الأخ / وليد سلام واحترام ،،، تحياتي وسلامي واشواقي لمسخو الفنان جمعتني معه جامعة الفرع ورابطتهم الجميلة الديوم الشرقية حلفاوي جميل وفنان ومشاغب ومصمم بارع تقبل تحياتي ،،،، أبو كريم
05-01-2007, 06:19 PM
مصطفي سري مصطفي سري
تاريخ التسجيل: 03-07-2007
مجموع المشاركات: 2339
ازيك يا وليد وشكرا جدا انك جبت سيرة ابن خالتي عاطف مسخو واخر مرة التقيته في الخرطوم وهو في طريقه الي دبي وبشرني بقدوم مولدوده وكنا وشقيقه حسين نسكن سويا في نيروبي ونتصل احيانا بعاطف ، واكون شاكرا لو وصلت تحياتي له من علي البعد وتجدنا ايضا نتابع حكايات مسخو الكثيرة وساحاول اتذكر ايضا من تلك المساخات
05-02-2007, 11:01 AM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
فنان .. مصم مقتدر يجيد التعامل مع برامج الجرافك والدزاين .. اتعامل معاها من بدري .. وقبل ما يتعامل مع الحاسوب عركه الفن في شوارع الخرطوم .. فجملها بلافتات واعلانات وواجهات محلات وتصاميم مغلفات اشرطة كاست لكبار الفنانين
05-02-2007, 12:52 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
حلفاوي يعني نوبي .. نوبي يعني 7 الف سنة من الحضارة .. يعني البجراوية .. يعني نبته .. يعني الدولة المسيحية القديمة .. يعني رمات الحدق .. يعني اتفاقية البقط.. وحديثا يعني وردي
05-02-2007, 01:03 PM
مصطفي سري مصطفي سري
تاريخ التسجيل: 03-07-2007
مجموع المشاركات: 2339
اسف جدا لعاطف والصديقة العزيزة وبنت الدفعة (في القراية طبعا لانها اصغر مني ) لوفاة مولدهما وربنا يعوض ، اضف لك بجانب انه فنان جرافيك واظن استلفها من شقيقه حسين حلفاوي كما يشتهر بذلك في كينيا وشرق افريقيا وهو رسام وموهبة كبيرة قلت ان مسخو يجيد الغناء بالحلفاوي وكذلك بالعربي السوداني ويقلد كثيرا الفنان محمد ميرغني ويعشقه بصورة جنونية (مش كدة يا وليد ) وعاطف مسخو ايضا مع انه من حي الزهور لكنه وبسبب مدرستنا الديم شرق 2 النموذجية يحب الديوم الشرقية ونحن قمنا في الديم بيوت الحجر وتجد مسحو حايم وهايم بهناك واذا سالتوا بعد الزواج لن يجيب ليك . الاستاذ حمزواي مسكاقمي ، تكون استاذ مبارك الذي درسنا في الابتدائية ام استاذ اخر او سكنت جوارنا مع ان استاذ مبارك ايضا سكن جوارنا في المساكن الشعبية جوار ترب فاروق لانك استخدمت الشفرة بقولك عشة سري ، يا سيدي تشكر وانتظرك واتمني ان تمون استاذ مبارك واذا ما هو برضو الف مرحب ، معليش يا وليد للاطالة والشكر لك ايضا
05-02-2007, 01:17 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
يا مصطفى معليش شنو ما كتبته هو المقصود لاجله البوست .. فعليك الله طول قدر ما تقدر وجيب لينا خبايا هذا الحلفاوي
فعلا يمتلك عاطق صوت شجي .. وهو يجيد الغناء ولولا اسباب خاصة به لكان من اهم المغنين الان .. وكما تفضلت هو يعشق الاستاذ محمد ميرغني لحد الجنون .. ويجيد غناء كل اغنياته .. ويؤديها وهو مغمض العينين مستمتع بكل حرف فيها وكل دوذنة وتر
واصل يا حبه واسهب عليك الله
05-02-2007, 01:24 PM
حمزاوي حمزاوي
تاريخ التسجيل: 10-10-2002
مجموع المشاركات: 11622
Quote: الاستاذ حمزواي مسكاقمي ، تكون استاذ مبارك الذي درسنا في الابتدائية
هو ظااااااااااطو وكنت ساكن جاركم في بيوت الحجر وخال زميلك معاويه كيف اخبار الوالد والوالدة واخوانك واخواتك تعرف انا لمن مشيت الاجازة اتصل بي محمد منير الحلفاوي وسألت منك ومن فرعون ودسوقي وعوض عثمان
