|
كيكى وشيقوق والاخرون ... زمان احسن ولا هسسسع؟؟
|
فتحت باب العربية وربطت الحزام
وادرت محرك العربة ثم قرات دعاء السفر
بعد ذلك مددت يدى نحو مسجل العربة فصدح منه
الفنان الهرم القامة محمد وردى باغنية الرائع دوما
الطيب الدوش الله يرحمه والحان الاغريقى اندريا رايزر
اغنية الود
لحدى هنا وكل شئ تمام التمام
وفجاءة وعندما وصل الرائع وردى الى ىالمقطع الاتى
زمان كنا بنشيل الود ... ندى الود
وفى عينينا كان يكبر حنانا زاد ...وفات الحد
زمان ما عشنا فى غربة ...ولا قاسينا نتوحد
وهسسسع رحنا نتوجع نعيش بالحسرة نتاسف
على الماضى اللمابرجع
على الفرقة الزمانه طويل على الصبر اللعشناه
مع طول الالم والليل . عندما وصل الى هذاالمقطع انمتابنى حالة من الحمى الخفيفة التى سرت فى ما بين المسامات
معها قشعريرة اعترتنى وتملك اديمى كله .
ورحت فى حالة اخرى من السرحان سبحت بى فى بحور ووديان
الى ان انتبهت الى اننى قطعت مسافة بالسيارة تتخللها 3 اشارات ضؤئية
والمدهش انا لا اتذكر ما اذا كانت تلك الاشارات خضراء ام حمراء عنما عبرت نحوها
على العموم ربكم وربى ستر .
حينما وصلت الى مكتبى اخذت افكر فى زمان وهسسع الفرق بينهم شنو
ياها الغربة ولا فى حاجات تانية .
انا فى انتظار فتاويكم الى ان اتيكم بما خطر لى فى بالى من خواطر
|
|
|
|
|
|
|
|
Re: كيكى وشيقوق والاخرون ... زمان احسن ولا هسسسع؟؟ (Re: عادل عبدالعزيز عبد الرحيم)
|
الأخ عادل عبد العزيز تحية طيبة إنت الوداك تسمع جنس الكلام الفوق دا شنو ؟ ونحن ذنبنا شنو عشان تخت لينا الود في الساعة دي من الليل وتكشف حالنا مع صغارنا ؟ ياخ إنت ما فتحت بوست إنت فتحت بيت بكا وهسع صاحبك خليل بكون شغال ردحي براهو أعصابو متوترة عشان مباراة الهلال المنتظرة . أنا غايتو عشان أعمل شيلتر حا أعمل فيها ما عارف وأقول الحمد لله زمان ما حضرت وهسع غايب أبكو براكم وفي الخاتم كنت عايز أقول ليكم مع الود والاحترام لكن خفت تقولو لي ( تاااني الود ؟ ) تصبحو على خير حا أبكي لي بكية صغيرة وأنوم .. قصدي أحاول أنوم
| |
|
|
|
|
|
|
Re: كيكى وشيقوق والاخرون ... زمان احسن ولا هسسسع؟؟ (Re: طه إبراهيم عبد الله)
|
الأخ عادل .. سلامات.. إنت غاوي تعكنن علينا ولا حاجة؟ في زول مسلِّطلك علينا؟ زمان القرش فيهو تعريفتين (مش جمركيات). جوز الحمام فيهو ثلاثة. السجوك بالمتر. وضراع الدمورية بأربعة قروش؟ (هسع بتلقى لي زول بعرف الدمورية وضراعها يعني شنو). والدبلان الضراع بستة قروش. ومتر البوبلين التو باي تو 2X2 كان خمسة عشر قرش. والمسافة بالميل. والدقيق واللحمة بالوقّة. (جيب لي زولين من منبرك بعرفوا الوقّة، إن شاء الله ما تكون إنت ذاتك ما بتعرف الوقّة) كفاك كدا ولاّ أزيدك. الله يديك العافية. تحياتي.
