|
|
|
 Re: المحليات تقوم بحصــر ممتلكات الجنوبيين تمهيدا لتعويضهم بعد الانفصال (Re: معاوية عبيد الصائم)
|
الجنوبيون الذين سيتضررون هم كيزانكم من الجنوبيون, اصحاب القصور, من امثال رياك قاى, على تميم فرتاك, لام اكول, ما يسمى بالسلاطين الجنوب و الذين يتقاضون اجور ضخمة من اللجان الشعبية مقابل ظهورهم فى مناسبات لنصر المجاهدين. ديل, مافى زول شغال بهم فى الجنوب, you can have them. اما مواطنينا العزل, فبامكانكم اخذ القليل من ما لديهم, فقط اتركوا فلذات اكبادهم. هولاء عائدون الى الجنوب و قد عاد جلهم.
اما اهلنا الشمالين فى الجنوب, فسوف نتعامل معهم على اساس انهم اهل لنا و ليس لدينا قضايا شخصية معهم و حقوقهم مقفولة كما نصت عليها العرف و القوانين الدولية.
| |
 
|
|
|
|
|
|
|
|
|
Re: المحليات تقوم بحصــر ممتلكات الجنوبيين تمهيدا لتعويضهم بعد الانفصال (Re: Al-Shaygi)
|
الزميل زكريا
Quote: الجنوبيون الذين سيتضررون هم كيزانكم من الجنوبيون, اصحاب القصور, من امثال رياك قاى, على تميم فرتاك, لام اكول, ما يسمى بالسلاطين الجنوب و الذين يتقاضون اجور ضخمة من اللجان الشعبية مقابل ظهورهم فى مناسبات لنصر المجاهدين. ديل, مافى زول شغال بهم فى الجنوب, you can have them. اما مواطنينا العزل, فبامكانكم اخذ القليل من ما لديهم, فقط اتركوا فلذات اكبادهم. هولاء عائدون الى الجنوب و قد عاد جلهم.
اما اهلنا الشمالين فى الجنوب, فسوف نتعامل معهم على اساس انهم اهل لنا و ليس لدينا قضايا شخصية معهم و حقوقهم مقفولة كما نصت عليها العرف و القوانين الدولية. |
بالعكس هؤلاء الذكرتهم ما عندهم مشكلة لانهم بي بيوتهم أراضيهم وامتيازاتهم وكيفوا وضعهم والمؤتمر الوطني حا يحمهيهم المشكلة في ناس مساكين قاعدين في اطراف العاصمة في الحاج يوسف الوحدة ولا سوبا ولا ورى امدرمان ولا في واونار في كسلا ولا في اطراف شندي عاشوا في اكواخ صغيرة سنين طويلة كانو فرحانين بالحركة الشعبية والسلام ومستنين يوم يجيهم التخطيط وتجيهم الخدمات والكهرباء وشغالين في الزراعة وكماين الطوب وكعمال بناء وبعضهم عندهم أعمال صغيرة ساترة حالهم وبحلموا يعلموا اولادهم ويعيشوا زي بقية الناس ومبسوطين بي حالهم البسيط دا بكرة حايلقوا نفسهم مهددين بالتكسير والكراكات ما بترحم ومافي جيش حركة شعبية يحميهم ومافي سلطة لا زكريا لا باقان لا سلفاكير
لو واحد فيهم ودى ابنه المدرسة ما حايقبلوه لأنه أجنبي ولو قبلوه نوع التعليم ما بنفع معاه
لو واحد فيهم مرض ما حا يعالجوه لانه ما عنده تأمين صحي
لو قدم لي وظيفة ما حايقبلوه لانه اجنبي
لو قدم لي مشروع ولا ارض ولا اي ميزة ما يدوه
وممكن يترحلوا هم واولادهم لارض جديدة يكونوا فيها غرباء ما عندهم أي مقومات الحياة فيها ويواجهو حساسيتكم لي بعضكم ودي الناس كلهم عارفنها أنكم بتعيشوا مع بعضكم في مناطق محصورة فقط للقبائل والبطون محدودة فقط وما بتتقبلوا اي غريب من الجنوبيين من القبائل التانية أو من بطون مختلفة من نفس قبيلتكم
والسبب دا حا يخلي كتيرين ما يمشوا وما اظن الناس حا تمشي الجنوب لانو اصلاً لو كان في رجوع للجنوب من الجنوبيين كان رجعوا من بعد السلام لكن زادو اكتر لانهم لاقين الامان في الشمال ودا المعدوم في الجنوب حتى زمن الحرب الجنوبيين كانوا امنين ومافي زول بتعرض ليهم
لكن بعد الانفصال يا زكريا حا يكونوا بين نارين
مع احترامي ليك كلامك انشائي وكلام زول يده في الموية تعال انزل تعال شوف تعال رتب ليهم
انا مشيت السودان وشفت الجنوبيين الفي الشمال والله مساكين مدركين الوضع ومهمومين جداً
| |
|
|
|
|
|
|
|
| |
عمر قسم السيد
معاوية عبيد الصائم
محمد عبد الماجد الصايم
إدريس البدري
Zakaria Joseph
Abd Alla Elhabib
ياسر معتصم
حيدر حسن ميرغني
JOK BIONG
Al-Shaygi
فيس بوك
تويتر
انستقرام
يوتيوب
بنتيريست