كتب الكاتب الفاتح جبرا المتوفرة بمعرض الدوحة
|
Re: الشعبية نجمة تزين سماء مدينة الخرطوم بحري (Re: hajhamad)
|
Quote: وهبة انا قاعد هنا متحكر بى جاى وكنت غايب لأنو كنت قاعد اكوى جلابية العيد ... والله ما أجمل العيد فى السودان وياوهبة العيد فى الغربة حاجة صعبة ... |
والله ياعابدون اي حاجة في السودان سمحة
لكن مرات ا لمعايش بتجبر الزول الله يهون القواسي
ونلقاكم العيد الجاي يارب كان بقينا حيين
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
كل عام وانتم بخير. الاخ عصام عثمان السيد ارسل لى رسالة ايميل يحييكم فيها والشعبية ويعد بالمساهمة بالكتابة. مرحبآ به. ولقد ارسلت له ايميلك يا حاج حمد. ____
اخى العزيز عادل
المحترم
السلام عليكم و رحمة الله و بركاته و كل عام وانتم بخير
سوف نتواصل قريبا عبر البريد الالكترونى فانتم ما زلتم فى وجدانى شموعا
انارت طريق المعرفة ومثلا عليا فى الاجتهاد و التضحية
فانا ما زلت اذكركم كمثل اعلى لتفوقكم الاكاديمى عندما احرزتم المركز الاول
فى امتحان الشهادة الابتدائية , يومها فرحنا نحن ابناء الشعبية فرحا عظيما
حيث ثبت حينها ان ابناء الاحياء الفقيرة الجديدة يمكن ان تكتب اسماءهم
فى صحف الخرطوم فانت وكمال الزبير ومحمد جار النبى وبعدكم حسين عبد الحليم واحمد على خالد
وقبلكم امين عبد النبى سرو قبله عبدالله المبشر كنتم سبب فى دفعنا على مسارات البذل الاكاديمى
ومحاولة الوصول الى ما وصلتم اليه واكثر من ذلك كنتم سببا فى تعاطينا مع القراءة و الكتابة
و الجمعيات الادبية والمنافسات المدرسية باختصار كنتم سببا فى حماس الكثيرين ونجاح الكثيرين ايضا.
ساحاول المساهمة معكم للتعريف بالسودان والتعريف بالشعبية
لك حبى وتقديرى و لجميع الشباب طرفكم
ودمت فى حفظ الله ورعايته
اخوك عصام الدين السيد
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
يا نجوم الشعبيه مالكم بوستكم قرب يمشي الخور كما يقول الاخ عبد الكريم .
عرفت من بوستات اخري ان نفر كريم منكم الآن ببحري الشعبيه من بينهم الاخ صلاح شكوكو .ارجو التكرم بقراءة ما اسلفت بذكره اعلاه:
Quote: يا شباب الشعبيه اليومين ديل بين ظهرانيكم الاخ محمد موسي محمد نور فلو تكرمتم اول واحد يقابله
لو امكن اخطاره بان طارق ميرغني في انتظاره مع خالص تحياتي وكل عام وانتم بخير |
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: معاوية محمد الحسن)
|
عادل محمد عثمان:
Quote: كل عام وانتم بخير. الاخ عصام عثمان السيد ارسل لى رسالة ايميل يحييكم فيها والشعبية ويعد بالمساهمة بالكتابة. مرحبآ به. ولقد ارسلت له ايميلك يا حاج حمد. |
مرحبا بالأخ عصام الدين عثمان السيد و هو أخ عزيز و زميل دراسة و كان من المتفوقين أكاديميا خلال فترة دراسته بالشعبية و الأميرية (2) ثم بحري الحكومية و هو صاحب قلم متميز و أتمنى ان يشاركنا بكتاباته..أكثر فترة قضيناها قريبين مع بعض كانت في الأميرية (2) بجمعية التربية الريفية التي يشرف عليها الأستاذ عوض جميل و كنت رئيس للجمعية و الأخ عصام نائب لي و قد قدمنا خلال فترتنا عمل جميل تشهد له الأميرية (2) خاصة السوق الخيري الذي أقيم بكازينو النيل الأزرق..التحية للأخ عصام عثمان السيد و في انتظار مشاركاته.. الأخ معاوية محمد الحسن كل عام و أنتم بخير..
