المصلون متجهون نحو الحرم المكي و لاحظ جمال الساحات التي تحيط بالحرم و قرب أداء الصلاة تكون ممتلئة بالمصلين و الأرضيات من نوع خاص من الرخام تكون باردة حتى مع حرارة الجو.
11-21-2009, 03:06 PM
Emad Ahmed
Emad Ahmed
تاريخ التسجيل: 08-12-2009
مجموع المشاركات: 12705
بقضاء الله وقدره،وفي حادث حركة بالمملكه العربيه،لبي نداء ربه الشاب الخلوق،احمد محمد عمسيب. والفقيد اخ كل من امام عمسيب،وعمسيب محمد بالسعوديه ويقطنون بالمنزل الذي علي اليسار منا،والفقيد يصغرنا كثيرا،لذلك قد لا يتعرف عليه معظمكم لكنه كان دمث الاخلاق،ومثال للشاب المكافح والصبور. فقد اكتفي بتعليمه الثانوي،وهاجر للسعوديه لتوفير العيش الكريم لاهله واشقائه الاصغر. رغم نبوغه وتفتق ذهنيته. وانا اذ انعيه،انعي خصاله الحميده ودماثة خلقه،ونبله وكرمه. وتعازينا لكل الاهل بالشعبية،الوالد عمسيب والوالدة حاجه هديه،في كبدهما،الله ما اعطي والله ما اخذ ونسال العلي القدير،ان يتقبله قبولا حسنا،ويسكنه رحاب الجنان مع الصدقين والشهداء وحسن اؤلئك رفيقا. ان لله وان اليه راجعون.
11-21-2009, 07:34 PM
مريم عبد الله
مريم عبد الله
تاريخ التسجيل: 10-09-2009
مجموع المشاركات: 1448
دكتور عماد تسأل منك العافية الوالدة الان تمام التمام من الطرائف يوم الكورة قلت لها مين تشجعي مصر ام الجزائر فقالت: جارك دارك (يعني مع مصر )
بكري ابوبكر معجزة سودانيز وهو من تسبب لنا ان نجتمع مره اخرى
الكريم سيد الحوش ود حمد صاحب الابتاسمه الساحره له الفضل مع اخونا بكري ابوبكر تجميع الطيور المهاجره مع ابناء الحي (الداخل)لكي يغردوا سويا في سماء الشعبية
يامنير يامنير يامنير يامنيررررررررررر
--------------- ودحمد ياخي عندي صور عندك صورتك ليها في بيتكم وينا
11-21-2009, 07:22 PM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
بسم الله الرحمان الرحيم. السلام عليكم ورحمة الله وبركاته كيفكم يا ناسنا .. ان شاء الله طيبين .. الحكاية شنو يا جماعة بقيتوا طايرين بسرعة مليون والواحد ما قادر يتابع .. إلا يجي داخل البوست وهو جاكي ..
الحاج حمد مبروك الزيارة لأبو ابراهيم عليه افضل الصلاة وأتم التسليم .. . زيارة مقبولة ان شاء الله.
ياعبدون يا ليت اقتراحك يسير ويبلغ غاياته ..وياريت مستقبلآ الواحد يوم الجمعة الصباح يكون قاعد بيشرب في الشاي من الصباح يرسل الولد يمشي الكشك يجيب ملحق الشعبية الاسبوعي ، واللا كيف؟..
عمدة ياعمدة ياسقد قلت لي غالبك النوم؟ .. ياخي إنت ساعة تبدأ سهرتك أنا يادوبك اكون جيت من الشغل .. تقول لي سهر هههه... وبعدين نصايح عبدون دي دايرة ليها زول اساسآ رياضي زي عبدون زاتو .. وصراحة نحن زاتو النايمين ليها شنو.. إذا اصلو الواحد الله اداهو لياقة للصحيان ما يصحي ..
وهبة الغنية السمحة دي جبتها من وين؟ والفنان ده منو الصوته زي علي اللحو ده؟.. قمة الروعة ..
