الشعبية نجمة تزين سماء مدينة الخرطوم بحري

مرحبا Guest
اخر زيارك لك: 04-02-2020, 02:18 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
منبر الشعبية
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
03-23-2008, 10:12 PM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Adil Osman)

    Quote: منير
    سلامات
    الصورة دى سنة 1967

    الأخ عادل محمد عثمان
    قبل أن يعلق الأخ منير على الصورة (و أكيد في صورة زي دي الواحد نفسو ما يعرفها) ، أرجو أن اعلق على أهم شئ و هي أن الاحتفاظ بصورة مثل هذه طوال هذه الفترة يعني نقييمك العالي للقيمة الأدبية و هذه لا تتوفر لكل انسان ، لك التحية على هذه الثقافة التي تعنى بالقيم الأدبية للأشياء.
    شخصياأحتفظ بصور من المرحلة الابتدائية و ان شاء الله سوف أقوم بانزالها لاحقا.
                  
|Articles |News |مقالات |بيانات

03-23-2008, 10:31 PM

Adil Osman
<aAdil Osman
تاريخ التسجيل: 07-27-2002
مجموع المشاركات: 10208

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    الاخ الحاج
    سلامات
    فعلا مشكلة كبيرة فى التعرف على التلاميذ ديل بعد مرور 40 عامآ على الصورة التاريخية. هذه الصورة تكرم مشكورآ الاخ اسامة سعد بارسال نسخة منها يحتفظ بها ضمن صوره. وهى ليست واضحة تمامآ لأنها مصورة بالاسكانر، الماسح الضوئى، وقبلها مصورة استنساخآ على مكنة تصوير
    ارجو ان تتحفنا وباقى الاخوة بصوركم التاريخية. وهكذا ممكن نعمل ارشيف للشعبية للاستفادة منه فى المعارض القادمة والكتب والكتيبات والافلام الخ..
                  
|Articles |News |مقالات |بيانات

03-24-2008, 01:40 PM

Munir
<aMunir
تاريخ التسجيل: 02-11-2002
مجموع المشاركات: 10495

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Adil Osman)



    والله يا عادل أنا برضو كان عندي صورة من الابتدائي جماعية زي دي لكين بالله التقول شالها شيطان .. محل دخلت ما عرفتها !!!.. أختفت فجأة وللآن زعلان عليها جنس زعل !!!! .. لكين برضو قلت كله خير الحمدلله الراحت .. لأنو قبل يومين المدام جابت الاولاد وقالت ليهم تعالوا شوفوا أبوكم كان بيلبس كيف في المدرسة ساعة كان قدركم .. عليك أمان الله الشفع قربوا يطرشقوا من الضحك ..


    طبعآ إنتو جيل العجايز القدامنا ونحن بعديكم بزمن طويل .. لكين غايتو أحاول ألمح ..

    أول شئ أنا عرفت من القاعدين في الصف الأول نمرة اثنين من اليمين كمال بدر سليمان ، وهو الذي كان يأتي به أخوه حامدين (رحمه الله) للمدرسة بالعجلة .. وأتذكر في احد الأيام دقشوني بالعجلة في زحمة شارع المدارس ديك، وتخيل أنهم بعجلتهم الرالي طلعوا وعدوا فوق بطني عديل كدة .. يعني أنا الزمن داك لو ما كنت بأكل قراصة و تمر كتير كنت اتقطعت لنصفين ..

    أها إنت يخيل لي الشافع نمرة تلاتة من الشمال في الصف التاني المربع يديهو ده ..
    وبعدين يا عادل أنا قلت ليك صورتك في ذهني هي صورة الابتدائي بالردا والقميص ، يعني شغل الجلاليب ده ما معانا ..

    وبالمناسبة يا عادل قالوا أخوانك ناس أمين بقوا جيراننا وسكنوا شارعنا ..


                  
|Articles |News |مقالات |بيانات

03-24-2008, 12:36 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    بسم الله الرحمن الرحيم
    السلام علَيكُم ورحمة الله تعالى وبركاتِهِ ،،،

    السادة الأفاضِل / المُنتدى ... المُحترمين

    نضح إناء السَيِد الفاضِل / بدرالدين إسحاق أحمد ... المُحترم بِما فيهِ مِن رِقة مشاعِر وحِس مُرهف بِما جاء أدناه ...


    عفواً الاحبا ب فى الشعبية نوثق اليــوم لاشواقنا وأهاتنا

    الى امى وامهاتنا اللاتى غيبهن الموت

    نسكب الاهات حرى بعد دمعات سخان على طيف تجدد يحمل معه اشجان ذكرى لامى وامهاتنا فى حي الشعبيةاللاتى لم يذقن طعم الراحة والدعة سنين بعد سنين ..وحين لاح بريـق وامل الإتكاة على عرق السنين وجهدهــ قدم الموت من خلف حجاب وستار وواراهـن خلفه.

    الاكف لن ولم تخفت من الضراعـة والدعـاء بأن تقر أعينهن فى إتكاة وكنف رب رحيم يعلم إشواقهن

    طيف نـسميه الحنين ‏'‏إلي أمي‏..‏ وكل أم‏..‏ ‏'‏
    شعر‏:‏ فاروق جــويدة‏


    في الركن يبدو وجه أمي
    لا أراه لأنه
    سكن الجوانح من سنين
    فالعين إن غفلت قليلا لا تري
    لكن من سكن الجوانح لا يغيب
    وإن تواري‏..‏ مثل كل الغائبين
    يبدو أمامي وجه أمي كلما
    اشتدت رياح الحزن‏..‏ وارتعد الجبين
    الناس ترحل في العيون وتختفي
    وتصير حزنـا في الضلوع
    ورجفة في القلب تخفق‏..‏ كل حين
    لكنها أمي
    يمر العمر أسكنـها‏..‏ وتسكنني
    وتبدو كالظلال تطوف خافتة
    علي القلب الحزين
    منذ انشطرنا والمدي حولي يضيق
    وكل شيء بعدها‏..‏ عمر ضنين
    صارت مع الأيام طيفـا
    لا يغيب‏..‏ ولا يبين
    طيفـا نسميه الحنين‏..‏
    ‏***‏
    في الركن يبدو وجه أمي
    حين ينتصف النهار‏..‏
    وتستريح الشمس
    وتغيب الظلال
    شيء يؤرقني كثيرا
    كيف الحياة تصير بعد مواكب الفوضي
    زوالا في زوال
    في أي وقت أو زمان سوف تنسحب الرؤي
    تكسو الوجوه تلال صمت أو رمال
    في أي وقت أو زمان سوف نختتم الرواية‏..‏
    عاجزين عن السؤال
    واستسلم الجسد الهزيل‏..‏ تكسرت
    فيه النصال علي النصال
    هدأ السحاب ونام أطيافـا
    مبعثرة علي قمم الجبال
    سكن البريق وغاب
    سحر الضوء وانطفأ الجمال
    حتي الحنان يصير تـذكارا
    ويغدو الشوق سرا لا يقال
    في الركن يبدو وجه أمي
    ربما غابت‏..‏ ولكني أراها
    كلما جاء المساء تداعب الأطفال
    ‏***‏
    فنجان قهوتها يحدق في المكان
    إن جاء زوار لنا
    يتساءل المسكين أين حدائق الذكري
    وينبوع الحنان
    أين التي ملكت عروش الأرض
    من زمن بلا سلطان
    أين التي دخلت قلوب الناس
    أفواجا بلا استئذان
    أين التي رسمت لهذا الكون
    صورته في أجمل الألوان
    ويصافح الفنجان كل الزائرين
    فإن بدا طيف لها
    يتعثر المسكين في ألم ويسقط باكيا
    من حزنه يتكسر الفنجان
    من يوم أن رحلت وصورتها علي الجدران
    تبدو أمامي حين تشتد الهموم وتعصف الأحزان
    أو كلما هلت صلاة الفجر في رمضان
    كل الذي في الكون يحمل سرها
    وكأنها قبس من الرحمن
    لم تعرف الخط الجميل
    ولم تسافر في بحور الحرف
    لم تعرف صهيل الموج والشطآن
    لكنها عرفت بحار النور والإيمان
    أمية‏..‏
    كتبت علي وجهي سطور الحب من زمن
    وذابت في حمي القرآن
    في الأفق يبدو وجه أمي
    كلما انطلق المؤذن بالأذان
    كم كنت ألمحها إذا اجتمعت علي رأسي
    حشود الظلم والطغيان
    كانت تلم شتات أيامي
    إذا التفت علي عنقي حبال اليأس والأحزان
    تمتد لي يدها بطول الأرض‏..‏
    تنقذني من الطوفان
    وتصيح يا الله أنت الحافظ الباقي
    وكل الخلق ياربي إلي النسيان
    ‏***‏
    شاخت سنين العمر
    والطفل الصغير بداخلي
    مازال يسأل‏..‏
    عن لوعة الأشواق حين يذوب فينا القلب
    عن شبح يطاردني
    من المهد الصغير إلي رصاصة قاتلي
    عن فـرقة الأحباب حين يشدنا
    ركب الرحيل بخطوه المتثاقل
    عن آخر الأخبار في أيامنا
    الخائنون‏..‏ البائعون‏..‏ الراكعون‏..‏
    لكل عرش زائل
    عن رحلة سافرت فيها راضيا
    ورجعت منها ما عرفت‏..‏ وما اقتنعت‏..‏ وما سلمت‏..‏
    وما أجبتك سائلي
    عن ليلة شتوية اشتقت فيها
    صحبة الأحباب
    والجلاد يشرب من دمي
    وأنا علي نار المهانة أصطلي
    قد تسألين الآن يا أماه عن حالي
    وماذا جد في القلب الخلي
    الحب سافر من حدائق عمرنا
    وتغرب المسكين‏..‏
    في الزمن الوضيع الأهطـل
    ما عاد طفلك يجمع الأطيار
    والعصفور يشرب من يدي
    قتلوا العصافير الجميلة
    في حديقة منزلي
    أخشي عليه من الكلاب السود
    والوجه الكئيب الجاهل
    أين الذي قد كان‏..‏
    أين مواكب الأشعار في عمري
    وكل الكون يسمع شدوها
    وأنا أغني في الفضاء‏..‏ وأنجـلي
    شاخ الزمان وطفلك المجنون‏..‏
    مشتاق لأول منزل
    مازال يطرب للزمان الأول
    شيء سيبقي بيننا‏..‏ وحبيبتي لا ترحلي
    ‏***‏
    في كل يوم سوف أغرس وردة
    بيضاء فوق جبينها
    ليضيء قلب الأمهات
    إن ماتت الدنيا حرام أن نقول
    بأن نبع الحب مات
    قد علمتني الصبر في سفر النوارس‏..‏
    علمتني العشق في دفء المدائن‏..‏
    علمتني أن تاج المرء في نبل الصفات
    أن الشجاعة أن أقاوم شح نفسي‏..‏
    أن أقاوم خسة الغايات
    بالأمس زارتني‏..‏ وفوق وسادتي
    تركت شريط الذكريات
    كم قلت لي صبرا جميلا
    إن ضوء الصبح آت
    شاخت سنين العمر يا أمي
    وقلبي حائر
    مابين حلم لا يجيء‏..‏
    وطيف حب‏..‏ مات
    وأفقت من نومي
    دعوت الله أن يحمي
    جميع الأمهات‏..

    بدرالدين إسحاق
    ــــــــــــــ

    كتر خيركُم يا صديق العُمر ...
                  
|Articles |News |مقالات |بيانات

03-24-2008, 01:52 PM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: عزام حسن فرح)

    Quote: يعني أنا الزمن داك لو ما كنت بأكل قراصة و تمر كتير كنت اتقطعت لنصفين ..


    طبعا يا منير لو ما ايام الطفولة و الجسم المرن مش القراصة و التمر ، كدي هسع تجيك دقشة خفيفة شوف البحصل..القراصة دي ذكرتني الأخ هاشم مختار كنا ندق الكدر في الطريق للأميرية (2) و يوم الصباح ماشين جات سيرة الفطور قام هاشم مختار قال: و الله الفول و الفتة دي خلاص زهجنا منها و الله أنا فكرت اجيب معاي قراصة في كيس
                  
|Articles |News |مقالات |بيانات

03-24-2008, 02:23 PM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    [QUOTE](02) كافتيريا سمسِم (تحت سكن مُوظفين المؤسسة).
    (03) شرِكة باتا(مُقابِل سلوى بوتيك ، حالِياً الأسواق الحُرة على ما أعتقِد).


ذكريات ولا أحلي !

أول كافتيريا تحت مبني المؤسسة بل وأول كافتيريا في هذه المنطقة

هي "كافتيريا الملتقي " لأصحابهاعبد العزيز مانجل وعلي مراد والسر سعد.

كان من روادهاالمنتظمين بصورة شبه يومية :
- الوالد الأستاذ محمد مانجل - يرحمه الله

- الشاعر الأستاذ فضل الله محمد
- الفنان محمد مسكين
- الأستاذ عبد المنعم ادريس " بوب " - يرحمه الله
- الأستاذ عوض محمد الحسن
- المهندس ابراهيم أحمد سليمان

الثالوث:
- الدكتور عبد المحمود محمد عبد الرحمن
- الأستاذ عثمان حسن احمد
- الفقير لله حسن طه محمد

وبالطبع أصحاب الكافتيريا الثلاثة.

وغيرهم كثيرون

دكان باتا كان في البيت الناصية غرب شارع المعونة بادارة العزيز بكري ابراهيم عبده.

الأسواق الحرة حاليا كانت فيما مضي لسلوي بوتيك.

أترك القيادة لصديقنا الحبيب دكتور عبد المحمود ليحدثنا عن
تلك الأيام الجميلة وذكرياتها الرائعة بتفصيل رائع أتوقعه منه .

والي لقاء.

(عدل بواسطة حسن طه محمد on 03-24-2008, 02:26 PM)
(عدل بواسطة حسن طه محمد on 03-24-2008, 02:27 PM)

                  
|Articles |News |مقالات |بيانات

03-24-2008, 02:29 PM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: حسن طه محمد)

    [QUOTE](02) كافتيريا سمسِم (تحت سكن مُوظفين المؤسسة).
    (03) شرِكة باتا(مُقابِل سلوى بوتيك ، حالِياً الأسواق الحُرة على ما أعتقِد).


ذكريات ولا أحلي !

أول كافتيريا تحت مبني المؤسسة بل وأول كافتيريا في هذه المنطقة

هي "كافتيريا الملتقي " لأصحابهاعبد العزيز مانجل وعلي مراد والسر سعد.

كان من روادهاالمنتظمين بصورة شبه يومية :
- الوالد الأستاذ محمد مانجل - يرحمه الله

- الشاعر الأستاذ فضل الله محمد
- الفنان محمد مسكين
- الأستاذ عبد المنعم ادريس " بوب " - يرحمه الله
- الأستاذ عوض محمد الحسن
- المهندس ابراهيم أحمد سليمان

الثالوث:
- الدكتور عبد المحمود محمد عبد الرحمن
- الأستاذ عثمان حسن احمد
- الفقير لله حسن طه محمد

وبالطبع أصحاب الكافتيريا الثلاثة.

وغيرهم كثيرون

دكان باتا كان في البيت الناصية غرب شارع المعونة بادارة العزيز بكري ابراهيم عبده.

الأسواق الحرة حاليا كانت فيما مضي لسلوي بوتيك.

أترك القيادة لصديقنا الحبيب دكتور عبد المحمود ليحدثنا عن
تلك الأيام الجميلة وذكرياتها الرائعة بتفصيل رائع أتوقعه منه .

والي لقاء
.
                  
|Articles |News |مقالات |بيانات

03-24-2008, 02:38 PM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    [QUOTE](02) كافتيريا سمسِم (تحت سكن مُوظفين المؤسسة).
    (03) شرِكة باتا(مُقابِل سلوى بوتيك ، حالِياً الأسواق الحُرة على ما أعتقِد).


ذكريات ولا أحلي !

أول كافتيريا تحت مبني المؤسسة بل وأول كافتيريا في هذه المنطقة

هي "كافتيريا الملتقي " لأصحابهاعبد العزيز مانجل وعلي مراد والسر سعد.

كان من روادهاالمنتظمين بصورة شبه يومية :
- الوالد الأستاذ محمد مانجل - يرحمه الله

- الشاعر الأستاذ فضل الله محمد
- الفنان محمد مسكين
- الأستاذ عبد المنعم ادريس " بوب " - يرحمه الله
- الأستاذ عوض محمد الحسن
- المهندس ابراهيم أحمد سليمان

الثالوث:
- الدكتور عبد المحمود محمد عبد الرحمن
- الأستاذ عثمان حسن احمد
- الفقير لله حسن طه محمد

وبالطبع أصحاب الكافتيريا الثلاثة.

وغيرهم كثيرون

دكان باتا كان في البيت الناصية غرب شارع المعونة بادارة العزيز بكري ابراهيم عبده.

الأسواق الحرة حاليا كانت فيما مضي لسلوي بوتيك.

أترك القيادة لصديقنا الحبيب دكتور عبد المحمود ليحدثنا عن
تلك الأيام الجميلة وذكرياتها الرائعة بتفصيل رائع أتوقعه منه .

والي لقاء.

دي المرة التالتة ارسل وما تصل كاملة . ان شاء الله التالتة ثابتة !!!
                  
|Articles |News |مقالات |بيانات

03-24-2008, 03:00 PM

Munir
<aMunir
تاريخ التسجيل: 02-11-2002
مجموع المشاركات: 10495

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)



    Quote: قال: و الله الفول و الفتة دي خلاص زهجنا منها و الله أنا فكرت اجيب معاي قراصة في كيس
    هههه .. والله هاشم مختار بالغ ..
    طيب أقول ليك حاجة.. أنا زاتي هنا كافتيريا محل الشغل هنا (التي تسع 1000 عامل) عاملة لي أرضي عديل .. ياخي أجي داخل كده بطني تقلب .. الحاجات كلها تتراءي لي خنزير خنزير .. لغاية ما بقيت أجيب سندوتشاتي من البيت .. يمين يوم كده جيت شايل سندوتش ويكة رسمي، وقلت محل الرهيفة التنقد زاتو ..

    وأها كمان كلام هاشم مختار ده أداني فكرة أشيل لي صحن قراصة بالدمعة لكين للتمويه كده اشيل شوكة وسكين وأقول للجمهور دي بيتزا سودانية .. ياخي فترنا من أكل القش والكراب ..

                  
|Articles |News |مقالات |بيانات

03-24-2008, 04:06 PM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Munir)

    [QUOTE](02) كافتيريا سمسِم (تحت سكن مُوظفين المؤسسة).
    (03) شرِكة باتا(مُقابِل سلوى بوتيك ، حالِياً الأسواق الحُرة على ما أعتقِد).


ذكريات ولا أحلي !

أول كافتيريا تحت مبني المؤسسة بل وأول كافتيريا في هذه المنطقة

هي "كافتيريا الملتقي " لأصحابهاعبد العزيز مانجل وعلي مراد والسر سعد.

كان من روادهاالمنتظمين بصورة شبه يومية :
- الوالد الأستاذ محمد مانجل - يرحمه الله

- الشاعر الأستاذ فضل الله محمد
- الفنان محمد مسكين
- الأستاذ عبد المنعم ادريس " بوب " - يرحمه الله
- الأستاذ عوض محمد الحسن
- المهندس ابراهيم أحمد سليمان

الثالوث:
- الدكتور عبد المحمود محمد عبد الرحمن
- الأستاذ عثمان حسن احمد
- الفقير لله حسن طه محمد

وبالطبع أصحاب الكافتيريا الثلاثة.

وغيرهم كثيرون

دكان باتا كان في البيت الناصية غرب شارع المعونة بادارة العزيز بكري ابراهيم عبده.

الأسواق الحرة حاليا كانت فيما مضي لسلوي بوتيك.

أترك القيادة لصديقنا الحبيب دكتور عبد المحمود ليحدثنا عن
تلك الأيام الجميلة وذكرياتها الرائعة بتفصيل رائع أتوقعه منه .

والي لقاء.


دي المرة التالتة ارسل وما تصل كاملة . ان شاء الله التالتة ثابتة !!!
                  
|Articles |News |مقالات |بيانات

03-24-2008, 07:14 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    بِسم الله الرحمن الرحيم
    السلام علَيكُم ورحمة الله تعالى وبركاتِهِ ،،،

    السَيد الفاضِل / عزالدين مُحمد عُثمان ... المُحترم

    حسب التَوجه العام في سودان اليَوم قُمنا بِعمل ورشة إنبثقت مِن لجنة فريق المُجاهِد المُتفرِعة مِن تضامِن قوة البحراوِيين بِرئاسة صبري أحمد الشيخ وسِكِرتارِية خالِد أحمد الشيخ وبِأمانتي ... تمضخت بِالنتائِج التالِية :-
    (1) تم التعرُف علَيكُم بِصورة تامة.
    (2) تم التعرف على منزِلكُم.
    (3) تم أخذ صورة تقريبِية لِشخصِكُم (لِزوم التعرُف علَيكُم عِند وصولِكُم الدَوحة).

    * حاول أحد اللِبرالِيين - مِن حِلة ناس عِماد كبشور - أن يُشكِك في الصورة التي وُصِفت لكُم بِإعتِبار أن الوصف الذي طُرِح كان قبل (10) سنوات ، إنتهى الأمر بِإقتِراح طُرِح مِن قِبل التنظيم الجهجهي المُتحِد -الذي يتخِذ مَزيرة إجزخانة الشعبِية مقرٌ لهُ - وفحوى الإقتِراح أن نُدخِل صورتِكُم التي رُسِمت في برنامِج فوتو شوب لإلغاء وإضافة ما إستجد بِفِعل الزمن وعوامِل الغُربة... فكانت النتيجة ... أو أُفضِل أن أقول [ سنتعرف علَيكُم بِمطار الدَوحة بِدون جُهد ] ...

    خالِد أحمد الشيخ (الناصِية الثانِية مِن ناصِية إجزخانة السنجك) يُهديكُم تحِياتِهِ الحارة.

    ولكُم مِني جزيل الشُكر والتقدير والإحتِرام ،،،
                  
|Articles |News |مقالات |بيانات

03-24-2008, 07:55 PM

Adil Osman
<aAdil Osman
تاريخ التسجيل: 07-27-2002
مجموع المشاركات: 10208

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: عزام حسن فرح)

    الاخ حسن طه له 3 او اربعة مداخلات غريبة. ارجو ان يراجعها. يبدو انه فى مشكلة فنية.

    كتب الاخ منير
    Quote: أول شئ أنا عرفت من القاعدين في الصف الأول نمرة اثنين من اليمين كمال بدر سليمان ، وهو الذي كان يأتي به أخوه حامدين (رحمه الله) للمدرسة بالعجلة .. وأتذكر في احد الأيام دقشوني بالعجلة في زحمة شارع المدارس ديك، وتخيل أنهم بعجلتهم الرالي طلعوا وعدوا فوق بطني عديل كدة .. يعني أنا الزمن داك لو ما كنت بأكل قراصة و تمر كتير كنت اتقطعت لنصفين ..

    أها إنت يخيل لي الشافع نمرة تلاتة من الشمال في الصف التاني المربع يديهو ده ..
    وبعدين يا عادل أنا قلت ليك صورتك في ذهني هي صورة الابتدائي بالردا والقميص ، يعني شغل الجلاليب ده ما معانا ..

    اجابتك الاولى صحيحة مية بالمية. فعلا هذا هو الاخ كمال بدر. كان تلميذآ لطيفآ وحكيمآ ومجتهدآ رغم شلل الاطفال. فيما بعد صار له عجلة معوقين يقودها بنفسه. وفى المدرسة كان يستخدم عكازين للمشى. للاسف لم التقيه بعد الابتدائى سوى مرات قليلة. ارجو ممن يعرف عنه اخبار ان يزودنا بها هنا وان ينقل له سلامنا وتحياتنا.
    كويس انه عفصوك بى عجلة حنينة. والا ما كنا سنقرأ لك اليوم، ونتونس معاك. حفظك الله من الحسد ومن السوء.
    اجابتك الثانية غلط. ولن اتبرع لك بالاجابة.
    هل تذكر متى غيروا الزى المدرسى من العمة والجلابية الى الردا والقميص؟ حتى نعيد تنشيط الامثولة ( كدا ياب ردا؟) ونقفل القوس.
    بالمناسبة يا منير انت الدفعة البعدنا طوالى. يعنى لما نحن مشينا سنة تانية انت دخلت سنة اولى.
    فى هذه الصورة المرحوم جمال سلامة. ابوه سلامة صاحب وكالة بدرة فى شارع الكبرى. هل تتذكره؟
    يللا شد حيلك واجتهد. ولكل مجتهد نصيب.
                  
|Articles |News |مقالات |بيانات

03-24-2008, 10:19 PM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Adil Osman)

    Quote: . يمين يوم كده جيت شايل سندوتش ويكة رسمي، وقلت محل الرهيفة التنقد زاتو ..

    وأها كمان كلام هاشم مختار ده أداني فكرة أشيل لي صحن قراصة بالدمعة لكين للتمويه كده اشيل شوكة وسكين وأقول للجمهور دي بيتزا سودانية


    . تعرف يا منير لو الخواجات ديل شافو ساندوتش الويكة دا كان قالوا الدكتور دا الليلة حاشي مخدرات

    بس فكرة بيتزا سودانية دي (سنينة جدا) طبعا دا تعليق (كضلوي خالص) ، و حتى لا يحتار بعض الاخوة في كلمة (كضلوي) فهي منسوبة للآخ عبد المنعم كضلو و الذي يميز نفسه بتعليقات خاصة و ساخرة.
    الأخ عادل محمد عثمان

    لو الصورة فيها المرحوم جمال سلامة غالبا يكون الرابع في الصف الثالث (دي باللون بس طبعا) و المرحوم اذا لم تخوني الذاكرة كان صديق للأخ محمد عبد الماجد شقيق المرحوم أحمد عبد الماجد و الذي علمت بوفاته مصادفة خلال اجازتي قبل عامين و هو دفعتنا بالأميرية (2) و شقيقه احمد الدفعة القدامنا.
    Quote: هل تذكر متى غيروا الزى المدرسى من العمة والجلابية الى الردا والقميص؟

    دون الاستعانة بصديق أعتقد أن ذلك تم في العام 1970
                  
|Articles |News |مقالات |بيانات

03-24-2008, 11:06 PM

Munir
<aMunir
تاريخ التسجيل: 02-11-2002
مجموع المشاركات: 10495

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)



    طبعآ ياعادل أنا خمنت الولد المربع يديه عشان توسمت فيه الشطارة والتهذيب ومسكنة الشطار !!.. لكين طالما طلع غلط إذن بعد كده الاقبل علي الشيوخ أبان عمم ديل .. ههه ..
    وكمال بدر أنا قابلته في صيف 2006، وهو كما هو نفس كمال بدر الزمان ، لم يتغير والزمن ما أكل ولا شرب منه أي حاجة ..
    طبعآ قصة انكم قدامنا بكثير دي كانت مزحة وأعرف أني وراكم طوالي ووراء اسامة سعد علي طول .. وهسة أنا داير أشوف متابعتي ليهو في امريكا دي حتتم كيف إذا بقينا حييين في الدنيا أم قدود دي .. باقي أنا مؤمن بالترتيب المقدر للصدف ..

    وكما قال الحاج تغيير الزي المدرسي كان سنة 70 مع السلم التعليمي ومحي الدين صابر .. والذي كانت ابنته دفعتنا (أعتقد) في مدرسة عشمانة وكان الاساتذة ينظمون بيننا منافسات حامية، وأذكر أنها كانت معروفة بالشطارة الفائقة .. بل ربما كانت اشطر تلميذة في دفعتهم ..

    ياالحاج والله قصة الغداء في محل الشغل ده عامل لي معضلة .. الواحد لو حاول يمشي يتغدا بره يومه يضيع ساكت ، وكافتيريتنا أكلها ما نافع معاي .. وسندوتشات البيت كمان ما شغالة شديد .. وأساسآ الواحد ما عنده نفس للأكل ذاتو .. مازي الخواجات ديل الواحد لو ختيت ليهو سم يسفسفه ليك ويقش الصحن ..

