|
|
|
 Re: الادارة العامة للمرور- لائحة نظام النقاط والتسويات الفورية لسنة 2010 م (بالمستندات) (Re: Mohammed Awad)
|
..
.
قانون ظالم وجائر .. ولا يراعى ظروف المواطن
ووسائل الرزق البسيطة .. مثلا الحافلات والهايصات
دى بتعيل على الاقل 3 اشخاص السائق والكمسارى وصاحب الحق
سبق ان كتبنا عن تنظيم او ايقاف تصاديق الركشات والتى
تلعب دورا فى هذا النظام ..
ايضا توجد اخطاء فى توزيع شارات المرور ذات الاتجاه الواحد
يعنى تفتح الاشارة وان مخرم شمال تنتظر لمن يجى ود حلال عندو ذوق يقييف ليك
لذا وجب تصيح المسارات والاشارات ..
عبور المشاة حتى الان غير محددة والطامه الكبرى لا توجد توعية كافية
لتطبيق القانون لا فى الراديو ولا التلفزيون ولا نشرات
عدا .. عدد من رجال المرور منتشرون فى الشوارع فى اماكن محددة
ويجوا يوم 1 نوفمبر يقلعو من المواطن الإيصالات ..
خطا كبير فى العلاقة بين شركات التأمين وقانون المرور وإدارته
وصاحب العربة يعنى انت مؤمن وقدر الله حصل ليك حادث انت داخل الحراسة داخل الحراسة
وغرامة غرامة وسجن سجن ..
اعتقد ان التأمين يحفظ للمؤمن حقه وادميته وعدم الإذلال و المرمطه التى يجدها بين
المتحرى والحراسة والنيابة ونوابهاالذين يأتوت متى ما ارادوا ..!!
هذا لا يعنى التغاضى او تجاهل القوانين
او عدم النظام ولكن يجب مراعاة دخل الفرد ..
يعنى الواحد تانى للاحتياط وللقدر والقضاء ما يجى طالع
الا فى جيبه 100 SDG ودى ما بتتوفر لكل فرد ..
-------------
حتى لا تتعب حالك كثيرا بالتصوير والاسكنغ تجد فى الموقع ادناه
القانون كاملا وممكن القارئ يطبعه ويذاكره ويحتفظ بنسخة فى السيارة كما فعلت انا
للاحتياط والغلاط .. :)
http://www.trafficpolice.gov.sd/
مودتى؛
| |
  
|
|
|
|
|
|
|
|
Re: الادارة العامة للمرور- لائحة نظام النقاط والتسويات الفورية لسنة 2010 م (بالمستندات) (Re: Tabaldina)
|
ود حلال تصدق؟؟
قلت آخر مداخلة اهديها للعزيز تبلدينا عشان دينق يقطع ليك مخالفات الكورلا
ولى ود الصايم عشان تانى يجى كدارى ويخلى البرادو دا فى ميناء جدة...
Quote: حتى لا تتعب حالك كثيرا بالتصوير والاسكنغ تجد فى الموقع ادناه
القانون كاملا وممكن القارئ يطبعه ويذاكره ويحتفظ بنسخة فى السيارة كما فعلت انا
للاحتياط والغلاط .. : |
دايرين نسهل على العالمين
بعدين انا من محلى دا ماقُمتا
من دقنو وافتلو... تكلجونيا على قول عمنا حمد
لكن عجبتنى للاحتياط والغُلاط دى
اوعا تبدا بيها هنا بس 
| |
|
|
|
|
|
|
|
|
|
Re: الادارة العامة للمرور- لائحة نظام النقاط والتسويات الفورية لسنة 2010 م (بالمستندات) (Re: عابدون محمد عابدون)
|
Quote: وين ناس اسرق الشارع .. يعنى المرور فى الاشارة الحمراء وعدم
احترامها ودى واحدة من اخطر المخالفات التى تتسبب فى قتل الناس |
طبعآ انا مُعجب بالمادة دى شديد واوريك ليه
اول شى هنا التزام الناس بخط الوقوف عند الاشارة (زيرو)
وخط الوقوف يتيح ليك المجال لرؤية عداد الاشارة بكل ارتياح
لتوازن بين وقوفك وانطلاقك...
عندنا فى السودان تقيف فى الخط دا تلقا الناس بيعاينوا ليك عشرة عشرة
دا غير البيكوريك ليك: جُر قدام يا ابو الشباب
على بال ماتعاين فى المراية بيكون فى زى عشرة جو اتلموا قدامك
وبعد داك لو ماعندك بورى عادى بتكون فاتت على الاشارة اقل شى 10 ثوانى عشان مايمشوا
فوق لى دا كلو تلقى القطر البى غادى الاشارتو قفلت لسة ماشين
وعاملين فيها عميانين عدييييييل...
| |
|
|
|
|
|
|
| |
Mohammed Awad
wadalzain
عابدون محمد عابدون
مدثر صديق
فيس بوك
تويتر
انستقرام
يوتيوب
بنتيريست