روما الله يديك العافية وتحاياك بلغت للولد محمد وأمه ، ويبلغوك السلام .. واخيرآ طليتي علي الشاشة الكريستالية .. وأنا قلت كدي الافتش ذاكرتي واشوف لو كنتي من بنات المدارس الصغار الكانوا بيمروا بشارعنا عندما كنا بنزحزح من ضل حيطة لضل حيطة ونحن كبار نعاين للماشي والغاشي .. لكين اتذكرت إنو ناس حلتكم نادرآ ما بيمروا بشارعنا لأنو اقرب ليكم بشارع ناس عوض كيخة .. حتي إنو شمس الدين ده ، ما تشوفي الفصاحة دي، عمره ما مر بشارعنا .. بس من ناس زاهر عبدالمجيد وغادي ..
إلا بالمناسبة ياجماعة حصل انتبهتوا لطول المشوار للمواصلات بالنسبة للناس الساكنين وراء ـ يعني زي البيوتهم فاتحة علي المقابر؟ .. أو زي ناس صلاح شكوكو ؟؟ ده مشوار طويل ياخ .. يعني صلاح شكوكو لو داير يركب حافلة إلا يمشي سوق السيد علي أو شارع المعونة .. ولو شايل ليهو بطيخة مثلآ وماشي البيت حيتعب تعب شديد ـ إلا شمامة واحدة ممكن طبعآ..ههه ـ دي دعابة طبعآ ياشباب .. مرات الواحد يكتب ساي .. حرية.. مش البيت بيتي والناس اهلي ؟.
الحنين وليد كيفك يا رجل .. اعذرونا يا احباب الزومة مزنوقة .. داير لي فرقة عشان اجي اتدفق ليكم هنا لكين مكتف مكتف .. وتخيل إنو كتابتي في المنبر ده من أولها لآخرها بالماوس .. شوف دي كم كليك؟؟..
11-21-2009, 08:25 PM
Munir
Munir
تاريخ التسجيل: 02-11-2002
مجموع المشاركات: 10496
اللـهـم ابدله دارا خيرا من داره واهلا خيرا من اهله وادخله الجنة واعذه من عذاب القبر ومن عذاب النار . اللـهـم عامله بما انت اهله ولا تعامله بما هو اهله . اللـهـم اجزه عن الاحسان إحسانا وعن الأساءة عفواً وغفراناً. اللـهـم إن كان محسناً فزد من حسناته , وإن كان مسيئاً فتجاوز عن سيئاته . اللـهـم ادخله الجنة من غير مناقشة حساب ولا سابقة عذاب . اللـهـم اّنسه في وحدته وفي وحشته وفي غربته. اللـهـم انزله منزلاً مباركا وانت خير المنزلين . اللـهـم انزله منازل الصديقين والشهداء والصالحين وحسن اولئك رفيقا . اللـهـم اجعل قبره روضة من رياض الجنة ,ولا تجعله حفرة من حفر النار . اللـهـم افسح له في قبره مد بصره وافرش قبره من فراش الجنة . اللـهـم اعذه من عذاب القبر ,وجاف ِالارض عن جنبيها . اللـهـم املأ قبره بالرضا والنور والفسحة والسرور. اللـهـم إنه فى ذمتك وحبل جوارك فقه فتنة الفبر وعذاب النار , وانت أهل الوفاء والحق فاغفر له وارحمه انك انت الغفور الرحيم.
بقضاء الله وقدره،وفي حادث حركة بالمملكه العربيه،لبي نداء ربه الشاب الخلوق،احمد محمد عمسيب. والفقيد اخ كل من امام عمسيب،وعمسيب محمد بالسعوديه ويقطنون بالمنزل الذي علي اليسار منا،والفقيد يصغرنا كثيرا،لذلك قد لا يتعرف عليه معظمكم لكنه كان دمث الاخلاق،ومثال للشاب المكافح والصبور. فقد اكتفي بتعليمه الثانوي،وهاجر للسعوديه
الفاضل يسن البركه فيكم وانا لله وانا الية راجعون
ياخاي قبيل امكن اول واحد يعمل تعزية مشت وين ما عارف لان اخوك فوزي هو من ابلغني بخبر الوفاه للفيد الرحمة والمغفرة والهم زوية الصبر والسلوان
11-21-2009, 09:13 PM
مريم عبد الله
مريم عبد الله
تاريخ التسجيل: 10-09-2009
مجموع المشاركات: 1448
Quote: مرة كوجنتا لي شي ما عرفتا اتمو وبقا شكلو غريب وطعمه اغرب قام قال لي اسمعي
الشي دا لا بيتشاف ولا بيتاكل معقول في السودان في اكل زي دا قمتا قلتا ليهو اي
والاكله دي اسمها ام دقوقه عشان بيدقوها بتكون دا شكلها وهو ما فارز شي
اها مرة لي حظي المعتر تجي حجه عواطف سودانيه تزور ولدها
وعزمونا تقول تعمل ليك ديك يا ام دقوقه الما خمج لكن يا جماعه حجه عواطف الله يطراها بالخير
شلوخها لي اضانها ست تمام طباخه واكلها فنان وقام محمد بيسالها عن اسم الاكله والساعه القالت ليهو ام دقوقه
صباح الخير على الجميع
قلتى لى عملتى ليهو خلطة مامعروفة تركين ولا ام دقوقة؟ بالله سلمى لى على هذا الزوج المناضل.. غايتو لو ماحاجة عواطف كشفت نومتك كان فى الطبخة التانية كتلتى ود الناس دا .. طبعا بعد ماكشف الموضوع بيكون رفع ليك كارت احمر وقفل باب المطبخ دا نوهائى ماتمشى جمبه..