Quote: ويامنير شنو القراصة القدر ده فى اوربا اولادك ديل فى بلجيكا ياخي مافى الزومة |
كلمو يا معاوية..دا شايقي حتى الثمالة..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
الي كل اهلنا من ناس الشعبيه كل عام والجميع بخير وعيد مبارك عليكم وربنا يجمعنا حول ميدان الرابطه ويكون تمرين الكتيبه.. وربنا يحقق الاماني
الاخ عابدون كتبت مداخله وتهنئه ثاني يوم في العيد لكنها اتلحست ولم تظهر ..المهم تلفون محي الدين 507321372 ولك مودتي
ياجماعة مسؤلين من الخير وين اخونا عزام؟؟؟
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عزالدين محمد عثمان)
|
السلام عليكم بدون فرز وكل سنة وانتم طيبين .. وعفوآ يا اخوتي .. في الغياب فاتني أن أعزي الأخوة الأعزاء عصام خضر وكمال خضر واخوانهم في وفاة والدتهم العزيزة رحمها الله وغفر لها وادخلها فسيح جناته مع الشهداء والصديقين .. كما أعزي أخوتي الأعزاء عوض كيخا ويوسف وكمال واسرتهم في وفاة العم كيخا رحمه الله وغفر له وادخله فسيح جناته مع الشهداء والصديقين .. وإنا لله وإنا إليه راجعون ..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
[arkred] عابدون كل سنة وانت طيب .. ياخوي مالك جايب لروحك المشاكل وجايب لينا الهوا .. جماعتنا هنا قالوا ليك قراصة شنو المقلوبة .. دي قراصة طوة ومعمولة بطريقة فنية تخلي قلبتها زي عدلتها ، مش زي قراصة الصاج البتكون صفحة مستوية وصفحة محرقة ..
معاوية محمد الحسن العزيز .. بركة اللعيد جابك مقلع بي جاي ، وياخوي نحن لو ما بلبلنا بطوننا بالملاحات والقراريص ما بنحس بأننا أكلنا ـ والوليدات قلنا نلتخهم بأكل اصل بلادهم ، وزي ما عارف نوع الطعام جزء أصيل من مكونات الشخصية، فلازم يضربوا القراصة ويتعودوا عليها .. يعني يا معاوية دايرني أجيب ليهم السوشي ؟؟ ..
الحاج حمد والله ماشاء الله العيدت في الشعبية واستمتعت بفرحة العيد وسط الأهل والأصحاب .. وحمدآ لله علي السلامة .. ومع الزحمة والمشغوليات فاتني أن اعلق علي الصور الفاتت والتي نقلتنا للشعبية ولشباب الشعبية .. أعاده الله علي الجميع بالخير واليمن والبركات ..
يا أخواننا وين اخونا شمس الدين ساتي ووين الاخوان عماد عبدالله وود المتعارض والزين حسن وحسين عبدالحليم وكمال الزبير والآخرين .. انقطعوا تب ..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
Quote: الحاج حمد كل سنة وانت طيب
رجعت جدة متين
امبارح اتصلت بيك بعد الصلاة عشان برنامج بورداب الخرطوم ما رديت والله كان برنامج فوق العـادة وكان ناقصـك |
كل سنة و انت طيب يا عبد الوهاب و شكرا لزيارتك يا أصيل و شكري موصول للأخوان طارق محمد سعيد و محمد سعد عثمان للزيارة..طبعا الاجازة كانت اجازة عيد و رجعت جدة يوم الجمعة..أتمنى مشاركتكم في اللقاء القادم لبورداب الخرطوم..تحياتي لك
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
طيب يامنير دى بنمشيها عشان العيد لكن المرة دى أديها كارت اصفر وماتخاف قوى قلبك وكان حصل اى شىء قول ليها ياخى انتى مابتعرفى الهظار..
الحاج حمد الله على السلامة وماوريتنا الحلة فى العيد والخرفان وأسعارها ..
البوست بتاعك دا كان غاطس فى حتة كدة الله اعلم بيها وانا قدر مافتشت ليهو مالقيتو ... كويس انك مرقته لى برة ..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عابدون محمد عابدون)
|
Quote: الحاج حمد الله على السلامة وماوريتنا الحلة فى العيد والخرفان وأسعارها .. |
الله يسلمك يا عابدون و بديك الأخبار في شوية شغل ينتهي و برجع ليكم بمزاج..
Quote: وست بتاعك دا كان غاطس فى حتة كدة الله اعلم بيها وانا قدر مافتشت ليهو مالقيتو ... كويس انك مرقته لى برة .. |
اتصل بي مشكورا الأخ طارق ميرغني و قال لي أنا وصلت الصفحة 11 و ما لقيت البوست..قمت عملت بحث عن طريق عمك (قوقل) و رفعت البوست..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
مفاجأة من ياتو عيار ياعابدون
كل عام وأنتم بخير والشعبية بخير
أخونا منير أها جيناك خاشين بالباب
شكرا كتير للأخوة الذين ساندوني
عادل عثمان حسن طه وبقية الأصدقاء
صلاح شكوكو إن في الصمت كلام شكرا لك يا جميل
ياعزام الصورة من الفيسبوك برضو بنزلها هنا.. رأيك شنو الحاج حمد سلام وجيناك بالباب تحياتي
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
خليك واقف فى الباب يامستجد شمس الدين .. انت لسة نص تعيين والناس دى كلها أقدمية عليك عشان كدة لمدة شهر ماتتفاصح على اى واحد هنا ... مبروك ياشمس الدين وشكرا على المجهود ياوهبة والله الزول دا نكار عشان كدة قلنا لى بكرى ماتديهوباسورد ..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
ياعابدون الحسادة شنو... تعرف أنا الفترة الماضية متابع معاكم من برة
ودخلت علي الفيس بوك مع عادل محمد عثمان وعزام ووهبة وهاك ياونسة
عادل عثمان كتب لي بكري وثناني وعلي طول بكري أرسل لي الموافقة..
