|
Re: مساعدة عاجلة: كيف يمكنني الدخول لخور سودانيز أون لاين؟! وقراءة المواضيع المحذوفة؟! (Re: النذير حجازي)
|
النزير ..
Quote: في الخور دائماً بكون ناذر الخليفة أو بريمة محمد آدم
|
ما تنس تراجي مصطفى النالت لقب (سيدة نساء الخور) بجدارة قبل سنتين ..!!
أول ما بدا الخور يستحيل ما يكون فيهو بوسطين تلاتة يوميا كاتباهم تراجي مجدوعين بي هناك..!!
أنا وبريمة ناس الله ساكت .. بنكون منتورطين بي مداخلات مع تراجي دي في بوسطها ولمن يمشي الخور بنكون متعلقين فيهو من باب الشر يعم والخير يخص ..
وقالوا في المثل .. البياري تراجي بتوديهو الخور ..!!
| |
|
|
|
|
|
|
Re: مساعدة عاجلة: كيف يمكنني الدخول لخور سودانيز أون لاين؟! وقراءة المواضيع المحذوفة؟! (Re: ناذر محمد الخليفة)
|
ديكم بريف ...
يا النذير ..
ما شاء الله شايفك شرفت الخور ...
لو كايس للبوست دا :
Quote: Re: علماء: الجنس يطيل العمر ويقي من السرطان ونزلات البرد - رسمياً.. الجنس مفيد للصحة 03-09-10, 08:55 م, النذير حجازي
|
اطمن ... البوست في الحفظ والصون في الخور
شايف راني السماني متورط برضو معاك في البوست دا ..!!
محمد الامين محمد برضو شايفو بي هناك بي بوستيهو بتاع بوهيات الشروق .. ..!!!
سبحن الله ..!!
داليا الكباسي برضو عندها واحد بي هناك ..!!
وعبد الوهاب علي الحاج وعبد المنعم ؟؟!!
| |
|
|
|
|
|
|
Re: مساعدة عاجلة: كيف يمكنني الدخول لخور سودانيز أون لاين؟! وقراءة المواضيع المحذوفة؟! (Re: ناذر محمد الخليفة)
|
انت كان ما جبت سيرتك ستك دي ما بترتاح؟؟؟؟
Quote: النزير ..
Quote: في الخور دائماً بكون ناذر الخليفة أو بريمة محمد آدم
ما تنس تراجي مصطفى النالت لقب (سيدة نساء الخور) بجدارة قبل سنتين ..!!
أول ما بدا الخور يستحيل ما يكون فيهو بوسطين تلاتة يوميا كاتباهم تراجي مجدوعين بي هناك..!!
أنا وبريمة ناس الله ساكت .. بنكون منتورطين بي مداخلات مع تراجي دي في بوسطها ولمن يمشي الخور بنكون متعلقين فيهو من باب الشر يعم والخير يخص ..
وقالوا في المثل .. البياري تراجي بتوديهو الخور ..!! |
!!!!!
عشان تراجي سيدو نساء البورد بعطائها فكونه يشال 30% من انتاجها لا يعني بانها ما قلت ايها الحاقد لكن جلابة الورد وامنجيته متخصصين في افساد بوستات تراجي.
رغم كده يا ناذر وغصبا عنكم تراجي سيدة نساء البورد! واقول لك ورجاله كمان! عطاء والتزاما بكل هموم المواطن.
بلط الخور! قال الدنقلاوي قال!!(وجه غامز)
يا النزير كل عام وانت بخير يا اخي. اقول لك نصيحه افتح البوست بتاعك ثاني يتساهل النقاش حوله,بس ما تكثر الغضب على المتعطلين بالبورد. طنشهم لو قدرته.
| |
|
|
|
|
|
|
Re: مساعدة عاجلة: كيف يمكنني الدخول لخور سودانيز أون لاين؟! وقراءة المواضيع المحذوفة؟! (Re: Tragie Mustafa)
|
سيدة نساء الخور ..
أنا ما عارفك زعلانة من شنو ؟!! أهي حقائق وأرقام بنذكرا
هاك عينة من بوستاتك المرمية في الخور :
Quote: Re: رد وتوضيح لتسير النوراني والبوردابيات الغاضبات(عن معنى دعارة الجسد للمرأه)!! |
والله كان توضيح ما عارف ..!! ياخي بوستك دا مفروض الخور زاتو ما يقبل بيهو ..!!