    يعني زي ما بيقولوا .. قصة أمورو بايظ ..


                  
|Articles |News |مقالات |بيانات

03-25-2008, 03:09 AM

Munir
<aMunir
تاريخ التسجيل: 02-11-2002
مجموع المشاركات: 10495

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Munir)



    وحفزتني مشاركات الأخ عزام وبدرلدين بذكر الشخوص والدفعة فحاولت في هذا الليل الاوروبي البهيم حيث لا اسمع شيئآ سوي زنة الكمبيوتر وتكتكة ساعة الحائط لأشحذ الذاكرة وأتذكر دفعتي في الشعبية جنوب الابتدائية فصل سادسة (أ) . حاولت أولآ بأول أكتب أسماء الذين لم أرهم منذ الابتدائي ولم اسمع عنهم منذ ذلك الحين .. وقد تذكرت فقط عدد 58 منهم في ظرف ربع ساعة تقريبآ .. وأكيد جل من لا ينسي قد لم أوفق في تذكر الكثيرين .

    وهم حسب تواردهم من ذاكرتي :


    (1) طارق أحمد الزبير
    .. رحل الحاج يوسف منذ ذاك الزمان ولم اره بعد امتحانات اللجنة ولم اسمع عنه منذ ذاك الحين .. أتمني أن يكون بخير ..

    (2) عمر أحمدعبدالعزيز
    .. كان والده متوفيآ، وكثيرآ ما كنا نري دموعه عندما يتذكر أبوه ، رغم أنه كان من شفوت الفصل من ذوي القلب الحار .. أتمني أن يكون بخير ..

    (3) اسماعيل صالح
    .. برضو لم اسمع عنه منذ الابتدائي وكان من اقارب عمر احمد عبدالعزيز ..

    (4) عبدالإله محمد عثمان
    .. من الصافية، وقد كان من أعز الاصدقاء وما زالت والدتي تتذكره وتقول لي مافي زول لاقاها زي عبدالإله الذي يوم ظهور نتائج امتحانات اللجنة جاء بيتنا جاري قبل ما يمشي بيتهم وجاب لأمي بشارة نجاح ولدها منير .. وعبدالإله ظل قامة قمة في حسن الخلق والتهذيب الشديد .. تخرج من كلية القانون جامعة الخرطوم، وآخر عهدي به أن سمعت به اغترب في السعودية .. وأنا من بعدي برسل له سلامي ..

    (5) أسامة مصطفي
    ـ وهو جارنا في الـ48 بيت في شارع الكابويات ، وكان اسم الشهرة في الفصل اسامة ترنتي لشبهه ببد اسبنسر من حيث الحجم والملامح ..

    (6) عادل مصطفي
    ـ أخو أسامة ترنتي وقد كان رفيق الدرب في مشوارنا اليومي للمدرسة في الصباح ودرس العصر والعودة من المذاكرة الإجبارية ..

    (7) عصام عبدالباسط
    .. برضو في شارع الكابويات مع اسامة وعادل وبرضو كان رفيقي في مشوار المدرسة.. وطبعآ أخويه هم أحمد عبدالباسط (الأكبر) ووليد (الاصغر).

    (8) معتصم محمد فرح
    .. الزول ده من الذين رحلوا الحاج يوسف وكان يجي مدافر يوميآ من الحاج يوسف للمدرسة ـ وبالمناسبة هو أكثر زميل والله مشتاق أعرفه وين لأنه منذ الابتدائي مثل آخرين لم أره ولم اسمع به .. وقد كان يحيرني بأدبه وتهذيبه وفي نفس الوقت طيبته وتدينه .. فقد كان مواظبآ علي الصلاة منذ ذاك الوقت .. وقد كان يدهشني بأنه وقت المذاكرة الإجبارية المسائية أول من أذان المغرب يؤذن يمشي يصلي في النجيلة ويرجع وجهه مليان قش .. تري أين أنت الآن يا معتصم !!!...
    .

    ومن أولاد ديوم بحري كان معنا:

    (9) طارق حبشي
    .. الآن محامي مرموق .. قابلته في صيف 2006 القريبة دي .. وماشاء الله نفس ملامح الابتدائي التي شب بها شاب عليها وأظنه حيشيب عليها .. ورغم طول المدة لم يكن صعبآ علي التعرف عليه قبل عدة سنوات ثم قبل السنتين ديل ..

    (10) محمدالأمين محي الدين
    .. كان من الاولاد المهذبين الشطار .. وأكثر ملمح تاريخي يذكرني به هو أنه كان مقلدآ بارعآ للفنان أبوعركي البخيت .. الكلام ده في الابتدائي طبعآ.. وأيضآ قد انقطعت أخباره عني منذ أمد بعيد ..
    وخلينا نمشي نكاوش من بعيد كده ونصل الحلفاية .. وطبعآ الحلفاية دي كانت بالنسبة لينا بلدآ طيرها عجمي .. وكان شغال معانا أحد ظرفاء الحلفايا وهو صديق عزيز وكنت بقرق عليهو وبقول ليهو ياخي الحلفاية دي أقاليم عديل كده ، قلت ليهو ياخي نحن لمن نكون مسافرين الشمالية بالقطر والقطر يجي قصاد الحلفايا نحن نكون already نمنا وصحينا .. فأخونا زعل شديد وقال لي يعني لمن تصل زومتكم الما معروفة وين ديك تكونوا متوا وحييتوا؟؟ ههه ـ نرجع للدفعة من الحلفايا :

    (11) عوض محمد حسن
    .. وقد كان تلميذا محبوبآ وكان يعاني منذ ذاك الزمان من مرض السكري أتمني أن يكون بعافية وخير ..

    (12) عيد محمد حسن
    .. وهو الأخ الأكبر لعوض لهم جميعآ آلاف التحايا ..

    (13) ياسر ابراهيم علي
    .. وهو من الاصدقاء المهذبين جدآ والشطار ، وقد زاملني أيضآ في الاميرية2 فصل جنوب، ثم فصل فيثاغورث ببحري الحكومية وتخرج من هندسة الخرطوم، وانقطعت اخباره عني .. إلا أن الصديق عماد عبدالله الطيب قال لي أن زميل المنبر ناظم ابراهيم علي هو أخو ياسر . وناظم تداخل في بدايات هذا البوست وذكر أنه زامل أخوي أحمد عبدالرحيم ثم اختفي .. أرجو أن يبلغ سلامي للعزيز ياسر ..

    .
    .
    وسأواصل باقي الأسماء بإذن الله .. أنا لسه ما خشيت علي أولاد المزاد والصبابي ومن ثم شباب الشعبية جنوب وهم الاغلبية ..


                  
|Articles |News |مقالات |بيانات

03-25-2008, 06:17 AM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Munir)

    Quote: وقد تذكرت فقط عدد 58 منهم في ظرف ربع ساعة تقريبآ


    يا جماعة قولوا ما شاء الله أصلو منير دا الما قرأ معاهو ما بعرف قدراته الذهنية ، زاملته في الأميرية (2) و في فصل واحد و طبعا جارنا في الشعبية ، من تمغرب نقعد قدام بيتهم يطربنا بالطنبور و لما نتفرق يرجع البيت يكون عندو لوحة برسم فيها يتمها و الصباح يكون عندنا امتحان (يجي يجضمو) بعدين حكاية يذاكر بالساعات دي ما بعرفه.
                  
|Articles |News |مقالات |بيانات

03-25-2008, 09:04 AM

Munir
<aMunir
تاريخ التسجيل: 02-11-2002
مجموع المشاركات: 10495

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)



    ياالحاج الذاكرة ما من فلاحتها لكين ناس الابتدائي ديل محفورين في الذاكرة زي النقش علي الحجر والشكر لحماد ..
    حتي إنو اليومين ديل ملاحظ إنو بقي عندي فلاشات من فقدان الذاكرة ، وبقيت مرات أكون شغال في حاجة مثلآ في الكمبيوتر ويخطر لي أن افتح صفحة قوقل مثلآ لأبحث شئ معين ، وعندما افتح الصفحة انسي الشئ الداير افتشه .. أها شفتلك جنس دا؟ نسأل الله السلامة.. ده ما الخرف زاتو !!!..
    الواحد بقي نساي زي السحلية، القالوا تجيك جارية من هناك عشان تعضيك.. وأول من تصلك تقيف جنب كراعك وتقعد تتلفت لأنها تكون نست هي جاية تسوي شنو ..

                  
|Articles |News |مقالات |بيانات

03-25-2008, 10:31 AM

Adil Osman
<aAdil Osman
تاريخ التسجيل: 07-27-2002
مجموع المشاركات: 10208

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Munir)

    Quote: لو الصورة فيها المرحوم جمال سلامة غالبا يكون الرابع في الصف الثالث (دي باللون بس طبعا) و المرحوم اذا لم تخوني الذاكرة كان صديق للأخ محمد عبد الماجد شقيق المرحوم أحمد عبد الماجد و الذي علمت بوفاته مصادفة خلال اجازتي قبل عامين و هو دفعتنا بالأميرية (2) و شقيقه احمد الدفعة القدامنا.

    الصورة فيها المرحوم جمال سلامة. وهو بالضبط الرابع فى الصف التالت. لونه فاتح لأنه كان (حلبى) كما يقولون فى السودان. من اصول مصرية او سورية. بيتهم كان قريب جدآ من المدرسة. شرق المدرسة فى المزاد المفتوح شمال ميدان المولد (مستشفى احمد قاسم حاليآ). وكان فى بيتهم دكان ناصية. و فى نفس صف بيتهم كان فى مصنع للداندرمة. حيث ترى عربات الندرمة ذات الدفع الثلاثى! فى انتظار تعبئتها بالخلطة المثلجة اللذيذة. وكنت تشم ريحة خبيز كاسات الدندرمة ice cream cones فقد كانوا يصنعونها فى نفس المحل.
    توفى جمال سلامة فى عز شبابه. له الرحمة .
    فعلا كان محمد عبد الماجد دفعتنا. بيتهم كما تعلم فى شارع الكبرى. وابوهم كان موظف كبير فى الخدمة المدنية السودانية (وكيل وزارة اعتقد)، وكان محمد شاطر ومثقف للغاية. وكان يتميز بصوت جيد حين يلقى القصائد فى الفصل. لغة عربية سليمة وصوت قوى. وكان من التلاميذ القلائل الذين يرتدون ساعات على معاصمهم. مرات ابوه كان بجيبهم المدرسة بعربته المميزة. فولقا صالون. كما تعلم كان السودان ذاك الوقت منفتحآ على الاتحاد السوفييتى ودول شرق اوروبا. فاستورد عربات الفولقا والموسكوفيتش الروسية الى جانب دبابات تى 55 وطائرات الميج.
    احمد عبد الماجد بعدنا بسنة. وكان ايضآ تلميذآ شاطرآ. وإن كان يختلف عن شقيقه محمد بشقاوته وشغبه streetwise كما يقولون. ولقد اتاحت له الدنيا ان يعيشها بالمغامرات والتجريب. رحمه الله.

                  
|Articles |News |مقالات |بيانات

03-25-2008, 10:34 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Munir)


    كافتيريا سمسِم (تحت سكن مُوظفين المؤسسة).
    (03) شرِكة باتا(مُقابِل سلوى بوتيك ، حالِياً الأسواق الحُرة على ما أعتقِد).

    أول كافتريا بالمؤسسة هي : " كافتريا الملتقي " لأصحابها:

    عبد العزيز مانجل

    علي مراد

    السر سعد

    من روادها المنتظمين بشكل يومي او شبه يومي:

    العم محمد مانجل - يرحمه الله

    الشاعر والصحفي فضل الله محمد
    الفنان محمد مسكين
    السيد عبد المنعم ادريس بوب - يرحمه الله
    العميد محجوب ناصر - يرحمه الله.
    الاستاذ عوض محمد الحسن المهندس ابراهيم احمد سليمان
    المهندس ........ ( يا عبد المحمود اسعفني ) .

    الثالوث

    الدكتور عبد المحمود محمد عبد الرحمن

    الاستاذ عثمان حسن احمد

    الفقير لله حسن طه محمد

    بالاضافة لأصحاب الكافتريا

    وغيرهم كثيرون

    ملتقي يومي لأجمل ايام و لحظات ظلت وستظل عالقة في الذاكرة.

    أترك القيادة لصديقي الحبيب دكتور محمود - ابو احمد - ليحدثنا عن تلك الذكريات ويراد أسماء من سقطوا سهوا .

    والي لقاء .
                  
|Articles |News |مقالات |بيانات

03-25-2008, 12:18 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    بِسم الله الرحمن الرحيم
    السلام علَيكُم ورحمة الله تعالى وبركاتِهِ ،،،

    السادة الأفاضِل / المُنتدى ... المُحترمين

    مات فضل

    كثيرةٌ هي أوهامي ... خيالاتي ... حتى أنني بدأت أُفكِرُ بِمُراجعة طبيب نفسي ... لا بأس ... فإن الأمر لا يعدو أن يكون مُجرد عارِض ... لابُد أن أفعل ذلِك ... والسبب هو أنني قد ظللت أُردِد على نفسي طُوال 30 سنة الفائِتة مِن عُمري وأقول : سألتقي بِالعام القادِم فُلان الذي أحببتهُ – وهذا العام القادِم لم يأتي أبداً – لدي قائِمة محفورة في ذاكِرتي تضُم أسماء مَن أُود أن ألقاهُ ... كان السَيِد الفاضِل الأُستاذ / فضل بِهذِهِ القائِمة درسنا سنوات طُوال في مدرسة الشعبِية الإبتِدائِية جنوب ... ودرس أجيالٌ قبلِنا وبعدِنا ... تخرج مِن تحت يدَيهِ عشرات بل مِئات الأطفال ... نعاهُ إلى السَيِد الفاضِل / بدرالدين إسحاق ... المُحترم في إحدى رِسائِلِهِ ... والله بكَيتهُ جزعاً وفزعاً ... وتعجبت ... فقد أبى البُكاء أن يتَوقف ، ثُم إكتشفتُ أنني أبكي نفسي ... أبكي ذِكرياتي ... مسرحي ... عُمري ... أبكي أبي ... أبكي رشاد ... أخذتُ أجتر كُل مَن مات ... لِذا ظللتُ أبكي.

    كُنت أعلم أن العُمر قصير ... قصير لِدرجة أنهُ أُختزل لي فقط في بِضع سِنين (8 ساعات عمل + 2 ساعة قبل وبعد العمل + 6 ساعات نَوم + 2 ساعة قضاء حاجات المنزِل والأُسرة = 18 ساعة المُتبقي 6 ساعات بِاليَوم × 30 يَوم × 12 شهر × 30 سنة = 880ر64 ساعة ÷ 24 ساعة ÷30 يَوم ÷ 12 شهر = 5ر7 سنوات) كُل ما لدَي خِلال الــ 30 سنة الفائِتة ، فقط (5ر7) سنوات ، لم أحسِب العشرة سنوات الأولى مِن عُمري ، بِإعتِبار أنها فترة غَير مُدرِكة لِطبيعة الأشياء ... غَير مُدرِكة لِمعنى الصداقة ... الحُب ... المفاهيم ... العِلاقات ... إلخ
    (5ر7) سنوات ... فقط (5ر7) سنوات ... حتى هذِهِ لن تستطيع أن تُحقِق لي أمل لِقاء شخصِيات قائِمتي ... مات أُستاذ فضل كما ترى ... ومات رشاد حتى قبل أن أُنشئ قائِمتى ... لم أستطيع أن أُدرِجهُ ... فقد مات ...
    وما الناس إلا هالكٌ إبن هالِكٍ وذو نسبٍ في الهالِكين عريقُ
    إذا إمتحن الدنيا لبيبٌ تكَشْفت لهُ عن عدوٍ في لباس صديقُ

    أقول لِنفسي دَوماً أن [ أُهمِل الجفلَن وأن أقرع الواقفات ] الجفلَن سنواتِنا التي ضاعت مِنا وكان الناس فيها يُنجِبون ويتَوفون وبَينهُما دُنيا كانت لنا غَيب ، لم نُحسب أننا مِنهُم ، لم يعِدوننا مِنهُم ، كان لِسان حالِهِم يقول :
    هيا ناس ... المال إن كِتِر طول العُمر بِفنا

    نسألُك يا الله يا الله أن تُيسِر لنا أن [ نقرع الواقفات ] أن تُمكِنُنا مِن ما تبقى مِن العُمر ... لِنكون مع مَن نُحِبهُم ونرنو إلَيهِم ...

    اللهُم إني قد علِمتُ أنك أوحَيتُ إلى نبِيُك مُحمد صلى الله علَيهِ وسلم وحيٌ فقال لنا [ ... من أثنَيتم علَيهِ خيراً وَجبت لهُ الجنة ومَن أثنَيتم علَيه شراً وَجبت لهُ النار ، أنتُم شُهداء الله في الأرض ، أنتم شهداء الله في الأرض ، أنتم شهداء الله في الأرض ] ... أللهُم إلَيك شِهادتي : كان فضل خَيِراً ومُحسِناً ، فأوجِب لهُ الجنة يا الله ... يا رحمن الدُنيا والآخِرة ... يا أرحم الرحمين ... يا ملِك ... يا قُدوس ... يا سلام.

    ولكُم مِني جزيل الشُكر والتقدير والإحتِرام ،،،

    ــــــــــــــــــــ
    [email protected]
    5287894 974+
    الدَوحة – قطـر

    (عدل بواسطة عزام حسن فرح on 03-25-2008, 12:20 PM)

                  
|Articles |News |مقالات |بيانات

03-25-2008, 01:24 PM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: عزام حسن فرح)

    Quote: فعلا كان محمد عبد الماجد دفعتنا. بيتهم كما تعلم فى شارع الكبرى. وابوهم كان موظف كبير فى الخدمة المدنية السودانية (وكيل وزارة اعتقد)، وكان محمد شاطر ومثقف للغاية. وكان يتميز بصوت جيد حين يلقى القصائد فى الفصل. لغة عربية سليمة وصوت قوى. وكان من التلاميذ القلائل الذين يرتدون ساعات على معاصمهم. مرات ابوه كان بجيبهم المدرسة بعربته المميزة. فولقا صالون.


    والد محمد و المرحوم احمد عبد الماجد فعلا موظف كبير و أعتقد كان مدير لمشروع الجزيرة أو ما شابه ذلك و فعلا اتذكر محمد كان وجيه و انيق و مهذب تهذيب شديد و اتذكر عربتهم الفولقا البيضاء ، بعد سنين طويلة و مصادفة تم ارسال مجموعة من طلاب السنة النهائية بمدرسة العلوم الادارية بجامعة الخرطوم للتدريب معنا بالشركة و كانت بينهم شقيقتهم و هي أيضا قمة في التهذيب و الأدب ، الله يرحم أحمد عبد الماجد و التحية لمحمد عبد الماجد.

    (عدل بواسطة hajhamad on 03-25-2008, 01:36 PM)
    (عدل بواسطة hajhamad on 03-25-2008, 01:51 PM)

                  
|Articles |News |مقالات |بيانات

03-25-2008, 02:27 PM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    سعادتو محمد صلاح أبودية من الذين يعشقون الشعبية و كما ذكر فهو مستعد لتقديم أي جهد لصالح الشعبية و قد اتصل بالأخ أسامة سليمان في اطار ذلك و قد وصلتني منه هذه الرسالة:
    Quote: الأخ / حاج حمد

    الإخوة / الشعبيياب وليس الشعببيين يا بدر الدين إسحق (الزنجى) كما كان يحلو لنا أن نطلق عيك

    أسمحوا لى بما أننى أول من كتب فى البورد من ناس جنوب وشايف الدفعة ظهروا ما شاء الله منورين الأخوين بدرالدين إسحق وعزام حسن فرح والله يا عزام (لو سمح الأخ حمد) أنا ما كنت قايل إنك ملان كده بالإبداع كنت دايماً أذكرك وإنت سارح إتاريك فوق راى .

    الصورة اثارت ذكريات قديمة لكن شايفك نسيت الأسماء عاوزك تعرفنى وين فى الصورة وح تكسب المليون تحية

    الأخ الزنجى شايفك مذكرنى وما شاء الله على الذاكرة الحديدية وربنا يرحم الوالد ويرحم جميع موتى الشعبية لكن إنت كنت بتاع مشاكل وفقرى جداً ، وعلى فكرة أمير قناوى كان بجى التانى فعلاً لأنو عادل بابكر كان ماسك الأول مقاولة وين الزول ده هسى؟

    الأخ حاج حمد لك التحية والود وعزائى فى وفاة الوالد ولقد شرحت لك ظروفى (أعفى لى) على فكرة أنا رسلت للأخ بكرى عشان ننضم ليكم لكن طنش أبوصلعة وعمل فيها ما بعرفنى الظاهر نسى ناس بحرى كلهم وبقى أمريكى ول إمكن عشان قلت ليهو أنا شغال فى القصر الجمهورى على فكرة القصر الجمهورى ده محل شغل وفيهو ناس شغالين وفيهو عدة شغل .

    أخى كما أخبرتك إتصلت بالأخ أسامة وسوف ننسق الباقى .

    التحية لكل أهل الشعبية

    ومرة أخرى الشعبية 100%

                  
|Articles |News |مقالات |بيانات

03-25-2008, 04:06 PM

عزالدين محمد عثمان
<aعزالدين محمد عثمان
تاريخ التسجيل: 07-13-2006
مجموع المشاركات: 1200

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    الأخ الأكرم عزام لك التحايا النواضر
    مشكور على الاهتمام وانا متاكد انك
    حتعرفني بسهوله لان الزمن لم يغير فيني
    كثيرا فقط الشعر اصبح فضيا في كثير من الاماكن..
    احييك علي هذا الاسلوب الرائع والمميز
    الذي تستخدمه في الكتابه..وياريت تكون
    بتكتب نثر فني لانك تملك ناصيته..
    تحياتي للاخ خالد ولكل من يسال عننا
    ولصاحب الحوش حاج حمد الذي كان السبب
    في هذا الجمع الجميل والرائع..
    ولكم مودتي
                  
|Articles |News |مقالات |بيانات

03-25-2008, 04:52 PM

Adil Osman
<aAdil Osman
تاريخ التسجيل: 07-27-2002
مجموع المشاركات: 10208

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: عزالدين محمد عثمان)

    Quote: مات فضل

    استاذ فضل مات؟ يا الله.
    له الرحمة بقدر ما علّم وربّى وشرح ودرّس وآخى.
    له الرحمة.
    يا عزام الموت حق. والحياة قصيرة.
    ولكن استاذ فضل الجليل وغيره عاشوها بالخير وللخير.
    هؤلاء معلمونا.
    من صاغوا وجداننا ورؤيتنا للدنيا مع الاهل.
    كانوا يفرحون لتفوق تلاميذهم.
    ويجتهدون فى ان تتلاحق الكتوف.
    وان تكون النجابة والذكاء والاجتهاد اشتراكية بين التلاميذ.
    قم للمعلم وفّه التبجيلا كاد المعلّم أن يكون رسولا.
                  
|Articles |News |مقالات |بيانات

03-25-2008, 07:09 PM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Adil Osman)

    أقول للأخ أبو دية أكتب رسالة أخرى لبكري و ان شاء الله يستجيب لطلبك و الأخ بكري أبو بكر لم يقصر مع أولاد بحري و بمناشدتنا منح العضوية لاتنين من أولاد الشعبية أصحاب الأقلام المتميزة و هما شهاب شكوكو و عزام فرح و الذي يزدان بقلمه هذا البوست و شهاب في الطريق قريبا ، و حقيقة الأخ بكري يبذل مجهود كبير و امامه عشرات الآلاف من الطلبات مع محدودية امكانيات البورد مع العلم ان العضوية حتى الآن مجانية..لك ودي اخي أبو دية و يمكنك المشاركة عبر بريدي الالكتروني كما بدأ الأخ عزام..

    الاخوة الذين ليست لديهم عضوية مشاركاتهم ضعيفة و يمكنهم المشاركة عبر البريد الالكتوني لأيا من الأعضاء أو عبر بريدي الالكتروني:
    [email protected]
    لكم جميعا ودي..
                  
|Articles |News |مقالات |بيانات

03-25-2008, 07:37 PM

Munir
<aMunir
تاريخ التسجيل: 02-11-2002
مجموع المشاركات: 10495

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)



    بسم الله الرحمن الرحيم .. إنا لله وإنا إليه راجعون ..
    أترحم علي روح معلمي الجليل فقيدنا أستاذ فضل ، أسأل الله الكريم رب العرش العظيم أن يتغمده بواسع رحمته ويدخله فسيح جناته مع الشهداء والصديقين وأن يلهم آله وذويه وكل تلامذته الصبر الجميل وحسن العزاء ..
    فقد كان مثالآ عظيمآ للمعلم المتفاني الحريص علي نجاح تلاميذه وتفوقهم المساهر علي ترتيب دروسهم وتجويدها مما جعله علم علي رأسه نور لا تذكر مدرسة الشعبية الجنوب إلا وذكر معها استاذي العظيم فضل الذي علمني الجفرافيا والعربي والرياضيات وحببها إلي فكانت دروسه وروحه الصافية الودودة هي معيني وهي أساسي الذي بنيت عليه كل ما تعلمته في محطات عمري .. رحمك الله يا استاذي وسلام عليك مع الشهداء والصديقين ..


                  
|Articles |News |مقالات |بيانات

03-25-2008, 09:18 PM

Munir
<aMunir
تاريخ التسجيل: 02-11-2002
مجموع المشاركات: 10495

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Munir)



    أعود لمواصلة تذكار زملائي في سادسة (أ) ..

    وأتذكر الأخوة من المزاد الشقيق :

    (14) ابراهيم محمد سيد النور
    : وهو صديق عزيز كان قاعد جنبي الدرج بالدرج .. بيتهم في ركن الملتقي الجنوبي الشرقي وبه بقالة .. أخوه عوض كان زميل احمد أخوي برضو .. واذكر أن ابراهيم ده كان اصلو ما بيلاوز من حاجة .. ممكن يقتحم أي مخاطر بشقاوة لا تعرف الخوف .. ومن الطرائف أنه في طريقه من وإلي المدرسة كانت هناك كلبة ـ يخيل لي بتاعة ناس الأخ حسن تاج السر ـ سادسة(ب) ـ .. فكان كل ما يجي بالشارع داك الكلبة بت الذين دي تهيج فيهو وتهاجمه .. وكرهته الشارع .. قام يوم كده لمن جاته هاجمة وقف ليها واتمط شديد وراح شايتها ليك شلوت ساموطي جاها ليك في قدومها بالزبط .. لغاية ما راسها خدر .. فتفاجأت الكلبة وطيرت عيونها وقامت جارية وهي تصرخ وييي ويييي وييي .. وتاني من اليوم داك ابراهيم قال لي بقت صاحبته .. وبقت عندما تشوفه جاي من بعيد تجي جارية عليه بإبتسامة عريــــضة ومعاها هزهيز ضنب شديد !!! .. تاني تجي الحفلة؟؟..

    (15) مجدي مرسي فؤاد
    .. برضو من اولاد المزاد وكان حلبي قلبه حار وشاطر .. ولا أذكر بعد الابتدائي اختفي وين لأني منذ ذاك الزمن قابلته مرة واحدة بس أمام باب بحري الحكومية وتاني ما شفته .. لكين أكيد جمال المنا بيكون عارف جيهته ..

    (16) رشاد الزين محمد حسن
    .. صديق عزيز زاملني ايضآ في الاميرية ومنها التحق بالخرطوم القديمة ثم درس الهندسة المدنية في الاتحاد السوفيتي علي ما أظن .. كان هادئآ خلوقآ .. قابلته تقريبآ في اواسط التسعينات ووجدته كما عهدته .. نفس الطبع الهادئ والخلق الرفيع .. بيتهم فاتح في شارع المعونة قصاد عيادة دكتور عطا المنان حسن جردل ـ بس شوية علي زاوية ـ

    (17) مجدي حسين
    .. بيتهم في الشارع التاني من شارع المعونة .. وهذا الزول من عهد الابتدائي تاني ما شفته .. والواحد حقو يوم يمشي يكابس في الشوارع دي ويفتش العالم ديل ويشوف اراضيهم وين ..

