|
|
|
 Re: عليكم الله دى صحافة ..!! (Re: omer osman)
|
يا ابو جوان
مشتاقين يالحبيب
والله من رحمة الله علينا
انو جعلنا بعيدين
من هذا السقوط المريع
صدقني يوميا بجيب صحيفة
الراية القطرية ( دي مادعاية هههههههه)
ياخي تخيل 64 صفحة لايخلو سطر من فائدة
وعندنا 12 صفحة وكلها ( مثالك الجبتو ده...!!!)
الله يستر عليكم ...حقيقة حاجة تقرف .
| |
 
|
|
|
|
|
|
|
|
Re: عليكم الله دى صحافة ..!! (Re: مزمل خيرى)
|
يا مزمل خيري .. سلامات.. قيل في الأثر: (مثلما تكونون يُولّى عليكم). ونضيف من عندنا: مثل ما تريدون يُكتب لكم. والجزاء من جنس العمل. تحياتي.
كبـَّـاشي الصــَّافي
| |
|
|
|
|
|
|
|
|
|
Re: عليكم الله دى صحافة ..!! (Re: السيد المسلمي)
|
ود اختي مزمل خيري
مسكاقمي
اول حاجة جيت اسلم عليك واقول عيدك سعيد وكل سنة وانت طيب
وقلت بالمرة كمان اقرأ ما جاء في الصحافة بس للاسف ما ظهر عندي وقلت الحمد لله ما دام كل الاخوان متضايقين منو . . . يعني حيكون مكتوب شنو في صحافة الكيزان ما ياهو ذي وشهم .
بالله يا مزمل بلغ تحياتي الخاصة للابن اشرف عبدالودود
قول ليه مشتاقين وليه ما ظاهر يا حضرة الافوكاتو
عافيلقو
| |
|
|
|
|
|
|
|
|
|
Re: عليكم الله دى صحافة ..!! (Re: حمزاوي)
|
Quote: اول حاجة جيت اسلم عليك واقول عيدك سعيد وكل سنة وانت طيب
وقلت بالمرة كمان اقرأ ما جاء في الصحافة بس للاسف ما ظهر عندي وقلت الحمد لله ما دام كل الاخوان متضايقين منو . . . يعني حيكون مكتوب شنو في صحافة الكيزان ما ياهو ذي وشهم .
|
ياخال قول الحمدلله ماظهرت عندك .!
قمة الاسفاف والانحطاح .!Quote:
بالله يا مزمل بلغ تحياتي الخاصة للابن اشرف عبدالودود
قول ليه مشتاقين وليه ما ظاهر يا حضرة الافوكاتو
|
أشرف موجود وبخير والحمدلله وسوف ابلغة بسؤالك عنة ..
وشكرا مجدداً ياخال .. وكل سنة وانت طيب واسرتك بالف خير ...
| |
|
|
|
|
|
|
|
|
|
Re: عليكم الله دى صحافة ..!! (Re: داليا حافظ)
|
| Quote: منو الكاتب وفي ياتو صحيفة ؟ |
الصحفية المحترمة داليا حافظ
والله الواحد لمن كان يقرأ ليك عمود فى اخر لحظة ولا الوطن كان بيستمتع جداً بكتاباتك .!
لكن ناس زعيط ومعيط دى مسخو علينا قراية الجرائد .!!
حرصت انى اشيل الترويسة عشان هم عارفين روحهم وقلت مافى داعى الزول يشيل حالهم .!!
والكاتب الهترشات دى صحفى مغمور وغير معروف فى الوسط الصحفى .!
| |
|
|
|
|
|
|
|
|
|
Re: عليكم الله دى صحافة ..!! (Re: Abd-Elrhman sorkati)
|
Quote: الاخ الكريم مزمل لك الود
والله لو لا اني أتفهم نبل مقصدك لرفعتك عليك دعوي بأشاعة القبح
مغقول نحن وصلنا لهذه الدرجة من الاسفاف ،،،، أغوذ بالله من هذه صحافة . |
اشكرك على حسن ظنك بى ياسوركتى
ايوة وصلنا المرحلة دى للاسف الشديد .!