11-22-2009, 05:01 AM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
صباح الخير يامنير اخيرا ظهرت ياخى نحن بننتظركم ايام السبت ادونا نص ساعة كدة والله روما الله يديها العافية مامقصرة تب لكن غايتو لو مشيت بيتهم زيارة بشيل الساندويتش بتاعى معاى .. ياروح مابعدك روح ..
11-22-2009, 05:12 AM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
شوفى يامريم دى هدية عشان الليلة الصباح ( كلام غريب ) نحن اول شعب فى العالم يقول كلام زى دا ويكون مفهوم لينا يعنى عادى هسة لو زول من بلد تانية قلت ليهو الليلة الصباح حيقول الزول دا مجنون.. المهم ياروما دى طريقة تحضير التركين .. ملطوشة من موقع النيل الأزرق
Quote: اول شى اتشهدوا وسدو نخرينكم بى قطعة مبلولة بى صندليه عشان ما تغمروا من الريحة (خصوصاً الحنكوشات) اها المقادير تلاتة ملاعق ميلوحة جاهزة طبعا دى بجيبوها من جبل اولياء وهى عبارة عن السمك الصير الصغار بعد تتبيله بكميات من الفلفل والملح والبهارات ثم يدفن تحت الارض لمدة 3 شهور حتى يتحلل ويصبح ملوحة اها تجيبى الملوحة دى وتموصيها فى موية مقدار كباية كبيرة وتصفيها من باقى الشوك بتاع السمك بعد كدة تخليها تغلى فى النار ويستحب ان تضيفى ليها شوية فول سودانى مسحون(دكوة) وتعصرى فيها ليمونه وبعد ما تغلى تنزليها من النار وتخليها تبرد يللا بعد دة تجيبى بصلة وتقطعيها مكعبات صغيرة جدا ثم تضيفى البصل الى الخليط بعد ان يبرد بعد كدة تعملى القراصة بتاعتك وتقدميها مع القراصة وكمان لو عملتى ليكى صحن شطة تقيلة بى دكوة وليمون تكونى ما قصرتى اه نسيت بعد ما تاكلو الوجبة دى بالهنا والشفا تغسلو يدينكم بى معجون اسنان سغنال2 عشان الصابون ما بيضيع الريحة وبعدها تبخرى البيت بى صندل اصلى بعد ما ترمى عدتك الاستعملتيها فى الزبالة وما تنسى تكتبى يافطة قدام البيت (ممنوع الزيارة لمدة 3 ايام نسبة لاعمال الصيانة بالمنزل) وبالهنا والشفا
11-22-2009, 05:50 AM
صلاح عباس فقير
صلاح عباس فقير
تاريخ التسجيل: 08-08-2009
مجموع المشاركات: 5482
Quote: بسم الله الرحمن الرحيم الاخ الحاج حمد الاخوان الاعزاء في احلي بوست في المنبر سلام الله عليكم ماشالله الصفحات ماشة تمام وكله بمجهودكم وانشالله يا وليد نكون معاكم في الصفحة ال100
اخي هشام درماس مرحب بيك في شعبيتنا ،عملت مداخلة ترحيب عند طلتك الاولي ماشايفاها نزلت والحاج حمد ما ورانا الحاصل،تصل الشعبية بالسلامة وتحياتي لكل اهلك بالشعبية ،انا اخت عاطف بلو ومعاكم هنا بالدوحة لو متزكر لاقيتك مرة في مناسبة زواج اختي روما سلامات، ياخي مداخلاتك خطيييييييييييرة ورفعت البوست عالي ودفرتي الصفحات صاح ربنا يديك العافية اخونا عابدون والله شمارتنا انا ومريم كانت خير وقصة قماش البردعي ضحكتني دي تاني حا أمسكها لاماني تحياتي ليهم عند اتصالك بيهم
اخي خالد درق ربنا يحفظ ليك عيالك ويخليك ليهم وتشوفهم من الناجحين دائما اخونا عماد احمد كفيت وفيت مع مبدعين بحري ربنا يعليك دائما الاستاذ بدر الدين الامير مرحب بيك وشعبيتنا نورت بطلتك وكتر زياراتك ودمتم اختكم سنتا خضر
مرحبا بالأخت ستنا بعد غيبة ، و رسالة الترحيب بهشام درماس احتمال اكون نزلتها في وقت فيهو مشكلة في النت و ما نزلت و لك العتبى حتى ترضي و سوف أخبر الأخ هشام درماس بترحيبك لأنو في السودان و حفلات العيد ما اظن ح يفتح البوست..
