ما في ممثلين في السودان نهائي للأسف وحقو يبطلو عوارة ويقيفو لحدي هنا!

Quote: الدراما السودانية تعيش حالة المريض الميؤوس من حالته فهي لم تصبح شبحا ولكنها تجاوزت مرحلة الشبح فقد اصبحت معدومة وحتى عندما تظهر ،، تكون (زي المافي واحد ) ما الاسباب؟؟ شخصيا لمن يقولو لي فلان دا ممثل سوداني بضحك !!!! ليه بضحك ؟؟؟ لاني بشوفو انو عبارة عن زول ما بيعمل اي حاجة وبحن في حالو !! عشان هو زول اصلا اختار انو يكون زول ما بيعمل حاجة !! مافي داعي نزيف الحقايق !! الحكاية واضحة زي الشمس وانا شاهد عيان ما بقول الكلام دا ساي انا بعيني دي شفت الكلام دا يعني ما بجيب كلام من راسي انا كنت واحد من الحاضرين اثناء بروفة لعرض مسرحي وقد كانت كمية الهزل وعدم الجدية زائدة عن الحد الى درجة اوشكت ان يغمى علي !! لا وجود للعمل الجاد في مجال الدراما ابد ابدا !!! ولا وجود لكوادر مؤهلة !! لا يوجد اهتمام من المسؤولين !! لا .. بكل اختصار : لا توجد دراما في هذا المليون ميل مربع !! واكثر فترة كانت الدراما السودانية فيها مزدهرة هي فترة التسعينيات وتلك الفترة كان مسلسل ( الدهباية ) و(سكة الخطر ) ومسرحية (المهرج ) و (الفي راسو ريشة ) و (ضرة واحدة لا تكفي ) هم كل ما خرج به فن الدراما السوداني !! الا توجد غيرة ؟؟ الا ينظر (هؤلاء ) الى الجارة مصر وهي تتسيد العالم سينمائيا وتلفزيونيا ؟؟ الا ينظرون الى العالم حولنا وقد اصبحت الدراما عالمية ؟؟ قد اصبحت الدراما شيئا مهما للتعريف بالثقافة وللتعبير عن الانسان السوداني وهي حلقة خبيثة فلا يوجد اعلام جيد وبالتالي حتى ولو كانت هناك دراما فلن يقوم الاعلام باظهارها واخراجها الى العالم بالشكل السليم !! وحتى لو كان هناك اعلام فلن ينقل (فتافيت ) الاعمال الدرامية هذه الى الخارج (حتى لا يضحكو علينا )