت لوربنا اعطاك في الدنيا حسنة وفي
الاخرة حسنه عايز شنو تاني) فقلت له انني دونت طلبات كثيرة ووصايا في ورقة
ولكنها ضاعت مني .. فضحك رحمه الله وقال الا تظن ان ربك قد علم بها ,,
ايه رأيك ؟ اجاب ربك الكريم كل ما بالورقة الضائعة .. واعطاني حسنة الدنيا ممثلة
في ام امير وانتظر حسنة الاخرة من فضله انشاء الله ..
وكررته فما وجدت من ربك الا الحفاوة في كل مرة.
هذه المرة بدات اعداد القائمة منذ ان عزمت الحج .. وذكرتك فيها مع اخرين ممن
احببت وبينهم محمد المرتضي حامد وسازيدكما سلاما علي المصطفي بالمدينة ولا
يكون امركما الاخيرا باذن الله
انتو كمان ادعوا لينا بالحج المبرور والذنب المغفور .. وكل عام وانتم بخير
عمر علي حسن
| |
|
|
|
|
|
|
|
|
|
Re: لكل الاعضاء بمناسبة عيد الاضحى - ما تفرزوا عند المعايدة (Re: الزاكى عبد الحميد)
|
Quote: خالك عنده قائمة دعوات و(مدعو لهم ) .. هذه القائمة تضم كل (طلباتنا) من المولي
عز وجل وتحفظ داخل المصحف المحمول معنا الي عرفات حيث تتم تلاوتها مع
حرارة التوكيد عليها والالحاح في الاستجابة لها والثقة في استجابة الخالق الكريم
لها .. بدأت هذا التقليد في اول حج لي عام 1976 وعند صعودي الي عرفات لم
اجد للقائمة اثرا وعدت كاسف البال في المساء فسألتني أم أمير ماذا كنت تفعل طيلة
اليوم فقلت لها ضاعت الورقة وما وجدت شيئا اقوله سوي (ربنا آتنا في الدنيا
حسنة وفي الاخرة حسنة وقنا عذاب النار) وكان المفتي الشيخ عوض الله صالح
يضطجع قريبا منا فاعتدل وقال لي (يا ولد انت لوربنا اعطاك في الدنيا حسنة وفي
الاخرة حسنه عايز شنو تاني) فقلت له انني دونت طلبات كثيرة ووصايا في ورقة
ولكنها ضاعت مني .. فضحك رحمه الله وقال الا تظن ان ربك قد علم بها ,, |
رحم الله مولانا عوض الله صالح فقد أوجز واوفى يا زعيم
Quote: ايه رأيك ؟ اجاب ربك الكريم كل ما بالورقة الضائعة .. واعطاني حسنة الدنيا ممثلة
في ام امير وانتظر حسنة الاخرة من فضله انشاء الله .. |
ربنا يحفظ ام امير ويطول عمرها ويكفيها لدنياها واخرتها هذا رضاؤكم عليها
Quote: هذه المرة بدات اعداد القائمة منذ ان عزمت الحج .. وذكرتك فيها مع اخرين ممن
احببت وبينهم محمد المرتضي حامد وسازيدكما سلاما علي المصطفي بالمدينة ولا
يكون امركما الاخيرا باذن الله |
الله يخليك ويجعل سعيكم مباركا ومبرورا
تقبل تحيات الاخ محمد المرتضى حامد
| |
|
|
|
|
|
|
| |
الطيب شيقوق
Abdlaziz Eisa
فيصل محمد خليل
خالد المحرب
عبدالفتاح أبوشيمة
ياسر بيناوي
عزيز عيسى
عبدالله الشقليني
حيدر حسن ميرغني
سيف الدولة كامل
طارق جبريل
الفاتح ميرغني
محمد علي شقدي
حسن طه محمد
هاشم أحمد خلف الله
الزاكى عبد الحميد
ولياب
عبد القادر شادول
فيس بوك
تويتر
انستقرام
يوتيوب
بنتيريست