    (18) محمد عوض
    .. أها محمد عوض ده كان من ناس الصفوف الورا مع ناس اسامة ترنتي.. لكنه كان قليل الكلام هادئ الطبع.. إكتشفت بعد تخرجنا من الابتدائي أنه قريبنا ومن بلدنا .. أخوه الأكبر إسمه أزهري عوض كان صديق جارنا صلاح الكاشف ..

    (19)سيد طه
    (اتمني اكون ذكرت اسم والده صاح) .. هو ايضآ يسكن قريبآ من منطقة سلوي بوتيك .. قابلته مرة صدفة فلم يعرفني ..رغم أنه كان قاعد جنبي في نفس الكنبة .. قلت ليهو كده برضو تنسونا ونحن ما ناسين ؟ ..

    (20) سيف ..
    بالرغم أنه من بلدنا لكين خايف أذكر الاسم غلط وأتلوم معاه .. أصلو في سكة الحياة قابلت عدد لا يحصي من السيوف وكلهم كانت اسماءهم متشابهة ..

    (21) كمال أحمد عمر
    .. المشهور بالهدندوي .. وأعتقد أنه فعلآ هدندوي.. كان من الاصدقاء القريبين وكان دائمآ ضاحكآ ممازحآ .. قابلته آخر مرة منذ دهور في سنة 2001 ..

    (22)أحمد خيري أحمد
    .. أذكر أنه كان يقول أنه ساكن كرش الفيل .. وطبعآ الواحد بعد ما كبر حتي عرف كرش الفيل دي وين ـ ده لو معلومتي زاتها صاح وما طلعت مغلوطة ـ أحمد خيري ده من الابتدائي تاني ما سمعت عنه .. إلا أسأل منه جمال منا السيد .

    (23) سامي التوم
    .. لي زمن طويل ـ عشرات السنين ـ ما لاقيت سامي ده .. لكين طبعآ زي ما عارفين البلد دي ضيقة ومصيره الحي يلاقي لو الله مد في الايام ..

    (24) أحمد عبدالمنعم حسن
    .. من اولاد الفصل الحمر الأشداء .. كان هادئآ مسالمآ قليل الكلام .. ولكن رغم أنه كان صديق حميم في المدرسة إلا أني كنت قابلته يومآ ما فسالمني ببرود كأنه لم يتعرف علي .. قلت والله سبحان الله الظاهر الواحد كان قاعد في طرف الذاكرة ..

    والأن ايضآ تذكرت أحد الأخوة الذي اظنه ايضآ كان ساكن الديوم ثم رحل الحاج يوسف اسمه:

    (25) سامي عثمان....
    .. وقد كان ايضآ ذو طبع هادئ جدآ (طبعآ ملاحظين أن الذكرتهم ديل معظمهم من ذوي الطبع الهادئ، ودي حقيقة ليست مجاملة لأحد .. بس برضو يمكن كلنا كنا هادئين ومهذبين من كثرة الجلد وسيطان النيم ) .. سامي ده كان حارس مرمي بارع علي ما أذكر .. وهو ايضآ من الذين لم ارهم منذ ذاك الزمان ..

    كما ايضآ فاتني أن أذكر من اولاد الحلفايا زميلنا :

    (26) أحمد دهيب
    .. والذي شاهدته ـ عندما كان عندي دش ـ في التلفزيون وقد اصبح ممثلآ ومخرجآ .. واكتشفت ان اسمه الكامل أحمد رضا دهيب .. قابلته بالصدفة سنة 2006 بعد طول هذا الزمن، وكم سرني أنه تعرف علي حالآ .. له ألف تحية ..

    كما ايضآ أذكر الصديق العزيز الذي لم اتأكد إن كان من اولاد المزاد أو الديوم أو حي الدناقلة هو الأخ:

    (17) عماد الطيب موسي
    .. كان عامل لي ملاوزات مع اسم العزيز الصديق عماد عبدالله الطيب .. شايفين؟ إلا الواحد يحلل الاسم ويخته في اقواس حتين يفرزهم .. له السلام العاطر ..

    ..

    وأواصل ..



    (عدل بواسطة Munir on 03-25-2008, 09:26 PM)
    (عدل بواسطة Munir on 03-30-2008, 00:31 AM)

                  
|Articles |News |مقالات |بيانات

03-26-2008, 09:02 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    بِسم الله الرحمن الرحيم
    السلام علَيكُم ورحمة الله تعالى وبركاتِهِ ،،،

    السادة الأفاضِل / المُنتدي ... المُحترمين

    كتب السَيِد الفاضِل / بدرالدين إسحاق ... المُحترم ... أحلى ذِكريات

    بسم الله الرحمن الرحيم

    شوارد حكايات

    الليلة شايتين ضفارى

    تحديات الطريق الى المدرســة
    يعلم الله ان الطريق الى المدرسة فى ايام دراستنا كان ذو تحديات ومخاطر جســام لن تسلم فيــه كل يوم الا ( بتكتيكات ) متعددة وطرق مختبرة ...وشلل متناقمة ومتدربة على القتال ...
    خط سيرنا من مربع 8/9 السشعبية جنوب يتضمن المرور بكل الاراضـى المعادية ...ويندر ان تجد ارض صديقــة الا من بعض الملاذات الامنــة يوماً من بعد يوم .
    التحدى الاول :
    حاتم محمد عثمان ( كونــج ) ذو حماية لها باع طويل فى العراك ( عادل بوديــة ) ...لدينا اشتباك كل يوم ماشين شكله وراجعين اخرى ....حين نفكر بتغيير الطريق نجد الاحباب ((الحلب )) ناس النعير يجلسون زرافات ووحداناً لا قبل لك بخوض معركة لوحدك معهــم ابداً ..
    التحدى الثانى
    ثم ننتقل الى الارض المعادية الثانية ... ناس المشاكس التاج ( نقد ) شريفــة ما فيهو مروة وحيل بس بتاع شربكة ودائماً انا ( عالقوا ) ..
    ومنطقة حرب اخرى ... مجذوب جابر ( اخوهـ الكبير محمد جابر ولاتعليق ) يوم مطفقنا ويوم مكسرنوا واحسن حاجــة انه كان لايتمتع بأى دعم من ناس المربع .
    التحدى الثالث :
    ناس مجدى حسن العوض .. شايقى مقلوص ( ماشاء الله ) تكسروا كيف الله اعلم ...ثم بعض المناكفين الفاتح صديق ...عمك صديق الغفير فى المدرسة لو هبشت الفاتح الله قال بيه قولك السنة كلها مجلود واستاذ حسن ( الله يطراهوا بالخير لو انشبك فيك يحل فقط انتهاء العام الدراسى (( برضوا تقول ليــه نظريات ومناهج تربية ))..

    التحدى الاشرس :
    شاكر اسماعيل ( رحمة الله عليــه ) .. استاذ فن المشاكل والصراع بيكون معدل المعارك معاهوا اكبر معدل مشاجرات فى كل المدارس الابتدائية فى افريقيا ... بمعدل شكلة فى فسحـة الفطور واخرى فى الفسحـة وثالثة بعد انتهاء اليوم الدراسى ... ذو دعــم أسرى شقيقه الاكبر بدر الدين .ز ومنزلهم يفتح على المدرسة .. الغريب انوا صبرى برضوا درس معانا فى فصلنا كان يفصله عن شاكر ابعاد كثيرة فى كل شى
    تحديات إنصرافيــه
    ناس الشعبية شمال فى مدرسة الشعبية جنوب ناس محمد الحسن نمر ... اسامة ابودية ..ونادر منصور
    تحديات اولاد الديوم
    معارك غير منتظمـــة عاطف ود الكويــة ... بابكر ود الجاك
    الملاذات الامنـــة
    من دفعتنا لم يعرف عنهم نوازع شريرة للتعارك والتشاجر كنا نجد الملاذ الامن فى منازلم فى طريق عودتنا من المدرسة لهم علينا حق الجوار مستقبلاً كما اجارونا ونحن مستهدفين من قبل الجماعات المعادية صغاراً:
    عماد محمد عبد الدائم ( شكوكو ... بيتهم بـه رسومات ولوحات وحاجات عجيبة كنا ننظر اليها
    حيدر عباس ابو شامة ملاذ امن فى مربع 6/7
    عبد العال على الحسن .. شخص رائع منذ صغرنا الى اليوم لم تنقطع صلتنا بهــ معتصم حماد ... شقيق ناس سلام والشهيد خوجلى
    التكتيكات العملياتيـة
    ان تكون من ضمن شلة ذهاباً واياباً ( الدواعى والاهداف المادية لقيام الشلل )
    ان تتكون الشلة من بعض التلاميذ من الصفوف المتقدمة زى ناس عادل محمد عثمان
    ان تتحرك الشلة فى زمان محدد
    ان تسلك الشلة طريق محدد

    وفى اطار النقد الذاتــى
    جماعات كنا نتسلــى بضعفهم من ابناء الاحياء البعيدة ناس( عوض عبد الوهاب يسكن الدناقلـة ...محمد طاهر يسكن حلة خوجلى (((المحيرنــى الى اليوم هم الوحيدين الذين لنا صلات وطيدة معهم ))).
    كان عندنا جــن مع الحلب ... ومافـى حلبى قدر علينا الا شاكر اسماعيل رحمــه الله .

    (((( برضوا يا دفعة صلاح محمد صلاح تقول ليــه فقرى وبتاع مشاكل ))) ياخى بكون انا فى الابتدائى دخلت ليه فى الف ( 1000)) معركة ...وحين اتذكر ذلك اضحك بصورة هستيرية (( المدام تقول للاولاد ابوكم جنــه....يا ناس الشعبية هيييييييييييه :

    سواقط من الذاكرة
    راشد محى الدين سيد احمد ...فتى خجول الى اليوم ..يسكن مربع 8/9 دفعتنا
    محمود احمد اصوصا باشا ... من شلتنا ذهاباً واياباً ..يكن مربع 8/9
    حمدى يوسف رحمة الله ( رجمة اللة ) الاسم .. شقيق كل من شعيب وعبد المحسن يسكن مربع 6/7 جوار نصر الدين فارس .
    النور جبريل عمر صابون فتى دمث الاخلاق الى اليوم ..يسكن الشعبية شمال حلة المارد قرب ناس كباشى وطارق دلدوم .
    محمد مرسى .. فتى وديع يسكن مربع 4/5 جوار ناس صلاح محمد صلاح .
    سمؤال ولد الناظر وابن خالته نزار .. دفعتنا

    هام وعاجل
    ننعـى الى اهل البوست والشعبية شقيقنا واحد اعمدة حــى الشعبية ذو الصوت الجهورى ياسر موسى ابراهيم .. شقيق سوسو مدرب فريق الزهرة وكابتن فريق الرفاق (( سابقاً )) رحمة الله وبركاته على اخونا ياسر موسى
    المرحوم اعتقد دفعة ناس عادل محمد عثمان
    درس فى الديوم الابتدائية
    الاميرية 2
    الثانوى ... خربت الذاكرة
    لعب فى فريق الجهاد ( ناس الزهرة الى اليوم زعلانين من هذا الامر )
    لم يتزوج الى تاريخه
    يسكن مربع 8/9 منزلهم يفتح على الميدان
    هاجر الى العراق منذ 1986 الى تاريخ وفاته لم يعد الى سودان المحبة والاحباب ..دفن فى مدينة الرمادى بعراق الصمود .للتعزية تلفون شقيقه محمد موسى كبيدهـ 0912999144
    منير :اخيراً تذكرتك جيداً تعبرون من امام منزلنا الى المدرسة ذهاباً واياباً وتسكن قرب ناس وليد عبد الباسط واظن مرتضى رشوان ...اين ننوس ذلك الفتى الابنوسى ...
    الحبيب عزام شعرت بثقل فقلت علينا بالشوارد علها تيقظ فى دواخلنا ما سكتنا عليــه حقب زمانيــة طويلة علها تهيج فى ابناء الشعبية إعادة قراءة سيرتنا المدرسية .
    سنواصصصصصصصصصصصصصصصصصصصصصصصصصصصصصصصصصل
    الاميرية 2 ...
    كمال جنه فيل
    محمد خيرى .. بتاع الجهاد
    الناظر السحار
    الشِعار
    سنواصصصصصصصصصصصصصصصصصصصصصصصصصصصصصصصصصل
    الشعبية جنوب ..
    استاذ حسن الدنقلاوى
    استاذ علاء الدين
    استاذ ضرار ( لو قلت ليه السلام عليكم بيقول ليك أعربها ) والمحيرنى هو دنقلاوى كلاموا كلوا بالرطانة العاجبوا فى الاعراب شنو ما عارف .
    الناظر ابو سمؤال
    مع اشجان المتوحدين العاكفين على الانتظار فى دوحات السمو واللقيا لمن بابـــه مشرع ليس دونـــه حراس
    اترككم
    بدر الدين اسحاق احمد
    ـــــــــــ
    (إنتهى)

    ولكُم مِني جزيل الشُكر والتقدير والإحتِرام ،،،

    (عدل بواسطة عزام حسن فرح on 03-26-2008, 09:19 AM)
    (عدل بواسطة عزام حسن فرح on 03-26-2008, 05:02 PM)
    (عدل بواسطة عزام حسن فرح on 03-26-2008, 05:05 PM)

                  
|Articles |News |مقالات |بيانات

03-26-2008, 09:49 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: عزام حسن فرح)

    الاخوة الأحباب


    الصديق الحبيب الدكتور عبد المحمود محمد عبد الرحمن من الذين تسكن الشعبية في وجدانهم

    ومن غير المقيمين بها اذ كان من المقيمين بالمزاد

    ومن العاشقين لبحري عموما

    ابت نفسه الا ان يكون مع السرب - كعهده دائما - بمساهمته بمبلغ الف ريال سعودي

    ردا لبعض الجميل للشعبية علي حد قوله.

    قام الدكتور بتحويل المبلغ الي طرفي.

    مشكور يا ابا احمد ويعطيك العافية.
                  
|Articles |News |مقالات |بيانات

03-26-2008, 09:57 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)
                  
|Articles |News |مقالات |بيانات

03-26-2008, 10:11 AM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: عزام حسن فرح)

    Quote: ت نفسه الا ان يكون مع السرب - كعهده دائما - بمساهمته بمبلغ الف ريال سعودي

    ردا لبعض الجميل للشعبية علي حد قوله.

    قام الدكتور بتحويل المبلغ الي طرفي.

    مشكور يا ابا احمد ويعطيك العافية.


    ابت نفسه الا ان يكون مع السرب - كعهده دائما - بمساهمته بمبلغ الف ريال سعودي

    مشكور يا دكتور و ربنا يعظم أجرك و شكرا أخي حسن طه..لي قدام
                  
|Articles |News |مقالات |بيانات

03-26-2008, 11:18 AM

Adil Osman
<aAdil Osman
تاريخ التسجيل: 07-27-2002
مجموع المشاركات: 10208

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    Quote: نسأل الله أن يلهِم السادة آل موسى إبراهيم الصبر وحُسن العزاء
                  
|Articles |News |مقالات |بيانات

03-26-2008, 04:41 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    بِسم الله الرحمن الرحيم
    السلام علَيكُم ورحمة الله تعالى وبركاتِهِ ،،،

    السادة الأفاضِل / المُنتدى ... المُحترمين

    كتب السَيِد الفاضِل / صلاح مُحمد صلاح ... المُحترم


    الأخ بدر الدين (الزنجى ) لك التحية أنعشت ذكريات قديمة نحاول نذكركم شوية من الثقافة المدرسية فى تلك الحقبة

    نبدأ بمجلة الصبيان أول قراءة تثقيفية إجبارية لمرحلة طفولية بكل ذكرياتها وعمها تنقو

    ثم ميكى وسمير الذان سلمانا لأولاد دفعتنا المغامرين الخمسة تختخ ومحب وعاطف الأهبل ولوزة ونوسة

    ثم أخوانا الكبار الشياطين الطلطاشر ناس عثمان ورشيد وبوعمير وأحمد وده كان مجكس إلهام ورقم صفر الحيوان

    ثم مجلة العربى والنضج الثقافى

    ثم مجلة (سمر) وبداية المراهقة وخطابات الغرام طبعاً ما كان فى موبايلات ورسائل قصيرة SMS

    ثم المكتبة الإنجليزية جين أير وأوليفرتويست وميغريت

    والتلحين الإجبارى من قاطرة الحديد

    تسير بالوقود ..

    تسير بالركاب والمتاع والبريد...

    تنقلهم من بلد لبلد بعيد...

    توفر الوقت كما تبقى على النقود ...

    والجمعيات الأدبية جمعية التمثيل ناس التاج شريفة وعماد شكوكو ومتوكل أحمد على وكان فى عنصر نشط فى مدرسة عشمانة إسمها حنان شبلى وين الزولة دى؟

    ومسرحية الدكتور الفرمالة بتاعت الجماعة ديل

    والفنان محمد كردفانى لمن كان بغنى بالاوكورديون ما بالعود

    ثم طلائع مايو وحدائق مايو والكشافة وبوب مارلى

    وجنة الأطفال الساعة عشرة يوم الجمعة وحنان الصغيرة و

    لا يا عزوووووووز

    ولكم التحية والود ونواصل إن شاء الله
    (إنتهى)
    ـــــــــــــ

    (عدل بواسطة عزام حسن فرح on 03-26-2008, 04:44 PM)

                  
|Articles |News |مقالات |بيانات

03-26-2008, 04:58 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    بِسم الله الرحمن الرحيم
    السلام علَيكُم ورحمة الله تعالى وبركاتِهِ ،،،

    السادة الأفاضِل / المُنتدى ... المُحترمين
    السَيِد الفاضِل / بدرالدين إسحاق ... المُحترم

    تمرمطنا كذلِك في رِحلة الإياب أمام عِمارة شرقاوي ... لم تكُن تجدي أي تكتيكات ... كانت شِلتُنا تتكَون مِن شِلتَين ، الشِلة الأولى بِقِيادة نادِر منصور وعُضَوِية : أسامة أبو دَية / مُحمد نِمر / عاصِم عطا المنان / ممدوح نعيم إرسلان. الشِلة الثانِية مُكَونة مِن رشاد بابتود / عادِل بابِكر / عزام حسن ... لم تكُن لِلشِلة الثانِية أمير ... تنفصِل عُرى الشِلَتَين بِالساحة التي أمام عِمارة شرقاوي ... فيتجرأ بعضِنا على البعض ... ولكِن أيضاً لم تكُن بِشراسة ما جاء بِهِ السَيِد / بدرالدين ... كُنا نحتمي بِعضلات نادِر منصور مِن الشِلل الأُخرى المُعادِية ... وخط الدِفاع الثاني كان وجاهة رشاد بابتود ... بِالرغم مِن شراسة المرحوم شاكِر ، لم أصطدِم بِهِ ... بل كانت بَيننا صداقة ووِد ... شقيقهِ صبري كان ولا يزال ملاك وديع وذو خُلُق رفيع ... وصاحِب طُرفة ... الكُل كان يُحِبهُ ... بل كان يحمي كُل الناس ...

    كان مِن شِلتِنا داخِل أسوار المدرسة :
    - مِعاوَية كزام ... كان أظرف فرد في المدرسة وكان الكُل يُحِبهُ ... كان أشج الصَوت ... وكان مِن المُتَفَوِقين.
    - عَوض وشِهاب مُرسي .... كان تربُطهُما صداقة فقط ، لا يُذكر أحدُهُما إلا ويُذكر الآخر ، كانا مِثل ميرغني المأمون وأحمد حسن جُمعة.
    - عَوض عبدالوهاب كان شعرِهِ مُنسدِل إنسِدالاً على كتفَيهِ كان كمُمثِلين السينما ، كُنا نتزاور كان منزِلهُم بِالدناقلة ، مُقابِل ميدان الأمير -ناس عِصمت بله- على ما أذكُر ... كان مِن المُتفَوِقين.
    - صلاح مُحمد صلاح ، كان قَوي وهادي جِداً ، لم يتجرأ علَيهِ أحد ، كان أول يتيم أُقابِلهُ ، لم أفهم هذا اليُتم ، فظل الأمر غامِضاً جِداً بِالنِسبة لي ، ثُم ألفت هذا الغموض ... كُنت أُودهُ ... لم يكُن يُعلِمُننا أن يقول البعض لِبعضِنا : أنا أُحِبُك ... كان هذا مِن ما يسوء المرء حينُها ... لم أقولها ... دسستُها داخِلي ... وها أنا أقولها بعدما شاب مِني ما أسَود ... إني أُحِبكُم يا سَيِدي وأُحِب ذِكرياتِنا.
    - بدرالدين إسحاق ... كان أحد المُشاغِبين الكِبار ... كان ظريف جِداً ... وقصير جِداً ... كثير الحركة ... صديق الجميع ... لن تجِد أحد لا يذكُرهُ ... كان مُنتشِر جِداً ... كان بِرغم ذلِك يُعد مِن المُتَفوِقين دِراسِياً.
    - ياسِر ؟؟؟؟؟ كان أطول طالِب في المدرسة ... منزِلهُم ناصِية الطُرمبة يفتح على شارع الأزهري ... كُنا نتزاور ... كان مِن المُتَفوِقين.

    والله يا بدرالدين ... أحَييتُ ما خِلتهُ قد مات ... كتر خيركُم ...

    نسأل الله أن يُلْهِمُنا وآل موسى إبراهيم الصبر وحُسن العزاء ... اللُهم أرحم ياسِر وأسكِنهُ فسيح جناتِك يا الله ... لا حَول ولا قُوة إلا بِالله العلي العظيم.

    ولكُم مِني جزيل الشُكر والتقدير والإحتِرام ،،،


    ــــــــــــــــــــــــــــــــــ
    عزام حسن فرح مُحمد عبدالحميد المحسي
    [email protected]
    5287894 974+
    الدَوحة - قطر
                  
|Articles |News |مقالات |بيانات

03-26-2008, 06:43 PM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    كتر خير بكري ابو بكر الذي جعلنا نتواصل عبر منتديات وبوستات سودانيز اون لاين واليوم صباحا اتصل بي صديق عزيز وركن من اركان الشعبيه لم التقيه من زمن هو الاخ صلاح الزبير الذي احيي عبره ابناء الشعبيه الاوفياء حين كانت الشعبيه نفسها منتدي في السبعينات من القرن الماضي حيث امضينا الكثير من عمرنا حينها ومع ابنائها الافذاذ في كل المجالات ورغم اني لم اسكن الشعبيه قط الا ان لدينا من الاخوه والاصدقاء والزملاء الكثير وفي ذلك شأني شأن اخي كمال السر كرار لو ما نجمة الشعبيه هنا ما كنت سمعت صوته في القريب تحياتي عبره لكل ابناء الشعبيه لصلاح الزبير واخوته وابناء المرحوم السر ولشارعهم بدءا من هناك التومات واولاد عامر والضابط ابراهيم وسبدرات حينها واولاد المازون بوزا واستاذ احمد وانتهاءا بشرف واسرته
                  
|Articles |News |مقالات |بيانات

03-26-2008, 09:28 PM

Munir
<aMunir
تاريخ التسجيل: 02-11-2002
مجموع المشاركات: 10495

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: طارق ميرغني)



    .. ومن الصبابي كان رفقاء دربنا في شارع المدارس الصديقين :

    (28) طارق أحمد اسماعيل
    .. كان يلقب بطارق جون .. كان له صوت جميل وملكة عجيبة في تلحين المحفوظات ـ الاناشيد ـ والزمن داك الأناشيد كانت ليها شنة ورنه.. وغالبآ ما كانت تختتم حصص العربي بالقيام مع إنشاد أحد المحفوظات بألحان جملية يزيدها روعة تضخيم الصوت بالأداء الجماعي .. وطارق برضو كان حريف جدآ في الكورة وفي عهد متأخر كان يلعب في إحدي فرق العاصمة الكبري .
    (29) أسامة مصطفي حسن أحمد .. وهو كان رفيق طارق من المدرسة للصبابي والأثنين يفارقونا عند دار العزيز عماد عبدالله الطيب بعد ما نقضي ساعة دافوري امام منزلهم .. اذكر أن صوت أسامة كنت صوت قوي وجهوري والآن عرفت أنه أخو جمال فرفور وصوته يمكن لوكان تابع الغناء لأشتهر أكثر من أخيه فرفور ..

    من أولاد الصبابي ايضآ كان الصديق العزيز حاتم عباس حسن التوم ولكنه كان في سادسة(ب)، هو وأخوه عصام الملقب بالغول .. لي زمن طويل ما قابلتهم ..


    نجي لمنطقة الشعبية المجاورة للمدرسة ـ مربع (4/5) ـ اسياد الجلد والراس واذكر منهم :
    (30) ابراهيم أحمد عبدالرحيم .. منزلهم ناصية في الشارع التالي لشارع المدارس كان به دكان .. لي منه زمن طويل ما قابلته .. له ألف سلام ..
    (31) عادل حسن العوض (عليه رحمة الله) .. هو صديقي و قريبي .. كان طيب المعشر دائم البشر والابتسام .. اغترب مبكرآ بقطر وتوفي قبل سنوات قليلة رحمه الله وغفر له وبعثه مع الصديقين والشهداء .. أخوانه هم مجدي وحاتم ومحمداحمد ..
    (32) وليد عبدالحميد خالد .. صديق عزيز كان ايضآ متفوقآ في الدراسة وحريفآ في الكورة من أعمدة فريق الفصل .. وطبعآ في مشواري للمدرسة الواحد كان بيسلك طريق حسب الرفيق .. إذا الواحد عاوز يسلك شارع المدارس عندك ناس عماد عبدالله وسمير صديق وطارق واسامة بتاعين الصبابي ، وإذا كمان الواحد داير يتجه شمالآ مباشرة يرافق ناس وليد ده وناس جمال المنا و..و ..
    أخوةوليد هم طارق وياسر والأخير كان صديق حميم لأخي أحمد عبدالرحيم ..
    (33) معتز عمر : كان تلميذآ هادئآ .. وكان بارعآ جدآ ذاك الوقت في عزف البنقز ، ظهرت موهبته تلك في احتفالات المدرسة بأعياد العلم والذي منه ..
    (34) ابراهيم حسن محمدعلي .. صديق حميم .. بيتهم كان فاتح شمالآ علي ميدان النجوم.. وهو أيضآ كان والده متوفيآ وكثيرآ ما كانت تسيل دموعه ويبكي في صمت حين يذكره .. يالقسوة اليتم ..
    كان ابراهيم حاد الذكاء جدآ مجودآ للرياضيات ، كما كان لاعبآ بارعآ .. وقد زاملنا في الاميرية وبحري الحكومية .. درس تجارة في جامعة القاهرة فرع الخرطوم .. وآخر مرة قابلته صدفة في التسعينيات .. له السلام الوافر ..
    (35) ابن ادريس حمد .. لست متأكدآ إن كان يسكن في نفس المربوع ، لكنه علي كل حال رحل الحاج يوسف من بدري .. طبعآ ملاحظين أن تلك الفترة كانت موسم الهجرة إلي الحاج يوسف .. وهؤلاء الأعزاء كانوا يوميآ يسافرون الي الحاج اليوسف ويعودون للمدرسة قبل جرس الصباح وهم صغار أطفال ابتدائي.. لا حولا .. أول مرة انتبه لهذه المعاناة التي عاناها زملائي الأطفال في ذاك الزمن حين لم يكن هناك شارع زلط .. التحية لأخي ابن ادريس حمد اينما كان ..
    (36) عثمان ... هنا صديق عزيز اسمه زاغ مني .. بيتهم فاتح علي شارع المدارس ، في صف ناس صلاح شكوكو .. (ساعدنا ياصلاح) .. امام منزلهم نيمات ظليلات .. له التحايا العاطرة ..
    (37) أحمد بابكر : كان أهدأ تلميذ في الفصل .. لا تكاد تسمع له صوتآ .. لم أره منذ عهد بعيد .. ولا ادري أين هو الآن .. سلام الله يغشاه اينما كان ..
    .
    .
    .
    اواصل بإذن الله ..
    مازالت القائمة طويلة ..


                  
|Articles |News |مقالات |بيانات

03-27-2008, 08:23 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Munir)


    يا سلام يا طارق ميرغني نورت بوست الشعبية

    وايه رايك في اخوك جامع الوزارتين

    وزارة بحري الثانوية ووزارة الشعبية .
                  
|Articles |News |مقالات |بيانات

03-27-2008, 09:46 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3717

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    يا طارق.. سلام.. وزي ما قال حسن طه "وزير الوزارتين".. وإن كانت وزارة ظل!!!

