|
Re: الشعبية نجمة تزين سماء مدينة الخرطوم بحري (الجزء الثالث ) (Re: عزالدين عباس الفحل)
|
Quote:
الف حمد لله علي السلامة ، وان شاء الله تكون قد بلغت الصحة والعافية ، قبل فترة قابلت قريبك ، الاخ طارق عبدالخالق ، طارق نسيب الاخ المهندس خالد جسن ابراهيم ، تكون عرفتو ، في مدينة العين ، في الامارات العربية المتحدة ، وسالني عنك ، وهو متابع جيد لسودانيز اون لاين ، مع خالص التحايا ، وكفارة ،،، |
تسلم أخى عز الدين وتحياتى لود الخال طارق وبلغه ألف تحية من الدوحة وقل له البركة فيكم تانى فى شقيقه
أمير زوج بنت عمى والبركة فى العيال الخلفهم .
شكرا قريبى صلاح فقيرى وتحياتى لك وللأسرة. وشكرا كابتن خالد درق
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث ) (Re: خالد درق)
|
سلامات للجميع .. وإن شاء كلكم طيبين .. ونأسف علي الإنقطاع عن البوست لفترة طويلة .. الزومة منضايقي آجماعة ..
دعواتنا للإبنة ريل بالشفاء ياوليد
ويا شمس الدين حمداً لله علي السلامة وربنا يتمم عليك الصحة والعافية .. وبعد ده نقنص لصاحبك داك ، هسه يجي مقلِّع ..
أسامة سعد سلامات .. أول ما فتحت الصفحة طبعاً لفتت نظري الصور وقلت النفرين ديل شكلهم ما غريب عليّ .. فإذا بهما يكونا أسامة سعد وبكري ابوبكر .. يعني يا اسامة عبارة سيدالحوش دي طلعت حوش جد جد وليس هذا الحوش الاسفيري فقط .. وأنا زمني ده كله قايل الحوش هو المنبر ..
الأخوة عزالدين الفحل وأمير قناوي وعزَّام - مرحباً بالعودة ..
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث ) (Re: اسامة سعد)
|
Quote: أسامة سعد سلامات .. أول ما فتحت الصفحة طبعاً لفتت نظري الصور وقلت النفرين ديل شكلهم ما غريب عليّ .. فإذا بهما يكونا أسامة سعد وبكري ابوبكر .. يعني يا اسامة عبارة سيدالحوش دي طلعت حوش جد جد وليس هذا الحوش الاسفيري فقط .. وأنا زمني ده كله قايل الحوش هو المنبر ..
|
منير
منور والله
فعلا الناس بتكلم عن الحوش الاسفيرى لكن انا لفت نظرى الحوش رملة والسور بلك وبلعبو فيه دافورى كمان وطبعا انا ما بتكلم عن البيت نفسه يس الحوش.
بالمناسبة زوجته خريجة جامعة الجزيرة زميلة يعنى وطبعا اتبادلنا الزكريات وسطحنا بي اخونا بكرى.
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث ) (Re: اسامة سعد)
|
الأخ شمس الدين ساتي الحمد الله على السلامة و إن شاء الله اجر و عافية
الأخ صلاح شكوكو أتمنى أن تواصل عطاك نحو الشعبيه و خدمة اهلها و تكريم الذين خدموها
الأخ خالد درق ربنا يحفظ اولادك و يجعل ايامكم كلها سعادة صور حلوة و لدي ذكريات في مهرجان دبي للتسوق إن شاء الله تسمح الفرصة لإنزال صور
الأخ اسامة سعد ما شاء الله تبارك الله مازلت محافظ لكن ما قالو امريكا الزمن فيها محسوب بالثواني لكن ما شايفك انت ولا بكري لابسين ساعة و لا الصورة تكون بعد الوضو ؟؟
ارحب بالأخت ام التيمان و مشاركة جميلة و لكن أسوء مغترب إذا كنت كل إجازة بتنزل مع نسابتك وتقضي معهم معظم إجازتك
الأخ الحاج حمد إن شاء الله تكون بخير و منتظرين السمايه
وتحياتي لجميع الأخوة المتداخلين وليد عبد اللطيف - أمير قناوي - عزام فرح - عز الدين الفحل - صلاح فقيري - مجدي نقد - عاطف رميتي - الدكتور عماد الطيب و جميع الأخوان
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث ) (Re: خالد درق)
|
حلتنــا بنمســى عليك وعلى ولادك ... وبنحكــى ليك عن جلســة سمــر فى بيت عمنا المرحوم محمد عبد الدائم ابو اخوانا الكبار والقدرنا والصغار ناس شكوكو فى حلــة ناس الخليفة عبد المحمود .. رئحــة المنزل كمـــا إستنشقناها قبل عشرات السنين .. الشاى باللبـن وإحلوت القعدة .. دخلنـا بالاعلام الرياضــى وطلعنـا بمدارس تنمية وتطوير الموارد البشريـة ( التدريب ) عوالم الانترنت لم تشغل كثير من وقتنــا ... عوالم وفضاءات وابداعات استاذ صلاح شكوكو عطرت صالون ناس دفعتنا عماد رد الله غربتــه اهههههههههههههههههههههههههها ايام
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث ) (Re: مجدي نقد)
|
الحبوب الوليد عبد اللطيف سلامات
Quote: دعواتكم لريل الشيخ بالشفاء |
نسأل الله أن يمن على الابنة ريل بالصحة و العافية .
Quote: التعليقات الجميله والشفرات التي يتاعملون بها عند مشاهدة حسان الحي غير اللقاب التي يطلقونها عليهم مثل الديبة والجيش الامريكي وجاد كريم والعربي
|
أنا زمان قلته للحاج حمد ما يجيب سيرة الحفلات عشان وليد دا ما بجهجه باكاتك .. اها اسي جاب الالقاب بكرة بجيب الصور .. هه . تحياتي
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث ) (Re: بدر الدين اسحاق احمد)
|
حمدا بالسلامة قريبي شمس الدين وأن شأءالله ماتشوف شر. ترحيبي بعودة عزام واسامة سعد وعزالدين ودالفحل، وامير قناوي. صارت للبوست حيوية، ومجادعات تعتبر أضافة . واسعدتنا طلات الارباب صلاح عثمان . يا ولي كل الشفأء للامورة ريل، ولكل اطفالنا المرضي. دروغبا اسعد الله ايامكم وجعلها مهرجانات، تعرفوا علي صاحب هذه الصورة، وليد وحاج حمد يمتنعون.
شعبياوي شهير صال بالميادين الرياضية وصروح العلم، فأبدع فيهما.