11-22-2009, 06:53 AM
Emad Ahmed
Emad Ahmed
تاريخ التسجيل: 08-12-2009
مجموع المشاركات: 12705
اللـهـم ابدله دارا خيرا من داره واهلا خيرا من اهله وادخله الجنة واعذه من عذاب القبر ومن عذاب النار . اللـهـم عامله بما انت اهله ولا تعامله بما هو اهله . اللـهـم اجزه عن الاحسان إحسانا وعن الأساءة عفواً وغفراناً. اللـهـم إن كان محسناً فزد من حسناته , وإن كان مسيئاً فتجاوز عن سيئاته . اللـهـم ادخله الجنة من غير مناقشة حساب ولا سابقة عذاب . اللـهـم اّنسه في وحدته وفي وحشته وفي غربته. اللـهـم انزله منزلاً مباركا وانت خير المنزلين . اللـهـم انزله منازل الصديقين والشهداء والصالحين وحسن اولئك رفيقا . اللـهـم اجعل قبره روضة من رياض الجنة ,ولا تجعله حفرة من حفر النار . اللـهـم افسح له في قبره مد بصره وافرش قبره من فراش الجنة . اللـهـم اعذه من عذاب القبر ,وجاف ِالارض عن جنبيها . اللـهـم املأ قبره بالرضا والنور والفسحة والسرور. اللـهـم إنه فى ذمتك وحبل جوارك فقه فتنة الفبر وعذاب النار , وانت أهل الوفاء والحق فاغفر له وارحمه انك انت الغفور الرحيم.
11-22-2009, 07:10 AM
الحاج حمد الحاج
الحاج حمد الحاج
تاريخ التسجيل: 03-29-2008
مجموع المشاركات: 4800
بقضاء الله وقدره،وفي حادث حركة بالمملكه العربيه،لبي نداء ربه الشاب الخلوق،احمد محمد عمسيب. والفقيد اخ كل من امام عمسيب،وعمسيب محمد بالسعوديه
لا حول ولا قوة إلا بالله .. رحم الله احمد محمد عمسيب رحمة واسعة واسكنه فسيح جناته مع الشهداء والصديقين وألهم آله الصبر والسلوان ..(انا لله و انا اليه راجعون)
عماد عثمان
Quote: مبروك الصفحة رقم 97
وخير إستهلال لها صور المسجد النبوي
الشريف بكاميرا صاحب الحوش الحاج حمد الحاج ..
مبروك يا عمدة و الله أنا ما عرفت انو افتتحت الصفحة ال97 الا من مداخلتك..شكرا لك. عماد عبد الله
Quote: تحياتي اخي الحاج سيد حوشنا وقائدنا
نستفسر ماهو الوضع بعد الصفحة ال 100
منبر منفصل للشعبية وبداية جديدة كما الزقازيقاب
ولا في شئ آخر الرؤية غير واضحة بالنسبة لنا
تعرف يا عمدة ما اظن يعملوا لينا منبر زي ناس الزقازيق و احسن نكون كده لأنو عاوزين بوست الشعبية دا منور المنبر العام و فوق دائما.. صلاح عباس
Quote: سلام من الله ورحمة منه وبركات تغشى الجميع في هذه الأيام المباركة!