موتو بغيظكم ياعابدون وحابقي ليك في حلقك زي زمان
تحياتي للجميع
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: شمس الدين ساتى)
|
الاخ شمس الدين
وأخيرا
الف مبروك وشكرا لوهبة وعادل وبكري ابوبكر وبالتاكيد حاج حمد وكل من ساند ودعم لنيل شرف العضوية
يلا هيلاهوب يا شمس
الأخ حمد
اولا حمدا لله علي السلامة
وثانيا كل عام وانتم بخير
وثالثا تواصلت محاولاتي للاتصال بالعزيز اسامة وآخرها كان رسالة تهنئة بالعيد السعيد.
أرجو الاتصال أو ساتصل بك لاحقا.
وتحياتي لكل عشاق الشعبية
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: شمس الدين ساتى)
|
وصلتني تهنئة جميلة بمناسبة العيد من الأخ الباشمهندس عمر محمد عثمان و طفلتيه الجميلتين شهد و شيماء و مرفق مع التهنئة هذه الصورة الجميلة ، شكرا يا باشمهندس
Quote: my greetings to u from me and my family especially shahd and shema eid mubark omer mohammed osman |
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
عز الدين صباح الخير ... طبعا اخدت الرقم ومشيت قابلت محى الدين واتعارفنا تمام طبعا معرفتنا بالشباب ديل ضعيفة ومحتاجين لجلسات تعارف للشباب من الاعمار دى فى كل الحلة والا بعد شوية حتلقى نفسك غريب فى الحلة لأنه محى الدين لما انا طلعت من السودان كان عمره سنتين ... دى ونسة تحت تحت مايجى عبد الوهاب ولا شمس الدين يشوفوا الكلام دا ...
أها هو موجود فى مكان شوية بعيد عن ابوظبى ومشيت عنده هناك وقلت اشيل شنطته واجيبه معاى البيت لكن لقيتو قاعد مع اولاد دفعة ظريفين كدة ومبسوط معاهم وقال لى خلينى شوية كدة وبعد شوية كدة بجيك والمهم اطمئن وهسة تقريبا يكون عمل معاينة مع شركة بالامس الاحد وهسة حأتصل عليهو عشان اشوفه عمل شنو فى المعاينة ...
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عابدون محمد عابدون)
|
عابدون بيسأل عن الخرفان السنة دي كانت كيف؟ و السنة دي كان في عرض كبير جدا أدى لهبوط الأسعار و البعض اشترى بي أقل من 200 الف جنيه و لكن في المتوسط 200-250 الف جنيه و الخرفان البلدية الممتازة بين 300-350 الف جنيه..ناس الشعبية الأغلبية في الفئة 200-230 الف جنيه..و بصورة عامة كانت العرض لخرفان من النوع الجيد..طبعا سوق الخرفان تم نقله للحلفايا على شارع الانقاذ بعد المصانع و لكن هناك من يبيع في الميادين و داخل الحلة و هناك سوق يسمى (سيقا) لقربه من مصانع سيقا للدقيق و هو أقرب لناس الشعبية و المزاد..كلعام و انتم بخير..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
شباب بحري الحلوين الرائع حاج احمد
انا من حلفاية الملوك ولكني لا ارى نفسي دخيلاً عليكم لما كانت تربطني بشباب منطقتكم العامرة من علاقات طيبة في اثناء دراستنا بمدرسة بحري الحكومية وامتدت بعدها ولربما هم بيننا الان فالشعبية نجمة تزين ذاكرتنا باعطر الايام
محبتي وتحياتي لكم بعدد رمال الشعبية وما جاورها
مع مودتي
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: اسامة كمال الخولي)
|
أسامة الخولي
Quote: شباب بحري الحلوين الرائع حاج احمد
انا من حلفاية الملوك ولكني لا ارى نفسي دخيلاً عليكم لما كانت تربطني بشباب منطقتكم العامرة من علاقات طيبة في اثناء دراستنا بمدرسة بحري الحكومية وامتدت بعدها ولربما هم بيننا الان فالشعبية نجمة تزين ذاكرتنا باعطر الايام محبتي وتحياتي لكم بعدد رمال الشعبية وما جاورها مع مودتي |
شكرا للأخ كمال الخولي و تربطنا علاقات طيبة مع اولاد الحلفايا الذين جمعتنا بهم الأميرية (2) ثم بحري الحكومية... و بيني و بينك ان شاء الله سوف يكون منزلي بالحلفايا في أول مربع في الحلفايا شرق الشارع (شرق الطلمبة الآولى) و قرب مسجد المانجلوك..مرحبا بك و شكرا للمرور
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
أسامة الخولي مرحب بيك في بيتك
أذكر من دفعتي الدكتور حسن محجوب أحمد الهندي والدكتور أسامة محمد الحسن
وهم من أعز أصدقائي وكثيرا ما كنا نتزاور ومنهم أيضا البيطر عبد الحفيظ إبراهيم
ومحمد الوهبي قسم السيد وعبد الله المدير وحسن حاج العوض(كاسكا) وميرغني ود أم دوم
وأخرين مسحتهم الذاكرة الخربة وكذلك زميلاتي بالبنك التجاري سابقا
التحية لأبناء حلفاية الملوك أينما كانو
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)
|
الدفعـــة / الاكارم
كل عام وانت بالف خير
( الخروف بيه كم )
صلاح ابو دية
عزام حسن
امير قناوى
اسامة ابو دية
بين يديكم زميل وركن ركين من ابناء الشعبية جنوب مربع 8/9 العزيز ابو بكر عباس ( بكرى ) وننعم نحن الان بإستضافته مع اسرته الكريمة
وهـــاك يا زكريات
( وكمان حاجات تانيه حاميانى )
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
Quote: عز الدين صباح الخير ... طبعا اخدت الرقم ومشيت قابلت محى الدين واتعارفنا تمام طبعا معرفتنا بالشباب ديل ضعيفة ومحتاجين لجلسات تعارف للشباب من الاعمار دى فى كل الحلة والا بعد شوية حتلقى نفسك غريب فى الحلة لأنه محى الدين لما انا طلعت من السودان كان عمره سنتين ... دى ونسة تحت تحت مايجى عبد الوهاب ولا شمس الدين يشوفوا الكلام دا ...