    يا أخي ممكن تكون وزير ثلاثة وزارات وتتحدث لينا عن ذكرياتك عن العم الفاضل فتح الرحمن .. والد أخونا مأمون فتح الرحمن وآخرين.. وطبعا عمك فتح الرحمن كان يعمل في بحري الأميرية ( 1 ) وكان رجلا مثقفا.. وهميما ولا زال... ياريت تتكلم شوية عن هذا الرجل الفاضل .. عسى ولعل ناس الشعبية يعرفوا عنه فهو رغم أنه كان عاملا بالمدرسة إلا أنه لا يقل شأنا عن أي مربي من المربين اللذين نأمل أن يكونوا أحسنوا تأديبنا!! ولا مش كده يا صلاح الزبير..

    تحياتي لحاج
    حمد وكافة أبناء الشعبية الأفاضل..

    (عدل بواسطة Kamal Karrar on 03-27-2008, 09:49 AM)

                  
|Articles |News |مقالات |بيانات

03-27-2008, 03:47 PM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Kamal Karrar)

    أرحب بالأخ طارق ميرغني بيننا و التحية للأخ كمال كرار و حسن طه (ثالوث خطير).
    غبت لبعض الوقت عن البوست لخلل ما يتعلق بعدم استطاعتي دخول سودانيزاونلاين (ناس التلفزيون زمان لاقين الناس داقسين قولوا في جهاز الفيديو).

    الأخ منير
    ما شاء الله مرة أخرى على الذاكرة و كل هذه الأسماء و ما يميز كل شخص.
    طارق جون طبعا لعب لفترة بفريق التحرير البحراوي و انتقل بعضها للعب باحدى فرق المقدمة ببورتسودان و استقر ببورتسودان حتى الآن و طبعا سبقه لذلك الأخ محمود أنقي و لحق بهم قبل شهور الأخ يوسف المفك مدريا لفريق الشبيبة.
    Quote: من أولاد الصبابي ايضآ كان الصديق العزيز حاتم عباس حسن التوم ولكنه كان في سادسة(ب)، هو وأخوه عصام الملقب بالغول .. لي زمن طويل ما قابلتهم ..


    طبعا يا منير أنا أفتكرت ناس حاتم ديل من بدري ساكنين المزاد ، و حاتم كان يعمل ببنك فيصل الاسلامي و تقريبا ترك العمل بالبنك ، التقيته قبل سنوات...والدهم عباس حسن التوم المازون المعروف و صاحب خطبة قوية قبل كل عقد.
                  
|Articles |News |مقالات |بيانات

03-27-2008, 05:33 PM

Adil Osman
<aAdil Osman
تاريخ التسجيل: 07-27-2002
مجموع المشاركات: 10208

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    Quote: وكما قال الحاج تغيير الزي المدرسي كان سنة 70 مع السلم التعليمي ومحي الدين صابر .. والذي كانت ابنته دفعتنا (أعتقد) في مدرسة عشمانة وكان الاساتذة ينظمون بيننا منافسات حامية، وأذكر أنها كانت معروفة بالشطارة الفائقة .. بل ربما كانت اشطر تلميذة في دفعتهم ..

    بنت وزير التربية والتعليم وقتها الراحل محيى الدين صابر، كان اسمها اميمة. اميمة شقيقة حاتم زميلنا فى الشعبية جنوب الابتدائية. حاتم كان مشاغب درجة اولى. اول من ادخل خدعة العطسة فى الفصل. كان يختبئ خلف التلميذ اللذى امامه، ويقرطس ورقة من الكراس، ويدخلها فى انفه، فيكون رد فعل الانف عطسة مدوية. بدأت الخدعة به. وعندما علمنا لها، كان العمل جماعى. عطسة مشتركة تهز جنبات الفصل. ليست مرة واحدة ولا اثنتان. عطسة وراء عطسة. فيختل ايقاع الحصة. حصة الدين بالذات. ولكن سرعان ما انتبه الاساتذة لهذه الخدعة. وكان العقاب البدنى. وكان حاتم، الذى تربى فى اسرة لا اظنها كانت تلجأ للعقاب البدنى، كان يخاف خوف حقيقى من الجلد. كان يرجف. ويسترحم الاستاذ. وفى الحقيقة العقاب البدنى، رغم شيوعه، لم يكن مناسبآ ولا انسانيآ. أنا لم اتعرض لأى عقاب بدنى. لا أقول هذا تفاخرآ ولكن تقرير لواقع. فقد كان العقاب يتمحور حول اداء الواجبات المنزلية والتسميع. ومن هذه الناحية كنت لا اقصر مطلقآ. تعرف ليه؟ ما ذكاء ولا تفوق. أنا كنت اخصص وقت اكثر للمذاكرة وحل الواجبات. فقد كانت صحتى تجبرنى على البقاء فى المنزل معظم الوقت. وكنت احيانآ اغيب عن المدرسة اسابيع متواصلة بسبب الربو والازمة. ولا تسلية فى رقدة المرض وعزلته سوى القراءة وحل الواجبات.
    أميمة كانت فعلا شاطرة. وكانت "متقرضمة" فى عرف بعض التلاميذ. ولكنها فى حقيقة الامر كانت خجولة. كنت اعرفهم جيدآ وكانوا يعزموننى فى بيتهم فى الصافية من وقت لآخر.
    والدتهم كانت طبيبة. وكانت مسئولة كبيرة فى الصحة المدرسية. وكانت لا تلبس التوب السودانى كما المصريات.
    ولقد اعتنت الصحة المدرسية وقتها بصحة التلاميذ. من فحص السنون، الى توزيع زيت كبدة الحوت الضرورى لنمو المخ.
    حاتم محيى الدين صابر درس هندسة البترول والمعادن فى السعودية. له التحية اينما كان. ولزميله ودفعتنا حاتم محمد عبد الله التحايا كذلك. سأعود لاحكى.
                  
|Articles |News |مقالات |بيانات

03-27-2008, 05:43 PM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Adil Osman)

    Quote: والفنان محمد كردفانى لمن كان بغنى بالاوكورديون ما بالعود


    محمد كردفاني توفى الى رحمة مولاه و قد علمت بالخبر بعد حضوري من السودان ، اذ حضر لتعزيتي مشكورا الباشمهندس أمجد عابدون و قد أخبرني بوفاة محمد كردفاني.

    اللُهم أرحم محمد كردفاني وأسكِنهُ فسيح جناتِك يا الله ... لا حَول ولا قُوة إلا بِالله العلي العظيم.
                  
|Articles |News |مقالات |بيانات

03-27-2008, 07:38 PM

Munir
<aMunir
تاريخ التسجيل: 02-11-2002
مجموع المشاركات: 10495

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)



    الأخ الحاج، نعم علي ما أذكر أن الأخ حاتم كان من الصبابي. ده هو العالق في ذهني .. يا حليل ايام حاتم عباس رجل ودود ومواصل لأصحابه ..
    ________________________________


    ونتجه الآن غربآ ونتجول في مربع (6/7) ومن الزملاء أذكر :

    (38) أحمد علي خالد .. من أعز الاصدقاء منذ ذاك الزمان والي الآن .. عرف بالذكاء والقوة .. وكان أول بحري في امتحانات الشهادة الابتدائية .. تزاملنا ايضآ في الاميرية وبحري الحكومية .. ومنها درس الطب في باكستان ونبغ في باكستان لدرجة أنه قيل أنه عندما يدخل علي عميد كلية الطب هناك كان يقف له العميد محييآ .. الآن هو أكبر أخصائي تخدير في الخرطوم .. بيت اسرتهم فاتح علي ميدان مربع 6/7 وهو ذاته اعتقد الآن يسكن في المنطقة المواجهة للمركز الصحي ..
    (39) عادل ميرغني اللباب .. وفي الحي معروف بعادل عوطي، وبالرغم أنه كان حريف جدآ في الكورة إلا أني لم اشهده في الملاعب، بل اشتهر في الملاعب أخوه الكبير السر عوطي .. وعادل كان رفيق دربي في سنوات الابتدائي الأولي .. فوالداه كانا رفقاء والدي في حلة حمد قبل انتقالهم للشعبية .. ومن الطرائف اذكر اني في سنة أولي او سنة تانية جيت مع عادل من المدرسة وقلت أغشي معاه بيتهم .. وبمجرد ما ختيت كراعي في خشم الباب كحلني ليك كلبهم ـ كان كلب أحمر حجمه عائلي ـ وبسرعة البرق هجم علي هجومآ ذريعآ !!!!!!!! .. لكن عاد أن وقفت ليهو ؟؟ والله أطلقت ليك ساقي للريح وجريت ليك زي الورقة .. عليك أمان الله الكلب رغم سرعته الشديدة فته ليك بمسافة يكون هو لهسة مستغرب فيها .. المهم الكلب ده كردني لغاية نص ميدان الزهرة جنب العمود الـ في النص .. وفي الآخر قنع ووقف .. في الآخر اتلفت لقيته داير يرجع .. فوقفت أنا برضو .. وطبعآ أنا الزمن داك قلبي كان حار ـ رغم الجرية الكاربة ديك ـ فزعلت شديد وشعرت بأن الكلب دا حقر بي .. رحت شلت لي حجار وبقيت أفلق من بعيد .. فالكلب أبن الكلب بعد ما كان راجع بيتهم غير رأيه وتاني جاني راجع والدورة دي زاد السرعة شوية .. وعندها العبدلله تاني راح قايم صوف بسرعة مضاعفة وتاني ما وقفت إلا جنب بيت ناس قرجة .. أها تاني أصلو ما جيت الحفلة ..
    آخر عهدي بعادل كان في قطر كريمة أيام فيضان 88 .. الله يطراك بالخير يا عادل ميرغني يا ابو الصحب ..
    (40) الفاتح الأمين حمد .. الفاتح من طرفاء المدرسة .. سريع البديهة، حاضر النكتة .. تراه دائمآ هاشآ باشآ دائم الابتسام .. وأذكر أنه في أول امتحانات الفترة في سنة أولي ابتدائي جاء أول الفصل مشترك مع وليد عبدالحميد وأنا طلعت الثالث .. بيتهم برضو فاتح علي ميدان 6/7 ناصية في اتجاه الغرب .. في نفس صف ناس حسين عبدالمحمود(سادسة ب) وحسن طه .. له التحايا الخاصة ..
    (41) حسن طه حسن .. هو الرفيق الدائم للفاتح الأمين .. وآخر مرة قابلتهم كان سنة 2001، وعلمت أن العزيز حسن طه كان في ليبيا .. لا ادري الآن إن كان في الشعبية إلي الآن أم اغترب تاني؟.. له التحية آلاف ..
    (42) ابراهيم عيسي الله جابو .. من رفقاء الشعبية جنوب الذين اختفوا مني فترة طويلة ، وإذا بي فجأة أقابله في شارعنا سنة 2001 بالصدفة .. أنيقآ وبشوشآ كما عهدته.. وما صدق عندما ناديته بإسمه كاملآ .. أخبرني بأنه درس بمصر .. ولربما اغترب بعد ذلك .. أتمني أن يكون بخير وعافية ..
    (43) فيصل عباس أبوشامة .. من شلة مشوار الرجعة حينما نسلك طريقهم ..أصلو زي ما شايفين الشعبية جنوب دي نحن خيطناها خياطة .. كل يوم سالكين بشارع .. مرات نشق ميدان النجوم .. ومرات بشارع المعونة عشان نشوف المجلات الجديدة في كشك الجرائد قدام باتا .. ومرات نرافق ناس خليل خلف الله ونشاقق بميدان الزهرة .. ومرات نواصل في شارع المدارس لغاية آخره ثم نتجه شمالآ.. وغايتو .. يعني كنا شغالين طراحات نوصل الناس كلهم بيوتهم والواحد يصل بيته آخر زول .. ودي ضريبة إنك تكون ساكن الشعبية شمال غرب وتدرس في الشعبية جنوب شرق ..!!
    فيصل عباس التحق بالشرطة ولكن أعتقد بأنه أحيل للمعاش مع ناس الانقاذ ديل ـ إذا صحت معلومتي ـ وفيصل أنا لي سنين طويلة ما قابلته .. ومن منبر سودانيزاون لاين أرسل له عاطر التحايا ..
    (44) محي الدين عبدالله دراج .. محي الدين برضو كان من اولاد الفصل الهادئين جدآ .. بس ما عارفه أختفي مني وين .. هل اغترب؟ كثيرآ ما لاقيت أخوه الأصغر الكان زميل احمد .. طبعآ أنا زي ما بتذكر زملائي برضو بتذكر كثير من زملاء أحمد عبدالرحيم .. سلام الله يغشي محي الدين وأخوه ..
    (45) أحمد عبدالماجد عوض الكريم (رحمه الله) كان أحمد تلميذا نجيبآ ومهذبآ جدآ .. بيتهم فاتح علي شارع الكبري (أو كما قال أخونا شهاب): امتداد عمارات شارع الكبري .. زاملني أيضآ في نفس الفصل في الأميرية2. توفي رحمه الله وهو في ريعان شبابه .. غفر الله له وأدخله فسيح جناته مع الشهداء والصديقين ..
    (46) شهاب محمد ادريس .. كان تلميذا نشطآ يحب المناشط المدرسية .. قابلته في فترات بعيدة متفرقة، وأعتقد أنه درس القانون .. يسكن في امتداد عمارات شارع الكبري وبيتهم فاتح علي ميدان الزهرة في الركن الشمالي الشرقي .. عليه سلام الله وبركاته ..
    (47) عزالدين سليمان ..ـ عرف بعزالدين كمونية - وهو من تلاميذ الفصل المرحين البشوشين .. طبعآ لو ملاحظين مرات أقول ليكم الزول ده هادئ .. الزول ده بشوش .. الزول ده عفريت .. الزول ده .. فالظاهر إنو الشخصيات دي عندما تجيني واقعة من كتاب التاريخ بتاعي، واحدين بيقعوا وأنا أكون متخيل الفصل في حصة تسميع صارمة فتأتي الشخصية هادية .. وأحيانآ اتذكر ليكم الشخصية في حصة هرجلة فاضية فيأتي وصف الشخصية بالمشاغبة.. وأحيانآ أخري اتذكر ليكم الزول في حالة كونه مع جرس الفطور ، فيأتي وصف الزول بأنه مرح وبشوش و..و... أها عزالدين ده اتذكرته ليكم في ساعة جرس الفطور .. لعز الدين التحايا النواضر ..

    .
    .
    .
    واواصل .. لسه اللستة تبقي منها الكثير ..







                  
|Articles |News |مقالات |بيانات

03-28-2008, 08:25 PM

Munir
<aMunir
تاريخ التسجيل: 02-11-2002
مجموع المشاركات: 10495

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)



    رحم الله الأخوين ياسر موسي ومحمد كردفاني وألهم آلهما وذويهما الصبر وحسن العزاء ـ إنا لله وإنا إليه راجعون ..

                  
|Articles |News |مقالات |بيانات

03-27-2008, 08:00 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    بِسم الله الرحمن الرحيم
    السلام علَيكُم ورحمة الله تعالى وبركاتِهِ ،،،

    السادة الأفاضِل / المُنتدى ... المُحترمين

    لا حَول ولا قُوة إلا بِالله العلي العظيم ... لا حَول ولا قُوة إلا بِالله العلي العظيم ... مات مُحمد الكُردُفاني ...

    لِـكُلِّ أُناس مَـقْبَــرٌ بِفائِـهِـم *** فهُم ينَقُصون والقُبور تزيدُ
    فما إنْ تَزالُ دارُ حَـيٍ قد اخْرِبـتْ *** وقَبْرٌ بِأَفْناءِ البيوت جديدُ
    هُمُ جـيرَةُ الأحيـاء أما مَزارُهُـم *** فـدانٍ وأما المُلتقى فبعيدُ

    نسألُك يا الله يا الله أن ترحم فقيدُنا ... وترحمنا ...

    ولكُم مِني جزيل الشُكر والتقدير والإحتِرام ،،،

    ــــــــــــــــــــ
    [email protected]
    5287894 974+
    الدَوحة – قطـر
                  
|Articles |News |مقالات |بيانات

03-27-2008, 10:30 PM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube

20 عاما من العطاء و الصمود
الشعبيه (Re: hajhamad)

    اعزائي كتر خيركم بالترحيب واخص بالشكر الاخ حاج حمد والعزيز حسن طه وصديقي كمال السر وآسف عند ذكري لشارع صلاح الزبير لم اتطرق الي صديق العمر ود موسي لانه هو السبب في معرفتنا بآهل ذلك الشارع .
    اما بخصوص عمنا فتح الرحمن والد زميلنا مأمون فكان هو وعمنا حسن شريره رغم عن وظائفهما العمالية الا انهما كانا يمثلان لنا اباءنا في المددسة من ناحية التوجيه وما كان منا من يمتعض . كان عمنافتح الرحمن يكلمنا كثيرا عن الشاعر الكبير ادريس جماع حينما كان يدرس في مدرستناالاميريه (1) وعن طيبته المتناهية وان البعض كان يستغل تلكم الخصله والمعروف عنه انه كان يدق بيده اليمين كثيرا علي صدره عند السلام عليه فكانوا يسلمون عليه اثناء تناوله الطعام فكان ينسي ويدق علي صدره بيده بطعامها وما كان عم فتح يتردد في ترديد بعض ابيات من شعره حفظها في زمانهم الطيب ذاك
    كانت الاميريه مدرستنا مميزه في وضعها وتلاميذها واساتذتها وما شاء الله كل خريجيها وما زالوا مميزين في مواقعهم وذلك بفضل ليس اساتذتها فحسب وانما بامثال عمنا فتح الرحمن الذي كان دقيقا كبق بن في مواعيده وجرس الطابور.عل اخي كمال ذاكرتي قد شاخت بعض الشيء ولك انت ما شاء الله ما زالت متقده فهات المزيد.واتمني ان نتطرق ايضا للشخصيات البارزة كنجوم الشعبيه.
                  
|Articles |News |مقالات |بيانات

03-28-2008, 07:39 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    بِسم الله الرحمن الرحيم
    السلام علَيكُم ورحمة الله تعالى وبركاتِهِ ،،،

    السادة الأفاضِل / المُنتدى ... المُحترمين

    إلَيكُم طريقة إنزال الصورة الشخصِية في ملف المِنبر العام أو تعديل حجمِها :-
    (01) إضغط هذا الرابِط http://online-image-resize.kategorie.cz/
    (02) إضغط خِيار Browse وإختر الصورة المُخزنة بِجِهازِك أو الصورة المُراد تعديل حجمِها.
    (03) إضغط خِيار Resize image ( أنتظِر ثواني ... أنزِل لأسفل ) سيعرِض لك هذا الخيار الصورة المطلوبة بِعِدة أحجام.
    (04) إضغط بِزِر الماوس الأيمن داخِل الصورة التي يُناسِبُك حجمُها ، ومِن القائِمة المُنسدِلة إختر
    Save Picture As
    (05) في مُربع حِوار Save Picture إختر مكان حِفظ الصورة + تعَيين إسم وأخيراً Save
    (06) الأن أدخُل إلى مَوقِع [ سودانيز أون لايِن ]
    (07) إضغط على خِيار [ ملفك ] ... جوار خِيار الدخول.
    (08) بأعلى الصفحة إضغط على خِيار [ تحميل الصُور ].
    (09) إضغط على خِيار Browse وإختر الصورة التي خزنتها بِجِهازِك بِالخطَوة رقم [5]
    (بِمُجرد إخِتيارك لِلصورة سينتقِل مسار الصورة مُباشرةً إلى Browse).
    (10) إضغط على خِيار تحميل.
    (11) ظلِل الخِيار الثاني (إستخدِم هذا العِنوان في حالة الرغبة في وضع صورتِك في ملفِك بِالمِنبر العام).
    (12) داخِل التظليل الذي قُمت بِهِ في الخطَوة رقم (11) وبِزر الماوس الأيمن إختر مِن القائِمة المًُنسدِلة Copy
    (13) عُد إلى صفحة [ ملفِك ] (يُمكِنُك أن تعود خَطَوتَين لِلخلف بِواسطة السهم).
    (14) في خانة [ صورتي ] ألصِق العِنوان الذي نسختهُ بِالخطَوتَين رقم (11) و(12).
    (15) بِأسفل صفحة [ ملفِك ] إضغط على خِيار Change Profile
    (إنتهى)

    ولكُم مِني جزيل الشُكر والتقدير والإحتِرام ،،،

    ــــــــــــــــــــ
    [email protected]
    5287894 974+
    الدَوحة – قطـر
                  
|Articles |News |مقالات |بيانات

03-28-2008, 08:12 AM

Adil Osman
<aAdil Osman
تاريخ التسجيل: 07-27-2002
مجموع المشاركات: 10208

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: عزام حسن فرح)



    وفى هذه الصورة التاريخية الاخ العزيز المهندس اسامة سعد النور. وفيها بسطاوى محمود بسطاوى.
    حدد اماكنهم فى الصورة ولك جائزة قيمة. كوز موية من مزيرة المدرسة فى الفسحة التانية
                  
|Articles |News |مقالات |بيانات

03-28-2008, 08:09 PM

Munir
<aMunir
تاريخ التسجيل: 02-11-2002
مجموع المشاركات: 10495

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Adil Osman)



    وكنت حأنسي صديق عزيز جدآ من أولاد المزاد هو:

    (49) ماهر الفاضل ابوقدير
    .. من الأعزاء الذين زاملوني ايضآ في الاميرية2 ثم ثالثة فيثاغورث في بحري الحكومية .. تخرج من هندسة الخرطوم، ويخيل لي اتخرج بي جاي واتخارج بي جاي .. وأعتقد أنه مغترب في الامارات العربية .. ماهر كان أكثر بني آدم حساس وزعال درجة أولي .. إذا ما جاء الأول في الفصل يزعل، وإذا ما جاب أكبر نمرة يحمبك ، و إذا جاوب سؤال غلط في الحصة يزعل .. يعني ماهر كان دائمآ مهموم بالتفوق.. ولكنه كان يعاني معاناة شديدة الفصل كان مليان فطاحلة فناس أحمد علي خالد كانوا منافسنه في العلوم والعربي، وعبد الإله محمد عثمان ما بيتصاقع في الجغرافيا والتاريخ، وناس عماد عبدالله الطيب وابراهيم حسن كمان رياضياتهم في السما.. وأنا كمان كنت مزانقه في الرسم والخط .. القصة كانت صعيبة خالس خالس .. ماهر كان تلميذآ مثاليآ في المواظبة والإلتزام .. له مليون سلام أونلاين ..
    (50) خليل خلف الله موسي .. كان من الاصدقاء رفقاء الطريق من المدرسة .. كان هادئآ جادآ جدآ ، لا يهذر كثيرآ .. بيتهم ملاصق بيت ناس المرحوم الواثق صباح الخير من الخلف.. قابلته في صيف 2006 وهو كما هو وكما كان دائمآ، يتحدث مطرقآ رأسه من تهذيب قديم.
    (51) رزق خلف الله موسي .. أخو خليل الأكبر .. وهو ايضآ كان رفيق درب المدرسة .. قبيل امتحانات الشهادة وبينما كان الناظر أحمد يراجع في الأسماء وجد أن إسم رزق هو رزق الله خلف الله وليس فقط رزق حاف .. له ولخليل سلام معتق ..
    (52) عماد عبدالله الطيب .. صديق عزيز ذو خلق رفيع .. عماد كانت له موهبة عجيبة في حصة الرياضيات .. والزمن داك كان الدرس دائمآ يختتم بواجب يؤديه التلميذ في الفصل قبل نهاية الحصة .. وعماد كان سريع جدآ في حل المسائل وكان دائمآ أول واحد ينتهي ويمشي يصحح كراسه ودائمآ يحل التمرين كله صاح .. وأنا قدر ما حاولت اسبق عماد في سرعة الحل ما قدرت، فقد كانت سرعته خارقة، وما بيغلط .. حتي أن أستاذنا المرحوم فضل كان يسميه الفانتوم ـ والزمن داك مقاتلات الفانتوم كان ليها شنة ـ وأنا كان يسميني الاسكاي هوك .. سريع برضو لكين أبطأ من الفانتوم .. العزيز عماد ايضآ زاملني في الاميرية2 وبحري الحكومية ـ ودرس الهندسة الكيميائية في الاتحاد السوفيتي.. والآن في الدوحة .. السلام جاك يا عماد .
    (53) سمير صديق .. كانوا جيران عماد الهيتة بالهيتة .. ويفصلهم عن بيت كابلي شارع .. وطبعآ كلهم فاتحين علي مدرسة الدايات .. كان مهذبآ وراقيآ جدآ في تعامله .. وكان عنده ميزة عجيبة وهي أن كفه دائمآ ينقط عرق .يعني ممكن من أول اليوم لآخره لو ختيت ليهو جركانة يملأها ليك عرق من اصابعينه .. ولذلك كان دائما يضع منديل تحت كفه فوق الكراس عند الكتابة.. ولطالما لعبنا دافوري في المساحة الضيقة بين بيتهم وعماد والزلط .. كل يوم بعد المدرسة نقضي ساعة كورة ثم نواصل المشوار للبيت .. وفجأة كدة برضو ناس سمير ديل كان عندهم قرد كنا نتسلي بطريقة قزقزته للتسالي والنبق ..
    (54) كمال محمدعثمان حاج ابراهيم .. كمال طبعآ بلدينا وقريبنا وكان رفيق مشوار المدرسة هو وأخوه عصام .. وأذكر أنني عندما كنت في سنة أولي كنا ما نزال نسكن الشعبية جنوب في منزل عمنا المرحوم محمد الحسن بدري، وهو الناصية في الصف المقابل لمنزل النجم عزالدين ابوالريش (الصبابي) .. فذهبت لحضور حفلة زواج عم الأخ كمال .. طبعآ جنب البيت .. وقعدت لغاية ما الحفلة فرتقت .. ومشيت نمت.. فصحيت ليك الصباح يمكن الساعة 8:30 ـ الغريبة إنو مافي زول صحاني للمدرسة ، الظاهر شافوني جيت نمت قريب الصباح وقالوا خلوه يكمل نومه ـ فصحيت منزعج انزعاج شديد ولبست بسرعة شديدة ، وجري علي المدرسة .. وطبعآ كنت الوحيد في شارع المدارس والشارع فاضي، وأنا ماشي وماشي وماشي براي زي قطعة الشيطان والشمش بقت وسط نهار !!.. لغاية ما وصلت المدرسة فوجدت نصف الحصة الأولي انقضت .. وجيت اجرجر سكاكاتي ووقفت في باب الفصل منتظر الإذن بالدخول .. والاستاذ كان ابو فصلنا في ذاك الوقت الاستاذ المحبوب مصطفي ـ المعروف بمصطفي لياقة ـ فالظاهر عليهو شاف وجهي المنكسر ومسكنتي فرثي لحالي وقال لي ادخل .. اتأخرت مالك يامنير؟؟ فدنقرت وجهي ولم ارد .. أتأخرت مالك وانحني علي بعطف ورددها بصوت منخفض .. عارفني منكسف ومحرج.. وحاول عدة مرات يستنطقني سبب تأخري .. ولكني سكت سكوتآ ذريعآ .. في الآخر خلاني وقال خلاص أمشي كنبتك .. فحمدت الله علي عبور ذلك الحرج .. أنا ما كنت خايف من الدق لكين جني وجن تسلط علي الأضواء في موقف محرج .. ياحليلك يا استاذ مصطفي، دايرني أقول كنت كاتل لي حفلة؟؟ .. لأستاذي المحبوب مصطفي السلام العاطر ولأخي كمال محمدعثمان مثله ..
    (55) عصام ابراهيم سعد .. كان يسكن في نفس شارعنا قبل رحيلنا للشعبية شمال .. كان مهذبآ وخلوقآ وخاصة بعد مرحلة الابتدائي .. في أولي سنين الابتدائي كنا نتشاكل كثيرآ .. ولكن من سنة ثالثة ولقدام اصبح اعز صديق .. سلامي الوافر يغشاه اينما كان ..
    (56) محمد مصطفي مدني .. كان في الشارع التالي لشارعنا الزمان .. وكان من عتاولة الفصل لذلك كان قاعد في الكنب الوراء مع ناس اسامة ترنتي .. عليه سلام الله وبركاته ..
    (57) خالد مصطفي مدني .. أخو محمد .. توفي الي رحمة مولاه وهو في عز الشباب .. غفر الله له وأدخله فسيح جناته مع الصديقين والشهداء ..
    (58) كمال بدر سلمان .. كان الدفعة القدامنا زي ما شفناه في صورة عادل عثمان .. كان له صوت جميل ولذلك كان الاساتذه يطلبون منه إنشاد المحفوظات منفردآ .. قابلته سنة 2006 .. له ألف تحية ..
    (59) عوض الكريم حمد .. كان هادئآ في الفصل نشطآ في الفسح والحصص الفاضية.. لم أقابله منذ زمن طويل .. أخوه عادل ـ الليري ـ كان زميل احمد .. لهم التحايا المعطرة ..
    (60) مبارك محمدنور .. من الاصدقاء ورفاق الدرب.. وزي ما قلت فأنا كنت شغال طراحة ، ومشواري للبيت رافقت فيه تقريبآ كل الزملاء حسب الطريق .. مبارك برضو طولت ما لاقيته فيس تو فيس ولا حتي علاء الدين أخوه الأصغر .. اتمني أن يكونوا بخير ..
    (61) مهدي العاقب .. بيتهم تاني بيت في شارع ناس الأخ العزيز أحمد عبدالرحمن (احمد عطرون) .. طالت المدة منذ آخر عهدي به .. اتمني ان يكون بألف خير ..
    (62) غازي عبدالكريم .. الزول ده أنا لو ما عقيدتي في الشعبية قوية كنت نسيته لأنه اختفي منذ فترة طويلة ولم اره أو اسمع به.. سكن في نفس شارع احمد عطرون، وربما البيت المقابل لهم .. ده إلا أسأل منه قرجة ..

