كتب الكاتب الفاتح جبرا المتوفرة بمعرض الدوحة
|
Re: بس .. أدخل .. عليك الله (Re: الطيب شيقوق)
|
Quote: المنسي بقيت مائل ونوام |
ماني نوام لكن الليلة إنشغلت ( بقيت زي سلمى سلامة يوم عرس بتها )
أدخل وأمرق زي سيد الرايحة ( وأفتش في خشم البقرة )
كان شفتني الليلة كان قلت علي الجن بداوّا بس كعبا الإندراوّا
قعدتا زي فاقدن مزوزّو أجرجر في التراب ودر حِجابي تحياتي ودشيقوق
قلتا ليك ما تقول لينا فراق الطريفي لي جملو ( قصتا شنو )
| |
|
|
|
|
|
|
Re: بس .. أدخل .. عليك الله (Re: ممدوح أبارو)
|
Quote: الإندراوّا زاتا شني؟ |
الإندراوة يا أبارو هي حالة لا يمكن أن نصفها بالجن لآن الجن يتلبس لكنها حالة يكون فيها الزول ( مهود .. سارح .. ساهي .. لاهي .. مزوزو) وأقرب وصف لها.....
قعدتا زي فاقدن مزوزو أجرجر في التراب ودر حِجابي
تقعد في الواطا يتكلموا معاك وانت تشخبط في التراب وتجرجر ليك في خطوط وانت ذاتك ماعارف دا شنو الله يكفينا شر الإندراوة وهي ما بتتعالج
| |
|
|
|
|
|
|
Re: بس .. أدخل .. عليك الله (Re: خالد علي محجوب المنسي)
|
Quote: تقعد في الواطا يتكلموا معاك وانت تشخبط في التراب وتجرجر ليك في خطوط وانت ذاتك ماعارف دا شنو الله يكفينا شر الإندراوة وهي ما بتتعالج |
عماً لينا بقول كان لقيت ليك زول بلقط في الحصحاص معناة مسألتو مستعصيه أها كان قام خلاه كوم معناة مشكلتو لسه قائمه وكان كشحو معناة مشكلتو إنحلت
| |
|
|
|
|
|
|
Re: بس .. أدخل .. عليك الله (Re: ممدوح أبارو)
|
Quote: عماً لينا بقول كان لقيت ليك زول بلقط في الحصحاص معناة مسألتو مستعصيه أها كان قام خلاه كوم معناة مشكلتو لسه قائمه وكان كشحو معناة مشكلتو إنحلت |
دي الإندراوّا ذاتا
بس أديها شوية سرحان وبين الحين والأخر صرة وشي وتعقبها بسمة صغيرة وتختفي لصرة وجه مرة أخرى
_____________________________________ قالوا
البلاعب الجرويات بخربشنّو
| |
|
|
|
|
|
|
Re: بس .. أدخل .. عليك الله (Re: الطيب شيقوق)
|
Quote: دى هسع اكان سالت منها سماح بترجمها ليك زى ترجمة المسبار او القاموس الالكتروني عندما تدخل ليهو جملة . |
زكرتني فترة كده سكنا في داخلية للطلاب الاجانب وكان معاي في الغرفة سوداني وأتنين سواحليين من ساحل العاج بيدرسو في أفريقيا العالمية ومابتكلمو غير فصحي شابكننا ليك ماذا تريد وماهذا يارجل المهم... واحد من السواحليين محنن دقنو حمرا ويقرا الليل كلو في القرآن، السوداني المعاي وأسمو عثمان كان مسمي صاحبنا قرد الطلح اليوم داك عثمان غلبو النوم مع التلاوه فقام يطنطن *يا خوانا ما تنطفو النور ده كرهتونا النوم زاتو؟ *مابالك يارجل ؟ *ملاله تملك ياخ ده شنو المابحس ده؟ عامل خلقتك الذي قرد الطلح دي؟ قالو ليك نحنا كفار؟ وصاحبنا ما فاهم وشابكو ليك ما هذا وماذا تريد قمت قلت لي عثمان خليه ياخ موأرح ننوم في السطوح قال لي والله صاحبك الدماغو زي الدليبه ده أنا خايف يجيه جبريل بباقي الليل ده