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث ) (Re: حسن طه محمد)
|
عـزام حـسن فـرح ،،،
الـحمــد لله ، بالامس القريب ، تم الاتصال بالاخ الفاضل عزام ، بالدوحة ، يا ســلام ، علي حــسن الاستقبال ، والحفاوة ، والتقدير ، والظـرافـة ، فعلا رب اخ لم تلده امك ، عزام شخصية طيبة لابعد الحدود ، زول بسيط ، وحبوب ، كتب له القبول ، مثقف ، ورجل واعــي ، تعشقه من اول وهلة ، تحبه ولا يخرج من قلبك ، يا ســلام ، يا ســلام ،،،
*** أخـوي عـزام اليك بالاميل بتاعي :-
[email protected]
*** ملحوظة :- الحمدلله أنا علي اتصال دائم بالاخ عزام . لكنني فقد رقمه بالسعودية ، بضيياع الشريحة .
عزالدين عباس الفحل ابوظبي
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث ) (Re: عزالدين عباس الفحل)
|
Quote: مجدى
انا كنت فاكر وليد هو الألفة وكمان وكيل الحاج حمد
زولك طلع اي كلام
جبنا ليه بكرى ابوبكر شخصيا ولا قال لبكرى سلام اوشكرا |
لاحولالالالالالالالالالالالالالالالا اسامه سعد ... سلامات ياخي لاحظت كلام منير عن بكري معاك وانا صفحة اتنين دي عملت مداخلة واخر شيء كان خالد درق الصفحة قلبت انتو يازول بتكتبوا الساعة كما مع الحرامية وللا شنو حتى الصور الجميلة دي ماشفتها ... طبعا بعد الزيارة واسطتنا بقت كبيرة زيادة مع اخوانا عادل عثمان وعادل علي صالح اهم شيء عندنا طلبات زيادة اعضاء من الشعبية واقفين في الصف ياخي كبري كيف مانشكروا ياخي نبوس ليهو راسو ذاتو له الفضل في تجميع كل الطيور المهاجرة مع هذا الحي المتفرد وجزاة الله الف خير تحياتنا له بالانابة واخبرة بأن وليد عبد اللطيف المفوض الشرعي والمندوب السامي لسيد حوش الشعبية الحاج حمد
صورة جميلة وبها الكثير المثير الذي يحرك متعة التشكيل والتنوع وتشوف بها مجموعة قصة تتمثل في قميض الريس بكري ابوبكر (الافريقي ) بالوانه الحارة على قول الفنانين التشكيلين والجبنه والفناجين تذكرك جلسات حبوباتنا وامهاتنا صباحاتهم وعصرياتهم بالسودان ولما تشوف لوح القران والدواية تتذكر شيوخ بحري والنوبه والحولية والفته ... ودا حالتو ماشفنا الحوش والرملة والودع وما اجمل ابتسامتك ياحبيبي التي تفوق ابتسامة فاتن حمامه في زمنها الممزوجة بالطيبة والمحبة وطلتك بصورة بروفايك بوداعة الطفل الذي بها حفظة الله ورعاه كانت لها سحر خاص في قلوبنا تذكرنا كل اطفالنا بالشعبية . . صلاح عباس تسال منك العافية ياخ ونأسف كثير بعدم الاتصال بيك والسؤال عن اخبارك ياشيخنا التقي واستاذنا . . بدر الدين اسحاق ... بطل الحركات مع صاحبك عزام واشتم فيكم ريحة الانفصال وشنو يعني شعبية شمال وشعبية جنوب ما كلنا اخوان اها جهزتو علمكم والنشيد الوطني وللا لسه ولما تبقو عليهو كلمونا عشان مجدي نقد يكتب القصيدة وانا اعمل ليكم التوزيع الموسيقي ... قومو لفو الاتنين ... قال جمعية قال هه هه هه
. . الجميل في هذه الصفحة والسابقة ناس كثيرة ظهرت بقيادة ود القناوي لايفوتني ان نترحم على جميع امواتنا بالحي الذي فقدنا به كم عزيز لدينا كنا نتمناه في هذه اللحظات اللهم ارحمهم واغفر لهم اللهم تقبلهم قبولا حسنا
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث ) (Re: اسامة سعد)
|
Quote: الاخوة الحاج حمد عزالدين
وليد
الأخ بكرى متفهم تماما لدوركم فى الحى ومتعاطف معانا
افتكر حقو الناس تطلب العضوية عادى مع التزكية من اثتين او ثلاثة اعضاء
السيد بكرى ابوبكر سوف يقوم بعمل اللازم ونحن بنكون عند حسن الظن ان شاء
الله |
وهو كذلك ... وسوف نرسل له مجموعة في ايميل واحد بالاسماء وإيميلاتهم
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث ) (Re: وليد عبد اللطيف)
|
Quote: الأخ شمس الدين ساتى
الف حمد لله على السلامة وا ن شاء الله اجر و عافية البركة فيكم وربنا يرحم زوجة اسامة الطاهر قبل اسبوعين كنت متغدي مع محمد الطاهر في ولاية فرجنيا |
العزيز أسامة سعد البركة فى الجميع .. و اسامة زاتو دخل المستشفى وأجرى عملية جراحية
وهو الآن يتعافى. الغريبة الوفاة حصلت ليس بسبب المرض بل حقنة بالخطأ وهى كانت حامل
رحمها الله . وربنا يقدر اسامة على تربية الصغار . تحياتى لشقيقه الرجل الخلوق محمد .
وتحياتى لصديقك صاحب الحوش المهندس بكرى.
الإخوم حسن طه...-منير .صلاح عثمان ..مجدى كنة وقريبى الفاضل . لكم الشكر
ويا مولانا تلفونى ضاع وإشتريت واحد جديد سأمدك برقمه.
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث ) (Re: شمس الدين ساتى)
|
مجدي نقد
Quote: أنا زمان قلته للحاج حمد ما يجيب سيرة الحفلات عشان وليد دا ما بجهجه باكاتك .. اها اسي جاب الالقاب بكرة بجيب الصور .. هه . |
الأخ منير مشتاقين لتسطر لنا بقلمك الرائع ذكريات عن الشعبيه حقيقة اشعر بمتعة عند القراءة لك و نفس الشعور عند شقيقتنا بأمريكا مع تحياتي
عزيزي الفاضل يسن كيف اخبارك و اخبار العائلة و الأمورة الصغيرة بالمناسبة حاجزها لولدي طبعا جواز إنجيليزي مع تحياتي لك و لجميع اخوانك
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث ) (Re: صلاح عثمان)
|
مشاركة من أم التيمان - عمان
Quote: نصائح هندي في فراش الموت , هذي نصايح هندي على فراش الموت وأنا شخصيا أنصح كل واحد أنه يطبقها
1) الله معلوم كل شي عن نفر .... بس انتا مافي معلوم كل شي عن نفر !!
2) لو انتا يمشي في ليل يطلع عليك قطو اسود بعدين كلام مياااااوو .... وانتا خوف ... كلام بسم الله الرحمن الرحيم .. بعدين خوف يروح !!
3) الله يعطي انتا فلوس كثير .. لازم شكر الله ... انتا مافي شكر الله .. بعدين انتا ينوم يقوم مافي حصل فلوس !!