وعايني دا :
Quote: Re: اسرائيل تدرس امكانية اقامة جسر جوي لاغاثة اهل طوكر عن طريق ارتريا!! |
معقولة بس .. بلا اسرائيل بلا بطيخ معاك ..!!
وكمان دا :
Quote: Re: كيف بلع(عمرو موسى)(القبطي)لسانه بعد شراء فيلا له بجزيره النخله الاماراتيه من قبل الانقاذين! |
جبت حاجة من عندي أنا .. كلوة جبتو من الخور بي هناك ..!
أو قولي دي ما إنتي وباصويردق إتسرق وواحد كتب بيهو ..!!
معقولة بس ... الخور دا وأنا خائض فيهو لو رفعت قعونجة ولا صارقيلة بي هناك بلقى تحتها واحد من بوستاتك مجدوع ..!!!
سيدة نساء الخور دا والله اقل لقب تستحقيو يا تراجي ..!!
عن جدارة وإستحقاق ..!!
| |
|
|
|
|
|
|
Re: مساعدة عاجلة: كيف يمكنني الدخول لخور سودانيز أون لاين؟! وقراءة المواضيع المحذوفة؟! (Re: النذير حجازي)
|
Quote: النزير ..
Quote: في الخور دائماً بكون ناذر الخليفة أو بريمة محمد آدم
ما تنس تراجي مصطفى النالت لقب (سيدة نساء الخور) بجدارة قبل سنتين ..!!
أول ما بدا الخور يستحيل ما يكون فيهو بوسطين تلاتة يوميا كاتباهم تراجي مجدوعين بي هناك..!!
أنا وبريمة ناس الله ساكت .. بنكون منتورطين بي مداخلات مع تراجي دي في بوسطها ولمن يمشي الخور بنكون متعلقين فيهو من باب الشر يعم والخير يخص ..
وقالوا في المثل .. البياري تراجي بتوديهو الخور ..!! |
لووووووووووووووووووول @ ناذر والله ياناذر تراجي مصطفي دي أنقى زول في المنبر دا والله تقابلها على الحقيقة تحبها طوالي، ولو لاحظت أصحاب تراجي ديل كلهم قابلوها، وزولة عسل وتدخل القلب طوالي، وأنا عرفتها قبل ما أعرف سودانيز أون لاين، عرفني بيها كوستاوي، ولمن دخلت البورد لقيت الناس دي كلها بتتكلم تراجي تراجي وعايزين يشاكلوها، المهم أخوك أخو أخوان، إبتدأ يدافع عن تراجي لأنو شايفها زولة ما بتاعت مشاكل، وأول ما قريت ليها لقيتا ليك ما دايرة زول يدافع عنها بي ضراعها بتقدر على الناس، المهم هي بقت تدافع عني هنا لوول.
تحياتي يا ملك وكل عام وأنتم بألف خير وعليك الله ما تبخل على أخوك بموضوع الخور دا عندي موضوع تاني عن التوقيع لعمر علي برضو بكري وداهو الخور
| |
|
|
|
|
|
|
Re: مساعدة عاجلة: كيف يمكنني الدخول لخور سودانيز أون لاين؟! وقراءة المواضيع المحذوفة؟! (Re: النذير حجازي)
|
Quote: يا النزير كل عام وانت بخير يا اخي. اقول لك نصيحه افتح البوست بتاعك ثاني يتساهل النقاش حوله,بس ما تكثر الغضب على المتعطلين بالبورد. طنشهم لو قدرته. |
غاليتنا تراجي، سلامات وكل عام أنت وأسرتك الكريمة بألف خير، والله فعلاً موضوع الجنس موضوع سمح لو ما كان سمح ربنا ما كان حللو في الآخرة، والجنة نصها جنس ونحن كل شرقيين ما بناقش المشاكل دي، وإن شاء الله سأحاول أن أعاود فتحه مرة أخرى. لكن يا تراجي المصيبة ما في البوست دا، المصيبة إنو بكري حذف موضوع التوقيع للمناضل عمر علي، والله إفتقدناهو بشدة، وحذفو لهذا البوست يؤكد، إنو بكري قد قام بتوقيفه.