| |
|
|
|
|
|
|
Re: بس .. أدخل .. عليك الله (Re: ممدوح أبارو)
|
Quote: قال لي والله صاحبك الدماغو زي الدليبه ده أنا خايف يجيه جبريل بباقي الليل ده |
هههههههههههههههههههههههههههههههها بالغ
ات عارف يا ابارو زولك ده بيكون من شاكلة المنسي المسنوح
| |
|
|
|
|
|
|
Re: بس .. أدخل .. عليك الله (Re: الطيب شيقوق)
|
الاخ ود المنسي
المثل يقول الممطورة من الرشة مابتبالي
وهو يضرب للشخص الذي اصابته جائحة كبيرة مثل الذي اصابته مطر في الخلاء وبللته قبعد ذلك لايهتم بالرشاش او المطر الخفيف لانه تعود علي تحمل ماهو اكبر
وهذا المثل ينطبق علي الاشياء المادية والحسية اما المعنوية فنجد انه ربما يحاول ان يشفي جروحه بلقاء من افتقده وتسبب في حاله وحرمانه ويبذل اقصي ما عنده للتخلص مما يعانيه وربما تشغله شواغل الدنيا عن ذلك.
المثل الاخر الجيعان حلمو عيش
ولان الجوع علاجه هو تناول (العيش) او الذرة لذلك تكون هي حلمه الذي يتردد الي ان تزول حالة الجوع
زهنا ربما تشغل تلك الحالة الناس عن الوجدانيات وتحصرهم في الجري لاجل الحصول علي لقمة العيش وبعد ان تشبع هذه الحاجة والحاجات الضرورية ربما ينصرف الانسان لاشباع حاجته العاطفية وحينها سيبذل كل ما في وسعه من اجل ذلك مهما صعبت المهمة وبعدت عليه الشقة وكل ما اوردته هنا ربما تحكيه او تفسره هذه الابيات:
الشاعر احمد عوض الكريم ابوسن يقول في نهاية مسدار الصباغ:-
اربطو الجانا ضامر لا كبد لاكرشة سحار الغروب جيبلو العلوق بي الورشة نفضن المراتب وطرحن بي الفرشة داير ابري جرحا في القلب مو خرشة
وقبل ايام ارسل احد ابناء الشكرية عبر الموبايل هذه الرباعية للشاعر البلولة حاج الامين وطلب منه الرد عليها وصادف ذلك حالة مزاجية منهمكة في العمل وسبل كسب العيش فعارض تلك الرباعية بقوله:
الناس قايمةمن عين الصباح مندرشة تلهث بي وراء حق الملاح والدرشة بنوت الكريم البي الليف منكرشة مابملن مزاج بقت الكيوف في الكرشة
وهنا جاءه بعض الاخوة وقالو له نريد مجاراة وليس معارضة واستجاب لطلبهم باستخدام عربة (فور ويل درايف) بدلا من جمل الشاعر احمد عوض الكريم (سحار الغروب)قائلا
الفور ويل درايف وعمرو ماشاف خرشة اخر صيحة في الموديل وما شاف ورشة بريريبة الغسين الطامنة من الهرشة بدني بلودا بي سرعة ابنصيه الفرشة
| |
|
|
|
|
|
|
Re: بس .. أدخل .. عليك الله (Re: عمر صديق)
