|
والله نحنا بقينا كعبين خلاص ..... حكاية مؤلمة
|
حكي لي صديقي بالامس واقعة مؤلمة تعرض لها احد السودانيين باحدي دول المهجر وجميع ابطالها سودانيين للاسف حيث انه دخل في تجارة استيراد لبعض البضاعة وبيعها والاسترزاق منها ولما توسعت تجارته وزادت اعماله فكر بان يستعين ببعض المعارف ليساعدوه وفي نفس الوقت يطلعوا ليهم بقرشين تلاتة المهم استعان بشخصين كان يظن انهم اولي بالمعروف فعندما عرفوا سر التجارة وارباحها دخل الطمع في نفوسهم وطلبوا العمل بالنسبة بعد ان كانت لهم رواتب وتم لهم ماارادوا ولكن الشيطان تمكن بنفوسهم الضعيفة و لعب بمكمن الشر فيهم وفكروا بالاستئثار بالغنيمة كلها
فدبروا مكيدة لصاحبهم الذي احسن اليهم بدس بعض الممنوعات في البضاعة وبلغوا عنه ليتم القبض عليه ويرمي في السجن مع المجرمين ولما فكر بالاستعانة باحد اصدقاء جماعته لانقاذه من ورطته سال هذا الاخير عن قيمة هذه الخدمة قبل ادائها . قمة الانحطاط
هل نحن وصلنا لهذه الدرجة ؟
وبقينا كعبين كده
|
|
|
|
|
|
|
|
Re: والله نحنا بقينا كعبين خلاص ..... حكاية مؤلمة (Re: بكري عباس علي)
|
وهناك الكثير من حكايات التردي الاخلاقي مثل زيادة جرائم القتل العمد ( ولد قتل ابوه او امه عشان القروش او سبب ########و اغتصاب اطفال صغار زي قصة مرام ودعارة علي الطرقات وفساد يزكم الانوف ونهب واحتيال و غيره الكثير مما تطالعنا به الجرائد والمحاكم والمجالس الخاصة
ليه كده الحاصل ليكم شنو ياسودانيين ؟
| |
|
|
|
|
|
|
Re: والله نحنا بقينا كعبين خلاص ..... حكاية مؤلمة (Re: بكري عباس علي)
|
رمضان كريم يا بكرى
والله قبل دقايق دخل على زميلى بالعمل وهو سودانى يحمل فى يده فاتوره وهو يقسم انو تانى ماحيشترى من سودانى
وبسؤالى له قال لى أمس مشيت جبت عرض أساعر أدانى ليهو سودانى وأقسم لى بالله إنو دا آخر سعر ... اليوم
ذهب ليشترى فلم يجد السودانى ووجد أحد العاملين المصريين .. ومن أول مره أعطاه بسعر يقل 20% عما أعطاه له
السودانى بالأمس .. .....................
أنا بالسعوديه لاحظت هذه المسأله كثيراً حتى بت أتجنب الشراء من السودانيين أو حتى الذهاب لميكانيكى سودانى
لأنى أصبحت أحس كثيراً يالإستغلال منهم .. إلا من رحم ربى كما أسلفت
| |
|
|
|
|
|
|
Re: والله نحنا بقينا كعبين خلاص ..... حكاية مؤلمة (Re: بكري عباس علي)
|
المكرم / بكري عباس ياخي رمضان كريم وتصوم وتفطر على خير ,,,
في غربتنا دي الحاصل على وجه الدقة ما نقدر نفتيك فيهوا ... من حيث الواحد بيعرف وبيلاقي سودانيين يأخي بعرف كميات وبلاقي وأخره فطور اول يوم في رمضان وبالجد كل ما الواحد بصادف سودانيين بزداد يقين وثقة بإننا من أميز الشعوب خلقا وأخلاقا وتعاملا والواحد مقرط على كده وماليهوا الفخر كميات أنو سوداني ... البحصل أو الحكايات البتتروي عن الناس وأخلاقة وتعاملة والبحصل منهم ممكن يكون حاصل لكين صدقني برضوا الخير أكتر , الشر لانوا لافت والناس بتلتفت لى والكلام فيهوا بكتر عشان كده بكون هو الحاضر ....لكين الخير موجود على مدي الزمن وباقي فينا
-------------------------- الزمن بقي كعب عبارة في اوقات كتيرة ما بتكون دقيقة في تصوير الواقع
ليك أطيب تحية ,,
| |
|
|
|
|
|
|
Re: والله نحنا بقينا كعبين خلاص ..... حكاية مؤلمة (Re: عبد الناصر الخطيب)
|
عبد الناصر
رمضان كريم
