|
|
 Re: السلوك السودانى والسفر بالموانى - المطار مثالا (Re: مصطفى توفيق)
|
والله صدقت أخي مصطفي توفيق.. الشغلة دي ياخ بطالة وبتحرج شديد بتين شعبنا اتخلص من العادات دي وخصوصا إنو ريحتنا بدت تضرب في كل العالم وبقينا مشهورين عالمياً بالكسل.. والفوضي..
أنا في إعتقادي إنو المسألة دي المجتمع كلو بتحمل مسئوليتا وأول مسئول الأمهات لأنهم الطفل من صغير بسمعو إنو ولدي أحسن زول .. و ولدي سيد الناس..والشافع تلقا شنبو قرب إقوم لسا نايم جنب أبوهو ولا أمو ..وكمان تلقاهو عايث فساد في البيت وبيت الجيران وكمان في المناسبات والله تكره اليوم الجابك المناسبة تلقا الشفع بتاعننا جارين وكواريك .. وإنتا ولا حتي تقدر تفتح بوذك .. المسألة يا أخوانا بدايتا البيت والتربية والنظام يطول الحديث..
تسلم والله مصطفي لأنك أثرتا موضوع غاية في الأهمية..وبحتاج تناصح وتدارس وقبل أي حاجة إعتراف
تحياتي
|
|
 
|
|
|
|
محمد المعتز جعفر
فيس بوك
تويتر
انستقرام
يوتيوب
بنتيريست