|
Quote: الفور ويل درايف وعمرو ماشاف خرشة اخر صيحة في الموديل وما شاف ورشة بريريبة الغسين الطامنة من الهرشة بدني بلودا بي سرعة ابنصيه الفرشة |
ودصديق السلام يا البديع في نضمك والله كلامك وكلام أبوسن وكلام البلولة حاج الأمين بسرنا بالحيل
ولك منا كل التقدير وأنت تتحفنا كل وهنة بجميل
شكراً كتير على الإضافة الحلوة والتي سوف تظل تزين الصفحة الرابعة مع درر ودشيقوق والجميل أبارو
تحياتي بالله للبلولة حاج الأمين
| |
|
|
|
|
|
|
Re: بس .. أدخل .. عليك الله (Re: خالد علي محجوب المنسي)
|
Quote: أنا نفسي أن يكون هذا البوست ذو فائدة للجميع لذا ارجو تاني شرح معاني الكلمات لو أمكن |
وأنا قصدي أثري البوست بالنقاش ياحبيب
فلو كبيناها زي ما بتقول حتكون ممله عشان كده لمن تجي في شكل أسئله بتكون ألطف
كبة الكارجقل ياحبيب هي الاسهال أو الدايرية الذي يتسبببه القرع وهو من أشد أنواع الاسهالات حدة ولذلك تجد لزباب يكثر فيه حتي ليحني أشجار الشقل من كثافته
معليش قرفناكم بس لأجل العلم
| |
|
|
|
|
|
|
Re: بس .. أدخل .. عليك الله (Re: ممدوح أبارو)
|
Quote: ولذلك تجد لزباب يكثر فيه حتي ليحني أشجار الشقل من كثافته |
المسنوح كمان دخلت في الشقل والخراش؟ اها كانت مشيت السودان اكان ما مريت عليك في اجازتي ما ليها طعم.
المنسي ابارو دخل الغريق وانت ذاتك فكك الدرب
الشقلة تستعمل مفرد وجمع معا- و عند اهل البادية والارياف البدوية تعني البلتب ( البلتب الشجيرات القصيرة التي تنمو بطرف الحلة) النامي في طرف الحلة .
نحن زمان وكت الدنيا بخيرها قبل النسوان يتعلمن قطع الشجر للفحم بسبب العوز كنا بنسرح بالجمال في الشقلة والغالب شجرها كلو سدر ويوي ( اليوي هسع انتهى لكن زمان كان بيعملوا بيهو الملودات والنجامات عشان الواحد يتسرت ( يتسرت يقدل بيها ) ايام الصبان ( الصبان انقطاع المطر مش عمرو ابن كلثوم قال صبنت الكأس عنا ام عمرو ) و يتسرت وكمان رابط المحكاكة وين يا ابارو ؟ تمها عليك الرسول .
عيييييييييييك سماح طارت
هييييييييييع
| |
|
|
|
|
|
|
Re: بس .. أدخل .. عليك الله (Re: الطيب شيقوق)
|
Quote: وأنا قصدي أثري البوست بالنقاش ياحبيب
فلو كبيناها زي ما بتقول حتكون ممله عشان كده لمن تجي في شكل أسئله بتكون ألطف |
وأنا قصدي استفز مشاعرك بت مدني عشان نسمع كلام طيب ( مع أنو كلامك مقرف بس فيه معلومة ) الكارجقل
وهو الأسهال الشديد
طيب بتعرف الكاردقل ؟؟
| |
|
|
|
|
|
|
Re: بس .. أدخل .. عليك الله (Re: الطيب شيقوق)
|
Quote: ده شنو دي اللخبته دي؟ الكارجقل هو القرع أو اليقطين الكبة هي الاسهال وسويتني بت مدني كمان؟ |