05-02-2007, 01:50 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
درس عاطف مشخو في مدرسة جمال عبد الناصر سابقا كلية الاداب جامعة النيلين حاليا وطلاب المدارس المصرية وخصوصا جمال عبد الناصر .. كانو يشعرون بانهم افضل حالا من طلاب المدارس السودانية في ذلك الوقت .. اولا لانهم كانو غير مقيدين بيونفورم او زي موحد .. كانو ياتون الى المدرسة في كامل اناقتهم وهندامهم .. ثانيا لم يكون هناك عقاب وجلد في تلك المدارس .. وكل مدرسة سودانية كان فيها صول غليظ القلب واليد ... ثالثا لان اغلب المدارس المصرية كانت مختلطة .. رابعا وهذا خاص بجمال عبد الناصر فقط انها كانت بجوار جامعة القاهرة فرع الخرطوم .. وكان طلاب جمال يدكون حصصهم لحضور ركن نقاش او حفل يحيها وردي او يوم ثقافي حافل بجامعة الفرع (الحنينة السكرة )
لاجل كل ما سبق كان طلاب المدارس المصرية ضعيفين اكاديميا لكنهم كانوا منفتحين اجتماعيا وثقافيا بل وسياسيا بالنسة لطلاب جمال عبد الناصر خاصة
واهما شي ما عندهم عقدة من الاختلاط
05-02-2007, 02:25 PM
الفاتح خليل الفكي الفاتح خليل الفكي
تاريخ التسجيل: 10-15-2006
مجموع المشاركات: 892
الأخ / وليد سلام واحترام ،،،، والله يا وليد ظلمتنا تقول طلاب المدارس المصرية ضعيفين اكاديمياً لا والله يا وليد نحن شاطرين اكاديمياً واجتماعياً وثقافياً وسياسياً وشرامة ومفتحين وما عندنا اي عوجة واسال مسخو المسلط دا احتمال يكون في بعض الطلاب ضعيفين اكاديمياً لكن برضو في المدارس السودانية موجودين تحياتي من خلالك للأخ والصديق عاطف مسخو تقبل تحياتي واحترامي ،،،، أبو كريم
05-02-2007, 02:40 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
تعرف يا وليد مسخو زوول نشيط جدآ وكان عندنا جمعية ثقافية فى حى الزهور (جمعية حى الزهور الثقافية) ومسخو كان الخطاط وكان معنا فى الكورال وفى الفريق يعني كفر ووتر وقلم ومشارك فى جميع النشاط بتاع الجمعية وسحس أخو ده كمان لذيذ جدآ وفنان درجة ممتاز رســـــام بقوم بخمسة عديل كده وقبل ما يسافر كينيا كان عندو معرض فى مريديان الخرطوم ........... الأستاذ مصطفي سـري يا خال مسخو أنا كنت قايلك قريب ناس الحبوب وأمين أب عيون! وعارفك بتقرب لى سامر حبيب وبلى...
تحياتى
05-02-2007, 04:46 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
الغريبة قبل ما اعرف عاطف مسخو اتقابلنا في استاد المريخ الزمن داك انا عب كبير ولاعب اشبال المريخ وهو زول ساكت في الكورة حاول يسجل معانا هناك لكن الصراحة كورته حبة ما بتلعبوا معانا في اشبال المريخ والوكت داك اشبال المريخ تتلتل
طبعا ما عرفت ولا اشتغلت بيه الشغلة ذكرني ليها بعد ما اتعارفنا هاهاهاهاهاهاهاها قال كنت متقندف وعامل فيها مهم قلت ليه اي مهم انت ما جريت وحفيت عشان تسجل معانا وانا سجل في الاشبال من بيتنا وبدون ما اتمرن واسكها
والله عاطف يا حليله
05-02-2007, 04:04 PM
احمد معتصم الطيب احمد معتصم الطيب
تاريخ التسجيل: 04-27-2005
مجموع المشاركات: 2103
عاطف مسخو بشاكل .. لكن ما بزعل انا القدامك ده موش كتبت البوست ده .. عاطف علاقتي بيه ما زي زمان .. فترانه شوية
عاطف لانو بدي نفسه كلها لي اصحابو .. عان كده بتوقع انو صحبه يديك نفسه كلها بالمقابل ولو ما لقى المقابل ده بزعل .. وعشان هو بطوع الظروف كلها لصديقه .. ما بفهم ظروف صديقه ولا بتقبل انو ما يطوعها ويغلبها عشانه
حلفاوي مرهق خلاص ..!
لكن كما تفضلت صاحب جد وزول حارة واخو اخوان وبتحبه ...