أها هو موجود فى مكان شوية بعيد عن ابوظبى ومشيت عنده هناك وقلت اشيل شنطته واجيبه معاى البيت لكن لقيتو قاعد مع اولاد دفعة ظريفين كدة ومبسوط معاهم وقال لى خلينى شوية كدة وبعد شوية كدة بجيك والمهم اطمئن وهسة تقريبا يكون عمل معاينة مع شركة بالامس الاحد وهسة حأتصل عليهو عشان اشوفه عمل شنو فى المعاينة ... |
الاخ عابدون كل ايامك خير مشكور وما بتقصر وميمي جنه كوره ولعب في فريق الشعبيه لما كان درجه ثانيه واكيد سألك من التمارين لانه كل يوم بدفر في الميدان اياه..
ولك مودتي
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
Quote: شباب بحري الحلوين الرائع حاج احمد
انا من حلفاية الملوك ولكني لا ارى نفسي دخيلاً عليكم لما كانت تربطني بشباب منطقتكم العامرة من علاقات طيبة في اثناء دراستنا بمدرسة بحري الحكومية وامتدت بعدها ولربما هم بيننا الان فالشعبية نجمة تزين ذاكرتنا باعطر الايام
محبتي وتحياتي لكم بعدد رمال الشعبية وما جاورها
مع مودتي |
الاخ الاكرم اسامه لك تحياتنا ومرحب بيك في حوش الشعبيه العامر بوجودكم..انا لي اصدقاء كثر من الحلفايا أولهم المرحوم صلاح محمد عباس الشهير بصلاح كخ وصلاح بسه وصلاح حلفايا له الرحمه..واخوه عماد ضابط الشرطه معاي هنا في كندا..تحياتي لكل ناس الحلفايا
ولك مودتي
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
ياجماعة الشرير وين ؟؟؟؟ طبعا عارف نفسه وأول حرف فى اسمه شمس الدين ساتى ...
ياالحاج ياخى التاج بنقز دا جمبكم هناك ووعد كم مرة يكتب فى البوست دا هاك الرقم بتاعه واديهو لكزة من عندك . +9665006543
يامنير قول للحاجة عندك المرة دى عفيناكى واعتبرى دا كارت اصفر ... ماتخاف قول ليها كدة..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
جمال موسي الرجل الهادي الوديع صاحب الإبتسامة التي لاتفارقه له التحية
يوسف الرضي الحسن.. طارق إمام الجاك أبناء الشعبية العزيزة ورفاق دربي
لسنين طويلة فرقت بيننا الأيام وسبل كسب العيش .تحياتي لهم.
رحم الله الشهيد البطل النعيم حسن النعيم ولكن أين عبد العزيز حسن النعيم
أحمد سليمان أيضا أين هو أسألوا أسامة. عادل محمد الحسن وراشد وأحمد علي
والمرحوم كمال محمد علي ومحجوب وعبد الله الشيخ وعمر محمد سعيد
يارب تجمعنا بالأحياء والرحمة علي من غادر من أصدقاء الزمن الجميل
من نسيت من دفعتنا ياعبدون
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
نسيت كتيرين ياشمس الدين : حسن مصطفى , عبد الله بابكر ، حسن محجوب الهندى ، محمد الوهبى قسم السيد ، اسامة محمد الحسن ، نسيت اسم سا الحقيقى ... عبد الحفيظ ، كمال عبد الرحمن ديل اولاد الحلفاية ايوة سا اسمه عبد العظيم ياسين ، عبد الرحمن سند ، محى الدين حميدة ياااااه دا متذكرة والله نكتو ليك من جوة الجوة ، وكان فى شلة من اولاد شمبات نسيتهم واحد اسمه عبد الرحيم وطبعا المرحوم النعيم واخوهو عبد العزيز وعبد الرحمن مهدى ... أها كمل الباقى كان الع.....ى فضل ليك مخ ...