Quote: الزمن بقي كعب عبارة في اوقات كتيرة ما بتكون دقيقة في تصوير الواقع |
بداية فوق انا قلت الا من رحم ربي عشان ما نظلم الناس الكويسين
الزمن ياهو الزمن ولكن العيب فينا نحنا ذاتنا ( نعيب زماننا والعيب فينا وما لزماننا عيب سوانا )
ولكن ياخي انا وانت اكيد لاحظت كمية التغير في كمية الناس
عندي ملاحظتين صغيرونات ممكن بوضحن التغير الذي حدث
في الزمن دا هل ممكن الزول يكفل (يضمن) ليهو زول في البنك بحكم انه سوداني بس ؟ في المطار ممكن تشيل ليك حاجات لزول عشان توصلها بدون ما تشك في الجواها شنو ؟
دا ضرب مثل بس
يديك العافية
| |
|
|
|
|
|
|
Re: والله نحنا بقينا كعبين خلاص ..... حكاية مؤلمة (Re: بكري عباس علي)
|
اخى بكرى بعد التحية ورمضان كريم كنت قبل فترة فتحت بوست بنفس المعنى ده وكان التركيز على ناس السعودية وخاصة البستهبلوا فى المطارات ويشيلوك جوال اولا بتوب باعتبار انه للاخت او الوالده وغيرو وتكتشف انه المسالة تجارة وبالامس القريب ذهبت المطار لوداع احبائى ( العيال ) وجانى شاب وبكل براءة قال لى ياخى عندى وصية فسالته خير قال لى عندى جوال عايزك توصلو لى وقبل ما يكمل فاجاته باننى اعرف السر وانها تجارة ولكن لماذا بهذه الطريقة فذكر لى بانه خريج محاسبة وانه بصددالبحث عن عمل ولم يجد لذا هو فى حالة اطرار فحاولت ان اوضح له بان هذه الطريقة تقلل المرؤة بين الناس واخذت تلفونه وانا الان بصدد البحث له عن عمل ... ولكن فى الاخر نقول الحمدلله لسة الدنيا بخيرها واكيد السودانين فيهم من الخير الكثير .
| |
|
|
|
|
|
|
Re: والله نحنا بقينا كعبين خلاص ..... حكاية مؤلمة (Re: نور الدين عثمان)
|
الاخ نور الدين
رمضان كريم
Quote: .كنت قبل فترة فتحت بوست بنفس المعنى ده وكان التركيز على ناس السعودية وخاصة البستهبلوا فى المطارات ويشيلوك جوال اولا بتوب باعتبار انه للاخت او الوالده وغيرو وتكتشف انه المسالة تجارة وبالامس القريب ذهبت المطار لوداع احبائى ( العيال ) وجانى شاب وبكل براءة قال لى ياخى عندى وصية فسالته خير قال لى عندى جوال عايزك توصلو لى وقبل ما يكمل فاجاته باننى اعرف السر وانها تجارة ولكن لماذا بهذه الطريقة فذكر لى بانه خريج محاسبة وانه بصددالبحث عن عمل ولم يجد لذا هو فى حالة اطرار فحاولت ان اوضح له بان هذه الطريقة تقلل المرؤة بين الناس واخذت تلفونه وانا الان بصدد البحث له عن عمل ... ولكن فى الاخر نقول الحمدلله لسة الدنيا بخيرها واكيد السودانين فيهم من الخير الكثير . |
هذه الظواهر وغيرها الكثير انتشرت وبصورة مقرفة وكما ذكرت فهي تؤدي الي قلة المروءة بين الناس وتخليهم ما يفرقوا بين الصالح والطالح
| |
|
|
|
|
|
|
Re: والله نحنا بقينا كعبين خلاص ..... حكاية مؤلمة (Re: بكري عباس علي)
|
Quote: أنا بالسعوديه لاحظت هذه المسأله كثيراً حتى بت أتجنب الشراء من السودانيين أو حتى الذهاب لميكانيكى سودانى
|
يا عمك
أنا عندي زول بالنسبة لي معرفة قريبة شديد
وملح وملاح
ومن زمااااااان قاعد اشتري منو مطمئن لأنو بديني أفضل سعر ممكن
ولا قاعد اسأل في السوق
اكتشفت إنوأسعارو زايدة عن سعر السوق أكتر من 10%
وبدوووووووووووون أي معارف أو واسطات
دا غير الميكانيكي المقلبني وبقى يتملص
وغير ......... وغير ............ وغير
لكن خلاص
تاني لو في علاقة أفضل تكون اجتماعية وبس
تحية لصاحب الدار