يا اللخو انت لازمك كورس قراءة ماتحت السطور بنصحك تمشي مسقط شهرين تقعد مع شيقوق يعلمك كتابة وقرأءة ماتحت السطور
القرع بسوي شنو ؟ قلت بسوي الإسهال الشديد والقرع اسمو شنو ؟ قلت اسمو الكارجقل وبسوي شنو ؟؟ قلت بسوي الكبة .. ( الكبا يا ولدي التخليك تساسق وأخر الدور تخت كرسيك جنب الحمام )
بعدين نرجع لي مشاعرك بت مدني المعنى القريب هو الغير مراد احساسك ( المشاعر .. مؤنثة وبتقول مشاعري ) والمعنى البعيد وهو المراد ( اسم الفي بالك ) وخلتك مهود زي كلب برا مكفي أضنيك كدي زي كبابي الطقم
بنصحك تمش لي شيقوق ولو تعذر أدخل كورس عن طريق المراسلة وانا بتوسط ليك عندو كويس
تحياتي ومودتي أبارو
| |
|
|
|
|
|
|
Re: بس .. أدخل .. عليك الله (Re: خالد علي محجوب المنسي)
|
Quote: والمعنى البعيد وهو المراد ( اسم الفي بالك ) وخلتك مهود زي كلب برا مكفي أضنيك كدي زي كبابي الطقم |
لا كان كدي خلاس
وأححح من المعني البعيد جيتن فوق جرح
بعدين منكم نتعلم أستاذي بس أبعدني من شيقا ده بقتس حجري
| |
|
|
|
|
|
|
Re: بس .. أدخل .. عليك الله (Re: الطيب شيقوق)
|
Quote: المسنوح كمان دخلت في الشقل والخراش؟ اها كانت مشيت السودان اكان ما مريت عليك في اجازتي ما ليها طعم.
|
راجيك وحاتك محضر ليك مفاجأت بالكوم والردوم
Quote: و يتسرت وكمان رابط المحكاكة وين يا ابارو ؟ |
في تكة سروالو ومتشمر تب ورابط الشعقيبة بدبارة
ويعرق ويجف ويظرط
هيييع @ عيييك
| |
|
|
|
|
|
|
Re: بس .. أدخل .. عليك الله (Re: خالد علي محجوب المنسي)
|
Quote: أبارو مالك زغتا من كلمة
الكشامبير |
مازغت بس مامستحضر بس عارف يا منسي اللغة مترادفات مرات تلقي كلمة نحنا في الوسط بنفسرا غير ناس الشماليه والدندر
وبرضو حاجة يكون عندها كم مسمي كدي قول معناها
Quote: وبعدين الشعقيبة ذاتا هي شنو |
الشعقيبة هي أكتاف العراقي والزول في الخلا بكون متشمر ورابط يد العراقي مع كتفتو
ووقال محمد طه القدال راجل كلام مافيه كلام
| |
|
|
|
|
|
|
Re: بس .. أدخل .. عليك الله (Re: ممدوح أبارو)
|
Quote: الشعقيبة هي أكتاف العراقي |
نعم هي الأكتاف كما ورد في قول القدال ( الشبال عادة يرمى على كتف الرجل ) وبازمالّو اي نصيبه .... وقد يكون كما ذهبت إليه أن يسمى كتفي العراقي بالشعقيبة مجازاً
________________________ الكشامبير هو ثلاثة شعب صغيرة تربط من أعلاها وتكون في شكل هرم يعلق فيها السعن لما يخشو الروب لجمع عملية خش الروب ينتج منها الفرصة التي تتجمع بالحركة المنتظمة للسعن ( حركة أفقية ) والباقي يكون روب خفيف يعرف بالغباشة والفرصة هي التي يستخرج منها السمن البلدي بعد أن يسوحوها في نار هادئة ...
