الشعبية نجمة تزين سماء مدينة الخرطوم بحري

Quote: ردا للاخ الفاضل ود كنه :- ياود كنه ياخرخار ما تخلينا ندك الاسوار ونطلع الشمار عايز توقع بيني وبين المستشار ومن حبنا للشعبية بنقتنع بالغنماية حتى المستشار وما تنساها علاقة حب وهو من خيار الدار وما تنسى كمان انه علم وعلى راسه نار خلاص ياود طه عشان زهير وشكوكو ليهو افضل جار ايه رايك لو نسدل الستار ونقول مبروك البراءه وثلج وبرداعلينا سيف ود طه المستشار . وفي مره من المرات ياعبدون وياحاجنا اخوكم مجدي كنه يقول لينا ارحكم معاي وعندنا افتتاح فرع في الرهد وطبعا اخوكم مفتح والمؤمن لا يلدغ من الجحر مرتين وقلت ليهو حدي معاك الخرطوم يقوم حبيبي حاتم كربوج وكما يحلو ليك ياعابدون ( حتو )يقوم يدقس ويقول ليهو ما عندك مشكله . اها تبدا الرحلة وكان مشوار ساعتين .وحاتم يجيني تاني يوم ويحكي كيف كانت الرحله . اولا مشوار الساعتين بقى يوم وقال كل لساتك الحافله السبعه ضربت في الطريق واليوم داك وحاتك ياوليد برق ورعد من الساعة 3 ونزل المطر وشوف كمان الطين قبل المباراه ومجدي كنه يغدينا سندوتشات قال حتو وقفت في النص وانا محتار ووزعت الجماعة انت جنح وانت سربك وانت احرس بعد داك تعال شوف المحاورة والمراوغة وانتو عارفين ود الكرابيج قال خليت ليك الرهد كلها واقعين في الطين وطلعت من الميدان قلت لمجدي كنه دي حالتها مغدينا سندوتشات ولو كان غداء مكرب كنت قلت ليكم اقعدوا في الخرطوم وانا براي بقوم بالواجب . ياعابدون تخيل يادوب في السعوديه اكتشفت الضب مدافعكم ابن عم كربوج ياخي الشعبية دي غريبة جدا لا تستطع تفرق بين الاخوان والاصدقاء وتعرف انا في كثير من الناس يسألوني انت اخو حيدر الجقدلي اقول نعم انت اخو ناس كمال الزبير اقول نعم وتحيا شعبية العظام .يامجدي كنه (الزعيم ) ياعسل متين راجع لان عندي معاك ونسه خاصه جدا ودقاقه وهنا ما بتتحمل وممكن تسجل تلفونك .وياعابدون (حتو ) بسلم عليك وعلى كل الشباب في البوست وكما تعلم اولاد الكرابيج خارج الملعب يختلفون جدا .