|
Re: وزير الماليه يدعوكم لأكل الكسره !!! كاراكاتير (Re: مصدق مصطفى حسين)
|
دعوة الوزير دى ذكرتنى حكاية واحد أخونا بيشكى لأحد الأصدقاء عن معاناته وعجزه فى توفير أبسط المعينات اليومية ,
وأخذ يشرح لصاحبنا ,, تصور يا أخى البصل بشترى تلاتة حبات , والفحم بخمسمائة جنيه , التوم يا أخى بالفص ,
واما الرغيف فممنوع أكتر من رغيفة ونص للفرد فى اليوم كله , واليوم التانى عدس , وفى الغالب بالدين , و... و...
المهم بعد ما خلص كلامه وفضفض تماما , صاحبنا سأله : انت يا فلان الكبدة المقفولة بكم ؟؟
ولكم ان تتخيلوا رد أخونا عليه ..
| |
|
|
|
|
|
|
Re: وزير الماليه يدعوكم لأكل الكسره !!! كاراكاتير (Re: haroon asram)
|
مصدق
سلام
لو القصة حتنفع ، من حسع نعمل تجارب في لف الهمبورغر بالكسرة و نكون أصحاب الفكرة في الرياض عشان المغتربين يتعودوا عليها من هنا.
تخريمة :
هناك كاريكاتير قديم جدا للفنان عزالدين جاء في الحديث المصاحب للكاريكاتير :
نحن زماااان شن قلنا ؟ قلنا بجينا الخريف و اللواري بتقيف و بينعدِم الرغيف و بيكتر عيش الريف
***
ما تنسى أبيي
| |
|
|
|
|
|
|
Re: وزير الماليه يدعوكم لأكل الكسره !!! كاراكاتير (Re: ابو جهينة)
|
الحبيب ابو جهينة كيفك ياريس ؟
Quote: من حسع نعمل تجارب في لف الهمبورغر بالكسرة و نكون أصحاب الفكرة في الرياض عشان المغتربين يتعودوا عليها من هنا. |
دى فكره يا ريس تتنشر فى مكان عام ؟ خلاص سبقوك ! إنت عارف السودان بقى أرض المليون إختراع( يا حليل الميل )، عشان الناس هناك تتحايل على المعيشه ممكن يعملو ما لم يخطر على قلب بشر! طبعا ما ناسيها ... لكن بتتخمّر ... دى قويه جدا لكن المعالجه صعبه ... غايتو ختيتنا فى إمتحان صعب ياريس .
| |
|
|
|
|
|
|
Re: وزير الماليه يدعوكم لأكل الكسره !!! كاراكاتير (Re: مصدق مصطفى حسين)
|
Quote: أخى عبدالعزيز عيسى شكرا لك على مرورك و تهنئتك الرقيقه ، لكن أحيانا تحدثنى نفسى بأن الكاراكاتير دون ألوان يكون أقوى تعبيرا و معنا و ربما أكثر جمالا ! و لكنى أستمتع الآن بإستعمال الفوتوشوب ( متعلمو جديد ) يعنى لسه برلوم ، لك مودتى و أمنياتى . |
العزيز الفنان/ مصطفى سلام
لو قلنا أن الكاريكاتير فكرة ورسالة مجردة إلى المتلقي..فاللون أحيانا ربما يكون له أثرا سلبيا في تحويل أو تشتيتات القارئ عن الفكرة الأساسية لموضوع الكاريكاتير.. راي أتفق معك فيه.. الفوتوشوب برنامج به امكانيات هائلة تقصر كثير من خطوات بناء العمل الفني بجانب فتح الخيارات المتعددة أثناء بناء العمل في مراحله المختلفة... حاليا ترك العديد من الفنانون الصورة التقليدية للرسم والتلوين وصار الإعتماد على الكمبيوتر أحد مقتضيات العمل الفني خاصة في رسومات الكاريكاتير والقصص المصورة.. فعامل الزمن ربما يحفز للمزيد من هذه الإستخدامات..
مزيدا من التقدم والتوفيق..
تحياتي
| |
|
|
|
|
|
|
Re: وزير الماليه يدعوكم لأكل الكسره !!! كاراكاتير (Re: Abdlaziz Eisa)
|
بتاعت الشعب ياتو دي مبالغة..
ابداع يا استاذ مصدق..
من اطرف المواقف التى مرت بي في السودان..
بينما نحن جلوس في مناسبة اسرية بدا احد اقاربنا
من الشكوى بان المعيشة بقت غالية وليؤكد كلامه قال ياخي صفيحة الطماطم بقت بي 15 الف جنيه
معقولة ياخي - ثم دلف لاشياء اخرى كثيرة واعاد ذكر ان صفيحة الطماطم وصلت للمبلغ الخرافي 15 الف جنيه وان هذا
نوع من القرصنة والسرقة ووووو وبعد ان انتهى من كلامه - قال له احد الاقارب يا فلان قوم بسم الله صفيحة شنو البي
15 الف دا كيلو الطماطم البي 15 الف - فرد عليه قائلا انا عارف ما اهو بنسمع من الناس نحنا الحاجات دي بطلناها زمان..
| |
|
|
|
|
|
|
Re: وزير الماليه يدعوكم لأكل الكسره !!! كاراكاتير (Re: Abdlaziz Eisa)
|
صديقى عبدالعزيز عيسى عاطر التحايا صحيح كل ما ذكرت ... ولكن يبقى إحساسى الشخصى بقوة الكاراكاتير بدون تدخل الفوتوشوب أو أى برنامج آخر ، بغض النظر عن تشتيته لأفكار المتلقى ،Quote: فعامل الزمن ربما يحفز للمزيد من هذه الإستخدامات.. |
فعلا هذا ما يحدث لى الآن بالإضافه للتعلق أو حب ممارسة شىء جديد ، دائما ينتابنى إحساس قوى بأنى سأعود للرسم بدون تلوين و بدون عوامل تكنلوجيه قريبا ، أشكرك جزيلا أخى عبدالعزيز لإفاداتك القيمه و إهتمامك بالعوده مره أخرى ، كن أبدا بخير و صادق مودتى .
