|
|
|
 Re: السودان يدعو الكوريتين لضبط النفس (Re: الشامي الحبر عبدالوهاب)
|
| Quote: السودان يدعو الكوريتين لضبط النفس |
الأخ محمد عمر,
الكلام دة كان زمان . عندما كان السودان قطرا محترما مسموع الكلمة وكان يتدخل لحل مشاكل كثير من الدول والتى كانت تسعى هى لوساطته.
اماالآن وفى هذا الزمان الأغبر فقد صار السودان ملطشة الملاطش وعرة العرر .
واأسفاى .
| |
 
|
|
|
|
|
|
|
|
Re: السودان يدعو الكوريتين لضبط النفس (Re: Al-Shaygi)
|
والله ما عارف بس ضحكت لمن دمعت من تصرفات وزارة خارجيتنا
وكالة الأنباء السعودية ( واس )
0197 خ د / عام / السودان يدعو الكوريتين إلي ضبط النفس
2010.11.29
0197 خ د / عام / السودان يدعو الكوريتين إلي ضبط النفس - الخرطوم 23 ذو الحجة 1431هـ الموافق 29 نوفمبر 2010م. - واس
أعربت السودان عن قلقها العميق إزاء ارتفاع حدة التوتر في شبه الجزيرة الكورية بما ينذر بالانزلاق إلي حافة المواجهة. وقال المتحدث الرسمي باسم الخارجية السودانية المستشار معاوية عثمان خالد في تصريح له اليوم إن ما حدث بين الجارتين الكوريتين أمر مؤسف ومقلق وأن بلاده تدعو الطرفين إلي ممارسة أعلي درجات ضبط النفس وتحقيق التهدئة. وبين خالد أن التصعيد لن يخدم أي طرف من الأطراف ولن يسهم في حل المشكلة موضحاً أن وزارته دعت المجتمع الدولي لبذل مساعيه الحثيثة من أجل مساعدة الطرفين لاحتواء الموقف وتحقيق التهدئة والعودة إلي طاولة المفاوضات مجددا مبينا أن الحوار هو السبيل الوحيد لتحقيق التسوية السياسية والسلمية للنزاع في شبه الجزيرة الكورية.
| |
|
|
|
|
|
|
|
|
|
Re: السودان يدعو الكوريتين لضبط النفس (Re: محمد عمر الفكي)
|
وتفعيلا للدور العالمي للسودان
ومسؤليتة كدولة كبري مفروض البشير يرسل مصطفي اسماعيل مندوب من الرئاسة للكوريتين لحل الخلاف بينهم
فعلا شر البلية مايضحك والجمل مابيشوف عوجة رقبتو
ماذا عن اضبط النفس مابين الموتمر الوطني والحركة الشعبية علما باننا مازلنا دولة احدة حتي الان
ياخي ناس وزارة الخارجية ديل ناس لذاذ شديد فاكينا في روحهم شديد وموهومون ومصدقين اوهامهم
| |
|
|
|
|
|
|
|
|
|
Re: السودان يدعو الكوريتين لضبط النفس (Re: جعفر محي الدين)
|
شيخ الشامي
يا زول وينك، والله الايام دي محتاجين لتحليلاتك بشدة خصوصاً البلد داخل استفتاء وويكليكس خرب الدنيا في الشرق الاوسط
ارمي لي موبايلك في المسنجر.
قلقو
ياخي نحن لسه فيها واكبر دليل تصريحات الزول دا!!!!
الاخ الطيب
يااخي انا قلت يارب مافي زول من ناس الشغل يسمع الخبر دا.
ولك التحية الاخ الشايقي
الاخ عثمان
نحن كشجرة الدليب ضلها رامي بعيد
شيخ جعفر،
كل سنة وانت طيب وانت بالف خير ومابس، اوعدك بزيارتك والاسرة في اقرب فرصة بعد انتهاء زحمة مكة وبعد الواحد ما ياخد نفسو شوية من جهد الحج.
| |
|
|
|
|
|
|
|
|
|
Re: السودان يدعو الكوريتين لضبط النفس (Re: BAKTASH)
|
تحياتي يا محمد عمر ولضيوفك الكرام
يا زول ما تتعجب من هذه التصريحات لطالما الوظيفة تقتضي ذلك. خلي الزول يتجدع .
يا أخي إت ما سمعت يوم داك السودان شارك في مراقبةالإنتخابات بالبرازيل . أي والله وفد من السودان سافر البرازيل لمراقبة الإنتخابات.
يعني كان سافر وفد لمراقبة لعبة كرة قدم ما كان أخير عشان نتعلم علي أقل تقدير ولا نشتري لينا لاعب لقطة كدا عشان بعد شوية نجنسه ونقدر ننافس بيه في المنافسات العالمية دي.
بحيراوي
| |
|
|
|
|
|
|
|
|
|
Re: السودان يدعو الكوريتين لضبط النفس (Re: Nasr)
|
البايظ عنده مين؟
,,,,,,,,,,,,,,
| |
|
|
|
|
|
|
|
|
|
Re: السودان يدعو الكوريتين لضبط النفس (Re: عبد الخالق امن الله)
|
وقال المتحدث الرسمي باسم وزارة الخارجية، معاوية عثمان خالد، في تصريحات صحفية امس، إن ما حدث بين الجارتين الكوريتين أمر يدعو للأسف والقلق الشديدين، مشيرا إلى أن الحكومة تدعو الطرفين إلى ممارسة أعلى درجات ضبط النفس وتحقيق التهدئة.
وأبان أن التصعيد لن يخدم أي طرف من الأطراف ولن يسهم في حل الأزمة.