    وننتقل بكم الآن لشمال شارع الكبري والجزء الشرقي.
    (63) جمال منا السيد .. من أعز الأصدقاء الذين لم تنقطع صلتي بهم منذ الابتدائي .. وذلك لأن جمال ذاته إنسان مواصل درجة أولي .. أجد عنده أخبار كل الزملاء من زملاء الشعبية والمزاد وشمبات في كل المراحل، من الابتدائي للعام للعالي رغم أنه درس في الخرطوم القديمة .. إنسان خلوق واجتماعي ورايق وود أصول .. لا يمكنني توصيفه في هذه العجالة .. ومن بعدي برسل له سلامي ..
    (64) طارق أحمد مختار .. يسكن في نفس حلة ناس جمال وفتحي شمت وآخرين .. كان نشطآ ويحب المرح، وكان ذو شخصية منتشرة وسط كل الزملاء .. آخر مرة قابلته كان في حافلة الشعبية في اواسط التسعينات .. له التحية الخالصة ..
    (65) مختار ...... لم استحضر اسم والده .. ولكنه من أقرباء طارق وسكن في نفس الشارع اعتقد .. كان رهيبآ في الكورة ذو موهبة خلاقة منذ الابتدائي .. وأكيد كان في أحد الفرق الكبري .. لم اقابله منذ الابتدائي .. حاجة عجيبة !! معظم الزملاء ديل لي عشرات السنين ما قابلتهم .. ياربي هسه أحوالهم كيف .. سلام كثير لأخ مختار أينما كان ..
    (66) أحمد المأمون .. كان صديق حميم ورفيق درب في نفس اتجاه ناس جمال وطارق مختار .. رحل الحاج يوسف مبكرآ وسكن مربع1 .. بالقرب من أولاد عمتي ـ رحمها الله ـ وآخر مرة قابلته فيها كانت في الحاج يوسف في الثمانينيات .. أحمد المأمون كان كرويآ ماهرآ كما كان شجاعآ وقويآ، وبالمناسبة كان نصيرآ وسندآ لي في أي شكلة بلا تردد من منطلق انصر أخاك ظالمآ أو مظلومآ .. وهو ذو صلة قربي بأستاذي الجليل الصديق سعد محمدعمرتميم يطراهم الله بالخير.. ولهم مني عاطر السلام والاشواق ..
    (67)فيصل محمدعبدالفتاح بابتوت .. كان قاعد جنبي في سنة سادسة .. كان تلميذا مجتهدآ ومهذبآ .. وكان من ذوي القلب الحار .. شاطرآ مستمسكآ بالخمسة أو العشرة الأوائل .. أخواه هما عبدالحميد ورشاد الذين فجعت الشعبية بوفاتهما في امريكا كما ذكر الأخ عزام .. لهما الرحمة وللأخ فيصل تحياتي الزاكيات ..
    (68) عبدالله السر حمدتو .. كان من أولاد حلة حمد أو الدناقلة لا اذكر بالضبط.. وهو من أقرباء المرحوم أحمد عبدالماجد .. أذكر يومآ ما في حصة علوم عن النشويات .. وكان عبدالله مكلفآ بإحضار عينات واللا شنو ماعارف .. فأتي بقطع من الكسر ورغيف وقطع قراصة وحاجات بالشكل ده .. أها في حصة العلوم ـ وكانت مع استاذ حسن الدنقلاوي ونحن كنا في خامسة أو سادسة .. وكنت أنا قاعد قدام وش .. وفي أثناء شرحه قطع استاذ حسن قطعة قراصة ومداها لي كعينة لأتذوقها كجزء من الشرح يعني ـ فإذا بي ببوامة شديدة أقول ليهو لأ.. ما داير .. ههههه .. طبعآ رفضي جاي من أني متربي علي أني ما أصغر نفسي لما في أيدي الآخرين .. يعني ما اتطفل مثلآ علي الموائد ولا أبدي زلعآ و..و.. يعني ببساطة الواحد ما متعود يأكل بره البيت .. لكن زي ما شايفين من بوامتي طبقت عادتي في الحتة الغلط والوقت الغلط .. غايتو مرات الواحد بيكون عوير جنس عوورية .. طبعآ استاذ حسن تفاجأ ونهرني ونهزرني جنس نهزرة .. قال لي إنت قايل نفسك في بيتكم؟ قايل نفسك وين؟ أمسك .. فشلت منه قطعة القراصة وأكلتها زي الطيرة .. والله غايتو .. تحية لعبدالله السر الذي ساهم في تبليعي للعلوم بلع ..
    (69) طلال .... لم اتذكر إسم والده.. كان قريب استاذ سمير ، وكان يسكن حلة حمد .. يبدو لي أن سمعت منذ عهد بعيد أنه توفي الي رحمة مولاه رحمه الله .. أتمني أن لا يكون ما سمعته صحيحآ، وإلأ فأترحم عليه وأسأل الله أن يسكنه عالي الجنان وأن يغفر له إنه غفور رحيم ..
    .
    .
    .


    هؤلاء الأخوة هم اولاد سادسة (أ) الذين جلسوا لإمتحان الشهادة الابتدائية سنة 1974 م .. وهم ما استطعت أن اتذكرهم ، وليسامحني من لم استحضر أسمه هنا ..

                  
|Articles |News |مقالات |بيانات

03-29-2008, 06:16 AM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Munir)

    Quote: هؤلاء الأخوة هم اولاد سادسة (أ) الذين جلسوا لإمتحان الشهادة الابتدائية سنة 1974 م .. وهم ما استطعت أن اتذكرهم ، وليسامحني من لم استحضر أسمه هنا ..


    لو سارق كراس الألفة و محتفظ بيهو لي هسع كلمنا
                  
|Articles |News |مقالات |بيانات

03-29-2008, 08:41 AM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    الأخ منير اضيف لحسابي تحويل الخاص مساهمتك و اضيف مبلغ 1170.70 ريال كما موضح ، عظم الله أجرك ، سوف أقوم اليوم بتحويل المبلغ للمفوض بالسودان..لك شكري

    Quote: عميلنا العزيز: العربي الحاج حمد الحاج العربي
    الرصيد الغير متاح: 0
    التاريخ الميلادي التاريخ الهجري دائن مدين الرصيد تفاصيل
    27.03.2008 19.03.1429 1,170.70 الحوالات الخارجية الواردة

                  
|Articles |News |مقالات |بيانات

03-29-2008, 09:22 AM

Munir
<aMunir
تاريخ التسجيل: 02-11-2002
مجموع المشاركات: 10495

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)



    يا الحاج .. أنا كنت عاوز أقول جلسوا للامتحان سنة 1984 لكين وين عاد من ناس عادل عثمان ديل الواقف لينا بالمرصاد .. كل ما نقول نمشي لقدام يجرنا للوراء ..
    طبعآ يا الحاج لو ملاحظ أن الواحد متذكر الاسم الكامل لأنو الزمن داك لم تكن الألقاب منشرة وشائعة في المدرسة إلا نادرآ.. وعشان اتذكر هؤلاء الشباب طفت بذاكرتي وخيالي جميع المرابيع وكل الشوارع .. ولحسن الحظ أنو العبدلله كان منتشر وكل يوم مشاقق بشارع وبذا كل يوم برفقة صديقة .. والمشوار طبعآ زي ماعارف مشوار طويل .. ولو ملاحظ برضو مافي زملاء من الشعبية شمال إلا ناس اسامة وعادل مصطفي البشري وعصام عبدالباسط وشخصي وكلنا من الـ48 .. يعني من بقايا الشعبية جنوب ..

    _______________________

    شايف التحويل أخد زمن طويل .. والشكر لك أنت علي اهتمامك ووفائك للشعبية وجهدك المبذول لدفع عمل الخير .. إن شاء الله في ميزان حسناتك ..

                  
|Articles |News |مقالات |بيانات

03-29-2008, 10:55 AM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Munir)

    Quote: يا الحاج .. أنا كنت عاوز أقول جلسوا للامتحان سنة 1984 لكين وين عاد من ناس عادل عثمان ديل الواقف لينا بالمرصاد .. كل ما نقول نمشي لقدام يجرنا للوراء ..


    يا منير عادل محمد عثمان دا يرميها ليك بب يقول ليك الكلام دا كان كم و سبعين لما تتخلع ، ياخي اتكلموا دون ذكر التواريخ الحكاية دي ح تخلي ناس يزوغوا من البوست و يقوموا صوف و تاني ما ح تلموا فيهم.
                  
|Articles |News |مقالات |بيانات

03-29-2008, 12:25 PM

معاوية محمد الحسن
<aمعاوية محمد الحسن
تاريخ التسجيل: 03-22-2008
مجموع المشاركات: 1588

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    أخواني وجيراني أهل الشعبية شمالها وجنوبها،لكم التحية والود أكتب لكم مباشرة لأول مرة بعد نيلي عضوية المنبر بعد أن كنت أكتب لكم عبر صديقي الحاج حمد وهى فرصة جيدة للالتقاء بكم جميعاً وخاصة الأخ العزيز منير عبد الرحيم زميل الدراسة فى الأميرية 2 وأول الفصل من دخلنا حتى التخرج وماشاء الة على الذاكرة أخي منير وبرضو تقول لى انك مستغرب كيف أنني لسع متذكر انك شايقي وانت متذكر عرق ايدي أخونا سمير صديق وسمير وزاهر بسطاوي والفاتح جمال كانوا ثلاثي مترابط فى الفصل وعندهم سهرات عجيبة رغم صغر السن فى ذلك الوقت وتحياتي لهم من علي البعد وقد اتحفتنا بذكر هذه القائمة الجميلة وطبعاً نعرف منهم من درس معنا فى الأميرية مثل الفاتح الأمين وحسن طه وشهاب والمرحوم أحمد عبد الماجد وعماد عبداللة ورشاد الزين ولو رجعنا لسوالك السابق كيف انني لأزلت متذكر انك شايقي فطبعاعارف محنة الشايقية وكل ماحلوا فى مكان يعرفوا من هم الشايقية فى هذا المكان عشان الألفة والمودة ويترسخ ذلك فى ذهنهم وبما أني شايقي كابر عن كابر ومولود فى أحدي قري مروي فكان لأزم أعرف من هم الشايقية فى الفصل وكنت أنت اولهم وايه رايك اني متذكر انو صديقك أحمد المامون الذي ذكرته فى القائمة ايضاَ شايقي لانو درس معنا فترة فى المزاد الأبتدائية وابوه الله يرحمه كان مشلخ كمان وياللة يامنير بعد تخلص من قائمة الأبتدائي أدخل لينا فى الثانوي العام كمان وبنساعدك بلزة
                  
|Articles |News |مقالات |بيانات

03-29-2008, 02:10 PM

Adil Osman
<aAdil Osman
تاريخ التسجيل: 07-27-2002
مجموع المشاركات: 10208

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: معاوية محمد الحسن)

    Quote: عميلنا العزيز: العربي الحاج حمد الحاج العربي


    الحاج انت عميل لى ياتو دولة؟
                  
|Articles |News |مقالات |بيانات

03-29-2008, 05:35 PM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Adil Osman)

    أسمحوا لي أن أرحب مرة أخرى بالأخ العزيز و زميل الدراسة المستشار القانوني (الدوحة) الأخ معاوية محمد الحسن و هو صاحب قلم سوف يتحدث عن نفسه..معاوية من أولاد المزاد و المزاد كما تعلمون قطعة من الشعبية جاءها بركان تنموي فصل بينها بشارع المعونة و لكن تظل جزء أصيل من الشعبية و مكمل له ، ربطتنا الدراسة و الصداقات الطيبة و الكورة فما كان المرحوم شيخ ادريس كباشي يستمت الا اذا كان التمرين في الشعبية ، مرحبا معاوية و لمثل قلمك تشرع الأبواب و تسعى المنابر له..
    Quote:

    الحاج انت عميل لى ياتو دولة؟

    يعني يا عادل دي لو مرت عليك في ترجمة ما ح تترجمها Customer
    عشان تضيعنا كمان

    غايتو قوة ملاحظة لانو بتعامل مع البنك عشر سنوات و برسلوا لي كشف الحساب كل شهر و بعميلنا العزيز دي و أول مرة أنظر لها من الناحية الاستخباراتية دي

    (عدل بواسطة hajhamad on 03-29-2008, 05:49 PM)

                  
|Articles |News |مقالات |بيانات

03-29-2008, 06:15 PM

hajhamad
<ahajhamad
تاريخ التسجيل: 02-05-2002
مجموع المشاركات: 1478

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    Quote: أنا ما كنت خايف من الدق لكين جني وجن تسلط علي الأضواء في موقف محرج .. ياحليلك يا استاذ مصطفي، دايرني أقول كنت كاتل لي حفلة؟؟

    يا منير الحمد لله الكملت نومتك ، قصتك دي ذكرتني النكتة و التي سبق أن مرت على الكثيرين لكن نحكيها للقليلين الما سمعوها : قالوا أيام الحفلات للصباح (طبعا من الانقاذ جات الحفلة تنتهي 11 و تاني ما في سبب تساهر الا يكون عندك ضرس والله مغص) أيام الحفلات صباحي واحدة مساهرة زي صاحبنا منير دا و لكن صحوها بدري و مشت المدرسة قبل تكمل نومها ، و في الحصة الأولى بين نائمة و صاحية الأستاذ سأل سؤال و قام أشر عليها : أيوه انتي ردت عليهو : و الله أنا رقصت هسع.
                  
|Articles |News |مقالات |بيانات

03-29-2008, 09:09 PM

Munir
<aMunir
تاريخ التسجيل: 02-11-2002
مجموع المشاركات: 10495

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)


    Quote: أيام الحفلات صباحي واحدة مساهرة زي صاحبنا منير دا و لكن صحوها بدري و مشت المدرسة قبل تكمل نومها ، و في الحصة الأولى بين نائمة و صاحية الأستاذ سأل سؤال و قام أشر عليها : أيوه انتي ردت عليهو : و الله أنا رقصت هسع.
    هههه ..أخير أنا كنت مقطم
    .
    .

    شايف يا الحاج الفصل كان زحمة كيف؟؟ بس نمرة 70 ده ما قدرت اتذكره .. خلي بالك ده يكون الزول الـ مرة أخوي رافع سايق تاكسي ركب معاه واحد في مشوار لشمبات .. أها وفي أثناء المشوار الراجل جرجر الونسة مع رافع .. ومنها قال ليهو ساكن وين؟ قال ساكن في الشعبية و..و.. قال ليهو بالله؟؟!! .. ياخي زمان كان معانا واحد في مدرسة الشعبية جنوب شاطر جدآ وطواالي كان ماسك لينا الأول ..اسمه منير عبدالرحيم .. وشكرني شكر شديد(إحم إحم) فقال ليهو بتعرف الزول ده ؟؟!! .. قام رافع ضحك واتلفت علي الزبون .. وقال ليهو أيه رأيك لو قلت ليك الزول ده أخوي الكبير شخصيآ .. هههه.. إحتمال ياالحاج الزول ده يكون الرايح مني زاتو لو جلي من اللسته الفوق دي ..

    وبمناسبة رافع والتاكسي .. حكي لي برضو إنو يوم ساق حريم كده في مشوار وعند وصولهم قالوا ليهو انتظرنا دقائق حندخل نبارك للجماعة ديل ! .. أها رافع انتظرهم .. وعندما رجعن سمعهن وهن راجعات يتناقشن : والله لكين عريس إسمه أول مرة يلاقيني !!! .. العريس ابو إسمآ غريب ده جابوهو من وين ؟!!! .. ده إسم شنو ده ؟!!!.. العريس ده اصلو من وين وجنسه شنو وجاب الاسم ده من وين .. ؟؟ .. وكان يبدو عليهن الاستغراب !!! .. وركبن التاكسي وهن مازلن يلوكن في الموضوع !! .. فقامت واحدة منهن قالت لأخوي عليك الله عمرك لاقاك اسم زي ده؟؟.. لاقاك زي اسم العريس ده؟؟ .. فقال ليهن .. انتو اصلوا عريسكم ده اسمه منو؟؟ .. فقالن له إسمه رافع !!! .. فضحك رافع حتي بانت نواجزه وقرب يخر كالخربعتل .. هههه .. فقام طلع ليهم الرخصة من جيبه وقال ليهم هاكم بالراحة كدة كحلوا كويس في الاسم الـ في الرخصة دي ههههه ..

                  
|Articles |News |مقالات |بيانات

03-29-2008, 07:46 PM

Munir
<aMunir
تاريخ التسجيل: 02-11-2002
مجموع المشاركات: 10495

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: معاوية محمد الحسن)



    ارحب ترحيبآ حارآ بالأخ العزيز الرفيق الأميري2 المزادي معاوية محمد الحسن بعد أن جاءنا بالباب تووش !!! .. ونمسك الخشب حتي لا يعود بنا بالذكريات إلي ما قبل التاريخ .. أصلو نحن لو حكيناها شديد فعلآ حنطلع لما وراء التاريخ .. والمايك الآن معاك يا معاوية ..
    طبعآ يا معاوية.. المرحلة الابتدائية محصورة جغرافيآ ولذلك من السهولة تذكر معظم الزملاء لأنهم شبوا وترعرعوا مع بعض، خاصة وأني شخصيآ نلت الحسنيين بالسكن في الشعبيتين وأخيرآ بالسكن في شمال والدراسة في جنوب !! .. وعند الانتقال للثانوي العام اتسعت الرقعة الجغرافية ودخلت فيها الدناقلة والديوم والحلفايا وشمبات بكثافة أكبر.. وبذا تشتتت الذاكرة قليلآ ولذلك لربما نتذكر يمكن من 50 لـ 60 في المية وذلك لأن فصل جنوب كما تعلم كان فصلآ متميزآ في الاميرية !! ..
    وطبعآ في مرحلة الثانوي العالي الجغرافيا توسعت أكثر ودخلت معنا الختمية والاملاك وحلة حمد وكوبر وانت ماشي.. لذلك انخفض سقف الذاكرة الي عمق ضحل جدآ، خاصة وأنه في بحري الحكومية كان يتم خلط الفصول وتوزيعها من جديد فبالكاد تتعرف علي زملاء الفصل ، أضف الي ذلك أنه في سن الثانوي العالي يقل اهتمام الطالب بمعرفة رفاقه .. ولكن رغم ذلك سنحاول أن نفتش الماضي ..


                  
|Articles |News |مقالات |بيانات

03-29-2008, 07:22 PM

بدر الدين اسحاق احمد
<aبدر الدين اسحاق احمد
تاريخ التسجيل: 03-29-2008
مجموع المشاركات: 17127

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    شكر وثناء

    السلام عليكم
    الاحبة اهل الشعبية
    سلام من الله عليكم ورحمة وبركات تتدفق عليكم تحيل ايامكم نوراً وبركة
    الشكر موصول من بعد الله سبحانه وتعالى الى الاخ الكريم ( بكرى ابوبكر ) الذى اكرمنا بهذه الساحة الالكترونية لنصول ونجول مع اخوة واحبة بلدنا بلدنا بلدنا بلدنا (( الشعبية )).
    ويتصل الشكر الى الاخ الاكبر الحاج حمد على الهامنا للتشارك مع اهل هذا الكيان الصادق جيرة ووداً وتكافلاً .
    والشكر للاخوة الكبار ناس شكوكو وعادل ومنير ...المحيرنى منير الماقادر اجمعوا فى راسى ده خاصة وهو كمال قريب ناس عصام وكمال السنجك ... وسكن فى منزل عمنا محمد الحسن بدرى ...والله ذهبت دون السؤال فى شارع ناس وليد وعصام عبد البسط لانعاش الذاكرة لكننى لم اوفق ))..
    والكلام الجميل والود والتحايا للدفعة ناس عزام وصلاح محمد صلاح وهم لهم كل التحايا على المساحات التى اتحفونا بها فلهم الشكر والثناء .
    انشاء الله سيل من الذكريات قادم اليكم
    الاخ بكرى ابوبكر ((( بعد العضوية سترى كيف نعمر هذا البوست ))
                  
|Articles |News |مقالات |بيانات

03-29-2008, 08:21 PM

Munir
<aMunir
تاريخ التسجيل: 02-11-2002
مجموع المشاركات: 10495

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)




    وترحيب شديد بالأخ بدرالدين اسحق بعد أن أصبح أيضآ وجوده بيننا حقيقة ماهو خيال ..
    ويا بدرالدين أنا برضو ما كنت مجمعك كويس ، لكين مما صلاح ابودية قال ليك الزنجي عرفتك جنس عرفة .. وانت برضك بتعرفني وتعرف أخوي أحمدعبدالرحيم زي جوع بطنك هههه.. ياخي ده مش إنت الزنجي بتاع المشاكل داك واللا زولآ تاني ؟ .. ياخي نحن زي ماقلت كنا كل يوم بنجي شاقين حلتكم .. وأيه رأيك أننا حصل اتشاكلنا لغاية ما واحد فينا فلق التاني بحجر سيح دمه !! .. ويكون في علمك يا ارهابي إننا كنا في طريق المدرسة بنكون متحفزين مما نطلع من البيت إننا حندورها معاك شكلة .. ههه .. واحتمال كمان الواحد يكون شايل معاه كيلومتر (كيلومتر دي كيف معاكم) لزوم التسلح وكده .. طبعآ ده ياالزنجي كان في سنين الابتدائي الأولي.. وفي سنين الابتدائي الاخيرة بقينا حبايب والله آخر صحبة واحترامات .. وما عارف لو انت كنت مع احمد اخوي في فصل واحد أم لا ..
    ويا بدرالدين نحن رحلنا من جنوب يمكن سنة 70 أو 71 لا أذكر بالضبط ..

    وطبعآ يا اخواننا حكاية إنو بدرالدين ده كان بتاع مشاكل ما معناها كان زول شرير، ولكنها شقاوة الطفولة المعروفة ديك .. في أطفال كدة بيكونوا بتاعين شبك كده ساي .. وأعتقد منها جاء اسم الزنجي .. ولمن لا يعرفون الزنجي فهو شخصية زنجية كانت في مسلسل تلفزيوني إسمه فريق التحري .. وفريق التحري هذا يتكون من فتاة بيضاء وشاب ابيض وزنجي .. وكنا لا نفوت هذا المسلسل الذي كان في التلفزيون كل اربعاء قبل الأخبار .. وكنا ننتظر نهاية المسلسل التي غالبآ ما تنتهي بمطاردة للمجرم ويلعب الزنجي فيها دائمآ الدور الرئيسي في القبض عليه بعد أن يقوم بقفزات وحركات بهلوانية وقفز فوق الحيط والاسوار كنا نطرب لها لأننا كنا نشعر بأن الزنجي هو خير من يمثلنا في تلك البطولة والمغامرات .. وطبعآ بدرالدين كان هو الزنجي بتاع الشعبية، وأنا شبه متأكد إن برضو شمبات والمزاد والديوم والدناقلة برضو بيكون عندهم زنجيهم كمان .. أصلو الزمن داك أي واحد بهلوان وزايد شقاوة بيشبهوه بالزنجي ..

    واللا ما كده يا بدرالدين ؟؟..

    والله لكين زمان ..



                  
|Articles |News |مقالات |بيانات

03-29-2008, 08:32 PM

Munir
<aMunir
تاريخ التسجيل: 02-11-2002
مجموع المشاركات: 10495

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Munir)



    ويا اخواننا أنا كنت رسلت إيميل لبكري ليمنح العضوية لأخونا عثمان ودالمتعارض لكنه طنشني !! .. الظاهر علي واسطة تعبانة .. فعذرآ يا عثمان ، امسحها لي في وشي ..

                  
|Articles |News |مقالات |بيانات

03-29-2008, 08:26 PM

Adil Osman
<aAdil Osman
تاريخ التسجيل: 07-27-2002
مجموع المشاركات: 10208

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)

    ارحب بالاخ بدر الدين اسحاق . وهو قبل ان يمنحه بكرى العضوية ساهم مساهمات جميلة وتاريخية. ارجو ان تستمر مساهماته وكتاباته فى حضرة الشعبية.
    اهديك يا بدر الدين والاخوة هذه الاغنية

                  
|Articles |News |مقالات |بيانات

03-29-2008, 09:02 PM

Adil Osman
<aAdil Osman
تاريخ التسجيل: 07-27-2002
مجموع المشاركات: 10208

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Adil Osman)

    Quote: العبدلله كان منتشر وكل يوم مشاقق بشارع وبذا كل يوم برفقة صديقة

    فى الابتدائى؟
                  
|Articles |News |مقالات |بيانات

03-29-2008, 09:22 PM

Munir
<aMunir
تاريخ التسجيل: 02-11-2002
مجموع المشاركات: 10495

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Adil Osman)


    Quote: فى الابتدائى؟

    هعهعهع يا عادل .. ياخي مالك داير تبقي ممن يحرفون الكلم عن مواضعه ؟؟ الحاج حمد يطلع عميل وانا اطلع برفقة صديقة؟؟ .. ههه .. طيب عشان نزيل اللبس (أها نزيل اللبس دي ما معناها نقلع هدومنا .. كويس؟ ) حأعربها ليك .. برفقة صديقة الكتبتها أنا :ـ صديقة هنا صفة لرفقة !!..
    ورفقة بتاعتك مضاف وصديقة بتاعتك مضاف إليه ..