تحياتي ليك يا ملكة
| |
|
|
|
|
|
|
Re: مساعدة عاجلة: كيف يمكنني الدخول لخور سودانيز أون لاين؟! وقراءة المواضيع المحذوفة؟! (Re: النذير حجازي)
|
Quote: النذير.
أكير زائر للخور هو نازر الخليفة.
لا أظنك قد تستطيع أن تدخل الخور.
لقد تم أغلاقه تماما بعدا ما بقى يجب الرباطية بالليل.
عرفن تحت تحت أنو محمد E سليمان من زوار الخور ولكن بالليل |
عزيزنا السلطان دينق، تحياتي يا ملك وشكراً على هذه المعلومة المؤكدة، وكويس ناذر قال في طريقة كروباوية للدخول للخور
لووووووووووول@ محمد إي تعرف يا دينق بكري قال أي زول يكتب نبذة عن نفسو، المهم محمد إي قال كان مزارع وكان بزرع البطيخ في خور القاش لوول إظنو عاودو الحنين لوول
| |
|
|
|
|
|
|
Re: مساعدة عاجلة: كيف يمكنني الدخول لخور سودانيز أون لاين؟! وقراءة المواضيع المحذوفة؟! (Re: النذير حجازي)
|
العزيز النزير ..
كل سنة إنت والأسرة بخير ..
أحسن طريقة لإجتياح الخور إن يكون لك الحاسة التي تستطيع أن تتنبأ بها (بخورنة) الموضوع قبل الحدوث .. وساعتها تعمل حفظ للموضوع في جهازك بفتح ملف حفظ خاص تسميه( خور سودانيزأونلاين) or sudaneseonline stream !! heh وطبعآ أخوك لديه ملفات نادرة منذ واقعة الزميلة موناليزا عام 2003.. ومرورآ بعزيزنا سجيمان إنتهاءآ بعصماء المستشار والتي قالها قادحا لي. وأعتقد أن ناذر وآخرون يفعلون ذلك. بالمناسبة هذه الملفات تستطيع أن تمثل منحآ لتأريخ مسار النت. وإيضا يمثل الأرشيف أحد المراجع الهامة حيث إستطاع كوستاوي الشليق أن يستدعى مادة تأريخية لتجريم أخونا كانتونا .
أتفق معك حول ما قلته عن العزيزة تراجي .. فلها التحايا من على البعد فعلآ إنسانة حية و حبوبة ألله يخليها .
| |
|
|
|
|
|
|
Re: مساعدة عاجلة: كيف يمكنني الدخول لخور سودانيز أون لاين؟! وقراءة المواضيع المحذوفة؟! (Re: Ridhaa)
|
Quote: والله فعلاً موضوع الجنس موضوع سمح لو ما كان سمح ربنا ما كان حللو في الآخرة، والجنة نصها جنس ونحن كل شرقيين ما بناقش المشاكل دي، |
يا النذير نحن يا غالي حسه مش في انه موضع حلو ولا شين نحن بنكتب حول الامر من واقع وعينا باهمية في حياة كل البشر واهمية التثقيف حوله واهمية الارتقاء به.
يا النذير لو الحظته موضع الكريمات الانا فتحت بروض بيصب في تطور الوعي الجنسي عند الشعب السوداني. لكن بطريقه سلبيه نحن كمثقفين علينا مسؤلية توجيه الشباب ليصوا لخيارت جيده في حياتهم وتكون لهم علاقات مشبعه بشكل جيد وبالتاليي تحدث العفة وتقل الامراض .
الحب اكبر وقايه من الايدز يا النذير لو الناس بتعرف الحب الحقيقي بيقل الايدز اوتوماتكلي. لكن الناس في بلادنا صارت ماديه بشكل مبالغ فيه لما نقرع اجراس الخرط يجوك السفهاء يبوظوا البوست وبكري بدل ما يحذف مدخلاتهم فقط ويخلي البوست بكل كسل يشيل البوست كله!
وهذا منتوج ليس سهلا نقبل بالتعدي عليه.