4) انتا يبغا ياكل تفاح !! لازم ياكل يد يمين !!
5) أي نفر يشوف ناس من طرف خشم مال هوا ... ربي يعاقب هوا ... علشان كلو بني ادم
6)ا نتا انسان في مخ لازم يعبد الله ... مخ خراب خلي ولي يعبد بقرة !!
7) حرمه مخ خراب ... دايم يمسك تلفون قرقر مع صديقه هوا .. مافي ينتبه بيت ... مافي ينتبه بزورا ... رجال مال هوا ... طلاق زواج
حرمه ثاني اكوس من هيا !!
علم سوي نور كويس .... جهل خلي انتا مافي شوف شي كلو اسود !!
9) مافي خلي كلو شغل بكره ... لازم خلص شغل اليوم علشان انتا يرتاح ...
10) لو انتا ياكل شي طعم هوا مافي كويس ... مافي كلام وعععععع .... هذا نعمه بعدين ربي يعاقب انتا !
11) كلو بني ادم سوي خطا ... بس نفر كويس مافي سوي هذا خطا مره ثانيه
12) انتا مسلم .... انتا نفر ميه ميه .... بس لازم اسلام انتا يكون ميه ميه ...!!
13) انتا يلبس شرابات لازم غير شرابات علشان ريحه مافي كويس
14) أنتا لازم سبح كل يوم عشان ثياب مافي أطلع ريحه مال أنتا بعدين موت كلوا نفرات داخل بيت |
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث ) (Re: خالد درق)
|
تحياتي للأعزاء - أسامة سعد وعبره تحية للأخ بكري (الراجل دا ما قصر مع ناس الشعبية)، - شمس الدين وحمد لله على السلامة، ولا أدري هل وصلتك رسالتي؟ - منير عبدالرحيم كيفك مع البرد والجليد وكآبة الشتاء الأوربي؟ ما عندك كورس ولا مؤتمر في ألمانيا؟ - صلاح عثمان مشتاقين يا أخي لشخصك ولقلمك الرائع - قريبي الفاضل خالص الود وتحياتي للأسرتين الصغيرة والكبيرة.
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث ) (Re: وليد عبد اللطيف)
|
كابتن وليد .. سلام
ياسلام ياخى والله نكت صور زكرتنا بالايام الجميله فى الشعبية زمن الناس عيشين بكل بساط بدون تكبر وشباب كانوا حلوين خلاص وزمن رائع .. الشعبية والزمن الجميل ..
شكرا ياكابتن ..
ـــــــــــــــــــــــــــــــــــــــــــــــــــــــ
تخريمه ..
كابتن وليد الايام دى صحبك علاء الدين صالح معنا فى دبى وبهديك السلام ..
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث ) (Re: خالد درق)
|
صلاح الارباب:
Quote: عزيزي الفاضل يسن كيف اخبارك و اخبار العائلة و الأمورة الصغيرة بالمناسبة حاجزها لولدي طبعا جواز إنجيليزي مع تحياتي لك و لجميع اخوانك |
طوالي يا ارباب، من جانبي ماعندي مانع، علي الاقل ندفع ضريبة مرورنا بحلتكم ايام الدراسة، هي ذاتها تلقي احلي من الشعبية وين وناسها، رغم الشق الثاني من اهلها بمدني.
وليد: ذكرتنا ايام خوالي، التحية عبرك للصديق صديق موسي ويونس وعمر الزبير الذي كان متواصل معي من المانيا بالفترة السابقة، وكمال كيخا وصديق الكجر. بس اهم شخصية ومحورية غائبة بالصور، الصديق مهدي ابوكروق اين هو؟
مودتنا.
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث ) (Re: الفاضل يسن عثمان)
|
Quote: - شمس الدين وحمد لله على السلامة، ولا أدري هل وصلتك رسالتي؟ |
أخى العزيز أمير.. وصلت رسالتك فى الفيس بوك ورددت عليها شاكرا إهتمامك .لك الشكر مرة أخرى
وليد... جننتنا بالصورة الجميلة لأناس كادوا أن يسقطوا من الذاكرة..... تعرف ود جيرانا يونس أنا نسيتو كلوكلو
وعمر لولا مراسلته لنسيته أيضا .. أما كمال كيخا دا يمكن لم أره منذ بداية التسعينات.... وصديق الكجر كذلك
ياربى شكلهم بقى كيف؟ لو قلنا الصورة ليها عشرين سنة . تحياتى
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث ) (Re: عماد الدين عبدالله)
|
سلامات بالكوم
وجمعتكم مباركة
نرحب بالاخت ام التيمان ونتمني تتواصل مع النجمة وما تنقطعي زينا
الاخ شمس الدين كفارة وما تشوف شر وحمدالله علي السلامة
المشكلة عابدون زاتو مختفي ما يكون هو زاتو متوعك الله يستر!!!
اخونا اسامة سعد غايتو انا شفتك آخر مرةاظن في التسعينات
وما شاءالله نفس الملامح ربنا يحفظك لعيالك
اخي دكتور امير بركة الطليت وربنا يديك العافية لانك ما مقصر من اجل الشعبية وفي انتظار الكتاب
الاخ وليد شكلك كنت متابع الموضة وما خليت بارتي ما حضرتو
ياحليل زمان وحفلات زمان هسي الحفلة مسافة نجهز ونمشي نحضر نص ساعة و11 تجي ونكون مااستمتعناباي شئ
اخواني خالد والدكتور عماد ربنا يديكم العافية ما مقصرين في البوست
ويا قولكم الصفحة دي ظهرت غائبين كتار ربنا يجعلنا في تواصل دائم
اختي روما اتمني اطلالتك الرائعة
لكم كل الاحترام والود
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث ) (Re: خالد درق)
|
ليك يالسمحة طال الانتظار من يوم صغيرة فيك كتب الشباب اشعار يالروضة اليانعة بالازهار أخخخخ ياقالبي الليله مني فر وطار كل ماتبعدنا سنين الغربة من الشعبية الشوق يزيد الى اهلها الطيبين هل توافقوني ان حب الشعبية في كل مرحلة من العمر لها نوع خاص منذ الطفوله لاتريد ان تخرج منها مرتبطا بكل شيء فيها لانها بمثابة الام الثانية تلعب وتجري داخل احضانها الدافئة تتمسك بها ولاتريد الخروج منها الى ان تأتي مرحلة الشباب ويشتد العود تنتشر بين الامكنه والحواري بداخلها تكون ماشيء عادي تقع في حفرة فيها موية او انت ماشي تعفص ليك كـــــــلب نايم يخلعك او يسكك او تلاقي ليك ###### نعسان وتعبان تديهو عفصة يقول ليك الله تقطقطة لي ضهري وقصص الكـــــــلاب دي بالزات نخليها للاخ منير (سيزر ) الى ان تأتي مرحلة الشباب الناس تعيش ذكريات الطفوله الجميلة ومنها من يخرج للدراسة ومنها من يخرج للعمل في كل بلاد الغربة ويفضل حبل الود مربوط بهذه المنطقة العظيمة ... ياخوانا لو رقتو بحكي ليكم الشفتو لمن شفت قمر السبعتين ماعرفتو بشر ام من الحور العين يمشي والقامه مربوعة مفدوعة الايدين أخخخ ... من سحر الجمال يالله أحفظنا في الدارين
. . دكتورة ستنا شنو وين مختفية لسه ساكه فرن الشعبية اعملي حسابك يحصل ليك الحصل زمان حسب ذكرياتك في الشعبية تحياتي لاخوانك شرف وعاطف بلو ضحكت على تعليقك على الصور القديمة . . وصلتني رساله من الاخت ... أم التيمان بتسلمك عليك يادكتورة ستنا وتشكرك على حسن الترحيب كما تشكر الاخت الدكتورة روما وكل الاخوان ببوست الشعبية وهي متابعة جيدة الى ان يحن عليها الريس بكري ابوبكر وتجيكم بالباب . . شمس الدين والفاضل يسن وخالد درق شايف الصور القديمة جهجهت باكاتكم كمايقول المهندس مجدي نقد عمر الصور عشرين سنه شنو يا شمس الدين ياخي عشرين سنه دي التخرج من الجامعة بس لسه بجيب ليك صور اصحابك في الحفلات زمان بس اول شيء شوف لينا صاحبك عبدون محمد عبدون ...