    وشتان ما بين الدخول فحومل ..
                  
|Articles |News |مقالات |بيانات

03-29-2008, 09:28 PM

بدر الدين اسحاق احمد
<aبدر الدين اسحاق احمد
تاريخ التسجيل: 03-29-2008
مجموع المشاركات: 17127

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    بسم الله الرحمن الرحيم
    الغالـــى عزام ود فرح
    سلام وود يتصل ليشملك مع الاسرة الكريمــة والبنيات والوليدات
    اهـــوالواحد لقى ليـــه مساحة وكنكش فيـــها ... والحمد لله مجلس الامن إنعقد وحل لينا حكاية العضوية الدائمــة فى مجلس الامن بالاشتراك فى سودانيز جوهـ الخط دي ..

    استدراكات معرفيــة
    • الاخ منير ... ابراهيم سيد النور ... شقيقه عوض سيد النور دفعتنا فى الشعبية جنوب ...( السؤال احمد اخوك زميل عوض وين )
    • مجدى مرسى شقيق دفعتنا شهاب مرسى سكنوا الحاج يوسف ... ومجدى من الشباب الاسلامى المتميز يحضر الى مسجد ابو بكر الصديق للتراويح سنوياً وهو مع جماعة الحبر يوسف تور الدائم .
    • الاخ عادل محمد عثمان (وان تكون النجابة والذكاء والاجتهاد اشتراكية بين التلاميذ.) دهـ غايتــو ما فهمتها وما قدرت اهضمهــا ...
    • الاخ عزام... صورة الدفعة إضافات :
     الصف الاول وقوفاً من اليمين
    • نمرة ثلاثة ... ابوبكر عباس فقير فضل ( بكرى ) مغترب الان بالرياض تخرج اقتصاد الهند..متزوج واب
    • نمرة اربعة بدر الدين عمر ابكر ... اعمال حرة غير متزوج
    • نمرة ستة سيد ابايزيد
    • الصف الاول جلوس
    o نمرة اثنين ابوبكر خالد الصديق منزلهم يفتح على ميدان النجوم
    o نمرة ثلاثة حسن الطيب متزوج يسكن شمبات الحلة من كبار السادة البرهانيــة
    o الخامس عادل محمد خطاب معلوم لدى الكل
    o نمرة سبعة عصام ابو اضنين من اولاد المزاد شرق احمد قاسم
    • المتفرقات :
    o الصف الثانى رقم 7 بدر الدين اسحاق احمد
    o الصف الثانى رقم 14 عبد القادر خليفة
    o الصف الثالث رقم 7 خالد محمد نور
    • النصيحـــة الفصل زى الصين فيــه 100 طالب ... ( هاك السلم التعليمى دهـ ) .
    • محطات :
    o معاوية محمد احمد ( معاوية كزام ... شقيق مامون ) ابناء خالة كارم مهدى كزام .. من شلتنا بعد الاستنارة قليلاً خامسة وسادسة مرح وحبوب الى الان ..درس فى الهند يسكنون حى الميرغنية شرق غرب ناس سمير عيسى ( منزلهم الجديد ) .
    o معاذ شقيق جبـــه بتاع الفول .
    o عثمان عبد العظيم كان يسكن الدناقلة جنوب ... طبيب الان مغترب فى السعودية
    o طارق ( مرميــه ) يسكن مربع 8/9 دفعتنا بعد ثالثة ...شقيق سيف العجل بتاع فريق الجهاد .
    o الاخ عزام وصلاح فيــه دفعتنا من ناس الحلفايا اسمه عادل (( بنسميه عادل مصرية )) والدته من مصر زرت فى اوائل الثمانينات اسرة والدتهم فى الاسكندرية من هو ؟؟؟؟؟
    o مجدى عبد الله على صالح والده طبيب مدير مستشفى بحرى فى ذلك الزمان ؟؟؟؟؟؟؟؟
    محطــات
    • اشقاء من ابناء دفعتنا .
    o مجدى .. حاتم ( حسن العوض )
    o صبرى .. شاكر ( اسماعيل )
    o مجدى .. حسن ( الطيب ) .
    o محود ... نائل ( حسن ) البعيو
    مداخلات صلاح محمد صلاح دهـــ بعد الوعــى فى ســنه رابعــة
    • حقو الناس الكبار يوثقوا لينا قصــة احتلال مدرســة الشعب من قبل الطلاب ومداهمة البوليس للمدرسة .
    • (( قصـــة تربويــة محزنـــة )) إنتو شنو ..نحن حلاوة بصوت جميل خافت ...انتو شنو نحن زبالــة بصوت أجش غليظ ... قطعة إملاء لفصل ثالثة وهم نحن .. ونفس القطعة لفصل خامسة (( الساقطين تم المرور بهــم عبر الفصول لترديد شعار نحن زبالــة (( بالله عليكم وثقوا لهذه القصة بالاسماء )) ما فى مشكلة بعد كدهـ
    • وثقوا لقصة الطلاب الذين ذهبوا واشتكوا الاساتذة لوزارة التربية والتعليم من هــم الذين تم جلدهـم فى الطابور الاستثنائى ؟؟؟؟؟؟؟؟؟؟؟؟؟؟؟؟؟؟؟
    • سحنا بكم عبر محطات ومشاهد لم نكن قد وصلنا الى نضج نقوم بــه الاشياء لكنها ملاحظات صبيان صغار ...
    • الكلام القادم سنرجع الى توثيق الامهات ... معيد الام لم تنقضــى ايامــه بعد
    بدر الدين اسحاق احمد محمد
                  
|Articles |News |مقالات |بيانات

03-29-2008, 10:02 PM

Munir
<aMunir
تاريخ التسجيل: 02-11-2002
مجموع المشاركات: 10495

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)


    Quote: الاخ منير ... ابراهيم سيد النور ... شقيقه عوض سيد النور دفعتنا فى الشعبية جنوب ...( السؤال احمد اخوك زميل عوض وين )
    زمالة ابتدائي ..

    يا بدر الدين طالما زاملت عوض معناها إنك كنت في فصل ناس أحمد أخوي زاتو .. ياخي إنت بتعرفنا كويس ولكين طبعآ المدة طالت ولم نتقابل ولذلك ربما صعب انك تتذكر .. وعوض ده كان صاحب أحمد جدآ .. وكذلك ياسر عبدالحميد وبابكر الدود وأخوهو .. ومن حلتنا وجارنا وبرضو كان مع أحمد جمال النور عمر (رحمه الله) ..
    وما دام صورة عزام دي انت فيها معناتها أحمد برضو حيكون فيها .. كدي الأمشي افتش ..

                  
|Articles |News |مقالات |بيانات

03-29-2008, 10:03 PM

بدر الدين اسحاق احمد
<aبدر الدين اسحاق احمد
تاريخ التسجيل: 03-29-2008
مجموع المشاركات: 17127

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    الاحباب ناس الشعبية
    سلامنا يزداد .. وشوقنا يتوهج بعد حصولنا على مساحــة التلاقــى الجميلــة فى هذا البوست الشعبياوى (( قايتوا افتينا يا صلاح محمد صلاح كيفية النسب الى هذا الحــى المتفرد )) .
    رسائل مختلفـــة
     العزيز عادل ....
    o ليك كل الشكر على سعادتك بنا كمشاركين فى هذا البوســت .
    o يتصل الشكر على هديتك الجميلة ود الريـــح ( التقيته وشقيقه قبل فترة فى فاتحــة فى توتى )) وهو بنفس حيويته ومرحــه .
    o الساقيــة رمز جميل لاستمرار الحياة ونماءها عند التربالــة اهل الشمال ناس منير (( عندنا سواقــى كثيرة فى حياتنا لســــه مدورة (( ساقية الفكر ...ساقية الرياضة ...ساقية الاطلاع ...ساقية الدراسة والتعليم ... ساقية البلد ... ساقية السياسة ...ساقية الاسرة ...ساقية الاصدقاء ...ساقية ...........................
    o اخـــى عادل أظـــن اكثر شعبياوى سافر خارج السودان وزار دول اخرى انا بفضل الله لذلك لديـــــه فى كل بلد حبايب واصدقاء ...انت الان ويـــــن ...
     العزيز منيــــر ....
    o أهــو الى اليوم انت متذكر شقاوة الطفولــة ياخـــى اعمل delete عشان تخلــى مساحات عشان حاجات تانية وكــده ...
    o اهو ليك كل الشكر على ترحيبك بنا معكم تشاركاً فى هذا البوست .
    o ياخــى دخلت لينا صفـــة الارهابـــى مع العلم الوقت داك ما فـــى بن لادن ولا اى ارهابيين .
    o يومية التحــرى ... والله رجعتنا الى ايام تلفزيونين فى الحــى وكلنا قاعدين فى الارض وهاك يا هرش ما تتكلموا ..ما تاكلوا التسالى ... وهاك يا مراسيل الى الدكان وولد البيت قاعد متعنقل فى السرير ونحن فى الواطـــة بعد الرجاءات والتعهدات بالصمت تماماً ..
    o ابطالنا فى ذاك الزمان ... ما عارف مع انو الزنجــى برضوا نصف بطل لكن برضوا كنا ننظر اليه كمعبر عننا ..لييـه ما عارف .
     رسائل متفرقــة
    o الاخ منير ... فى رسالتى للاخ بكرى ابوبكر هددت باللجوء الى مجلس الامن لانتزاع حق المواطنة فى هذا الوطن الالكترونى والحمد لله ...اظن ناس بكرى ديل خافوا من العقوبات الاقتصادية الرادعــة من مجلس الامن والدول غير الصديقة ...حاول تانى ...ولو فشلت يمكن اهــو الواحد ما تم ليه نصف يوم يتوسط ليك او يستعين بصديق من الحلفايا ( اعمامك من الحلفايا ..
    o ( كيلو متر ) والله تبحث عنها فى قاموس العامية فى السودان للعلامة عون الشريف قاسم ما تلقاها ...
    o الاخ عزام ....
    • سننشر تباعاً قائمــة العزاب من دفعتنا فاعينونا بالتذكر ...اما اخوانا الكبار ديـــل فالكرة فى ملعبهــم
    واللقاء رسالـــة ثم اخرى ثم مشاهدة ثم جوار
                  
|Articles |News |مقالات |بيانات

03-29-2008, 10:30 PM

Munir
<aMunir
تاريخ التسجيل: 02-11-2002
مجموع المشاركات: 10495

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)



    Quote: ياخــى دخلت لينا صفـــة الارهابـــى مع العلم الوقت داك ما فـــى بن لادن ولا اى ارهابيين .

    ياسلام يابدر والله كلمة ارهابي دي ابدآ ما لائقة .. وما مفروض مفردات زمننا الكعب ده نستعملها بإعتبار ما كان ونسقطها علي زماننا السمح القديم حتي ولو علي سبيل المزاح .. حسستني بالذنب لإستعمال هذه المفردة التي لا تشبهك ولا تشبه شقاوة الزمن البرئ .. فعذرآ يا عزيز .. واستبدلها بالشقي بتاع اللبط .. كده كيف ؟.. بس ما تزعل ..

    ..

                  
|Articles |News |مقالات |بيانات

03-30-2008, 00:59 AM

Munir
<aMunir
تاريخ التسجيل: 02-11-2002
مجموع المشاركات: 10495

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Munir)



    أوووو .. نسيت أهم اثنين كنت اصل معاهم لغاية نهاية شارع المدارس وهما ..

    (70) كارم مهدي كزام
    .. معقول انساك يا كارم؟؟ والله دي أنا بالغت فيها .. كان كارم مرحآ نشطآ ذو علاقات مرحة مع الجميع .. لم أقابله منذ عهد بعيد أتمني أن يكون عال العال ..
    (71) مأمون محمداحمد.. كما ذكر الأخ بدرالدين مأمون هو ابن خالة كارم وكانوا يترافقون في مشوار المدرسة .. بعكس كارم الذي كان منتشرآ ونشطآ بين التلاميذ كان مأمون رائقآ هادئآ .. ولكنه كان يحب المناشط الرياضية .. زاملونا في الاميرية2 ايضآ .. طال الزمن منذ آخر مرة أقابلهم فيها .. لكارم ومأمون أزكي التحايا واتمني ان تجدهم بخير وسرور ..



                  
|Articles |News |مقالات |بيانات

03-30-2008, 06:49 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4784

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Munir)

    أرحب كل الترحيب بصاحب قلم سنين جدا (دي سارقها من منير) و متميز و سوف يشهد له المنبر بمداخلات رائعة ، أرحب بالأخ بدر الدين اسحاق بيننا ، اضافة حقيقية لكتاب المنبر بصفة عامة و كتاب بوست الشعبية بصفة خاصة..لك ودي بدر الدين و منور يا راجل.

    Quote: (70) كارم مهدي كزام .. معقول انساك يا كارم؟؟ والله دي أنا بالغت فيها .. كان كارم مرحآ نشطآ ذو علاقات مرحة مع الجميع .. لم أقابله منذ عهد بعيد أتمني أن يكون عال العال ..
    (71) مأمون محمداحمد.. كما ذكر الأخ بدرالدين مأمون هو ابن خالة كارم وكانوا يترافقون في مشوار المدرسة .. بعكس كارم الذي كان منتشرآ ونشطآ بين التلاميذ كان مأمون رائقآ هادئآ .. ولكنه كان يحب المناشط الرياضية .. زاملونا في الاميرية2 ايضآ .. طال الزمن منذ آخر مرة أقابلهم فيها .. لكارم ومأمون أزكي التحايا واتمني ان تجدهم بخير وسرور ..

    ياخي كارم كزام دا بتنسي دا مغلغل الفصل كلو و الضحكة لا تفارقه ، ذهبت له بمكتبه بنمرة (2) قبل سنوات و ما زال كارم المرح صاحب النكتة الحاضرة و قد أضاف لنفسه قدرات ادارية في العمل ، فكما تعرف هو الأن يدير أعمال كزام المعروفة و قد نجح في ذلك و قام بانشاء صالة حديثة للاحتفالات و المؤتمرات و اضاف للعمل روح جديدة ، تحياتي له..
    الأخ مأمون علمت انه قد هاجر الى احدى الدول الأوروبية و تقريبا ما زال خارج السودان ، مأمون كان لاعب وسط فنان و موهوب و كان لاعي أساسي في فصل جنوب بالأميرية (2) و ذلك الفريق كان يضم فضاحلة ويكفي أن الوسط كان يلعب به الرشيد حسكنيت و مأمون محمد أحمد..
                  
|Articles |News |مقالات |بيانات

03-30-2008, 10:34 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4784

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: الحاج حمد الحاج)

    Quote:
    hajhamad
    تاريخ التسجيل: 05-02-2002
    مجموع المشاركات: 1474


    كتبت لي بكري يغير الNickname
    من hajhamad
    الى الحاج حمد الحاج
    و اكتشفت انو تسجيل جديد يعني اللاعبين الخطيرين الذين سعينا لتسجيلهم ناس عزام و بدر الدين اسحاق و معاوية محمد الحسن بقوا اقدم مننا حسب تاريخ التسجيل الموجود على البروفايل..و دا تاريخ هام سوف أسعى لاسترجاعه لأنو تقريبا أنا أقدم واحد مسجل في الموقع دا.
                  
|Articles |News |مقالات |بيانات

03-30-2008, 10:26 AM

صلاح أبودية
<aصلاح أبودية
تاريخ التسجيل: 03-29-2008
مجموع المشاركات: 4556

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)

    السلام عليكم ورحمة الله وبركاته

    تحية خاصة لناس خاصين
    وفى حضرت جلال الشعبية يطيب التشاد...
    قبلت عضويتنا بدون تهديد ياالزنجى...
    الظاهر إتعلمنا السياسة؟
    شكرى للباشمهندس بكرى
    والشكر موصول للأخ الكبير حاج حمد
    عزائى لكل سكان الشعبية فى كل عزيز ولهم الرحمة جيعاً
    أعاننا الله أن نكون كسبالكم وليس خصماً عليكم..


    صلاح أبودية
                  
|Articles |News |مقالات |بيانات

03-30-2008, 10:52 AM

صلاح أبودية
<aصلاح أبودية
تاريخ التسجيل: 03-29-2008
مجموع المشاركات: 4556

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: صلاح أبودية)

    الحاج حمد الحاج
    .
    تاريخ التسجيل: 29-03-2008
    مجموع المشاركات: 3

    التحية للأخ hajhamd
    ومرحبا بالأخ الجديد/ الحاج حمد الحاج

    والله فرطت ياحاج دى الباشمهندس بكرى ركبنا معاك فى سرج واحد
                  
|Articles |News |مقالات |بيانات

03-30-2008, 11:29 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4784

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: صلاح أبودية)

    أرحب بالأخ صلاح أبو دية ، فقد زاد عدد الشباب الذين سيزينون هذا البوست بأقلامهم و زاد عدد كتاب الشعبية جنوب ذلك الشق الحبيب (و هو كما ذكرت تقسيم جغرافي فقط) و سعدت بزيادة عدد الاخوة الذين يكتبون من الشعبية جنوب لدرجة أصبحت مهددة عشان كده يا منير و عادل محمد عثمان ما تدقسوا..
    مرحبا صلاح أبو دية مرة أخرى..
                  
|Articles |News |مقالات |بيانات

03-30-2008, 11:15 AM

Adil Osman
<aAdil Osman
تاريخ التسجيل: 07-27-2002
مجموع المشاركات: 10208

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: صلاح أبودية)

    اهلا بالاخ صلاح ابو دية. ارحب بقلمك المرح والذكى.

    الاخ بدر الدين
    سألتنى أنا وين فى هذه الدنيا. أنا من قطار الى قطار فى الصيف او فى الربيع او فى الشتاء الجليدى، رغم المطر والعواصف. على سفر فى قطارات الانقليز. انا اعيش واعمل فى بريطانيا.
    ماذا تفعل فى هذه الدنيا وانت لم تغادر السودان؟ رجل اعمال ولا وزير؟
    اهديك هذه الصورة وانا فى طريقى الى العمل.

                  
|Articles |News |مقالات |بيانات

03-31-2008, 11:41 AM

بدر الدين اسحاق احمد
<aبدر الدين اسحاق احمد
تاريخ التسجيل: 03-29-2008
مجموع المشاركات: 17127

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Adil Osman)

    الدفعة صلاح ابو دية
    • بدر الدين اسحاق احمد
    تاريخ الزواج يونيو 1989 م قبال الانقاذ دى ... بكون اول زول فى دفعتنا تزوج .
    • الشباب بفضل الله ( 3 بنات + 3 اولاد ) اكبرهم ممتحنة الشهادة السودانية دعوات يا ناس البوست كلكم .
    • تم افتتاح قائمة العزاب من الدفعـــة بالاركان الصامدة
    o فيصل محمد مجلى ..( فرينـى ) ما اظن فى زول عارف اسموا الثلاثى .
    o تاج السر فضل ...مربع 4/5 منزلهميفتح على شارع المدارس جار ملاصق لناس المرحوم شاكر احمد اسماعيل .
    o عادل حمد على حمد ( الليـــرى ) مربع 8/9
    o التاج مصطفى نقد ( التاج شريفة ) مربع 6/7 شارع ناس شكوكو.
    o حمدى يوسف رحمة الله .. جار ناس التاج من جهة الشرق .
    • الاخ عادل محمد عثمان
    o ماذا تفعل فى هذه الدنيا وانت لم تغادر السودان؟ رجل اعمال ولا وزير؟...قمت بالاجابة عليها والامر اليك لنشرها اذا كانت مفيدة او اى حاجة اخرى .
    o اعمل الان مدير المركز الوطنى لاعداد وتاهيل القادة ( مركزتدريب خاص ) الرياض شارع اوماك .واسكن شمبات الاراضى شمال مربع 17 منزلى بفضل الله .
    • الاخ عزام
    • القوائم قادمـة لا محالـة ... وهناك قوائم اخرى قادمــة فاحسن ليك تصلح علاقتك مع ناس البوست قبال هذه القوائم ما تظهر (( قائمة تجمع عزام وابو دية )) ما هـى .

    • الاخ حاج حمد
    o بحثنا عن الـــ single فوجدنا كثير منهم من غير دفعتنا احسن يعترفوا قبل اكمال قائمة العزاب فى دفعتنا والدخول فى قوائم اخرى .

    توثيق للامهات الغاليات
    الوالدة التومــة ادم بخيت شقيقة العم حسين ادم بخيت والد جارنا خالد حسين ( فرينى ) .
    والدة الاخ العزيز فتحــى كيتـــه ...عملت بعد وفاة والد فتحى موظفة لاكثر من ثلاثين عاماً وكان جهدها وكسبها الاخ الاكبر فتحى كيته .
    توفيت الى رحمــة الله فى العام 1998م فى الشعبية شارع ناس قرجــة الكبير والصغير .
    • الاخ الاكبر شكوكو
    o فى صورتكم التاريخية تحدثت عن الاخ العزيز فتحى كيته
    o لله الحمد توفى الاخ فتحى كيته قبل ثلاث اعوام بعد ان سكن فى الدروشاب وله اسرة وذرية ...
    الا رحــم الله الاخ الفاضل فتحــى واسكنه فسيح جناته
                  
|Articles |News |مقالات |بيانات

03-30-2008, 01:02 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    بِسم الله الرحمن الرحيم
    السلام علَيكُم ورحمة الله تعالى وبركاتِهِ ،،،

    السادة الأفاضِل / المُنتدى ... المُحترمين

    صلاح مُحمد صلاح
    بدرالدين إسحـاق
    الحاج حمد الحاج

    حمدلله على السلامة ... يا دوب البورد نَور ... يا صلاح إنت باقِليك الحاج حمد ده ود ناس حمد الفي المؤسسة ولا زولاً تاني ... المِهِم نرجو مِنهُ تُطيب أيامو في بوردنا ده ...

    يا الزنجي ... حِكاية قائِمة عُزاب الدفعة ما تخليها أخَير ليك ... ها يا زول الديش كتير ... هسِه دي بِقولو فيها ( الحمدلله ) ولا (أعوذ بِالله) ... قاصِد في العِرس أو عدمو ... قلت كدي ... القِصة حسب المره ... أنا ذاتي ده قولي ...

    ولكُم مِني جزيل الشُكر والتقدير والإحتِرام ،،،
                  
|Articles |News |مقالات |بيانات

03-30-2008, 01:23 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4784

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: عزام حسن فرح)

    يا عادل محمد عثمان
    قطر الانجليز دا ذكرني قطر كريمة و حلفا لما كنا في الاجازة بنسافر البلد
                  
|Articles |News |مقالات |بيانات

03-30-2008, 01:59 PM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: الحاج حمد الحاج)

    ابتداءا نبارك لانفسنا انضمام الزملاء الجدد وان شاء الله البوست ينور اكتر بوجودهم .

    تانيا انا لهسه ملخبت هل حاج حمد هو نفس الحاج حمد الحاج.

    ولازم نعقد مؤتمر قمة لكي نحل الاشكال دا!!
                  
|Articles |News |مقالات |بيانات

03-30-2008, 02:02 PM

صلاح أبودية
<aصلاح أبودية
تاريخ التسجيل: 03-29-2008
مجموع المشاركات: 4556

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: الحاج حمد الحاج)

    الأخ / عزام حسن فرح

    لك التحية .. تفاجأت مثلك بخبر وفاة محمد كردفانى رحمة الله عليه

    أول طفل فى المدرسة كان يعزف على آلة موسيقية

    أول طفل يسوق موطر فى الشعبية أو فى بحرى كلها

    إتلحته حتى علمنى العزف على آلة العود وسواقة الموطر وما بخل على بتسليفى العود مرات كثيرة والموطر كمان , وكنت أعيد له الموطر معطوباً فيعكف عليه حتى يصلحه دون كلل أو ملل وتمتلى ثيابه بالزيت والشحم فأحس بحرج ... فيقول لى مطيباً خاطرى ولا يهمك يا أبوصلاح بسيطة

    رحمه الله وإنا لله وإنا إليه راجعون
                  
|Articles |News |مقالات |بيانات

03-30-2008, 02:31 PM

Adil Osman
<aAdil Osman
تاريخ التسجيل: 07-27-2002
مجموع المشاركات: 10208

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: صلاح أبودية)

    Quote: يا عادل محمد عثمان
    قطر الانجليز دا ذكرني قطر كريمة و حلفا لما كنا في الاجازة بنسافر البلد

    فعلا يا حاج. تنوم وتصحى القطر لسه يكون ما اتحرك من محطته
                  
|Articles |News |مقالات |بيانات

03-30-2008, 02:34 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4784

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: صلاح أبودية)

    Quote: انا لهسه ملخبت هل حاج حمد هو نفس الحاج حمد الحاج.

    ولازم نعقد مؤتمر قمة لكي نحل الاشكال دا!!


    الأستاذ حسن طه
    أنا خايف يكون زي قمة دمشق

    طبعا كما أشرت في مداخلة سابقة فقد طلبت من بكري أبوبكر أن يكون ال Nickname بتاعي الحاج حمد الحاج و قد لبى مشكورا طلبي و لكن تفاجأت أن ذلك تسجيل جديد و فقدت بذلك تاريخ تسجيلي الذي يؤكد انني من أول الذين سجلوا في هذا البور على الاطلاق اذ أن تاريخ تسجيلي 05/02/2002م و مشاركاتي زيادة من 1400 مشاركة.
                  
|Articles |News |مقالات |بيانات

03-30-2008, 05:08 PM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: الحاج حمد الحاج)

    عقبال ما نحتفل بمشاركتك رقم مليون يا حاج.

    مع خالص الود
                  
|Articles |News |مقالات |بيانات

03-30-2008, 05:40 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4784

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: حسن طه محمد)

    وصلتني الرسالة التالية من الأخ عثمان المتعارض (هامبورج -المانيا) و التي أشكره عليها ، و عثمان شاركنا مشاركات جميلة و لكن اختفى منذ فترة ، وينك يا عثمان؟ هناك الكثير عن مسجد الختمية و المرحوم الخليفة كانكيج و المرحوم الخليفة مسعود و غيرهما...
    Quote: أخي العزيز حاج حمد

    تحياتي وسلاماتي العطرة

    والله لم أعلم الا اليوم بخبر وفاة الوالد ... نعزيكم وأنفسنا في المصاب الجلل ، ونسأل الله أن يسكنه فسيح جناته مع الصديقين والنبيين والشهداء .. وأن يجعل قبره روضة من رياض الجنة .. وأن يجعله في سدر مخضوض وسدر ممدود وطلح منضوض .. وأن يجعل البركة فيكم وفي ذريته وأهل بيته .. ويلزمنا واياكم الصبر الجميل ...

    أرجو المعذرة علي التأخير ... ولك حبي ..





    أخوك عثمان المتعارض

    ألمانيا .. هامبورج

    30 مارس 2008

                  
|Articles |News |مقالات |بيانات

03-30-2008, 05:53 PM

صلاح أبودية
<aصلاح أبودية
تاريخ التسجيل: 03-29-2008
مجموع المشاركات: 4556

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: الحاج حمد الحاج)

    الأخ / عزام حسن
    الأخ / بدر الدين (الزنجى)

    لكما التحية والود

    قابلت اليوم من الدفعة :

    فيصل فرينى ، هذا الشخص الفريد الّّذى يعرفه كل سكان الشعبية والخرطوم بحرى عموم وأبشركم إنه نفس الفرينى ما زاد ولا تعريفة

    ألقيت عليه التحية من على البعد (بالبورى) ولوح لى يده والإبتسامة نفسها تعلو وجهه.

    ثم ليس بعيداً من منزله قابلت أيضاصبرى إسماعيل شقيق المرحوم شاكرإسماعيل والله ماشاء الله آخر خفة ورشاقة ونشاط يحسد عليه.