| |
|
|
|
|
|
|
Re: والله نحنا بقينا كعبين خلاص ..... حكاية مؤلمة (Re: بكري عباس علي)
|
اما عن الجرائم ونوعيتها فهناك تطور خطير يعني زمان ما كنا بنسمع
ابن يقتل والده وبالتنسيق مع خاله من اجل المال وواحد قتل اخوه بسبب الميراث وواحدة اجرت ناس يقتلوا زوجها برضه عشان القروش واتنين عنقالة يغتصبوا طفله عمرها اربع سنوات
زمان الكلام ده كنا بنقراه في مجلة الحوادث المصرية وكنا بنستغرب
| |
|
|
|
|
|
|
Re: والله نحنا بقينا كعبين خلاص ..... حكاية مؤلمة (Re: بكري عباس علي)
|
الأخ بكري عباس والمتداخلين معه... السلام عليكم. السودان بقولوا فيهو 40 مليون نسمة. هل تودون أن يكونوا 40 مليون موسى. لابد أن يكون هنالك 400 ألف فرعون على أقل تقدير. كم لك في البلد التي أنت فيها؟ مع كم من السودانيين تعاملت؟ كم منهم أصدقك القول؟ وكم منهم غشّك؟ كل الميكانيكية في السودان سودانيين وما كلهم غشاشين ولا كلهم كويسين. فيهم الكدا وفيهم الكدا. السوداني هو السوداني ولكن تحكمه ظروف. القصة الأولى التي حكيتها في بداية البوست دي ظاهر أنها من المسلسلات المصرية. حتى الآن السودانيون لم يدخلوا تجارة الممنوعات التي تتحدث عنها بالصورة المزعجة. ممكن حالات فردية. وقديماً قيل من ترك أمراً من أمور الشريعة أحوجه الله إليه. زولك الدخل السجن دا ترك أمر ما في العقود التجارية التي تضمن الحق للجميع بما فيهم الدولة. نقول عليه في كردفان: (داير الزايد وقع في أم سدايد). لكم الود. كبـّـاشي الصـّـافي
| |
|
|
|
|
|
|
Re: والله نحنا بقينا كعبين خلاص ..... حكاية مؤلمة (Re: بكري عباس علي)
|
رمضان كريم .. يا ابن عمي كدي نمسك العكاز من النص .. يا خي ما كلنا كعبين الكعوبيه دي .. ويستحيل كلنا معفنين العفانه دي كمان .. يا رفيق .. مستحيــــــــــــــــــــــــــــل - لو في السودان واللا برا البلد .. واكيد ما في قوم في الدنيا دي .. كلهم تمام لابد من الشين الزي والواطة .. والسمح زي القمرة ونحنا ما خدين شلوت في نفسنا .. وشلوت كبير .. يعني ذمان كانو السودانين ديل ملايكه واللا شنو !؟ ما في اجرام .. ما في اغتصاب - ما في احتيال - ما في عرقي - ما في بنقو - ما في بيوت دعاره .. كلو كلو موووووووجد وبكثرة كمان .. عليك النبي صحي نحنا كعبين ؟؟؟ لكن فينا وفينا ربما هسي الحال بقي مكشوف اكتر من ذمان و سريع الانتقال بين الناس عن طريق الواسائط المتعدده - صورة وصوت كلام حي يعني .. ومشاهده علي كيف كيفيك .. وانسي
يا زول يا طيب نحنا ما كعبين ولا شتين نحنا يا نا نحنا لابدلتنا الظروف ولا هدتنا محنا واللـــــــــــــــــــه مــــــــــــــــــــــــــــــعاك - شديــــد
| |
|
|
|
|
|
|
Re: والله نحنا بقينا كعبين خلاص ..... حكاية مؤلمة (Re: cantona_1)
|
كباشي الصافي ازيك تاني
اها يا زول نجي لي كلامك الفوق دا وخلينا ناخذ الموضوع بعيدا عن المثاليات والدسدسة وحكاية انحنا احسن ناس ( الغطست حجرنا )
اولا بالتبادي انا عارف انو لسه في ناس كويسين ولم تغيرهم الظروف والزمن الصعب ولكن الحاجة البقصدها انا هم الناس الكعبين الغيرهم الزمن والمشكله انه ديل بقو كتار شديد يعني ما زي زمان وداير اقول ليك حاجة طبعا اكتر زول بلاحظ الحكاية دي ( التغيرات ) الزول البطول من البلد ويجي راجع يلقي الناس ما هم الناس اضيف ليك مثال علي الامثلة الانا جبتها فوق لكن ظاهر انك ما قريتها