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عبدالبارى العجيل)
|
دورة المرحوم فائز محمد صبر الرياضية: علمت من الأخوان المنظمين لدورة المرحوم فائز محمد صبر الرياضية أن الدورة حققت نجاح كبير و شهد ميدان الصداقة نشاط كبير لم يشهده منذ فترة و قد شاركت عدة فرق من خارج الشعبية و الدورة الآن في الأدوار النهائية..و سوف أحاول كتابة المزيد من التفاصيل عن الدورة..التحية لكل من ساهم في انجاح الدورة و نسأل الله المغفرة و الرحمة لفائز محمد صبر.. الأخ شمس الدين ساتي نسأل الله العافية للوالد..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
الجزء السادس و الأخير من مشاركة الأخ عماد عثمان التوثيقية عن الفنان عبد الكريم الكابلي: - مقاطع لبعض اغنياته :- معتذرا في نفس الوقت للأخ عماد الدين عثمان - جدة عن تأخر نشر الجزء المتبقي من مشاركته التوثيقية الرائعة
Quote: - مقاطع لبعض اغنياته :- - براق العيون :-
زمن العجايب المابيفني ليهو عجب شاف قلبي تايب بقى امري عندو عجب استغرب جا قرب كفه ضرب قام فوق جبيني كتب القاه براق العيون القاه يجتاز الظنون القاه بين كنت واكون القاه ويغمرني الطرب ما أصله زمن العجايب . . وهي من الأغنيات التي لم تجد حظها من الإنتشار وتم إنزال شريط كاسيت باسم تلك الأغنية قبل أربعة اعوام .
- خالد :- غير خالد مالك تنين عرش دود الاربعين السيل بوبا . . يالفوتك مو دحين
- الشيخ سيرو :- النصيح حديدو . . بدور الشيخ انا ياناس بريدو الشيخ سيرو . . النصيح حديدو . . بدور أبغرة فوق مسيرو الشيخ سيرو . .
- الحسن :- الحسن صاعقة النجم البحمي الشهادة والنضم كل ليلة ومن السوط مابهم . .
- الجنزير في النجوم :-
الجنزير في النجوم زي الهيكل المنظوم مابخاف في المحاصه زموم . . انت يافرنيب جازم مابتجيب لي عيب اسمك في الرجال عمسيب وانت لي الضرس عرديب مابخاف في المحاصه زموم . .
- ماهو الفافنوس :- ماهو الفافنوس ماهو القليد البوص ود المك عريس خيلا بجن عرقوس احي على سيفه البحد الروس . . وهي من اشهر الأغنيات الشعبية وهي مرثية بنونه بنت المك نمر لشقيقها عمارة . . ولقد كانت المرثية من المجهولات حتى اعادها الكابلي بادائه الأصيل الى دائرة الضوء .
- علي :- فرتيقة ام لبوس لويعة الفرسان الليل بابي ليه عنزة وقرونه سنان متين ياعلي تكبر تشيل حملي اياك ياعلي الخلاك ابوي دخري للجار والعشير الكان ابوك بدي للغني والفقير الكان ابوك حامي اتسولب من العلج الحريرا واكسيه وسيفك في غضارف الرجال ارويه . .
- قلبي المن نشوه :- قلبي المن نشوه للبنات هواي وداب من زاد على وغلب الداواي . .
- حاول كمان :-
لو حاشتك عني الظروف او عاندك مرة الزمان حاول كمان وخليك على الوعد القديم البينا كان ما انت عارف شكله ايه ريدنا الزمان حاول كمان . . وهي اخر اغنيات الفنان عبد الكريم الكابلي ومن كلمات الشاعر محمد احمد سوركتي .
- ختاما امنياتنا للفنان السفير الدكتورعبد الكريم الكابلي بدوام الصحة والعافية ليعطر سماواتنا بالفن الصادق الأصيل وهناك جزء ثاني قريبا عن الفنان عبد الكريم الكابلي وسيتم إنزال هذا الموضوع في وقت واحد في كل من بوست الشعبية نجمة وبوست بحري طراوة والسلام عليكم ورحمة الله وبركاته . .
عماد عثمان احمد - جدة
|
شكرا للأخ عماد عثمان و الذي أتمنى ان ينال عضوية المنبر ليساهم بشكل أكبر و أرجو من الاخوة أعضاء المنبر من أولاد الشعبية و بحري أن يدعموا طلب الأخ طارق ميرغني لينال الأخ عماد عثمان العضوية يا بكري : عماد عثمان يستحق...