تحياتي ابارو
| |
|
|
|
|
|
|
Re: بس .. أدخل .. عليك الله (Re: خالد علي محجوب المنسي)
|
يقولوا أهل المثل الناس ديل ( الطير في السماء يقولولّو جيت من وين ؟ )
اي أنهم ناس شر ومشاكل
________________________ يقال أن المِكابراب من الجعلين لما الواحد فيهم يدور لي سبب مع الناس ( بس مشتهي لي شكلة ) بشيل عنقريبو ويختو في الطريق .. اها كان بقى مشيت بي بعيد منو بناديك تعال هنا أنا مجرب بتمشي مني كدي ببعيد ( ينقرن فيك ) وكان جيت ماشي بقربه كمان يقول ليك كتحتني بي التراب ( وينقرن فيك )
يعني سيك سيك معلق فيك
| |
|
|
|
|
|
|
Re: بس .. أدخل .. عليك الله (Re: خالد علي محجوب المنسي)
|
قالو خادم الفكي مجبورة علي الصلاة والبكاء بحررو اسيادو البتجي من السماء تحملها الواطه شنو قولكم في.... جلداً ماجلدك جر فيه الشوك؟ و بلاد ابوك كان خربت شيلك شلية وجحا قال بعد مرقت من بطن امي إنشا الله تنسد ونواصـــــــــــــــــل
| |
|
|
|
|
|
|
Re: بس .. أدخل .. عليك الله (Re: خالد علي محجوب المنسي)
|
الكاردقل
هو الشوكة وبتكون حديدية ولها اسنان وتستحدم في لم الحشيش والبروس عند عزق ما تحت شجر الفواكه
والعزق هي عملية قلب خفيف للارض تحت جذع شجرة الفواكه مثلاً حتى يسهل عملية وصول الماء لجزورها لآن بتكرار عملية السقي تتصلب التربة تحت الشجرة وتنمو الحشائش الطفيلية وعملية العزق تكون قلب للتربة وفي نفس الوقت نظافة ما تحتها من حشائش ضارة ...
| |
|
|
|
|
|
|
Re: بس .. أدخل .. عليك الله (Re: ممدوح أبارو)
|
بقول المثل
( من دِقنّو ويفتل لي )
وهو أيضاً مرادف للمثل
( صررّو بي بعرو )
أولا نشوف كدي كلمة ( صرار ) الصرار هو هو أن تضع شئ مانع يحول دون أن ترضع الصِغار أمها ( من البهائم ).. مثلا في الأغنام يستخدم مخلفاتها الأغنام نفسها ( البعر ) وهي لينّة .. وتستخدم كدهان يدهن به قطعة من خِرقة قديمة ( قماش ) في شكل شريط ويلف به حلمات ثدي الماعز .. طعمه مر فعندما يريد صغير الماعز أن يرضع يتذوق ذاك الطعم المر ويترك الثدي مبتعداً .. وهذا هو الصُرار ..
ويضرب المثل للشخص الذي يحسن ويكرم الناس من حقهم أو مما يخصهم .. مثلاً أن يدعو شيقوق أبارو للعشاء وممدوح أبارو المدعو يدفع حساب الدعوة ...
| |
|
|
|
|
|
|
Re: بس .. أدخل .. عليك الله (Re: خالد علي محجوب المنسي)
|
Quote: للعشاء وممدوح أبارو المدعو يدفع حساب الدعوة ... |
دي إسمها ميته وخراب ديار
يقول ليك أخ من خشمك وتف فوق دقنك
بمعني إنك تنهي عن فعل وتاتي بمثله مثلاً لو قال ليك أجدع الحاجة دي بره تقوم تجدعا في العتبة
