|
تحية الي كل الاعضاء في سودانيز اون لاين الشامخة
|
بسم الله الرحمن الرحمن الرحيم تحية حب وتقدير الي كل الاخوة والاخوات والاصدقاء والصديقات في سودانيزاون لاين الشامخة
في البداية اود ان أحي كل الاخوة الاعضاء في سوادنينراولاين واحي بصفة خاصة الاخ بكري ابوبكر الذي فتح نافذة مضيئة لكل السودانيين في مشارق الارض ومغاربها لكي يتناولو هموم الوطن الذي اصبح الان في مفترق طرق حقيقي واصبح لاول مرة في تاريخه امام تحدي خطير هو ان يكون او لايكون. أحي من منبري الجديد كل الاخوة السودانيين في كل مكان علي مساهماتهم التي لا تنقطع وحبهم لهذا البلدذلك الحب الذي تشوبه شائبة ولا يقف امامه تحدي وهو حب يحمله كل واحدمنا في جنباته ويذهب اينما ذهبت به الريح واخذته تصاريف الزمان . احييكم علي كل مساهمة وطنية فاعلة من اجل البلد العظيم الذي يسمي " السودان" الذي نفخر جميعا بالانتماء اليه وترفع رؤوسنا عالية في كل مكان ونقول لمن يسال نعم " سوداني ....انا سوداني ... انا سوداني أنا" ونحن من بلد شرفوا الارض اينما قطنوا . والتحية الي من كل حمل معولا من اجل رفعة هذا الوطن الشامخ الكبير. ذلك الوطن الذي يظل اهله نافذة مضيئة في مكان يذهبون اليه .
لكم التحية ولكم الود ودمتم ودام السودان حرا شامخا ابيا موحدأ باذن المولي تعالي وهو علي كل شيئ قدير وبالاجابة جدير .
ابدا صلاح الدين ادريس
|
|
|
|
|
|
|
|
Re: تحية الي كل الاعضاء في سودانيز اون لاين الشامخة (Re: سيف الدولة كامل)
|
Quote: مرحب بالاخ العزيز \صلاح ادريس ,,, وبورداب نيويورك زادوا واحد.
يا جماعة اخونا صلاح ادريس الصحفي والمترجم لدي المحاكم بولاية
نيويورك ,,,ما تكسروا تلج ساكت الزول ما عنده ليكم دولارات |
ههههههههههههههههه يا استاذ سيف سلامات عالم سودانيز عالم جميل
ياخى ابو البنات ده الله يديهو العافيه
| |
|
|
|
|
|
|
Re: تحية الي كل الاعضاء في سودانيز اون لاين الشامخة (Re: محمد كابيلا)
|
سلام يا سامي عتباني,,, والله صاحبك أبو البنيات
كل ما اقابله أقول ادينا مليون مليونين يقول لي
اشاعة,,, حبابو الف حبيبنا صلاح ادريس
,,,,,,,,,,,,,,,,,,,,,,,,,,,,,,,,,,,,,,,,,,,,,,,
ود الصايم اعمل سويدي من هسع نحن راجينك وحبابك مليون.
| |
|
|
|
|
|
|
Re: تحية الي كل الاعضاء في سودانيز اون لاين الشامخة (Re: محمد عبدالرحمن محمد)
|
مرحبا صلاح ادريس النيويوركي ويعلم الله اجدع ناس.
يا اخي انتو عندكم اصعب مدينه في العالم وعشان كده بتضغط الناس لما يجيبوا الزيت رغم ذلك لا يفقدون انسانيتهم بل هم الاطيب و الاكثر نخوة.
اريزونا طيبين برضو...لكن لانه بلادهم ليش ضاغطه كنيويورك لذا نديهم نمره بعدها.
ربنا يحفظكم جميعا ويا محمد الصائم انا لو محلك ببدأ السيودي كما قال لك سيف وبجي نيويورك بس ربنا يديك اللوتري اولا.
| |
|
|
|
|
|
|
Re: تحية الي كل الاعضاء في سودانيز اون لاين الشامخة (Re: عثمان نواي)
|
مرحب مرحب بصديقي اللغوي والمحاسب والصحفي النيويوركي الفاضل صلاح إدريس... وشكراً بكري لإتاحتك لنا هذة الفرصة الطيبة للتواصل مع عزيزنا صلاح إدريس... فصلاح من أكرم كرماء مدينة نيويورك وكرمه الله ببنات صالحات وزوجة فاضلة جمعت بينهما الصحافة والأدب والكرم الحاتمي والعشرة الطيبة... ونحن نفطر صباح كل عيد عندهم وتخدمنا بناتهما أبقاهم الله جميعاً.
وصلاح رجل موهوب تعددت مهاراته... وبه لطف غريزي محبب لنفسي وتلقطه أرواح من عرفوه.
لكم تمنيت تشريفه لنا في هذا المنبر الموقر والذي ظل صلاح الدين يتحفنا به بقصاصاته ونثره. لقد ظل مخلصاً لنيويورك وأهلها ولزوارها والذين شملهم كرمه وغزير مداده وجميل مقاله. وأحسب أنه جاء إلينا هنا ليواصل إبداعاً عرفناه عنه ووصلا لم ينقطع ونقلاً تجلت فيه قدراته على الرسم بالحروف.
مرحبا بك عزيزي هاهنا، نزلت أهلاً وحللت سهلاٍ وعقبال للعزيزة خالدة والبنات!
ودمت...
.....
بالمناسبة: تلفونك شعال على الفاكس!
| |
|
|
|
|
|
|
Re: تحية الي كل الاعضاء في سودانيز اون لاين الشامخة (Re: عثمان نواي)
|
Quote: مرحبا صلاح ادريس النيويوركي ويعلم الله اجدع ناس.
يا اخي انتو عندكم اصعب مدينه في العالم وعشان كده بتضغط الناس لما يجيبوا الزيت رغم ذلك لا يفقدون انسانيتهم بل هم الاطيب و الاكثر نخوة.
اريزونا طيبين برضو...لكن لانه بلادهم ليش ضاغطه كنيويورك لذا نديهم نمره بعدها.
|
نيو شندى! طوالى خاتفة توبك وقاطعة سفنجتك! ديل ناس شندى فوق جيران حوش بانقا! جنى
| |
|
|
|
|
|
|
|