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث ) (Re: وليد عبد اللطيف)
|
مشاركة من ام التيمان
Quote: مثلا لو قلنا أن النساء كالسيارات .. أنواع متعددة منها الفارهة ومنها ( المعفصة ) ومنها التقليدية ومنها الكلاسيكية .. ويجب على كل سائق أن يعرف سيارته وكيف يتعامل معها ويقوم بالصيانة اللازمة لها .. كل واحده لها تعامل خاص .
المرأة الكابرس : امرأة تقليدية منشغلة دائما بأطفالها .. ليست جميلة ولا قبيحة لكنها عملية جدا.
المرأة الجيب : تصبر على المصاعب ولا تغرز في طعوس الحياة ، تخدم زوجها في الحل والترحال.
المرأة الونيت : قرويه جدا ما فيها من الدلع شيء ، دائما المشق يلعب بها بالشتاء.
المرأة الـ BMW : كشخه وارستقراطية لكنها تحلب الزوج حلب .. بالمصاريف ، وزواجها لا يستمر طويلا .. لأن الرجل يصل لمرحلة الإشباع ويعود لأرض الواقع.
المرأة البيجو : عادة تكون ! ، وغالبا ما تنتهي حياتها مع الزوج بحادث انقلاب .
المرأة الكامري : ودها تطور ولا عرفت .. أحيانا تحس أنها عربجية وأحيانا تحس إنها راعية مشاكل .
المرأة البورش : هي المرأة التي اذا غضبت تصل من بيت زوجها إلى بيت أهلها بــ 4 ثوني.
المرأة القلابي : تتحمل المشاكل وتعاني وتحمل أعباء الزوج ومسئولياته ، والزوج عمره ما شاف أنها حلوه ..
المرأة الدباب : خفيفة ورجه وتحتاج إلى مهارات خاصة للسيطرة عليها.
المرأة الكريسيدا : ملتزمه عاقله ، نادرا ما تزعل ، عملية ، الناس يقولون لزوجها تزوج عليها لكنه يحبها.
المرأة الجاكوار : حلوه وارستقراطية الناس يحبون يشفونها بالزواجات ويعجبون بها لكن ما احد يخطبها .
المرأة الجمس : ودود ولود حبوبه قطع غيارها متوفر قصدي صحتها جيده نادرا ما تمرض .
المرأة الهونداي : تعنس ولا احد خطبها .. راح عمرها في الشوفات .. وكل من دخل عليها قال : ما الله كتب ..
المرأه المرسيدس : اللي كل شي فيها حلو بس لو جتها حتى زكمه تبي تروح لأهلها ترتاح عندهم لين تطيب وأنت طق براسك ألف جدار
المرأه اللكزس : بنت النعمة وتستكثر نفسها عليك وكل ماراحت عرس رجعت بالكذبة المعروفة أن الحريم يخطبونها يحسبونه بنت.. خواتها كلهم ماخذين ضعوف وأنت أحسنهم حال
المرأه الكدلاك : الحلوة ليلة الدخلة فقط ثم ترجع لشكلها الحقيقي ولا تقدر تصبر عليها.
|
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث ) (Re: وليد عبد اللطيف)
|
مشاركة من ام التيمان Quote: سلامات
ازيييييييييييييكم ...كيفنننننكم
لي يومين أجي البوست القى الناس مربعة يدينها وقاااااااااااعدة لاحس ولا خبر لا مشاركات لامواضيع نووووم شديد امشي الفيس بوك القى ليك الجماعة مقطعين الونسة قطيع ما خالين شمار اظنهم دايرين يقفلو قسم شمارات ويفتحو فرع في الفيس ولا شنو يا اخوانا؟ الكلام ده كيييييييييييييف يا سيادة المدير؟؟ (طبعا انا ذااااااتي كنتا معاهم لكن انا بعذري ما عندي عضوية انتو مالكم اييي ماتحمرو بفتتتتتتتتتتتتن يلا بلا فيس بوك بلا كراع بوك ابقو داخلين ومشاركين وإلا وإلا وإلا
وعد الاصيل
قال
حيحرق نفسو |
نشكر مشاركاتك الطيبة والنشاط لكي يعود الى البوست الى رونقه كما كان سابقا
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث ) (Re: وليد عبد اللطيف)
|
Quote: كل ماتبعدنا سنين الغربة من الشعبية الشوق يزيد الى اهلها الطيبين هل توافقوني ان حب الشعبية في كل مرحلة من العمر لها نوع خاص
|
كابتن وليد .. اوفقك الراى ياخى حب الشعبية دا جارى فى العروق زى الدم والواحد من يزكر ايام الشعبية بسرح فى عالم ثانى .. اه واه عن البعد عن الشعبية ..
ايام لم تزكر تجهجه باكاتك يا هندسة ...
مودتى ..
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث ) (Re: خالد درق)
|
Quote: ياحليل زمان وحفلات زمان هسي الحفلة مسافة نجهز ونمشي نحضر نص ساعة و11 تجي ونكون مااستمتعناباي شئ |
ههههههه ياستنا ... العجب العرسان ممكن يجو ويلاقو حفلتهم انتهت حفلات الايام دي مافيها نكهه زمان اجمل شيء نهاية الحفلة الناس تجرجر الكراسي وقاعدة تتونس كمان كان في باقي بيبسي وللا باسطة من الحفلة الناس تضربهم والواحد يلاقي ناس البيت مجهزين النقة ويقولو الحفلة ما انتهت المقعدك شنو تاني
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث ) (Re: خالد درق)
|
الأخ الأرباب صلاح عثمان تحياتي ، اتصلت بيك ما في رد ، أمطار جدة شغلتنا يومين لكن الحمدلله كل شئ تمام.