ويرادفة يهدوها من المقيلة باتت كتر
| |
|
|
|
|
|
|
Re: بس .. أدخل .. عليك الله (Re: ممدوح أبارو)
|
Quote: يقول ليك أخ من خشمك وتف فوق دقنك |
وبرضو يا أبارو يقولوا ليك ( فلان دا )
( لا في العير لا في النفير )
اي زولاُ تب مازول حارة .. لا بتلقي في الفزعة والوجعة لا التعاون مع الناس ( لما يكون هناك نفير )
والنفير هو أن تستنفر الناس لقضاء حاجة مثلاً لا تستطيع أن تقوم بها وحدك النفير مشهور عندنا في السودان أن تتعاون الناس في رمي المحصول وحصاده وغيرها من مصالحهم وأشغالهم
| |
|
|
|
|
|
|
Re: بس .. أدخل .. عليك الله (Re: خالد العبيد)
|
يعنى ياخالد عبيد مالك على ناس ابصلعة ؟ تعرف حبوبة كانت زولة لسانها فالت كان نادتك وقلت ليها جاى طوالى ردها جاهز ـ نان ماتجى تجيك الجاتنى فى ابوى ولو كنت قاعد وقالت ليك قوم وما قمت ـ تقوم من ترب البنية تر ب البنية دى شنو؟ برى وحاتك يخربنى خراب الترب وكان بتتكلم معاها وغلطت قلت ليها حبوبة طبعا هى جنها وجن تقول ليها حبوبة يا تقول امى ولا تسكت طبعا الرد ـ تحبك مقدا او تقول ليك ـ تحبى بلاهن كيف ؟ما تاسالنى حبوبات عجيبات وكان يوم غلطت وفتحت الصندوق(الاسود ) حقها ـ يفتح قبرك فاتحو مالك عليهو عندك فوقو شنو (عندك بى وليداتا ) وكان مارقين محل وانت اتاخرت شوية فى المشى ـ يا سجم ما تمشى تمشى فى كرعيك او تمشى دا والبهل يعنى يجيك اسهال عليك الله شفت الزولة دى حاقدة كيف ؟ الله يرحمها لانها حفظتنا حاجات ما اظن كتب الدنيا كلها تعلمك ليها
| |
|
|
|
|
|
|
Re: بس .. أدخل .. عليك الله (Re: خالد العبيد)
|
خرافــــــــــــة تيراب البنية
Quote: ولو كنت قاعد وقالت ليك قوم وما قمت ـ تقوم من ترب البنية تر ب البنية دى شنو؟ |
هي خرافة في السودان أن هناك أموت يقومون من موتهم ويمشون بين الناس .. وبالذات لو كان عند الميت لديك شئ فهو سوف يأتي عشان يأخذه منك.. وتيراب البنية تعني .. ان اللذين يقوموا من قبورهم ( البعاتي ) هم تيراب البنية
يعني أن هناك ناس ( يتاورثون هذه الصفة ) مثال فرضاً هناك اسرة هم ( بقوموا بعاعيت ) ففي هذه الأسرة الاولاد والبنات عندما يموتوا سوف يقومون ( بعاعيت ) وبعدها سوف يستمر الحال مع اولاد البنات ( ايضاً هم سوف يقومون بعاعيت ) لكن أولاد الاولاد لا وهكذا يستمر الحال مع اولاد البنات وإن نزلن إلى قيام الساعة
لذا يطلق على البعاعيت تيراب البنية
| |
|
|
|
|
|
|
Re: بس .. أدخل .. عليك الله (Re: خالد علي محجوب المنسي)
|
( التسوي بي إيدك يغلب أجاويدك )
الأجاويد : هم الناس التي تسعى للصلح في حالة وجود مشكلة بين شخص وأخر ..
ويضرب المثل لما تعمل ليك مصيبة ويخالها من يقول لك المثل أن هذه المشكلة وحتى لو تدخل الأجاويد ما يستطيعوا حلها
| |
|
|
|
|
|
|
Re: بس .. أدخل .. عليك الله (Re: خالد علي محجوب المنسي)
|
مثل يضرب للناس البخلاء
يقول ليك
( ديل يشحدوا الرماد لي بِكاهم ) زمان كنَّ النساء في البكاء بسون النقارة. في حر الشمس تقج النقارة وتتحزم النساء ويسون في رؤسهنّ الرماد والتراب ( يردحن حييي وووب ... ووب حي .. حييي ووب )
وقلة الرماد في البيت تعني أن الشخص غير كريم فطبخه قدر نفسه وعياله فقط
| |
|
|
|
|
|
|
Re: بس .. أدخل .. عليك الله (Re: خالد علي محجوب المنسي)
|
Quote: الليلة الجنى دا وين مهكور ؟ (( أبارو )) حيرتني الليلة سحروك ولا أدوك عين
سمحة المقدرة ( كان بقى لقاء عاطفي ولا عادلي ) |
سلامات يا ريس قاعد بس الجمعة بعد الصلاة بمشي ألف علي الاهل وبالزات أمس كان معاي ضيوف في البيت
نحنا اللقائات العاطفية خلاص راحت علينا بقينا ناس عرس ساي
| |
|
|
|
|
|
|
Re: بس .. أدخل .. عليك الله (Re: خالد علي محجوب المنسي)
|
Quote: يعني ننادي سلمى سلامة تزغرد |
ونادي سماح النعوسا جردلين طقة الديك وبت صبحي والريحانة يقومن بواجب النساويين وشيقااليجيب الخدار بالبوكسي بس قول ليه أعمل حساب ناس الحركة أما فيسل هليل فعليه التلج والكراسي ودأبو القاسم لزموه الكشف عم كمال يستقبل الضيوف ولازماً يقج العمة الكبيرة الحفلة السنجك بقضيها ومحيو عليه الكاميرا
شنو ليك؟
هيييع عرسة ملح سااااي
| |
|
|
|
|
|
|
Re: بس .. أدخل .. عليك الله (Re: ممدوح أبارو)
|
Quote: منسي راجنك تفسر ديل الويرا الفافنوس البوص |
الحبيب ابارو
* الويرة قد تكون حبل من التيل أو العاشميق أو في الغالب تكون ( زنجير ) ويربط بها المحراث على ( الكرب ) التي شرحناها من قبل
* الفافنوس والبوص هما نباتان الفافنوس ساق نحيف شديد اليوص هو ساق غليد النباتان إمتازا بالهشاشة ويسها كسرهما
لذا قالت الشاعرة بنونة بت نمر تصف أخاها ( عمارة )
ماهو الفافنوس وماهو الغليد البوص
| |
|
|
|
|
|
|
Re: بس .. أدخل .. عليك الله (Re: خالد علي محجوب المنسي)
|
Quote: * الويرة قد تكون حبل من التيل أو العاشميق أو في الغالب تكون ( زنجير ) ويربط بها المحراث على ( الكرب ) التي شرحناها من قبل
* الفافنوس والبوص هما نباتان الفافنوس ساق نحيف شديد اليوص هو ساق غليد النباتان إمتازا بالهشاشة ويسها كسرهما |
هسة يا ود المنسي حالتو مرتك خواجية؟؟ والله تلقاها اتعوربت ساااااااااااااااي
لك التحية وانت تدخل في صميم البادية وتخرج الدرر النادرة
Quote: ماهو الفافنوس وماهو الغليد البوص |
هييييييييييييييييييييييييييييييع
| |
|
|
|
|
|
|
Re: بس .. أدخل .. عليك الله (Re: ابراهيم قناوي)
|
Quote: هسة يا ود المنسي حالتو مرتك خواجية؟؟ والله تلقاها اتعوربت ساااااااااااااااي
لك التحية وانت تدخل في صميم البادية وتخرج الدرر النادرة
Quote: ماهو الفافنوس وماهو الغليد البوص |
ود قناوي حبابك يا الزين الضو وما بقوللك سوو إتعوربت ساكت ( مسختهم فد مرة ) لكن عليك أمان الله ضريعت أسدك تعجب ( قادل فوق عديلو )