اكتب موضعك ثاني صدقني واضبط نفسك في الكشل وخلينا نكمل نقاش ولو كسلان ايدنا بالمانسجر الينك النقلت منه الموضوع بالله ضروري. بعرف انا بفتحه وين ونناقش حوله.
| |
|
|
|
|
|
|
Re: مساعدة عاجلة: كيف يمكنني الدخول لخور سودانيز أون لاين؟! وقراءة المواضيع المحذوفة؟! (Re: Tragie Mustafa)
|
Quote: يا النذير نحن يا غالي حسه مش في انه موضع حلو ولا شين نحن بنكتب حول الامر من واقع وعينا باهمية في حياة كل البشر واهمية التثقيف حوله واهمية الارتقاء به.
يا النذير لو الحظته موضع الكريمات الانا فتحت بروض بيصب في تطور الوعي الجنسي عند الشعب السوداني. لكن بطريقه سلبيه نحن كمثقفين علينا مسؤلية توجيه الشباب ليصوا لخيارت جيده في حياتهم وتكون لهم علاقات مشبعه بشكل جيد وبالتاليي تحدث العفة وتقل الامراض .
الحب اكبر وقايه من الايدز يا النذير لو الناس بتعرف الحب الحقيقي بيقل الايدز اوتوماتكلي. لكن الناس في بلادنا صارت ماديه بشكل مبالغ فيه لما نقرع اجراس الخرط يجوك السفهاء يبوظوا البوست وبكري بدل ما يحذف مدخلاتهم فقط ويخلي البوست بكل كسل يشيل البوست كله!
وهذا منتوج ليس سهلا نقبل بالتعدي عليه.
اكتب موضعك ثاني صدقني واضبط نفسك في الكشل وخلينا نكمل نقاش ولو كسلان ايدنا بالمانسجر الينك النقلت منه الموضوع بالله ضروري. بعرف انا بفتحه وين ونناقش حوله. |
يا سلاام عليك يا غالية، والله يا تراجي إنت لمن تكتبي بي مزاج والله ولا الأديب هشام آدم، كلك وعي وفكر حاذق وقد عجبني الربط ما بين الحب والإيدز وفعلاً ممارسة الجنس في ظل الحب، وقاية من الأمراض وشفاء
إن شاء الله سأرسل لك رابط الموضوع حالاً
تحياتي يا غالية
| |
|
|
|
|
|
|
Re: مساعدة عاجلة: كيف يمكنني الدخول لخور سودانيز أون لاين؟! وقراءة المواضيع المحذوفة؟! (Re: النذير حجازي)
|
Quote: العزيز النزير ..
كل سنة إنت والأسرة بخير ..
أحسن طريقة لإجتياح الخور إن يكون لك الحاسة التي تستطيع أن تتنبأ بها (بخورنة) الموضوع قبل الحدوث .. وساعتها تعمل حفظ للموضوع في جهازك بفتح ملف حفظ خاص تسميه( خور سودانيزأونلاين) or sudaneseonline stream !! heh وطبعآ أخوك لديه ملفات نادرة منذ واقعة الزميلة موناليزا عام 2003.. ومرورآ بعزيزنا سجيمان إنتهاءآ بعصماء المستشار والتي قالها قادحا لي. وأعتقد أن ناذر وآخرون يفعلون ذلك. بالمناسبة هذه الملفات تستطيع أن تمثل منحآ لتأريخ مسار النت. وإيضا يمثل الأرشيف أحد المراجع الهامة حيث إستطاع كوستاوي الشليق أن يستدعى مادة تأريخية لتجريم أخونا كانتونا .
أتفق معك حول ما قلته عن العزيزة تراجي .. فلها التحايا من على البعد فعلآ إنسانة حية و حبوبة ألله يخليها . |
عزيزنا وأستاذنا عادل نجيلة (بابا ملامح) تحياتي وكل عام وأنتم بألف خير
شكراً على هذه النصائح الغالية، وقد أعجبتني حكاية "ستريم" دي دا اسم الدلع للخور وللأ شنو لوول وأتفق معك 500% في المائة بأن حبيبتنا تراجي مصطفى زولة حبوبة
تحياتي يا ملك، ونشوفك في بوست قدامى البالتوك
| |
|
|
|
|
|
|
|