بتذكركم وانتو مختلفين في تخريج الرباط حول ديكور المسرح الاشتغله في التخريج بتاعكم بتذكر انتقادك للالوان وبهتانا
وبتذكركم كمان وانتو شغالين نجفاط وشقيق في النجيب في الشهدا
واخر لمة شفتكم فيها مع بعض كان في دكان عاطف الما اشتغل داك ( فاياد ) اظنك عملت ليه فيه جدارية بالجبص واللون
عاطف يا فاضلابي بتو اتوفت بعد ولادتها بي كم يوم حقو تضرب ليه
الاخ احمد وسيد الصالون وليد نواصل في سيرة ابن الخالة (يا احمد هو ود خالتي مش انا خالو) والاخوان بلي ومحمد حبيب وسامر اولاد عمي لزم ، وانت تقصد امين ود ريدة بامين ابو عيون وللا زول تاني؟ الحبوب صديق الصبا والشباب اتربينا سوا ومسخو يا وليد بعد ما رحلنا من الامتداد من الديم وهم كانوا في حلفا الجديدة وبعدها في الحلة الجديدة وبعدها رحلوا حي الزهور اها كان بيجي عندنا صباح ومساء وهو صديق مع القرابة ببهاء شقيقي والذي ايضا درس في مدرسة جمال عبد الناصر وكانت شلتهم وليست شلتي ، طبعا المقامات محفوظة وللا ايه يا ابني ، اها شلة عاطف مسخو وبهاء الدين سري تتكون من ، حمو (محمد حسن الزبير) او ود المصرية وهو الان في المانيا ، ابوعبيدة العب الان في لندن ، وعاطف حسين في الدوحة وبهاء سري في جدة ومروان شاكر دهب في الخرطوم وما في داعي للجكس لانو بيجيب هوا وتسلم يا وليد
05-02-2007, 08:09 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
عليك الله البوست ده ماشي تماااام لاعنصرية لابتاع ده بوست حلو وبتكلم عن زوول أخو شديد ومن حي لافيهو عنصرية ولا حاجة فيهو حلفاوين ودينكا وجعلين وشلك ونوبة و و و و و حى مثالي بالجد أرجوك ....
خالص الود
05-02-2007, 09:22 PM
مصطفي سري مصطفي سري
تاريخ التسجيل: 03-07-2007
مجموع المشاركات: 2339
الاخوان وليد واحمد المعتصم ، التحايا يا احمد مافي داعي للاسف الشديد عادي اصلا الصلعة مرات بتطلعني شقيق ابوي رايك شنو ومرات اكون اخو الوالدة الكبير ، وتعرف عاطف نفسه كان بيقول لي الخال مع انو المستهبل عارفني انا ود خالتو ، فيا احمد ما تتحسس الحالة واحدة ، لكن سؤوالي ليك هل انت سكنت في الديم بيوت الحجر ؟ ووين ؟ يمكن اتذكر اخوانك الكبار او كدة ،
الوليد الاخ مسخو حظه مرات محس يعني مسخو لو حظه تمام ما كان بيمشي الامارات وانت تعرفه ما بحب السفر بعيد عن اهله ، وهو كذلك لديه حظ لان مجال الجرافيك اصلا ليس مجاله لكن برع فيه تعرف ليه ، لانه رجل مثابر ويتعلم اي شيء بسرعة واتقان نحن ما اتفقنا انو هو مسخو ابقو عافية
05-03-2007, 04:05 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
كلام صحيح لو كان عاطف قعد فى السودان وصبر شوية كده كان حيكون مابخلص والفن والخط و الجرافيك مولد بيهم الشفت ده الله يديهو العافية ولسع المجال مفتوح قدامو والموهبة موجودة وأسمو محفوظ . المهم الرزق مامعروف وين كان فى الجغرافية ولا فى الجرافيك .... يا درش دى طبعآ بعد ماطلعتة خال مسخو وش مبتسم وطلعتة ود خالتو... لو جبتة سيرات الجكس الهبوب بتقوم......
تحيات كتيرات
05-03-2007, 04:48 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
يا مسخو فاياد دي شنو يعني؟؟ فاياد:::: تعني الكتابة باللغة النوبية
السوال دا اظن سالتو مليون مرة وهو برد بنفس العبارة وباللغة العربية الفصحي....