تحياتي وسعدنا بالمرور الجميل
______________________ ها زول ها السنوسي بلدو وين مختفي شايفو متشمر بي غادي وعجاجتو لاويا تحياتي لكما
| |
|
|
|
|
|
|
Re: بس .. أدخل .. عليك الله (Re: خالد العبيد)
|
Quote: اللبي بعرفو مو لبن البهيمة الوالده جديد؟ علا بارديش دي ما لاقتني وحاتك |
أبارو سلااام
طيب نبدأ واحدة واحدة نعم اللبى هو لبن البهيمة الوالدة حديثاً لما يغلى في النار بصير لبى
بارديش : عندما الناس تكون لاعبين شليل أو حرينة أو أي لعبة اخرى وواحد يقول بارديش تعني ::::time out
| |
|
|
|
|
|
|
Re: بس .. أدخل .. عليك الله (Re: ممدوح أبارو)
|
Quote: واحد قال للتاني:
لقيت لي كسفريتا فوق الدمبويا
التاني قال لي : قول وحات سيدي
الأول رد : وحات الجا بي الصالون |
الكسفريتا : هي الكبريتا الدمبويّا : بناء مرتفع في شكل طاولة ( طربيزة ) في الغرفة يوضع عليه الأغراض سيدي : هو السيد علي الميرغني الصالون : هو صالون القطر وكان يسافر به الأعيان قديماً
مرة جاء السيد علي الميرغني لشندي بصالون قطر ومن يومها والناس بتحلف وتقول
( وحات الجا بي الصالون )
| |
|
|
|
|
|
|
Re: بس .. أدخل .. عليك الله (Re: ممدوح أبارو)
|
Quote: النقعة حقت الموية ولا ويحيدة تانية؟
والمدلف دي وقفت لي
أعرف لي
السويبة
واحدة بي واحدة |
النقعة أو النقع هي الأرض الفضاء وأيضاً كما قلت هي المكان الذي تتجمع فيه الماء
المدلف : مكان جريان الماء
السويبة والله تب ماعرفتها وكان عندنا ليها في منطقتنا أسم بقولو ليك تب إن شاءالله
| |
|
|
|
|
|
|
Re: بس .. أدخل .. عليك الله (Re: خالد علي محجوب المنسي)
|
Quote: السويبة والله تب ماعرفتها وكان عندنا ليها في منطقتنا أسم بقولو ليك تب إن شاءالله |
اب أحمد مساك خير السويبة هي بناء من الطين يخزن فيه الزرة تبني في شكل دائري أو برميلي ويصب داخلها الزرة أو المحصول وهي تختلف عن المطموره حيث أن المطمورة تحفر في باطن الارض أما السويبة فتبني علي ظاهرها
لك الود سويبتين متمسحات(ملانات) لي حدهن
| |
|
|
|
|
|
|
Re: بس .. أدخل .. عليك الله (Re: خالد علي محجوب المنسي)
|
هذا المثل قاله عبدالله ودسعد عندما أمره الخليفة عبدالله التعايشي أن يخلي المتمة
( موجعاني قومة نمر من شندي )
الكثيرين وللأسف حتى التاريخ يمثل بأن نمر جرى أمام جيوش الترك نمر طلع من شندي بمشورة أهل الرأي الذين أشاروا له أن يقابل الجيوش خارج شندي علماً منهم بعدم التوازن من ناحية العدة والعتاد والعدد .. وحتى لا يدمر قبيلة الجعلين عن دابرها وخرج نمر وما إستسلم حتى مابقى من الجند عددا وكان يحارب حتى دخوله الحبشة ماترك جيش الترك .. وفي تلك الحروب ذاع صيت عمارة أبنه الفارس المغوار وتغنت له أخته بنونة بالأشعار التي ما زلنا نسمعها .....
| |
|
|
|
|
|
|
Re: بس .. أدخل .. عليك الله (Re: وضاحة)
|
Quote: ود المنسى
كل سنة وانت طيب
اها دخلنا فى شنو هنا
|
لو ما لبستي ثوب بوبتك ماحا تشوفي شئ أخلعي ثوبك الغربي تعالي بثوب جدتك من أم علي جبيلاتا
والفات قديمو تاه
ولا شنو ياوضاحة
لك التحية والتقدير
| |
|
|
|
|
|
|
|