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
الحبيب حاج احمد
يا زول شكراً على المرور شنو انا الضيف ابو ربابة انا ما مارق من هنا عديييل حتى يبتل شوقي لاهل بحري الحبيبة ، وبعدين ما دام انك جايينا قريب يعنى امكن اكون سابع جار ، نحن غرب الطلمبة مباشرتاً في محطة (1) طبعاً ناس شرق الظلط ديل ناس الباسطة والموية الساقطة ، لك مليون مراحب من اهل الحلفاية وسوف تشعر بأنك بين اهلك واحبابك وأكيد لنا لقاء
الاخوة عابدون وشمس الدين والاعزاء المتداخلين وكل من يسأل عن عزيز له بالحلفاية جميعهم يحملون لكم في خزائن قلوبهم اطنان من الحب ، فلكم كل تحية وتقدير
مع مودتي
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عابدون محمد عابدون)
|
أسامة الخولي:
Quote: يا زول شكراً على المرور شنو انا الضيف ابو ربابة انا ما مارق من هنا عديييل حتى يبتل شوقي لاهل بحري الحبيبة ، وبعدين ما دام انك جايينا قريب يعنى امكن اكون سابع جار ، نحن غرب الطلمبة مباشرتاً في محطة (1) طبعاً ناس شرق الظلط ديل ناس الباسطة والموية الساقطة ، لك مليون مراحب من اهل الحلفاية وسوف تشعر بأنك بين اهلك واحبابك وأكيد لنا لقاء |
مرحبا بيك يا أسامة و في انتظار مزيد من المشاركات.. بعدين شكلك دا ما غريب علي..انت دفعة عبد الهادي خالد محمد علي ، حسن (فيكس) ، محمد أحمد الرشيد و مرتضى و سعد الشريف قاسم و عبد الخالق السماني؟ ديل اولاد الحلفايا دفعتي ببحري الحكومية.. لك كل الود..
Quote: الحاج عملت شنو مع التاج؟ |
بفتش ليك التاج دا و أجرو لي هنا..طبعا ذكرتنا أيام الكتيبة و التاج يكون لاعب مدافع و هو تقيل شوية مرات الجماعة يتآمروا عليهو و يلعبوهو باك و دي متعبة شديد خاصة اذا الجناح فرفارة..لكن لما يلعب ثيرد باك بتلبد بي ورا..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
العزيز حاج احمد
يا زول سعد الشريف وعبدالخالق السماني ديل من زمن حفروا البحر ، عبدالخالق طبعاً في الحسبة خالنا وهو مقيم في السودان وفي احسن حال ، طبعاً في بوست عن حلفاية الملوك لطيف ولذيذ جداً وبه الكثير من الذكريات وتجدون فيه انت والاخوة الاعزاء كل من تبحثون عنهم امثال هؤلاء الديناصورات (صاحب البوست اسمه انور الطيب)
يا لعجبي لهذا المنبر الذى تجاوز المسافات والازمنة وجمعنا مع من نحب ، انا مستمتع جداً لهذا التواصل الجميل
مع مودتي
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
ماشاء الله والله جوعتنا ياحاج ..
انا هسة قاعد بتفرج فى الصورة واتخيل موقع بيتكم والجامع واتجاه القبلة وقاعد اتخيل الزول القاعد يضبح دا ياربى دا الحاج ولا ابراهيم وطبعا صلاح زول حنكوش مابتاع ضبح عشان كدة واقف بعيد ومنتظر الشية بس ...
شكرا على الصور الجميلة ياحاج ..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عابدون محمد عابدون)
|
تلقيت اتصال هاتفي من الأخ د.عماد عبدالله الطيب - الدوحة و هو من المتابعين للبوست و علمت منه أن قابل الخوان حسن طه و عزام و عماد وعد بالمشاركة بعد انقطاع لبعض المشغوليات..شكرا يا عمدة الأخ عابدون محمد عابدون ما شاء الله آخر نشاط و حيوية في المنبر زي ما كنت بتلعب في الصديق..يا جماعة باقي الناس وين؟
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
أرشفة الربع الأخير لعام 2007م كل ثلاثة أشهر يقوم الباشمهندس بكري أبوبكر (صاحب الموقع) بعمل أرشفة للمواضيع و يختار كل عضو موضوع يطلب عدم أرشفته ، و قد نجحنا بمساعدة الاخوة أعضاء المنبر من أولاد الشعبية في المحافظة على بوست الشعبية دون أرشفة و ذلك منذ أن قمت بتنزيل الموضوع ، و أشكر الجميع خاصة الأخوان عادل محمد عثمان و صلاح شكوكو الذين كان لعلاقتهما الطيبة مع الأخ بكري الدور في مناشدته بعد أرشفة البوست ، و الآن ستتم أرشفة و أرجو من الاخوة الأعضاء من أولاد الشعبية وضع البوست ضمن المواضيع التي يطلبون عدم أرشفتها و ذلك في البوست المفتوح من قبل الأخ بكري لأبوبكر..شكرا للجميع
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
صح صح معانا يا عز الدين .. ميمى حيمشى السودان ويرجع مرة تانية عشان يجدد الفيزة وفى خلال الفترة دى تكون ميزانيات نهاية العام اتعرفت خلاص ويكون موسم التعيينات مع بداية السنة الجديدة انشاء الله ...
