الشعبية نجمة تزين سماء مدينة الخرطوم بحري (الجزء الثاني)

Quote: الاخ فيصل عبد الله محمود تسال منك العافيه ونقول ليك ليه ما جيت يومها محضرة شعوري اجي وحضرتا شعوري وسنيت سنوني وبريت اقلام الكي برود تقوم تضرب لي صحبتا لي تذكرني بي مواعيد جاتني دعوة لحضور ندوة عاملاها زوجه واحد دبلوماسي عربي وانا مع الوعكه الصحيه نسيت اها اتاريهو جا يومها وقمتا شمرتا ديك يالفول سوود الما خمج واتمرتا وجات صحبتي دي ومشينا اها وصلنا ليك بيت السفير الما خمج منطقه راقيه وعلم السفارة وحرس توقف العربيه يجي يسوقها واحد وجايبين ليهم شافعات شايلات اعلام الدوله وادونا زهرة وعلم وبنات ماشاء الله يتستقبلن المدعوات وفي البيتكلمن عربي لبانيات وفي للخواجات اها تمد الدعوة من الباب تجيكا ديك يالبنيه البتمسخ عليك الحياة وتوريك شناتك المرة لما تقارن نفسك بيها وتحسسك انك ملك وجيت انا قربتا اعيد الدخله كم مرة ( فرصه يا شاميه ) اها الجونينه على قول المصريون وحمام السباح وتمر لغايت ما تصل صالون في صالون وتقيف لغايت ما تسلم على طويلة العمر العلى يمنيها منو وعلى شمالها منو المهم هيصه وبروتكول وسلمنا عليها وست في غايه الاوبهه ووواقفه البنيه الجات معانا ديكي تقول اسمك وانت بتسوي في شنو في البلد اها تك تك تك صورونا معا الست ودخلنا جوا صالون كبير طبعا صورة طويل العمرالحالي وطويل الاجل ابوه والله يطول في عمرو عمو والربنا منعم عليهو راجل بت خالت ود اخوهو المهم تنقش تنقش دخلنا والناس كتار بالحيل ولقيت لي ناس باعرفوم ندوة كبيرة وقبل ما تقبل كميه من الزهور وبوفيه مفتوح فيه خيرات ربنا ومبخر كبير اطول مني طالع منه بخور سمح وما قلتا ليك لما سلمنا على الست صاحبة الدعوة جنبها واحدة ادتنا عطر في يدنا وواحدة ماسكه ليها مبخر كل زول اجي تكشح فيهو بخور المهم الخواجات العندو ازمه الله معاهو ما اطول عليك يا سيدي دخلنا صالونا داك وحضور انيق وفي سماعات للترجمه ومترجمين واحد للعربي اليوناني وواحد للعربي انقليزي وواحدة للعربي فرنسي وكل مرة يكبوا في مبخرهم الاطول مني داك بخور وكل ما تتلفت ناس الفندقه والضيافه يجو يغيروا ليك كبايه العصير المهم الناس عزهم فايت الحد يلا عزفزا السلام الوطني بتاعوم وجلسنا وبدت الندوة وجاتنا طويله العمر بي فستان تاني وكل واحد من الخواجات معط ليهو مايك لبسوا في اضانو للترجمه المهم وبدت طويله العمر في الكلام لكن بعد ما سلت روحنا لاننا سمعنا كلام ستين واحد عنها وعن شهاداتها العلميه وعن خبراتها وعرضوا لينا شريط تسجيلي عن اعمالها وهي بتقلد شنو في بلدها وشنو عملت وعندها كم دكتوراه فخريه الله يزيد ويبارك المهم طل القمر علينا ونحنا ديك يالصفقه الما شترا البتليق بي مقامها وبدت تحكي لينا انها عايزا تقول في الندوة عن بعض الحاجات الممكن تسهل على ست البيت بعض الامور الممكن تكون صعبه وبدت لينا وجابوا لينا فلبينه معاها طشت وفي يدها بلوزة ومعاها شوكولاتا وقلات لينا كيف نطلع الشكولاتا من البلوزة المهم كلمتنا كيف نعمل كدا مشكورة طبعا لامن تعاين في الحضور اغلبهم نائبات في البرلمان او من الناشطات في المجتمع المدني او اكاديميات وكميه من نساء السلك الدبلماسي العربي والاجنبي وفي وزيرة وفي سيدة بدرجه