الأخ وليد عبد اللطيف شكرا على الصور و الذكريات الجميلة و هي بلا شك تثري البوست اكثر..بالله كتر لينا من الحاجات بتاعة بيت الكلاوي دي.
الأخ صلاح عباس فقير لك كل الشكر و التقدير ، يا جماعة صلاح عباس دا اسم جدو فقير و ليس فقيري و لاحظت الأغلبية بتكتب الاسم خطأ!! بالمناسبة دي تحياتي للأخ ايهاب محمد عثمان فقيري و اخوته.
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث ) (Re: الحاج حمد الحاج)
|
الحاج حمد فاتنى أن أشكرك يا صديق .. بعدين ما بتفرق معانا نحنا (كان فقير ولا فقيرى) لأنه غير
الناطقين بالعربية فقير بيقولوها فقيرى هههههه . ياوليد ليه نسيت قريبنا عامر شيخ طويل ما ياهو قاعد بجنبك
فى الصورة. بس الصورة الأولى جعفر حسن ملامحه غير واضحة. زمن صحى والله الحفلات زمان للصباح
وكان أجمل ما فيها لمتنا مع راشد وأبو عفان وربيع محمد شريف ...والحفلة لو فيها زيدان تكون الناقصة تمت..
غايتو الما حضر السبعينات وبدايات الثمانينات ماحضر حاجة.
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث ) (Re: شمس الدين ساتى)
|
ياشمس
Quote: الحاج حمد فاتنى أن أشكرك يا صديق .. بعدين ما بتفرق معانا نحنا (كان فقير ولا فقيرى) لأنه غير
الناطقين بالعربية فقير بيقولوها فقيرى هههههه |
والله قريت كلام الحاج اخونا ضحكت هو ماعارف نحنا في اسماء مودرن ودلع مابنسميها مراعاة لي اهلنا الكبار يظهر الحاج عايزنا ننادي بالانفصال شوف بالله في كم رطاني في البوست ...
Quote: ياوليد ليه نسيت قريبنا عامر شيخ طويل ما ياهو قاعد بجنبك
فى الصورة. |
ياخي والله ماشاء الله على نظرك عبدون ظالمك يادوب رجعت للصورة لقيت كلامك صاح عملت اتصال الى عبدون محمد عبدون صاحبك ياخي معاهو حق مايشتغل ببوست الشعبية كدى حاول اتصل عليهو وبتعرف الحاصل ياخي صابحك نسى التلفون في البيت تقول شنو تاني ... تحياتنا له والف حمدا على سلامة الجماعة ..
Quote: زمن صحى والله الحفلات زمان للصباح
وكان أجمل ما فيها لمتنا مع راشد وأبو عفان وربيع محمد شريف ...والحفلة لو فيها زيدان تكون الناقصة تمت..
غايتو الما حضر السبعينات وبدايات الثمانينات ماحضر حاجة. |
من الطرائف ياشمس متذكر لما مشينا زواج عصام الفحل ( ام درمان ) وحسب الحساسيات المعروفة بين اولاد امدرمان وبحري في الحفلات اول ما بص السيرة وقف تقوم انت تنزل اول واحد وترش اقرب ليك من اولاد امدرمان كف من النوع ابوكديس والشبكة تحصل .. والناس ترجع تواصل الحفلة وشمس الدين البطل يبقى سيدا هههههههه زمن ياشمس زمن
الحفله دي في المزاد والسيرة متحركة من حلتكم ياشمس خاصة بناس عبد الواحد وجل وود الخليفة اهلهم في المزاد لو تعرفهم (طمبل ) الصورة هناك في الخلف اقصى اليمين معتصم الحلفاوي وحسن المدير واقصى اليسار من الصورة عمر الزبير ومن الطرائف في هذا الحفل بعد نهاية الحفلة يقوم محمد طه الحلبي ( ود دبرك ) يقول إلا يحضر رقيص العروس والرقيص كان حاجة خاصة جوة البيت يعني ماعادي زينا في الشعبية تشوف بت الحلة ترقص قدامك يازول يقوم يعمل لينا مشكله لرب السماء نحاجز نحاجز غايتو حلينا المشكله لكن ضحكنا في ود دبرك المجنون يومين لم نتركه يقعد في الحجر ناصية الحلة ايام بهجة ياشمس وحلوة ... . . احكي ليك قصة قميصي بتاع الحفلة يازول عاطف موسى اشترى ليهو قميص سمح جديد وخطير بس في الصورة ماظاهر جماله اول ماوصل الحلة واخوك عارف الليله ماشين حفلة المزاد مع ناس الدعسان قلت ليهو ياعاطف ياخي قميصك دا مابنفع معاك دا بتاع شباب واولاد صغار قلت ليهو خلاص انا بجيب ليك قميص كويس وبشيل منك دا طبعا وافق وحتى ولو ما بدل قميص بقميص اخر لو طلبته منه كان قدمه لي هدية يازول شديت ليك القميص وزي ماشايف اخوك في الصورة قدام هه هه هه . . ياشمس اتصل على صاحبك عبدون ماتنسى
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث ) (Re: شمس الدين ساتى)
|
... رسالة خطها الأخ صلاح عبد الرحيم كوكو ( شقيق المرحوم الهادي عبد الرحيم كوكو ) وهو مقيم بأبوظبي .. والحقيقة أنه أرسلها للأخ ياسر جنابو الذي بدوره مررها لشخصي ورغم أنها تحوي مدحا لنا نحن لسنا بأهل له لكن ما فيها من معاني موجهة للأستاذ مصطفى لياقة جعلتنا أقفز فوق ما أطمة مدحا الى مظان الخير التي هي حقيقة في الأستاذ فها أنا من موجبات التأمين بالأمانة أعيد نشرها هنا .. رغم أنني فكرت في إجتزاء ما ناني من مدح فيها لكنني إرتأيت أن لا أدخل مقصي لمقتضيات الأمانة في النقل .. لكنني أوردها بعد أن يصل فحوها وأقول أن الأخ صلاح عبد الرحيم يستحق أن يكون معنا في هذا المحفل في معية الآخرين من أمثال ياسر جنابو
وهاهي الرسالة
Quote: From: [email protected] [email protected] To: [email protected] Subject: كلمة وفاء للأستاذ / مصطفي لياقة Date: Mon, 24 Jan 2011 23:14:02 +0400
أخي الكريم الأستاذ الجليل / مصطفي حسن الشيخ ( لياقة )
سلام من الله عليك ورحمات وبركات
ترددت كثيراً قبل أن أكاتبك ... ووجدت نفسي وأنا استجدي قلمي لكلمات ٍ تنا سب مقامقك الرفيع في القلوب ، بعدم أهليتي لهذه " المغامرة " ، فجلست أياماً أهز بجزع نخلة الآداب علّها تساقط عليّ حرفاً ندياً فأكتب به إليك .. ثم لتقر عيني بعد ذاك إذا مارايتك يوماً تهلّ عليّ فأمتّع ناظريً برؤياك البهية ، .. ولكنّ النخلة أبت أن تجود ونافست في بخلها ( الحطيئة وحميد الأرقط ) .. ثم تذكرت في لحظة ما فعله " يوسف عليه السلام " حين استخزن حنطة اليسر لسنوات العسر فعدت للذاكرة استخرج بعض المخزون فوجدت أن كل حروفي قد تلفت ولم تعد تصلح لصياغة كلمة لأنسان عادي ، فكيف مقالي هذا .. أمام مقامك ؟ . وأدركت لحظتها فداحة خطأي حينما لم أدع الحرف كما فعل يوسف في سنبله . ووصل بي المسير الي نهاية درب القناعة التامة ، وعلمت علم اليقين بأن مقام العارفين بعيد المدي ؛ وأن ادراك سر المرتقين لذري المجد غاية لا يدركها مثلي ، ورأيت أنه ليس من " اللياقة " أن أتحدث عن مصطفي لياقة ..