فنان طويل البال
اذكر انو كنت طالب منو تنفيذ شعار بخط اليد لانو خطاط وبعداك اترسو براي واديتو الفكرة والكلمة وانشغل هو وبقيت ساكيهو كم يوم ضربت ليهو: يا فقر عملت اللوقو؟؟؟ قال لي: لسه.. انت وين؟؟ وكنت في شارع الجمهورية في مكتبو الجوة المكتبة الاكاديمية المهم مريت عليهو ولقيتو شغال في بوستر بتاع جلسة استماع لفنانة صغيرة (ليزا شاكر) المهم ما كان عندو قلم خط ولعنا سجارة وخمسناها كان بدق السجارة في غطا قزازة بيبسي وتجمع الرماد في الغطا كب عليهو موية وبي فلتر السجارة غمس في الغطا وخط احلي شعار
الشعار للقاعدين في السودان هو شعار مناهج (اسطوانات تعليمية لطلبة الثانوي) زي شعار الجزيرة
05-03-2007, 01:40 PM
احمد معتصم الطيب احمد معتصم الطيب
تاريخ التسجيل: 04-27-2005
مجموع المشاركات: 2103
متشكرين شـديد ومسخو ح ينبسـط منك شديد وطلعتو من اندهم وبالمناسبة يا هيثم عاطف موجود فى دبي أرجو أن تتعرف على شخصية مدهشة .......... ويا مـسـخو ما أوصيك على هيثم برضو أخونا وحبيبنا ووليد برضو حبيبنا وأكثر كمان ......
ارقدو عافية
05-04-2007, 05:31 AM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
أسمع يا هيثم عبد العزيز مسخو قاليك بطل الحنك وخت للنك الحفظ
يا وليد ازيك ياخ كيف يا شباب ؟؟
الخال مصطفي سري في اللحظة ديك والناس بتسال عن بلاداً اصلو ما معروفه وين اشتقته ليك ياخ ولي شوفتك في الشارع
يا خال سري ياخ انت حمزاوي ده طلع ياهو استاذ مبارك ظااااااااااااااااااطو اها انا حارس أشوف تداعيات القصة دي تعال سريع .
مسخو سلام ياخ والله عرفتك من الشباب ديل وود خالتك ده غايتو خالي خلي ينكر هاهاهاهاهاها بالمناسبة طالما بتحب محمد ميرغني انت زول فنان فنان فنان ودي مابيتغالطوا فيها اتنين ابداً. وبوستيك دا انا كل حرف فيهو قريتو . شكرنات كتيرات يا مسخو وفرصة سعيده ياخ .
05-04-2007, 01:54 PM
مصطفي سري مصطفي سري
تاريخ التسجيل: 03-07-2007
مجموع المشاركات: 2339
الصديق سفيان اللغم ، طبعا ما بعرف الوش الضاحك بي يتعمل كيف اللا تضحك في المسالتين استاذي العزيز حمزاوي درسني انا وشقيقي المرحوم عصام سري وشقيقي الاخر بهاء صديق مسخو في مدرسة الديم شرق 2 واذكر انه جاء من المحس (كرت) وكان بيدرسنا تاريخ ولغة عربية ايضا والله مش قدامو لكن حصص استاذ مبارك حمزاوي كانت ممتعة ، لكن جلدو كان اصعب ، وكنا نتمتع بالحصة ليس رهبة بل بما يملكه من جاذبية في التدريس ، ويا سفيان انا كنت ود شاطر اوي اسأل استاذنا مبارك ، لكن مدارس زمان بما فيها من احترام مشوب بالخوف ايضا فاننا تعلمناالكثير منهم ، وتعرف لمن يكون الاستاذ يسكن في ذات الحي الذي تقيم فيه وقعدتك سودة ، واستاذنا حمزاوي كان يقيم معنا في ذات الحي بالديم ، وتشيل شيلتك لو واحد او واحدة في الحلة قامت جات وشكت في المدرسة ، وشيل شيلتك تاني لو الاستاذ بيتكلم لغتي الخاصة (طبعا الاستاذ حمزاوي يتكلم النوبية وانا نوبي ) ولدينا ذكريات جميلة مع استاذ مبارك سواء في الحلة او المدرسة واذكر ان منزله يقاصد جامع احمد ابوزيد الكائن في شارع 15 وكان يشدد علينا الذهاب الي المسجد لمن شكيت بعد ما كبرت انو كوز(هاهاهاها) الحديث يطول ويوما ما سواء في بوست عمك ابو ساندرا عن الديم او بوست مخصص لمدرسة الديم 2 ومعليش يا وليد لكن دي مدرسة عاطف مسخو ودة استاذنا مبارك حمزاوي وتداعيات تلك الايام وتشكر يا صديقنا سفيان صاحب صديقنا منعم سليمان
05-06-2007, 09:42 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
وليد محمد المبارك
الفاتح خليل الفكي
مصطفي سري
ناصر جبريل
Ahmed Mohammed Osman
.. رابعا وهذا خاص بجمال عبد الناصر فقط انها كانت بجوار جامعة القاهرة فرع الخرطوم .. وكان طلاب جمال يدكون حصصهم لحضور ركن نقاش او حفل يحيها وردي او يوم ثقافي حافل بجامعة الفرع (الحنينة السكرة )
fadlabi
Haytham Abdulaziz
سفيان بشير نابرى
فيس بوك
تويتر
انستقرام
يوتيوب
بنتيريست