كبـــّـاشي الصـــّافي
| |
|
|
|
|
|
|
Re: كيكى وشيقوق والاخرون ... زمان احسن ولا هسسسع؟؟ (Re: محمد إبراهيم علي)
|
الاخ الجميل عادل
تحياتي وكل عام وانت بخير بالزمان والعيد مبارك عليك بالقديم
Quote: زمان كنا بنشيل الود ... ندى الود
وفى عينينا كان يكبر حنانا زاد ...وفات الحد
زمان ما عشنا فى غربة ...ولا قاسينا نتوحد
وهسسسع رحنا نتوجع نعيش بالحسرة نتاسف
على الماضى اللمابرجع
على الفرقة الزمانه طويل على الصبر اللعشناه
مع طول الالم والليل . |
جاييك راجع يا العزيز فقد اصبتني في مقتل
| |
|
|
|
|
|
|
Re: كيكى وشيقوق والاخرون ... زمان احسن ولا هسسسع؟؟ (Re: الطيب شيقوق)
|
الشيخ الطيب شيقوق تحية طيبة
Quote: جاييك راجع يا العزيز فقد اصبتني في مقتل |
صاحبك كتل الناس من نص الليل إنت كنت وين يا عشا البايتات ؟ وبعدين حلوة ( أصبتني في مقتل دي ) هو دحين فضل فيك مقتل ؟ وهسع طشيت وين ؟ يا ربي تكون مشيت تتحتحت من الغبار القال عليه صاحبك عبد العزيز عيسى وثناه صاحبنا التحت منو بي ثمب قدر الضربة . باقيلك الجنوي ديل بعرفو الحت ؟ تحياتي واحد من العروب وصل حديثاً وراصدك إنت وصاحبك الحلاوي من زمااان
| |
|
|
|
|
|
|
Re: كيكى وشيقوق والاخرون ... زمان احسن ولا هسسسع؟؟ (Re: طه إبراهيم عبد الله)
|
طه ود ابراهيم
العيد مبارك عليك آآآآآآآآآ عيسي ( اوع تكون ود بندر وتقراها عيسى بكسر العين والياء انا قاصدها بفتح العين وتسكين الياء)
Quote: صاحبك كتل الناس من نص الليل إنت كنت وين يا عشا البايتات ؟ وبعدين حلوة ( أصبتني في مقتل دي ) هو دحين فضل فيك مقتل ؟ وهسع طشيت وين ؟ |
يا راجل انا جاى من خريف لم يشهده السودان منذ 60 عام امطار بمعدل 50 م يوميا كيف ما يكون فيني مقتل ما تخاف على عمك كل اجهزتو الالكترونية شغالة !!!!!!
لقيتني كيف يا سجم الرماد؟
Quote: يا ربي تكون مشيت تتحتحت من الغبار القال عليه صاحبك عبد العزيز عيسى وثناه صاحبنا التحت منو بي ثمب قدر الضربة . باقيلك الجنوي ديل بعرفو الحت ؟ |
الجنوي ديل لا بعفروا الحت ولا الكلّيق ديل ناس تنقي عنكوليب بس
يا اخوانا شوفوا لينا ناذر الخليفة خليهو ينزل لينا اغنية الكحلاوي البقول فيها (يا حليل ايام زمان)
| |
|
|
|
|
|
|
Re: كيكى وشيقوق والاخرون ... زمان احسن ولا هسسسع؟؟ (Re: طه إبراهيم عبد الله)
|
Quote: ريدة زمان يا حليلها عاد ريدة زمان كان زمان الناس مودة وكان كلام الريد حنان وكان حديث الحب مناجاة وكان لقاء المحبوب أمان وكان حلم غنوة وحكاية وكان أمل أخضر وكان زمان |
اخخخخخخخخخخخ اتاريك صاقعة بس يا عمو
طيب خليني انعدل واحكي ليك بريدة زمان مش ريدات الجنوي ديل البقت همس بالموبايل اوقات الهجعة .
انتظرني ما تشفق تمش بعيد
| |
|
|
|
|
|
|
Re: كيكى وشيقوق والاخرون ... زمان احسن ولا هسسسع؟؟ (Re: الطيب شيقوق)
|
Quote: صاحبك كتل الناس من نص الليل إنت كنت وين يا عشا البايتات ؟ وبعدين حلوة ( أصبتني في مقتل دي ) هو دحين فضل فيك مقتل ؟ وهسع طشيت وين ؟ يا ربي تكون مشيت تتحتحت من الغبار القال عليه صاحبك عبد العزيز عيسى وثناه صاحبنا التحت منو بي ثمب قدر الضربة . باقيلك الجنوي ديل بعرفو الحت ؟ تحياتي واحد من العروب وصل حديثاً وراصدك إنت وصاحبك الحلاوي من زمااان |
ياخوي طه
عوافي..
المسنوح ده رمضانه كله في الخرطوم .. وبعد رويتر والسي ان ان.... منتظر يبقى مستشار (فرع القصر ولا المعتمدية ما عارف..) يعني يرمي صفة المستشار الرسمية عشان مستشارية ديكورية!! الحت ملازم العتاقي..