    شايفك عاوز تحسب العزابة يابدرين أكتب عندك الإثنين ديل

    ممكن تزيد عليهم تاج السر فضل والتاج شريفة
                  
|Articles |News |مقالات |بيانات

03-30-2008, 09:25 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4784

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: صلاح أبودية)

    حسب الاعلان من صاحب الموقع الباشمهندس بكري أبو بكر ، ستتم عملية أرشفة للربع الأول من عام 2008م كما يحدث عادة ، اذا استجاب الأخ بكري لطلبنا بأن نواصل بوست الشعبية دون أرشفة كما حدث سابقا سيكون ذلك جميلا و يقلل مجهود البحث و يسهل عملية متابعة البوست ، و اذا تم الاصرار على عملية الأرشفة التي تتطلبها نواحي فنية تتعلق بالسعة التخزينية و التي نقدرها فسوف أقوم بفتح البوست بنفس العنوان وعلى أن يحمل الرقم (2).للجميع شكري و تقديري على مشاركتهم و مؤازرتهم التي أضفت على هذا البوست حيوية كانت لازمة لاستمراره..

    (عدل بواسطة الحاج حمد الحاج on 03-31-2008, 01:20 PM)

                  
|Articles |News |مقالات |بيانات

03-30-2008, 09:29 PM

بدر الدين اسحاق احمد
<aبدر الدين اسحاق احمد
تاريخ التسجيل: 03-29-2008
مجموع المشاركات: 17127

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    الدفعــة / اهل الشعبية
    ( حسبنا الله ونعم الوكيل ... ولا حول ولا قوة الا بالله العلى العظيم )
    رحمة الله على اخونا العزيز محمد الحسن كردفانى
    انشاء الله لـته ذرية وزوجة ....وصبرالله الجميع فهوفقد للشعبية


                  
|Articles |News |مقالات |بيانات

03-31-2008, 11:50 AM

Adil Osman
<aAdil Osman
تاريخ التسجيل: 07-27-2002
مجموع المشاركات: 10208

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)

    ارسل لى الاخ بدر الدين مشكورآ ايميل ردآ على سؤالى له ( ماذا تفعل فى السودان؟ رجل اعمال ولا وزير؟). انقل لكم ما ورد فى الايميل من سيرة بدر الدين التعليمية والمهنية والسياسية:

    Quote: · الشعبية جنوب ... الاميرية (2) ... الخرطوم التجارية ...جامعة امدرمان الاسلامية كلية التربية ...دبلوم عالى النيلين ...ماجستي تربية الاسلامية امدرمان ( مسرة التعليم الحكومى الشاقة ) .( دراسة فى بيروت العربية فشلت لضيق ذات اليـد ) . الكلية الحربية الدفعة 14 فنيين .

    · تاريخ الزواج يونيو 1989 م قبال الانقاذ دى ... بكون اول زول فى دفعتنا تزوج .

    · الشباب بفضل الله ( 3 بنات + 3 اولاد ) اكبرهم ممتحنة الشهادة السودانية دعوات يا ناس البوست كلكم .

    · مســيرة البحث عن الرزق الحلال إمتدت من :-

    o كاتب حسابات هيئة توفير المياه ( وانا فى الجامعة )

    o منظمة الاتحاد الاسلامى للعمل الشبابى

    o وزارة التخطيط الاقتصادى والاستثمار مدير مكتب الوزير على الحاج .

    o ادارة المعلومات والاتصالات .ديوان الحكم الاتحادى

    o مؤسسة السلام والتنمية

    o مكتب السلام بالسفارة السودانية نيروبى

    o مع قليل من الانتدابات الى مؤسسات حكومية وغيرها

    o تمت الاحالة الى الصالح العام 2001م

    · مدير المركزالوطنى لاعداد وتاهيل القادة ( مركز تدريب شبابى ) الرياض شارع اوماك .

    · السكن فى قائمة إيجارات واستضافات تطول ( منزلنا + الشعبية شمال + شمبات الديم + شمبات الشلعاب + الجريف شرق + المزاد شمال + الحلفايا فريق الشايقية + المزاد + (شمبات الاراضى شمال مربع 17 منزل رقم 95 ) بحمد الله منزلنا اليوم ... اكثر ما يحزننى فيـه ولم يكمل فرحتى بــه عدم رؤية والدتـى رحمها الله لجهد وثمرة ابنها منزلى ..

    · مفاخــر

    o اكثر من عمل من اجل السلام والاستقرار فى جنوبنا الحبيب مسيرة امتدت من ( مفاوضات اديس ابابا 1989 – 1998 م ..

    o ذو علاقات خاصة كل قادة الحركة الشعبية قبل السلام بصورة شخصية .بدءاً من القائد د. قرنق شخصياً والمرحوم يوسف كــوة الاكثر التصاقاً باسرته ...الى د.لام اكول (( أسالوا الدفعــة صلاح ابودية )) .اقرب من يعلم سيرتنا العملية .

    o صدقاً ما عندى علاقات مع ابناء السودان من غير الجنوبيين فى الحركة الشعبية لماذا (ما عندى سبب واجابة ).

    · حــوامــة عاليمة

    عييييييييييييييييييييييييييييييييييييييييك زرت دول عديدة وعشت خارج السودان ردحاً من الزمن عايشت وعاشرت شعوب واجناس وتواصلت مع ديانات وتعلمت لغات ...وشفت بلاد منها دهــــــــــــــــــــــــ

    o يوغندا 17 مرة

    o كينيا 34 مرة والعيش فيها لمدة 2سنة

    o اثيوبيا 5مرات

    o اريتيريا مرتان

    o نيجيريا 3 مرات

    o تنزانيا 2مرة

    o زامبيا مرتان

    o جنوب افريقا 3 مرات

    o ناميبيا مرةواحدة

    o ليسوتو مرة واحدة

    o ملاوى مرة واحدة

    o مصر 3 مرات مع العيش فيها لمدة 6اشهر

    o بلد الحبيب محمد صلى الله عليه وسلم حجةواحدة وعمرات .

    o المانيا 3 مرات

    o بريطانيا مرتان

    o الولايات المتحدةالامريكية 3 مرات

                  
|Articles |News |مقالات |بيانات

03-31-2008, 09:40 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4784

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Adil Osman)

    و كما زينت الشعبية سماء الخرطوم بحري ، هاهي تزين البورد كواحد من اعلى البوستات مشاهدة (تجاوزت 30,000 مشاهدة و ما يفوق 1400 مشاركة) و الشكر للأخ الباشمهندس بكري أبوبكر الذي استجاب لأن يستمر بوست الشعبية بهذا الكم الهائل من المشاركات و المشاهدات دون أرشفة.
                  
|Articles |News |مقالات |بيانات

03-31-2008, 11:04 PM

بدر الدين اسحاق احمد
<aبدر الدين اسحاق احمد
تاريخ التسجيل: 03-29-2008
مجموع المشاركات: 17127

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: الحاج حمد الحاج)

    بسم الله الرحمن الرحيم

    الكريم حاج حمد
    ناس الدفعة عزام / صلاح
    الناس الكبار منير وعادل

    سلامات
    مبرووووووووووووووووووووووووووووووووووووووووووووووووك
    اعدد المهو ل من المشاهدين ...والمشاركين فى هذا البوست مع الامانى بمواصلة العطاء وتسخين هذا البورد بكل ما فيه نماء وخير شعبيتنا .
    السؤال ليـــــــــــــــــــــه هذا العدد من المشاهدين والمشاركين اقول رؤيتى للاتى :
    • صدق المقال والمشهد عند المشاركين
    • توحد الزمان والمكان
    • التشارك فى المشاهد
    • وحدة النمط المعيشى لاهل الشعبية
    • شفافية الشخوص
    • البيت / المدرسة / الزاوية / الميدان / السينما / الذكريات ( الواحدة ) .
    • شوق الاخرين الى محاكاة هذا البوست فى احياءهم ..
    • بعد اهل البوست عن ممارسة ساس يسوس
    • الحنين والشوق لكل واحد منا لحكاية ومشهد وموقف و...حاجات تانيه حاميانى .

    رسائل :-
    • الاخ عادل شكراً على اشراك اهل البوست فى سيرتنا الشعباوية .
    • لكن قول ليــــه شكلك كـــده (( زى كمسارى القطر )) صحح ليـــه المشهد إنت فى البلد البايخـــة ديك شغال شنــو ( بلد مطرتها ما معروفة بتكب متين ووين ...بلد يتعاقب على يومها كل فصول السنة .
                  
|Articles |News |مقالات |بيانات

04-01-2008, 06:32 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4784

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)

    الأخ بدر الدين اسحاق

    بالفعل الشعبية دي متميزة في حاجات كتيرة و سبق أن ذكرت ان تجربة الشعبية لو درست دراسة متأنية يمكن تساعد كثيرا في خلق الشخصية السودانية القومية و التي سوف تساعد في تحقيق السلام الحقيقي ، لاحظ في الشعبية الناس بقت أهل و بينهم نسب و لا يفرق بينهم جنس ، في شوارع في الشعبية أصل السكان من الغرب و الجنوب و الشرق و الشمال و لكن ذلك لا يؤثر في أنهم أصبحوا أهل و بعضهم يعرف اهله ناس الشعبية اكثر من أقربائه..انها الشعبية الطحنية..
                  
|Articles |News |مقالات |بيانات

04-01-2008, 06:46 AM

Mohamad Shamseldin
<aMohamad Shamseldin
تاريخ التسجيل: 02-17-2006
مجموع المشاركات: 3074

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)

    الأخ عزام حسن فرح و بدرالدين إسحق و ابودية مرحبا بكم و سلامى الشديد جدا لكم
    يا عزام من صورة بروفايلك لم اعرفك ... أخر مرة تقابلنا فيها أكثر من عشرين عاما.....
    اما انا فلم أضع صورتى فى بروفايلى نسبة للتغيرات التى من ضمنها صلعة كنت لزمن قريب أغالط فى أنها جلحات كبيرة و لكن صار الغلاط بدون فائدة ... لذلك وضعت صورة إبنتى...
    و مشكور يا عزام على الصورة التى حاولت جاهدا تكبيرها للزوم النظر و للتدقيق و صعب على التعرف على بعض من فيها ...هل هذه الصورة للصف الرابع أم الثالث....
    فى مدرسة الشعبية جنوب غير ساكنى الشعبية كان معنا من يسكن الصبابى .. المزاد... الصافية .. الدناقلة جنوب و شمال فالمدرسة كان مستواها الاكاديمى قوى....
    محمد الحسن يوسف الكردفانى كان يعزف العود و كان أستاذ حسن يطلب منه ذلك ....
    كان شقيا جدا ....كان ممثلا موهوبا... و كان أحسن من يقلد أصوات الأخرين بما فيها الجنس الأخر... ملكة رهيبة حباها له الله...و هو رجل سريع التصرف يستطيع ان يخرج من اى ورطة ... شقيقه الأكبر الكابتن كردفانى
    .... بعد الشعبية رحلوا للصافية ثم للحلفايا ....رحمه الله رحمة واسعة

    Quote: يا أخي ممكن تكون وزير ثلاثة وزارات وتتحدث لينا عن ذكرياتك عن العم الفاضل فتح الرحمن .. والد أخونا مأمون فتح الرحمن وآخرين.. وطبعا عمك فتح الرحمن كان يعمل في بحري الأميرية ( 1 ) وكان رجلا مثقفا

    الأخ كمال أنا ممن درسوا بالأميرية (1)
    أدينا شهر وأفتح بوست الأميرية (1) ...إن شاء الله نساعدك فيهو ... و نكتب عن زملائنا و أساتذتنا الذين لهم افضال علينا كالأستاذ عوض نميرى و الجيلى و حسن نورى و انور محمود و كمال وغيرهم
    و كان معنا من مدرسة الشعبية جنوب
    ياسر النضيف و هو حاليا بالهند و قد إنتقلت أسرتهم من الشعبية جنوب للدناقالة جنوب
    ياسر حامد احمد الياس و هو طبيب و حسب علمى بأنجلترا حاليا
    صلاح الطيب حمدتو و كان من سكان الدناقالة منزلهم مجاور لمنزل الفنان الراحل ابوداود
    عثمان عبدالعظيم طبيب بالسعودية كانو يسكنون الشعبية شمال و رحلوا للدناقلة شمال

    ..
    العم فتح الرحمن كان رجلا هادئا و ودودا و كان يلبس نضارة نظر .. عمل فراشا بمدرسة الأميرية (1) .... و يسكن جوار المركز الصحى بالشعبية... و كان كما ذكر الأخ طارق يذكر أن الشاعر إدريس جماع كان يعمل بالمدرسة و كان يشير لنا حيث مكتب إدريس جماع.. و كان أيضا يذكر لنا بعض الطلبة الذين درسوا بالأميرية....
    إبنه – مرتضى - كان دفعتنا بالأميرية (1) ... قام بعمل بعض القصائد الغنائية كما ذكر لى....
    الفراش الأخر بالأميرية كان إسمه العم حسن ..لا ادرى إين يسكن ... بالإضافة للعم صباح الخير الذى كان يسكن بالمدرسة...


    محمد عبدالرحمن شمس الدين

    (عدل بواسطة Mohamad Shamseldin on 04-01-2008, 07:27 AM)

                  
|Articles |News |مقالات |بيانات

04-01-2008, 07:05 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4784

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Mohamad Shamseldin)

    الأخ محمد عبدالرحمن شمس الدين

    تحياتي و شكرا للمشاركة بهذه الذكريات و المعلومات التوثيقية.
                  
|Articles |News |مقالات |بيانات

04-01-2008, 07:46 AM

Mohamad Shamseldin
<aMohamad Shamseldin
تاريخ التسجيل: 02-17-2006
مجموع المشاركات: 3074

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: الحاج حمد الحاج)


    Quote: لو انت كنت مع احمد اخوي في فصل واحد أم لا ..

    يا منير سلامى
    كدى ادينى الإسم ثلاثى ....و هل أنتم ساكنين فى الشعبية شمال .... قصاد ناس (افتكر) جمال ... التعايشى ... الشارع الثانى شمال غرب الميدان ... بيت ناصية فاتح جنوب.... عشان اوصف ليك بيتكم من جوه..
    لانو فى واحد إسمو أحمد عبدالرحيم ... كان خطاط جدا و كان يزين العناوين للدروس برسومات و بالوان... لاحقا سرقنا منه الفكرة.... كان معى فى فصل واحد...
                  
|Articles |News |مقالات |بيانات

04-01-2008, 08:38 AM

صلاح أبودية
<aصلاح أبودية
تاريخ التسجيل: 03-29-2008
مجموع المشاركات: 4556

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Mohamad Shamseldin)

    أولاً شكرى للباشمهندس /بكرى

    والشكر موصول للأخ حاج حمد(بقينا زى ناس الإذاعة)

    سلام لكل أهل النجمة

    الأخ/ محمد شمس الدين كيف حالك والله زمن أنا ماشفتك من الإبتدائى ، ياخ كان تخت الصورة صلعة شنو ياخ

    يعنى إنت قايل صورة عزام دى حقتو؟ دى حقت ولدو

    ولك مودتى
                  
|Articles |News |مقالات |بيانات

04-01-2008, 09:39 AM

Adil Osman
<aAdil Osman
تاريخ التسجيل: 07-27-2002
مجموع المشاركات: 10208

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: صلاح أبودية)

    سألنى بدر الدين اسحاق إن كنت اعمل كمسارى قطر، لأنه شكلى فى الصورة فوق بشبه كماسرة القطارات!
    انا يا سعادتك ما شغال كمسارى. انا شغال جناينى! هاك الدليل. وسط الزهور متصور!

                  
|Articles |News |مقالات |بيانات

04-01-2008, 10:41 AM

صلاح أبودية
<aصلاح أبودية
تاريخ التسجيل: 03-29-2008
مجموع المشاركات: 4556

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Adil Osman)

    الأخ بدرالدين

    أكتب عندك فى قائمة العزابة من الدفعة:

    أسامة محمد أحمد(أبودية)

    صبرى إسماعيل

    معتصم حماد

    حاتم محمد أحمد(اللتش)

    عصمت محمد أحمد ( كربوج )

    ماجد ( الجلد )

    التاج ( شريفة )
                  
|Articles |News |مقالات |بيانات

04-01-2008, 11:39 PM

بدر الدين اسحاق احمد
<aبدر الدين اسحاق احمد
تاريخ التسجيل: 03-29-2008
مجموع المشاركات: 17127

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: صلاح أبودية)

    الدفعة صلاح
    سلامات وسلام
    مبروك الامورة ...يا عم انت لســــه مساسك الدرب ده احسن ليك تفكوا ...
    تم قبول المذكورين الى قائمة الاشراف العزابة
    صبرى اسماعيل
    الصنم الكبير اسامة ابو دية...عامل شباب وبتاع حاسوب وكدهله الف تحية وتحية
    الشقيقان ( اللتش ...وعصمت بشكوته ((شوف الاسم القديم ده ..والله سيدوا زاتو تلقاهوا نساهـ .

    التاج شريفة
    تم رفض قبول المذكور ماجد جلد لانـــه ليس من دفعتنا ... يا دفعة بقيت تبخر ولا شنــو

    تم الرفض الشديد للاخ معتصم حماد ((( والله انا أكلت الضلع بتاع عرسوا ...انت وين يا دفعة ..غرقان فى عسل بــرى ولا شنـــو .
                  
|Articles |News |مقالات |بيانات

04-01-2008, 11:29 PM

بدر الدين اسحاق احمد
<aبدر الدين اسحاق احمد
تاريخ التسجيل: 03-29-2008
مجموع المشاركات: 17127

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Adil Osman)

    الاخ عادل
    سلامات وسلام
    لقد أجرى الزمان إزميلــه فى صورتك الخائف عليها حافراًًًًًَُُ...شيبا ...وصلعة ...
    عمرا ...
    نعلم تفوقكم الاكاديمـــى كنا نريد اشراكنا فيـــه دراسة ... ووظيفة ...وسكنا ...وحاجات تانية ...لكن شحكم المعلوماتـــى حال دون ذلك ...
    متعكم الله بالصحة
                  
|Articles |News |مقالات |بيانات

04-01-2008, 10:26 AM

بدر الدين اسحاق احمد
<aبدر الدين اسحاق احمد
تاريخ التسجيل: 03-29-2008
مجموع المشاركات: 17127

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    اهل البوست سلام وسلام ودعوات
    اخونوا عادل
    اهو اظنك زى علاء الدين محشية بحثت عن ملاذات من الكتاحة والعجاجة و البطالة الى الخضرة والجمال وبلاد الغال ( مش اسمها هكذا فى التاريخ )) ... رجال عظام من ابائنا فى شعبية الخير من الجناينئة سنوثق لسيرتهــم العطرة ...
    وبعدين الجناينية خشم بيوت (( صبى جناينى ... فنى جناينى ...مهندس جناينى ...ياتو فيهم ووين انت عايش مالك بخيل معوماتياً امكن ربنا يجيبنا البلاد ديك نجـــى ننحل عندك ...
    وبعد داك نشوت ضفارى :
    نهدد لاخر مرة باننا سوف نقوم بنشر القوائم single للناس الكبار ...احسن يعترفوا براهم .
    الحبيب محمد عبد الرحمن شمس الدين
    كدية نشوف معلوماتنا
    المحس كترانج الموطن الاصلى
    اشقاء ( محمد ...شمس الدين ))
    اكبر الابناء
    اخت واحدة صغيرة فى ذلك الزمان
    ابن عم ناس ( سمية شمس الدين فى الشعبية جنوب مربع 6/7 يفتح منزلهم شمال على الزاوية
    السكن الشعبية شمال ( ليس منزلكم )شارع عمنا عبد الرحيمحاج عمر (حكم الكورة ) والد طارق ..حاتم.
    سكن بعدكم فى المنزل اسرة ناس شقيقة ابراهيم سعيد بتاع مصانع سعيد للمواد الغذائية
    اظنك درست فى جامعة الخرطوم ( هندسة )
    عثمان عبد العظيم سكن جارنا فى الشعبية جنوب منزل ورثة طلع لهم وهو الان طبيب فى السعودية
    ياسر حامد الياس اطول طالب فى الدفعة يسكن غرب طلمبة شل شارع الكبرى كنت قبل مدة مع شقيقة وابلغنى ان ياسر يعمل طبيب فى بريطانيا .
    والله زمان يا محمد (( قلنا ليكم ما تقدموا الى الاميرية (1) ما صدقتوا كلامنا اها حسى كده كويس نامن الناس يرجعوا وينحتوا الذاكرة عشان يطلعوك من اللاوعــى ...ماشاء الله على بنتنا فى الاطار سلام للاسرة الكريمة والاخ شمس الدين (( صلعة شنو ...والله انا اخت صورتى تقولوا جدو ده من وين جنس شيب خليهوا ساكت .
                  
|Articles |News |مقالات |بيانات

04-01-2008, 11:56 AM

صلاح أبودية
<aصلاح أبودية
تاريخ التسجيل: 03-29-2008
مجموع المشاركات: 4556

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)

    الأخ/ بدر الدين إسحق

    تقول لى شيب أها ختيت ليكم الصورة ومعاى آخر العنقود إسلام صلاح
                  
|Articles |News |مقالات |بيانات

04-01-2008, 12:04 PM

Adil Osman
<aAdil Osman
تاريخ التسجيل: 07-27-2002
مجموع المشاركات: 10208

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: صلاح أبودية)

    Quote: اخونا عادل
    اهو اظنك زى علاء الدين محشية بحثت عن ملاذات من الكتاحة والعجاجة و البطالة الى الخضرة والجمال وبلاد الغال ( مش اسمها هكذا فى التاريخ ))

    بحثت عن ملاذات آمنة يا بدر الدين من بطش واحتكار الجبهة الاسلامية للسلطة والثروة والسوق والاسمنت والكلية الحربية والخدمة المدنية والدبلوماسية !
                  
|Articles |News |مقالات |بيانات

04-01-2008, 12:58 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4784

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Adil Osman)

    Quote: يا منير سلامى
    كدى ادينى الإسم ثلاثى ....و هل أنتم ساكنين فى الشعبية شمال .... قصاد ناس (افتكر) جمال ... التعايشى ... الشارع الثانى شمال غرب الميدان ... بيت ناصية فاتح جنوب.... عشان اوصف ليك بيتكم من جوه..
    لانو فى واحد إسمو أحمد عبدالرحيم ... كان خطاط جدا و كان يزين العناوين للدروس برسومات و بالوان... لاحقا سرقنا منه الفكرة.... كان معى فى فصل واحد...


    الأخ محمد شمس الدين
    طبعا صاحبك منير دا باحث بتاع الكترونيات (Senior Design Engineer) و بعدين ممكن يكون غاطس ليهو في دائرة الكترونية ما يظهر الا بعد أسبوع و أصلو كده يجي يوم يملأ البوست دا كتابة تقول ما عندو شغلة و يغطس يغيب تاني ما تلم فيهو ، عشان كده استأذن الأخ منير في الرد ، فعلا الباشمهندس أحمد عبد الرحيم عبد الله نصر هو الشقيق الأصغر للأخ منير و هو تخرج مهندس من معهد الكليات التكنولوجية و التحق بالعمل بالمسبك المركزي و قد كان يعمل باخلاص و تفاني و قد أظهر تفوق كبير في ادائه و بعدها اغترب لاحدى دول الخليج ، أحمد كما ذكرت هو أيضا خطاط و رسام لكن برضو ما بلحق صاحبي منير يا زول منير دا لوحته كانت بتلف الفصول كلها و لو ما كان باحث الكترونيات كان ح يكون فنان متفرغ للفن و هسع اذا فاضي يوم و مسك الريشة سوف ترى ابداع و موهبة من الخالق ، وصفك صاح بيت ناس المرحوم جمال النور الناصية و ملاصق لهم من الناحية الغربية بيت ناس منير و أحمد.

    (عدل بواسطة الحاج حمد الحاج on 04-01-2008, 10:57 PM)

                  
|Articles |News |مقالات |بيانات

04-01-2008, 02:05 PM

صلاح أبودية
<aصلاح أبودية
تاريخ التسجيل: 03-29-2008
مجموع المشاركات: 4556

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: الحاج حمد الحاج)

    يا عزام ويابدر الدين

    التحيةلكل الدفعة على ما أظن دى صورتى فى صورة الدفعة وكانت فى سنة رابعة

                  
|Articles |News |مقالات |بيانات

04-01-2008, 04:57 PM

Mohamad Shamseldin
<aMohamad Shamseldin
تاريخ التسجيل: 02-17-2006
مجموع المشاركات: 3074

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: صلاح أبودية)



    Quote: اشقاء ( محمد ...شمس الدين ))
    اكبر الابناء
    اخت واحدة صغيرة فى ذلك الزمان
    ابن عم ناس ( سمية شمس الدين فى الشعبية جنوب مربع 6/7 يفتح منزلهم شمال على الزاوية

    يا بدرالدين تم التعرف على المتهم
    بعدين ما دام جبت سيرة العزاب إبن عمى امين محمد شمس الدين ختوه معاكم فى اول اللستة بتاعتكم دى ... كان قدامنا بسنتين فى الشعبية جنوب....

    يا عزام (كونجى) ده أكثر واحد عملت معاهو مشاكل فى الطريق للبيت ...
    عنده مشكلة لو تذكرون فى الطابور مع بخيت ...
    عاطف ود الكوية كان مسالم

    يا صلاح اول حاجة وين أسامة أبودية.. و اول حاجة تانى وين عادل بابكر ؟
    بعدين دى صورة للعبد لله حوالى العام 75



    لم نستطيع العثور على صور أخرى للمتهم ... لكن هناك شخص يشبهه فى هذه الصورة (2005 يوليو ) مع متهم أخر من الشعبية فى الشارقة ...... (الشخص فى يسار الصورة لا علاقة له بالشعبية)



    و ايضا وجد شبيه اخر للمتهم فى صورة حديثة .... يبدو ان هذا الشبيه يعمل حارس باحد غابات أمريكا ...


