|
ناس أمدرمان أعملوا حسابكم .. (2)!!
|
قلتوا المريخ حقكم ... خلينا ليكم !! عاوزين كمان تكرهونا بحرى ؟ ما بنخليها ليكم !! معقولة بس ؟ تستخدموا تمانية كبارى عشان تمشوا الخرطوم ؟ كبرى الفتيحاب ، كبرى النيل الأبيض ، كبرى شمبات مروراً بكبرى المك نمر ، كبرى الحلفايا ، كبرى النيل الأزرق وكبرى القوات المسلحة مروراً بكبرى كوبر الطائر!! قايلين نفسكم شنو ياخ ؟
|
|
|
|
|
|
|
|
Re: ناس أمدرمان أعملوا حسابكم .. (2)!! (Re: صلاح أبودية)
|
التمانيه كباري دي شغاله اتجاه واحد للخرطوم ؟
شغاله اتجاهين برضو
ما تراها امدرمان دي اتملت للحاره 100 وقيل اكتر والبجي ما بطلع تاني
كلامك دا اكيد ما موجه لي حدود خليل فرح
من علايل ابوروف لل...............
الباقي قطع شك بتكون حافظو يا المبروك
| |
|
|
|
|
|
|
Re: ناس أمدرمان أعملوا حسابكم .. (2)!! (Re: صلاح أبودية)
|
Quote: قبل إفتتاح كبرى الحلفايا.. أنا كنت بصل الخرطوم فى ربع ساعة بالكتير تلت ساعة قول نص ساعة !! هسى والله العظيم مرات بقرب للساعة !! |
** جنابو ود ابو ديه.. ** مساءك خير.. ## عايز ترتاح من الغزو الأُمدرمانى تعمل إقتراح لمحلية الحلفايا يعملو نظام سداد للعبور قول "5 جنيه" (عندنا فى دبى إسمو سالك) عباره عن جهاز إلكترونى يوجد على بعض الجسور وعلى شارع الشيخ زايد كل ماتعبر بيخصم منك أربعه دراهم عن طريق تاك موجوده فى الزجاج الامامى للسياره وبنظام الاسكراش بتتعبأ زى الموبايل.. ** وبما إنو التقنيه دى بتمنع اللحس وناس المحليه إحتمال مايوافقو عليها خليهم يعملو ليهم كشك فى نص الكبرى وهاك ياتذاكر من ابو خمسه جنيه ,, وحاتك تانى عربيه تججيك مُعديه مافى .. ويسموهو :- ياتدفع ياترجع..
## كلامى دا ونسه معاك أوعى جماعة المحليات يعملو بكلامى دا وتكون جاتم جبايه من السما ,, غايتو عودى راكب ونسبتى محفوظه من هسه حفظاً للحقوق وكدا وإى تعدى على حقوقى الفكريه بعتبرك شاهد أساسى.. (ودام الود بيننا) (ابو محمد فؤاد)
| |
|
|
|
|
|
|
Re: ناس أمدرمان أعملوا حسابكم .. (2)!! (Re: ود الخليفه)
|
ابودية ... كل سنه وانت طيب ياخي تخيل اكون ماشي الخرطوم كبري المك نمر اقرب لينا اقوم امشي هناك بكبري النيل الازرق ( بحري ) بالجد حاله فظيعة جدا جدا لكن لاتنسى نحن الكرم زاتو واسي كما بنعمل ليهم كبري بحري توتي . . مافي حل غير نعمل ليهم رسوم دخول وخروج
| |
|
|
|
|
|
|
Re: ناس أمدرمان أعملوا حسابكم .. (2)!! (Re: مرتضى احمد عبد القادر)
|
مرتضى كل سنة وإنت طيب Quote: المشكله ما في ناس أمدرمان، ولا في الكباري .. المشكله انو معظم سكان ولاية الخرطوم بصحو الصباح في نفس الزمن بيمشو حته واحده وآخر اليوم في نفس الزمن بيرجعو منها |
وجهة نظر برضو ! حقو يغيروا مواعيد العمل بالنسبة للمناطق التلاتة ويخلوها بالأيام يوم لناس بحرى ويوم لناس الخرطوم ويومين لناس أمدرمان
| |
|
|
|
|
|
|
Re: ناس أمدرمان أعملوا حسابكم .. (2)!! (Re: صلاح أبودية)
|
اتذكرت افتتاح كبري توتي كان عباره عن مهرجان اليوم داك اي زول داير يقطع الكبري
يشوف توتي لاول واخر مره تدشينا للكبري
صادف انو كنا في الخرطوم وراجعين بي الكبري القديم
معانا صديق اصر انو نمشي نجرب كبري توتي الجديد دا
لمن وصلنا مدخل الكبري لقينا هيلامانه شديده والناس مبسوطه
طوالي علقت انو الكباري دي لو البشير عرف انها بتفرح الناس قدر دا كان عرش ليهم البحر
| |
|
|
|
|
|
|
Re: ناس أمدرمان أعملوا حسابكم .. (2)!! (Re: Nader Abu Kadouk)
|
ألأخ/أبودية.......السلام عليكم وكل عام وانتم بخير..
Quote: تستخدموا تمانية كبارى عشان تمشوا الخرطوم ؟ كبرى الفتيحاب ، كبرى النيل الأبيض ، كبرى شمبات مروراً بكبرى المك نمر ، كبرى الحلفايا ، كبرى النيل الأزرق وكبرى القوات المسلحة مروراً بكبرى كوبر الطائر!! قايلين نفسكم شنو ياخ ؟ |
غايتو انا ما بعرف...على جهتكم كده إلا الشديد القوى..عندنا قريبتى رحلوها شمبات قلنا ليها اعذرينا إلا تجينا إنت...يا اخى نحن ما بنتنفس طبيعى إلا هواء أم درمان..
إنتوا أعملوا حسابكم...
تقديرى وأحترامى لكل أهل السودان.
| |
|
|
|
|
|
|
|