لهذا استميحك العذر اخي مصطفي إن رأيت فيما اقول أنّه غير مستوفي لحقك ، أو جاءت كلماتي باهتة أمام زهوك وأزدهارك فما أسخف " السهي " وهي تخاطب الشمس بقولها " أنت ِ خفية " وما أشدّ سفاهة الأرض وهي تحاول أنّ تطال السماء.. وما أرعن الدجي وهو يعّير الصباح بشفافية لونه . ولكنها مجرد محاولة من شخصي الضعيف للمشاركة في ثورة الفرح العارمة التي اجتاحت ذلك الحي الأنيق " الشعبية " مّما أفاق الخيال ليطوف بي في رحلة طويلة وأنا استرجع ماضي الذكريات عبر تلك اللقطات الفريدة التي صاحبت عرس الوفاء لشباب ٍ وشيوخ ٍ وآباء ٍ وأمهات وأخوة ٍ واصدقاء ، طالما لبسوا عمائم الأفراح وجلابيب الفخر والأعزاز ، فزانوا الشعبية حلاًّ وترتحالاً ، بأستثناءآتهم وتفردهم ، غير أن نجمك الوضاء استاذي مصطفي ظلّ متلألئاً في شتي سماوات المحافل فكنت زينة الكواكب .
نعم أخي واستاذي الجليل مصطفي ، منذ أن تعرفت عليك ونحن في مطلع الشباب ، شاهدتك بدءاً علي ملاعب ٍ ( لو سار فيها سليمان لسار بترجمان ) كيف لا وقد كنت واحداً من الأسا طين في عالم المجنونة ، حيث احتار " جنّة وإنس المستديرةّ " أمام صلابة متاريس كأنما شيدت بزبر الحديد ، ووقفوا مشدوهين وهم يحاولون أن ينفذوا من خلال بوابتك الفولاذية عابرين لمرمي ً تقف ُ أنت أمام حارسه (ذلك القصير العملاق محمد الحسن ) فكانوا يحاولون معك بالترغيب تارة وبالترهيب تارة اخري ، حتي اذا مايئسوا منك " ولم ينالوا مرماهم " رموك بحجر وولوا مدبرين . فكنت ُ استشهدُ بك دوماً عندما اراك وانت تقاتل بهذه الشراسة مدافعاً عن " نجوم الشعبية " في رابطة ديوم بحري قبل انتقالك لنادي (العامل ) ( وتلك ملحمة أخري) وابتسامتك الوضيئة تزين وجهك الصبوح فاستذكر عندها "عنترة " وهو يستحضر" عبلاه " في اشد ساعات الوغي ليلبسها درراً منظومة من أبهي الكلمات .
ما رأيتك يوماً مقطب الجبين ، ولعل هذه واحدة من اسرار " اكسير الشباب " المستدام ( خسئت عين لم تذكر الله عليك ) ، ما رأيتك يوماً في موقف لا يحب احد أن يُري فيه ، ما رأيتك يوماً وفي يدك " لفافة تبغ " وهي أدني المنكرات ، فحاشا لك من الكبائر . كنت ومازلت وستظل ذلك الأنسان الفنان المترف بالجمال ، والمتشبع بالحسن والخلق القويم ، ولن أنسي ابداً تلك الريشة الأنيقة التي كنت تمنح بها لوحاتك الفنية روعة وحسّاً تكاد تستنطق بها التصاوير العصية .
اذن فلا غرو أخي مصطفي أن يكون انسان مثلك .. خلقه الباريء من " طينة العلماء " الممتزجة بكل ألوان ماء الجمال إلا رجلاً كتب الله له السعادة "رغم شقاء المهنة" وهيأه لأعظم وأنبل الرسالات الأنسانية وغسل وجدانياته من ينابيع الصفاء ليكون مصطفاً من بين رجالات العلم في بلادي ، فقد عرفتك ايضاً مربياً قبل أن تكون معلّماً من طراز فريد يكنّ لك كلّ اقرانك وطلابك من التقدير والأجلال ما قد يرقي "إن لم أبالغ " مرحلة " التقديس" وليس هناك اعظم تقديراً وأرقي شهادة من حديث رسول الله صلي الله عليه وسلم للمعلم حين قال ( الأ أخبركم بأجود الأجواد قالوا بلي يارسول الله قال : الله أجود الأجواد وأنا اجود ولد آدم ومن بعدي رجل علّم علماً فنشره ) فلله درّك من معلّم ، ولله درّ المعلمين .
وليس في الأمر عجب إن جاء تكريمكم أخي مصطفي من شباب الشعبية فهم اكثر الناس دراية وعلماً بأستاذهم المنار .. وابنهم البار .. وعلمهم الذي علي راسه النار .
ولا عجب ايضاً أن يكون علي رأس هذه الكتيبة التي قادت " ثورة الأفراح " ذلك الشاب الألمعي ، ذو الهمة والمعرفة بالناس ‘ خفيف الظل ، زاهي الحضور ، الممتليء نبلاً وإحساساً، والذي لازمته في غربة طويلة امتدت فوق العشرين كان فيها كما رأيته أول مرة في ذلك الحي الوديع لم يغرره بريق الأغتراب الزائف ، ولم تلهه اضواء الشهرة بالتواصل الحميم .. والتساؤل المستديم عن الصغير قبل الكبير، انه هو ..... صلاح محمد عبد الدائم ( شكوكو ) ولن اتحدث عنه كثيراً لأني أعرف طبعه جيداً فهو لايحب اللعب في مثل هذه " الخانات "
وإن كان من اسف ولوعة بعدم تمكني من المشاركة في ذاك اليوم الأغر ، فلن يكون تأسفي وحسرتي أكبر من لوعة وحسرة كل ابناء الشعبية لغياب صديقك وحبيب الجميع أخي (عبد الهادي كوكو ) يرحمه الله ، فقد تخيلته وهو يطوف ارجاء الحفل يوزع ابتسامته البرئية بكل اريحيته وصفاء قلبه الطفل لكل الحضور في زمن عزّت فيه الأبتسامة .