أيام الحج "للحجيج"!
وأيام عشر ذي الحجة، لمن لم ينادهم المنادي في هذا العام!
وقد سعدت في المدينة بلقاء كوكبة من أبناء الشعبية:
على رأسهم الأخ ورفيق الدرب عز الدين عباس الفحل!
وكانت لحظات مضمّخة بعطر الماضي الجميل!
وفي ختامها أطلّ علينا الأخ الحاج حمد بطلته البهيّة "طبعاً"!
كما التقيت فيها الأخ خالد سيد فقير قادماً من أمريكا!
وكذلك الأخوين يوسف علي محمد الحسن، وحافظ خيري
و انا راجع من المسجد النبوي بعد صلاة الصبح و مصادفة قابلت الأخوان صلاح عباس و عز الدين عباس الفحل و كنت مخطط للاتصال بالأخ صلاح بعد صلاة الجمعة و رغم ان تقابلنا على عجل و لكن كانت فرصة طيبة و حقيقة الأخ عز الدين لم أقابله منذ فترة طويلة جدا ، و اعتذر للأخ عز الدين اذ أنني كنت أخطط لمقابلتهم وقت اوسع بعد صلاة الجمعة و لكن لضيق الوقت و رجوعي لجدة لم أتمكن و أتمنى ان نتقابل في وقت أوسع ان شاء الله..
11-22-2009, 07:29 AM
Emad Ahmed
Emad Ahmed
تاريخ التسجيل: 08-12-2009
مجموع المشاركات: 12705
يادكتور حسب تصوري السابق تمت الموافقة منك ومن قناوي ومن عماد عثمان ولم يفيدونا عادل عثمان والحاج حمد بشيء بالقبول او الرفض . وانا بحاول اتصل على ود حمد وتلفونه مقفول وطبعا هدفنا الصفحه الميه لازم تكون عندها منهجية خاصة لان احتمال كثير من الناس بتجي تبارك وتهني وللان باب الاقتراحات مفتوح لو اي انسان شايف تصوري به شي خطا ممكن يتعدل او واحد عندو اضافة ممكن يذكرها لينا
ابومحمد فؤاد حسن طه عزالدين عثمان بدر الدين عزام فرح اسامه سعد عمر عثمان شاركونا بالاراء
------------------------------ ود حمد جوالك مقفول خير انشاء الله
11-22-2009, 10:25 AM
مريم عبد الله
مريم عبد الله
تاريخ التسجيل: 10-09-2009
مجموع المشاركات: 1448
قصة فقدان الجوال يا ولي و نحن جايين من المدينة كنا مخططين لاستراحة اسمها (الحمرا للأسماك) فيها سمك رهيب كلما نكون راجعين من المدينة بنتغدى هناك..فعلا طلبنا كمية من السمك و طلبنا رز لكن واحد من الجماعة قال الرز زاتو ما ضروي عاوز يضرب سمك بس..فعلا كمية من السمك المقلي الرهيب..و الجلسة عربية و التكييف مية المية و مشغلين التلفزيون قناة عربية رياضية تتحدث عن الاحداث التي أعقبت مباراة الجزائر و مصر..الجلسة العربية مريحة..يقوم صاحبك الحاج يتكي بمزاج بعد شربنا الشاي و على وشك المغادرة و الجوال برااحة نزل من جيب الجلابية و لبد تحت المسند و تاني الا و نحن داخلين جدة حتى فقدت الجوال..المهم الحمد لله اتصلت و وجدته مع عامل الاستراحة..هسع منتظرين واحد يكون ماشي المدينة يجيبو معاهو.. روما
Quote: يا منير امس زكرتني بالطلعه الصباح لمدرسه
ح واصف ليكم يوم عادي من ايام الشعبيه بالصباح
يا سلام على السرد الجميل و الدقيق و الممتع و على الذاكرة (طبعا انتي ما شاء الله صغيرة مقارنة مع اغلب المشاركين في البوست)..واصلي هذا الابداع
11-22-2009, 11:58 AM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
الأخ عماد عبد الله شكرا و حقيقة الجوال وقع في يد ود حلال و ح يرجع بس المشكلة يوم امبارح و باقي اليوم دا لازم الواحد يحل الشكلة ما عارف زمان كنا عايشين بدون جوالات كيف!! يوم واحد الواحد يتلفت و متمحن ههههههه
روما
Quote: الحاج حمد
الجاتك في موبايبك سامحتك
يا اخوي البركه في السمك والفسفور الموبايل ملحوق
خلاص تجي تعمل لينا كرامه الموبايل هنا في البوست دا
دي زوغة من الكشف و الله شنو؟ زول موبايلو ضاع ما تحسو شوية!!
