كان الله جابو شغال في مشروع حاج الطاهر في قرية درب النمل و في يوم من الايام اتعطل الترتر قال حاج الطاهر لي الله جابو دايرك تمشي الخرتوم تجيب لي الاسبير و الله جابو من قام القريه ما فاتها شبر ركب من الدغش اللوري حق الخضار حتي مدينه الرماد كال حماد و منها الي الخرطوم اول ما نزل في السوق الشعبي راسو ضرب يسأل منو ؟ لمح واحد بتاع قنقر قال الجنا داك اكيد من جهتنا كدي النسعلو و كانت المفاجأه ان الزول طه ود المبارك بعد السلام قالوا طه اها يا زول ان شاء الله جائ تشتغل معاي قالو افو اطه ات ما عارفني شغال مع حاج مبارك قالو دي شغله ما بتقدمك تعال اشتغل معاي اديك درداقه تحومها من الخرطوم ٢ للعمارات قالو لكن قروش المبارك قالو خليها معاك يمكن نلاقي زول مسافر نديها ليه استلم الله جابو الشغل و سكن معاهم في بيت العذابه المأجرنو من الفكي كديس بالنهار مع القنقر و باليل مع فكي كديس الفكي كديس داير زول يمسكو الخلافه و ما يكشف سرو اصلو سفرو كتر لدول الخليج فكر في الله جابو قالو يا ولدي انت زول صالح و دايرك تشتغل معاي تدخلي الزباين و تكتب لي البخرات استم العمل و في فتره وجيزه اجاد عمل الجدل في يوم سافر الفكي كديس لسعوديه و استلم اب قنقر محلو في يوم جاتو مره تعاني من مقص قالت له يا فكي اب قنقر انا لي سنه بعاني من المقص ما خليت دكتور ما مشيت له بدون فايده سكت بره و لمح المره لمحه عابره عرف انها ذات مال جم قالها كدي ختي ايدك في الكتاب ده قال لها عندي العلاج لكن غالي بمليون جنيه قالتلو جيبو اداها السفوفه اللدتا ليهو امه قاليها سفه معلقه علي الريق المره من فد سفه بقت ذي الحصان بعد ثلاثه ايام الصفوف ما تديك الدرب ضكور علي اناتي علاجو كان معنوي و قليل من ماء الصحه كان يوصي مرضاه بالصلاه و الصدقه في يوم و قفت عربيه فاره قدام بيت الجالوص المهلهل نزل منها شاب ابهه قابل الفكي قالو انا جائ من طرف ابو كديس دايرك تسافر معاي بعد بكره جده قالو ابو كديس مالو ما جاء اسع فات اكتر من شهر و هو في كلامو قال اسبوعين قالو ابو كديس اتمسك في كشه قالو وانا برضو بيمسكوني قالو ابو كديس مشي لامير تاني غير اميرنا مع دجال نجيري و الشرطه كانت عامله كمين للنجيري فقبضت عليه معه بعد يومين صاحبنا يضرع في القصر زول بسعلو مافي في المساء ناداهو الامير و وراهو داير شنو قالو اذكر الله كثيرا تحل كل امورك و اداه بعض البخرات بعد يومين طلب الملك مقابله الامير لامر مهم قال الامير لابو قنقره الملك عاوذي لامر مهم في تعين وزاري دايرك تكتبلي بخره قالو انت داير الوزاره ؟ قالو اه دايره قالو انا عندي حجاب وارسو من جدي _________________ود يابس http://www.sor.w2hm.com/files/image/w/12.gif
اها اداهو الحجاب و مشي قابل الملك و تعين وزير ماليه و جاء بالبشري للفكي اب قنقر و من صباحا بدري اخذ الامير الفكي اب قنقره و مشو يعمرو شكرا لله بعد الرجو ع قال الفكي اب قنقره للامير بعد ما قرضك انبهي انا بدور ارجع قدر ما حاولو الامير ابي تب الامير اداهو نصف ثروتو جاء راجع عمل سلسله من المطاعم و الصيدليات و اشتري فلا ضخمه و اشتري عدد من الدكاكين و شغل عدد كبير من العطاله من قريه درب النمل اشترا ليهم دردقات و قاليهم امشو اشتقلوا في يوم جاء حاج الطاهر الخرطوم و سأل عن الله جابو زول عرفو مافي قال ناس القنقر ديل اكيد بعرفو سأل ليه واحد قاليو قصدك اب قنقر قاليو بس ذاتو وداو ليه بعد السلام و الكلام و راهو الحصل من يوم فارق درب النمل و حتي الان قال حاج الطاهر سبحان الله الذي امره بين الكاف و النون § القنقر : هو عيش الريف : هو الذره الشامي _________________ ود يابس
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
منتصرمحمد زكى
فيس بوك
تويتر
انستقرام
يوتيوب
بنتيريست