صحفى يكتب كلام فارغ فى جريدة بيقروها الناس
دا مش معناها الصحافة عندنا وصلت مراحل متأخرة .؟
بالله تحياتى للشباب المعاك وكل طاقم قوون T.V
| |
|
|
|
|
|
|
|
|
|
Re: عليكم الله دى صحافة ..!! (Re: مزمل خيرى)
|
وين لجنة الرصد فى مجلس الصحافة .؟
يابروفسير شمو الصحف دى قاعدة تجيك فى مكتبك كل يوم بالله الحال دا عاجبك ..!
وين العبيد المروح الامين العام للمجلس من ... وين .؟؟؟
انتو مسؤولين امام الله عن السخف البيحصل دا ..
| |
|
|
|
|
|
|
|
|
|
Re: عليكم الله دى صحافة ..!! (Re: مزمل خيرى)
|
| Quote: والكاتب الهترشات دى صحفى مغمور وغير معروف فى الوسط الصحفى .! |
ابوجوان كيفك
جيب اسمو ياخ
وإن شاء الله يطلع زميل في البورد عشان الشباب الفوق ديل محل يخشوا ما يعرفوا 
| |
|
|
|
|
|
|
|
|
|
Re: عليكم الله دى صحافة ..!! (Re: الشاذلى خيرى عبد الله)
|
تحياتي يا مزمل خيري
النقد الفني في السودان هو في الواقع نقد شخصية لا موضوع ،، والصحافة الفنية والحمدلله هي عبارة عن تشوهات نفسية عميقة تترجمها اقلام بعض الكتاب على صفحات الصحف ،، وان تطورت بعض الكتابات في النقد آخرها يطلع ليكـ بمانشيت (........... )والله نفسي اقرأ على الصفحات الفنية موضوع موضوعي..
داليا حافظ::::
انت لسه بتسألي؟؟
اللهم أقلعنامن هذه الحفرة
| |
|
|
|
|
|
|
|
|
|
Re: عليكم الله دى صحافة ..!! (Re: شمائل النور)
|
أمرٌ طبيعي ويتسق تماما مع سياسات الإسلاميين الساعية منذ 26 سنة وأكثر إلى التجهيل والتسطيح، وهو أمر ليس غريبا أبدا على مدارسهم الصحافية فألوان والراية وغيرهما شكلتا رأس الرمح في البذاءة والتسطيح والتجهيل، ثم أكملت (ثورة التعليم العالي) ونهج وسائل الإعلام الرسمية الباقي. وبطبيعة الحال فإن الأجهزة الرسمية ستكون مسرورة جدا من مثل هذه الموضوعات السخيفة لأنها تزيد في التجهيل و(الهيافة)، وهل أسهل من السيطرة على شعب (هايف)؟ هذا ما تريد الإنقاذ بلوغه، أن نصبح جميعا إما إنتهازيين ونفعيين ومؤيدين لها أو (هايفين)، وليس بعيدا عن ذلك بالطبع عمليات (التهجير) الواسعة لعدد كبير من المبدعين والمثقفين السودانيين والسودانيات لئلا يكونوا حجر عثرة أمام مشروع التسطيح والتجريف والتجفيف هذا.
| |
|
|
|
|
|
|
|
|
|
Re: عليكم الله دى صحافة ..!! (Re: شمائل النور)
|
Quote: النقد الفني في السودان هو في الواقع نقد شخصية لا موضوع ،، والصحافة الفنية والحمدلله هي عبارة عن تشوهات نفسية عميقة تترجمها اقلام بعض الكتاب على صفحات الصحف ،، وان تطورت بعض الكتابات في النقد آخرها يطلع ليكـ بمانشيت (........... )والله نفسي اقرأ على الصفحات الفنية موضوع موضوعي..
|
شمائل ازيك ...
كلامك منطقى جداً والله ...
Quote:
اللهم أقلعنامن هذه الحفرة |
آآمين... قلعة لا رجعة فيها ...
| |
|
|
|
|
|
|
|
|
 Re: عليكم الله دى صحافة ..!! (Re: مزمل خيرى)
|
Quote: عضد الموسيقار محمد وردي ما ذكره المغني (حمادة بت) الذي قال إن فنان إفريقيا الأول طلب منه سماع أغنية (راجل المرا) مشيراً في ذات الوقت إلى أن طلبه هذا ليس فيه ما يعيب.
