الشعبية نجمة تزين سماء مدينة الخرطوم بحري (الجزء الثاني)

Quote: السلام عليكم ورحمة الله وبركاته أخي الفاضل الدكتور/ أمير قناوي كيف الحال والأحوال طبعاً مفاجأة غريبة مش كده، أخوك شهاب مرسي فؤاد مدرسة الشعببية الإبتدائية جنوب من 71 حتى 76، وعبر تصفحي لسودانيز أون لاين تحصلت على ال إيميل بتاعك، ودخلت في قصصك مع الأستاذ سمير (قولوا حلاوة) لو تذكر هذه العبارة. أنا متواجد بالدوحة - قطر منذ عام 1990 وبالتأكيد عندك فكرة بالأخ عزام فرح بالدوحة ، وسبحان الله قبل فترة تلاقيت معاه في المقابر لدفن أحد السودانيين رحمه الله وإنت بتعرف عزام وقصصه المتشابكة ف الدقيقة الواحدة تكون طلعت ب 60 قصة مختلفة، فجاب سيرتك وهو اللي عرفني بالموقع ده عموماً أنا سعدت كثيراً برؤية صورتك في البورد وذي ما بيقولوا ياكا أمير ما تغير فيك شئ من الإبتدائي حتى الأن ماشاء الله ونمسك الخشب وربنا يديك الف عافية وصحة ويوفقك يادفعة الإبتدائي الجميلة وأيام أستاذ حسن وأستاذ فضل وأستاذ ، وطبعاً الواحد عايز مجموعة زيك كده عشان يتذكر بقية الأساتذة والشباب الدرسوا معانا اللي بذكر منهم القليل صراحة أمثال أمير قناوي ياسر حامد الطويل وبدر الدين إسحق عوض دياب ومتوكل عادل بابكر ومحمد الحسن كردفاني ورشاد بابتوت عليه الرحمة ونعيم إرسان القبطي أسامة أبودية محمد الحسن نمر وياسلام على حصة الرياضة الكانت مختلطة مع مدرسة الشعبية بنات جيرانا الحيطة بالحيطة والحيطة قصيرة بعد إنتهاء اليوم الدراسي، وأيام الفطارة دهبية (دهباية) وكان لي مكان خاص عندها فطوري محجوز دايماً عندها حتى لو خلص الفطور. تحياتي لك يا دكتور وأتمنى التواصل. بالمناسبة أنا كان جيت ألمانيا ف 2005 مع أسرتي لمدة 20 يوم وكنا في برلين وتنقلنا الى شتوتجارد ونورنبيرج وتتلينجن وأُبر كوخين، فهل كنت متواجد في تلك الفترة بألمانيا لا أطيل عليك ياقناوي بس حقيقي حسيت انه عايز أعيد ذكريات المدارس بالرغم من إني كنت من سكان المزاد سلوى بتوتيك وإلى لقاء آخر تحياتي