وزيره في وزارة الخارجيه وفي دبلوماسيات يعني ما اظن واحدة من الحريم ديل بتفتح ليها غساله الا انا مريم الشقيه دي المهم بقيت اعاين لي الحضور واتخيل ياربي واحدة من ديل ممكن تكون بتمرش ليها بلوزة فيها شوكولاته ما علينا نتم ليك اها التجربه التانيه العايزة تشاركنا فيها كانت كيف نقطع البصل بدون ما ندمع وانا اشيل واعاين اول شي واحدة من الحضور العرب ديل شكلها دخلت ليها مطبخ في حياتها ما اظن ولا حتى الخواجيات ديل ما بعرف اكان ما بخاف الكزب اقول في بيوتن مافي مطابخ زاتو كلهن ضعيفات شكلون ما بيديك على قطيع بصل المهم انتا متخيل معاي المترجمين والخواجات كل زول جاري ليهو مايك يسمع انا زاتي قلتا كدي النتفلهم امكن في الترجمه تكون الفكرة غير وجريت المايك قلتا كدي النسمع اها ندهت سكرتيرتها لي طويله العمر على ميري الفلبنيه دي غير الاولي بتاعت الشكولاته وجاتنا بالله تحلف تقول دكتورة عقيد في السلاح الطبي حلاتها ميري يا يما اريتها ميري السرور اها لبست الجونتيات تحلف تقول داخله حسا تعمل ليها عمليه وجابت البصل والسكين والست تقول ودي السكين ميري ترفع لينا السكين تعرفنا عليها وتقول لينا وتجيبوا البصله وميري ما بتقصر ترفع لينا في البصله تورينا ليها وانا اعاين للناس رايت كميه من الدهشه عمري ما شفتها المهم ميري عملت بكل تعليمات طويله العمر وقطعت جزء من البصله وختته فوق راسها وبدت تقطع لينا في البصله والست مصرة وملحه انو ما ح يكون في دموع انا قلتا المترجم دا ما ياهو ومعطتا ليك المايك قلتا سمح النضم في خشم سيدو ولازم اخد الكلام من المصدر ( الله يسامحني ظلمتا المترجم ) لقيت ليك طويله العمر بتتكلم عن انو خلاص وداعا للدموع والست بتقطع في البصل وتقوم علاشان تدعم كلامها تقول لينا وتحرضنا نرى وجه ميري والله يا جماعه الساعه الميري وشها جانا في شاشه كبيره فوق راس طويله العمر اقسم بالله ميري دموعها نازله عشرة عشرة طبعا طويله العمر مصرة على الفكرة انا اتحيرتا قلتا حسا نصدق طويله العمر القيافه دي ولا نصدق دموع ميري بقيت اعاين في الحضور اقسم بالله كميه الدهشه الشفتها تاني ما باندهش طول عمري والست مواصله وميري الدموع قربت تغرقنا انا الفيني كلمت وما بقدر اضحك الموقف صعيب يا ناس ما رحمني الا ان الناس اتفقعت بالضحك لانهم برضو كانوا مستغريبن اها رفعت الندوة للاستراحه والله بقيت اعاين في يدين الستات الجن الندوة بالله دي يدين بصل ولا سكاكين يدين كلها الماظات دي اليدين العربيه ويدين الخواجيات ناعمه ما شكلها يوم يوم ساكت شافن ليهن بصله الله قادر وسبحان الله المهم بعد الندوة المهمه دي كل مدعوه لما تجي تغادر بيت طويل العمر برضو بيوصلنك البنوت السمحات لغايت العربيه وبيدوك سبت ورد وشنطه هدايا فيها كميه من العطور والبخور ومبخر كهربا وساعه يد فيها صورة طويله العمر ونتيجه للعام الجديد الخلفيه بتاعتها صور لي طويله العمر في اعمال خيريه ودوسيه فيهو اعمالها القامت بيها دقيقا ما انسى وكمان لبان سمح والله ودايرني اجي يومها البوست انا زاتو وصلتا البيت كيف ما بعرف لانو انا وصحبتي من الضحك بقت ما قادرة تسوق ولا انا علاشان كدا سوري على حبوب البندول البلعتوها وباعوضه ليكم ( سمعتك يالقلتا لا حولا سمعتك ) روما