Quote: بس التركين البيكون مدفون تلاته شهور دا الا يتهمونا بي الارهاب من ريحتو القويه
دي ذكرتني قصة واحد هندي مدير معانا قام بايجار شقة و قال لي تمشي معاي عشان اوقع العقد و بيكون مكتوب بالعربي ، مشينا دخلنا العمارة شمينا ريحة عفنة و قوية قال لي دي فلبينيين ساكنين هنا بعملو في أكل ، قلت ليهو ديل ح تسكن معاهم كيف؟ رد علي:Do not worry we have one strong than this
11-22-2009, 02:07 PM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
انا لله وانا اليه راجعون آلمني جدا واحزنني خبر انتقال الاخ احمد محمد عمسيب الي الرفيق الاعلي ونسال الله عزوجل ان يسكنه فسيح جناته وان يلهم اهله الصبر والسلوان ونسال الله ان يغفر له ويرحمه اللهم اغفر له وارحمه وعافه واعف عنه واكرم نزله ووسع مدخله وغسله بالماء والثلج والبرد ونقه من الذنوب والاثام كما ينقي الثوب الابيض من الدنس اللهم اغفر له وارحمه اللهم اغفر لامي وارحمها اللهم اغفر لجميع اموات المسلمين امين امين امين رجاء الدعاء له بالرحمه والمغفره في صلاتكم وركوعكم وسجودكم
اخوكم خالد درق ... دبى
11-22-2009, 02:18 PM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
الاخ / سيد الحوش ودحمد تقبل الله زيارتك الى المسجد النبوي الشريف وجعلها خيراً وزاداً فى حياتك اميييييييين يارب
الاخ / هشام درماس تمشي وتجي بسلامة يافنان لك الود وكل سنه وانت طيب
الاخت / الدكتورة روما تسلمي من كل شر وربنا يحفظك انتى ومحمد ومشكوره على الاغنية ويوسف وشهد بهدوكى سلام كثير ومنتظرنك فى الويك اند توصلى البوست ال الصفحة 100 ودمتى
الأعزاء الكرام يومكم سعيد .. روما والله حكاويك عينة .. ياخ السوداني السرق الحمام ده شرط عيننا .. الحكاية دي برضو عملها واحد صيني هنا لقوه عمل ثروة من بيع الحمام .. بشعوا بيهو تبشيع.. أما قصة البرتكان بتاع الشارع ده كمان نخجل ليهو عديل .. لكين بيني وبينك كانت معانا واحدة صاحبة أم احمد فلسطينية يوم لقت السويديين قاطفين التفاح من الحدائق المنزلية بتاعتهم وخاتينه قدام الحديقة في اكياس .. تفاح يعني تفاح .. فملأت كيسها ما شاء الله لها من الملء .. وكمان جابت لينا وعملوا منه مربة زي الفل .. طبعآ البلاد ديك فاضية وخيراتها وافرة وما لاقية اليلقطها .. نحن زمان شاقين مزرعة اصطافنوس النهار كله شايلين النبل ونلقط في التمرابونا والتمرهندي واللالوب والنبق .. التفاح نشوفو في الشاشة الغشاشة .. غايتو جنس غايتو ..
وكما قال صديق أحمد: يا حليل ايام زمان والزمن زين .. يا حليل ايام زمان والناس حنينين .. شايلين النبل فوق طيرنا جارين .. كنا لا بنعرف جرورة ولا سداد دين .. ولا بنعرف عشانا يجيبوه من وين ..
