|
Re: بدر الدين إسحاق احمد..كلامك محزن..محزن للغاية (Re: زياد جعفر عبدالله)
|
بالله أقرأ معي يا أخ بدر الدين و معنا القاريء الكريم كمية القسوة, عدم الرحمة, عدم الانسانية, عدم المروءة و الشهامة السودانية في الكلمات أدناه!!! Quote: القانون يقول بصرامة لا عاطفة فيها :
* لن تنفعهم الجنسية المستخرجة فى التمتع بجنسية دولة السودان الشمالى ..
* هم سيمثلون مواطنين دولة اخرى فى دولة السودان الشمالى ..
* دولة السودان الشمالى لها الحق فى تقنين وتنظيم وجودهم فى داخلها .. |
وهو أقتباس من مداخلة لك في بوست عن ازدياد طلب الجنوبيين للجنسية!! (و كأن هؤلاء بين عشية و ضحاها صاروا أجانب..سعيهم لطلب الجنسية خبر و حدث يستحق لفت الانتباه!!!) مرت بذاكرتي أخواننا الجنوبيين الذين زاملتهم, تعلمت منهم, عالجوني و لعبت معهم في طفولتي و صباي. تذكرت بول جيمس منوت و الذي كان دوماً متفوقاً في المرحلة المتوسطة..و كان ألفة الفصل و مصدر ثقة و أحترام الاساتذة و التلاميذ على السواء. تذكرت أستاذ كواي ملاك كواي و الذي درَسنا الرياضيات و الأحياء في المرحلة الثانوية و كان الطلاب يحبون حصصه ذات الدم الخفيف و المليئة بالنكات و التحصيل برغبة في المادة و محبة لمعلمها. تذكرت جنابو الرقيب أول عبدالله كويك و الذي كان التعلمجي أبان فترة الدفاع الشعبي..و كذلك أشتهر-على عسكريته المنضبطة و مهنيته العاليه-بروح الفكاهة و التي جعلت المستجدين في حالة مرح حتى لحظات العذاب و العقاب و الادارة الداخلية..و عانقه المستجدين و هم يبكون عند التخريج! هذه عينة من ذاكرتي يا بدر الدين..معقول..كل هؤلاء تكتب لهم كلامك الفوق دا؟؟..ليه ياخ بس كدا؟؟..ياخ ملعونة أبو القروش على ابو البترول على ابو الماديات البتخلينا نتجرد من أنسانيتنا للدرجة دي!! يا بدر الدين دول العالم بيجوها مواطنين من وراء البحار..بتفتح ليهم الابواب و تعاملم سواسية مع مواطنيها..نجي نحنا لي أخواننا في الوطن و أسياد حق زيي زيك زي أي سوداني..نجي نقول ليه لم تستخرج جنسية سودانية؟ و ستعامل كمواطن من دولة أخرى؟ ياخ حتى لو صحت دعاوي من يتحدث عن أن فصل الجنوب تم بأتفاق الحركة الشعبية و تآمر القوى الغربية..ما ذنب هؤلاء نجي نقول ليهم الكلام دا.. ياخ سودانية و أهلية وشهامة ساكت مش المفروض نقول ليهم: البلد لو ما شالتكم نشيلكم في راسنا..و البلد ياها بلدكم مافي شيء إتغير..و البينا كشعب واحد اكبر من ان تفرقنا السياسة و المطامع. و أسفاه على السودان..
|
|
|
|
|
|
|
العنوان |
الكاتب |
Date |
بدر الدين إسحاق احمد..كلامك محزن..محزن للغاية | زياد جعفر عبدالله | 11-01-10, 12:47 PM |
Re: بدر الدين إسحاق احمد..كلامك محزن..محزن للغاية | زياد جعفر عبدالله | 11-01-10, 12:48 PM |
Re: بدر الدين إسحاق احمد..كلامك محزن..محزن للغاية | زياد جعفر عبدالله | 11-01-10, 12:51 PM |
Re: بدر الدين إسحاق احمد..كلامك محزن..محزن للغاية | زياد جعفر عبدالله | 11-01-10, 12:54 PM |
Re: بدر الدين إسحاق احمد..كلامك محزن..محزن للغاية | الفاضل يسن عثمان | 11-01-10, 01:33 PM |
Re: بدر الدين إسحاق احمد..كلامك محزن..محزن للغاية | زياد جعفر عبدالله | 11-03-10, 01:21 PM |
Re: بدر الدين إسحاق احمد..كلامك محزن..محزن للغاية | عمر صديق | 11-03-10, 03:18 PM |
Re: بدر الدين إسحاق احمد..كلامك محزن..محزن للغاية | زياد جعفر عبدالله | 11-04-10, 09:40 AM |
Re: بدر الدين إسحاق احمد..كلامك محزن..محزن للغاية | عمر صديق | 11-04-10, 12:46 PM |
Re: بدر الدين إسحاق احمد..كلامك محزن..محزن للغاية | Elmuiz Haggaz | 11-03-10, 10:43 PM |
Re: بدر الدين إسحاق احمد..كلامك محزن..محزن للغاية | زياد جعفر عبدالله | 11-04-10, 10:01 AM |
Re: بدر الدين إسحاق احمد..كلامك محزن..محزن للغاية | khalid abuahmed | 11-04-10, 12:55 PM |
Re: بدر الدين إسحاق احمد..كلامك محزن..محزن للغاية | Kostawi | 11-08-10, 09:56 PM |
Re: بدر الدين إسحاق احمد..كلامك محزن..محزن للغاية | Kostawi | 11-08-10, 09:57 PM |
|
|
|