لك حبي وتقديري وعظيم امتناني أخي مصطفي .
أخوك / صلاح الدين عبد الرحيم كوكو |
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث) (Re: Mohd Mubarak)
|
مشاركة ام التيمان حدباي قال :
Quote: تحسبها .. مابتغطي معاك تصبنها .. ما في زول برجاك تدقها Head تجيك بوراك تلفها .. ديل يلفوا معاك
تبطبط .. يقولوا داك بطبط تنطط .. يتعبوك بالنط تنقرط .. تبقي ضكر البط تسكسك .. يقولوا واقف لط
تفرح .. تضحك الأقدار تحفر .. يقرصك صرصار تدنقر .. يقولوا زول دنقار تعاين .. يضربك دفار تصنقع .. تلقي قلبك طار تهبشوا .. تلقي لسع حار
|
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث) (Re: خالد درق)
|
أستاذي وأخي الأكبر صلاح عبدالرحيم كوكو تحية لشخصك الحبيب وليراعك الندي وفاءاً وصدقاً، ملأت كلماتك لأخيك وزميلك أستاذنا مصطفى قلبي غبطة وفرحاً. فإن كان ثناء تلاميذ أستاذ مصطفى عليه وفاءاً، فثناؤك عليه قمة الوفاء وغاية النبل. وشهادتك للرجل بمكارم الأخلاق تشهد لك بأصالة المعدن ونقاء السريرة وحسن الخلق. وما عرفناك إلا كذلك وما أحببناك إلا لذلك. ولعل كل من قرأ كلماتك قد أحس مثلي بأنه لم يزل للوفاء والصفاء مكان في دنيانا وإن أصبحا من أندر السلع. لك أخي وأستاذي خالص الود والتقدير. وأترحم على روح أخي الهادي الذي كان نعم الأخ والذي فجعنا فراقه وألمنا غيابه. نسأل الله له الرحمة وحسن القبول وأن يبارك الله في ذريته وأهله. أتمنى أن تطل على سماء بوست الشعبية ولو بزيارة خاطفة. أخوك أمير قناوي
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث) (Re: خالد درق)
|
اهلى الحنان بالشعبيه والله الشوق بحر لكن ما باليد حيله اعتذر بشده لظروف خارجة عن الاراده ولكنى متابع عبر البوست احيانا عندما اجد الفرصه للمرور او عبر الاخ والصديق العزيز وليدعبر الهاتف اولا اترحم لكل من فقدناهم بالشعبية ولكل الاهل بالشعبية العزاء لكل الاهل وربنا يرحمهم جميعا وكذلك كل من لزم السرير الابيض اتمنى له الشفاء العاجل وربنا يواليهم بالصحة والعافية وكلك تحياتى لكل من اختفى عن البوست وللجميع بدون فرز تحياتى وتقديرى لصاحب النواضر الاخ شكوكو الذى ظل دائما قلبه على الشعبيه سواء ان كان عبر البوست بقلمه المبدع او بتكريم المبدعين والاعلام بالشعبية واننى لاتقدم له باعتذارى بعدم المشاركة وذلك لظروف خارجه عن الارادة ولك شكرى وتقديرى وللجميع الى ان يجمعنا الله فى ساعة خير لكم تحياتى واشواقى
فيصل عبد الله محمود
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث) (Re: وليد عبد اللطيف)
|
الاخ العزيز وليد كيف حالك وكيف الاهل الوالده والاولاد عساهم بخير وبالاخص الوالده والله يا وليد مشتاق للجميع والنيه فى للزياره باذن الله وسوف ابلغك بذلك عن قريب انشاء الله يحياتى للاخ عماد ولكل الاخوان الذين معك بجده وعاملين كيف مع الامطار دى ربنا يجيب العواقب سليمه انشاء الله ولك شكرى وتقديرى ولجميع اهلى الحنان
فيصل عبد الله / الكوارتى
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث) (Re: عماد الدين عبدالله)
|
<>يا جماعة بلغني خبر وفاة عمنا عثمان، والد أخونا: عادل عكاشة، من حلة الجهاد، نسأل الله أن يغفر له ويرحمه ويسكنه فسيح جناته! والله كان من أطيب خلق الله، ومنتهى الرقة والهيبة والاحترام، نسأل الله أن يسكب على قبره شآبيب الرحمة والرضوان! آميييييييييين! وأن يلهم أخانا عادل وجميع أفراد الأسرة الكريمة الصبر وحسن العزاء!<> الغريبة هذا الخبر له حوالي أسبوعين، ولم أعلم به إلا عصر اليوم من الأخ أحمد أبوقرجة، الذي علم به كذلك اليوم، وأيضاً عرفته من الأخ سامي جمعة! فأرجو من الإخوة وهبة وبدر الدين، أن يبلغوا تعازينا الحارة للأخ عادل، وأن يمدونا بتلفونه في السودان!
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث) (Re: صلاح عباس فقير)
|
صلاح عبد الرحيم كوكو:
Quote: ما رأيتك يوماً مقطب الجبين ، ولعل هذه واحدة من أسرار " إكسير الشباب " المستدام ( خسئت عين لم تذكر الله عليك ) ، ما رأيتك يوماً في موقف لا يحب احد أن يُري فيه ، ما رأيتك يوماً وفي يدك " لفافة تبغ " وهي أدني المنكرات ، فحاشا لك من الكبائر . كنت وما زلت وستظل ذلك الأنسان الفنان المترف بالجمال ، والمتشبع بالحسن والخلق القويم ! |
وهذا هو واحدٌ من أسباب التداعي العفوي لتكريم أستاذ مصطفى! وفي تكريمه لا شكّ تكريم لكل أساتذتنا الأفاضل، ولكن: المطلوب الآن من الأخ الحاج حمد، هو: المسارعة بضم الأخ صلاح عبد الرحيم كوكو، إلى قائمة أبناء الشعبية بسودانيز أونلاين! فهو كاتب متميز، يمتلك ناصية العبارة، كما يقولون! فهيا يا حاج!
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث) (Re: صلاح عباس فقير)
|
..
فيصل عبد الله
Quote: تحياتى وتقديرى لصاحب النواضر الاخ شكوكو الذى ظل دائما قلبه على الشعبيه سواء ان كان عبر البوست بقلمه المبدع او بتكريم |
لك التحية والود أخي فيصل والحقيقة إفتقدناك لكنننا أدرجنا غيابك في طيات الظروف وندرك أنك لولا ظروفك لكنت في مدارج المواجهة .. لكننا سددنا وقاربنا الخطى والكتوف وأنبن عنك وعن كل الذين حالت الظروف دون ظهورهم وقد كان التكريم بإسمكم جميعا ..