طيب ياعز الدين ماعندك فكرة تجى وتستقر معانا بى جاى انشاء الله والله اذا لقيت فرصة عمل بى هنا يكون احسن الف مرة من غربتكم اللى فى آخر الدنيا دى والكلام دى برضو لى اخوانا فى اوروبا ناس منير وعادل عثمان واسامة سعد ياجماعة فى وظائف كتيرة بتكون معلنة على النت وممكن التقديم ليها مباشرة والاوضاع هنا احسن بكتير من بلاد العم سام واليونيون جاك ديك مادام الواحد عاوز ياكل عيش ويربى اولاده ...
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: شمس الدين ساتى)
|
Quote: التقط قفاز التحدى يا عابدون.. عايزين صورة جديدة لنج عشان نقارنها بى صورتك مع اسامة سعد قبل 50 عامآ! |
قلت ليكم عادل محمد عثمان دا ما بخاف يرميها ليك بب 50 عاما!! ذكرتني العيد الفضي للجامعات و الشركات ..فعلا السنين تجري و نزوغ من حكاية العمر يجيك واحد زي عادل دا شايقي حتى النخاع رغم انو بحراوي خرطومي يرميها ليك بب دون مراعاة لشعور الآخرين..يا الأخرين سامعين.
الأخ عزام حسن فرح حمدا لله على السلامة بعد طول غياب..و قد اتصلت على جوالك للاطمئنان و كان مقفول و لكن بعدها ظهرت في بوستات أخرى مما طمأنني عليك..تحياتي
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
Quote: صح صح معانا يا عز الدين .. ميمى حيمشى السودان ويرجع مرة تانية عشان يجدد الفيزة وفى خلال الفترة دى تكون ميزانيات نهاية العام اتعرفت خلاص ويكون موسم التعيينات مع بداية السنة الجديدة انشاء الله ...
طيب ياعز الدين ماعندك فكرة تجى وتستقر معانا بى جاى انشاء الله والله اذا لقيت فرصة عمل بى هنا يكون احسن الف مرة من غربتكم اللى فى آخر الدنيا دى والكلام دى برضو لى اخوانا فى اوروبا ناس منير وعادل عثمان واسامة سعد ياجماعة فى وظائف كتيرة بتكون معلنة على النت وممكن التقديم ليها مباشرة والاوضاع هنا احسن بكتير من بلاد العم سام واليونيون جاك ديك مادام الواحد عاوز ياكل عيش ويربى اولاده ... |
الاخ عابدون مصح صح لكن كيف مع العواصف الثلجيه تخيل منعتنا من صلاة الجمعه امس وصليناها ظهر.. انا اتصلت بي ميمي وهو فعلا قال لي الكلام ده.. والله انا عندي الفكره وجاهز لكن قدر مافتشت في النت ما لقيت وظيفه ممناسبه..وفكرت اني اجي هناك وافتش ولا رايك شنو؟؟ المشكله انه نحن مافي غربه نحن لاجئين والحسنه والوحيده اننا كنديين وعندنا الجواز الكندي..وعشمانين يكون السبب في اننا نلقي شغل.. لك تحياتي وللاسره ..
وللاخ عزام الاخيرا ظهر
ولكم مودتي
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عزالدين محمد عثمان)
|
عز الدين محمد عثمان
Quote: الاخ عابدون مصح صح لكن كيف مع العواصف الثلجيه تخيل منعتنا من صلاة الجمعه امس وصليناها ظهر.. |
بعد خلصنا امتحانات الشهادة رسلنا للجامعات الكندية و وصلنا بالبريد طلب التقديم واحد صاحبي قال لي يا زول انت مجنون كندا دي قالوا لما تقوم من النوم الا تكسر التلج من وكرة الباب حتى يفتح معاك!! بعدين قالوا لازم مع البرد تضرب ليك كم كاس ويسكي!! رميت ليك طلب التقديم في الدولاب قلت يا زول نحن الجابرنا على التلج و الويسكي شنو..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
Quote: ياجماعة فى وظائف كتيرة بتكون معلنة على النت وممكن التقديم ليها مباشرة |
ياتو نت يا عابدون ؟؟؟؟؟ كل سنه وانت طيب ...
يا حاج حمد واحد قال لي في كندا ( بدون مؤاخذه ) تتف يقع في البلاط كن ...كن...كن...كن وينقز قطعة تلج زي كرة البنق.
ولو غلطت ختيت ايدك في الحيطه ... الا يجو ناس الدفاع المدني يفكوها ليك .....!!!
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: طارق ميرغني)
|
الشيخ سيد أحمد حمدا لله على السلامة وينك يا راجل ما ظاهر؟ اشتقنا لكتاباتك الممتعة.. طارق ميرغني
Quote: يا حاج حمد واحد قال لي في كندا ( بدون مؤاخذه ) تتف يقع في البلاط كن ...كن...كن...كن وينقز قطعة تلج زي كرة البنق.