وقال وردي الذي تحدث إلى صحيفة فنون من جمهورية الصين الشعبية التي يتواجد فيها هذه الأيام بغرض الاستجمام والراحة (المشكلة شنو في أن أسمع راجل المرا) وأضاف : طلبت من الود ده لما اتلاقينا في بيت واحد صاحبو أن يغني لي الأغنية دي كحب استطلاع ليس إلا، وأوضح وردي أن حمادة ليس كاذبا في حديثه عني، مجددا تأكيده أنه طلب منه الاستماع للأغنية، إلا أن فنان إفريقيا الأول تحفظ عن اباء رايه في الأغنية وقال إنه يحتفظ برأيه لنفسه في تقييمها. |
صحيفة فنون
| |
|
|
|
|
|
|
|
|
|
Re: عليكم الله دى صحافة ..!! (Re: منتصرمحمد زكى)
|
تحية ليك يامزمل وزوارك الاكارم
لا ادري لماذا الاستياء من المادة المكتوبة اعلاه!!!
لا شئ يدعو للاستغراب اطلاقا... فالمكتوب مرآة لواقع حياتي معاش.
حاجبي الدهشة يرتفعان اذا علمنا ان المادة المكتوبة (ان جاز تسميتها كذلك) مرت على مسؤول... وافق عليها ثم دفع بها الى قسم الصف (باعتبار ان الكاتب لايزال يستخدم القلم والورقة وليس الكي بورد) ثم مرت على قسم الصياغة والتصحيح او التدقيق اللغوي... تلتلها المراحل الفنية في الاخراج والتنفيذ......... وقرأها المسؤول عن الصفحة ................ ثم قرأها ووافق عليها رئيس التحرير او من ينوب عنه................... واخيرا قرأها الرقيب الامني قبل اعطاء الاوامر للمطبعة بالدوران ليتلقفها القارئ المسكين.
لاحظ كم شخص مرت مر عليه هذا الهراء.
اذن الموضوع المكتوب هنا ليس مسؤولية الكاتب فقط بل مسؤولية البص كله...لذا تعتبر هذه صورة عن واقع البلد.
الفوضى تضرب كل نواحي الحياة في السودان... كل النواحي بدون فرز... وهذا نتاج طبيعي للفوضى... والقادم سيكون أكثر اسى.
| |
|
|
|
|
|
|
|
|
|
Re: عليكم الله دى صحافة ..!! (Re: كمال ادريس)
|
| Quote: حاجبي الدهشة يرتفعان اذا علمنا ان المادة المكتوبة (ان جاز تسميتها كذلك) مرت على مسؤول... وافق عليها ثم دفع بها الى قسم الصف (باعتبار ان الكاتب لايزال يستخدم القلم والورقة وليس الكي بورد) ثم مرت على قسم الصياغة والتصحيح او التدقيق اللغوي... تلتلها المراحل الفنية في الاخراج والتنفيذ......... وقرأها المسؤول عن الصفحة ................ ثم قرأها ووافق عليها رئيس التحرير او من ينوب عنه................... واخيرا قرأها الرقيب الامني قبل اعطاء الاوامر للمطبعة بالدوران ليتلقفها القارئ المسكين. |
استاذ كمال ادريس ...
أهلا بيك فى الخرطوم أولاً ... وأهلا وسهلاً بيك فى البوست ...
النضمى السمح الفوق دا أوع تكون قاصد جرايدنا هنا .؟
الكلام دا عندكم هناك فى الشرق الأوسـط يا الحبيب ...
هنا الزول يكتب الكلام الدايروا ويسلموا للجًميع أى الزول البيجمع المواد
وبعد الصفحة تطبـع A3 السيد رئيس التحرير يجى يديها طلة على الماشى وتمشى المطبعة ..!
عليك الله يا أستاذ لو فى رئيس تحرير مالى مركزوا بيخلى جنس الهراء دا يمر مرور الكرام ..؟؟
تحياتى وشاكر لمرورك الانيق ....
| |
|
|
|
|
|
|
| |
مزمل خيرى
النذير حجازي
عمر عبد الله فضل المولى
عبدالوهاب علي الحاج
omer osman
haroon diyab
cantona_1
وجدان جمال
صلاح أبودية
Mohammed Awad
داليا حافظ
عبداللطيف محجوب
وليد عبد اللطيف
Abd-Elrhman sorkati
طارق جبريل
محمد البشرى الخضر
إبراهيم عبد الحليم
معاوية الأرباب
معاوية الزبير
الشاذلى خيرى عبد الله
شمائل النور
منتصرمحمد زكى
كمال ادريس
ناذر محمد الخليفة
فيس بوك
تويتر
انستقرام
يوتيوب
بنتيريست