والحقيقة أن الأستاذ ( مصطفى ) مازال يتصل شاكرنا وممتنا لكم جميعا تكريمه بين أهله وجيرانه .. وصحبه ..
ولعله في إنتظار مصافحتكم فردا فردا .. بل أن ردود أفعال طيبة أتلقاها من أناس كثيرين في اقاصي المعمورة يشيدون بدوركم في التكريم
فلا تبتئس أخي لأنك كنت بيننا حضورا زاهيا مع الجميع والتحية للأخ ( حاج حمد ) الذي أنشأ لنا دارا وناديا إسفيريا لنلامس بأفكارنا أرض الواقع محطمين أطر البعد الجغرافي التي حالت دون الإلتقاء المادي لكن يكفي أننا نتلاقى وجدانيا .
مع الود
.
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث) (Re: صلاح شكوكو)
|
للوالد عثمان الرحمة والمغفرة وجنات الخلد وتعازينا للاخ عادل عكاشة والاسرة الكريمة انا لله وانا اليه راجعون
** اللهم : يا حنان يا منان واسع الغفران اغفر له وارحمه وعافه واعف عنه وأكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الأبيض من الدنس . ** اللهم : أبدله دارا خيرا من دارة وأهلا خير من أهله وزوجا خيرا من زوجه وادخله الجنة وأعذه من عذاب القبر ومن عذاب النار . ** اللهم : عامله بما أنت أهله ولا تعامله بما هو أهله . ** اللهم : اجزه عن الإحسان إحسانا وعن الإساءة عفوا وغفرانا . ** اللهم : إن كان محسنا فزد في حسناته وإن كان مسيئا فتجاوز عنه يا رب العالمين . ** اللهم : أدخله الجنة من غير مناقشة حساب ولا سابقة عذاب . ** اللهم : أنزله منزلا مباركا وأنت خير المنزلين . ** اللهم : أنزله منازل الصديقين والشهداء والصالحين وحسن أولئك رفيقا . ** اللهم : اجعل قبره روضة من رياض الجنة ولا تجعله حفرة من حفر النار. ** اللهم : أفسح له في قبره مد بصرة وافرش قبره من فراش الجنة . ** اللهم : أعذه من عذاب القبر وجاف الأرض عن جنبيه . ** اللهم : املأ قبره بالرضا والنور والفسحة والسرور . ** اللهم : قه السيئات (( ومن تق السيئات يومئذ فقد رحمته )) . ** اللهم : اغفر له في المهديين واخلفه في عقبه في الغابرين واغفر لنا وله يا رب العالمين وأفسح له في قبره ونور له فيه . ** اللهم : انه في ذمتك وحبل جوارك فقه فتنه القبر وعذاب النار وأنت أهل الوفاء والحق فاغفر له وارحمه وأنت الغفور الرحيم .
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث) (Re: عماد الدين عبدالله)
|
Quote:
للوالد عثمان الرحمة والمغفرة وجنات الخلد وتعازينا للاخ عادل عكاشة والاسرة الكريمة انا لله وانا اليه راجعون
** اللهم : يا حنان يا منان واسع الغفران اغفر له وارحمه وعافه واعف عنه وأكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الأبيض من الدنس . ** اللهم : أبدله دارا خيرا من دارة وأهلا خير من أهله وزوجا خيرا من زوجه وادخله الجنة وأعذه من عذاب القبر ومن عذاب النار . ** اللهم : عامله بما أنت أهله ولا تعامله بما هو أهله . ** اللهم : اجزه عن الإحسان إحسانا وعن الإساءة عفوا وغفرانا . ** اللهم : إن كان محسنا فزد في حسناته وإن كان مسيئا فتجاوز عنه يا رب العالمين . ** اللهم : أدخله الجنة من غير مناقشة حساب ولا سابقة عذاب . ** اللهم : أنزله منزلا مباركا وأنت خير المنزلين . ** اللهم : أنزله منازل الصديقين والشهداء والصالحين وحسن أولئك رفيقا . ** اللهم : اجعل قبره روضة من رياض الجنة ولا تجعله حفرة من حفر النار. ** اللهم : أفسح له في قبره مد بصرة وافرش قبره من فراش الجنة . ** اللهم : أعذه من عذاب القبر وجاف الأرض عن جنبيه . ** اللهم : املأ قبره بالرضا والنور والفسحة والسرور . ** اللهم : قه السيئات (( ومن تق السيئات يومئذ فقد رحمته )) . ** اللهم : اغفر له في المهديين واخلفه في عقبه في الغابرين واغفر لنا وله يا رب العالمين وأفسح له في قبره ونور له فيه . ** اللهم : انه في ذمتك وحبل جوارك فقه فتنه القبر وعذاب النار وأنت أهل الوفاء والحق فاغفر له وارحمه وأنت الغفور الرحيم
|
عزالدين عباس الفحل ابوظبي
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث) (Re: وليد عبد اللطيف)
|
ألف مبروك لأخي خالد درق وإلى مزيد من النجاح.
سلامات أخي فيصل عبد الله محمود وأختي د. ستنا خضر.
أخي صلاح عباس قرأت مقالك عن أحداث غرق المركب وتأثرت كثيراً وكأنه لم تمر على تلك الكارثة خمسون عاماً. وقد هاتفت أمي بالأمس وتحدثنا في الموضوع فتأثرت هي أيضاً كثيراً. لك منها السلام. تعازينا للاخ عادل عكاشة والاسرة الكريمة ونسأل للعم عثمان الرحمة والمغفرة وجنات الخلد. إنا لله وإنا إليه راجعون.
ونترحم على شهداء مصر ونؤآزر شبابها الثائر ضد الظلم ولطغيان. أللهم أنصرهم على من ظلمهم.
| |
|
|
|
|
|
|
Re: الشعبية نجمة تزين سماء مدينة الخرطوم بحري (الجزء الثالث) (Re: أمير قناوي)
|
للوالد عثمان الرحمة والمغفرة وجنات الخلد وتعازينا للاخ عادل عكاشة والاسرة الكريمة انا لله وانا اليه راجعون
** اللهم : يا حنان يا منان واسع الغفران اغفر له وارحمه وعافه واعف عنه وأكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الأبيض من الدنس . ** اللهم : أبدله دارا خيرا من دارة وأهلا خير من أهله وزوجا خيرا من زوجه وادخله الجنة وأعذه من عذاب القبر ومن عذاب النار . ** اللهم : عامله بما أنت أهله ولا تعامله بما هو أهله . ** اللهم : اجزه عن الإحسان إحسانا وعن الإساءة عفوا وغفرانا . ** اللهم : إن كان محسنا فزد في حسناته وإن كان مسيئا فتجاوز عنه يا رب العالمين . ** اللهم : أدخله الجنة من غير مناقشة حساب ولا سابقة عذاب . ** اللهم : أنزله منزلا مباركا وأنت خير المنزلين . ** اللهم : أنزله منازل الصديقين والشهداء والصالحين وحسن أولئك رفيقا .
| |
|
|
|
|
|
|
|