الشعبية نجمة تزين سماء مدينة الخرطوم بحري

Quote: إلى: [email protected] بسم الله الرحمن الرحيم الاخ وليد اخواني الاعزاء كل عام وانتم بالف خير مبروك الصفحة المية وعقبال ال1000 شكري وتقديري للاخ الحاج حمد الذي ابتدر فكرة هذاالبوست الذي جمعنا جميعا علي حب الشعبية والله يا دكتور امير القصة معبرة جدا وتدل علي افقك الواسع وزكرتني باشياء من الطفولة (ابوي جا،ابوي جا)ما اتخيل واحد فينا ما قالها!خاصة عند رؤيتنا للوالد وهو داخل علي الشارع وبنكون مدورين لعب ندخل علي البيت وفرحانين ومبشرين من بالداخل بقدومه وكمان لو شايل اي حاجة معاه (بطيخ مثلا) ،تكون الفرحة فرحتين بقدومه وبالحاجة ..ا لشايلة،كانت ايام جميلة البروفيسر عبدالرحمن ابراهيم احمد مشكور علي السرد الرائع لنشوء الشعبية وفرحة الناس باستلام بيوتهم اذكر مرة الوالدة الله يديها العافية ذكرت لنا كيف اشتروا البيت قالت كنا نسكن الختمية ومؤجرين معانا آخرين والبيوت ضيقة ولضيق ذات اليد تسكن كم عائلة مع بعض وعندما عرفوا بان الرئيس عبود سيسلم بيوت فباعت ما تمتلك من ذهب واشتروا البيت ،وذكر لي احد الجيران بان والدي عليه الرحمة عندما اتي للاستلام وجدهم ساكنين وانبسط بمعرفتهم وقال ليهم الجار قبل الدار وهم قاموا بالواجب واكتر والي الان جيرتنا حلوة وكانت البيوت غرفتين خلف خلاف ومافيها برندات والتكل (المطبخ)والبعض عملوا اوضة صغيرة وعملوا رواكيب للطبخ وطبعا بعد داك كل غير في المبني حسب مزاجه ولكن ظلت المحبة والطيبة والمجاملات الحلوة وربنا يديمها علي الجميع الاخ عادل عثمان كل سنة وانت طيب اعتقد الصورة لشخصك وكما قال عماد احمد في التمانينات :اخي وليد في مداخلة لدكتور اميرقال وحتى لايضيع هذا الإقتراح في الزحمة أستسمح الجميع باعتبارهم موافقين إذا لم يبدوا إعتراضا قبل سماع رأي عبدون. عشان كده مافي اي احراج من كلامك موافقة على اقتراحكم ،وكلنا بتهمنا مصلحة الشعبية هسي ال ذي ده ياوليد بواصلكم مرة مرة واهو كل واحد وظروفه وربنا يقدرنا علي العطاء للشعبية ولكم ودي اختكم ستنا خضر

(عدل بواسطة وليد عبد اللطيف on 12-02-2009, 10:02 PM)