| |
|
|
|
|
|
|
Re: كيكى وشيقوق والاخرون ... زمان احسن ولا هسسسع؟؟ (Re: Abdlaziz Eisa)
|
Quote: إنت الوداك تسمع جنس الكلام الفوق دا شنو ؟ ونحن ذنبنا شنو عشان تخت لينا الود في الساعة دي من الليل وتكشف حالنا مع صغارنا ؟ ياخ إنت ما فتحت بوست إنت فتحت بيت بكا وهسع صاحبك خليل بكون شغال ردحي براهو
|
طه ود ابراهيم
سلامات لكن لقيتك بسنونك وشكلك مليان شجن يسيل له ترعة ونص
كان عارف كده كان ختيتك فى العنوان مع الجماعة المشجونين ديل
| |
|
|
|
|
|
|
Re: كيكى وشيقوق والاخرون ... زمان احسن ولا هسسسع؟؟ (Re: عادل عبدالعزيز عبد الرحيم)
|
جيب لي زولين من منبرك بعرفوا الوقّة، إن شاء الله ما تكون إنت ذاتك ما بتعرف الوقّة) -------------------------------------------------------------------------------
الكباشى خسيم السم الماشى
ات آزول قايلنى حنكوش ولا شنو
الوقة كانو ببيعو بيها اللحم
وهى واحدة من ادوات الكيل والميزان
بعدين جوز الحمام تلاته دى الا فى ابو جبيهة
عندنا كدى كان 5 واحد ضكر و4 حريم
كان كدى يا خوى حمامكم ميت ساكت
| |
|
|
|
|
|
|
Re: كيكى وشيقوق والاخرون ... زمان احسن ولا هسسسع؟؟ (Re: عادل عبدالعزيز عبد الرحيم)
|
Quote: بعدين جوز الحمام تلاته دى الا فى ابو جبيهة
عندنا كدى كان 5 واحد ضكر و4 حريم |
الأخ عادل عبد العزيز.. سلامات.. أنا خفت ناس تكديبيني.. زمان .. أنا راكب في جملي بتيخ بلدنا نهمزو بكرعيني.... وكمان نكّج في شركي جداد بلدنا إلا نلزلزو بكيعاني .. تقول لي ما تقبضي جداد.. نقول ليكي لا، عشان شركي زمان بفرز السمينة من الضعيفة. تحياتي.
كبـــّـاشي الصـــّافي
| |
|
|
|
|
|
|
Re: كيكى وشيقوق والاخرون ... زمان احسن ولا هسسسع؟؟ (Re: محمد عمر جبريل)
|
Quote: العزيز عبد العزيز عيسى
قالو الدهن فى العتاقى
والشجر الكبار فوقو الكعاكيل
الجماعة ديل غبارهم ده شن كايسين براه نحن
باقى كيكى لسسسع ما جاء حتى الاتو هنا
عليك الله اكان مطمش كدى على حلتكم انهرو لينا جاى
خلى يلحق ليه بوخة بوختين |
العزيز/ عادل عبدالعزيز
سلام
كيكي قعد يحت في رمضان وبي لبسة خمسة!! افطار الدوحة كمل غبار الزول ده.. والباقي بيحفظه للإستفتاء.. مع الكدوس!!
المسنوح رشحوا ليهو عروسة في بوست كدا.. لكن باين عليه الخذلان.. ما عارف العتاقي دي لو كانت موجودة تسربت بوين!!!
تحياتي
| |
|
|
|
|
|
|
Re: كيكى وشيقوق والاخرون ... زمان احسن ولا هسسسع؟؟ (Re: الطيب شيقوق)
|
Quote: أها قنطرتك لي فيسل!!
الشوم ما تطراهو - الحمد لله بلاء وانجلى
بالحيل فاقدين عمو كمال المسنوح |
بكري ابوبكر عندو خدمة اسمها جيب عكازك اها الخدمة دي مهمتها لو واحد جاب اسمك في اي بوست بيرسل ليك SMS فيهو عنوان البوست تقوم تلقف عكازك و جري لمحل الكعة انا مشترك باسمين فيسل و فيصل و يبدو ابو النيز برضو ماخد الخدمة دي فلو جيتك نابل فلا تلومنا الا نفسك
انا الكيك
سلام صاحب البوست
| |
|
|
|
|
|
|
Re: كيكى وشيقوق والاخرون ... زمان احسن ولا هسسسع؟؟ (Re: فيصل محمد خليل)
|
Quote: بكري ابوبكر عندو خدمة اسمها جيب عكازك اها الخدمة دي مهمتها لو واحد جاب اسمك في اي بوست بيرسل ليك SMS فيهو عنوان البوست تقوم تلقف عكازك و جري لمحل الكعة انا مشترك باسمين فيسل و فيصل و يبدو ابو النيز برضو ماخد الخدمة دي فلو جيتك نابل فلا تلومنا الا نفسك
انا الكيك
|
عفارم عليك يا فيسل...
الأخ/ عادل يرسل لك شيكا على بياض..
المسنوح من يوم مطلوق فينا..
| |
|
|
|
|
|
|
Re: كيكى وشيقوق والاخرون ... زمان احسن ولا هسسسع؟؟ (Re: Abdlaziz Eisa)
|
Quote: بكري ابوبكر عندو خدمة اسمها جيب عكازك اها الخدمة دي مهمتها لو واحد جاب اسمك في اي بوست بيرسل ليك SMS فيهو عنوان البوست تقوم تلقف عكازك و جري لمحل الكعة انا مشترك باسمين فيسل و فيصل و يبدو ابو النيز برضو ماخد الخدمة دي فلو جيتك نابل فلا تلومنا الا نفسك |
يكون عزو الفقر خسر ليك كم دولار للشمارات - باقي لي هو في ماليزيا ما لاقي ليهو محل لشماراتو
| |
|
|
|
|
|
|
|