ونقل المتحدث الرسمي باسم الخارجية تعازي السودان لأسر الضحايا الذين سقطوا خلال الأحداث المؤسفة.
| |
|
|
|
|
|
|
|
|
|
Re: السودان يدعو الكوريتين لضبط النفس (Re: عبد الخالق امن الله)
|
والله ما متذكر يا ناذر لكن بالجد رحم الله امرئ عرف قدر نفسه ودا كله كوم واوربا البترجف كوم تاني.
ود الصائم معاوية، الاخوة في الكوريتين لسه ماردوا وما اعتقد انهم حيردوا لكن جد شفت جنس المحن دي؟
ود عوج الدرب
احسن حاجة تعمل نائم عشان المغصة ما تكتلك.
كع والله بتجهل جهل يا شيخ عبد الله انت قايلنا هينين؟
بكتاش، الله في.
البحيراوي
والله ضحكتني لمن بانت نواجذي؟ مشو يراقبو هناك؟ حسبنا الله ونعم الوكيل.
ندى والله احترنا من امرنا وبقى الواحد ذاتو يقول شنو ويسوى شنو ما عارف؟ بالله نحن مالنا ومال الكوريتين يحرقو ولا يغرقوا ولا يضربو بعض نووي؟ اللهم الا اذا كنا خايفين من اثار الاحتباس الحراري الناتج من سحب الغبار الذري انها تؤثر على مناسيب مياه النيل في موسم الفيضان 
نصر، والله مرات العالم ديل ديك المسلمية اوعي منهم عشرات المرات
عبد الخالق، هو فضل فيها بايظ؟ يقولوا ليك ضبط (نفس) تقول لي بايظ؟ بالمناسبة ضبط النفس دا ما ممكن يشوفوا ليهم اسطوانة اكسجين ويهو يظبط 100%؟
والله العظيم عايز اعرف حاجة واحدة بس؟ منو العبقري الاوعز لسعادة الدبلوماسي معاوية دا ان يصرح التصريح دا ، احتمال معاوية دا براهو قام قال التصريح دا من عندو اتساقاً مع دورنا العالمي الكبير وخصوصاً انه نحن قمة في قعر البيت ماقادرين نشارك فيها؟
يا محمد
غايتو لو سمعنا مسئول كوري من هنا او هنا انا البوست دا ياني البالعه
قال الرسول الكريم "اذا اوكل الامر الى غير اهله فانتظروا الساعة"
| |
|
|
|
|
|
|
|
|
|
Re: السودان يدعو الكوريتين لضبط النفس (Re: محمد الكامل عبد الحليم)
|
الأخ محمد عمر
تحياتي - خلي بالك جماعتنا ديل حريصين علي الإستفادة من التجربة الكورية من زمن كان السودانيين بغنوا عليها . خاصة لو علمنا بأن ذات الحالة سوف تنطبق علي السودان بعد شهر واحد ونبقي زي الكوريتين في علاقاتا بعضنا البعض. وما تنسي زي ما الأمريكان قاعدين في كوريا الجنوبية سيكون لديهم وجود علي جانبي الحدود بين الدولتين الجديدتين طبعن الفرق الوحيد هو أنو الأمريكان قاعدين برضاء الطرفين في حالة السودان والوزنة معلومة.
بحيراوي
| |
|
|
|
|
|
|
|
|
|
Re: السودان يدعو الكوريتين لضبط النفس (Re: البحيراوي)
|
Quote: شيخ جعفر،
كل سنة وانت طيب وانت بالف خير ومابس، اوعدك بزيارتك والاسرة في اقرب فرصة بعد انتهاء زحمة مكة وبعد الواحد ما ياخد نفسو شوية من جهد الحج. |
حباب ود الفكي والله تشرف وجدة تنور بزيارتك
عارف المضحك شنو سألت زميلي في الشغل وهو مسؤول عن ترجمة الأخبار الواردة عن كوريا
ما إذا كان قام بترجمة هذا الخبر ؟
فضحك وقال لي والله لو ترجمتوا يطردوني ويطردوك إنت برضو معاي .
| |
|
|
|
|
|
|
|
|
Re: السودان يدعو الكوريتين لضبط النفس (Re: جعفر محي الدين)
|
| Quote: لوما ضبطوا نفسهم مفروض السودان يعاقبهم ويقطع منهم الموية والنور ... |
( فى الحتة دى)انا معاك ياود القاضى وكمان يدفعوهم رسوم نفايات .
نحن الناس ديل زماااان مش غنينا ليهم (الله لى كوريا ياشباب كوريا)؟ خلاص اذن نحن لدينا ايادى بيضاء عليهم ومن المفروض انو يسمعوا كلامنا.
بمناسبة تعبير(فى الحتة دى), انا سمعتو كدة فى الراديو .
| |
|
|
|
|
|
|
|
|
|
Re: السودان يدعو الكوريتين لضبط النفس (Re: قلقو)
|
البحيراوي
والله تشابه عجيب بس الخوف انه نعيش حالة حرب مع الجارة الجديدة زي الكوريين.
ود القاضي
نورتنا بمرورك ولو ما التزموا بنشتكيهم للصين!!!
شيخ جعفر
احتمال شركتكم ذاتها يقفلوها خلي يطردوكم
قلقو
| |
|
|
|
|
|
|
| |
محمد عمر الفكي
الشامي الحبر عبدالوهاب
قلقو
الطيب رحمه قريمان
Al-Shaygi
جعفر محي الدين
ناذر محمد الخليفة
معاوية عبيد الصائم
saif massad ali
عبدالله كع
BAKTASH
البحيراوي
ندى صالح الطيب
Nasr
عبد الخالق امن الله
محمد الكامل عبد الحليم
فايزودالقاضي
فيس بوك
تويتر
انستقرام
يوتيوب
بنتيريست