11-22-2009, 02:39 PM
Munir
Munir
تاريخ التسجيل: 02-11-2002
مجموع المشاركات: 10496
عبدون ياخ يا حليل العفريت مايز .. إنت والله الظاهر عليك زولي زاتو .. ياخ مجلات زمان ديك فتحت عيوننا من زمن مبكر جدآ علي مستقبل التكنولوجيا والخيال العلمي .. وتعرف هسة مرات أمشي علي مكتبات الأطفال في المحلات الكبيرة واقعد اتفرج علي المجلات المصورة ـ ولو بتتذكر ابطال مجلة تان تان لقيت ليك كل واحد فيهم عنده سلسلة براهو .. مرة كدة لقيت ليك في الانترنت صفحة لكل أعداد مجلة سوبرمان منذ الخمسينات وقلت خلاص لقيت لي كنز .. جيت بعد فترة لقيته قفلوه ..
بالمناسبة زولك داك ربنا يوصله بالسلامة ويقضي إجازة وعيد سعيد بين الاسرة والأهل ..
11-22-2009, 03:03 PM
Munir
Munir
تاريخ التسجيل: 02-11-2002
مجموع المشاركات: 10496
Quote: في مصرين بي اسرهم شغالين هناك يقوموا على التعترها عليهم يشيلوا ليهم عتوت
من الغنم ويضبحوهو وكدي يالنورة اكلو وشربوا في امان الله
روما .. والله غايتو !!!!!!!!!!!.. المال السايب يعلم السرقة !!!.. ذهنية الشعوب الفقيرة إنو الخواجات ديل ما فارقة معاهم لو الواحد شال منهم حاجة مفكوكة في الشارع !!..
مرة في إحدي مدن السويد جاءني واحد سوداني كنت تعرفت عليه صدفة .. يوم جاء سايق عجلة خضراء سمحة .. قلت ليهو مبروك العجلة اشتريتها متين .. قال لي لا دي ما بتاعتي .. دي عجلات نزلتها البلدية اليومين ديل لتكون في متناول الجمهور ..أي واحد يسوقها ويمشي بيها مشواره وفي الآخر يتكلها في محل ما وصل ويخليها قبلها ليستفيد منها أي واحد غيره في مشواره .. أها اخونا قال لي والله حقو الواحد يمشي يضربها بوهية ويحتفظ بيها لنفسه .. قام شاف استغرابي من فكرته فضحك وخجل من نفسه ،وقال شوف الناس هنا بتفكر كيف ونحن بنفكر كيف !!!..
11-22-2009, 03:09 PM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
Quote: عبدون ياخ يا حليل العفريت مايز .. إنت والله الظاهر عليك زولي زاتو .. ياخ مجلات زمان ديك فتحت عيوننا من زمن مبكر جدآ علي مستقبل التكنولوجيا والخيال العلمي .. وتعرف هسة مرات أمشي علي مكتبات الأطفال في المحلات الكبيرة واقعد اتفرج علي المجلات المصورة ـ ولو بتتذكر ابطال مجلة تان تان لقيت ليك كل واحد فيهم عنده سلسلة براهو .. مرة كدة لقيت ليك في الانترنت صفحة لكل أعداد مجلة سوبرمان منذ الخمسينات وقلت خلاص لقيت لي كنز .. جيت بعد فترة لقيته قفلوه ..
بالمناسبة زولك داك ربنا يوصله بالسلامة ويقضي إجازة وعيد سعيد بين الاسرة والأهل ..
يامنير نحن كان عندنا رابطة نتبادل مجلات سوبر مان والوطواط وبونانزا وطرزان وتان تان وسمير وميكى والمغامرون الخمسة وجيمس بوند وارسين لوبين وشارلوك هولمز وبعدين لى قدام بقت مجلات سمر ومع مجلات سمر بقينا نتسرح ونتمسح بعد ما الواحد كان عامل زى الشيطان وماتنسى لولو الصغيرة وصديقها طبوش وانا لما قلت لى عماد يسألك كنت متأكد انك متذكر الحاجات دى والله يامنير زى ماقلت كانت ايام جميلة وفعلا المجلات دى اضافت كتير لخيالنا فى الفترة ديك وتصدق يامنير انا لغاية هسة اذا لقيت مجلة سوبرمان او اى واحدة من المجلات دى بقعد اقرأ فيها بنفس الطريقة بتاعة زمان وبى اندماج شديد ..
اها زولى داك هسة بيكون عايش مع الاهل بى هناك وناسينا ..
11-22-2009, 03:02 PM
Emad Ahmed
Emad Ahmed
تاريخ التسجيل: 08-12-2009
مجموع المشاركات: 12705
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة