|
يا شباب محمد إي سليمان ويييييييييييين؟! وإن شاء الله يكون المانع خير
|
مقدمة (دقة سريعة كدا): لقد جاء في الأثر بأن الرسول (ص) كان يتفقد جاره اليهودي الذي كان يؤذيه بوضع الأوساخ ببابه عندما لا يجد الأوساخ.
الموضوع: والله فقدنا محمد إي سليمان زمن ما دخل البورد وإن شاء الله يكون بصحة جيدة ومعافى من أمراض الكبر
برغم إختلافي مع محمد إي سليمان وحسين ملاسي إلا أنني أجدهما كاتبين مبدعين، وبسخنوا المنبر
والبورد من غيرهما مسيخ وكل عام و محمد إي وحسين ملاسي بألف خير
|
|
|
|
|
|
|
|
Re: يا شباب محمد إي سليمان ويييييييييييين؟! وإن شاء الله يكون المانع خير (Re: النذير حجازي)
|
Quote: يا باشمهندس نذير تواضع شنو ياخ الزول بشّع بيك تقول لي تواضع كدي اقرا دي تاني Quote: وكتابة قائمة بالأغراض التي نريد شراءها من البقالة كل أسبوع لا تجعل منا كتابا
خلّيك من حتة الإختلاف البينكم الماشايفو |
لووول @ ود البشرى
يا باشمهندس ياخي محمد إي سليمان عارفو دائماً بضرب تحت الأحزمة بس أجمل حاجة إنو ما كل الناس بتفهم كتاباتو، علشان كدا دائماً أنا بعمل رايح في كتابتو لوول، وهو بتعب جداً من الحتة دي، بعد شوية بقوم يحمرها لي ويخت لي فيها خطوط، وبرضو بعمل فيها رايح
| |
|
|
|
|
|
|
Re: يا شباب محمد إي سليمان ويييييييييييين؟! وإن شاء الله يكون المانع خير (Re: النذير حجازي)
|
تستاهل يا النزير حجازي
Quote: لوووووووووووول @ ود البشرى ياهندسة تعرف شكلي كدا ح أقلع نعلاتي وأعضي جلابيتي وأقوم جاري من البوست دا لوول
تحياتي |
(ههههههههههههه) ثاني يحلك الحل بله.
يا تجيب كوتات يا تعتذر محمد اي سليمان رجل محترم ومشكلته دقيق.
حسه كلمة ملاحقه دي الا يويدك فيها التوج.
كيف لاحق نهال كرار لووووووووووول!!
يا اخي كونه تابعها شويه لا ترتقي لمرحلة ملاحقه وعشان يوريك الفرق بين الاثنين لغويا استعد حيدرسك لحد نهاية الدوره الارشيفيه دي يا تقول الروب يا يفرمله كل بكري بالارشفه(هههههههههه)!
يا محمد اي سليمان يا اخي النزير ده بهظر وبعدين ما تذره كثير لغويا اصلا هو من الناطقين بغيرها فحكاية ملاحقه دي ما بكون دقيق فيها,عليك الله انساهو. الدنيا قبايل عيد.
ال بالاحمر دي نجرتها لك يا النذير عشان تتخارج ما تعمل لي فيها منصوري و بتاع,اقبل برطاني وفرتق! (ههههههههههه)
| |
|
|
|
|
|
|
Re: يا شباب محمد إي سليمان ويييييييييييين؟! وإن شاء الله يكون المانع خير (Re: Tragie Mustafa)
|
Quote: تستاهل يا النزير حجازي
Quote: لوووووووووووول @ ود البشرى ياهندسة تعرف شكلي كدا ح أقلع نعلاتي وأعضي جلابيتي وأقوم جاري من البوست دا لوول
تحياتي
(ههههههههههههه) ثاني يحلك الحل بله.
يا تجيب كوتات يا تعتذر محمد اي سليمان رجل محترم ومشكلته دقيق.
حسه كلمة ملاحقه دي الا يويدك فيها التوج.
كيف لاحق نهال كرار لووووووووووول!!
يا اخي كونه تابعها شويه لا ترتقي لمرحلة ملاحقه وعشان يوريك الفرق بين الاثنين لغويا استعد حيدرسك لحد نهاية الدوره الارشيفيه دي يا تقول الروب يا يفرمله كل بكري بالارشفه(هههههههههه)!
يا محمد اي سليمان يا اخي النزير ده بهظر وبعدين ما تذره كثير لغويا اصلا هو من الناطقين بغيرها فحكاية ملاحقه دي ما بكون دقيق فيها,عليك الله انساهو. الدنيا قبايل عيد.
ال بالاحمر دي نجرتها لك يا النذير عشان تتخارج ما تعمل لي فيها منصوري و بتاع,اقبل برطاني وفرتق! (ههههههههههه) |
لووووووووووووووول @ تراجي كويس ياتراجي إنك جيتي وأخوك شكلو كدا محتاج لفزعة لوول والله يا تراجي بتفق معاك إنو محمد إي راجل دقيق وشكلو كدا أستاذ جامعي أو مدقق نصوص في مطبعة لوول، وزي ما بقولوا أهلنا الفضل ما شهدت به الأعداء، ومحمد إي دا أنا بعرفو زي جوع بطني، وقريتو كويس، فهو إنسان مهذب ودمو خفيف، وصبور، ويستحمل الركلات لوول ومناهض للعنصرية في البورد، وأشياء جميلة كتيرة، بس مشكلتو ما بعرف يتعامل مع الجنس اللطيف، لأنو تربية جامعات عزابة (الجامعات الإسلامية) وما إحتك بالجنس اللطيف إلا في المنبر.
تحياتي يا غالية وخليك قريبة أخوك مزرور
| |
|
|
|
|
|
|
Re: يا شباب محمد إي سليمان ويييييييييييين؟! وإن شاء الله يكون المانع خير (Re: محمد عبد الماجد الصايم)
|
الإخوة والأخوات السلام عليكم ورحمة الله وكل عام وأنتم بخير يا النذير الله يهديك كلامك الذي تكتبه غير صحيح . أنا لا أتهمك بالكذب لكن أحسبك تخلط تخليطا*.
Quote: أنا عارفك قاصد شنو؟! إنو الاقتباس الذي كنت تلاحق به أختنا الكريمة نهال كرار لا يخصك ويخص الأديب محسن خالد؟! صاح! دا موش الكلام اللي عايز تقولو؟ لكن يا عزيزي، كونك تلاحق فتاة محترمة بكلام يخدش الحياء دا في حد ذاتو عيب في عرفنا كسودانيين، |
يا النذير كل الذي تقوله لم يحدث . بل إقحامك أنت اسم هذه الأخت الكريمة هنا في النقاش بيني وبينك هو العيب وهو غير اللائق. أنت تكتب من ذاكرتك المخلطة وتصف أحداثا لم تقع وتستخدم ألفاظا لا تخدم معاني التخليط الذي تقصده .
__________________ * أقرب برهان على زعمي هذا هو ما سطرته يداك لتعريف "البروفيسور" في بوست الأخ قصي :
Quote: وبالمناسبة يا أنور وعزام، درجة البروفيسور أو الأستاذية لا تعتبر درجة علمية في السلم التعليمي، فهي درجة فخرية تعطى بعد كتابة عدة بحوث في المجلات العلمية والأكاديمية هذا في معظم جامعات العالم، يعني ممكن للحاصل على درجة الماجستير الحصول على درجة البروفيسور الفخرية إذا ما ساهم بكتابة عدة بحوث علمية أما في أمريكا، فتعتمد درجة البروفيسور بعد التدريس لمدة عشر سنوات في جامعاتها وقبل إتمام هذه الفترة يسمى "أستاذ مساعد" وقبلها يسمى "بوست دوك". |
يا النذير كلامك هذا هو محض ما تتوهمه وتتخيله وليس له أي مرجع ومخالف لما هو معروف وشائع. وعلى ذلك تقاس مزاعمك عن ملاحقتي لهذه الأخت الكريمة، التي أرجو منك التكرم بحذف اسمها من هذا النقاش فليس لاسمها علاقة بهذا البوست. تلمست روح الدعابة الجميلة في الخيط لكن ساءني زجك لاسم أختنا الكريمة بدلا عن تحرير مواطن الاختلاف. لك الشكر
| |
|
|
|
|
|
|
Re: يا شباب محمد إي سليمان ويييييييييييين؟! وإن شاء الله يكون المانع خير (Re: Mohamed E. Seliaman)
|
لووووووووووووول @ خلط يخلط تخليطاً شوفتي يا تراجي المحن دي؟! لوول
الرووووووووووووووب*
يا محمد إي بالمناسبة ما تشوف حراكاتي دي في المنبر دا، بالمناسبة أنا راجل أكاديمي، وقد كنت طالب دكتوراة في الولايات المتحدة الأمريكية، ولم أكملها بعد (بالواضح زغت منها، لكن ح أرجع ليها). وكل أصدقائي أكاديميين (حاصلين على درجة الدكتوراة) وكلامي عن البروفيسور في أمريكا بعرفو زي جوع بطني، قد أكون لخبط القارىء (خلط) ما بين أنها ليست في السلم التعليمي، ثم إدراجها في شكل سلم تعليمي مرة أخرى، ممكن يكون عجز في لغتي، ولكنه كلام صحيح مائة المائة.
أما بخصوص أختنا الكريمة (سأمسح اسمها) الله يطراها بالخير، فإذا رجعت لأول مداخلة لي معك فستجد ما أعنيه.
تحياتي
------------ *صورة القرد دي يا تراجي علشان محمد إي بحب القرود لوول
| |
|
|
|
|
|
|
Re: يا شباب محمد إي سليمان ويييييييييييين؟! وإن شاء الله يكون المانع خير (Re: النذير حجازي)
|
النذير ! الاختلاط في الجامعات وضع سيء ومفض للفتنة ومفرز لمفاسد كثيرة!! هذا من حيث المبدأ! ونسأل الله أن ييسر لأولادنا وبناتنا جامعات غير مختلطة وجامعة الأحفاد أنموذج ناجح لمنع الاختلاط بين الجنسين في مؤسسات التعليم العالي ----------- يا النذير أنا موش قلت لك أتهمك بالتخليط والوهم ؟
Quote: بس مشكلتو ما بعرف يتعامل مع الجنس اللطيف، لأنو تربية جامعات عزابة (الجامعات الإسلامية) وما إحتك بالجنس اللطيف إلا في المنبر. |
عشت في داخليات أكثر من 4 جامعات ليس من بينها جامعة إسلامية . السكن في اثنين منهما (مختلط) وهذا أمر سيء.
| |
|
|
|
|
|
|
Re: يا شباب محمد إي سليمان ويييييييييييين؟! وإن شاء الله يكون المانع خير (Re: Mohamed E. Seliaman)
|
Quote: النذير ! الاختلاط في الجامعات وضع سيء ومفض للفتنة ومفرز لمفاسد كثيرة!! هذا من حيث المبدأ! ونسأل الله أن ييسر لأولادنا وبناتنا جامعات غير مختلطة وجامعة الأحفاد أنموذج ناجح لمنع الاختلاط بين الجنسين في مؤسسات التعليم العالي
|
والله يا محمد إي شكلنا كدا ح نبقى فرد* شوفتي يا تراجي!
Quote: عشت في داخليات أكثر من 4 جامعات ليس من بينها جامعة إسلامية . السكن في اثنين منهما (مختلط) وهذا أمر سيء
|
سيء دي من قلبك يا بوحميد بالمناسبة يا بحميد فردتي* قريت ليك قبل كدا إنك كنت طالب في روسيا، وما دام البساط بقى أحمد بيناتنا، أحكي لينا عن مغامراتك مع الفتيات البيض الطيب صالح حكى كل الناس حكت.
بالمناسبة يا بحميد من مآخذي عليك أيضاً فإنك لا تدخل في بوستات الأفراح أو الأتراح يعني ما حصل شوفتك شايل الفاتحة في بوست ولا بتهنيء زول، حتى أصحابك ما بتعزيهم ولا بتهنئهم، فما السبب في ذلك؟!
تحياتي يا أبو الصحب ----- *فرد جمع فردة، وفردة بلغة الراندوك تعني صاحب.
| |
|
|
|
|
|
|
|