| |
|
|
|
|
|
|
Re: وزير الماليه يدعوكم لأكل الكسره !!! كاراكاتير (Re: محمد كابيلا)
|
سلمت يمينك يا فنان
Quote: Quote: فعامل الزمن ربما يحفز للمزيد من هذه الإستخدامات.. فعلا هذا ما يحدث لى الآن بالإضافه للتعلق أو حب ممارسة شىء جديد ، دائما ينتابنى إحساس قوى بأنى سأعود للرسم بدون تلوين و بدون عوامل تكنلوجيه قريبا |
فعلا يا مصدق لولا عامل الزمن .. المتعة في إكمال كل التفاصيل باليد.. وحتي التلوين باليد أحلى كتير من الآلة.. فيها روح ياخي بس تقول شنو في زمن التيك اويي والبرقر دا ومع هذا طبعا أشجعك علي برامج القرافيكس ... فيها برضو مجال إصلاح الزلات والأخطاء والإضافات.. ولا تخلو من عوالم من الإبداع
تحياتي يامبدع
| |
|
|
|
|
|
|
Re: وزير الماليه يدعوكم لأكل الكسره !!! كاراكاتير (Re: مصدق مصطفى حسين)
|
تحية ...ريشة فنان بمبضع تشريح لواقع يشبه الملهاة...وشخوص نافذة فقدت القدرة علي ابتداع الحلول وهي تدور في حلقة التفكير الذرائعي المفرغة...ووطن ينوء كاهله بالازمات ليخرج سعادة الوزير بتصريح من وجد اخيرا الحل ...الرجوع الي الكسرة ..كأن المواطن قد فارقها الي دنياوات الدعة والترف وهو يرفل في نعيم الانقاذ... ليقاسمها من جديد كتفا بكتف مطلوبات الواقع الجديد.....واقع العواسة........حسبما اشار الوزير......
وداعا للجاتوه ...صبرا ال ياسر..
شكرا يا مصدق
| |
|
|
|
|
|
|
Re: وزير الماليه يدعوكم لأكل الكسره !!! كاراكاتير (Re: خالد المحرب)
|
تحية ...يا صديقي العزيز ... عندما تسرق السلطة بليل من زوار الليل عن طريق البوت والدبابة(بداية المشروع ونهايته ايضا) يظل هاجسهم تكسير الاجنحة ليظل المواطن يدور في فلك الحاجة مع وعود (تسمن القطط السمان) كما يتضح لاحقا...
عندئذ نبدأ مرحلة ناكل مما نسمع لننتهي بمرحلة (العواسة)...عواسة مماذا يا تري؟
عندما يخرج المارد من القمقم ليس لهبته كاذبة .....تلك الاجنحة التي يظنون انها قد تكسرت قادرة علي التحليق فوق تخوم المجد وهامات التاريخ...الوعد الذي يصنعه محمد احمد لا يحتاج الي برهان...
شكرا علي مداخلتك التي اهاجت اشجاني ايضا...
| |
|
|
|
|
|
|
Re: وزير الماليه يدعوكم لأكل الكسره !!! كاراكاتير (Re: مصدق مصطفى حسين)
|
يا مصدق كيف اصبحت (تقول انا قابلتك امبارح)!!
انا ما قريت كل المداخلات بتاعة الزملاء، عشان كده احتمال يكون واحد علق نفس تعليقي او في معناه، وهو انه في السعودية الكسرة اغلى كتير من الرغيف، وما سمحه زي كسرتنا لأنها مخلوطة بالرز وبنسبة اعلى كتير من الذرة بسبب غلاء الذرة مقارنة بالأرز، فرغيف بريال يكفي اسرة، ولكن كسرة بريالين لا تكفيها، ربما يادوبك بأربعة او خمسة ريال حتى تكفي الأسرة، يعني سعر الكسرة اربعة او خمسة اضعاف سعر الرغيف، وربما تكلف الكسرة اليومين ديل في السودان اكثر مما يكلف الرغيف، ناس السودان ممكن يفتونا في الحتة دي..
مصدق الظاهر عليك عجزت كتيييير، فصورتك دي مقارنة مع الصورة المطبوعة في ذهني منذ ما يزيد على ثلث القرن (آخر مرة قد أكون رأيتك يها) تختلف جذرياً، ودليلي على انك عجزت هو انك قبل اربع سنوات ونصف عندما وصلت أنا(حديثا) للرياض قادما من جدة واستقررت بها وكان بيننا اتصالات ووعود ان تزورني، فلا تشرفت بزيارتك ولا استمرت اتصالاتك الهاتفية، وانا انقطعت عن الاتصال بك عشان اشوف اخرتك، وما عرفتها، وبعد داك ضاع جوالي الفيهو رقمك ففقدت الأمل في مواصلتك، وزعلت منك كتير أوي.. لو عايز تلفوني تلقاهو في البروفايل بتاعي هنا.
الصورة المطبوعة في ذهني وجدت صورة قريبة منها عمرها أربعون عاما، وقد حاولت نسخها هنا الا انني فشلت، لذلك سأضع رابطها هنا..
http://wadmadani.com/html/glam04.htm
| |
|
|
|
|
|
|
|