ولو غلطت ختيت ايدك في الحيطه ... الا يجو ناس الدفاع المدني يفكوها ليك .....!!! |
كان كده يا طارق الحقو عز الدين عثمان ما يكون متلصق في حيطة.. واحد مستهبل مرة في ميدان الصداقة في الشعبية جاب ليهو قون حلو زي أقوان الخواجات..جاء جاري جماعة وراهو جارين عشان التهنئة بالقون الحلو و هو يكورك: و الله خواجات بس ناقصين الدخان البطلع من الخشم طبعا اتذكرت قصة واحد من رابطة الكلاكلة جاب قون و هو جاري رسم الصليب..شايف الخواجات لما يجيبوا قون بعملوا كده و صاحبك ما عارف الحكاية صلاة مسيحيين
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
دكاكين
من "الدكاكين" القديمه في الشعبيه جنوب ...دكان "عبدالقادر"..وبالرغم من أني لم أنل شرف مقابلة المدعو"عبدالقادر"..إلا أننا وجدنا من سبقونا ينادون المحل بذلك الإسم فسرنا على ذات النهج..كان المحل يشتهر ببيع الفول ..تزكمك أنفاسك رائحة الفول من مسافه مقدره..الشئ الذي يدفعك للإسراع في خطوك مخافة أن تعود تتابط "الجك" خالي المحتوى.
دكان"طلب" يباشر العمل فيه ثلاثه شباب..هم "عبداللطيف..عمر..المرحوم"محمد..يعملوا على راحة الزبون..وبالرغم من أن أؤلئك النفر الكريم لم يكونوا من خريجي المعاهد المتخصصه في فن التعامل مع العملاء ..إلا أن الفطرة في تواصلهم مع العملاء كانت هي جسر التواصل بينهم و"زبائنهم" ..مما دفع الكثيرين للإرتباط بهم وبمنتجاتهم حتى بعد أن حملتهم الاقدار خارج أسوار الشعبيه..وقد كان يمتاز محلهم بالبضاعه ذات النوعيه الراقيه.
دكان "عم النور" ..لا أدري السبب... ولكن أذكر أنني عندما كنت صغيرآ..عندما يرسلونني لشراء "الفحم"..دائمآ ما تأخذني قدماي إلى دكان عم النور ...الشئ الذي إرتبط في ذهني بأنه دكان فحم فقط. التحيه لأؤلئك الكرام ...الذين تحملوا خطرفاتنا أيام الطفوله..وللذين توفوا نسأل الله العلي القدير الرحمه والمغفرة لهم ولكل المسلمين. ولكم من الود أكمله
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
أسامة سعد كيف حالكم
وبالجد كان الله في عونكم
وهبة وطارق كيف حالكم
وعبدون الجبان بدل ينزل الصورة
بقي ينزل مواقع الكترونية..دي ما بتلك
ولا كيف ياعادل
مسئولين من الخير وين عزام؟
بعدين إنتو خليت موضوع البوست الأساسي
بقيتو تتونسو.....أرجعوا للشعبية ومشاكلها
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عابدون محمد عابدون)
|
Quote: بقيتو تتونسو.....أرجعوا للشعبية ومشاكلها |
يا شمس الدين الونسة دي جزء أساسي يجعل لتجمعنا طعم خاص.. راجعين ليكم بكل ما أنجز من عمل و كان يفترض أن أجلس مع الأخ أسامة سليمان و هو جاء يحمل كشف حساب بالمبالغ التي استلمها و التي صرفت.. بالمناسبة و بكل أسف هناك كثير من المساهمات التي أعلنت لم يقوم أصحابها بتسليمها و سوف أقوم بنشر قائمة توضح التبرعات و ما أستلم بكل شفافية و الحساب ولد و كل شخص اعلن عن مبلغ اذا تعذرت الظروف يجب ان يعلن ذلك لأنو أصبح التزام و اذا حالت ظروف عن تنفيذه يجب الاعتذار..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الحاج حمد الحاج)
|
.Quote: بالمناسبة و بكل أسف هناك كثير من المساهمات التي أعلنت لم يقوم أصحابها بتسليمها و سوف أقوم بنشر قائمة توضح التبرعات و ما أستلم بكل شفافية و الحساب ولد و كل شخص اعلن عن مبلغ اذا تعذرت الظروف يجب ان يعلن ذلك لأنو أصبح التزام و اذا حالت ظروف عن تنفيذه يجب الاعتذار.. |
عزيزنا الحاج
نوافق بكل شدة ونامل من الجميع المساهمة كل حسب ظرفه من أجل الشعبية
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: hajhamad)
|
ياسلام عليكم يا ناس الشعبية وزاد حبي لكم عندما علمت أن منكم صديقي العزيز المستشار القانوني الضليع الأستاذ خضر البدري والذي سأدفعه لمشاركتكم رغم مشغولياته الكثيرة .. يلا شدو حيلكم ونحن متابعين معاكم وتعالوا زورنا في توتي بجواركم .. تحياتي للجميع .. عمار توتي
| |
|
|
|
|
|
|
|