مثلا من تجي نازل من الطيارة بتاع الجمارك يتعامل معاك كانك حرامي والبشيلوا العفش يكسروا ليك حاجاتك بحقد ما عادي والشيالين يدسوا منك العربات الا تدفع قروش حتي يدوك عربية ويقول ليك تدفع لي كم اخارجك بسرعة ولما تديهو بالسوداني يتنطط ويطلب منك ابو صلعة وبتاع التاكسي من المطار لي بحري يتمني فيك مني
وتاني يوم تسال من جيرانك يقولوا ليك حسين قابضنو في شيك طاير وعبد الحليم هبر ليهو هبرة من الشغل وطفش وعييييك
ولماتفتح اي جريد تلقاها مليانة حوادث قتل واغتصاب وخطف شنط من البنات ( دي عملية رجال ) وما تقول لي الكلام دا زمان كان موجود لكن ما بالكميات والطريقة دي
Quote: )القصة الأولى التي حكيتها في بداية البوست دي ظاهر أنها من المسلسلات المصرية. حتى الآن السودانيون لم يدخلوا تجارة الممنوعات التي تتحدث عنها بالصورة المزعجة |
اما عن الحادثة الحكيتها انا فوق فيبدو انك قراتها بعجل لانني لم اذكر بانه الجماعة كانو بيتاجروا في الممنوعات ( بل دسوا له شوية ممنوعات في البضاعة الاصلية ) وهي اكسسورات هواتف نقالة )
ولكن حكاية انه السودانيين لم يدخلو تجارة الممنوعات لسع فدونك اطنان المخدرات التي تضبط كل فترة وما خفي اعظم ( ياخي انت زول طيب عايز تجار المخدرات يعلنوا عنها ) اكيد البعرفوه ناس البوليس دا ما اقل من20 % من حجم التجارة وداي اسالك سؤال مباشر
هل تعامل الناس واخلاقهم الان ياها بتاعت السودانيين قبل 30 سنة ؟
و خليها علي الله
اها ما قلتا لي اتفقنا علي مواعيدنا في ابو جبيهة الخريف الجاي كان الله حيانا
| |
|
|
|
|
|
|
Re: والله نحنا بقينا كعبين خلاص ..... حكاية مؤلمة (Re: معتصم ود الجمام)
|
اخي عبد الله كع
رمضان كريم كتبتQuote: ونحنا ما خدين شلوت في نفسنا .. وشلوت كبير .. يعني ذمان كانو السودانين ديل ملايكه واللا شنو !؟ ما في اجرام .. ما في اغتصاب - ما في احتيال - ما في عرقي - ما في بنقو - ما في بيوت دعاره .. كلو كلو موووووووجد وبكثرة كمان .. عليك النبي صحي نحنا كعبين ؟؟؟ لكن فينا وفينا ربما هسي الحال بقي مكشوف اكتر من ذمان و سريع الانتقال بين الناس عن طريق الواسائط المتعدده - صورة وصوت كلام حي يعني .. ومشاهده علي كيف كيفيك .. وانسي
يا زول يا طيب نحنا ما كعبين ولا شتين نحنا يا نا نحنا لابدلتنا الظروف ولا هدتنا محنا واللـــــــــــــــــــه مــــــــــــــــــــــــــــــعاك - شديــــد |
واسمح لي اختلف معاك في حتتين
زمان الدنيا بخيرها ولكن فيها اجرام ولكن ما للدرجة دي ( ويمكن المقارنة )
وتاني حاجة الظروف بدلتنا وخلتنا كعبين ومعفنين لدرجة قف تامل
رايك شنو ؟
| |
|
|
|
|
|
|
Re: والله نحنا بقينا كعبين خلاص ..... حكاية مؤلمة (Re: معتصم ود الجمام)
|
اخي عبد الله كع
رمضان كريم كتبتQuote: ونحنا ما خدين شلوت في نفسنا .. وشلوت كبير .. يعني ذمان كانو السودانين ديل ملايكه واللا شنو !؟ ما في اجرام .. ما في اغتصاب - ما في احتيال - ما في عرقي - ما في بنقو - ما في بيوت دعاره .. كلو كلو موووووووجد وبكثرة كمان .. عليك النبي صحي نحنا كعبين ؟؟؟ لكن فينا وفينا ربما هسي الحال بقي مكشوف اكتر من ذمان و سريع الانتقال بين الناس عن طريق الواسائط المتعدده - صورة وصوت كلام حي يعني .. ومشاهده علي كيف كيفيك .. وانسي