    يا حاج حمد مشكلة البوست ده الوفيات ... غبت عن المنبر و البوست ...فجعت بوفاة أستاذ فضل ... محمد كردفانى ... جمال النور .... ياسر موسى

    (عدل بواسطة Mohamad Shamseldin on 04-01-2008, 08:58 PM)

                  
|Articles |News |مقالات |بيانات

04-01-2008, 08:50 PM

معاوية محمد الحسن
<aمعاوية محمد الحسن
تاريخ التسجيل: 03-22-2008
مجموع المشاركات: 1588

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Mohamad Shamseldin)

    الاخ العضو الجديدالحاج حمد

    تحية طيبة
    زي مارحبت بي انا برضو بقو أقول ليك مرحب بك ياالحاج عضو جديدفى المنبر واللة شرفت المنبر ياالحاج وواصل معانا باللة فى بوست الشعبية دي الفتحو واحد اخونا زمان اسمه حاج حمد اللة يطراهو بالخير .
    ياسلام عليكم ياحاج انت ومنير ذكرتونا بكارم كزام ومامون ،وكارم ده بالذات كان صديقى وكان يجلس خلفى مباشرة ومعذبني بدفر الكرسي برجله وكان استاذالرياضيات عبد الحميد الكندي معذبنا بالأسئلة وكل مايكتب مسألة فى السبورة واراد أختيار واحد لحلها يقول ايوة يامعاوية ولو ماقدرت طوالي يقول ايوة ياكارم يعني كان فاضحنا فى الفصل وطوالي كارم كان يتذكر ذلك وكل مايقابلني يقول لى بطريقة الكندي ايوة يامعاوية ومن طرائف كارم فى حصة الادب الانجليزي يكون ماسك كتاب غير الذي يقرأ منه الأستاذ وعندما يسمع صوت قلب الصفحات يقول لي يامعاوية الناس قلبوا ،وأخر مرة قابلتوا فى الدوحة فقد جاء لزيارة عمل قبل عدة أعوام وكان يجلس بجواره المصيبة الثاني اخونا عبد اللة سعيد وهو من الزومة يامنير وكان شخص مضحك جداًواتذكر مرة جاءنا أستاذتربية اسلامية من المولانات يرتدي جلابية وقفطان وبمجرد دخوله قال السلام عليكم ورد عبد اللة سعيد وعليكم السلام ياعم مختار وكدنا ان نموت من الضحك وماعارف يامنير وصلتكم النكتة دى قدام أم لا ،وكان يجلس بجواري طيلة سنوات الثانوي العام صديقي الفاتح بشير مدني فقد جئنا معاً من مدرسة المزاد وكان ايضاً نجلس بجوار بعض من الفصل الرابع وهو الأن موظف كبير ببنك البركة فى السودان وتحياتي من على البعد له ولكارم ومامون وعبد اللة سعيد بهولندا
                  
|Articles |News |مقالات |بيانات

04-01-2008, 10:46 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4784

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: معاوية محمد الحسن)

    الأخ العزيز معاوية محمد الحسن
    شكرا لترحيبك بصاحب البوست..
    طبع الأميرية (2) كانت تضم خلطة عجيبة من الشعبية و المزاد و الديوم و الدناقلة و الاملاك و الختمية و شمبات و بقية مناطق بحري رغم ان الاغلبية كانوا من الشعبية و المزاد.
    تصدق يا معاوية عبد الله سعيد دا من الأميرية (2) تاني ما قابلتو و ما جات حاجة ذكرتني الاسم دا لكن الآن بمجرد ذكرك لهذا الاسم جات الصورة و الضحكة و النكتة التي كانت تميزه مارة بخيالي. من الطرائف التي لا أنساها كان الأخ حسن طه (الشعبية جنوب) ضخم الجسم و مرة عملوا جوطة ورا و قام استاذ مختار (رياضيات) شال ليهو سوط و مشى عليهم و قرر جلدهم قال لي حسن طه : أفتح يدك و عندما فتح حسن يده الضخمة علق استاذ مختار و كان صاحب نكتة : لا حول دي كابي ليها باكنج بودر.مرة عماد عبد الله (سوسيوة) (الشعبية جنوب) الصباح بدري و حسن طه عندو مسائل رياضيات ما حلاها بالليل جا شال كراس واحد و بدأ ينقل عاوز ينتهي قبل الحصة و عماد يجري جنب حسن طه و يفرفر قام حسن طه قبض عماد باليد الشمال و واصل النقل باليد اليمين و عماد يصيح : ياخي فك و حسن ما شغال بيهو و ما فكاهو الا بعد ما خلص نقل المسائل ، أيام لها ايقاع.
                  
|Articles |News |مقالات |بيانات

04-01-2008, 11:53 PM

بدر الدين اسحاق احمد
<aبدر الدين اسحاق احمد
تاريخ التسجيل: 03-29-2008
مجموع المشاركات: 17127

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Mohamad Shamseldin)

    محمد عبد الرحمن
    اخيرا تم التعرف على المجرم ...ماشاء الله ياهو انت ذاتك ما تغير شى
    النظارة ياها ذاتها ...الصلعة جزء من فعل الزمان فينا
    انت وين فى سوداننا سكنا واسرة وعملا ...
    يا حليل امين بالله لحدى الان ماسك ليه راية العزاب ... اظنوا دفعة ناس منير
    تواصلكم هام لإرواى ظمأ شوقنا

    (عدل بواسطة بدر الدين اسحاق احمد on 04-03-2008, 09:03 PM)

                  
|Articles |News |مقالات |بيانات

04-01-2008, 11:47 PM

بدر الدين اسحاق احمد
<aبدر الدين اسحاق احمد
تاريخ التسجيل: 03-29-2008
مجموع المشاركات: 17127

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Adil Osman)

    الاخ عادل
    سلامات وسلام
    تم قبل فترة مناقشة الاستراتيجية ربع القرنية للمذكورين ... ياخوى الفيلم دهـ هنــدى بطلوا بيــه سبع ارواح ..ما بيموت
                  
|Articles |News |مقالات |بيانات

04-01-2008, 11:55 PM

بدر الدين اسحاق احمد
<aبدر الدين اسحاق احمد
تاريخ التسجيل: 03-29-2008
مجموع المشاركات: 17127

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    اهل البوست سلام
    الدفعة صلاح عزام محمد
    الناس الكبار

    ابحثوا معانا عن ناس منير ...قرجة ...شكوكو ...
    وثقوا لينا عن اهل شعبية الخير
                  
|Articles |News |مقالات |بيانات

04-01-2008, 11:58 PM

بدر الدين اسحاق احمد
<aبدر الدين اسحاق احمد
تاريخ التسجيل: 03-29-2008
مجموع المشاركات: 17127

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    اهل البوست سلام
    الدفعة صلاح عزام محمد
    الناس الكبار

    ابحثوا معانا عن ناس منير ...قرجة ...شكوكو ...
    وثقوا لينا عن اهل شعبية الخير
                  
|Articles |News |مقالات |بيانات

04-02-2008, 06:24 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4784

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)

    المحطة الآخيرة للبصات

    كانت المحطة الآخيرة لبصات أبو رجيلة في المساحة التي يوجد بها حاليا منزل السيد / سيد ضو البيت و هو رجل أعمال من اهالي بربر يلاصق منزله منزل المرحوم / عيسى خليل من الجهة الجنوبية و يفتح مباشرة على شارع الكبري و يقع غرب منزل المرحوم دلدوم (يفصل بينهم شارع الزلط) ، و بعد ان تم تشييد القطعة تم انتقال المحطة لموقعها الحالي قرب سوق السيد / علي الميرغني يعني انتقلت للشعبية جنوب.
    موبيليات عيسى

    و على ذكر المرحوم عيسى خليل فهو من اول الذين دخلوا مجال تصنيع الأثاثات المنزلية و كان له الفضل في تطور هذه الصناعة في السودان و رغم أن منزلهم يقع في العمارات التي يطلق عليها الصبابي الا انهم كبقية سكان هذه العمارات تربطهم صلات طيبة مع سكان الشعبية و أصبحوا جزء منهم و قد ربطتهم علاقات نسب بسكان الشعبية ، و قد ورث أبناء المرحوم عيسى هذه الصناعة و أصبحوا من المعروفين في هذا المجال ، فأصبحت هناك موبيليات خليل و سمير و احمد عيسى أبناء المرحوم عيسى و كلها تقوم بصناعة متميزة و فاخرة للأثاثات المنزلية.
                  
|Articles |News |مقالات |بيانات

04-02-2008, 06:45 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3717

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    الأخ/ محمد شمس الدين ...

    تحية طيبة مزجاة لكم ولكافة أبناء الشعبية الميامين...

    بوست بحري الأميرية ( 1 )... حلم راود الكثيرين من أبناء تلكم المدرسة العتيقة.. وتمنياتكم علينا بهذا الخصوص تدفع بإتجاه أن يولد بوست يوثق لتلك المدرسة.. وإن شاء الله نحاول كما تفضلتم بطلبكم..

    ياسر حامد الياس.. غالبا هو شقيق أخونا أحمد حامد الياس وهو الدفعة الورانا في بحري الأميرية ( 1 ) وأعتقد أيضا هو طبيب متخصص في بريطانيا.. وهم من عائلة أنعم الله عليهم بنعمة الشطارة الفطرية..

    أأمل أن أتمكن من إفتراع بوست عن الأميرية ( 1 ) ... ولو بعد حين.. (إن كان في العمر بقية)..

    لك ولكافة أبناء الشعبية أطيب المنى... ودمتم في حفظ الله
                  
|Articles |News |مقالات |بيانات

04-02-2008, 07:02 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Kamal Karrar)

    [QUOTE]بوست بحري الأميرية ( 1 )...


العزيز كمال كرار

تحية وردية من ورود بحري الاميرية الندية

شخصي الضعيف من الذين تشرفوا بتلقي العلم من بحري الاميرية(1)

كنت أسكن آنذاك حي الدناقلة جنوب بالقرب من المدرسة.

كان جل وقتي في المدرسة

صباحا مع الحصص

وعصرا مع الجمعيات الأدبية والرياضية ( كنت في منزل طارق ) وغيرها من المناسبات.

لا زلت أذكر أساتذتي الأجلاء

وزملائي الأعزاء

لا زلت اذكر الفصول ومواقعها والأشجار وست الفطور

لا زلت أذكر العم فتح الرحمن والعم حسن اللذان كانا بالنسبة لنا آباء حقيقيين.

لا زلت أذكر ميدان الكورة

لا زلت أذكر جميع المناشط الرياضية التي كنا نمارسها من البينق بونق الي الباسكت الي الفولي بول الي كرة القدم

لا زلت أذكر تدريبات الجمباز وكاننا من المشاركين في الدورات الاولمبية العالمية

لا زلت أذكر الكثير.

سررت كثيرا بفكرة فتح بوست عن مدرستنا الحبيبة بحري الاميرية (1).

لا تتأخر يا كمال ونحن في الانتظار

والشكر مقدما لكم .

مع تحياتي للجميع خاصة من نالوا العلم الرفيع من هذه المدرسةالتي كانت أشهر المدارس في العاصمة في كافة المجالات وفي مقدمتها التفوق العلمي الذي اشتهرت به كثيرا .

أين نحن الآن من كل ذلك؟؟


وتحياتي،،،،
                  
|Articles |News |مقالات |بيانات

04-02-2008, 09:31 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3717

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    أخي حسن طه...

    يبدو في مشكلة فيما كتبت.. فالصفحة بيضاء من غير أثر.. أعد المحاولة ولك أجرها
                  
|Articles |News |مقالات |بيانات

04-02-2008, 10:37 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Kamal Karrar)

    فعلا يا كمال جاءت الصفحة بيضاء من كل سوء .

    والرسالة كانت موجهة ليك بالتحديد

    وقلت فيها اني ممن تشرفوابالدراسة في هذه المدرسة العملاقة

    وما زلت اذكر فصولها وأشجارها

    وما زلت أذكر أساتذتنا الأجلاء

    وما زلت أذكر العم فتح الرحمن والعم حسن وقد كا آبوين حقيقيين للجميع

    وما زلت أذكر مناشطها من البينق بونق الي الجمباز وكاننا في دورة أوليمبية الي الجمعيات بمختلف مسمياتها

    وما زلت أذكر زملائي الطلبة

    وما زلت أذكر بعض الذكريات بها

    لذلك سررت كثيرا عندما جاءت منكم فكرة البوست عن الاميرية ( 1 ).

    فاسرع ونحن في الانتظار يا كمال ود الكرار

    مع تحياتي للجميع
                  
|Articles |News |مقالات |بيانات

04-02-2008, 10:47 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    اضم صوتي لاصواتكم وان شاء الله ندعم بوست الاميريه واحد ودعونا نفكر في اسم رنان لهذا البوست
                  
|Articles |News |مقالات |بيانات

04-02-2008, 01:32 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4784

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: طارق ميرغني)

    Quote: اضم صوتي لاصواتكم وان شاء الله ندعم بوست الاميريه واحد ودعونا نفكر في اسم رنان لهذا البوست


    الأميرية (1) (بحري): قلعة علم عرفناها و ذكريات لن ننساها

    لو العنوان عجبكم يا طارق ميرغني ، تشتروا بي كم؟ الحقوق محفوظة
                  
|Articles |News |مقالات |بيانات

04-02-2008, 05:16 PM

Munir
<aMunir
تاريخ التسجيل: 02-11-2002
مجموع المشاركات: 10495

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: الحاج حمد الحاج)

    Quote: يا منير سلامى
    كدى ادينى الإسم ثلاثى ....و هل أنتم ساكنين فى الشعبية شمال .... قصاد ناس (افتكر) جمال ... التعايشى ... الشارع الثانى شمال غرب الميدان ... بيت ناصية فاتح جنوب.... عشان اوصف ليك بيتكم من جوه..
    لانو فى واحد إسمو أحمد عبدالرحيم ... كان خطاط جدا و كان يزين العناوين للدروس برسومات و بالوان... لاحقا سرقنا منه الفكرة.... كان معى فى فصل واحد...

    العزيز الحاج شكرآ لإجابتك علي الأخ محمد شمس الدين ..

    نعم يا محمد شمس الدين هو أحمد عبدالرحيم ذاته جار المرحوم جمال النور الذي قيل أنه مرض فجأة وتوفي ، نسأل الله له الرحمة والمغفرة وحسن المآب ..
    وبالمناسبة أنا ربما اتذكر شكلك (الزمان) طشاش طشاش كده .. ولكني قطعآ أتذكر أن أحمد والمرحوم جمال كانا صديقين لتلميذ اسمه محمدعبدالرحمن .. ودا أكيد تكون إنت.. وانت طبعآ أكيد في السودان معروف بالا سم محمد عبدالرحمن وليس محمدشمس الدين.. وطبعآ حذف الاسم الاوسط ده حركات خواجات ساي .. مش كده؟؟ ..

                  
|Articles |News |مقالات |بيانات

04-02-2008, 06:11 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    مدرسة الشعبِية جنوب
    الدفعة : صلاح / بدرالدين وآخرين

    صورتي نزلتها ليكُم بِالأسود والأبَيض .... والله لو نزلت صورتي بِالمُلَون أكان قُعاد البيت يغلِبكُم
    هيا ناس أنا ود بِتين ... هو القرا معاكُم كُلو قدُركُم ... شوف كمان بدرالدين قال يا ناس
    الدفعة الناس الكُبار يِوثِقوا لينا عن الشعبِية... كُبار دي قاصِد بيها منو يا خوي ... كدي
    أكان جدع نزِل صورتك ... صلاح وناس أُسامة أبودَيه عوامِل الزمن سوَت فيهُم مِـحَـنـا ... عِلا
    نِحن كفانا عِجمعة لِسانا البنرطُن بيها كمان تجيبلها كُبر ، أصلو ما في غيرنا في الواطة دي
    ولا شِنو يعني ...


    إت يا بدرالدين مُحمد شمس الدين ده كان دُفعتنا ولا كان بِدرِسنا ... هيا زول يا مُحمد شمس الدين
    يا حليلك ... كُنت قلِيلون ، تقول فططوك مِن أولى لِرابعة طوالي ، لكِن النصيحة كُنت لايوق ويكة جِبال
    بس ... عرست ولا شِنو ... الكبرك كدي شِنو يا خوي ... تاريك دُفعة ناس صلاح وبدرالدين ... يا أخي
    نادِر منصور لِهسِع بيجري ، تقوم تعملك ليك كرِش ... ولابِسلك نضارات كمان ... أخير تتناغم مع ناس
    عادِل عُثمان وكِده ...

    سلام بِالعربي الفصيح

    (عدل بواسطة عزام حسن فرح on 04-02-2008, 06:12 PM)
    (عدل بواسطة عزام حسن فرح on 04-02-2008, 06:13 PM)
    (عدل بواسطة عزام حسن فرح on 04-02-2008, 06:21 PM)
    (عدل بواسطة عزام حسن فرح on 04-02-2008, 06:23 PM)

                  
|Articles |News |مقالات |بيانات

04-02-2008, 07:54 PM

صلاح أبودية
<aصلاح أبودية
تاريخ التسجيل: 03-29-2008
مجموع المشاركات: 4556

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: عزام حسن فرح)

    دحين ياعزام
    ويابدر الدين

    محمد شمس الدين ده ما محمد (شبر)

    ول أنا ملخبط شوية
                  
|Articles |News |مقالات |بيانات

04-02-2008, 08:17 PM

بدر الدين اسحاق احمد
<aبدر الدين اسحاق احمد
تاريخ التسجيل: 03-29-2008
مجموع المشاركات: 17127

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: صلاح أبودية)

    الدفعة صلاح
    سلامات والله كتلتوا ياهو ذاتو محمد شبر ... قصيرونى وكمان عندو نظارات منيوموا بس قعر كباية (( ماشاء الله )) .. برضوا شاكى انا منزل لينا صورة وهو فيها ضاربوا الهواء البارد لكن الصلعة دى يوديها وييييييييييييييييييييييييييييين .

    الدفعة صلاح
    بالله عليك الله شوف الحلبى عزام دهـ كلاموا كيفن ضفارى ...باقى ليك لو رجعنا لينا كم ((( احسن مانقول السنين )) بقدر يقول متل كلاموا دهـ (( والله لو لقى ليه ملاذات امنة من ناس مجلس الامن مابيقولوا )) ...لكن اهو حكاية الحريات المغطية الدنيا اليومين دهـ
    خايفين من ناس منير يقولوا (( حاجات تانية )) ..
    الحبيب عزام
    احتراما للايام الخوالى ما حبينا نعترض على صورتكم وما فيها من ملامح شبابية لكن والله تقول ماخدها زمن الابيض والاسود يعنى حوالى 85 او 87 والله اعلم ...بعدين اعمل حسابك انت فى القائمة الثانية مع صلاح بتفرغ ليكم بعد ايام .
    العزيز محمد شمس الدين
    والله اخت ليكم صورتى تقولوا عموا دهـ درسكم وين ((احسن خلونا كدهـ نختبى خلف الكلمات .

    بعد داك يا عزام الجماعة الكبار ديل انت ما منهم لكن الفى بطنوا حرقص براه برقص (( ديل ناس شكوكوالكبير وابوقرجة وناس الحاج حمد وبعدهم ناس منير وعادل .

    عادل منير عزام
    الحق الناس ديل قايلين بيلحقوا الاميرية (2) دهـ مدرسة ينتهى فيها ( العلم .. الفن .. الكورة ...والاساتذة ... والنظار الماليهم مثيل (( ناس السحار )) ... وبعدين الحركات الانفصالية دهـ احسن تخلونا منها
                  
|Articles |News |مقالات |بيانات

04-02-2008, 10:03 PM

حسين عوضاى
<aحسين عوضاى
تاريخ التسجيل: 03-07-2008
مجموع المشاركات: 1582

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)

    الحبيب حاج حمد تحياتى


    تسجيل حضور ومتابعه . وكميات سلام وتحايا من احمد كربوج
                  
|Articles |News |مقالات |بيانات

04-02-2008, 10:15 PM

Mohamad Shamseldin
<aMohamad Shamseldin
تاريخ التسجيل: 02-17-2006
مجموع المشاركات: 3074

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)

    يا منير بالله أنكت لينا احمد عبدالرحيم ... الزول ده غاطس فى ياتو جحر؟
    طبعا بيتكم ده دخلتو زى 723 مرة....

    عزام و بدرالدين و صلاح
    إنتو عارفين "شبر" دى اللصقها فينى منو ؟ ما إتحليت منها إلا فى الجامعة .. الجماعة نسوها...يجى هسع صلاح يطلع لينا بعد 30 سنة...
    ده معاوية كزام ...أصلو ما عندو شغلة غير الحاجات دى...
    الراجل كان ماكن ... مرة إشتبكت معه ...فقلت له "اصبر بجيب ليك القدرك" و حرشت عليهو إبن عمى امين ... المعركة دارت بينهم فى الميدان القدام ناس عبدالسلام الميكانيكى ... واحد فيهم فلق التانى...
    بعد داك بقى صاحبى
    لكن الراجل كفر عن ذنوبه لمن عرست عام 95... مشيت ليهو عمل لى تخفيض كبير فى الصيوان و الخدمات...
    معاوية كان مشاغب ... يقعد فى بص الرحلات فى اخر كنبة فى البص .. و صوته كبير و يقعد يقول " أبوى .. أبوى " فيرد له الجماعة " "أى .. أى" فيرد معاوية "فلان سوا كده و كده" ... يا لها من أيام خوالى....
    أسمعوا يا شباب أنا الصلعة دى بشوف ليها حل ... ناس عزام و بدرالدين "لماضدتهم" الليها 35 سنة ما قادرين يخلوها بيسووا ليها شنو؟؟؟؟
    بعدين ناس نادر منصور "ود الناعة" و صبرى إسماعيل ديل من من ما الله خلقناساكين الكورة و الجرى و معاهم كمان كربوج

    (عدل بواسطة Mohamad Shamseldin on 04-02-2008, 11:02 PM)

                  
|Articles |News |مقالات |بيانات

04-02-2008, 10:34 PM

شهاب شكوكو

تاريخ التسجيل: 03-07-2008
مجموع المشاركات: 21

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: Mohamad Shamseldin)

    وشالوا السمك بيتهم لامهم ( التومة ) وقالوا ليها الله فتحا علينا بفضل دعواتك و الصيد كان وفير !!!
    امهم صدقت القصة قصاد كمية السمك البلطي !!
    وظبطت العضة وضربوا المشاوي هي والاشرار وابو الاشرار،،، وبدون رغيف كمان !!
    بعد شوية تجي ( عايدة شمار ) البيت تلاقي اختها ( السرة ) راقدة في السرير وهي بتقرا مجلة سيدتي .
    عايدة شمار : الله يسد نيتك راقدة لا جيهتي السمك لا حمرتي مالك !!
    راقدة زي الجنازة ترقدي في احمد شرفي !! و يجيك عريس كيف انت يالخملة !!
    السرة : سمك شنو انت طاير ليك !!؟ تقول انت معرسة واولادك في الجامعة ( في سرها طبعا ) !!
    ... عايدة شمار تجي فترانة و عيونا مطششة طوالي علي التلاجة تأخد حقنة الانسولين !!
    المهم عرفت انو الجوز ماجابو السمك !!
    السرة : لكن قبيل جاني ( حليتي ) وشحدني دكوة وليمون وقال لي الليلة عندنا فطرة كاربة ابوي جاب لينا سمك من الموردة ، تعالي افطري معانا لانو شايف اختك لافة في السوق زي كلب الحر و احسن ليك تجي تأكلي وهي شديدة علي روحا بعدين تأكلي نيم !!
    ... عايدة شمار وهي تزبد وترغي شالت توبا ومرقت علي جيرانا ،، وهي تسب وتلعن ،، دكوة الله يدك عليهم الواطة !!
    انا كلب الحر ولا هم المطاليق اولاد الحرام !!
    وفي الشارع بدأت تشم في ريحة السمك حقها .. وبقت تدمع .
    جنب الباب شافت موية السمك مدفوقة كضبت الشينة وقالت :
    ده بيكون ترتر ساي ما قشر السمك وانا عشان الانسولين عيوني مطششة !! واي شئ شايفا سمك ،، سمك !!
                  
|Articles |News |مقالات |بيانات

04-02-2008, 11:05 PM

شهاب شكوكو

تاريخ التسجيل: 03-07-2008
مجموع المشاركات: 21

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: شهاب شكوكو)

    لمن وصلت بيت الاشرار كررو دفرت الباب ونادت ام الاشرار ،،، التومة ،، يا التومة !!
    عايدة شمار : اولادك عملوا كيت وكيت !!
    انت ما سالتيهم جابوا السمك ده من وين ؟؟
    التومة : ما صادو من البحر يعني من وين جابو من الغابة !!
    عايدة شمار : بحر ابليس ، ان شاء الله ياكلك الحوت ياعفنة ، ياام العفنين .
    ... ناس الحلة اتلموا بالجوطة ،،، وجابو الشفع الاشرار قالوا سمك عايدة شمار اكلوا منهم كلب الغفير بتاع المدرسة السعران ، وسمكنا ده صدناو من البحر !!
    وبعدين هي زاتا سمكا كان نص كيلو بس !!
    وكان ما مصدقانا امشي شوفي كلب الغفير تلقيو عمل ليو جضيمات !!
    عايدة شمار لمن خلاااص قنعت من سمكا ، و السكري طلع ليها في راسا وخشمها بقي ملح ملح !!
    قالت : طيب خلاص يااولاد الكلب ما فضلتوا ولا راس ، ادوني ليو اعملوا شوربة ولا صينية سمك !!
    الله يقطع راسكم زي ما قطعتوا راسي !!

    انتهي
                  
|Articles |News |مقالات |بيانات

04-03-2008, 03:57 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    مدرسة الشعبِية جنوب
    الدفعة : صلاح / بدرالدين / محمد شمس الدين وآخرين

    يادابي عِرفتك يا محمد شمس الدين (شِبِر) ... وين أراضيك هسع ...
    يا صلاح إت التوجه الحضاري العام في السودان ما كان بيمنع مِتِل ناس بدرالدين مِن
    الشمارات ... الزول قال لينا عديل أنا وإنت الدور جايينا ... كدي النلحق ولدي حسن
    وفرح مِن دخول البورد ده ... الحِكاية جايبه ليها فضايِح الظاهِر ... الله قال بِقولنا
    المصيبة دي أكان فتحت ، أمانة ما وقعوا رُجال ... وكِت بدأت بِالـ(الحلبي) ما أظِنها
    بتنتهي إلا (بِطالِعني بره أكان راجِل) هسِع نجيب ليك نادِر منصور مِن وين ...

    سلام بِالعربي الفصيح
                  
|Articles |News |مقالات |بيانات

04-03-2008, 06:24 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4784

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: عزام حسن فرح)

    Quote: الحبيب حاج حمد تحياتى


    تسجيل حضور ومتابعه . وكميات سلام وتحايا من احمد كربوج


    الأخ حسن عوضاي
    سلامي لك و تحياتي عبرك للأخ أحمد كربوج و الذي لم أقابله منذ سنوات طويلة و لكن هو دائما في الخاطر عند ذكر الشعبية و الرياضة فهم أسرة ساهمت في العمل الرياضي و الاجتماعي و العام في الشعبية ، و ما زال الأخ بكري يقوم بدور كبير في الرياضة و الاجتماعيات بالشعبية ، الأخ بكري كربوج مشكورا حضر معزيا لنا في وفاة الوالد له التحايا من البعد..

    شكرا الأخ حسن عوضاي.
    يا بدر الدين اسحاق ياخي ايه الحكاية عاوز تكبرنا كمان زيادة ، الأخ منير دفعتنا في الأميرية (2) و بحري الحكومية و عادل محمد عثمان الدفعة القدامنا..
                  
|Articles |News |مقالات |بيانات

04-03-2008, 09:39 AM

صلاح أبودية
<aصلاح أبودية
تاريخ التسجيل: 03-29-2008
مجموع المشاركات: 4556

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: الحاج حمد الحاج)

    الأخ عزام

    لك التحية والود

    والله بدر الدين ده حيرنى أنا برضو وما عارف القائمة الثانية دى فيها شنو لكن لو ذكر زول تانى غيرى وغيرك أكيد ح نعرف .
    كدى ورينا معانا منو تانى فى القائمة دى يا الزنجى؟
                  
|Articles |News |مقالات |بيانات

04-03-2008, 07:41 PM

بدر الدين اسحاق احمد
<aبدر الدين اسحاق احمد
تاريخ التسجيل: 03-29-2008
مجموع المشاركات: 17127

للتواصل معنا

FaceBook
تويتر Twitter
YouTube

20 عاما من العطاء و الصمود
Re: الشعبية نجمة تزين سماء مدينة الخرطوم بحري (Re: hajhamad)

    العزيز عزام/ صلاح
    ناس منير وحاج حمد
    ناس عادل محمد عثمان
    ناس شكوكو ابوقرجة
    سلامات ثم سلامات
    نحن فى الميدان صورة حديثة خالية من كل ادوات التنكر والتجمل 2008م طازة ...مازى حقت ناس الابيض والاسود ما معروفة سنة كم.
    وكمان مازى حقت المغتربين الضارباهم الطراوة والمكيفات ناس محمد شبر .
    وليك يا منير انشاء الله تجمعنى تمام التمام ....مع انك ما قلت ليه الفلق التانى منو فى الشكلة ...
    ويا اخوانا الحقونا بعماد شكوكو الدفعة ما ايهاب اخونا الصغير ولا عادل الاكبر ولا رمز الاسرة شكوكو

    الحمد لله بقيت تخاف ...انت والدفعة صلاح (( اخليكم كم يوم وبعد داك بجيكم تارى .
    الاخ الاكبر حاج حمد ...والله سورى جدا ما قايل عادل محمد عثمان قدامكم اظننى انخدعت بفعل عوامل التعرية والتصحر البادية فى صورتكم...لكن برضوا اكبر دى جميلةوبتديكم حقكم وبتديننا مكاننا وراكم .




    (عدل بواسطة بدر الدين اسحاق احمد on 04-03-2008, 07:46 PM)
    (عدل بواسطة بدر الدين اسحاق احمد on 04-03-2008, 07:59 PM)
    (عدل بواسطة بدر الدين اسحاق احمد on 04-03-2008, 09:12 PM)
    (عدل بواسطة بدر الدين اسحاق احمد on 04-03-2008, 09:45 PM)

                  
|Articles |News |مقالات |بيانات


1 صفحة 12 „‰ 85:   <<  1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases