اهل الجود وكرم الضيافة فلادلفياء وافتتاح الملتقي الرياضي الاجتماعي دورة ساسف صور + فديو

Quote: سفينه التسيير سلام من اهل النورث القطعو المسافات ميل ميل وياها الدائرهه ممكن فوز وممكن لا ومافي خساره لاهل فلي الضهر البشد الحيل سلام من عبد العظيم ود الشيخ برير الموزون ابو مشيا رايق وسلام من الرائيو حكمه وكلام بالعدد ثواني ومعاها دقائق وسلام من الاخلاقو عاليه ومعاها بشاشه ابو سعود خالد ود الحسين الجدو معروف الزبير الباشا كتبت سلام وتحيه من قرين اسبورو اهل الحاره من صغار لي كبار وسلام للغبش اهل فلي البسترو الحال وسلام كتير وكتير وسلام لي فرسان الاصاله القايدن سفينه التيسير وسلام لي فيصل حبيب الله اسد الميادين كافه وسلام لي ابو نفس سخيه رايقه ومعاها عفافه سلام لي اهل فلي اهل الكرم والجود وسلام لي اهل الفنجره التب مافي ليها حدود وسلام من كل زول اكان سمع او جاكم سلام عز ومفخره شهدت لي الولايات البعيده والحاداكم وسلام لي اخوان مهيره واخوان عازه اهل القدح البي الفرش ممدود وسلام لي عز الرجال اهل الكرم والجود وسلام لي الطيبين ريح المسك والعود سلام لي مرشال خريف الرازه (الهادي) بالحجز للضيوف متهمم وسلام لي طارق جحا البي امور الفرق شاد العزم متعمم وسلام لي شيخ الفحل فقاد الضيوف من الحد لامن يلاقي الحد سلام لي ابو يد نديه في كرم الجميع تمتد وسلام لي الفناجره صلاح صاموطي وابو عضل وباسل وشليل الليل وسلام لي ابان كرام طفح قفل مجاري السيل وسلام للحرش الزين الدود وعمر همزه ومتولي ابو جلابيه وحلف بعد الشفتو فيكم ركازه الولايات لو يتمن ميه سلام لي عاطف وزروق ورامي وعثمان قرمه خريف الترعه المقابل السير وسلا لي كفاي الضيوف بالنهار والليل سلام لي د محمد صديق و د امين كامل وابوزر و د علي خلف الله وسلام لي سمحين الصفات والكرم والحله وسلام لي هاشم دبس النال حلاوه الكاس وسلام لي ميزان الدهب الما مخالطو نحاس وسلام لي نمور فرجينيا العلو الرايه علو الراس وسلام لي كل فريق شارك بالشعور الطيبه والاحساس وسلام لي البدور وسلام للحور الجوه وخارج الميدان اخوات مهيره الفخرهن حيويه وعزه للسودان وسلام وفير وكتير وكتير ومشكور وجزير للاخوان هنادي اشراقه اميره وصفا بت ابو حراز كريمات الاصل والخير نخلات الرطب الراسيات سفينه التسير اهل فلي مشكورين من حريم لي رجال ورستو الوراكم معني النبل والخير ياخالق البزحن والبعوما والبعومن والبمش والطير يضاري الله عليكم من مكايد الفتن والغير وكلمه بقوله للاخوان عزيتونا في امريكا وفي دوله السودان اهل التسير رجال الحوبه اولاد هيبه الفراس والسويتوها في الولايات مااظن يلقو ليها مقاس كلمه حقيقه لا بخاف لا داس وما تهتمو للسوس والبوسوس واس وما تكترسو لي سوبا لو تشق الراس حقو الزول يكون عند العروض حساس وحقو يزكر السمعه وكلام الناس ناسنا الفي بن سيلفينيا القبيل فراس ما كلنا سودانيين ليه قصرتو في الفرح البجمع بلم الناس وكلمه اخيره نحن السود ونحنا اسود سودانيين نختلف في الكعب والشين نجتمع ونفرح بالعديل والزين ونرفع رايه المظلوم نفكر في مصالح الحين ونبني لي اجيال صغارنا المحنه الواحده عشان تشيل بعض بعدين وننسا الفا(الفتنه)وننسا السا(السياسه)وننسا الغبن والشين ونحن اصول ونحن فصول ونحن الفي الحاره معروفينوذي سطح الشمس واضحين وفي الخير والكرم ذي القمر باهرين ونمسح الخلاف دا خلاص نفكر في الوطن والحين نضاري عليه بي رموشنا يا بلد الجدود والطين نفكر كتير وكتير نكون حزمه مربوطه وروح واحده في جسدين اهل فلي اهل التسير انتو اهلي اهل فلي الكرام وعظام سلام وختام يا الايدكم رمت الشكر قدام انهيتوها بس سلام وحلي ووسام وختمتوها بالبلبل الغريد عشاقو الملائين ياسر ود تمتام احمد الحسن العربي قريين اسبورو ان سي هديه لي للاخوان الاعزاء اهل فلي