يا زول يا طيب نحنا ما كعبين ولا شتين نحنا يا نا نحنا لابدلتنا الظروف ولا هدتنا محنا واللـــــــــــــــــــه مــــــــــــــــــــــــــــــعاك - شديــــد |
واسمح لي اختلف معاك في حتتين
زمان الدنيا بخيرها ولكن فيها اجرام ولكن ما للدرجة دي ( ويمكن المقارنة )
وتاني حاجة الظروف بدلتنا وخلتنا كعبين ومعفنين لدرجة قف تامل
رايك شنو ؟
| |
|
|
|
|
|
|
Re: والله نحنا بقينا كعبين خلاص ..... حكاية مؤلمة (Re: بكري عباس علي)
|
Quote: واسمح لي اختلف معاك في حتتين زمان الدنيا بخيرها ولكن فيها اجرام ولكن ما للدرجة دي ( ويمكن المقارنة ) وتاني حاجة الظروف بدلتنا وخلتنا كعبين ومعفنين لدرجة قف تامل رايك شنو ؟ |
ما بسمح ليك تختلف معاي .. يا جميل ذمان الدنيا بخيرها .. والناس بخيرهم !! وهسي الدنيا بخيرها والناس برضو بخيرهم !! لا يمكن المقارنه تاني حاجه الظروف هي الابتدلت وبفت كعبه ومعفنه لدرجه العفانه ذااااااته ـــــــــــــ وريني كيف نحنا بقين معفنين ... ؟ اربعين مليون زول معفن ؟؟.. بلد كااااااااااااااااااااااامل كعب يا قربي !! لا لا الكلام كتير وخطير
تحياتي شديد
| |
|
|
|
|
|
|
Re: والله نحنا بقينا كعبين خلاص ..... حكاية مؤلمة (Re: عبدالله كع)
|
عبد الله كع
ازيك شديد ياخي
Quote: اربعين مليون زول معفن ؟؟.. بلد كااااااااااااااااااااااامل كعب يا قربي !! لا لا الكلام كتير وخطير |
عشان برضه ما نظلم كل الاربعين مليون الكويسين ديل انا قلت فوق ( الا من رحم ربي )
وانا عارف انه التعميم لا يجوز
شكرا يا حبيب
| |
|
|
|
|
|
|
Re: والله نحنا بقينا كعبين خلاص ..... حكاية مؤلمة (Re: بكري عباس علي)
|
Quote: من تجي نازل من الطيارة بتاع الجمارك يتعامل معاك كانك حرامي والبشيلوا العفش يكسروا ليك حاجاتك بحقد ما عادي والشيالين يدسوا منك العربات الا تدفع قروش حتي يدوك عربية ويقول ليك تدفع لي كم اخارجك بسرعة ولما تديهو بالسوداني يتنطط ويطلب منك ابو صلعة وبتاع التاكسي من المطار لي بحري يتمني فيك مني وتاني يوم تسال من جيرانك يقولوا ليك حسين قابضنو في شيك طاير وعبد الحليم هبر ليهو هبرة من الشغل وطفش وعييييك ولماتفتح اي جريد تلقاها مليانة حوادث قتل واغتصاب وخطف شنط من البنات ( دي عملية رجال ) وما تقول لي الكلام دا زمان كان موجود لكن ما بالكميات والطريقة دي |
يا بكري .. سلام شدييييييد
اه شوفته كلامك ده من ذمان وذمااااااااااان خالص كان في .. بس شنو ...... الناس ما عارفهو - او ما في وسيلة البتساعد في نشرو ويا ريت تحدد لينا ( ذمان ) ده كان متين ؟؟
ـــــــــــــــــــ ممكن الناس بقو كتار شديد !!
| |
|
|
|
|
|
|
Re: والله نحنا بقينا كعبين خلاص ..... حكاية مؤلمة (Re: عبدالله كع)
|
عبد الله
لعلك طيب
Quote: !!اه شوفته كلامك ده من ذمان وذمااااااااااان خالص كان في .. بس شنو ...... الناس ما عارفهو - او ما في وسيلة البتساعد في نشرو ويا ريت تحدد لينا ( ذمان ) ده كان متين ؟؟
ـــــــــــــــــــ ممكن الناس بقو كتار شديد !! |
قصدك تقول من زمان نحنا كنا كعبين بقول ليك لا والله كانوا بضربوا بينا المثل في الطيبة وكان عندنا الثقة في التعامل والامانة والمرؤءة بصورة ملحوظة هسي الحاجات دي بقت شوية وبقي مكانها الانانية ووانعدام الثقة والامانة والمرؤءة ( الا من رحم ربي )
بجيك تاني
| |
|
|
|
|
|
|
|