|
|
 Re: في رثاء "الدهشة" (Re: abubakr)
|
يعني يا باشمهندس هم يقلبوها و يحاربوا نحارب معاهم و ندفع دمغة الجريح و دمغة الشهيد؟ يصالحوا نتفرج عليهم و هم بسرقوا فينا و كمان ندفع ليهم لصناديق دعم السلام؟ هسع مزقوا البلد و دايرين أولادنا يشيلوا السلاح تاني عشان نحرس كراسيهم؟ لكن برضو مافي ما يدعو للدهشة.
بمناسبة الدهشة و الكلمات التي فقدت معانيها في السودان اتذكرت موقف بسيط لن أنساه أبدا. قبل شهرين كنت في السودان و رأيت رجلا كبيرا في السن يبتسم في فرح حقيقي هذه الابتسامة والله جعلتني ألعن في نفسي الإنقاذ و قادتها. ذهبت مع أخي لأحد مكاتب الأراضي حيث كان يقوم بإجراءات لمغترب قريبنا. مشى براه أول يوم ليكتشف إنه مشى للمكتب الخطأ. مشيت معاه تاني يوم قالوا لينا اتأخرتوا والباب قفل مع إنه الساعة كانت حوالي تسعة و إنه كل موظف بياخد عدد معين من الحالات و عشان ينظموا الحكاية دي بدوا كل زول تذكرة و عدد التذاكر محدود. جينا اليوم البعده حوالي سبعة لقينا الناس واقفين اتوقعنا يوزعوا التذاكر عشان أول ما يجي وقت الشغل الناس تخش قالوا لا ما ببدوا يوزعوا التذاكر إلا بعد ما يبدا وقت العمل الرسمي. طبعا الكلام دا كله في الشارع و جو من التزاحم و الكواريك و الجوطة. المهم لما بدوا يوزعوا التذاكر الراجل الكبير في السن القلته ليك دا ابتسم بفرح حقيقي لما أدوه تذكرة... والله أنا أصبت بقدر كبير من الحزن في لحظتها. هو فرحان إنه يادوب حيقابل موظف يراجع أوراقه و غالبا حيلقاها ناقصة و يرجعو تاني. زول زي دا المفروض فرحته تكون لنجاح أولاده في دولة توفر لهم التعليم اللائق و لا للشفاء من مرض في ظل رعاية صحية بستحقها... تختزل عنده الفرحة لفرحة بمقابلة موظف بعد جري بتاع أيام.
طبعا بعد أن أنعم الله علينا بمقابلة الموظف اكتشفنا إننا في المكان الخطأ و قالوا لينا أمشوا المغتربين... مشينا المغتربين برضو اكتشفنا إننا في المكان الخطأ و المفروض نمشي رئاسة الأراضي جنب المركز الإسلامي الأفريقي. أنا غايته جيت من السودان لي شهرين لكن أخوي ما عارف لقى المكتب المفروض يعمل فيه الإجرا أت ولا لسع؟
معليش على التطويل يا بكري يا أستاذنا لكن زي ما قالوا الكلام بيجيب بعض.
|
|
 
|
|
|
|
|
| العنوان |
الكاتب |
Date |
| في رثاء "الدهشة" | abubakr | 09-30-10, 05:12 PM |
| Re: في رثاء "الدهشة" | abubakr | 09-30-10, 05:40 PM |
 Re: في رثاء "الدهشة" | عبداللطيف خليل محمد على | 09-30-10, 06:03 PM |
| Re: في رثاء "الدهشة" | abubakr | 09-30-10, 07:29 PM |
| Re: في رثاء "الدهشة" | cantona_1 | 09-30-10, 06:06 PM |
| Re: في رثاء "الدهشة" | abubakr | 09-30-10, 07:33 PM |
| Re: في رثاء "الدهشة" | osman righeem | 09-30-10, 07:40 PM |
| Re: في رثاء "الدهشة" | abubakr | 09-30-10, 08:12 PM |
| Re: في رثاء "الدهشة" | Elawad | 09-30-10, 09:00 PM |
| Re: في رثاء "الدهشة" | abubakr | 09-30-10, 09:39 PM |
| Re: في رثاء "الدهشة" | abubakr | 10-01-10, 08:52 AM |
| Re: في رثاء "الدهشة" | هواري نمر | 10-01-10, 09:22 AM |
| Re: في رثاء "الدهشة" | abubakr | 10-01-10, 11:48 AM |
| Re: في رثاء "الدهشة" | abubakr | 10-01-10, 04:08 PM |
| Re: في رثاء "الدهشة" | abubakr | 10-02-10, 02:40 PM |
| Re: في رثاء "الدهشة" | abubakr | 10-03-10, 06:58 AM |
| Re: في رثاء "الدهشة" | abubakr | 10-05-10, 01:11 PM |
| Re: في رثاء "الدهشة" | abubakr | 10-24-10, 07:41 AM |
| Re: في رثاء "الدهشة" | حاتم علي | 10-06-10, 08:03 AM |
| Re: في رثاء "الدهشة" | abubakr | 10-24-10, 08:32 AM |
| Re: في رثاء "الدهشة" | محمد سنى دفع الله | 10-24-10, 08:49 AM |
| Re: في رثاء "الدهشة" | abubakr | 10-24-10, 10:34 AM |
|
| |
Elawad
فيس بوك
تويتر
انستقرام
يوتيوب
بنتيريست